الأخبار
منوعات سودانية
زواج الزميل الصحفي عبدالفتاح عرمان .. فرح بطعم النصر !!
زواج الزميل الصحفي عبدالفتاح عرمان .. فرح بطعم النصر !!
زواج الزميل الصحفي عبدالفتاح عرمان .. فرح بطعم النصر !!


شاهد الصور
06-22-2013 08:21 AM
حسن وراق

شهدت قاعة بركة الملوك بالخرطوم امسية الخميس فرحا سودانيا خالصا اصيلا ، زيجة جمعت بين اسر ارتبطت بحركة المزارعين ومؤسسيها الاوائل مع طلائع القوة الحديثة التي شكلت ملامح السودان الجديد . كان فرحا بطعم النصر اشارة بالبشارة، العريس هو الاستاذ عبدالفتاح سعيد عرمان الصحفي النابه والشجاع شقيق القائد المناضل ياسر عرمان أما العروسة ،وفاء ابنة الدكتور محمد ود يوسف احمد المصطفي اول سكرتير لاتحاد المزارعين وأمها استاذة اخلاص بت شيخ الامين محمد الامين اول رئيس لاتحاد المزارعين .

اطيب التهاني والامنيات بحياة سعيدة ونضال متواصل لا ينتهي



image

image
أم العروسة الاستاذة اخلاص شيخ الامين مع العرسان
image
العريس في حضن الوالد المربي الاستاذ سعيد عرمان
image
والد العروسة دكتور محمد يوسف بين العريس و والده الاستاذ والمربي سعيد عرمان
image
العروسة تتلقي التبريكات الاستاذ فيصل محمد صالح

[email protected]


تعليقات 31 | إهداء 0 | زيارات 17552

التعليقات
#726109 [الطيب العربي]
0.00/5 (0 صوت)

07-21-2013 04:35 AM
الف مبروك الخال العزيز فتاح ومليااااااااااااااااااااااااارمبروك .. وتحاية عطرة للجميع


#704072 [لؤي]
0.00/5 (0 صوت)

06-23-2013 09:04 AM
اخجل أو أخجلي يا تينا
تعليق ليس له رائحة أو لو أو طعم مافي داعي لمثل هذه التعليقات السيئة
لم أجد من المعلقين ما تطرق لما تتطرقت أو تطرقتي اليه
إحترام الناس واجب


#703896 [تينا]
5.00/5 (1 صوت)

06-22-2013 10:39 PM
العريس وجيييييييييه بس العروس لسه من زمن الضراعات البخلوها فى السهله ؟ عموما الف مبروك


#703876 [[email protected]]
0.00/5 (0 صوت)

06-22-2013 09:59 PM
الف الف مبروك السيد عرمان


#703839 [ادريس]
0.00/5 (0 صوت)

06-22-2013 09:00 PM
مبروك لكن ما كان تنتظر ال100 يوم دى علشان تبقى العريس اخو رئيس الجمهورية هىىىىىىىىىىىىى ىىىى


#703741 [سايكو]
0.00/5 (0 صوت)

06-22-2013 06:13 PM
الف مبروك للعرسان و نتمني ليهم كل النوفيق و السعاده
بس ( فرح بطعم النصر ) دا كيف ؟؟؟؟؟؟
النصر هنا وين ؟؟؟؟؟؟
يعني عشأن اخو ياسر عرمان اتزوج دا بعتبر نصر علي الكيزأن و لا المقصود حاجه تانيه ؟؟؟؟؟؟؟


#703680 [فنجاط]
5.00/5 (1 صوت)

06-22-2013 04:33 PM
نقول شنو ................. عقبالنا


#703622 [بكري الصائغ]
0.00/5 (0 صوت)

06-22-2013 03:24 PM
اللهم نسألك ان تجعل كل ايامهما بركات وافراح ومسرات، وان تغدق عليهما بالذرية الصالحة.


#703620 [ركابي]
0.00/5 (0 صوت)

06-22-2013 03:23 PM
الف مليار مبرووووك للاستاذ عرمان زي جونيور ولكامل ال عرمان المناضلين
كان ياخي تلبس بدلة توكسيدو سوداء معاها بابيون وكومر بان لانو البدل الكحلية مابيلبسوها في الويدينج داي


#703518 [العمرابي]
0.00/5 (0 صوت)

06-22-2013 01:56 PM
ميروك ابني فتاح بيت ماااال وعبااال وبنا يسعدك


#703510 [عصمتووف]
5.00/5 (2 صوت)

06-22-2013 01:48 PM
عقبالنا يارب متي تنفكا بورتنا وعنوستنا يا بهية عرس ليك مافي يا بهية عرس ليك مافي يا بهية عرس ليك مافي يا بهية عرس ليك مافي يا بهية عرس ليك مافي يا بهية عرس ليك مافي يا بهية عرس ليك مافي الله يخرب بيتك يالبشير البنات ابونا ضيعت احلامنا وكانت بيت بسيط ملك وعيشة بسيطة راضين بالمقسوب نبوس ايدينا بطن وظهر حليل الباع عنقريبو وقام بليلو


ردود على عصمتووف
United States [عصمتووف] 06-22-2013 09:47 PM
شكرا يا مسمي علي اسم قبيلتي الركابية الراجل ما بقطع تجاوزنا المفروض عيالنا يقولوا لينا بكره نتخرج ونشتغل نقول ليك اقعد يا بابا هذا دورنا ودينا المفروض نسدده لك بعد تعبك فينا وهو المفروض يكون يشمل جميع شباب وشابات السودان مش تقول لي زواج الشحده الجماعي المنزوع البركة اين هم بالله لكن اتحسر اتحسر علي الايام الجارية وشيوخ الافك والضلال بين ظهرانينا ونقف مكتوفي الايدي لا نعرف ماذا نعمل وانا مصمم بعت الدنيا من اجل ان اعمل للاجيال القادمة يجب ان نمهد وننظف لهم الطريق القويم تتربي كما ربونا اجدادنا وحبوباتنا وعرف الشارع نريد ان نسلمهم وطن خالي حروب وجراح وحقد وحسد كل واحد يحترم راي الاخر وطن ابيض زي الزبادي

United States [ركابي] 06-22-2013 03:18 PM
ما فات حاجة ياخي ..مافي راجل بيقطع وبكرة حتدخل القفص الذهبي بخاطرك المشكلة البيطلعنا هسع من قفص النسانيس الاسمو الانقاذ شنو هههههههههههه


#703500 [طه احمد ابوالقاسم]
0.00/5 (0 صوت)

06-22-2013 01:39 PM
اجمل التهانيء الي العروسين والتهاني موصولة لكل عروس سودانية .. ونأمل ان يعم الفرح ان يعم كل ارجاء الوطن العزيز ..
عيب علي د.نافع أن يصف الأسر المناضلة أهل الزرع والحرث بالمقاطيع .. كذلك الاستاذ غازي سليمان أن يصف أحدا بالصعلكة والعمالة .. وقد كان ضمن الفريق ..
الفرح لكل سوداني


#703406 [جوك]
0.00/5 (0 صوت)

06-22-2013 12:12 PM
1000مبروك با ود يوسف يا البقيت جدو.. بس ما شايف محمد أحمد مبارك مع تحياتي.


ردود على جوك
United States [ياسر] 06-28-2013 05:46 PM
ود يوسف بقا جدو زمااان , دي بتو التالتة يعرسوها , ما شاء الله !


#703402 [ود البردانة ام صفق عراض]
0.00/5 (0 صوت)

06-22-2013 12:08 PM
مبرووووووووووووووووووووووووووووووووووووووووك


#703390 [انصاري]
0.00/5 (0 صوت)

06-22-2013 12:01 PM
اجمل آيات التهاني، وأنقي عبارات الأماني، وإلتقى جيل البطولات بجيل التضحيات.. تواضع سوداني ونبل إنساني مشع مظهراً وجوهراَ، لأستاذ الاجيال سعيد عرمان.. "مبارك" ,للعروسين باقة منتقاه من البنفسج- ولأسرتيهم تراتيل متواصلة من سور التبريكات


#703367 [التربال]
5.00/5 (2 صوت)

06-22-2013 11:26 AM
بالله ياناس الراكوبة فى ديمقرطية اكثر من كدة ( الخبر والصور دى اكبر رد على من يتهمون الحكومة بالابادة والدكتاتورية ) يا اخوانا صاحب العقل يميز اتصورو معاى لو كان اخو او والد جندى فقط بالاماكن السيطرت عليها الحركة الثورية او الشعبية او اى من الحركات الدارفورية اتصورو انو كان حيعملو فيه شنو ياسر عرمان لانو واثق انو فى اصالى السودانيين الرجال ترك اهلو فى الخرطوم وهو مطمئن من اى منطقة اخرى اتحداه ان يترك اسرته ولو حتى يوم واحد فى جوبا( اتركو المصالح الشخصية والمؤمؤات النتنة من الجهات الخارجية والله العظيم ياناس الراكوبة انا لاكوز ولامؤتمر وطنى ولا قاعد فى السودان عشان تقولو تبع الامن والا عندو مصلحة ولايحزنون )


ردود على التربال
European Union [انصاري] 06-23-2013 01:43 AM
السيد[ تربال]

شكلك نسيت السودانيين وقيمهم يقولون ما يقولون ويركزون في مواقفهم كالجبال حتى آخر قطرة دم..,وآخر شهقة... الاستاذ عبد الخالق محجوب وصموده.. لاستاذ محمود محمد طه.. أمام قضاة النار وصلابته، العميد محمد نور سعد
وبسالته... شهداء رمضان وعزيمتهم وقوة شكيمتهم.. وصلابة أسرهم التي لم تتزحزح قط.. فقط هذه النماذج علي سبيل المثل لا الحصر هذا هو السوداني يقول كلمته ويكون مستعداً لدفع الثمن.. ,إيه علاقة الحفل بالديقراطية!!!!؟؟ أما الابادة الجماعية.. هي اعتراف صريح من الطاغية بعظمة لسانه "بسحق أرواح عشرة الف إنسان فقط لاغير في دارفور"

United States [زيي نمر] 06-22-2013 09:54 PM
بالله عليك الله شوف الكلام دا ويقوليك مافي حريةالبت شحمه كله مارق بره ومافي لا نظام عام ولا بوليس اداب مش دا انتو الدايرنو !!!!!!!!!!!!
والله لو اخو متمرد في اي بلد تانيا كان غطسو حجرو لاكين ياهو دا السودان من كرمه البلد كلها اتمردت صدق الشاعر لمن قال اذا اكرمت الكريم ملكته واذا اكرمت الئيم تمردا
واهلنا في دارفور للاسف ما وصلهم الكرم نتيجة الحرب مع الجنوب و ماصدقنا انتهت عشان يكرمونا في بلدنا قامو اللوئما تاني اتمردو عشان الخير ما يصلنا.
حسبنا الله ونعم الوكيل

[سيف الدين] 06-22-2013 09:10 PM
السلام عليكم .. التحيه ليك .. والله اتمني لو كل سوداني بقي تربالي مثلك . كان حا يكون فعلآ سلة غذاء العالم . والله المستعان

[مجدى ودالعاقب] 06-22-2013 02:50 PM
لك التحية يالتربال واتمنى ان يكون كل انسان بهذا الفهم وربنا ينصر دينك يارب

European Union [هيثم الشاعر] 06-22-2013 12:54 PM
انتي رديت علي نفسك و قلتا ما قاعد في السودان.وثانيا الانسان بيقعد في البيئه المولود فيها .واي اي انسان عندو ثقل في منطقته و البشير و كلابه لا يجروء علي المساس بشعره من ال عرمان لانهم عارفين بتفتح عليهم ابواب لا يستطعيوا مجابهتا . و الاجنده الخارجيه بتنفذ فيها الانقاذ و اكبر دليل فصل الجنوب .

و لو سمحت يا جاهل ما تكتب هنا تاني عشان كلامك مقرف و ريحته مؤتمر وطني و غير كدا ما في زول عزمك في العرس.............


#703352 [احمد/ الكردفاني]
0.00/5 (0 صوت)

06-22-2013 11:08 AM
يا شباب
العرس ده كان في السودان ام في امريكا؟؟
الف مبروووك


#703339 [الفاتح محمد احمد]
5.00/5 (1 صوت)

06-22-2013 10:52 AM
سبحان الله زواج عادي واكثر من عادي كان من المفترض ان يبث في برنامج افراح افراح في قناة

النيل الازرق ما هي الفائدة دة ابوها كدة وامها كدة وهو ابوة كدة وامة كدة كلام لايقدم ولا

يؤخر ولا دة عشان الداهية ياسر عرمان ما هو موضع ياسر عرمان من الاعراب لا شي ( صفرا) رجل

لا ميول لة سياسية رجل مصلحي اكثر من رجل سياسي هو من اسباب تدمير مقدرات هذا الشعب تارة

مع الحركة الشعبية جناح جون قرنق وتارة مع لام اكول وتارة مع مشار والان مع الحلو وبكرة

مع الشيطان بالله اتركونا من ياسر عرمان هنالك اشياء اهم من ياسر عرمان وزاج اخوة وخلونا

في مشاكل السودان وحروب السودان ودمار السودان تهجير ابادة قتل اغتصاب غلاء في المعيشة

تهجير الكوادر من اطباء ومهندسين وايدي عاملة مهرة ارتفاع الدولار وديون خارجية وتدمير

مشروع الجزيرة وتعلية خزان وبناء السد هاتوا المفيد ........... كل يوم عشرات من الشباب

يتزوجين من الحسان ولا تظهر صورهم ولا هي لله هي لله ..............زواج عادي واقل من عادي


ردود على الفاتح محمد احمد
United States [ابوالديس] 06-22-2013 02:11 PM
والله عادي انت
وسخ زقلة حيا..................

European Union [عطوى] 06-22-2013 12:10 PM
طبعا انت مع بشبش يا كوز يا ارزقى عرمان اشرف منك ومن اصلك ذااتو ..

وجاينك جاينك نوعيتك دى بالزات بعدين بتبكى ذى البنات الصغاار ..

United States [ظلال النخيل/فريد محمد مختار] 06-22-2013 12:03 PM
يا كوز المناضل ياسر عرمان هو من أسباب تدمير الانقاذ وحزبك المؤتمر ..خلي عندك شوية زوق وبارك ليهم الزواج

United States [السنجاوي] 06-22-2013 11:57 AM
ياخ بلاش حسادة معاك المقام مقام فرح وسرور أول حاجة قول مبروك
يازول انت ما سوداني والله الناس تغيرت شديد وبعدين ركز شوية ده ما ياسر عرمان قال لك عبد الفتاح عرمان
تقبل تحياتي وربنا يزوجك ولو متزوج إن شاء الله تتني ههههه

United States [زول دغرى] 06-22-2013 11:46 AM
يسلم لسانك

United States [magid] 06-22-2013 11:42 AM
أولا مبروك للعروسين انشاء الله بيت مال وعيال، أفهم أولالماذا تم عرض هذا الزواج وباين من العنوان (زواج الزميل الصحفى )وما يحتاج لكلامك الكثير ده ال من غير معنى.


#703338 [ال دكين]
1.50/5 (2 صوت)

06-22-2013 10:51 AM
اكثر مالفت نظري ان العم سعيد عرمان يشبه حال السواد الاعظم من الشعب السوداني وتبدو عايه البساطة والتواضع الف مبروك للعرسين واسرهم .


#703329 [محتار]
3.00/5 (1 صوت)

06-22-2013 10:38 AM
مبروك بيت مال وعيال


#703327 [محمداحمد حسن اوشي]
3.25/5 (4 صوت)

06-22-2013 10:36 AM
الف مبروك ليكم والتحيه للمربي الاستاذ سعيد عرمان الذي تبدو علية ملامح البساطه والتواضع والادب السوداني وان شاالله ربنا يكتب ليك الصحه والعافيه ومبروك للعريس والعروسه وربنا يهنئكم
.


#703308 [مجودي]
1.50/5 (2 صوت)

06-22-2013 10:21 AM
الف مبروك عرمان

الف مبروك دكتور ود يوسف ( وزير العمل السابق عن الحركة الشعبية )

والبنت حفيدة شيخ الأمين ( رئيس اتحاد المزارعين ووزير الصحة في حكومة اكتوبر 1964)

زيتنا في بيتنا

اولاد صراصر وحلة سعيد ومعيجنا


#703304 [ضيف عابر]
1.50/5 (2 صوت)

06-22-2013 10:14 AM
الف مبروك فرحتكم باينة وفرحنا معكم لفرحتكم والله ونسأل الله ان يديم الفرح علينا وعليكم دوما يا رب وربنا يوفقكم.


#703303 [اسماعيل احمد محمد]
2.00/5 (1 صوت)

06-22-2013 10:13 AM
لك الحب اينما كنت صديقى عبد الفتاح حتى تعيد المدينة وجه الغناء ويصدح فى الامسيات الحزينة قوس الفرح فنصمد حتى عبور النفق ..

تهانينا لك انت وعروسك الميمونة بهذا الزواج الجميل والتهانى موصولة للرفيق ياسر عرمان بكمبالا .. تقبل تحياتى


#703293 [زنقه زنقه]
2.00/5 (2 صوت)

06-22-2013 10:03 AM
والله عرس يستاهل فعلاً تتنشر صوروا


#703283 [ali alfred]
1.50/5 (2 صوت)

06-22-2013 09:50 AM
الف مبروك تمنياتنا لهما بكل السعادة والهناءه.


#703275 [المستشيط]
5.00/5 (1 صوت)

06-22-2013 09:35 AM
الزول العمل للعريس الكحل شكلو بحب البيبي باندا...


ردود على المستشيط
[ابوشنب] 06-22-2013 05:59 PM
اولاد عرمان مافيهم خيبان...وبعدين كان هو خربان كان نجًض ليك (بلل و الاقرع) بى طعنة واحدة ؟.على الاقل كما تدعون؟

United States [جحا] 06-22-2013 12:53 PM
هههههههههههههههها فعلا ويمكن هو زاتو اللى لبخ نفسه كدا.. ودا مش شقيق الخيبان داك؟؟


#703264 [محمدين]
2.00/5 (2 صوت)

06-22-2013 09:20 AM
تهانينا وألف مبروك للعروسين وبالرفاه والبنين


#703262 [النمر]
2.50/5 (2 صوت)

06-22-2013 09:12 AM
اللهم اسعدهم واسعد حالهم واجمع بينهم على خير وان يرزقهم صالحا وان يجعل سوداننا آمنا مطمئنا وان يرزق اهله العقل والحكمة


#703251 [دارفور بلدنا]
1.50/5 (2 صوت)

06-22-2013 08:45 AM
ألف مبروك أسرة سودانية قدمت الكتيب ربنا يحميكم


#703249 [كود123]
0.00/5 (0 صوت)

06-22-2013 08:42 AM
حنة جاامد ربنا يوفقكم وحياة زوجية سعيدة والف مبروك
ملاحظة العريس دا زادو ليه الكحل دا شديد


ردود على كود123
[كتكوت] 06-22-2013 12:56 PM
الكحل دا رباااااااانى !!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة