الأخبار
أخبار إقليمية
الامام الصادق المهدى : مبارك الفاضل يعمل على زعزعة زعزعة السودان وهو من يقف وراء وثيقة الفجر الجديد
الامام الصادق المهدى : مبارك الفاضل يعمل على زعزعة زعزعة السودان وهو من يقف وراء وثيقة الفجر الجديد
الامام الصادق المهدى : مبارك الفاضل يعمل على زعزعة  زعزعة السودان وهو من يقف وراء وثيقة الفجر الجديد


حزبنا سيسعى للجلوس مع الجبهة الثورية بغرض الوصول إلى حلول سياسية
06-20-2013 09:55 AM
على ذمة صحيفة الرأي العام :

جدّد الإمام الصادق المهدي رئيس حزب الأمة القومي، رفضه الصريح والمعلن لاستخدام السلاح والعنف في حل صراع السلطة بالسودان، وأكد أن حزبه مع إقراره بحقوق ومطالب بعض حركات التمرد بدارفور، لكنه ضد حمل السلاح والعمل المسلح.

وقال المهدى لدى مخاطبته اجتماعاً لقيادات الحزب من الولايات بغرض تنويرهم بمشروع ميثاق النظام الجديد، إنّ حزب الأمة سيسعى للجلوس مع حركات التمرد بغرض الوصول إلى حلول سياسية عبر الحوار والتفاوض.

وفي سياق آخر، شنّ المهدي هجوماً عنيفاً على مبارك الفاضل واتهمه بالعمل على زعزعة السودان، وقال: (مبارك همه الأول والأخير السلطة)، وأكد أن مبارك الفاضل هو من يقف وراء وثيقة الفجر الجديد التي نقلت الحرب لكل مناطق النفوذ التاريخي لحزب الأمة.

وطالب المهدي، قيادات حزبه بضرورة تسويق ميثاق النظم الجديد على القوى السياسية بالولايات، بجانب تكوين لجنة على مستوى المهجر لجمع توقيعات من أجل مشروع التغيير بالبلاد.


تعليقات 27 | إهداء 0 | زيارات 3728

التعليقات
#703013 [صديق مهدي هباني]
0.00/5 (0 صوت)

06-21-2013 08:51 PM
السيد الصادق الكﻻم ده عيب يصدر منك بعدين انت همك شنو شارفت علي اثمانين ومص علي قيادة حزب اﻻمة وانتلﻻسف افشل من تولي قيادة هذا الكزب المقاتل في انت اول شق حزب اﻻمة وفي عهدك تشرزم الحزب وتركته اغلب القيادات القوية لم يبقي معك غيرابنائك وبعض المنتفعين الذ ين يتبعون المؤتمر اﻻ وطني بعدين اذا مبارك همه السلطة انت همك شنو وﻻ هدفك شنو او موقفك شنو حقو تحدد ﻻنك كل يوم عندك موقف وما اظن انه يوجد اي حزب او فصيل سياسي او ثوري يثق بك وﻻ حتي المؤتمر اﻻ وطني وهذا ما قاله كرتي انه انتو بتاخدوا قروشهم باليل وتنبزوهم بالنهار يا سيد صادق نصيحة مني لك ولكل من يحبوك ان تعتزل ااسياسة والتصريحات وان تحافظ علي ما تبقي لك من تاريخ ﻻنك اصبحت مشكلة كبيرة للحزب ولكيان اﻻنصار وﻻسرة المهدي.


#702576 [Mohamed Mohamed Ali]
0.00/5 (0 صوت)

06-21-2013 08:08 AM
الله بزعزعك دنيا وآخرة ..قال مبارك الفاضل همو السلطة ..طيب المشكلة شنو؟ما اي حزب في الدنيا عايز يصل السلطة..وانت ما كنت في السلطة عملت شنو؟ وليك مليون سنة في اعلى سلطة لحزب الامة عملت فيهو شنو؟ غير ودبت الحزب في ستين داهية..داهية تخمك انت واولادك


#702565 [hamad]
0.00/5 (0 صوت)

06-21-2013 07:38 AM
المرتزقة فى عهد نميرى لما دخلو العاصمة من الذى اتى بهم خلافك ايها الدعى الصاق وانت كذوووووووووووووووب


#702528 [ديجانقو]
0.00/5 (0 صوت)

06-21-2013 05:43 AM
الصادق المهدى وآل المهدى كلهم قايلين شباب السودان زى زمان الناس فتحت هووووى انتو لسه نا س جلاليب قصيره وهمم وافكار قديمه خلاس الناس الكانو بيقولا سيدى ديل بح انتو بتتعاملوا مع شعب غير بتاع زمان يا آثار


#702424 [حامد]
0.00/5 (0 صوت)

06-20-2013 11:31 PM
قبل كل شى احب ان اكد بانه انتهى عهد التقديس للقيادات واصبح كل رأى يوخز ويرد فلا الكلمات المسوجعة ولا العمة الملفوفة سوف تجعلنا حزب امة. اراء الصادق المهدى اصبحت تشكل عبء واحراج لشباب الحزب .انا بقوله اما الصادق المهدى او الحزب.


#702388 [الأنصارية]
5.00/5 (1 صوت)

06-20-2013 10:06 PM
من المفترض يا سيادة الإمام الهمام أن تصب غضبك على زمرة الإنقاذ التي نزعت منك سلطتك المنتخبة وعذبتك بدلاً من شتمك لأبناء الأنصار الذين لايتفقون مع نهجك الإنهزامي والإستسلامي مبارك وصحبه الميامين إختاروا طريق العزة والكرامة وأنت أصبحت عبْ على المعارضة والنضال ومن الخير لك أن تتفرغ لكتابة سيرتك الذاتية وترك المناضلين يعملون بدلاً من التهكم والتهجم عليهم - كان الله في عونك يا رجل .


#702313 [كديس]
0.00/5 (0 صوت)

06-20-2013 07:32 PM
يا الصادق ، ده مبارك الفاضل ، طيب (جِلدك) المشير بسوي في شنو ؟؟؟؟


#702303 [ككك]
0.00/5 (0 صوت)

06-20-2013 07:19 PM
يا أبوالديس

ما تسأل بس أبقي مارق يا موت بشرف ياخروج بلا عودة. أنكرب يازول أنت سوداني


#702298 [chinma]
5.00/5 (3 صوت)

06-20-2013 07:08 PM
كأنه هو شخصياً زاهد في السلطة, والأغرب له إثنان من الأبناء يعملان مع الحكومة وداخل قصورها... جاتكم داهية تاخدكم.
رسالة نوجهها للجبهة الثورية عدم التعامل مع هذا المخزل والجبان وإلا ستفقدون تأييدنا.


#702282 [عبد الله عبد الله]
5.00/5 (2 صوت)

06-20-2013 06:45 PM
01- السيد الصادق، استلم مليار جنيه سوداني لكي ينسحب من الانتخابات التي اجريت في العام 2010م، ولا يبدي أي أعتراض على نتائج الإنتخابات مما أثار حنق القيادات الشبابية التي ترشحت في قائمة الحزب في ولايات السودان المختلفة،،،،
02- أتضح جلياً، إتفاق النظام الحاكم مع السيد الصادق لتخصيص مناصب وزارية لأبناءه، دون مشاركته هو في السلطة، بإعتباره الحليف الوفي للحركة الإسلامية،،،
03- السيد الصادق، يرفض العمل المسلح الذي يقوض الوضع القائم، وبناء الدولة المدنية، ما يعني عملياَ نهاية مأساوية للأحزاب الطائفية، التي تضرب على وتر الدين في عملية التجييش والتكتل ضد الخصوم في غياب برنامج قومي شامل يمكن أن يلتف عليه قطاعات عريضة من الشعب السوداني،،،،
04- عرض السيد الصادق بمفاوضة الجبهة الثورية، يعني عملياَ مشاركته في الحكم، ورفضه لأي عملية تغيير حقيقية لحلحلة المشاكل القائمة،،،

أخيراَ، وكما قال الاخوة المعلقين، من المستبعد جلوس الجبهة الثورية مع السيد الصادق، طالما أن هناك قطاع عريض من حزب الامة مشارك في العملية الثورية، ويسعى نحو التغيير.


ردود على عبد الله عبد الله
United States [زول حق] 06-20-2013 10:37 PM
من 2002 شابكننا الصادق شارك الصادق استلم الصادق احبط المعارضه والحقيقه تقول انكم ما قادرين تتحركوا شبر من دون الصادق مجرد فقاقيع تنتمي لاحزاب مشرده ... اتجاوزوا عقدة النقص من الصادق وورونا عملكم


#702269 [بدريتو]
5.00/5 (1 صوت)

06-20-2013 06:28 PM
متى تشفو من عقدة مبارك يا زووول


#702212 [ناجي]
5.00/5 (3 صوت)

06-20-2013 04:42 PM
على الجبهة الثورية رفض التفاوض مع الصادق المهدي لانه إن كان جزء من المعارضة وقوى الاجماع فقد تم الاتفاق معها وللجبهة الثورية قنوات اتصال رسمية مع قوى الاجماع وإن كان يمثل الحكومة يجب التفاوض مباشرة مع ثلاثي الانقاذ : البشير - نافع - على عثمان للوصل لاشياء يتم انزالها على ارض الواقع ، التفاوض من اجل التفاوض مع الصادق المهدي مضيعة للوقت وتشتيت للجماهير


#702202 [حسن سليمان]
5.00/5 (1 صوت)

06-20-2013 04:16 PM
لماذا اللوم على الصادق المهدي ؟؟ الرجل يبحث عن مصلحته ووجدها في التحالف مع المؤتمر الوطني والاحتافظ بالسودان بصورته القديمة وعلى الناس البحث عن مصالحهم اينما وجدوها واتركوا الرجل في حاله يبحث عن مصالحه والدنيا مصالح


#702183 [الحقيقة مرة]
5.00/5 (2 صوت)

06-20-2013 03:43 PM
ما اصلو من يومو مبارك الفاضل دا حيطة الصادق القصيرة كلما لقى الخيبة والفشل محاصرة زعامتو الكرتونية يقوم يصرف انظار الدراويش بافتعال صراع دونكيهوتي مع منافسو اللدود على زعامة الحزب


ردود على الحقيقة مرة
[الحقيقة مرة] 06-20-2013 11:42 PM
مبارك الفاضل انصاري شجاع ومواقفو بالمقارنة دون شك موضع اكبار لانو مبدئيتو مقدمة على طموحو السياسي زعيم من عينة الازهري والرعيل ونحن بحاجة لامثالو كل ساستنا الموقعين على ميثاق الفجر الجديد هم قادة قطاعات الشعب وممثليه الحقيقيين والامل فيهم والحولم بلا حدود

European Union [كارورى] 06-20-2013 07:20 PM
صدقت ياالحقيقه
وحتما مبارك سيقود الحزب ويهزم انانيه الصادق بتوريث اولاده
اتخيل من يدعى زعامة الانصار يكون اكثر حقدا على مبارك وينسى الناس الاطاحو بيه
حرم الامام دا خرف


#702102 [انصاري]
5.00/5 (1 صوت)

06-20-2013 02:20 PM
طّلق..!!


#702011 [مستغرب]
4.63/5 (4 صوت)

06-20-2013 12:49 PM
أذكر سببا واحدا يا الكاذب يدعو الجبهة الثورية للجلوس معك, فأنت لا تعنى شىء بألنسبة لها وان جلست الجبهة للتفاوض فسيكون مع الانقاذ مباشرة وليس مع وكلاءها فأصحى من عقدة اهميتك هذه.


#701957 [Here we go]
5.00/5 (4 صوت)

06-20-2013 12:00 PM
شنّ المهدي هجوماً عنيفاً على مبارك الفاضل واتهمه بالعمل على زعزعة السودان، وقال: (مبارك همه الأول والأخير السلطة)، وأكد أن مبارك الفاضل هو من يقف وراء وثيقة الفجر الجديد التي نقلت الحرب لكل مناطق النفوذ التاريخي لحزب الأمة.Good job Mubarak, keep doing the good work and let AboKalaam talking and talking, this is his real job


#701952 [على كرار]
5.00/5 (4 صوت)

06-20-2013 11:57 AM
ألإخوة فى الجبهة الثورية الحذر كل الحذر من الصادق المهدى (أبو وشين), جماعة المؤتمر اللاوطنى مزرورين زرة كلب,أنتم و الشعب معكم بالداخل و الجنائية الدولية بالخارج و الصادق المهدى كايس ليهم مخرج و بيفتش لى نفسه عن دور فى السودان الجديد الذى لا مكان فيه للطائفية و الهلوسة الدينية.


#701934 [مراقب]
0.00/5 (0 صوت)

06-20-2013 11:48 AM
نرجو لك التوفيق لكن حتي تنجح محاولاتك يجب أن تكون تصريحاتك متوازنة فقد قلت أن حزبكم سوف يجلس مع الحركات المسلحة للوصول الي حل ولكنك لم تذكر إنك سوف تجلس مع الحكومة الحالية أيضا من أجل تحقيق الهدف!!!!!!!!


#701917 [حليم - براغ]
5.00/5 (8 صوت)

06-20-2013 11:34 AM
السلاح مفروض يستعمل مش ضد البشير وبس !!مفروض يستعمل ضد كل قذر ساهم في هدم مسيرة الديمقراطية والتقدم الاقتصادي والسياسي في السودان ..وإنت يا الصادق المهدي وود الميرغني مفروض الشعب السوداني
إذا علق البشير وعصابتة من رقابهم مفروض إنتوا يا زعماء الطائفية القذرة يعلقوكم من أرجلكم..مثل البهايم يا بهايم...


ردود على حليم - براغ
United States [زول حق] 06-20-2013 10:40 PM
زووول حاقد وغير موضوعي

United States [MAHMOUDJADEED] 06-20-2013 05:51 PM
الحلم بعيد عنك يا من تسمي نفسك حليم .. فلسانك ينضح بما في انائك .

United States [Ezzy] 06-20-2013 04:14 PM
ده اسوأ تعليق ... فقط لك ياحليم كن حليم لان الحلم سمة العظماء.


#701907 [تان]
5.00/5 (3 صوت)

06-20-2013 11:25 AM
الأمام الصادق حيرنا وجهجهنا فلأعرف له رأي واضح تاره مع النظام وتاره مع الأنتفاضه ومره يحاول تخزيل الهمم ومره يدعو للعصيان المدني ولأظن أن في مثل هذه القيادات خير للبلد أو لجماهير أحزابها لأنها في الأساس تمارس الديكتاتوريه والأنفراد بالرأي والسلطه ,,,, لقد فاتكم القطار


#701850 [عبيد الله]
5.00/5 (1 صوت)

06-20-2013 10:40 AM
والله العظيم الكلام ده أنا عارفه من قبل أكثر من ثلاثون سنه ويادوب الصادق عرفه الآن تخيلوا ؟؟؟ معناها انامفروض كان احكم السودان من زمان كان صلحتو ليكم تخيلوا ؟ وااله الفرصة ضاعت عليكم لاني أنا كبرته على حكم السودان وعمري الآن ثلاثة وخمسون سنه لانه العايز يحكم السودان لازم يكون جوكر جري ونطيط ورقيص وعريس ووووو وده كله عايز صحة وعافية ومروه لكن مبارك هو فعلا كماوصفه نسيبه .


#701847 [Alczeeky]
5.00/5 (1 صوت)

06-20-2013 10:38 AM
الصادق مازال يقدم في المبادرات وكل يوم نسمع بمبادره جديده, ماذا يريد هذا الرجل؟ هل هو بكامل قواه العقليه ويعي مايقول؟ ام ان عوامل الدهر والعمر قد اثرت عليه وجعلته لايدري ما يقول؟ واذا كان الامر كذلك فالخطاء ليس خطائه فهو معذور ولكن مابال الذين حوله يدعوه يرمي الكلام ساكت كدا ويشمت الناس فوقو, ياعالم حرام عليكم تتركو الرجل هكذا, انصحوه بان يصمت لانه حقيقه حالته اصبحت يرثي لها.


#701846 [مواطن]
5.00/5 (1 صوت)

06-20-2013 10:38 AM
ان كل افراد بيت المهدي يسعون للسلطة واولهم الامام الصادق وانة بيلعب علي الحبلين ضد ومع الحكومة


#701836 [.]
5.00/5 (2 صوت)

06-20-2013 10:31 AM
وقال: (مبارك همه الأول والأخير السلطة)،


هسي يجي بكره يقول كلامي اخرج عن سياقه و انا ما قاصد و احي وووب، مه إحترامنا للإمام الحقيقي الجالس بجانبه


#701817 [ودالشريف]
3.50/5 (2 صوت)

06-20-2013 10:11 AM
حيرتنا يا الامام ليييه بتنشر غسيلك في الهواء الطلق مابتخاف عليه من الغبار اتمنى عليك ان تتعلم من التاريخ وان تجلس مع السيد مبارك الفاضل ويتم بينكم حوار لماذا دوما تظن انك الحقيقة وبقية الاراء والافكار مجرد اوهام مبارك الفاضل من قيادت حزب الامة اختلف معكم وانشق عنكم هل سالتم انفسكم لماذ ولما لم تبحثو عن ارضية او برنامج حد ادنى تتوافق عليه مع من انشقو عن الحزب لقد وقعت ياسيادة الامام في فخ الانقاذ فهم ارادو تمزيق الحزب وانت قمت بهذه المهمة على اكمل وجه فانت اكثر الناس حبا وحرصا على السلطة فهل سالت نفسك ماذا فعلت عندما استلمت السلطة في الستينات والثمانينات فشلت واعطيت الحجج للعسكر ليسرقو السلطة باليل وانتم نئام نتمنى عليك ياسيادة الامام الخروج من دائرة ادمان الفشل وكفى محاربة لخصومك المعارضين فمن يكسب من وراء هذه الحرب التى تشنها على المعارضة فترنا من دعواتك فانت منذ 24 عاما تدعو ثم تدعو ثم تعطى مهل واذا لم يحدث سنفعل ولم تفعل شى اصبحت مثل محمود الكذاب هجم النمر اصحى يا امام


#701805 [بلاك بلوك فرع السودان]
5.00/5 (1 صوت)

06-20-2013 10:03 AM
قاام الصبح صلى الفرض حمد الاله من غير زعل ..
جابتلو الفطور .. شن الفطور .. بس لازم الحمد .
اتنهد سرح وين المشي ووين الامل .. قالتلو خيير
التايه بت مبروكه ساكنه حداهو تب سمع الصراخ
قال ليها قومي شوفيهم جاهلهم مالو .. يدو الضراع يسكتو
يا حليلك انت الماك جايب خبر .. خليك في حالك كده
هو وينو الضراع البجيب لبن .. نشف الللبن
حتى الضرع مسكو المرض ودهوو الحكيم قال لازملو شيل
اااه يا دنيا مالك علينا مقبله .. وااه يا وطن وااه يا بلد
مالك علينا مدينا الشقي ... مالك علينا حامينا القعاد
عايزنك سند عايزنك امان عايزنك وسادة نتوسده
البلد حكموهو اولاد الحرام .. الجونا من طرف المدن
جوك بي ليلا لئيم زي كلاب مسعوره تنهش في اللحم
قالوا السلام ورديت السلام وينو السلام .. ولا غشاك بي هنا
اتشاوروا واتامروا قطعوك نص .. زي طيرا بلا جناح
خانوك ناس حجر العسل وباعوك ناس كاب الجداد
اصلو العرق دساس وحاتك متصل والزمن برجع يعود
خانوك زمااااان مع الغازي الدخل احتضنوه بي كل حنان
باعوك زمااان .. باعوك يا بلد وأنت لسه في العشم
تتعلي وتزيد وعشمت في اولاد الحرام ..
انتظر الفرج لسه الدنيا خير
لسه الدنيا في وهسه اولادك بجو
خليك بخير دام انت في .
وخليك بخير دام انت في
وخليك بخير دام نحنا في .


ردود على بلاك بلوك فرع السودان
European Union [amir] 06-20-2013 09:55 PM
الصادق المهدى من قبل ما جرب السلاح و فشل داير يكون وصى على الناس انو ما يحملوا السلاح. تصبح انت ساقط فى الحتة يا الصادق المفروض توجه نقدك للحكومة ان تستجيب لمطالب حملة السلاح و الا تكون الحكاية انت راضى عنها و تدافع عنها و كيف لا و ابنك فى القصر. على الاخوة فى المعارضة فصل حزب الامة من التجمع و بكرة سوف تروا انكم على وشك الاطاحة بالنظام لان الصادق المهدى هو الذى يطيل عمر النظام وكشف كل خططكم للنظام لانه مستنفع منه ولا تحسبوا ان له شعبية لم يعد له انصار بعد، وهو عارف الحتة دى كويس و اذا تم فصل حزبه من التجمع لم و لن يقف معه حد من كوادر حزب الامة الشرفاء

[ابوالديس] 06-20-2013 02:06 PM
دا شنو دا؟؟!!!!!!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة