الأخبار
أخبار إقليمية
البشير: تحقيق نمو اقتصادي دليل على قدرتنا على تجاوز الحصار والتآمر
البشير: تحقيق نمو اقتصادي دليل على قدرتنا على تجاوز الحصار والتآمر
 البشير: تحقيق نمو اقتصادي دليل على قدرتنا على تجاوز الحصار والتآمر


06-20-2013 10:48 AM
كشف الرئيس عمر البشير عن تحقيق معدل نمو اقتصادي ايجابي وفقاً لتقرير قدمه له أمس الاول محافظ بنك السودان المركزي اكد خلاله تحقيق الاقتصاد الى نمواً في اداء القطاعات الانتاجية كافة.

وأكد البشير لدى مخاطبته الجلسة الافتتاحية لمؤتمر اداء الاعمال في السودان أمس ان تحقيق هذا النمو يؤكد قدرة الحكومة على تجاوز الحصار المفروض عليها البلاد والانتصار على المتآمرين عليها والذين يسعون لمحاصرتها، ووصف البشير انعقاد المؤتمر بانه فرصة لتحسين اداء الاعمال بالبلاد وتبسيط الاجراءات.

ووجه البشير بانعقاد المؤتمر سنوياً واشراك الجهات الخارجية والداخلية في فعالياته، وانشاء ادارة او كيان بالمجلس الاعلى للاستثمار تعنى بتحسين مؤشرات أداء الاعمال في السودان، بجانب توجيه الاجهزة المعنية بالاستثمار بالمركز والولايات بتوفير المعلومات للمجلس القومي للاستثمار لتقديمها للمستثمرين داخل وخارج البلاد وانشاء قاعدة بيانات .

واكد البشير ضرورة التنسيق بين كافة الجهات لتحسين اداء الاعمال بالبلاد ، والالتزام باللوائح واعمال الشفافية والتعامل مع المستثمرين بمفهوم العملاء واستخدام التقانات الحديثة. وجدد البشير اهتمام الدولة ودعمها لجهود تحسين اداء الاعمال وبلوغ ما يرتجى في مجال الاستثمار.

وأشار البشير الى ان مؤشرات اداء الاعمال تخدم التنمية في كل بلد وتسهم في اتخاذ القرار السليم ، كما ان الاقتصاد يعتمد بشكل اساسي على مؤشرات اداء الاعمال، ووجه البشير في هذا الصدد بتوفير المؤشرات المرتبطة بقضية كل دائرة وتحديدها بمهنية عالية، واعتبر تنظيم المؤتمر بانه يشكل دفعة قوية لتنفيذ الاستراتيجية القومية،بجانب انه محطة للمراجعة وتصحيح المسار.

الراي العام


تعليقات 9 | إهداء 0 | زيارات 1559

التعليقات
#702339 [عصمتووف]
0.00/5 (0 صوت)

06-20-2013 09:14 PM
شن فهمك في الاقتصاد هل تعرف تستنجي نمو نمو مافائدة النمو وكيلو السكر وصل الصين


#702287 [الهلالي]
0.00/5 (0 صوت)

06-20-2013 07:47 PM
انا والله ما عارف النمو الاقتصادي اللي بيقولوا عمر البشير ده وين؟ هل هو في المريخ ام في السودان؟ والله ما شايف اي نمو اقتصادي على ارض الواقع... الاسعار في زيادة يوميا... والجنيه نازل امام الدولار يومي.... والزراعة خسرانة خسرانه وبقينا نستورد السكر والقمح وقريبا جدا حسنتورد اللحم... فعلا ماذا بنيت النمو الاقتصادي اذن؟


#702270 [سوداني زعلان]
0.00/5 (0 صوت)

06-20-2013 07:30 PM
انت بتغش في منو
نحن الشعب مابصدقت
لأنك كذاب
شوفو دي
http://transparency.org/country#SDN
الوصلنا لي كدي منو غيرك
انت مشً ولي الأمر و الناهي و الأمر بأمر الحزب
بلدك نمرة 3 في الفساد


#702258 [عادل السناري]
0.00/5 (0 صوت)

06-20-2013 07:11 PM
تقارير صندوق النقد الدولي و البنك الدولي قي عامي 2011 و 2012 التي حقق فيها السودان نسبة نمو سالبة و كانت -1.8% و -2.3% علي التوالي --- و انا متأكد تماما ان هذة التفارير توجد في مكتب عمر البشير و بقية مكاتب المسؤليين الذين لهم صلة بها --- لماذا يتعمد الانقاذيين الكذب في اشياء واضحة وضوح الشمس في رابعة النهار -- في بلد وصل سعر جالون جازولين اسعار خرافية و هي مقبلة علي موسم زراعي و من اين يأتي النمو هذا و كل صباح جديد تنهار الخدمات و المؤسسات الانتاجية من مشاريع زراعية و مصانع و غيرها -- صحيح الاختشو ماتوا .


#702068 [العوض]
0.00/5 (0 صوت)

06-20-2013 02:43 PM
نمو اقتصادي امسك ياالبشير
1ـ الرغيفة وزنها 20 جرام وبي 200 جنيه
2ـ تعليم خلاص انسي
3ـ صحة مافي ايدز منتشر
4ـ فساد مالي واداري امسك
5ـ صرف صحي مافي
6ـ اكتفاء ذاتي مافي
7ـ جعججعه في الفاضي في
8ـ وعود وكذوب وحروب
9ـ طرق مافي والدليل طريق الموت مدني الخرطوم ماقادر حتي تعملو ماشي وجاي
10ـ المرتب الحد الاقصي ليهو 3 ايام
11ـ بلد مصدر للحوم واهله مالاقين عدس
12ـ بلد زراعي وبناكل من مما نستورد
13ـ عندك 100 مصنع سكر وبتستورد سكر ياسكر
14ـ وتقول توفير عمله صعبه العمله انت قاعد تجيب بيها جيبوب (لكزس ,وكروزر )
ان شاء الله لو قاعد من هنا لي الصباح والله اقول ليك لا عندك اقتصاد ولا عندك نمو والسودان من يوم جات الانقاذ جاتوا انيميه من كتر الكضب حق الكيزان ومن حلت علينا جانا الجوع والمرض
واقتصاد حبوبتي احسن من اقتصادك على الاقل كانت بتوفر من حق المصروف وتكفينا شر الحاجه انت عندك دين من هنا لي سنة 2041 ما تحلها قبل كم يوم قالوا ديون السودان 41 مليار انا بشك انو السودان ديونو بس 1 مليار والاربعين شالوها ناس لا لدنيا قد عملنا والعوض بقول:
( بل لدنيا قد عملتم انتم للوطن دمار وخراب وعذاب واحتراق ) وسيب الدفة لي غيرك ياعمك ولم باقي حريمك وشتت من وش الوطن عشان خلاص بقي ما فيها وطن ..ومن العوض مافي اي سلام ولا احترام


#702019 [mohd]
0.00/5 (0 صوت)

06-20-2013 01:56 PM
وأكد البشير لدى مخاطبته الجلسة الافتتاحية لمؤتمر اداء الاعمال في السودان أمس ان تحقيق هذا النمو يؤكد قدرة الحكومة على تجاوز الحصار المفروض عليها البلاد والانتصار على المتآمرين عليها والذين يسعون لمحاصرتها، ووصف البشير انعقاد المؤتمر بانه فرصة لتحسين اداء الاعمال بالبلاد وتبسيط الاجراءات.




تقرير مضروب مفبرك


وماذا عن التريليونات التي تسرق سنويا يا بشير الشئوم ؟

الفيكم اتعرفت يا لصوص يا منافقين يا كذابين


#701879 [مواطن]
0.00/5 (0 صوت)

06-20-2013 12:01 PM
ان النمو الاقتصادي المقصود هو نمو في حساباتهم الخاصة


#701804 [الشحمان مغسة]
5.00/5 (1 صوت)

06-20-2013 11:02 AM
الليلة وووووب وتاني وووووووب ... سكلبة رسمي وشعبي يا بشة لو صدقت التقرير السجم ده ... نمو؟! بتاع شنو؟ غفلتك فاتت حدها وانت في تيهك وغيك وضلالك انت حتغرق وتغرقنا معاك الغرقة الما منها مرقة تب ... لا حول ولا قوة الا بالله


#701797 [بلاك بلوك فرع السودان]
5.00/5 (1 صوت)

06-20-2013 10:54 AM
قاام الصبح صلى الفرض حمد الاله من غير زعل ..
جابتلو الفطور .. شن الفطور .. بس لازم الحمد .
اتنهد سرح وين المشي ووين الامل .. قالتلو خيير
التايه بت مبروكه ساكنه حداهو تب سمع الصراخ
قال ليها قومي شوفيهم جاهلهم مالو .. يدو الضراع يسكتو
يا حليلك انت الماك جايب خبر .. خليك في حالك كده
هو وينو الضراع البجيب لبن .. نشف الللبن
حتى الضرع مسكو المرض ودهوو الحكيم قال لازملو شيل
اااه يا دنيا مالك علينا مقبله .. وااه يا وطن وااه يا بلد
مالك علينا مدينا الشقي ... مالك علينا حامينا القعاد
عايزنك سند عايزنك امان عايزنك وسادة نتوسده
البلد حكموهو اولاد الحرام .. الجونا من طرف المدن
جوك بي ليلا لئيم زي كلاب مسعوره تنهش في اللحم
قالوا السلام ورديت السلام وينو السلام .. ولا غشاك بي هنا
اتشاوروا واتامروا قطعوك نص .. زي طيرا بلا جناح
خانوك ناس حجر العسل وباعوك ناس كاب الجداد
اصلو العرق دساس وحاتك متصل والزمن برجع يعود
خانوك زمااااان مع الغازي الدخل احتضنوه بي كل حنان
باعوك زمااان .. باعوك يا بلد وأنت لسه في العشم
تتعلي وتزيد وعشمت في اولاد الحرام ..
انتظر الفرج لسه الدنيا خير
لسه الدنيا في وهسه اولادك بجو
خليك بخير دام انت في .
وخليك بخير دام انت في
وخليك بخير دام نحنا في .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة