الأخبار
منوعات سودانية
عريس يلغي اجراءات زواجه بسبب والدته.
عريس يلغي اجراءات زواجه بسبب والدته.
 عريس يلغي اجراءات زواجه بسبب والدته.


06-18-2013 06:52 AM

الخرطوم: قناوي:

شهد أحد الاحياء الخرطومية الشهيرة قيام أحد العرسان بالغاء مراسم زواجه ورمى يمين الطلاق على العروس وذلك اثناء قيام ما يسمى بحفلة الصبحية حيث تلقى العريس اتصالا هاتفيا بضرورة حضوره لسقوط والدته المصابة بالضغط اثناء استعدادها للحضور الى منزل العروس

وعندما اخطر العريس عروسه بضرورة ذهابه الى منزل والدته ثارت العروس في وجهه وامرته باكمال بقية الطقوس الا أن العريس فاجأ الجميع برمى يمين الطلاق والذهاب الى منزل والدته وتحويلها الى مستوصف خاص بالخرطوم.

الراي العام


تعليقات 40 | إهداء 0 | زيارات 12654

التعليقات
#701143 [العيسابي]
0.00/5 (0 صوت)

06-19-2013 01:43 PM
مكيدة من الأم والظاهر إنها مامقتنعة بالعروس والولد مصر عليها ...ونجحت المكيدة


#700805 [زوجة]
0.00/5 (0 صوت)

06-19-2013 08:36 AM
ايها الرجال لازم تعرفوا ان الام والاب والاخ والاخت ما بتعوضو لكن الزوجة ممكن تعوضها بزوجة اخرى حتي الذرية ممكن تعويضه باذن المولي ولكن معالجة الامور بحكمة وعقلانية هو المطلوب مع حفظ كرامة الزوجة لانها من كرامتك ولا ترضوافي مسالة الزواج الا علي ما ترتاحون اليه خاصة من ناحية الدين والاخلاق والجمال لان هذاه مسالة مصير لان الحياة تحتاج الي رفق بانفسنا ولغيرنا والرفق في التعامل تنقاد اليه القلوب والنفوس
وعليك ان تضع حدا لكل واحد سواء كانت الام او الاخت او الزوجة وتكون قائدا للسفينة حتى تصل بها الي بر الامان والله المستعان وصلى الله علي سيدنا محمد وعلى آله وصحبه اجمعين


ردود على زوجة
[ام الدكاتره] 07-14-2013 03:19 PM
كلام جميل ي زوجة اضيف اليه عدم التسرع فى الحكم على النساء اعتقد العريس اتسرع فى الحكم على العروس -لانها كانت تحب اكمال العادات - ولكن سوء الفهم والتسرع جعل العريس يتصرف برمي اليمن


#700742 [ودالجزيره]
0.00/5 (0 صوت)

06-19-2013 04:04 AM
هذا الفلم المصرى اسمه (فرح)


#700627 [شارون]
4.50/5 (2 صوت)

06-18-2013 10:46 PM
انا قريت كل التعليقات واقول ليكم العريس ده لاراجل ولاسمع بالرجالة ولا هاشمية لامكية .. هو اصلا كيف يمشي لي صبحية وامو مامعاهو والناس المع امو ديل اكيد اخواته .. وكيف يشيل كرعيهو لي بيت نسابتو لرقيص العروس والجرتق وامه عيانه ماعارف الحاصل ليها شنو .. واكيد في كم حاجة في تفاصيل العرس كسر فيها راي امه وسمع كلام مرتو وزعل امه ورضي مرتو ونسابتو عشان كده مرته تجرأت وقالت ليهو ماتمشي لي امك ( مااصلك قبل كده سمعت كلامي البمنعك تسمعو هسي شنو قدام صاحباتي ) رجع المره يازول هووووي وخش لي بيتك واكان انت اصلك عندك كلمة وراي سويهو جوه بيتك مع مرتك ماقدام الناس وخت ليها النقاط فوق الحروف من اول يوم وخطوطك الحمراء كان عندك .. وهي انا مابوصيها الغبيانه


#700570 [MAHMOUDJADEED]
0.00/5 (0 صوت)

06-18-2013 08:54 PM
لِكُلِ داءٍ دواءٌ يستطب به الا الحماقةُ أعْيَت من يداويها .


#700427 [بت ملوك النيل]
5.00/5 (3 صوت)

06-18-2013 05:58 PM
قلنا مليون مرة قبل ما تفتشوا الجمال شوفوا بت الرجال


ردود على بت ملوك النيل
United States [ياسر ابراهيم] 06-19-2013 05:40 AM
الموضوع ماهو جمال ولا بت رجال يا بت الملوك لكن الشيء المؤسف هو أن معظم الرجال لم يفهموا طبيعة المرأة حتى الآن مع أن هذا الشيء مذكور بالسنة والكتاب حيث قال (ص): (استوصوا بالنساء خيراً فإن المرأة خلقت من ضلع أعوج، وإن أعوج ما في الضلع أعلاه) فأن ذهبت تقومه كسرته والكسر المقصود هنا (الطلاق) هذا الخطاب موجه إلي الرجل مباشرة ولذلك كان علي هذا العريس أن لا يتصرف مثل هذا التصرف ويمكن أن يحل المشكلة بمقاربة مختلفة تماما وستحسب له علي أنه أنقذ أمه وأنقذ زواجه أيضا.

United States [الحردان] 06-18-2013 10:29 PM
والقال ليك منو هي جميلة .. ممكن شينة وقطيمة


#700320 [خالد ابوخلود الخالدي]
5.00/5 (3 صوت)

06-18-2013 04:10 PM
راجل ود رجال ، يديك العافية


#700142 [ابوايمن الحلاوى]
4.25/5 (3 صوت)

06-18-2013 12:45 PM
دى هاشمية رئيسنا الدمر بيها البلد وجعلته اضحوكه وحديث المجالس !!! انت مخ مافى عشان تتصرف وتتخذ الامر بعقلانيه وحكمه !!! الشفقه تطير وتقع البئر...


#700101 [فرقتنا]
5.00/5 (1 صوت)

06-18-2013 12:18 PM
تعليق علي خبر مطبوخ ومتحيز وكاتب الخبر عرف من وين مشي الولد لي امو وداها المستوصف خبر غير مؤكد للاثاره وعباره عن موقف تحريضي للتعليق لا اكثر والصحفي ضعيف ولم يراعي المهنيه


#700096 [مها احمد الخليفة]
4.98/5 (8 صوت)

06-18-2013 12:14 PM
عليكم الله اسه اهل الغريس ما كان ممكن يودو الام المستشفى و و يخلوا العريس لحدى ما يتم مراسم زواجو و بعدين يكلموهو يمشى المستشفى هو و عروستو معززين مكرمين ( بالجد القصة فيها حسد و مكر )


ردود على مها احمد الخليفة
United States [ياسر ابراهيم] 06-19-2013 05:46 AM
صدقتي يا اختي للأسف نحنا كسودانيين ما عندنا أي حسن تصرف في مثل هذه الحالات وكان بالأمكان أفضل مما كان.

[ابومياس] 06-19-2013 01:58 AM
اها ياشاطرة يخلوه يكمل العرس حتى يوريه بعد العرس ولا قدرالله اذا ماتت حيكون منظروا كيف

[الحكيم] 06-18-2013 08:47 PM
تفيرك ضعيف ياهو دا طبع النسوان المابيفهموا يخلى امو عشان الصبيحية يا متخلفة يا عديمة الانسانية كان دا ود الجيران مفروض يخلى الصبحية

United States [خالد طة الخال] 06-18-2013 12:56 PM
ها ها ها انت واللة بالجد يامها هايفة هيافةوين المراسم البكملها العريس
ياها رقيص العروس انتو اقعدوا في جهلكم دة وعاداتكم الهبلة دي عشان كدة بقيتوا بايرات بالكوم ّّ ّّ قبل اسبوع صديقي المغترب في ليبيا فسخ الخطوبة بعد ماحدد مع العروس الزواج في عيد رمضان وحجز صالة وفنان وتذاكر الي ماليزيا شهر عسل تخيلوا الاختلاف البت اهلها ولا منو ماعارف حرشوها وقالو ليها القروش شويةالتي تسمي المتكفي والغريبة في الاول استلمت المبلغ وكانت موافقة وبعدين غيرت رايها اهاالحين فكاهاللبورة الجد جدوكلو بسبب جهلكم

[nagatabuzaid] 06-18-2013 12:34 PM
وان فى الفترة الكمل فيها المراسم القلتيها ماتت امه ؟؟ التراب والضريرة كالن خشمه

الزوجة ممكن تتكرر لكن الام وين وان كان اهل العروس فيهم فايدة كانوا اوقفوا كل شىء وجروا معاه الى ان يطمئنوا على امه ثم يكملوا مراسم صبحيتهم


#700053 [ود الغـــــــــرب]
4.00/5 (3 صوت)

06-18-2013 11:41 AM
خلى بالكم الزولايه داير تشد فوقو السرج قبل مايشدها والفحل فطن لمكرها (انه من كيدكن ان كيدكن

عظيم) صدق الله العظيم ديل ما صويحبات سيدنا يوسف وبالمناسبه دى قصه قصيره (الام شالت شيلة ولدها على بيت الخطيبه ومعها بعض اهلها ودخلوا بيت الخطيبه بالزغاريد استقبلوهم كويس ولما شافوا الشليه ام العروس حلفت على ام العريس بالخروج من البيت ورجع شيلتكم معاكم بحجة انها ناقصه الام قالت ليهم الكلام ده عيب خلو الشيله وسوف نتمها ليكم قالوا ليها بره البيت
الام رجعت والعريس سمع بالاهانه لامه قال ليها يامى طردوكم و فى هذا الاثناء كان العريس بتحنن وفى بعض البنات يقمن بعملية الحنه كما الحال عندنافى السودان العريس حدد احدى هذه البنات وقال ليها سالتك بالله لو قلت ليك تزوجينى بتقبلى قالت ليها والله طوالى ماعندى مانع وانت مافيك عيب
قال لامه عشانك ولكرامتك انا بعرس البت دى و العرس يتم على هذه البنت اليوم باذن الله وقد كان ان تمت خطوبة البنت من هلها وابو البنت عقد للعريس فى نفس اليوم وتم الزواج وهذا الطبع السودانى الاصيل


ردود على ود الغـــــــــرب
United States [الحردان] 06-18-2013 10:32 PM
ممكن في حلتهم بعملوا كده يانجاة ..

United States [nagatabuzaid] 06-18-2013 12:39 PM
بس قصتك دى عجيبة شوية ما سمعنا بعريس بتحنن يوم الشيلة حسب المتعارف عليه الناس يا دووووووووووب بعد الشيلة ( المهر والملابس وكل مايخص اجراءات العرس ) يبداوا الاستعداد


#700019 [عبدالرحمن]
5.00/5 (7 صوت)

06-18-2013 11:20 AM
عافي منك الفحل ......والله يبلغ امك العافية....


ردود على عبدالرحمن
United States [المجاور خور مقاديــــم] 06-18-2013 02:24 PM
كان على العروس أن تضع نفسها فى مكانه من الناحية النفسية فى تقبل الخبرخاصة مكانة الأم عظيمة ولاتقدر بثمن، عموما العريس ان شاءالله ربنا ح يعوضوا بانسانةة تنسيهو الماضى وتمل حياتو هناء وسرور


#700014 [Amin]
4.99/5 (11 صوت)

06-18-2013 11:16 AM
والله أعلم :


1/الأم من أول ما عاجباها القصة
2/ كانت هنالك أجواء توتر قبل واثناء الزفاف - خلت العريس -(بعير ناقص قشة )
3/ رفضت الأم الذهاب للصبحية ( المافي ليها داعي) ،،، واخيرا وافقت تحت الضغط
4/ تهاوت الأم قبل الخروج بسبب ( الضغط )
5 / قدرت العروس أن الأمر فيه مكيدة( نسائية) لفركشة الصبحية
6/ وقف البعير - أقصد العريس - حائرا ، ثم انقسم ظهره بالقشة الجديدة



7/ سوف تعود المياه الى مجاريها بعد زوال التوتر ،،، وتدخل العقلاء


ردود على Amin
United States [ناصح] 06-18-2013 12:43 PM
والله الجنة تحت اقدام الامهات واحسي ان النار من ورى الزوجات


#700007 [عبده الحاج حسن]
5.00/5 (3 صوت)

06-18-2013 11:13 AM
رُحتو طوالي مُباركين ليهو قرارو دا، وليه إنتو متسرعين كِدا علي خراب بيت الراجل بعد ما دفع دم قلبو إكون، مش ممكن تكون اُمو دي ما دايره العروس دي ومكجناها وما لقت حيلة غير تعمل المسرحية دي وتفرتق العرسة دي ،وتختار أجمل اللحظات دى وتتصل وتعمل فيها عايزة تموت وطبعاً هي بكون عندها مراسلنها من داخل منطقة العمليات ومدفوع رصيد التلفون بتاعم ، وكيدهن عظيم،


ردود على عبده الحاج حسن
United States [شارون] 06-18-2013 10:34 PM
والله حكاية المراسلين ده فاتت علينا ياعبده ..

United States [محتار حيران] 06-18-2013 05:50 PM
كلامك منطقي لكن برضو العروس ما عاقلة لانه بشوية حكمة كانت كسبت راجلها وكانت تقوم هي قبليهو وتقول ليهو والله ما ممكن نتم العرس وامك في المستشفى وحتى تكسبه وتبوظ ليها خطتها اذا افترضنا انه الموضوع مكيدة من امه يعني في النهاية القرار كله كان في يد العروس لكن بحماقتها خسرت كل حاجة الله يحلب اللبن بيناتم


#699965 [مقهور]
3.50/5 (5 صوت)

06-18-2013 10:47 AM
علي الطلاق بالتلاتة من حريمي التلاته إنت راجل وود رجال ...الأم واحدة لكن البايركس كتير..وكان ماضبحت الكديسه كان ضبحوك ...ربنا يديك بت الحلال الهديه ورضيه ...عفارم عليك


#699952 [الشاعر]
5.00/5 (4 صوت)

06-18-2013 10:38 AM
يعنى كان ممكن يذهب وبالتالى هى لا تستطيع اكمال العرس بدونه ولما يسمع اهل العروس العقلاء بان العريس ذهب لوالدته سوف يتبعه الباقين ومعاهم العروس قايدنها من اضانها يعنى العيس لم يراعى صغر سن العروس واذا انت ياعريس من هسع بتتصرف كده يأخوى احسن ليك تقعد بدون عروس لان الجايات انت مابتقدر عليهن.


#699945 [أبو ريناد]
0.00/5 (0 صوت)

06-18-2013 10:36 AM
راجل ود رجال .


ردود على أبو ريناد
United States [أبو ريناد] 06-18-2013 05:25 PM
(Here we go )

You also

[Here we go] 06-18-2013 12:43 PM
You have to see a Psychologist right now


#699944 [سوداني أصيل جداً جداً جداً]
0.00/5 (0 صوت)

06-18-2013 10:35 AM
والله راجل وبطل


ردود على سوداني أصيل جداً جداً جداً
[Here we go] 06-18-2013 12:44 PM
You are a big idiot


#699938 [أبو عكــاز]
4.44/5 (8 صوت)

06-18-2013 10:32 AM
ما فى داعى للطلاق .. بس كف واااااحد و يمشى يلحق أمو


ردود على أبو عكــاز
[Here we go] 06-18-2013 12:47 PM
You are a primitive man


#699922 [ابوايمن الحلاوى]
0.00/5 (0 صوت)

06-18-2013 10:23 AM
معقول فى ام مابتحضر فرح ولدها؟؟؟ والمكالمه لهى دسيسه ؛ وان كيدهن عظيم!!! ولو جاك ماتقبلى بيهو؛؛؛ الظاهر انه دا ود امه وما عاوز افارقها... واحترام الام لهو عتبه مقدسه وما عارف ؟؟؟


#699916 [موسى عثمان]
0.00/5 (0 صوت)

06-18-2013 10:20 AM
ألف ألف مبروك الجنة أن شاء الله الله والله فرحت ثم دمعت عفيتك يا غالي وحاول اذا اعتزرت تقبل عزرها ( المسامح كريم )


#699908 [Abdalla]
3.00/5 (1 صوت)

06-18-2013 10:18 AM
الجنه تحت اقدام الامهات .... ومن برا بوالديه اكسبه الله حسن المعيشه في الدنيا ... ورضا الرحمن ،

وربنا يهدي العروس


#699896 [بت عثمان]
2.00/5 (1 صوت)

06-18-2013 10:10 AM
كلامك صاح وبتستحقهالاكن ما كنتا تسرع في الطلاق


#699872 [مظفر سيد احمد عثمان]
0.00/5 (0 صوت)

06-18-2013 09:58 AM
عفيت منك يابو ضراع ودا الموقف الصاح ، شكلها كانت داير تستلم الراجل من قولة تيت ونست او تناست ان الام هى الام وهى الاقرب لابنها ، بنات آخر زمن


#699871 [موسى محمد]
0.00/5 (0 صوت)

06-18-2013 09:58 AM
دي أحسن إتخارج منها بدري لأنها كانت ستتعبه في المستقبل


#699868 [منشده]
0.00/5 (0 صوت)

06-18-2013 09:56 AM
هلا هلا


#699861 [سوداني والسلام]
1.00/5 (1 صوت)

06-18-2013 09:53 AM
انشاء الله ما يكون ضبطا تلاتة طلقات كان اديها طلقة واحدة بتجيب خبرا ويخلي اتنين للظروف ، هسه الناس في شنو وناس الراي العام في شنو !!!


#699847 [عمكم البهمكم]
4.50/5 (3 صوت)

06-18-2013 09:41 AM
يا إبني...صدقني انت كده ما خسران....ربنا يعوضك قريشات العرس


ردود على عمكم البهمكم
United States [ابوالمكارم] 06-18-2013 01:56 PM
دا الرجالة ولا بلاش .راجل وود رجال .والله بعوضو بى بنت ناس وكان ظروفو قصرت رقبتنا سداده ..... رفع راسنا قوق.

United States [ناصح] 06-18-2013 12:48 PM
لا اظن انه خسران ان كانت نيته برا بوادته فمن نرك شيئا لله عوضه الله خيرا منه ولو كانت العروس صالحة لأصرت ان تذهب معه لوالدتة هي يعني الصبحية شنو ما مجرد غناء واختلاط بالنهار أما كفى سفور الليل


#699833 [ود سعد]
3.00/5 (1 صوت)

06-18-2013 09:30 AM
عفارم عفارم عليك ياود الرجال , امك ثم امك ثم امك ...


#699820 [رياض]
0.00/5 (0 صوت)

06-18-2013 09:17 AM
لو ما عمل كده ماكان برهن انو ود حلال


#699800 [ود العوض]
0.00/5 (0 صوت)

06-18-2013 09:00 AM
عفارم عليه


ردود على ود العوض
United States [العوض] 06-18-2013 10:49 AM
صدق كنت بكتب نفس الكلام والله عجبني وسر بالي في قصة سيدنا ابراهيم عندما اتي الى زوجة ابنه اسماعيل وقال لها كيف عيشتكم قالت عيشة ضنكة وحياة صعبه وحالنا ما بسر الحبيب قال لها عندما ياتي ابني قولي له ابيك بسلم عليك ويامرك ان تغير عتبة الباب وعندما اتي اسماعيل قالت له ما قال: قال امرني ابي ان اطلقك وبعدها تزوج وجاء سيدنا ابراهيم وقابل الزوجة الثانيه وقالت له عكس ما قالت الاولي وقال لها عندما ياني ابني قولي له ان يثبت عتبة بابه. العبرة من القصة ان الزوجه التي لا تحترم الوالدين فطلاقها افضل من وجودها حتي لو كانت في ليلة الدخلة واي واحدة تاني تعمل حسابها ودي كانت تجربة لي العريس اذا لم يذهب كان الخازوق الركب لي الليلة وانا من هنا بنصح وبحزر زوجة العوض ان تحترم ام العوض والا والله سوف اضرب عنقها واضرب ادم بتاع الدكان ومافيش سلام عليكم


#699799 [hmamizo]
5.00/5 (1 صوت)

06-18-2013 09:00 AM
قايتو ياناس الراي العام بقيتو بتاعيين شمارات عينة ؟؟


#699780 [ود امبعلو]
3.00/5 (2 صوت)

06-18-2013 08:47 AM
عافيه منك وراضيه عنك سو رضاي
مابخيب الرضة والدتو ياجناي


#699767 [مريود]
5.00/5 (2 صوت)

06-18-2013 08:30 AM
رائحة المكر موجودة.


#699761 [ابوعثمان]
3.00/5 (3 صوت)

06-18-2013 08:18 AM
ان شاء الله ربنا يرزقك بأحسن منها نعم التصرف والله


#699749 [ديامي قديم]
3.00/5 (3 صوت)

06-18-2013 07:51 AM
دة الشغل الصاح يا عريس عفيت منك تب وربنا يديك زوجة صالحة تحترم أمك .. هذه العروس كشفت عن حقيقتها البائسة


ردود على ديامي قديم
[سامية] 06-18-2013 12:26 PM
و ليه العريس يندم يا عمر، يندم على عروس تثور في وجهه وتأمره باكمال بقية طقوس الصبحية و والدته مريضة و محتاجة الى ولدها ليأخذها الى المستشفى؟، كان مفروض تواسي زوجها و تتمنى الشفاء لوالدته و تترك طقوس الصبحية فى مثل هذه الظروف و لكن يبدو انها عروس تفتقر الى الذوق و المشاعر الانسانية و خيرا فعل عندما طلقها، عافية منه.

[عمر] 06-18-2013 09:31 AM
العريس ندمان وثافة التراب


#699743 [ابو ابراهيم]
3.00/5 (2 صوت)

06-18-2013 07:45 AM
والله راجل


#699715 [الفاتح عثمان]
5.00/5 (8 صوت)

06-18-2013 07:05 AM
زولك اتحامق وشالته الهاشمية كان ممكن يعالج الموضوع بهدوء وبعدين يقيم الموقف واتخذ قرارة


ردود على الفاتح عثمان
United States [عباس] 06-18-2013 11:30 AM
امثال هذه التصرفات معدومة عندنا نحن السودانيين وللتاكيد انظر الى اغلب التعليقات وانته تعرف مدى حماقتنا واستعجالنا فى الامور .

United States [العوض] 06-18-2013 11:18 AM
الشدة من اوله ياود عثمان هي لو كانت عاقلة كانت مشت معاه وكانت حا تكبر في عينو لي يوم الدين وكانت ام زوجها غصبا عنها تحترمها يعني لو كل واحد عالج الموضوع بي هدوء زي ماانت قلت كان مافي حاجه اسمها طلاق. وليك من العوض مليار سلام

United States [ودالبلد] 06-18-2013 10:36 AM
كلامك صاح 100% ياالفاتح ، كان يجب عليه أن (يتأنى) ليتأكد أن فعلاً حالة والدته تستدعى مغادرته ، لأنه مع إحترامنا للوالدة فإن كثير من الأمهات (تصيبهن الغيرة) من الأنثى التي أستولت على (جناها)

United States [2] 06-18-2013 10:33 AM
العروس غبية يا شيخنا و هي التي كان ينبغي ان تقيم الموقف

United States [AAA] 06-18-2013 10:16 AM
الفاتح عثمان إنتة الظاهر عليك زوجتك ما سكاك من بيوووو......

United States [سيسينيو] 06-18-2013 09:46 AM
انت يا خوي شكلك كدا ح تتعب كتير وانت النوع بعد ما زوجتك تضربك تقوليها انتي ضربتيني لياتو سبب؟؟؟

هوووووووووووووي يا بتاع المعالجة انت ابعد لي بعيد

United States [فرقعه] 06-18-2013 09:13 AM
اخي العزيز : هل هنالك شيئ يزعجك أكثر مما يقال لك الوالدة مريضه ؟؟؟
هنالك تفكير واحد فقط : كان ممكن يمشئ ويتجاهل راي الزوجة لعلها تحسبها صاح في وقت لاحق .


#699714 [قرفان منكم]
1.00/5 (1 صوت)

06-18-2013 07:04 AM
راجل والله .. عفيت منك .. مش زي أولاد ميكي الواحد ما بتفرز من مرتوا الا بالزفاف


ردود على قرفان منكم
United States [فرقعه] 06-19-2013 09:34 AM
خخخخخخخخخخخخخخخخخخخخخ والله كلام


#699712 [awadfanos]
1.00/5 (1 صوت)

06-18-2013 07:03 AM
good boy!!!!!


ردود على awadfanos
United States [عبوسي] 06-18-2013 04:16 PM
كلام صاح مع تنسو الجنة تحت اقام الامهات

United States [منشده] 06-18-2013 09:57 AM
هلا هلا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة