الأخبار
أخبار إقليمية
بعد جلوس 2000 صيدلي للمعاينة للعمل بالسعودية..تعرف على كيفية الاختيار والراتب ..!!
بعد جلوس 2000 صيدلي للمعاينة للعمل بالسعودية..تعرف على كيفية الاختيار والراتب ..!!
بعد جلوس 2000 صيدلي للمعاينة للعمل بالسعودية..تعرف على كيفية الاختيار والراتب ..!!


الصيادله الي اين الحال
06-26-2013 08:57 AM
د.عوض أحمد


عندما ظهرت الاعلانات في الصحف اليوميه وتناقل الصيادله الخبر فيما بينهم بان وزارة الصحه السعوديه تحتاج لتوظيف صيادله توافد الصيادله للتقديم فكانت المفاجأه بان العدد المتقدم للوظائف قرابة 2000 صيدلي منهم من هم من حملة الماجستير وحتي الدكتوراه فقد استبشرو خيرا بان حالهم سوف يتحسن وخصوصا بما عانوه وبما تعانيه مهنة الصيدله في السودان ، وان لا امل لاصلاح الحال الا بالسفر المحال ،فكانت المعاينه يوم الاثنين في صاله معرض الخرطوم الدولي وحضر المعاينه وفد من وزارة العمل فاطمأن الصيادله بان وزارة العمل حريصه علي رعايها ولكن ؟.

فبعد المعاينه تم الاتصال علي المتقدمين للمعاينه من مَن هم من حملة الماجستير والدكتوراه بأن تم قبولهم وان هناك معاينه نظريه فحضر المتقدمون للمعاينه وبعد ان تم سؤآلهم عن جميع الامراض والادويه وفي كل نواحي علم الصيدله وبعد ان اجتاز من اجتاز المعاينه بكل جداره وما يمتلك من معرفه ، قُدم له العقد ليتفاجأ بان الراتب هو فقط 2500ريال سعودي وبعد البدلات تصبح 3750 ريال مع العلم بان الصيدلي الحاصل علي ماجستير ومن مَن هم ذهبو الي السعوديه بمجهودهم الخاص وبعيدا عن وزارة العمل قد يصل راتبهم الي 8000 ريال سعودي - فهل تستثمر وزاره العمل فيهم وتحصل علي باقي المرتب ؟ او اين هي الوزاره في حفظ حقوق العاملين من رعاياها خارج الوطن ؟

فصبراً جميل يا صيادلة بلادي والله المستعان




تعليقات 44 | إهداء 2 | زيارات 35523

التعليقات
#707870 [الصادق]
0.00/5 (0 صوت)

06-27-2013 04:31 PM
هل نحن محتاجون لكل هذا الكم الهائل من الصيادله ام هو سوء تخطيط من الدوله بدلا من توجيههم او توزيعهم الى كليات اخرى كالتربيه او الزراعه ام هى لتحقيق رغبات الاهل ومن يدفع اكثر ولديه المال لتلك الجامعات التجاريه وهناك بعض من تقدم لهم الروشته ولا يستطيع حتى قراءتها


#707778 [fofo]
0.00/5 (0 صوت)

06-27-2013 02:04 PM
وما الصيادله الا تجار وسماسره في سوق الدواء وليس لهم اسهامات في مجال تخصصهمانهم يبتزون الشعب السوداني و السمسره لا تحتاج لكل هذا الجهد والشهدات حسبكم انكم تقتاتون من دماء هذا الشهب الابي المسكين المذبوووح من الوريد للورييد تبا لكم وتب


#707576 [وحيد]
0.00/5 (0 صوت)

06-27-2013 10:44 AM
ياشباب انتو في السودان محصلين المبلغ داء اكيد لا اخرجو طيب من العطال داء وبعدين ربنا يسهل الامور


#707314 [حالتك دي سنة 2000 يعني لو جيت سنة 80 كان سويت شنو]
0.00/5 (0 صوت)

06-26-2013 11:21 PM
أبو مازان تصدق انت الظاهر عليك بتتشري ليك خبر بريال بتقرضو وتشرب من ثلاجة المسجد. يعني سنة 2000 انت لو جيت سنة 80 والله كان شلت الرياض ولا جدة ومشيت.. ما حاسدك ربنا يديك ويديهم ويدينا


ردود على حالتك دي سنة 2000 يعني لو جيت سنة 80 كان سويت شنو
United States [ياسين] 06-27-2013 05:14 PM
وليه يخسر ريال كامل فى الخبز ....؟؟ اكيد ده كان بياكل من فضلات وبقايا المطاعم...او يكون قاعد مع جماعة ( كوكب ) بلاش ومتقل دموا ومستغل شهامتهم ونخوتهم وما بيصرف اى حاجة ...شحات يعنى....... زى كتيرررررين فى بلاد الغربة !!! عالم وهم ..


#707309 [العوض والعوض علي الله]
5.00/5 (1 صوت)

06-26-2013 11:07 PM
حقيقة شي يرثاء له كنا نستقدم المهندس المصري علي 2500 ريال واول ما الواحد يقعد شهرين ثلاثة
ويعرف مستوي الرواتب لزملاء له في شركات تانيه يقنب يبطبط قلت ليهم الغلط منكم من البدايةليه توافقو بهذا الراتب .
من هنااقول لصيادلتناعززو بانفسكم ولتكن كلمتكم واحده وياريت تكون من نقابتكم ممنوع اي صيدلي يتعاقد اقل من راتب اساسي 5000 ريال
يشهدالله واحد لبناني يعتبر جاهل بالنسبه لدرجتكم العلمية رفض راتب 6000 ريال وفضل يمشي بلدو ولايقعد براتب متدني معالعلم تعتبر ظروفهم في لبنان اسوء بكثير من حالنا وظروفنا في السودان
العامل النيبالي يرفض ان ياتي باقل من 1400ريال راتب و200بدل وجبة مع توفير السكن
قيمو انفسكم يقيمكم الاخرون بالراتب ده كان جيتوا وجبتو عيالكم بتشحدوا
اللهم قد بلغت اللهم فاشهد


#707271 [ابو مازن]
3.00/5 (4 صوت)

06-26-2013 09:17 PM
شوفو يا اخوان انا تعاقدت عام 2000 للعمل كمعلم انجليزى فى السعودية وكان الراتب 2530 ريال مع بدل سكن 8000 وانا الان املك بيت فضلت خيركم فى الخرطوم لا يقل عن نصف مليون وراكب سيارة مويل متقدم وكونت اسرة وقدمت لاتسرتى الكثير اللهم لا من ولا اذى اردت بقولى هذا ان اقول لكم اتركو الناس ولا تحبطوهم بقلة الراتب 3750 مبلغ لا باس به اتمنى لهم التوفيق


ردود على ابو مازن
United States [ابو شهد] 06-27-2013 01:14 PM
اكيد اكيد انت من النوع البيصرف عشرة ريال في اليوم وساكنين عشرة في غرفة

European Union [out of the blue!!!!1] 06-27-2013 03:36 AM
u dont tell the truth!!by 2500 u built a house and drive a nice car!!! u were not eating there!!! any way they are desperate here, even with one thousand they will jump!!to escape the headache and misery !!!u dont need to support abuse of saudi MOH!!1


#707248 [dr.suha]
0.00/5 (0 صوت)

06-26-2013 08:33 PM
طبيعي جدا انو تكون الرواتب انخفضت في السعوديه خصوصا بعد التصريحات الاخيره عندنا انو راتب الطبيب في السعوديه يعادل 30 مره راتبو في السودان.. والاجتهادات الحاصله في تخفيض الرواتب في الخارج خوفا من هجره الكوادر الطبيه!!


#707230 [barodi]
1.00/5 (3 صوت)

06-26-2013 07:58 PM
اذا كان الكليات الخاصه فقط يتخرج منها اكثر من الف صيدلي في العام، مع العلم بان اكبر مستشفي في العالم ليس به سوي صيدليه واحده او اتنين لا يعمل بها اكثر من عشره صيادله ؛اما بنسبه لمصنع الدوا علي اكبر تقدير خمسين فرد من البواب و ست الشاي الي مدير المصنع، يعني البشير و حكومته يودي ال900 صيدلي البتخرجوا سنويا وين. حكومه الانقاذ كتر خيرا والله سهلت عمليه التعليم الان كم عدد الخرجين مقارنه بالحكومات السابقه . والله ناس وزاره العمل ما قصروا وهم يحاولون تشغيل الخرجين خارج القطر واحتمال هم البدفعوا المرتبات بالاستثمارات الخارجيه زي عقارات ماليزيا مثلا.


#707222 [مدحت الهادي]
5.00/5 (1 صوت)

06-26-2013 07:34 PM
العمل في السعودية ليس بالسهل يا أخوان حاسبوا أنفسكم قبل أن تندموا .... هو في الحقيقة والحقيقة المرّة إنه الحكومة السودانية عايزة كل الشباب يغادروا البلاد وهذه هي حقيقة الحكومة السودانية وخروج الكوادر المؤهلة من البلاد ... ياللعار يا للدمار يا أيتها الحكومة ...ثم مهلا مهلا أيتها الأرض الطيبة السودانية النقية .. وبإذن الله تعالى سوف نرى فيكم يوما أسودا ... عن قريب بإذن الله تعالى .....


#707192 [بابكر]
5.00/5 (3 صوت)

06-26-2013 06:32 PM
يا شباب الانسان هو اللى بعز نفسه بنفسه...ماتنتظر دولة ولا وزارة عشان تغير من تقييمك لذاتك...الاهم فى الموضوع والراتب فى الخليج (المظهر,اللباقة الاجتماعية,حسن التصرف,والتاهيل الاكاديمى)لو قدرت تجمع الصفات دى فى نفسك بتلقى اليقيمك ويديك حقك...نحن السودانيين عندنا دروشة وبساطة تزعل الا من رحم ربى...الشوام عندهم مثل بقول (عز نفسك تعزك)عشان كدا مقيمين هنا...عملت معاينة مع سعودى قال لى بالحرف الواحد لو عايز اقيمك (ابغاك تكون لبنانى فى شكل سودانى)...


#707150 [غايتو]
1.00/5 (1 صوت)

06-26-2013 05:19 PM
أولا حسب خبرتى ومعرفتى / لايوجد صييادلة أجانب بوزارةالصحة السعودية / ووقت كان هنالك صيادلة أجانب فرواتبهم كانت فى حدود 2500ريال ووقتها كانت معقولة . الآن حسب علمى كل وظائف الصيادلة فى وزارة الصحة للسعوديين فقط .
بالتالى أعتقد المقصود القطاع الخاص / ورواتب القطاع الخاص تتراوح بين ( 2000/ 2500/3000 ريال ) اضافة لبدل سكن راتب شهرين والبعض ثلاث شهور ,الاضافى ساعتين يوميا و 6 ساعات أيام الجمع ويتفق عليه 500 ريال مقطوعة أو حسب نظام مكتب العمل . الفائدة فى العمولة وتقفز بصافى الراتب الى 5000 ا, 6000 حسب موقع الصيدلية .
يستحسن السؤال عن الاضافى وعدد الساعات والعمولة / اذا كان قطاع خاص / وفى كل الأحوال لحملة البكالريوس سنتين خبرة يستحسن الموافقة فورا . واللهى الموفق .
غايتو ما تضيعوا الفرصة الهنود والمصريين جاهزين ز وظروفنا صعبة . وزيادة خبرات وتحسين أوضاع .


#707138 [الكنزي إبراهيم الكنزي]
3.75/5 (3 صوت)

06-26-2013 04:45 PM
يا جماعة الراتب في السعودية بعتمد على الجنسية والعرق يعني العربي راتبو مازي الأجنبي والمصري ما زي الاردني وهكذا ،وأنا مولود في السعودية وعايش فيها 18 سنة وعارف الشي دا ،،،،، ويا بلادي وااااااصلي ( الله يخلصنا من الحكومة المرض يااااارب قولو آمين )


#707136 [موسى محمد]
0.00/5 (0 صوت)

06-26-2013 04:40 PM
دي شغلانة ناس الهدف ولا شنو؟؟؟


#707129 [فتحي]
0.00/5 (0 صوت)

06-26-2013 04:29 PM
اول السودان الما استطاع تخطي السنة الاولي ده منو يا مغتربة ؟؟؟ ده الا يكون اول السودان في تخطي الحواجز .. اوائل السودان ديل لو الواحد اصابة العمي مابيربد !! دي عقول نيرة بطلي حقد !! بعدين البيجي اول السودان ده زول خطير جدا وعلم متحرك لانو امتحاناتنا صعبة جدا تناطح اصعب امتحانات العالم لانو الواضعنها حاقدين زيك كده..


#707125 [ابو فلكه]
0.00/5 (0 صوت)

06-26-2013 04:23 PM
لقد تلسوعنا في الفخ


#707054 [كركاب]
0.00/5 (0 صوت)

06-26-2013 02:46 PM
فيما اعتقد وزارة الصحة السعودية ليست طرفا فى الامر
وانما تكون هذة احدى الشركات الخاصة التى تعمل فى مجال الصدليات
بالاضافة ليس هنالك وضائف شاغرة فى الوزارة .كما يعلم الجميع بان الوضائف التى وعلى قلتها تظهر
تجير للسعوديين.
كما كل الصدليات التى تبع الوزارة داخل المستشفيات. او بالكتير العمل داخل الوزارة كمستشار
حتى المستشفيات الخاصة تفرض عليهم الوزارة عمل السعوديين
الظاهر الماسورة دى تبع النهدى كل يوم فاكى دكان جديد
وكما ايضا المصريين مشاكلهم كثيرة مع الزباين


#707028 [صاروخ]
4.88/5 (8 صوت)

06-26-2013 02:16 PM
صدقونى لو كان الراتب 1000 ريال لذهب الكثير منهم . اتذكر سابقآ انى صادفت طبيب بشرى كان يستعد للمغادرة لكى يعمل فى الاراضى المقدسة قال لى ان الراتب هو 1800 ريال فقط والاعجب انه قال لى ان هناك اعداد ضخمة من الاطباء تعاقدوا بهذا الراتب الهزيل أملآ فى الهروب من الواقع المرير عسى ولعل بعد السفر تتغير احوالهم.

الآن يا سادة راتب السودانى أقل من راتب المصرى والظاهر كل ما تكون بشرتك بيضاء راتبك بيزيد.

الناس تحكمها ظروف وانا اعتقد على سبيل المثال هؤلاء الصيادلة عددهم كان 2000 , احسبوا كم عدد من هو عاطل فيهم وكم عدد من هو يعمل فى صيدلية براتب ضعيف سمعت انه 750 جنيه اى يعادل 350 ريال. اذآ راتب 2500 ريال يعادل رواتب 7 أشهر فى السودان. اذآ هذا الشخص اكيد سيغادر حتى ولو كان هذااضعف الايمان.

الشعب السودانى اصبح ضعيفآ وفقد صبره وهو يعلم فى قرارة نفسه ان الفرصة اذا اتته اليوم لن تاتيه غدآ.

لا تلوموا شخص محتاج ولكن لوموا من تسبب فى تعاسة هذا الشخص و شعوره بالدونية اسوة ببقية الاجناس


#707023 [lمجدي]
0.00/5 (0 صوت)

06-26-2013 02:11 PM
تعليقي الوحيد أنا أؤيد وبشدة صاحب التعليق ( الإعتصام).. ولا شيء غير ذلك هذا هو الحل

وليس الصيادلة فقط فهنالك شرائح كثيرة مغلوب علي أمرها..


#706985 [ابومحمد]
0.00/5 (0 صوت)

06-26-2013 01:36 PM
انا عندي ود خالتي صيدلي - بكالريوس - جاهو عرض من صيدلية خاصة بمبلغ 8000 ريال شامل السكن .. ابى يجي ... 2500 دي ما بتعمل اي جاجة السعودية بقت غالية شديد


ردود على ابومحمد
[ما مهم] 06-27-2013 10:56 AM
يااااااااااااا ابو محمد إتق الله بلد شنو الغالية دي يا معلم ؟؟ مااااا لي درجت السودان في كل الاحوال صحيح ممكن ال 2500 دي تكون بسيطة لكين ما تقنع الناس و تفهمم انو ال 8000 دي ما كويسة ,,,,,, شوفو كلكم إنتا و هو إنتا و هي 5000 بسس بتعيشك مرتاح شديد لحدي ما تتقدم و تاخد خبرة في الخليج و الراتب بزيد في اقل من سنة كان لقيت ليك 4000 اساسي إتوكل اطلع و ما تفكر فيها مرتين إتخارجوا من حفرة الشياطين الإنتو فيها دي ربنا يوفقكم كلكم


#706951 [alnileabdalla]
0.00/5 (0 صوت)

06-26-2013 01:01 PM
كلام يوجع القلب من محاسب سوداني شغال بنفس راتب الصيدلي المعلن وماراضي بيهو بالرغم من حديث التخرج لان شغلي الشغالو 80 % من شغل الشركة وفي النهاية اتمني الرجوع لو اليوم 2013/6/26م

اسمع وقارن من بلادي

ألم الغربة

*صلت وقالت يا الله وين ولدي ** ناديت وقلت يا يمه يا يمه وين بلدي
* لا الغربة الكفت قلبي تغرس فيهو نشابة ** ولا أنت البقولو عليك تعرفو وتتغابا
* تطول وتقصر الأيام دروب الرجعة جيابا ** طيور الهجرة مهما تغيب مصيرها تلاقي أسرابا
*بلدي السكن فني همي العبر ظني ** روحي التكوس عني قلبي الوقع مني
* حلما يراودني شتلاتو يخضرن غيماتو رمن الضل ** في جدبو يتشرن بلد قدر ماطوف عينك قدر ماتشوف
* بمرها تريدها بحلوها تريدها ** حتت غناي الريد في الغربة تنهيدة
* ناديت فتر صبري قسمتو في الأحزان ** كايس موهرن جيت هما كسبني رهان
* ادرش دريش الجن من ندهة الأذان ** قضيتو عمري رحيل طال المطول وألان
* ألان مااضحي بالإمكان فرحا بلاهن يتم ** ياسترة وينك لي كسرة وملاح وهدم
درب الرجوع انسد حلما اكوسلو حلم





Anile abdalla


#706899 [8855]
4.00/5 (2 صوت)

06-26-2013 12:21 PM
في الحالتين هي مسؤلية الحكومه ممثله في وزارة العمل لانها هي التي عملت الاعلان فكان الاجدر ان تناقش موذوع هذه الاجور مع الجهه المشغله سواء ان كانت حكوميه او جهه خاصه مع الاخذ للاعتبارات الاخري في الحسبان مثل السكن وبدل المعيشه وغيرها ونحن هنا في السعوديه كم نسمع كثيرا عن ان وزير العمل للدوله الفلانيه يجتمع مع وزير العمل السعودي لمناقشة امور العماله الخاصه بالدوله الفلانيه والسفير الفلاني يجتمع مع المسؤول الفلاني لمناقشة اوضاع العاله الفلانيه الا المسؤلين السودانيين لم نسمع عنهم اي اخبار مما يدل علي عدم الاهتمام بالعامل السوداني وتركه يصارع وحيدا مشاكله بنفسه وحسب مقدراته الذاتيه مما يعرضه لكثير من المشاكل وضياع للحقوق , ومن خلال هذا الاعلان يجعلنا نشك غي نوايا وزار ة العمل في لستثمار وبيع هؤلاء الصيادله لجهه وقبض الثمن من تلك الجهه وعمل عقودات عن طريق مكتب العمل مع تلك الجهات دون علم الصيادله ومن ثم عقودات مع الصيادله ومكتب العمل علي غرار ما حدث مع اطباء ليبيا ومع ما يحدث في شركه الهدف , وحققة لو ثبت هذا فانها عملية اتجار بالبشر واخذ حقوق الناس بالباطل وانه ليس ببعيد علي هذه الحكومه .
اعوذ بالله .


#706888 [sudani]
5.00/5 (1 صوت)

06-26-2013 12:16 PM
والله دي مهزلة بس نحنا المرخصين نفسنا بالمناسبة في السعودية وغير السعودية ...
انا بعمل في شركة ماسكة مشروع حكومي (محلل نظم) وخبرة اكتر من 10 سنوات
المهم جابو مصريين خريجين محاسبة وعلم نفس بس اخدو كورسات في البرمجة وبقو مبرمجين ..المهم جابوهم ب 4 الف من مصر وبعد سنتين الجماعة افترو وعملو اضراب قالو نحنا الماسكين الشغل كلو وطلبو 18 الف والغريبة المدير السعودي وافق ونحنا شغالين معاه 5 سنوات ليل نهار بدون اجازات ما بناخد نص الراتب الحال للمصريين


ردود على sudani
United States [mohammed] 06-26-2013 03:09 PM
يا ناس ما تحرقوا دمكم اولا هذه ليست وزارة الصحة هذا القطاع الخاص وهذا الوضع يشابه وضع المعلمين في المدارس الخاصة هنا جابوا سودانين 1800ريال والمصري 1200ريال السودانين كلهم رجعوا السودان وانا اعرف منهم الكثير والمصريين تموها ؟؟؟؟؟؟؟؟ والشركات تبحث عن الارخص والاقل سعرا وما هاميها حاجة وبعدين انا احب ان اقول لكم ان السوداني في مجاله هو موضع ثقة في كل شئ في مؤهلاته وامانته وعلمه وانت الان في الشركة التي تعمل فيها اجزم بانك اكثر تاهلا وتمكنا من المصريين ولكن ظروف العمل قد تجبرك لتتحمل بعض الاشياء فلا تقولوا ان جامعاتنا غير مؤهله وانا في شغال في مجال التعليم والله والله والله امتحان الشهاده السودانيه يساوي امتحان جامعات عربيه يجو منها مهندسين


#706885 [الصادق أبو روان]
0.00/5 (0 صوت)

06-26-2013 12:13 PM
يا عالم رحمة ورفقاً بالصيادلة هؤلاء مستقبلنا والله حرام عليكم ده راتب بنغالي في شركة نظافة خاصة وواحد يعمل في غسيل السيارات بتطلعه في الشهر ناهيك عن باقي المصاريف بعدين الدخل والحشر وزارة العمل السودانية في الموضوع شنو ؟
أكيد ليهم يد خفية زي الشركات السعودية لما تستقدم عمالة بنغالية الراتب 600 ريال في العقد وتوفير سكن وأكل يعني عبودية بالمعنى الأصيل والعقد مع الحكومة يكون الراتب الأساسي 2000 ريال يعني كسبانين 1400 ريال فيهم رق واستعباد فلا تقبلوا وافهموا اللجنة بأن الصيدلي السوداني لا يهان مهما اجبرته الظروف وزي ما قال احد الأخوان اذهبوا إلى أفريقيا أو جنوب السودان أو ابقوا في السودان فهذا المبلغ هو كلفة سكن واكل فقط وانا عندنا في مستشفى القنفذة 30 دكتور سوداني تعينات جديدة قبل سنة أول راتب 8000 ريال حراااااااام والله لا تقبلوا ولا تذلوا أنفسكم .....

مغترب مسكين خايف عليكم


#706882 [suliman]
0.00/5 (0 صوت)

06-26-2013 12:09 PM
حملة ماجستير ودكتوراة وراتب 2500 ريا ل والله حرام يا وزارة العمل اصبحتوا زي المصريين في تقييمكم لحملة الشهادات العليا . وا اسفي عليك يا زمان


#706881 [بريش منصور]
5.00/5 (5 صوت)

06-26-2013 12:06 PM
بلادى وإن جارت على عزيزة وأهلى وإن ضنوا على كرام...اللهم يا مالك الملك تؤتى الملك من تشاء وتنزع الملك ممن تشاء بيدك الخير انك على كل شئ قدير نسألك يا الله يا الله يا الله أن تنزع الملك من البشير وأعوانه فقد مزقوا البلاد وأذوا العباد ولعبوا بمقدرات الأمة جهلا وسرقة فبنوا العمارات الشاهقة وشيدوا المبانى الضخمة وركنوا الى الدنيا وزينتها وزخرفها الزائل فكانت قصور كافورى وكانت الاستثمارات الكبرى بماليزيا وغيرها وكان الرقص والهجيج فيمن يزعم زورا وبطلانا بأنه امام الامة وراعى الشرع القويم، ويزعم أنه من سيأتى بتطبيق شرع الله ويزعم أنها لله وحده وليست للسلطة ولا للجاه وهو يتمايل راقصا مع فتيات فى سن الطاشرات والعشرينات وزوجته الثانية تتمايل معه بأكتافها المليئة شحماولحما من عرق هذا الشعب المغلوب على أمره وتتراقص ذات اليمين وذات الشمال، وما علم أمير المؤمنين أن أكثر من 80% من رعيته تحت خط الفقر وأن 12% مشردون بإسم الهجرة فى أصقاع العالم، وما علم امير المؤمنين ان الغالبية العظمى من شعبه لا تجد حق العلاج والدواء بل ويقتاد بعضهم (بقدحة البصل) ليتغدى بها هذا إن كان محظوظا والبعض الاخر على تميرات يقمن صلبه، وما علم أمير المؤمنين كم من النسوة داخل مستشفيات الخرطوم أتين بأب أو زوج او أخ أو أم أو ابن أو ابنة مريضة ويفترشن الأرض ويتسولن الدواء ولا يجدن لقمة لهن ولمرضاهن ويشهد الله على ذلك وقد بكيت بكاءا مرا مرا مرا حين التقيت صدفة بتلك الكسلاوية العزيزة وهى تمارض أباها بمستشفى الخرطوم وليس معها مليما واحدا، وينتهرها هذا الطبيب لأنه لا بد أن تحضر الدواء الفلانى ، وهى لا تملك ثمن ساندوتش الطعمية وبيتها فى كسلا يا سيادة أمير المؤمنين..فعلام الرقص بمناسبة وبغير مناسبة!!!!اللهم ألا بلغت فأشهد يا الله يا الله يا الله


ردود على بريش منصور
United States [مصطفى سعيد] 06-26-2013 08:45 PM
أحسنت قولاً ووصفاً
بارك الله فيك

[ابو مبارك] 06-26-2013 01:01 PM
ينصر دينك يا ود منصور


#706880 [Mohd]
5.00/5 (2 صوت)

06-26-2013 12:06 PM
لا حول ولا قوة الا بالله العلي العظيم



والله العظيم لدي صديق يعمل سائق اسرة (سائق خاص) راتبه 2500 ريال وساكن وماكل وشارب وسيارة

والظاهر انه السعوديين اندهشوا للعدد المهول الذي تقدم للعمل وقالوا احسن نبتز الجماعة ديل

رواتب وزارة الصحة في المستشفيات السعودية للصيادلة اعلى من هذا بكثير وتقريبا هذا ربع المبلغ الذي يتم به تعيين الصيادلة في السعودية

ولكن البلد ثور ووقع وكثرت سكاكينه من الحكومة القذرة التي دمرت كل شي جميل ولم تزرع غير الاهات وتشريد المواطن ليواجه هذا المواطن باستغلال الجيران لظرفه وابتزازه لاقل راتب ممكن

علما بانه راتب البكالوريوس هذا وليس الماجستير والماجستير راتبه يفترض ان يكون 12.000 ريال اساسي غير البدلات

نصيحة لا تقبلوا بهذا الراتب فالسعودية اصبحت غالية جدا ولن توفروا منه ولا 10% لانه صرف الاسرة الصغيرة (3 اشخاص) في السعودية على الاكل والشرب والسكن والكهرباء يناهز الـ 4000 ريال سعودي ، ومن سيسافر بهذا الراتب سوف يعود في اقل من سنة وانا متأكد

الله يدمرك يا عمر البشير

الله ينتقم منك في الدنيا والاخرة انت ومن معك من اللصوص والمنافقين الله يورينا فيكم يوم قريب


#706873 [حليل البلد]
5.00/5 (1 صوت)

06-26-2013 12:02 PM
المصيبة ليست فى راتب 2500 ريال المصيبة انو بعد الاختبار ح ياخذو العدد العايزنو من اكفاء واجد فى ال2000 وانت نازل


#706847 [ود السجانة]
5.00/5 (2 صوت)

06-26-2013 11:39 AM
هذا كله ما يظهر سوء الحال في السودان الناس تجري وراء الماجستير والدكتوراة والبكالوريوس أين العمل ولو ما كان في دولة إسمها السعودية ما هو الحل هؤلاء الآلاف لو ثاروا ضد دولة الإنقاذ ما كان أحسن لهم لأنو المفاجأة وأظن كاتب المقال لا يعلم المطلوب هو 60 صيدلي فقط حسب كلام وزارة الصحة السعودية والذي يشاهد صورة قاعة معرشض الخرطوم الدولي لا يصدق هذا العدد الكامل أين حكومة السودان أين العمل وأين الخدمة المدنية عام 1969م عندما لم تجد لنا وزارة العمل وظائف إعتصمنا داخل الوزارة لمدة 7 أيام أيام الراحل د . طه بعشر ماذا أصاب قلوب السودانيين هل هو الخوف ولن يستمر الحال على ذلك السودان يدرس والسعودية تشغل وما أظن أن اليوم الذي نرى فيه الخريجين السودانيين يقفون أمام السفارة السعودية وليس أمام وزارة العمل شلوا الخوف وظاهروا أمام قصر البشير هو وحزبه المسئولين عن تشغيل الخريجين .


#706840 [سيارتو]
5.00/5 (1 صوت)

06-26-2013 11:35 AM
ديل فيهم ناس محتاجه و 2500 الانت بتشفها **** ده رقم بالنسبه للاسره المنتظره الولد او البت عشان تساعد يعنى 2500 دى بتعمل ليها 4000 الف سودانى بسد نقص كبير في البيت السودانى المحتاج


ردود على سيارتو
[اسامه الشايقي] 06-26-2013 05:31 PM
يازول انت شكلك شبعان والتنظير ساهل لما تكون الكرش ملانه ّ!!! كلام سيارتو ده صاح والله نحن ضقنا الجوع عديييييل في السودان بي راتب 400 الف وجينا البلد دي (السعوديه ) بي راتب 2500 والله الواحد لمايرسل لي ابوه 800 ولا 900 ريال كل شهر يشعر بي شعور ما بيتوصفوبي انه حلا مشكله خلو الناس تترزق بي الفين بي الف اتوكلو تعالو البلد دي رزقا عالي والامور بتتحسن ونحن مثلكم والله الراتب تضاعف 3 مرات خلال 7 سنين والحمد لله وحققنا حاجات شخصيه كتيره كانت امنيات وكفينا اهلنا شر الجوع .. وانتو يا ناس صيدله ناس تعبتو وكديتو وناس ال iq بتاعكم عالي حرام تقعدو مع غنم السودان ديل ..البلد دي خلوها للحرامي البشير ومعاه شويه عرب مقاطيع يعرضوا قدامو في الاحتفالات !! والله كنا نطلع في المظاهرات وننجلد من البوليس والامنجيه والناس يعاينو لينا بي شبابيك الحافلات .. خليهم يجوعو اولاد الكلب .. واي زول فيهو فايده مرحب بيه يجي السعوديه الرزق واسع وما تسمعوا كلام اي جاهل ... مرحبا بكم

United States [joi!] 06-26-2013 05:08 PM
الــ 4000 دى بيصرفها فى السودان ولا السعودية؟؟.. يا راجل المصاريف
اليومية( أكل و شرب و اتصالات و بنزين و غيرو ) لا تقل عن 50 ريال .
الـ 1000 ريال الباقية دى يرسل منها مصاريف و مدارس و علاج وووووغيرو
و الله غربتوا يطلع مطلوب منها ..ذيادة على امراض الضغط و السكر

[زووول وبس] 06-26-2013 02:08 PM
تفكيرك الصغير وأفقك الضيق هو العامل فينا كدا

2500 ريال = 4000 جنيه حسب وجهة نظرك ما حيقدر يوفر منها ريال واحد علشان ناس بيتم المنتظرنو يا فهيم


#706838 [mohd malik]
5.00/5 (1 صوت)

06-26-2013 11:32 AM
عزيزى الصيدلى فكر الف مره قبل التوقيع على عقد
العمل بالسعوديه ما اعرفه ان وزارة الصحة السعوديه
تعمل على سعودة كل قطاع الصيدلة ورواتبها عاليه
ومن الراتب الموضح واضح انه قطاع خاص والصيدليات
الخاصه فى السعوديه مثل البقالات دوام طويل وتبيع كل شى
ويندر ان تجد بها صيدلى سودانى لان الاجناس الاخرى تقدر
تتكيف مع الوضع وتغطى عجز الراتب


#706819 [ابوفاتن]
0.00/5 (0 صوت)

06-26-2013 11:09 AM
اذا كان الاختيار تم على الذين يحملون الماجستير والدكتوراه على الدنيا السلام واعطاهم هذا المرتب الضعيف باالجد هذا استهتار باالسودانين ولا تقبلو ذلك ياشباب والله فى السعوديه 3000 الف ريال فى الشهر م تكفيك شراب مويه طبعا المويه اغلى من البنزين ولكن اذا الاختيار تم فى حديثى التخرج ممكن الواحد استخير واجى اشق طريقو.


#706817 [abobatool]
0.00/5 (0 صوت)

06-26-2013 11:06 AM
نصيحه البيلقى عرض صيدليه خاصه افضل الراتب مع البدل مع نسبه المبيعات مع الجمعه ممكن يصل 5 او 6الف ريال بس مايكون عندوا مسئوليه ويحدد فتره الاقتراب لان الدوام اقل شى10.30 ساعهالى11 ساعه فى اليوم ليس هنلك عطله حى يقدر يحقق هدفوا ويتخارج
ربنا يوفق الجميع


#706812 [حبو]
0.00/5 (0 صوت)

06-26-2013 11:02 AM
صراحة الصيدلة هنا في المملكة ليست لها قيمة كبيرة, اذكانت الجهة المتعاقد معها شركة خاصة فهذه هي رواتبهم اذ انها تتراوح بين (2500-4000)ريال والمشكلة في الدوام (بيتي في عمارة تحتها صيدلية دوامها 24ساعة والصيادلة 2 فقط )لذلك لا تقارنوا بين الصيدلي في السودان وهنا في المملكة الصيدلي في السودان له مكانة مرموقة لكن في السعودية ما تسمع حد بقول ليك دكتور حتى وعشان تتأكدوا من هذا الكلام شوف كم هم ابناء المغتربين بالمملكة الذين يدرسون الصيدلة في الجامعات السودانية


#706811 [اهل الحق المسلوب]
1.00/5 (1 صوت)

06-26-2013 11:02 AM
الاخوة الصيادلة المتقدمين اولا نسال الله ان يهون علي بلادنا ويجعلها رخاء لاهلها الطيبون نمتلك بلدا لا يوجد له مثيل لكن اه منكم ياحراميه الحكومة علي فكرة انا مهندس واعمل هنا في شركة وكنت شغال باليترول في السودان الحمد لله كان الوضع ممتاز لكن بعد الانفصال التراب كال حماد المهم جئت الي هنا متعاقدا رسميا من السودان وباخد راتب 5الف ريال وبدل سكن 18 الف ريال صدقوني كما علق اخ اخر هذا اسوا بلد في تاريخ البشريه من حيث التعامل مع الوافد والله صدقوني انهم عربان متخلفون ولغاية الان يقبعون في فلك الجاهليه اتدرون من يكون صاحب هذه الصيدليات احتمال كبير جدا لا يعرف يكتب اسمه اعرف واحد سوداني صيدلي هذا الرجل يكون فاتح الصيدليه لغاية الساعه الواحده صباحا وشوف من الساعه 9 صباحا بيرتاح ساعتين خلالها دوام عبوديه انت جايي هنا للعمل فقط وهم يتجولون بسياراتهم الفارهه ياتوك يا طيب ابقي الفلوس وانا الان بفكر ارجع مع اني لا اضمن اي عمل في السودان لكن حتي ولو امشي اشتغل تجارة في اثيوبيا وكينيا وموريتانيا افضل لي مليار مره من هؤلاء الغجر


ردود على اهل الحق المسلوب
United States [wadnas] 06-26-2013 04:23 PM
تصدق انا زيك بفكر اروح غانا او الكمرون او اي دولة افريقية بس القى مدخل


#706807 [فنجاط]
0.00/5 (0 صوت)

06-26-2013 10:57 AM
يعنى كم بالدولار ؟


#706804 [زكرياء]
5.00/5 (2 صوت)

06-26-2013 10:53 AM
نصيحة للشباب الشغال ما يفك شغلو لأنه ح يندم . و الماشغال مالو يجي يجرب.. لكن اوعو زول يدفق مويتو على الرهاب.


ردود على زكرياء
[سامي] 06-27-2013 11:23 AM
تمام ياابو الزيك


#706796 [siddig]
3.00/5 (5 صوت)

06-26-2013 10:43 AM
مع خبرتي القليلة في المملكة لكن نصيحة متواضعة لهؤلاء الدكاترة ( جرب ) ماراح تخسر شئ ... السودان صعب ولا توجد وظائف .... تعال أشتغل سنة أو سنتين ....الحج أصبح بــ20 مليون السنة الفات كان بـ13 مليون والسنة الجاية حايكون بـ 30 مليون تعال حج مرة وأعمل ليك عمرتين... واشتغل سنتين وقرر.....


#706762 [الرسام]
4.75/5 (4 صوت)

06-26-2013 10:00 AM
والله 2500 دي راتب شخص ليس له علاقة بالتعليم مع احترامي لمهنة الصيدلة وهي من ارفع المهن.
نحن هنا بنستأجر العامل البنقالي من كفيلو ب راتب شهري 3000 وطبعآ الكفيل بيعطي بدوره العامل 1300-1500(عبودية مغلفة).
لو وافقتم علي هذا الراتب تكون الهزيمة العلمية قبل النفسية.لان 2500 دي هنا ياداب الفرد يأكل ويشرب منها بدون التزامات اسرية حتي 5000 ليس لها حافز لكي تتغربو من اجلها.
ممكن جدآ توقع عقد ب3 سنوات وبعد سنة واحدة ترتفع قيمة الجنية امام الدولار وتجد نفسك كأنك بتكفي دين وعمره سنتين .لانو اقتصادنا غير ثابت.


#706758 [ود بحرى]
1.00/5 (1 صوت)

06-26-2013 09:57 AM
عامل بنغالى معنا فى العمل ويقدم مويه وشاى (ونعتبره اهم شخص فى المكتب طبعا),ياخذ راتب 2000ريال بدون سكن .قس على ذلك يا دكتور .


#706754 [ابو محمد]
3.50/5 (3 صوت)

06-26-2013 09:53 AM
من غير اى نوع من الدونية .الراتب قليل جدا جدا والاحسن ان يبفوا فى السودان وعدم الذهاب الى السعودية لانهم يشعروا بالذل و المهانة فى دول الاغتراب - لان العامل الهندى من غير شهادات بياخذ 5050 ريال - وهولاء بشهادات ماجستير و دكتوراه 0 فرق


#706748 [الجن المصرم]
3.00/5 (1 صوت)

06-26-2013 09:47 AM
ما علاقة وزارة العمل بالعقد ,,, العقد يوقع مع وزارة الصحة السعودية اذا كانت الجهة المتقدمة هي الوزارة ,,, اما اذا كانت الجهة شركة خاصة كذلك تكون هي المسئولة عن العقد وشروطه !!!!!!!اما وزارة العمل مهمتها توقيعات وجباية بعض الرسوم ومص الدماء !!!!!!!!!شئ عجيييييييييييييييب والله ,,,,,,,,,,,في اعتقادي ان الجهة شركة خاصة والشركات الخاصة مرتباتها لا تعطي رواتب كبيرة لانها شركات ربحية واصحابها بهم جشاعة والصيادلة في سوق العمل متوفرين زي الهم في القلب خصوصا عندما تذهب الى مصر (ام الدنيا) فهنالك يمكن اجيبوا صيادلة ب 1500 ريال لكن المصريين بارعين وتموا الباقي ( ضرب سفروق) اما نحن كاتلانا الامانة !!!!!


ردود على الجن المصرم
European Union [out of the blue!!!!1] 06-27-2013 03:59 AM
this the truth!!1 iknow this fact from my egyptian friend after 5years of work toghether ,just before ileave ,when ifight to increase my salary!!!he told me dont ask ,just get what u want!!! he is getting 10000 riyal from pharmacy!!!!by selling his own medicine!!!!1


#706732 [ساهر]
3.49/5 (12 صوت)

06-26-2013 09:39 AM
رسالة مفتوحة إلى صيادلة السودان: بحكم خبرتي في العمل في السعودية وبعد التضخم الحاد الذي حدث هنا فإنني أنصحكم لوجه الله بعدم توقيع مثل تلك العقود المعيبة. صدقوني أنني أصرف على نفسي (عازب) مبلغ 2000 (ألفا ريال) في الشهر، كما أن العقار أصبح في السماء إذ أن إيجار الشقة الصغيرة في حي مناسب يتعدى مبلغ 24 ألف ريال في السنة. وهناك بعض الشقق يصل إيجارها السنوي إلى حوالي 35 وأحيانا 40-45 ألف ريال في السنة. كنا عندما نسأل من بعض الأخوة السعوديين عن ملاحظتهم في عدم وجود صيادلة سودانيين هنا ووجود عدد هائل من الصيادلة المصريين، كنا نجيب بأن راتب الصيدلي هنا لا يفى بتطلعات الصيدلي السوداني؟؟؟

* وبحكم عملي لفترة ليست بالقصيرة بالسعودية عرفت أن سلم الأجور هنا مبنى على (جنسية) صاحب الوظيفة وليس على مؤهله. ولك أن تعلم أن راتب الممرضة الاسترالية يساوي ضعف راتب الطبيب الهاوس مان السعودي. وأن راتب الصيدلي اللباني والسوري والأردني ليس كراتب الصيدلي المصري؟؟؟

* هذه عقود إذعان أفضل منها ألف مرة الصبر على (المُر) بالسودان من الاحباطات التي سوف يلاقيها الصيدلي السوداني بعد وصوله للمملكة والدوام الطويل الذي قد يتمد إلى أكثر من عشر ساعات أحياناً، مع محدودية الراتب والغلاء والتضخم الحاصل في السعودية الآن.

* فكروا ألف مرة قبل المجئ إلى هنا. كونوا شركات دواء، هاجروا إلى جنوب السودان، إلى كينيا إلى قطر إلى تنزانيا أعملوا أي حاجة غير الموافقة على هذا الراتب (التافه) الذي لا يغني ولا يسمن من جوع.

* اللهم هل بلغت اللهم فاشهد.


#706723 [barca 4 eva]
5.00/5 (1 صوت)

06-26-2013 09:33 AM
هذه عبودية ورقيق على عينك يا تاجر !!!لماذا تسمح وزارة العمل بهكذا مهازل....أليس من الاجدى استثمار هؤلاء الكفاءات من خلال مصنع ادوية طبية وبيطرية يكفى حاجة افريقيا باسرها من خلال استثمار سعودى بدلا من المتاجرة بهم بثمن بخس !!!كان الله فى عون البلد واولاد البلد ...وخسئتم يا زمرة الانقاذ!!!بقت بيع اراضى وتجارة بشر !!!


#706713 [Omar]
5.00/5 (2 صوت)

06-26-2013 09:26 AM
يا معلم صيدلة شنو البدرسوهااساتاذه حمله ماجستير من جامعات فكه البيدفعو فيها 8 ألف....كلو محصل بعضو برضو اسمها 7 مليون بالسوداني وأهو بتساعد....
ديل فيهم واحدين دخلوالجامعة بنسبه 60%


ردود على Omar
United States [محمد] 06-26-2013 02:50 PM
اخوان ما تحرقوا دمكم في الفاضي وهي مثل قصة المعلمين في القطاع الخاص السوداني ب 1800ريال والمصري ب 1200 السودانين ما نفع معاهم وكلهم رجعوا اما المصري بتمها؟؟؟؟؟؟؟
فالقطاع الخاص يختلف عن الحكومي ولو ما جبت من السودان اجيب من مصر من الهند من اي مكان وكد ليكم اذا كان راتب الصيدلي السوداني هو2500 انا اعرف صيادله مصرين راتبهم 2000ريال وعنده حق الايجار وانا عايش في السعوديه هذا عالم البزنس

United States [ود الشيريا] 06-26-2013 02:28 PM
أعرف طلاب دخلوا طب وصيدلة واسنان وهندسة بنسب أقل من 30% ( تلاتين بالمئة ) فى جامعات الفكة على حسابهم الخاص وكلهم ما بيميزوا بين الخمسة والطمسة ..!!!! وبينهم متخلفين عقليا عديل كده ....؟ تانى الواحد يعمل حسابوا لما يمشى يتعالج من زى ديل ...!!!

[ممغتربة] 06-26-2013 10:41 AM
محبط جدا انت علي فكرة ....لو هو مش متمكن ما كان اتخرج يا استاذ ...كان يدرس معنا اول السودان ولم يستطع تخطي سنة اولي بمعني اعاد السنة ...مش مقياس النسبة اللي دخل بيها ...العبرة بالخواتيم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة