الأخبار
أخبار إقليمية
غازي سليمان : التفاوض مع (صعاليك) الجبهة الثورية يعني نهاية الدولة السودانية.. الإنقاذ بدون الشباب والمجاهدين (تروح شمار في مرقة).
غازي سليمان : التفاوض مع (صعاليك) الجبهة الثورية يعني نهاية الدولة السودانية.. الإنقاذ بدون الشباب والمجاهدين (تروح شمار في مرقة).
 غازي سليمان : التفاوض مع (صعاليك) الجبهة الثورية يعني نهاية الدولة السودانية.. الإنقاذ بدون الشباب والمجاهدين (تروح شمار في مرقة).


ربيع عبد العاطي : أدعو لبناء قوات تدخل سريع لمواجهة الحركات المتمردة.
06-20-2013 10:59 AM
الجبهة الثورية لديها (26) ألف مقاتل تم تدريبهم على استخدام أسلحة متطورة، وأن هدفها ليس تغيير النظام، بل تقسيم السودان لدويلات،

الخرطوم: علاء الدين موسى:

أكد د. ربيع عبد العاطي القيادي بالمؤتمر الوطني، أن الإنقاذ لم تنعم بالراحة طوال عمرها ولم يصبها الرهق حتى الآن، وقال إن السلاح وحده لا يحقق الانتصارات وإنما العقول هي التي تدير الانتصارات، وطالب بتغيير العقول.

وقال عبد العاطي في ندوة (تفجير أنبوب النفط.. مسار جديد للتصعيد والمواجهة) بمقر صحيفة (آخر لحظة) أمس، إن الاستهداف ليس للمؤتمر الوطني بل للوطن وتقسيمه إلى دويلات، وأشار إلى أن السودان يواجه العديد من المهددات تتمثل في الأمن والاقتصاد، وأوضح أن المرحلة ليست في دارفور والنيل الأزرق وجنوب كردفان، بل الغرض تعميم التوتر في ربوع السودان كافة لخلق نوع من الخوف والذعر وسط المواطنين، ووصف الجماعات المتمردة بالمجرمة، التي قال: نحن لها بالمرصاد، ودعا لبناء قوات تدخل سريع لمواجهة الحركات المتمردة.

من جانبه، أكد غازي سليمان المحامي والناشط السياسي، أنّ النظام في الخرطوم يتعرض إلى مؤامرة مستمرة تتطلب استعداد الحكومة والشعب لمواجهتها، وأوضح أن تفجير الأنبوب بداية لتصعيد الخلافات بين البلدين، وأضاف أنّ «أبو كرشولا» ليست هدفاً للمتمردين، لكن الغرض الدخول إلى الشمال.

وكشف أن الجبهة الثورية لديها (26) ألف مقاتل تم تدريبهم على استخدام أسلحة متطورة، وأن هدفها ليس تغيير النظام، بل تقسيم السودان لدويلات، ووصف غازي الجبهة الثورية بـ (الصعاليك)، وقال إن الإنقاذ بدون الشباب والمجاهدين (تروح شمار في مرقة)، ودعا الحكومة لعدم التفاوض مع الجبهة الثورية، وقال إنّ التفاوض يعني القضاء على الدولة السودانية، وقال: لا يوجد ربيع عربي، بل ربيع إسرائيلي، وشدد على ضرورة حل الحكومة العريضة التي أصبحت ترهق اقتصاد الدولة، وقال: يجب على الرئيس حل الحكومة فوراً.

وفي السياق، سخر اللواء د. محمد العباس من بعض الوزراء الذين قال إنهم لا يعرفون الوضع العسكري في البلاد، ووصفها بـ (الكارثة). وأوضح أن التفاوض لا يعني إهمال الجيش والأمن والشرطة، بل يجري على خط متوازٍ.

الراي العام


تعليقات 84 | إهداء 0 | زيارات 11941

صفحة 1 من 212>
التعليقات
#702621 [Magol]
0.00/5 (0 صوت)

06-21-2013 10:48 AM
الاثنين اتعس مويدي الانقاذ واحد غبي و قلبه ميت من الاكاذيب والثاني من العواليق و بطنه مقتوح لا اي مال حوام و الله تاس!!!!


#702599 [العرف]
0.00/5 (0 صوت)

06-21-2013 09:48 AM
#غازي امين ربيع سبتدرات#سبتدرات بعد فضحية القاهرة الي الشارع!
ربيع خايق من الجبهة /قوات امن/قوات خاصة/جيش/ابوطيرة/مجاهدين/امن بترول/توماس/كافي طيار/شرطة شعبية /موحدة/حرس حدود/دفاع شعبي/وعايز قوت تدخل سريع ،من ام طيور ،شندي،كبوشية،زيداب،عالياب/
(امين/غازي)وسكي+براندي+جن وكر هولاء هم المنافقين


#702583 [ودالعرضي]
0.00/5 (0 صوت)

06-21-2013 09:18 AM
نأسف على ذلك ونرجو منك اعادة ارسال التعليق


#702557 [امجد النور]
0.00/5 (0 صوت)

06-21-2013 08:20 AM
يارجل اتقى الله يعنى البلد هي ما مفككة حتى قبل قيام الجبهة الثورية وان حوالي 3 الى 4 مليون مواطن هم فقط من يستفيد من نظام الانقاذ (جملة الذين قاموا فعلا بالتصويت للبشير) اما بقية الشعب السوداني فهو مهمش ومغيب تماما" سواء ان كان ذلك في القطاع الحكومي او القطاع الخاص. واقولها لك صراحة لو جاءت إسرائيل لغذو السودان لكانت اقل شرا" من الانقاذ وخياري الطبيعي ان أختار اقل الشرور. ومن هذا المنطلق فهناك تأييد واسع للجبهة الثورية رغم ان طبيعتنا كسودانيين لا تميل للتغيير المسلح ولكنه يبدو في وجود الانقاذ أخف قدرا".


#702523 [Almo3lim]
0.00/5 (0 صوت)

06-21-2013 06:19 AM
و الله ما قصرتوا ..

وريتوا الأرزقية (شبههم) ... الأتنين من أتفه خلق الله ..

المجد لشباب الراكوبة ...


#702497 [جيفارا]
5.00/5 (1 صوت)

06-21-2013 03:26 AM
أثلجتم صدورنا يا شباب كل هذه التعليقات تصب في خانة مشروع السودان الواحد البعيد عن الجهوية والعنصرية ...مشروع التآخي والحرية والعدالة


#702423 [nagatabuzaid]
5.00/5 (1 صوت)

06-21-2013 12:29 AM
موافقين ونبصم بالعشرة يا مسيو ربيع بشرط ان تكون انت قائد هذه القوات ةالافوكاتو مسيو فازى سليمان نائبك وانتما الاثنان فى المقدمة ونحن خلفكما مع شرط اخر ان يكون غازى واعى ومصحصح لكى يشعر بما سيذوقه من ويلات طبعا الشرطان من سابع المستحيلات


ردود على nagatabuzaid
United States [ما مرتاح ..... وما مرتاح] 06-21-2013 08:03 AM
لله درك ...نجاةابوزيد..
علقتي فوفيتي وكفيتي...
...احترامي...


#702422 [إسماعيل البشارى زين العابدين]
5.00/5 (3 صوت)

06-21-2013 12:23 AM
غازى ..يسارى يناصر حقوق المستضفين !!!غازى حركه شعبيه مركب مكنه مؤتمر وطنى !!!غازى محامى !!!!!!!!غازى برلمانى !!!غازى (لولا الشباب والمجاهدين لراحت الإنقاذ شمار فى مرقه !!!)أقسم بالله لو أدركت ماذا يريد هذا الغازى لتركت التعليق ..ولكنى أخشى أن يكون جيبه مع المجاهدين وقلبه بغير يقين وفى دراهم وبهرج الحياه من الطامعين فأين تذهب من رب العالمين بهذا القول يالعين !!أنت لست فى قاعة محكمه والأمر لايتعلق بمادة فى القانون الجنائى ولا الفقه الدستورى !! هل قمت بعملية توصيل تيار من نافع رغم وجود عداد الدفع المقدم (الجمره الخبيثه) ؟؟بهذا المنطق ياغازى يحق لأى مواطن أن يقف أمام ساحات العداله (محاميا)معترفا به !!!إتق الله !!!هل فى العمر بقيه ومازلت تعشم فى تكسير الثلج ؟؟آسف لهذا الأسلوب ولكنى تقززت وكتبت ومحوت مرات عديده ولأول مره أدرك أن الذين يخرجون بالتعليقات بعيدا لديهم مسببات وأولها أنت وأمثالك .


ردود على إسماعيل البشارى زين العابدين
United States [ashshafo Khallo] 06-21-2013 08:45 AM
یا عشاری باخوی والله الزول دا بقی یطمم البطن والواحد مفروض ما یقرا عنوا الا علی بطن فارغه لانوا لو البطن ملیانه الواحد ح یطرش
یخسی عیلیهوا وعلی امثالوا.....وسخان


#702409 [أبو محمد]
4.50/5 (3 صوت)

06-20-2013 11:55 PM
الزول التقول شغال في طاحونه. مع احترامي لعمال الطواحين


#702336 [عصمتووف]
2.00/5 (1 صوت)

06-20-2013 09:11 PM
الحرباء وكفي


#702333 [النصيحة]
4.88/5 (4 صوت)

06-20-2013 09:08 PM
الزول ده يظهر ما عندو مراية بشوف بيها شكلو, لأنو لو بشوف شكلو حيكتشف الصعلوك الحقيقى منو!!!


#702331 [المهاجر]
0.00/5 (0 صوت)

06-20-2013 08:57 PM
انتم خونه


#702322 [الحقيقة مرة]
0.00/5 (0 صوت)

06-20-2013 08:46 PM
ودعا لبناء قوات تدخل سريع لمواجهة الحركات المتمردة
_____

وهل القوات السريعة دي حيتم بناءا سريع برضو ؟ يا للغباء المستحكم الحاكمنا


#702304 [أب دفسه]
5.00/5 (2 صوت)

06-20-2013 08:19 PM
بأختصار شديد إنت يا غازى واحد معفن


#702279 [karlos]
0.00/5 (0 صوت)

06-20-2013 07:41 PM
وأضاف أنّ «أبو كرشولا» ليست هدفاً للمتمردين، لكن الغرض الدخول إلى الشمال.?????????abu karshola is locating in south Sudan what do you mean by north sudan ya sakran????


#702271 [Fato]
5.00/5 (1 صوت)

06-20-2013 07:35 PM
ربيع الواطى والخبير فى الا شىء يقول(الأستهداف من جانب الجبهة الثورية ليس للمؤتمر الوطنى بل للوطن)وقال(أن الجبهة الثورية هدفها تقسيم السودان لدويلات)وزاد(أن السلاح لايحقق الأنتصار وأن العقول هى التى تدير الأنتصارات وطالب بتغيير العقول)كما أشار الخبير(السودان يواجه العديد من المهددات تتمثل فى الأمن والأقتصاد).أولا كفاية أستغفال لعقولنا ياأيها المتعابط وأسألك من الذى أجبر الجبهة الثورية لحمل السلاح وأشهاره فى وجهكم أليست هى سياستكم الخرقاء والعرجاء وتحديكم لكل مكونات الشعب وقولكم من أراد الحكم فليحمل سلاحه ويقتلعنا.أليست عنترياتكم الفارغة بمناسبة وبدون مناسبة للكل وأنه ليس هناك رجل من ظهر أبيه يستطيع أن يغيرنا أو يرمينا خارج السلطة والان بدأتم تنبحون كالكلب الذى ينبح خوفا على ذنبه وتقولون هدف الجبهة الثورية تقسيم الوطن وليس هدفهم المؤتمر الوطنى فأقول لك أنت كاذب أشر فالجبهة الثورية هدفها تحطيم صنم السلطة وهو المؤتمر الغير وطنى وليس هدفهم تقسيم الوطن كما قسمتموه أنتم فكفاية تباكى وزعيق,أما العقول التى تدير الأنتصارات فللأسف هذه العقول تبخرت كما يتبخر الماء لأن التمكين أحل محلها أغبى العقول كوزير دفاعكم وأنت واحد منها وحسب الرسول فىمؤتمركم الوسخى دليل اخر ولن تجدوا عقولا ذكية تمتاز بالحكمة والرزانة وقياس الأمور بمقياسها الصحيح بل أكتفوا بعقولكم المريضة التى بددت الأمن وأحلت محله الخوف والهلع ودمرت الأقتصاد فأصبح الوطن قاعا صفصفا بفضل عقولكم أيها الخبير.


#702265 [جارسيفو]
5.00/5 (2 صوت)

06-20-2013 07:23 PM
الشائب الما بيختشي ده وجهه تقول مكتح بي رماد كلامك هبوب في شبكه يا فاقد الاهلية هذب نفسك والفاظك انت علي شفاه حفرة من الموت يعني حسن اعمالك والله يحسن خاتمتك لكن ناس الجبهة الثورية ديل عندهم خازوق اسمه عود عشر والله تلحق القذافي وانت عارف عود العشر كان قعدته ........ وكان قمته............ والله يستر عليك من الجاييك والله ما حضرنا يومك


#702261 [Abukandaka]
5.00/5 (2 صوت)

06-20-2013 07:18 PM
اذا هنالك صعلوك في السودان فأنت معلم الصعاليك الكبير يبدو عمي بصرك وبصيرتك بحفنة من الدنانير.


#702244 [الصادق أبو روان]
5.00/5 (1 صوت)

06-20-2013 06:50 PM
والله يا جماعة فتشت كلمة أقولها لهذا الغازي الرديء ما لقيت لأن المعلقين أوفوه حقه بالكامل من جميع النواحي فلا تشغلوا بالكم به ، الرجل مرتزق وبدور على باقي زبالة من الإنقاذ ومال سحت يأكل بيه عيش ويموت وهو على ضلال الإنقاذ ....
فدعوه وشأنه يخرف زي ما عايز هو لا بهش ولا بنش غير كلامه السفيه ده والناس أدرى بغازي المتحول دائماً الرجل الزئبقي وصاحبه الشيوعي أمين حسن عمر كلهم صنف واحد .... حرباء تتلون أينما حطت رحالها


#702242 [ALIIIIIIIIIIIIIIIIIIIIIIIIIIII]
5.00/5 (1 صوت)

06-20-2013 06:46 PM
غزي سليمان ال صعلوك بالله اسكت خالص خالص ماناقصين يجينا طمام الواحد يدوب قام من الغداء قبل شوية واحد **** حربوية جبان ليس الا


#702237 [ثورى]
0.00/5 (0 صوت)

06-20-2013 06:30 PM
.


#702235 [Rebel]
5.00/5 (1 صوت)

06-20-2013 06:28 PM
* نحن نؤمن برسالة الراكوبه فى نقلهاالرأي و الرأي الآخر. لكنا نسأل الإداره: اين هو الراى و الآخر فيما نقلتموه عن هذا الرخيص الدنئ المدعو غازى سليمان؟ و المتخلف الغبى عبدالمتعاطى؟؟

اتقوا فينا الله، فنحن مصابين بقرحه و ضغط. و اؤكد لكم ان هذين الشخصين حتى حكومة الأبالسه لا تعيرهما إلتفاته فيما يهطرقان به.


#702175 [elffatih]
4.50/5 (2 صوت)

06-20-2013 04:35 PM
المؤتمر الوطنى هو العدو الحقيقى للسودان هو من فصل الجنوب ويعمل على تقسيم ما تبقى على قرار مثلث حمدى العنصرى هذا خلاف النعرات العنصريه التى يطلقها قادته يوميا والتى تؤدى لمزيد من التفريق بين ابناء الوطن خصوصا تصريحات نافع الاخيره (اصلاء ودخلاء )
فربيع انت تحمل الجنسيه الكنديه فغدا عندما تسوء الامور ويختلط الحابل بالنابل سوف تأخذ ابناءك وتذهب وتترك الشعب السودانى يقاتل من اجل الأمن وأكل العيش بعدما تتهور الاقتصاد فأصبح كسيح لا صناعه لا تجارة لا زراعه فأرتفع الدولار ثلاثه اضعاف الجنيه والاسباب معروفه ليس لدينا صادرات تعود لنا بعمله صعبه
فتصريح وزير الماليه امس قال ان الدوله لديها 555شركه المسجل فقط هو 176شركه اين الباقى رقم الامتيازات التى يحصلون عليها وما خفى اعظم

احترام الاخر ثقافه يا غازى انت مرة شيوعى مرة حركه شعبيه قبل الانفصال والان مؤتمرجى مصلحجيى فالذين وصفتهم بالصعاليق غدا سيجلس معهم وفد حزبك ليفاوضهم فهم على الاقل لديهم رؤيه واضحه تجاه حزبك الافاك هو اسقاطه ومحاسبتهم جميعا فياريت حزبك يكون لديه رؤيه واضحه تجاه البلد والشعب الذى يحلم بكنسكم لمزبلة التاريخ اليوم وليس غدا


#702165 [isic]
5.00/5 (4 صوت)

06-20-2013 04:23 PM
صعاليك!؟ هههههه والله ده كلام عجيب هسع الصعلوك منو إنت الخشمك كل سجاير ووسكي ومشغول ببطنك ولا الكان منهم مساعد رئيس بالقصر ووالي ولاية وخرج من كل تلك النعمه الكانوا فيها من أجل الهامش والظلم الذي لحق بهم؟؟


#702155 [ود نفاش]
4.88/5 (4 صوت)

06-20-2013 04:09 PM
يا ربى هو الزول ده تاب من البتاع داك؟؟؟؟؟؟؟؟
هذا رجل عنصرى لدرجة الغثيان
اللهم احسن خاتمتة


#702144 [ود الشايقي]
5.00/5 (2 صوت)

06-20-2013 03:55 PM
غاري وربيع عبد العادي
مهمة قلتم عن الجبهة الثورية فهم أبناء السودان لم يأتوا من كوكب آخر ، ولكن هنالك حقيقة يعرفها كل الشعب السوداني أن البشير والإنقاذ هم من قاموا بالانقلاب علي
حكومة ديمقراطية وسرقوا السودان وقتلوا هذا الشعب العظيم تارة باسم الدين ، والجبهة ما قام بها في السودان لا تشبه أخلاق الشعب السوداني وقمتم بفصل الجنوب
خوفا من الغرب .
ربيع عبد العاطي لا ازكر له مقابلة تليفزيونية ناجه لا انه يسي لا نفسة ولنظامة و لا يعرف معاني الشعب السوداني وهو رجل مريض بكل المعني وغازي رجل
فقد البوصلة وظهرة علية علامات الشيخوخة مبكرة .


#702139 [كوز كنافه]
5.00/5 (3 صوت)

06-20-2013 03:50 PM
اسع بكرة يقول انا ماقلت وأنا ماقاصد والصحفي زور كلامي وابقي راجل وأثبت الجماعة مشو إريتريا وعملو تيست للشوارع وطرق الهروب لها وبقو جاهزين موية ونور وانت ماعارفك حتمشي وين أيها العجوز المخرف والله لو كنت في عمرك ده لهذبت شعري ولساني قبل أي شئ


#702135 [محمد حسن أحمد]
5.00/5 (2 صوت)

06-20-2013 03:43 PM
يا أخوانا المسطول ده عرة المحامين السكران الحيران فاق اليومين ديل من السطلة مروج وزارة الداخلية وقف عنه حصته في الصنف ول شنو أعصابه بايظة وقاعد يشتم في ناس الجبهة مفتكر أنهم السبب في وقف حصته من الصنف
يامسطول السبب أنه الشحنة الكان جاي ليكم تم القبض عليها في مطار الخرطوم بتبليغ من أحد الخنازير من قطيعكم يعني السبب هم خنازير المؤتمر الوثني وليس الجبهة الثورية وعموماً هناك ضائقة إقتصادية في كل شئ في السكر في الجاز في البنزين في الدقيق وفي الصنف فينبغي عليك أن تتحمل وتضحي من أجل إنجاح سياسات تقشف وزير العواسة والكسرة والقراصة يعني ممكن تشم سلسيون يهدئ أعصابك شوية ويخفف عليك حالة الهياج دي إلى أن تعدي هذه الأزمة الاقتصادية


#702075 [مدحت عروة]
5.00/5 (5 صوت)

06-20-2013 02:50 PM
ربيع عبد العاطى وغازى سليمان لا تعليق على كلامكم يعنى نعلق نقول شنو!!!!!
كدى خليكم من كلام السياسة الانتوا ما فاهمين فيها حاجة ايه رايكم فى مباراة اليابان وايطاليا؟؟؟؟؟؟؟؟ ولا برضه ما فاهمين فيها حاجة؟؟؟
لكن نحن شعب السودان الفضل لا نرضى لاى كان ان يسقط هذا النظام حتى لا تفقدوا وظائفكم وامتيازاتكم وعشان تبرطعوا فى البلد زى ما عايزين فى اموالها واراضيها وكل شىء فيها ما انحنا اصلا ضان ساكت وانتم رعاتنا ولا نعرف مصلحتنا ولا مصلحة اهلنا واولادنا واحفادنا مثلكم والدليل هذا العز النحنا عايشين فيه واصلا البرسيم والاعشاب ما انقطعت مننا!!!!!!!
يا جماعة دى مصيبة شنو النحنا عايشين فيها دى يتولى امر هذا البلد العملاق اناس مثل هؤلاء البيختلف معهم فى توجههم وافكارهم ويطالب بالحرية وسيادة القانون وفصل السلطات كانما صار خائنا وعميلا ويريد الفجور وضد الاسلام ؟؟؟؟؟؟؟؟
هو فى خيانة وعمالة وفجور و خراب للدين اكثر منكم ايها الاسلامويون الفشلة الجبناء امام الاجانب؟؟؟؟؟؟
24 سنة لا قادرين تحلوا مشكلة الحكم سلميا ولا قادرين على الدفاع عن ارض الوطن من الاحتلال الاجنبى ورد الاعتداء الاجنبى كذلك؟؟؟؟؟
ياخى انتو لحد هسع ما قادرين على التمرد المسلح الداخلى خليكم من الجيوش الاجنبية المحترفة المسلحة جيدا!!!!!!!! الحل سياسى سلمى ايها الفشلة وليس الانخراط فى مشروعكم!!!!!!


#702067 [شوكة الحوت]
5.00/5 (2 صوت)

06-20-2013 02:40 PM
أرجع إلى القاموس أيها الغازي الجيفة لتعرف معنى "صعلوك". أما الشباب والمجاهدين الذين بدونهم ستذهب الانقاذ "شمار في مرقة"، فالبركة فيك يا نتن وفي أمثالك وأنجالك... وأوع تكون عايز شباب الجبهة الثورية ومجاهديها يقاتلوا في صفوف أبالسة المؤتمر الوطني. أيها الغازي، زمنك فات وغنايو مات، وحالتك حالة زول دخل المباراة في آخر خمس دقايق ومصمم على تشجيع المنتخب المهزوم!! وسيعلم الذين ظلموا أي منقلب ينقلبون، وعاشت الجبهة الثورية وعاش صعاليكها!!


#702066 [جارسيفو]
5.00/5 (2 صوت)

06-20-2013 02:40 PM
غازي سليمان ليس علي المجنون حرج ولا علي السفيه حرج انت تم ضربك من قبل امن الانقاذ الي ان اصبت بفقدان الذاكرة وانت الان يجب ان تعامل قانونا ( معاملة السفيه والمعتوه والمصاب بجنون الشيخوخة ويتم حجرك قانونا وكلامك فارغ لا معنى له ذي ضراط الابل


#702054 [omarabi]
5.00/5 (1 صوت)

06-20-2013 02:28 PM
هذا الغازى اعرف انة فقير فى التعبير لحد الأملاق ومغيب الأدراك لحد الجن
اخرح يا انت من هذا المضمار و الأ سبجد نفسك مع اهل النار


#702046 [الهلالي]
5.00/5 (1 صوت)

06-20-2013 02:22 PM
انا قمين بان السودان لن يتمزق اكثر مما هو ممزق... ما ابقى السودان حتى هذه اللحظة متماسكا ليس المؤتمر الوطني... بل الشعب السوداني لانه اوعى بكثير من المؤتمر الوطني الحاكم... الحكومة تجري وراء الفساد واكتناز المال والشعب علمته المعاناة والفقر والجوع... لذا ولسان حاله يقول (فلتذهب المؤتمر الوطني وليبقى السودان)


#702036 [مستغرب]
5.00/5 (2 صوت)

06-20-2013 02:12 PM
هذا شخص مريض نفسيا و فى حالة متدهورة للغاية و لا يستحق الانتباه أو التعليق على ما يصدر منه من ترهات و سخف لأن ذلك سيستمر فى اعطائه الاحساس الزائف بأنه لا يزال محسوب مع الناس relevant


#702032 [انصاري]
0.00/5 (0 صوت)

06-20-2013 02:10 PM
كن صعلوكاً، ولا تكن باطلاً... كالغازي.. يتمرق في لعق الاحذية.. آذانه تسترق السمع للقادم الجديد!!!


#702029 [الصديق الطيب]
5.00/5 (4 صوت)

06-20-2013 02:07 PM
المفروض انسان في سنك دي يكون عندو مبداء انت كنت عضو في الحركة الشعبية واحتمال وارد طردك منها ياسر عرمان عشان عرفك منافق وكذاب . ندوه فيها غازي وخبير النظام منو البستمع ليها يانكرة ياصعلوك. الجبهة الثورية جاياكم ناس ربيع حسافرو من البلد انت حتمش وين ياكلب....


#702015 [8855]
0.00/5 (0 صوت)

06-20-2013 01:53 PM
من هو غازي سليمان زمن هو ربيع عبد العاطي ؟


#702013 [واحد]
5.00/5 (3 صوت)

06-20-2013 01:50 PM
واحد قال شاف النبي
والثاني غش الخلق وقال جدو النبي
وزولنا قال رسلو النبي النبي
وهو مهدي الله واليابه ياباهو النبي
وداك قال جدو عم النبي
من كذب هذي الخلوق فوقنا النبي
قال احد سفهاء المدينه = حين نظرت لوجهه تيقنت من خلق الانسان من طين =


#702012 [أبوفارس]
5.00/5 (3 صوت)

06-20-2013 01:50 PM
انت رجل ليس لك مبداء وليس لك موقف ثابت .. وكل مواقفك وتقلباتك تنم عن شخصية مريضة ومهزوزة وكثيراً من الناس يشككون في قواك العقلية . إذا فليس عليك حرج فيما تقول . اما ان يطلق عليك لقب خبير وناشط سياسي فهذا ما لا يجوز ولكن ماذا نفعل في هذا الزمن الذي صنف فيه ربيع عبدالعاطي مع الخبراء .. يا غازي يا سليمان لو نسيت فذاكرة الشعب السوداني حيه ونذكرك ان في اخر مسرحية انتخابية كنت انت ( حركة شعبية ) مع هؤلاء الذين وصفتهم بالصعاليق .. هم نفسهم كنت تسميهم مناضلين وثوار عندما كنت تنسب نفسك اليهم .. وهم لم يتبدلوا ماذالوا على الدرب .. اما انت فتتبدل مواقفك كل يوم .. وانت تعلم جيداً انهم مناضلين وسيظلوا مناضلين لم تشتريهم اموال الانقاذ . اما انت فقد كنت صعلوقاً تتصيد في الماء العكر وستظل صعلوقاً .,,,


#702006 [مقهور]
4.94/5 (8 صوت)

06-20-2013 01:41 PM
غازي عار على الشعب السوداني ...حضرت له لقاء تلفزيوني بقناة النيل الازرق فثبت لي أنه أفضل من يجيد تكسير الثلج في السودان ...يا غازي نسيت عضام الكوارع في السكك حديد...
هناك ثلاثة آفات لايجب الإقتراب منها (غازي سليمان)و(ربيع عبدالعطي)و(أمين حسن عمر)هذا الثالوث خطر على الشعب السوداني ... مجانييييييييين


#701995 [مريسة ابيض]
4.94/5 (7 صوت)

06-20-2013 01:34 PM
ان شاء الله يا غازى بعد ما الحكومة تسقط نمسكك نديك لمالك عقار فى يدو ونجيب ليهو سوط عنج ممسوح بقطران مالك يقع فيك يكلحك كلحة لمن تكورك وتبول فى هدومك ويفكك تجرى بيتك ما ح نوديك كوبر لانو كوبر مليان حرامية ناس احمد ابراهيم الطاهر ومصطفى عثمان


#701986 [argl mn gazee]
4.88/5 (6 صوت)

06-20-2013 01:28 PM
في العالم لا يوجد احقر من غازي سوليمان ولا اتفه من البشير ولا اوضع من نافع ولا اجبن من الصادق المهدي ولا اخس من علي عثمان ولا اجهل من مصطفى اسماعيل ولا اسفه من اجاز(ما عارف بالجاز امه ولا ابوه) ولا اغرب من زعيم الطائفية محمد عثمان والحاج ادم حدث ولا حرج
نسال الله السلامة


ردود على argl mn gazee
[Tatto] 06-20-2013 03:35 PM
ALJAZ is his mother


#701980 [موسى محمد]
0.00/5 (0 صوت)

06-20-2013 01:21 PM
إنت أكبر صعلوك يا غازي
إنت خرفت زمان وفقدت البوصلة
بعد كدا شوف ليك كرسي هزاز ونوم قدام بيتك


#701975 [بدرالسماء]
5.00/5 (3 صوت)

06-20-2013 01:15 PM
تدخل سريع عشان تدخل وين ؟؟؟ جنــس طـلاشــــة .

الكور حمى !!!

ألحقونا سريع !!!

يا عبد العاطي ما تخرب الموت بالرفـسي ، اركز .


#701974 [الوحدة]
5.00/5 (3 صوت)

06-20-2013 01:14 PM
غازي الكلب كم عظمة رما ها لك صعاليك الانقاذ يا صعلوك


#701967 [كمال الشناوي]
4.94/5 (10 صوت)

06-20-2013 01:08 PM
كلمة صعلوك لاتطلق على غازي لانها كلمة كبيرة ولها معاني عربية أصيلة ومدلولات منذ عصر الجاهلية غازي أسم نكرة وثانيا ليس على المريض حرج أتركوه للتسلق والارتزاق مع عملاء الانقاذ .


#701953 [alwadah]
5.00/5 (5 صوت)

06-20-2013 12:57 PM
بسيطه دربوا ليكم ١٠٠ الف مجاهد بس من مجاهدنكم علي اسلحه احدث منها وتعالوا قاتلوهم مش كل الشعب معاكم والقروش راقده عندكم وفي سبيل الكرسي كله اهون . الكبكبه ليكم شنو


#701942 [Rio]
5.00/5 (5 صوت)

06-20-2013 12:52 PM
بالله عملوك ناشط سياسي كمان ؟؟ قاعد لكسير التلج , انشاء الله ينزلق فيك لوح يشق ليك راسك ده ياابو القنفذ


#701941 [هجام]
5.00/5 (4 صوت)

06-20-2013 12:52 PM
يا حليلك يا غازي بقيت مؤتمر وطني في الوقت الضائع، وإنت ذاتك خلاص بقيت ضائع وعايش في الزمن الضائع ، لقد انتهى عهد المؤتمر الوطني


#701928 [فنجاط]
5.00/5 (1 صوت)

06-20-2013 12:43 PM
والله انته الصعلوك ما معروف ليك جهة يوم مع المعارضة ويوم مع الحركة الشعبية ويوم مع الحكومة قوم امشي شوف ليك انداية اترمى فيها بلا يخمك .


#701925 [انور مطر]
0.00/5 (0 صوت)

06-20-2013 12:41 PM
من ارجحه ان حكومة يتعامل مع معارضة بصوت عقل لان عمل مسلح ليس من مصلحته بل يتفاقم الازمة يوما بعض يوم ومساءلة سقوط نظام الامر حتمي عليهم يراجع حسباتهم قبل ان يعطي عليهم ساعة صفر


#701921 [Alczeeky]
4.99/5 (7 صوت)

06-20-2013 12:37 PM
هذا زمانك يامهازل فامرحي... غازي سليمان وما ادراك ما غازي سليمان هذا النكره يفتي ويتبجح بانه لولا الشباب والمجاهدين لراحت الانقاذ شمار في مرقه. يا ايها النكره لو جندتو كل ماتبقي لكم من شباب مغيب عن الوعي وكل الدراويش او الفطائس علي حد قول كبيركم الذي علمكم الافك والضلال لن توقفو زحف الجبه الثوريه الي دك حصونكم وعندها يا غازي ما اراك الا مصلوبا بجوار نافع وصحبه في ميدان عام ونحن نعرف كيف ولن يستطيع احدا منكم الخروج من السودان فنصيحتي لك وانا اعني ما اقول جهز وصيتك. وتاكد ان عقاب المتتوركين امثالك وهم كثر سوف يكون اسوا من عقاب الاتراك الاصل . اللهم اني قد بلغت فاشهد...


#701896 [nasr]
5.00/5 (5 صوت)

06-20-2013 12:18 PM
ندوة المتحدثين فيهاربيع عبدالعاطى وغازى سليمان.....تخيلوا معى أمرندوة كهذه.....وياترى هل شهد أحد هذه الندوة ( العينة).....نحناناقصين


#701895 [كوكاب]
5.00/5 (7 صوت)

06-20-2013 12:17 PM
ازيدك من الشعر بيت الحركة الشعبية فقط لديها خمسين الف مقاتل وحركات دارفور مجتمعة لديها تسعين الف مقاتل اها رايك شنو وانشاء تقرا التعليق بتاعي ده عشان يجيك اسهال لمن يوديك المقابر .


#701888 [أبوالكجص]
4.75/5 (3 صوت)

06-20-2013 12:12 PM
أرجوكم يا ناس الراكوبة لا تردوا على هؤلاء المساطيل.


#701886 [chinma]
5.00/5 (1 صوت)

06-20-2013 12:10 PM
وأضاف أنّ «أبو كرشولا» ليست هدفاً للمتمردين، لكن الغرض الدخول إلى الشمال.
-----------------
ماذا يقصد أراجوز المؤتمر الوطني بالمتمردين؟ متمردين شماليين أم جنوبيين ؟ إن كان يقصد الشماليين فهم موجودين في السودان الشمالي اللهم إلا إن كان يقصد هذا الأراجوز شمال السودان الشمالي.


ردود على chinma
[ALIIIIIIIIIIIIIIIIIIIIIIIIIIII] 06-20-2013 06:44 PM
الرجل تفكيره عنصري كتفكير نافع فلا تستغرب اطلاقا اطلاقه لتفاهات كهذه... طبعا انت عارف انا قاصد شنو اخواله العباسيين جوه زيارة عشان كده هو خايف علي روحوه


#701866 [الكد]
5.00/5 (1 صوت)

06-20-2013 11:51 AM
ربيع وغازي اكبر تافهين ساقطين منافقين الخ...


#701863 [ابوسحر]
5.00/5 (2 صوت)

06-20-2013 11:49 AM
عندما كان جون قرنق متمرد كان غازي مع جنون قرنق وعمل مؤتمر صحفي في مكتبة وتم اعتقال غازي من مكتبه؟؟؟؟؟
والان يصف الناس بالصعاليك"" كيف ناس ثوار وناس صعاليك؟؟؟؟


#701856 [Goodoworld]
0.00/5 (0 صوت)

06-20-2013 11:44 AM
That is not good idea to called your nation by (SAALLIK) and you know that is not true. Why no one could understand what is Sudanese people need, they just wana change only therefore they should leave the power to the people to decide who is gonna to governe sudan after 24 YAERs nothing change jsut killing, murderning,harsing,rapping,nor rule of law.........What do u expect from............died already people!!!!!!!!!!!!


#701852 [ali alfred]
5.00/5 (2 صوت)

06-20-2013 11:40 AM
أنصحك يا غازي سليمان بعد أن أضحكت الناس على ضحالة فكرك,أن تتعلم النقد الرصين,إعلم يا غازي أن نباحك ما فادك ولا ضر من خالفك ، هذه ساحة سجال بالعقل والكلمة لا بـ الغلو والشتمة,لا نراك إلا أجيرا مرتزق.الجبهة الثوريةاشرف من تلمسه كلماتك القذرة كقذارتك.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة