الأخبار
أخبار إقليمية
النابغة السودانية مآب اللبيب : أسعدتني الرسالة التي وصلتني من أوباما - صور -
النابغة السودانية مآب اللبيب : أسعدتني الرسالة التي وصلتني من أوباما - صور -
النابغة السودانية مآب اللبيب : أسعدتني الرسالة التي وصلتني من أوباما - صور -


تتحدث أربع لغات وأحرزت المرتبة الأولى في ولاية فيرجينا
06-21-2013 06:49 PM
التقاها : عبد السلام الحاج : مآب أحمد اللبيب نابغة سودانية لم تكمل ربيعها الرابع عشر بعد ، تشق طريقها نحو التميز بخطى ثابتة ، اذ احرزت المركز الاول والدرجة الكاملة « 4. 0» في امتحانات الاساس الامريكية في ولاية فرجينيا ، مما أهلها لدخول برنامج الطلاب الاذكياء المتفوقين بأكاديمية العلوم الطبية الامريكية ، ونسبة لتفوقها الباهر وتفوقها على جميع تلاميذ ولاية فرجينيا بعث لها الرئيس اوباما برسالة تهنئة رقيقة ، كما حصلت على شهادة التميز من مدرستها ، وشهادة اكثر طالبة متفوقة في اللغة الاسبانية في مدرستها بولاية فيرجينيا ، كما انها متفوقة في المبادرات ، والنزاهة ، العمق الفكري، والصفات القيادية مما أهلها ليتم اختيارها للمشاركة في مؤتمر « JrNYLC» وهو مؤتمر خاص بالقادة القوميين الشباب ، و منذ ان كانت في مرحلة الاساس وحتى الان حصلت مآب اللبيب على اكثر من 250 شهادة تقديرية ، كما تتقن التحدث بأربع لغات وهي اللغة العربية ، اللغة الانجليزية ، والاسبانية بالاضافة الى لغة الإشارة ، تعالوا لنتعرف عليها عن قرب .
*أولا ألف ألف مبروك التفوق ؟
الحمد والشكر لله اولاً واخيراً ، ومن بعد الشكر للوالدة الغالية مواهب ميرغني البشرى والوالد العزيز أحمد محمد حسن اللبيب واخواني ولكل الأسرة الكريمة ، ثم الشكر موصول لكل من ساندني ووقف بجانبي .
*هل كنتي توقعين ان تحرزي الدرجة الكاملة؟
الحمدلله كنت متأكده أن الله لن يخذلني وانو حيجي اليوم الذي سأقطف فيه ثمار التعب والسهر .
*كيف كان برنامجك للمذاكرة ؟
كنت اقرأ درس اليوم باليوم في المنزل و انتبه لشرح المعلمة اثناء الدرس ، كما كنت استغل اي وقت في المدرسة للدراسة والمراجعة واحياناً اذهب للمكتبة .
*ما هو شعورك بعد ان ارسل لكي اوباما رسالة تهنئة ؟
شعرت بفرحه لا توصف وفخر وشرف خاصة عندما رأيت وجوه عائلتي الفخورة بي .
*ما هي هواياتك ؟
من هواياتي الاستمتاع بأخذ صور للأشياء الحولي لكي أتمكن من دراسة و رؤية العالم من وجهات نظر مختلفة ، بالاضافة الى الخياطة والرسم وتعلم الطبيخ .
* مآب والرياضة ؟
أشارك في العديد من النشاطات الرياضية ولكن رياضتي المفضله هي «running track» والسباحة وكرة القدم .
*مآب و لغة الإشارة ؟
السبب الذي جعلني أتعلم لغة الاشاره موقف حصل لي عندما كان عمري 7 سنوات في مطعم عندما أتت فتاة بكماء تطلب مساعدتي ، وكنت لا استطيع فهم ما تريد الا ان أتت والدتها فطلبت من والدتها ان تريني كيف تتحدث اليها بالإشارة مما اشعرني بالحزن و الاساةء و جذبني لتعلم لغة الإشارة لكي استطيع المساعدة اذا سنحت لي الفرصة مرة اخري ، و لم اجد صعوبة في تعلمها لأن لو عندك الرغبة الكافية لكي تتعلم فسوف تجد ما تريد تعلمه سهلا و ممتعا حتي ولو كان صعبا .
*وماذا عن اللغة الاسبانية ؟
اللغه الاسبانيه ممتعة جداً ، تعلمتها في فترة وجيزة ، لكنها مثل اي لغه تتطلب العمل الشاق والتفاني .
*ما هو دور الاسرة في نجاح مآب؟
ساعدتني أسرتي جداً بالدعم والحب والتشجيع وتهيئة الجو الأسري المريح للدراسة، والحمد لله أني لم أخيب ظنهم ، وبشكرهم بحجم روعتهم .
*عرفنا انك سوسة كتب ، ممكن تحدثينا عن اخر كتاب قمتي بقراءته ؟
اخر كتاب قرأته كتاب هو كتاب :Stories Of The Prophets
By:Ibn Kathir ,Rashad Ahmad Azami «Translator» و اعجبتني قصة النبي يونس واتعلمت منه هذا الدعاء « لا اله الا انت سبحانك أني كنت من الظالمين» و الحمد لله بستعملها كتير و ساعدتني كثيرا في حياتي ، وايضا من الكتب التي قرأتها وتأثرت بها كثيرا كتاب «The Seven Habits of Highly Effective People»
By: Stephen Covey K كتاب السبع عادات فهو كتاب رائع يعلمك الأخلاق والقيام بأعمال الخير وكيفية التعامل مع المشاكل التي يمكن ان تواجه الانسان و الطريق الي النجاح في كل سبل الحياة ، كما يوجد كتاب للأطفال باسم The 7 Habits of Happy Kids
By : Sean Covey K انه كتاب قيم جدا و يساعد في تنمية الطفل علي اسس متينة و الله المعين .
*حدثينا باختصار عن الجوائز والشهادات التقديرية التي حصلت عليها ؟
لقد حصلت علي كثير من الشهادات من مدارس مختلفة اسلامية و امريكية منها احسن طالبة في تجويد القرآن الكريم و جائزة المرتبة الاولى في المدرسة و الرابعة علي مستوي الولاية في «running track » و جائزة الطالبة المثالية في المدرسة و رسالة تهنئة من « House of Delegates-state of Virginia » ولكن اول جائزه حصلت عليها لها مكانة خاصة عندي وهي كانت جائزة اجمل لوحة في الرسم عندما كنت في الروضة.
*كيف تصفين علاقتك باخوانك الصغار ؟
علاقتي مع اخواني كأي علاقة اخوان مليئة بالحب والترابط والتعاون مع بعض الاختلاف في الآراء والمشاغبات .
*هل شاركتي في نشاطات او مبادرات تطوعية ؟
اقوم بمساعدة التلاميذ المتأخرين في مادة الرياضيات في المدرسة بعد نهاية اليوم الدراسي عبر برنامج «STEM» وايضا اقوم بتحفيظ القرآن الكريم وتدريس اللغة العربية لبعض الطلاب المسلمين .
*حدثينا عن اصدقائك ودورهم في حياتك ؟
لدي كثير من الأصدقاء من مختلف الجنسيات كانوا نعم الأصدقاء بمحبتهم واهتمامنا ببعضنا البعض لكن من المقربين لي واثق بهم وارسل لهم تحية خاصة عبركم صحيفتكم « أريج ، الاء وديع حسين و هديل حيدر و عبير عماد الدين » .
*ما هي برامجك التلفزيونية المفضلة ؟
احب برامج المسابقات والمغامرات البوليسيه ولكن المفضله لدي مسلسل NCIS وبرنامج shark tank و هو برنامج لعرض أفكار الموهوبين لي اكبر 5 أغنياء في امريكا لكي يتبنوا فكرتهم و يدعموهم في تحقيق فكرتهم ماديا والاستفادة منها بأخذ نسبة من الارباح ، و من برامج السودان بحب برنامج أغاني أغاني و فناني المفضل طه سيلمان وشريف الفحيل .
*ما هي طموحاتك المستقبلية؟
حلمي الذي أصر عليه وادعي الله ان يوفقني ان اصبح طبيبه اختصاص جراحة المخ إن شاء الله.
*لمن تهدي هذا التفوق والنجاح ؟
أهدي نجاحي هذا لامي وأبي اللذين كانا نعم القدوة لي ولكل عائلتي وكل من يعرف مآب اللبيب .
*كلمة اخيرة ؟
الحمدلله . . الله دائماً معانا وكل خير منه لذلك علينا حمد لله كثيرا.
واتق الله تجده تجاهك .

الصحافة

image


تعليقات 30 | إهداء 2 | زيارات 21504

التعليقات
#704021 [more]
0.00/5 (0 صوت)

06-23-2013 06:42 AM
الف الف الف مبروك والي الامام دائماً. ...وربناء يحفظك لي نفسك واهلك وشعبك


#703843 [كلام العجوز]
4.75/5 (3 صوت)

06-22-2013 09:13 PM
هنالك فرق ..
بين الرئيس الذي يرسل لتلاميذ بلاده التهاني والخطابات التشجيعية..
والرئيس الذي يرسل لهم الطائرات الحربية وعصابات الجنجويد البربرية..!


#703756 [nagatabuzaid]
5.00/5 (1 صوت)

06-22-2013 06:34 PM
ما شاء الله بارك الله فيها وفى كل النوابغ امثالها واكثر ما اعجبنى ارتباطها بدينها وتطوعها لتعليم الاخرين تجويد القران واللغة العربية وهو امر ليس بالسهل وفقها الله وبارك فى والديها هما السبب فى توجه الصغيرة واقارن كم من اطفال جنى عليهم والديهم بتركهم لحياة الغرب البحتة
اعجب لبعض البشر الذين لا يرضون بذكر تفوق الاخرين او مدحهم البعض حاول التقليل من نبوغها واخذ يعدد فى تميز اطفاله فى نفس الولايةاذكر مدى تفوق ابنائك على ماب او حتى مساواتهم لها وايضا نحييهم ونبارك لهم وحتى ذكر خطاب اوباما لم يرضيه . البعض تدخل فى اختيارها لتخصصها انتم مالكم ومالها هى ادرى بملكاتها واخرين ايضا رموا الى التقليل بطريق خفى اما اسواء المعلقين ( مريض نافع ) حاول نسب هذا التفوق لقرابتها بنافع ياخ مالك ممسخ على الناس ابتهاجهم بتفوق سودااااااااااانى نافع كان فى امريكا لم ينبغ احد عياله لا بنت ولا ولد يعنى ما عنده نابغة عنده تفوق ونبوغ فيما عرف عنه وابنه نابغة فى ارتياد المصايف مع اصحابه ( ياربى بعطى دروس فى التجويد من داخل المغطس اثناء السباحة ؟) اللهم نقى نفوسنا من الحسد وزد غيرنا ممن خصصتهم بخيرك ونعمك واعطنا مما اعطيتهم نتمنى ان نسمع المزيد مما يشرح صدورنا حتى وان كان ابن لنافع حقيقة ان كان له ابن او ابنة نابغة رفع رؤسنا فى العالم سنبارك له على الاقل يكفر عن ابيه الذى (دنقر رؤسنا وحنى ظهورنا )


#703730 [الجعلي]
5.00/5 (1 صوت)

06-22-2013 05:53 PM
التحية لك لنبوغك وسددالله خطاك وحفظك يا بنت القطينة والتحية لوالدك احمد اللبيب ووالدتك مواهب البشري


#703666 [ود الزين]
3.50/5 (2 صوت)

06-22-2013 04:14 PM
ألف ألف مبروك يا بتنا......أصلوا السودانيين برة بنجحوا و بطيروا و يطلعوا الأوائل :-) لكن في السودان بلحسوا كوعم بس :-( حسي بتنا دي برة بتشق طريقها للنجاح بثبات و الرئيس يهنيها.لو في السودان كانت حتشق برضوا طريقا للنجاح, نحو انو تكون ست شاي ناجحة, و طبعآ الرئيس حقوليها أمشي لناس التمويل الأصغر.... (أيا أمة ضحكت من جهلها الأمم)


#703665 [ود الزين]
0.00/5 (0 صوت)

06-22-2013 04:14 PM
ألف ألف مبروك يا بتنا......أصلوا السودانيين برة بنجحوا و بطيروا و يطلعوا الأوائل :-) لكن في السودان بلحسوا كوعم بس :-( حسي بتنا دي برة بتشق طريقها للنجاح بثبات و الرئيس يهنيها.لو في السودان كانت حتشق برضوا طريقا للنجاح, نحو انو تكون ست شاي ناجحة, و طبعآ الرئيس حقوليها أمشي لناس التمويل الأصغر.... (أيا أمة ضحكت من جهلها الأمم)


#703282 [النمر]
5.00/5 (1 صوت)

06-22-2013 09:49 AM
شكرا على جريدة حكايات وصحيفة الراكوبة على نشر مثل هذه الاخبار التي تثلج الصدر ونسال الله ان يوفقها ويحفظها ويحفظ والديها ..
وفي امريكا الدولة التي تقدر العلم وتمنيت ان يقوم مش الرئيس ولا نائب الرئيس تمنيت لو ان وزيرة التعليم العام المسئول الاول عن التعليم ان ترسل رسائل للطلاب المتفوقين في مدارسهم وتمنيت ان تؤسس وزارة التعليم شعبة في الوزارة تكون مسئولة عن متابعة المتفوقين في والطلاب النابهين وتشجعهم فقط بشهادات تقدير
انا متاكد ان لا يكون السفير السوداني في امريكا تفاعل مع الحدث لا من قبل ولا بعد تكريم اوباما لها وانما يكون همه فقط اذا جاء مسئولي حكومي زائر فقط .. انا متأكد حتى المسئول الثقافي في السفارة ما قدم لها شهادة ولا حتى دعوة لزيارة السودان او عرض عليها رحلة عمرة على حساب السفارة (طبعا لأنهم كما قالوا اصحاب مشروع حضاري)..


#703257 [محمد]
0.00/5 (0 صوت)

06-22-2013 09:06 AM
البِت دي خالة الدكتور نافع علي نافع مساعد رئيس جمهورية السودان و هو شقيق والدتها، فهذا الشبل كن ذالك الاسد، الله تكبر و العزة الاسلام.


ردود على محمد
[nagatabuzaid] 06-22-2013 05:57 PM
يهمنا ان النابغة سودانية ولا يهمنا نافع ولا سجم يكيلك انت وهو ليه نافع
ما طلع من صلبه نوابغ ؟؟ اسد ايه وشبل ايه ؟؟

United States [الجعلي] 06-22-2013 05:47 PM
جبت الكلام دا من وين
مآب ابوها ود اللبيب من القطينة وامها من ود الزاكي يعني من النيل الابيض ولا علاقة بنافع ولا اي كوز من كيزان السودان

United States [جعفر النميري] 06-22-2013 01:03 PM
الوالدة مواهب ميرغني البشرى والوالد العزيز أحمد محمد حسن اللبيب ، إيه علاقة أمها بنافع علي نافع يعني لو كان نافع أخو لأمها كان اسمها مواهب علي نافع ؟؟؟؟ ولا أخوها ولد أمها ؟؟؟ نورنا يا أبو بصيرة ..


#703207 [طارق الباز]
5.00/5 (3 صوت)

06-22-2013 05:30 AM
احرزت النجاح دا لانو الكفار بحترموا الانسان وبقدموا ليهو كل شى وبدون تفرقه وبدون واسطة وبدون انتماء. ديل الكفار بتعاملوا كده انتو وين يا الكيزان اهل الدين؟


ردود على طارق الباز
United States [مطرق الجراح] 06-22-2013 11:13 AM
دهـ عدم موضوعية أي شيء تزجوا فيه الاسلام .. يعني إنت بتأيد المسيحية واليهودية وترفع من شأنها دون الإسلام .. اتق الله لا تكن كتاباتك من أجل الكتابة .. الكفار يحترموا .. المسلم أفضل من الكافر وفي كل شيء ولا يمكن أن تقارن مسلم بكافر .. اتق الله ولا تجعل دينك عرضة لإيمانك حاسب نفسك قبل أن تحاسبك هذه الأسطر .. وحينما تلقي بجسدك على مرقدك فكر فيما كتبت وفكر في دعوتك لرفع شأن الكفار دون المسلمين ..


#703199 [nasraldeen]
0.00/5 (0 صوت)

06-22-2013 04:14 AM
iam surprising why just know she become sudanese


#703135 [isic]
5.00/5 (1 صوت)

06-22-2013 01:03 AM
الناجح باﻹجتهاد الفردي نتبعه للسودان طوالي يأخي أمرقوا من تفاهاتكم دي أمريكية وتتشرف بذلك.


#703110 [الضواها]
5.00/5 (1 صوت)

06-22-2013 12:26 AM
الف مبروك النجاح
بحكم انى اعيش فى فرجينيا واب لاطفال ولى علاقات واسعه فى الجاليه اجزم ان نسبة النجاح وسط ابناء الجاليه عاليه ومايمثل نسبة90% من الطلاب يحصلون على اسكولار شب يعنى الدراسه مجانيه على نفقة المؤسسات التعلييه او المنظمات المدنيه التى تتبنى الطلاب المتفوقين. وللعلم ان الدراسه فى الجامعات الامريكيه ذات السمعه الاكاديميه المرموقه تكلف مابين 200الف دولار او يذيد, ولكن الحمد لله ابناءنا يحصلون على درجات عاليه 4.7 او4.8 او يذيد وهى طرقة حساب المعدل الاكاديمى السنوى محسوب على الثلاثه سنين فى الثانويه.ويا اخ شاشتنا موجود نظام الاول والثانى و......
لكن ليس يذات اهميه المهم هو المعدل والمنحة التى يتحصل عليها الطالب بسسبه.
اطفالى قد بعثت لهم هذه الخطابات من ادارة اوباما ومن مجلس الولايه فرجينيا والسيناتور خطابات معنونه باسم ابنى وابنتى. هنالك طلاب يحصلون على قبول فى اكثر من جامعه عريقه.
جامعه جون هوبكنز ارسل خطاب لضم ابنى احمد لبرنامجها ورفضت ذلك بحكم انها ذحمه اكاديميه وخصوصا انه فى برامج المتفوقين .عموما اعلم الكثيرين من الابناء الذين تحصلوا على المنح هذا العام فى فرجينيا.الجيل الثانى من المهاجرين سيحققون نجاحات افضل مما يتوقع اباءهم ثق فى ذلك.
لكنى لا اعرف درجة ارتباطهم بالوطن, وثقافته الابويه وتسلط الحكام واقصاء الاخر , وعدم احترام القوانين والانسان.


ردود على الضواها
European Union [محمد السر الأبيتر] 06-22-2013 09:47 AM
الف مبروك النجاح
بحكم انى اعيش فى فرجينيا واب لاطفال ولى علاقات واسعه فى الجاليه اجزم ان نسبة النجاح وسط ابناء الجاليه عاليه ومايمثل نسبة90% من الطلاب يحصلون على اسكولار شب يعنى الدراسه مجانيه على نفقة المؤسسات التعلييه او المنظمات المدنيه التى تتبنى الطلاب المتفوقين. وللعلم ان الدراسه فى الجامعات الامريكيه ذات السمعه الاكاديميه المرموقه تكلف مابين 200الف دولار او يذيد, ولكن الحمد لله ابناءنا يحصلون على درجات عاليه 4.7 او4.8 او يذيد وهى طرقة حساب المعدل الاكاديمى السنوى محسوب على الثلاثه سنين فى الثانويه.ويا اخ شاشتنا موجود نظام الاول والثانى و......
لكن ليس يذات اهميه المهم هو المعدل والمنحة التى يتحصل عليها الطالب بسسبه.
))


يـــعني شــنو يا الضواها بس ياهو ده المفيد من كلامك الكتير ده , أما التلتين الباقية كلها أودي عملو و أولادي سووا
يا زول إنت عربي مطرطش و ألا شنو ! لسسسسسسسسة مهجوم من مشية أمريكا


#703089 [الضعيف]
5.00/5 (1 صوت)

06-22-2013 12:02 AM
هؤلاء هم السودانيون.. يمكن أن يصيروا خارج السودان وليس داخله..يا ترى لماذا؟


#703057 [Amin]
5.00/5 (2 صوت)

06-21-2013 11:18 PM
كنت أعتقد أن حلمها سيكون أفضل من السواد الأعظم في السودان
أن تكون أكثر من تقليدية . في بلد يفتح ذراعيه اليها .. وأي بلد

مثلا أن تصبح من صناع القرار في بلد موءثر
أن تكون صاحبة مدرسة دينية حديثة ومتجددة تحرك الركود
أن تكون اضافة... كقادمة من عالمنا

الطب مقبرة المواهب

معقولة بس من الصباح للمساء في غرفة عمليات ، مشرط ، منشار ، أقطع ..خيط
ما محتاجة لعباقرة...


ردود على Amin
[حقاااني] 06-22-2013 04:31 PM
والله صدقت كل الطب والعلوم المرتبطة بيهو عبارة عن مقبرة كبيييرة ودوامة تجعلك تدور حول نفسك فقط لو ابوها واعي ومتابع معانا بلا طب بلا كلام فارغ دا علم الابداع فيهو محصور ومافي زول يجي يغالط انا عااارف انا هسي جاي من night shift

[أجاك مكور] 06-22-2013 12:16 PM
الطب فعلا مقبرة المواهب ووأكاد أندم علي دراستي له. لكن بعد العمر ده كلو أعمل شنو غير المشرط والروتين من البيت المستشفي للبيت!

European Union [سوداني في المهجر] 06-22-2013 08:21 AM
كنت اتمني انك تدرسي فيزياء و تبحثي في هذا المجال فهناك الكثير الذي ينتظر ان يكتشف. لكنه قرارك يا بنتي، وفقك الله.

European Union [مجروس ش ق م] 06-22-2013 01:53 AM
وانت بقيت شنو يا فيلسوف افندي .مساهمتك للانسانية شنو ..و ﻻ قاعد تنظر ﻻ تجدع و ﻻ تجيب الحجار


#703055 [ايمن الرزيقي]
5.00/5 (10 صوت)

06-21-2013 11:11 PM
ما شاء الله تبارك الله . إن شاء الله بتى يا رب .. البيئة عندها أثر ياخ مش تقول لي جنس البقولوا للطلبة تدفعوا جنيه لدعم المجاهدين في ابوكرشولا


ردود على ايمن الرزيقي
United States [tahany] 06-22-2013 12:01 PM
.. هاهاهاى ، محن والله ضحكتنى بالجد

European Union [Sudanco] 06-22-2013 02:30 AM
hahahahahahaha, me too.ya ayman

European Union [هيثم الشاعر] 06-22-2013 12:00 AM
والله يا ايمن تعليقك ضحكني لمن بكيت هههههههههههههههه

الله يجازي شيطانك

ههههههههههههههههههه


#703053 [انور عبدالقادر]
0.00/5 (0 صوت)

06-21-2013 11:09 PM
نجن السودانين عندنا جماليات نفتخر بها والابنة النابغة شرف كبير باننانستطيع ان نصنع ونبتكر في هذاالعالم الجميل نحن جزء منه ونقدر ان نبدع اكثر اتمني من الاخوان المعلقين ان يتحلوا بروح عاليه ومافي داعي للشتم والتهزئ وخاصة للحكومتنا رغم التقصير والاخفاق في حقنا الفعلي يجب ان نحاول جاهدين برسم صورة جميلة وحضارية ونترك الكلام الجارح في حق سودانيين لا ننكر وطنيتهم فهم سودانيين وقياديين لنا ان لم نرضي بهم من المفترض ان نرجع لقول الرسول (ص) انصر اخاك ظالما او مظلوما بالتوجيه بحق نملكه هل نعالج بجدية علمية وبفهم ووعي وادراك اليس كذلك؟؟


#703042 [ali]
5.00/5 (1 صوت)

06-21-2013 10:37 PM
الناجح دائما يعتمد علي نفسه وتوظيف الامكانات التي حوله , والفاشل دائما ما يعلق فشله في شماعة الاخرين.
واتمني لماب التقدم ومواصلة هذا التفوق الباهر الذي يسعد كل انسان.


#703026 [طارق]
5.00/5 (2 صوت)

06-21-2013 10:14 PM
سير يا البشير ياكايدهم وماغصهم وهاريهم ومطلّع عينهم .. وانتو يامعارضه اها عاملين شنو مع ال100 يوم ؟؟؟!!!


#703005 [بحري نفر]
5.00/5 (2 صوت)

06-21-2013 09:37 PM
الف مبروك....الاهتمام العائلي...والمدارس الجيده هما الاساس....بعدين حريه الرأي والتعبير بدون خوف وتطبيل ونفاق ومش اليوم مسيرة تأئيد للحكومه ويلا يا طلاب مظاهره ونهب ورمي حجار....غير الشذوذ والمخدرات....والدك من الحصص...والاهم تغيير المناهج و السلم التعليمي .....والجو المناسب للدراسه بدون قطوعات كهرباء والامراض الفتاكه و العلاج المكلف....وفر كل هذه الاشياء وطلاب السودان باذن الله يكونوا الرواد!!!!!


#702998 [كركاب]
5.00/5 (1 صوت)

06-21-2013 09:30 PM
احلى حاجة خطاب اوباما .هذا هو التقدير والاشادة
مش ذى ناس قرعيتى راحت ديل.
كل الحافز ان تقوم قناة تلفزيونية بنقل حفل التهريج
كل الامنيات لك بحياة علمية وعملية ناجحة
كمثل نجاحك الذى اثلج صدورنا


#702988 [تالتن]
5.00/5 (2 صوت)

06-21-2013 09:15 PM
ترليون مبروك

بس لو جات تعمل معادلة لشهادتها دي في السودان يخصموا منها 10 % .......عجبت لكم كيف تحكمون !!!!!!!!


ردود على تالتن
European Union [ايمن الرزيقي] 06-21-2013 11:09 PM
ههههههههههههههههههههههههههههههه ياخى والله كلامك ضحكنى ضحك اريتو كان 10% بس ده لو ما ساااااااكت كده قالوا ليها شهادتك دى ما نافعه


#702981 [زويل]
0.00/5 (0 صوت)

06-21-2013 09:07 PM
بت عمي وعارفها شاطرة من بدري :
ربنا يعينك تبقي وزيرة في بلاد العم سام ترسلي لي فيزا وربنا يتم لينا الباقي على خير
ولا اقول لك من موقعك الوزراي المرتقب ساعدينا في تطفيش الكابوس الانقاذي وبالمرة البلد بلدك ومرحب بيك في اي زمان.. وفجاة صحيت من الحلم عشان ارسل التعليق الكاتبو قبل النوم


ردود على زويل
United States [ناجي] 06-22-2013 04:24 AM
أنا ما حصلت شاب كبير او صغير في السودان والا كانت امنيته ان يهاجر لامريكا .. طيب عايزين نعرف الشعب السوداني بحب امريكا ام انتهازية وعايزين تشربوا شايهم وتكسروا كبابيهم كمان حيث لا توجد مصيبة في السودان والا ارجعوها الى امريكا ولعنوا سلسفينه


#702980 [بشاشا]
0.00/5 (0 صوت)

06-21-2013 09:03 PM
يا اخوانا ده شرط عين عديل او سذاجة!

بالذات نكتة المركز الاول في شهادة الاساس الامريكية، وكانو هناك شئ من هذا القبيل علي وزن الشهاة السودانية في السودان!

ياخي معظم اطفالنا في مدارس امريكا مبرزين ماشاالله والسبب بسيط جدا:

الحياة الاسرية!

هذه محرومين منها اطفال امريكا او بالذات اهلنا السود.

ده ذات السبب الخلا الاسويين هم الاشهر في مجال التعليم.

اذن بتنا دي اعلاه ربنا يحفظا، لاتختلف عن الغالبيىة العظمي من اطفالنا في مدارس امريكا او بالتالي كلام جرايد الكيزان اعلاه مضحك حقيقة!

اما جواب اوباما فهذا مجرد تقليد روتيني لتشجيع الطلاب والجواب ده موجود في معظم بيوتنا، كاجراء روتيني لي كل الطلاب البحرزو درجات بعينها، وهذا زي ما قنا في اوساط اطفالنا عادي جدا جدا!

شخصيا بطلت من سنين اقرا اي كلام بالعربي صادر في سودان القتلة الا الانتباهة تحديدا، احيا، لانها فعلا لسان حال نظام القتلة!

بناءا عليه خلوني استغل هذه المساحة واعلن عن فكرة مشروع في ذهني من زمن بخصوص دراسة ظاهرة الاداء الاكاديمي المتفوق لاطفالنا في امريكا، بالذات اننا سود.

نعم الانطباع العام عن الانسان الاسود في امريكا، انهم يحتلون قاع المقاعد الدراسية مقارنة بالاسويين مثلا وهذا غير صحيح بل العكس في حالة اطفالنا السودانيين.

هذا المشروع لو انجزناه بيعمل فرق كبير جدا، وسيجلب فؤائد لاتحصي.
الغرض هو جمع البيانات الاحصائية البتوضح بالارقام ترتيب اطفال السودان مابين زملاهم في المدارس الامريكية. تقديري وهذا تخمين طبعا مبني علي الحاصل مكان اقامتي، اطفالنا واقعين ضمن ال10% الاوائل في فصولم في امريكا، رغم انف محارق الابادة وعدم الاستقرار السياسي من نصف قرن!

حاليا ما عندي الوكت، ولكن وباذن امون ساتولي انجاز هذا المشروع، كوالد لاطفال، كل واحد فيهم في مقدمة زملاؤ في الفصل، بل في المدرسة كلها، مش عشان اطفالنا عباقرة ولكن لانهم بتستمعو بي قيمة الحياة الاسرية او بالذات تفرغ الامهات للمدارس!

الفرق كلو هنا في دور الامهات السودانيات لهن المجد، حقيقة.


ردود على بشاشا
United States [الجعلي] 06-22-2013 06:04 PM
ابادة في عينك ...بعدين امون دا منو يطلع

European Union [Gyuoop] 06-22-2013 07:44 AM
امون في عينك اعوذ بالله

لا اله الا الله
محمد رسول الله

تمنياتنا للنابغه مآب بالمزيد من التقدم

[عمرابي] 06-22-2013 02:36 AM
ألف مبروك وليس تقليلا من شأنها ولكن ما في داعي للمبالغات وفعلا يا اخ بشاشا خطاب أوباما default موجود في اغلب بيوت المهاجرين

[Almo3lim] 06-22-2013 02:03 AM
مشكور يا بشاشا على الفكرة و أتمنى أنك تقدر تنفذها..

لكن ما قلت لينا موضوع (امون) المستني إذنو دا يطلع شنو ؟؟

United States [أبوبسملة] 06-22-2013 01:20 AM
راائع يديك العافية قلت لى بإذن آمون رع ؟! زمااان درسونا اياه فى التأريخ بس مامتذكر إله ناس منو

United States [Alkhalil] 06-21-2013 11:54 PM
يابشاشا السودانين متفوقين فى اى مكان ماعدا فى السودان وانا وانت والكل عارفين السبب كويس


#702974 [المتغرب الأبدي]
4.75/5 (3 صوت)

06-21-2013 08:52 PM
الله يحفظك ويرعاك ويبقيك ذخراً لوالديك وللوطن وللإسلام


#702968 [kola]
5.00/5 (2 صوت)

06-21-2013 08:39 PM
اللهم احفظها


#702953 [ود الباشا]
4.97/5 (8 صوت)

06-21-2013 08:20 PM
ربنا يوفقك رفعتى راس كل سودانى .طبعا لقت المناخ المناسب والبئة الصالحه ودا دليل ان اطفالنا على قدر من النبوغ وكمان الرئيس يراسلها اما فى وطنها الام كانت ضاعت شمار فى مرقة والاسباب معروووووفه للجميع وربنا كريم على بنى وطنك


#702931 [Almo3lim]
4.75/5 (5 صوت)

06-21-2013 07:40 PM
شيء مشرف و مبهج ..

أسأل الله أن يوفقها لما (يحبه) و يرضاه ...


#702927 [صابر]
4.75/5 (5 صوت)

06-21-2013 07:35 PM
نعم الوالدين ونعم الابنة المفخرة لكل سوداني
أبناء الشتات الذين تفرقت أسرهم في أركان الدنيا الأربعة هم أيضا مفخرة للسودان المكلوم بعد أن ترك فيه الانجليز أفضل مشروع زراعي بين المتوسط والكاب وأفضل جامعة بين المتوسط والكاب. وأقول أفضل نظام تعليمي. كان انسان السودان رمزا للكفاءة والأمانة والثقة وقد ساعد أبناء السودان في نهضة دول كثيرة في المنطقة. كان السوداني مرغوبا ومطلوبا واليوم أصبح منبوذا بعد نبذته بلاده. قدم جواز سفرك لأي دولة تجد من العراقيل ما يثبط همتك لسبب واحد وهو أنك لاجئ محتمل.

حا نبيه البنحلم بيه يوماتي
وطن شامخ وطن عاتي
وطن خير ديمقراطي
وسيكون لأبناء الشتات دورا كبيرا في بناء الوطن الذي سنظل نحلم به الوطن الذي يجمع ولا يفرق الوطن الذي يحتضن ولا ينبذ الوطن الجامع والبوتقة التي تنصهر فيها كل تبايناتنا وسحناتنا.


#702910 [عباس]
5.00/5 (2 صوت)

06-21-2013 07:10 PM
نهنيك ونقول لكى الى الامام والله يحفظك ويرعاك .


#702907 [ناصح]
5.00/5 (2 صوت)

06-21-2013 06:58 PM
شعب عظيم ويحكمنا الدلاهات امثال اب جاكومة الرقاص وابو ريالة وزير الدفاع بالنظر


ردود على ناصح
[طارق] 06-21-2013 10:14 PM
سير يا البشير ياكايدهم وماغصهم وهاريهم ومطلّع عينهم .. وانتو يامعارضه اها عاملين شنو مع ال100 يوم ؟؟؟!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة