الأخبار
أخبار إقليمية
البشير : الكادر الحسابي والمالى بالدولة ضعيف وتأثر بالهجرة الضخمة للكوادر الى الخارج ..تجربة الانقاذ بخصوص تقرير المراجع العام فريدة وغير مسبوقة وتمثل قمة الشفافية.
البشير : الكادر الحسابي والمالى بالدولة ضعيف وتأثر بالهجرة الضخمة للكوادر الى الخارج ..تجربة الانقاذ بخصوص تقرير المراجع العام فريدة وغير مسبوقة وتمثل قمة الشفافية.
البشير : الكادر الحسابي والمالى بالدولة ضعيف وتأثر بالهجرة الضخمة للكوادر  الى الخارج ..تجربة الانقاذ بخصوص تقرير المراجع العام فريدة وغير مسبوقة  وتمثل قمة الشفافية.


قال : ندرس رفع مرتبات العاملين بالدولة،،ولكن من أين الموارد التى نغطى منها الزيادات.!؟
06-22-2013 08:32 AM
سونا
الخرطوم كشف المشير عمر البشير رئيس الجمهورية رئيس المؤتمر الوطنى ان اكبر بنود الدعم للحكومة يتمثل فى دعمها للسلع التى تضم القمح والدقيق والمحروقات مشيرا الى ان اجمالى الدعم غير المباشر المقدم للسلع والخدمات يبلغ اربعة عشر مليار جنيه من جملة الميزانية البالغة خمسة وعشرون مليار جنيه ،
واوضح البشير لدى مخاطبته الجلسة الافتتاحية لاعمال انعقاد المجلس القوى لشورى الحزب بمقر مركز الشهيد الزبير للمؤتمرات امس ان هذا الدعم تستفيد منه الفئات المقتدرة التى تصرف وتستهلك اكثر من السلع والخدمات .

وابان سيادته ان هذا الدعم هو المال العام الذى من المفترض ان يوجه للتنمية والخدمات التى يستفيد منها كل الشعب السودانى وقال فى هذا الصدد ( العدالة تقتضى لان هذا الدعم ليس للفقراء الذين ياخذون نسبة قليلة جدا من الدعم وابان رئيس الجمهورية ان الصرف الحكومى يتمثل فى الفصل الاول الذى يمثل 50% من ميزانيتها مشيرا الى ان المرتبات لا يتعدى حدها الادنى ال (450) بدلا عن ( 1400) وفقا لما تم من دراسات وقال ان هذا يجعل من يأخذ مرتبتا من الدولة يعيش تحت خط الفقر ، وكشف سيادته عن دراسات جارية للارتفاع بمرتبات العاملين بالدولة الا انه تساءل عن الموارد التى تغطى منها الزيادات . ونفى البشير وجود اى تدخل من الدولة فى تقرير المراجع العام الذى يقدم للبرلمان مباشرة مؤكدا ان كل المخالفات والاعتداءات على المال العام التى تثبت بالادلة تقدم لاتخاذ الاجراءات القانونية فى النيابة والمحاكم نافيا التستر على اى معتدى مشيرا الى ان التجربة السودانية فى عهد الانقاذ بخصوص تقرير المراجع العام فر يدة وغير مسبوقة فى تقديم التقرير مباشرة لممثلى الشعب واصفا الامر بانه يمثل قمة الشفافية ، منوها فى هذا الصدد ان حسابات الدولة طوال الديموقراطية الثالثة لم تقفل الحسابات او تراجع ، واوضح البشير ان اغلب التجاوزات على غير ما يعتقد العامة وقال انها فى معظمها عبارة عن تجاوزات للوائج والنظم المالية عزاها لضعف الكادر الحسابي والمالى بالدولة تأثرا بهجرة الكوادر التى وصفها بالضخمة للخارج ، وشدد على ضرورة التقيد باللوائح والنظم التى تحمى المال العام .


تعليقات 18 | إهداء 0 | زيارات 4372

التعليقات
#704198 [سوداني حر]
0.00/5 (0 صوت)

06-23-2013 11:25 AM
ايرادت مافي ؟؟؟ الوردة ام قضاف ....تورد جهنم ات يا الهنبول بالله الثروة المكدسة في سند الخيرية براها تصرف مياه الامطار مش موظفين الدولة يا حرامية الثروة انتو محتكرنها توزعو فيها للاحباش وحارمين الشعب من حر مالو الله يخلف لنا برئيس يخاف الله بدلا من هذا البووووم الذي ينعق علي خراب السودان


#703945 [adil a omer]
0.00/5 (0 صوت)

06-23-2013 12:37 AM
يلا يا اخوانا يدكم معانا نرفع الرواتب شويه


#703933 [خلدون جيلاني]
0.00/5 (0 صوت)

06-23-2013 12:20 AM
((واوضح البشير لدى مخاطبته الجلسة الافتتاحية لاعمال انعقاد المجلس القوى لشورى الحزب بمقر مركز الشهيد الزبير للمؤتمرات امس ان هذا الدعم تستفيد منه الفئات المقتدرة التى تصرف وتستهلك اكثر من السلع والخدمات .))و الفئة المقتدرة غيركم إنتو منو؟
((وفقا لما تم من دراسات وقال ان هذا يجعل من يأخذ مرتبتا من الدولة يعيش تحت خط الفقر ، وكشف سيادته عن دراسات جارية للارتفاع بمرتبات العاملين))، وطالما إنت عرفت كدة ماهعي الحلول التي فكرت فيها لهؤلاء المساكين؟ وربنا يسألك عنهم ح تقول شنو؟
((الا انه تساءل عن الموارد التى تغطى منها الزيادات )) ومن أين للدستوريين من عربات ورحلات خارجية للعلاج والفسحة؟ وأين العقوبات على الفساد و المفسدين؟ وأين أرباح الشركات الحكومية التي أمرت بتصفيتها؟ وأين تجنيب الأموال خارج وزارة المالية؟ وأين تخفيض رواتب الدستوريين؟ وأين تخفيض أعداد الدستوريين؟ ده كلو طلع كلام ساكت؟
((مؤكدا ان كل المخالفات والاعتداءات على المال العام التى تثبت بالادلة تقدم لاتخاذ الاجراءات القانونية فى النيابة والمحاكم نافيا التستر على اى معتدى مشيرا)) والله؟ لكن ما شفنا أي واحد إتقدم لمحاكمة، وليه كدة؟ لأنكم إخترعتوا فقه السترة.
(( عهد الانقاذ بخصوص تقرير المراجع العام فر يدة وغير مسبوقة فى تقديم التقرير مباشرة لممثلى الشعب واصفا الامر بانه يمثل قمة الشفافية )) وهم وينهم ممثلي الشعب؟ ياهم النوام ديل ما غيرهم؟ المصفقين للزيادات ورفع الدعم عن المواد الإستهلاكية العايش عليها الشعب؟
(( لضعف الكادر الحسابي والمالى بالدولة تأثرا بهجرة الكوادر التى وصفها بالضخمة للخارج )) وهل هاجروا إلا من الضيق الذي يُكابد فيه الشعب السوداني لما يسد رمقه خاصة في السنوات الأخيرة القريبة؟
((وشدد على ضرورة التقيد باللوائح والنظم التى تحمى المال العام )) مش لما يتم تنفيذ أوامرك بتفكيك الشركات الحكومية؟ ولما يتم تفعيل مفوضية الفساد بحق وحقيقة؟


#703908 [سوداني زعلان]
0.00/5 (0 صوت)

06-22-2013 11:15 PM
يا متخلف
1) انت عندك مينا علي البحر الأحمر ، دا يوزن ذهب لأنو كل البضائع الداخلة أفريقيا مفروض تخش منو .
تعمل منطقة حرة وتجذب الشركات العالمية عشان تشتغل من عندك .
2) التجارة مع جنوب السودان بي كم في السنة . أكيد حاتجيب دخل أكثر من دخل البترول الواقف
3) الجنوب عاوز اسمنت ، وين مصنع ربك لي وقف مش أحسن من قروش البترول
4) طبعا الكيزان وكتهم ضائع في حاجات التمكين وكدة ومافي وقت للتفكير في حاجة
شافع مدرسة عمرة 5 سنين ممكن يكون بفكر أحسن منكم
لو غلبتكم خلاص فكوها لي زول تاني . مش خلاص نهبتو البلد وجيوبكم اتملت قروش .


#703786 [عصمتووف]
0.00/5 (0 صوت)

06-22-2013 07:17 PM
جملة الميزانية البالغة خمسة وعشرون مليار جنيه ، تلك الميزانية لو تم تعين بائعة طواقي من قلب سوق الخرطوم جوار المسجد الكبير لعرفة كيف تباصرها لعيالها مع افتخاري واعتزازي لكل بائعة طواقي شاي تسالي ايسكريم عاملة نظافة فراشة

تسال من اين تاتي بالمزيد من الاموال لزيادة المرتبات الا تعلم بتدميرك بكل المشاريع الزراعية والمصانع والشركات المنتجة وبيعها بثمن بخس لاتباعك الا تعلم اين ذهبت السكة حديد والسودانية والجوية مشروع الجزيره والسكك الحديدية والخطوط البحرية والجوية كانت تاكل و تشرب وتعلم وتزيد مرتبانهم من دخلها انتهي الدرس يا غبي


#703766 [radona]
0.00/5 (0 صوت)

06-22-2013 06:47 PM
يا جماعة المسالة ديمقراطية بحته
الماموافق على زيادة الاسعار (رفع الدعم) يقول لينا ما موافق مافيها حاجة
اما اخوتكم في المؤتمر الوطنيالذين تخدمهم 4و5 سيارات لانهم يسهرون على راحتكم
ويذهبون للحج والعمرة ليتضرعوا لله ان يحفظ السودان ويحفظكم
اما الذين يجنبون الايرادات لم يضعوها في جيوبها فانهم ينفقونها في اوجه الخير بدلا من تدخل وزارة المالية وتاخد لفه طويلة عريضة عشان تخرج
اما فساد شركة الاقطان وسودانير وسودان لاين والتقاوي والمبيدات الفاسدة والحج والعمرة والاوقاف ووزارة الرعاية الاجتماعية ومشتريات الكهرباء والجرارات الزراعية ام ربح 10 الف دولارللجرار الواحد وولاية سنار التي لم يسرقالا 50% فقط من ميزانيتها وجوكية البنوكومن يقف ورائهم فكما تعلمون من سترمؤمنا ستره الله يوم القيامة
اما القروض الربوية كما تعلمون فان الحكومة تعلم ان هنالك من يتربص بها من الصهاينة والامريكان وعايزين يقوموا الشرق فهذا القرض الربوي جاء من باب فقه الضرورة وارجو ان لايغهم بانها دغمسة اديان وسبق ان اكدت لكم الحكومة بانها بعد انفصال الجنوب تاني مافي دغمسة اديان والحكومة عند كلكتها بس انتو اعتصموا بحبل الله جميعا ولا تغرفوا


#703682 [ابوالهول]
0.00/5 (0 صوت)

06-22-2013 04:34 PM
"بخصوص تقرير المراجع العام فر يدة وغير مسبوقة فى تقديم التقرير مباشرة لممثلى الشعب واصفا الامر بانه يمثل قمة الشفافية ،............."قمة الشفافية .؟..طيب لو اتفقنا معك ماذا فعلتم بالناهبين ؟الم تغطوا عليهم بفقه الضرورة ..؟


#703645 [حبيب الحبيب]
0.00/5 (0 صوت)

06-22-2013 03:42 PM


#703526 [سوداني %]
0.00/5 (0 صوت)

06-22-2013 02:03 PM
"وكشف سيادته عن دراسات جارية للارتفاع بمرتبات العاملين بالدولة الا انه تساءل عن الموارد التى تغطى منها الزيادات ??"

.......... برتبة مشير !!!!!!!

هل هذا سؤال يساله رئيس ام طالب بمرحلة الاساس !!!
انت رئيس وبتسال عن الموارد ؟؟
وكيف اذا تحكم بلد لا تعلم كيف تستثمر مواردها !!!!
هذا التساؤل الغبي من جانبك وحده يبين عجزك وفشلك في ادارة بلد غنية بمواردها وثراوتها ومياهيها


#703522 [مواطن]
0.00/5 (0 صوت)

06-22-2013 01:59 PM
واين انت يا بشة من محاسبة المراجع العام وعصابتك


#703521 [معاويـــــــــــــــــــــــــــــــة]
0.00/5 (0 صوت)

06-22-2013 01:59 PM
هههههقال فريده وتمثل قمة الشفافية ده الاستهتار زاتو ياناس هوى


#703503 [ابوايمن الحلاوى]
0.00/5 (0 صوت)

06-22-2013 01:42 PM
يعنى يابشه!!! الحمار والخضار الجنبك دا سقوه بماء طهور؟؟ لو انت ابله نحن مش زيك !!ولو فاكر انو البلد فيها اهلك وحنانك ؛وحنان حنانك لحالكم اهو المصيبه زاتو تبقى طامه كبرى !! صحى النوم يا بشه وشوف وديتنا وين؟؟؟؟ واى عجز مادى ممكن تغطوه من 1-الست الجميله وداد2-الباسم عديلك3-ود الوالى العندو قروش دوده والغراب على4- ابو الجاز وخلى اجيب الاموال المكتنزه فى ماليزيا5- ابو العفين المانافع نافع6- المامتعافى يارب المتعافى7- اخوانك الطبيب الحرامى وعباس المدرس الفاشل وواحد ثالت نسيت اسمه وعمك صاحب البوكس 81 وساب صراصر وسكن معاكم فى الترطيبه وبنعرفه حق المعرفه!!!!!! صدقنى لو استردت الاموال المعاهم لصالح الدوله لحلحلنا نص مشاكلنا الماليه والاقتصاديه!!! بس خليك عند الحق والامانه الفى رقبتك قرار واحد كفيل بتبرئتك من الكثير العملتوا فى البلد وشعبها؛ وامكن الشعب يسامحك لو طهرت البلد من اللهاطين والحراميه والسفله وهم معاك 24 ساعه وفى انتظار القرار وساعتها ناس كامبو والجنائيه اسامحوك والوالده تعفوا منك اكتر وناس البلد اختوك فى زحل!!!!!والعمر ماشى والقبر صندوق العمل...... وزى ماراح ابوعاج نضيف انت كمان خليك انضف......


#703460 [ودالبلد]
0.00/5 (0 صوت)

06-22-2013 12:51 PM
يا رقاص ما سألت نفسك ليه في(هجرة ضخمة للخارج) ؟؟؟ الإجابة ما دايرة (فهامة) !!!


#703411 [جارسيفو]
0.00/5 (0 صوت)

06-22-2013 12:15 PM
قال الرئيس الهمام عمر البشير ان الدعم علي السلع يستفيد منه الاغنياء المقتدرين اكثر من الفقراء
1/ الان 90% من الشعب السوداني فقراء ( اهل المؤتمر الوطني هم الاغنياء )
2/ ان جميع اهل السودان ليست لديهم مكيفات اسبلت ثم استدرك لم تكن عندهم كهرباء (المهمشين )
3/ ان ديوان المراجع العام لم تكن لهم كفاءة هجرة الكفاءة (ما سبب هجرة الكفاءة )
4/ ثم اتي الهمام وافتانا من فقه المشروع الحضاري ( ساعة لقلبك وساعة لربك) ما اجمل فتاوى المشروع الحضاري (هذا هو رئيس السودان الذي يتسال اين العدالة
5/ اعترف الرئيس بدعم معارضة الجنوب بالسلاح والتدريب
6/ اعترف ابوعلي مجذوب ابوعلي بالصرف البذخي والرقيص والحفلات لاصحاب المشروع الحضاري وافتى رئيسنا الهمام ( ساعة لربك وساعة لقلبك ) وحزب المؤتمر جامع كل ساقطي المجتمع السوداني
7/ والرئيس في اثناء الخطاب يقاطع (ولا ماكده يا اميرة ولا ماكده ياعبد الباسط ولا ماكده يا ابوعلي
هذه زي ولا ما كده ياجوكي ( والاميرة تتبسم ) هذه لغة الشوارع وذي ما قالت المنافقة يخسي عليكم يا حكومة الكيزان كل فقهكم اصبح فقه ضرورة


#703368 [saif]
5.00/5 (1 صوت)

06-22-2013 11:29 AM
((هجرة الكوادر التى وصفها بالضخمة للخارج)) وبعد سنة أو سنتين لن تجد أيها الرقاص من ترقص أمامهم ... وصبرا ً آل سودان فإن موعدكم الفجر الجديد


#703361 [جارسيفو]
5.00/5 (1 صوت)

06-22-2013 11:19 AM
قال الرئيس الهمام عمر البشير ان الدعم علي السلع يستفيد منه الاغنياء المقتدرين اكثر من الفقراء
1/ الان 90% من الشعب السوداني فقراء ( اهل المؤتمر الوطني هم الاغنياء )
2/ ان جميع اهل السودان ليست لديهم مكيفات اسبلت ثم استدرك لم تكن عندهم كهرباء (المهمشين )
3/ ان ديوان المراجع العام لم تكن لهم كفاءة هجرة الكفاءة (ما سبب هجرة الكفاءة )
4/ ثم اتي الهمام وافتانا من فقه المشروع الحضاري ( ساعة لقلبك وساعة لربك) ما اجمل فتاوى المشروع الحضاري (هذا هو رئيس السودان الذي يتسال اين العدالة
5/ اعترف الرئيس بدعم معارضة الجنوب بالسلاح والتدريب
6/ اعترف ابوعلي مجذوب ابوعلي بالصرف البذخي والرقيص والحفلات لاصحاب المشروع الحضاري وافتى رئيسنا الهمام ( ساعة لربك وساعة لقلبك ) وحزب المؤتمر جامع كل ساقطي المجتمع السوداني
7/ والرئيس في اثناء الخطاب يقاطع (ولا ماكده يا اميرة ولا ماكده ياعبد الباسط ولا ماكده يا ابوعلي
هذه زي ولا ما كده ياجوكي ( والاميرة تتبسم ) هذه لغة الشوارع وذي ما قالت المنافقة يخسي عليكم يا حكومة الكيزان كل فقهكم اصبح فقه ضرورة


#703289 [الشحمان مغسة]
0.00/5 (0 صوت)

06-22-2013 09:59 AM
كلامك مدغمس يا ريسنا... دحين اول امس قلت في تنمية وانا اشك انك بتعرف الفرق بين التنمية والنمو؟ ولانه كلامك مدغمس انا بدور اخفسو تب ده اعتراف صريح بالفشل وانهيار دولة مشروعكم المات وشبع موت... الشعب السوداني لي علمك مستمتع جدا بالفرجة عليكم وانتو بتنهارو منكم ليكم كده براكم لا مظاهرات ولا بمبان ... اها اليوم داك راجينو بفارغ الصبر


#703259 [Mohd]
4.75/5 (3 صوت)

06-22-2013 09:09 AM
اعترفت بانك افقرت الناس ؟

اعترفت بأنك هجرت الناس ؟

اعترفت بأن تجربة عهدك المشئوم فريدة ليس في السودان وحسب ولكن في كل العالم من حيث الكميات المهولة للسرقة والفساد والمحسوبية ؟

اعترفت بأنك اسوأ رئيس يا بو تلاليش تمر على دولة في المعمورة ؟

الله يدمرك الله يضيعك الله ينتقم منك الله يجعل يومك اليوم قبل الغد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة