الأخبار
أخبار إقليمية
الصيادلة يرفضون عقد العمل.
الصيادلة يرفضون عقد العمل.
 الصيادلة يرفضون عقد العمل.


06-27-2013 06:05 AM
د عوض

بعد اكتشاف الاحتقار والدونيه في حق الصيادله السودانيين في عقود العمل للصيادله في السعوديه بالراتب الضعيف جداً وعندما قال مكتب العمل بكل استهزاء لحملة الماجستير والدكتوراه(يعني شنو ماجستير ولا دكتوراه ما كلو واحد،صيدلي وخلاص) فان الصيادله الذين تواجدوا في المعاينه الاخيره إتفقوا بكل فخر وعزة نفس مع بعضهم ورفضوا هذا العقد الذي يحط من مكانتهم ويزيد من احتقارهم ، واتفقوا علي الا يدخل احداً الي المعاينه او يستلم العقد - وناشدوا بقية زملائهم بان مكتب العمل سوف يتصل بهم نسبةً لان الذين تم اختيارهم اولاً ونجحوا بنسبه عاليه لم يقبلوا بهذا العقد ، واصبحت الاماكن شاغره ، ناشدوهم بأن لا يستجيبوا ويكونوا علي قلب رجل واحد لكي تنعم مهنة الصيدله والصيادله السودانيين بالتقدير والاحترام داخل وخارج هذا الوطن ...




تعليقات 53 | إهداء 1 | زيارات 18652

التعليقات
#708564 [mohd]
5.00/5 (1 صوت)

06-28-2013 09:44 PM
وزارة تافهة لا تجيد الا ارسال الداعرات الى الخليج والاردن وغيرها

هل ستقف معكم

هؤلاء يريدون ان يبيعوكم كما باعو بهائم السودان واراضيه ومعادنه وحطموا مشاريعه وشركاته وباعوها

وفي نظرهم انتم لستم سوى حيوانات ناطقة لا فرق بينكم وبين الخراف التي ييبعونها لاسيادهم في مصر والخليج وغيرها من البلدان
والان يريدون ان يسمسروا فيكم واكيد اتفقوا مع الصحة السعودية على تخفيض اجوركم مقابل اجر يتقاضونه منهم ،

اذهبوا الى كندا فانها تريد صيادلة علما بأنه في كندا في المناطق الباردة يصل اجر الصيديلي في اليوم الى ما يقارب الف دولار كندي ما دامت غربة في غربة

الم يذهب واحد من المؤتمرجية اللئام اولادالحرام الى الليبيين عندما جاؤوا يتعاقدوا مع الاطباء وقال لهم لماذا تعطون الطبيب العام 3000 دولار دا ما عنده خبره ادوه 3000 دينار بس

في حقد اكثر من كدا ؟

هؤلاء يجب ان يقتلعوا وان يرموا في حفر مليئة بالنيران واللهب حتى يتعذبوا مرتين اي مؤتمرجي واي جبهجي واي ملتحي ضلالي كاذب شارك في ضياع هذا البلد وذل المواطن لعنكم الله في الدنيا والاخرة يا ولاد الكلب يا جرارين ياقوادين


#708378 [ضياء دىدى]
0.00/5 (0 صوت)

06-28-2013 02:44 PM
يا صيادلة السودان صرتو ضرب مثل ذى بائعات الهوى فى الهند عملوا معهم لقاء على التلفاز الهندى وقالو لهم الشى الذى تمارسونه بعمل لكم مرض اسمه الايدذ وقالو مامشكله احسن من نترك عملنا هذا ونموت جوعا فانتم ياصيادله احسن شى توافقو لكى تتخارجو لينا من السودان لان الطب انتهى حاليا الطب بقروش لامعنى له صاحب الشهادة نسبته 40% يدرس صيدلى ويتخرج لانه دفع قروش ويعمل بالسودان ويعمل نفسه طبيب ويعطى دواء خطا لكى يصيب المريض بداء اخر اخطر من العنده فاحسن تتخارجو لينا من السودان وبكثرتكم هذه السعوديين عرفوكم علشان كده اختارو لكم راتب الفيين ريال وممكن بائعة الكسرى فى السعوديه دخلها الشهرى اكثر من4000 ريال سعودى.وبصراحة كده الاطباء والصيادله الممكن تحترمهم تخرجو قبل 1986.


ردود على ضياء دىدى
[أبو أحمد] 06-29-2013 01:03 AM
يا ضياء
باين عليك انت واحد ما عندك أصل
أيش الكلام اللي تقوله دا
في النهاية هم أخوانك واخواتك
وعيب عليك هذه اللهجة
ويقول المثل: أن كل إناء بما فيه ينضح
وأتمنى أن تكون تفهم هذا المثل


#708365 [ABOALKALAM]
0.00/5 (0 صوت)

06-28-2013 02:15 PM
من حق الجميع تجربة الأغتراب وان يطمح في تحسين وضعه الأبناء الصيادلة الذين

ينوون الأغتراب الي السعودية وكما هو مذكور سيتقاضون مبلغ 3500 ريال سعودي اجمالي

وهو مبلغ بسيط بالنسبة لمداخيل السعودية والبلد غالي ولكن لماتكون

حكومتك نايمة في التكييف وانت مالاقي حق الرغيف

واذا كانت لليس هنالك وظيفة متوقعة انت في انتظارها فاذن اهلا بك في الغربة

واوصي من يريد ان يسافر الي السعودية وخاصة ان الصيدلة بقت طب ومبيعات

وصناعة ان يحاول ان يحترم بقية الشعوب المتواجدة في السعودية وان يحترمها

ايضا محاولة معرفة انواع الأدوية الجديدة والأطلاع عليها لأن بعض الأدوية في السعودية

زي الموبايلات تنزل بالتزامن مع نزولها في بلادها ايضا ان يحاول ان يظهر

بالمظهر المناسب وانا عارف اولادي لما يقشروا يغلبوا بقية الشعوب الأخري

اذن المظهر والجوهر مهم

وان يخصص مبلغ ثابت للوالد والوالده كل شهر حوالي مئتين دولار يعادل

750 ريال علي ان يكون في مواعيد ثابتة وقليل دائم خير من كثير متقطع

ومن الأفضل ايضا ان يحضر معه رخصة قيادة سودانية تمنح الرخصة السعودية

بعد تدريب بسيط واختبار وهذا سيوفر عليك كثير ويمكن امتلاك سيارة قديمة

حسب الحال بعد فترة وجيزة اخيرا لكم التوفيق


#708113 [سعاد صالح التني]
0.00/5 (0 صوت)

06-28-2013 02:34 AM
الممرض اللبناني في السعوديه معاشو الاساسي 7500 ريا ل ومابفهم سجم أمو في الصيدله بس لأنو لبناني ومرتو بشغلوها مديرة او مدبرة منزل برضو ب 7500 ريا ل هذه هي السعوديه ويقولول ليك بمنتهي الجلافه العاجبو أهلا وسهلا والماعجبو يركب البحر ويرجع ومصطفي عثمان اسماعيل والسفير السوداني عارفين وفاهمين الكلام ده كويس جدا.


#708041 [nagatabuzaid]
5.00/5 (1 صوت)

06-27-2013 10:47 PM
تمام موقف رجال ونرجو ان لا يخذلكم البعض الاتحاد قوة وده السودان من كسلا لكردفان ومن دنقلا لاخر حدود السودان الاصلى الما مزور


#708034 [سقراط]
0.00/5 (0 صوت)

06-27-2013 10:37 PM
لفائدة الاخوة الصيادلة التعاقدات فيالحكومة السعوديةللاجانب في حدودالراتب الاساسي 2500للبكالاريوس 3500للماجستير 4500للدكتوراة + 15% غلاء معيشة + سنوات الخبرة 5 سنوات كحد اقصى * (150-350 حسب المؤهل) + 400بدل ترحيل + مرتب 3شهور بدل سكن والاختلاف فقط بين مخدم لآخر في بدل الندرة والذي يتراوح بين 5-100% من الراتب حسب الجهة المخدمة الغربة ليها ضريبتها وكل واحد وظروفو الشخصة والحياه هنا معتدلة يعني لا حتغني سريع ولا بتعيش فقر


#707995 [ود الامير]
5.00/5 (1 صوت)

06-27-2013 08:32 PM
شعب ابي كريم ولكنه مبتلى بحكامه وولاة امره الذين استذلوه وضيقوا عليه سبل الرزق الحلال واغتالوا احلامه وجلبوا عليه كل بوائق الدهر وادخلوه في دوامة النحس الابدي ......... اللهم عليك بمن كان السبب في هذا البلاء اللهم ارح البلاد والعباد من شر من لا يخافونك ولا يتورعون عن انتهاك المحرمات باسم دينك القويم، اللهم عليك بهم، اللهم مزقهم وشردهم في الافاق واذقهم الامرين كما فعلوا بعبادك ، وانزل بركاتك على اهل السودان وجنبهم ذلة تسول القوت على موائد اللئام.


#707953 [ابو ناصر]
5.00/5 (1 صوت)

06-27-2013 07:04 PM
يا الله أغفر لأبي وأرحمه وأجعل قبره روضة من رياض الجنية يا أرحم الراحمين .
قولوا آمييييييييييييييين .
والتحية للشعب السوداني العزيز ....


ردود على ابو ناصر
[nagatabuzaid] 06-27-2013 10:12 PM
امين اللهم ارحمه رحمة واسعة


#707949 [saad]
0.00/5 (0 صوت)

06-27-2013 06:53 PM
بكره حيجيبواالمصريين بأقل من الراتب دا هو الخرب سوق العمل منو غيرهم . انا دكتور والان في صيادلة مصريين شغالين ب 2500ريال


#707948 [jini]
0.00/5 (0 صوت)

06-27-2013 06:49 PM
من يحدد الراتب ؟
الوظيفة قطاع خاص ام قطاع عام
وزارة الصحة السودانية ام الصحة السعودية ام القطاع الخاص

السعودية في اتجاهها على الضغط على النظام المصرى لارباكه اتجهت الي الاستقدام من السودان

وزارة العمل السودانية لا تحدد المرتب في اعتقادى
والامر متروك للمتعاقد بالرفض او القبول
هنالك الكثيرين سيقبلون ربما للخروج من السودان والانطلاق الى محطة اخرى


#707930 [b]
5.00/5 (1 صوت)

06-27-2013 06:19 PM
نحن بياطرة تعاقدنا قبل سنتين مع وزارة الزراعة السعودية فى برنامج تعاون مع وزارة الثروة الحيوانية بوظائف اخصائيين بيطريين براتب 4600 للدكتوراة و2500 للماجستير والعمل فى اقصى جبال عسير وجيزلن ونجران وقد قبلنا العمل والعقود بسبب اهمال حكومتنا لنا وعدم الاهتمام بنا وعدم الاستفادة من خبراتنا وقد قدم الزملاء كل خبراتهم وامكانياتهم للسعوديين وتركو انطباع جيد بالرغم من ضعف الراتب لكن بكل حال افضل من السودان لان الواحد هنا عاطل هناك مجموعة كبيرة من اساتذة الجامعات ذهبو فى هذة العقود


#707926 [ودالعوض]
3.00/5 (2 صوت)

06-27-2013 06:13 PM
رأيت صيادلة في صيدلية تتيع لمستشفي المواساة من حملةالجنسية السودانية يتعاملون مع المرضي والزائرين للصيدلية بتعالي وسخافة ولؤم اقسم بالله لم اشاهدها واسمع بها داخل السودان وخارجه. فاذا كانت هذه هي نوعية الصيادلة عندكم فنرجوكم لا ترسلوا هذه الأشكال ونقول لم نعرف السودان ولا السودانيين يوما بهذه الحال. اين الأخلاق والأدب والأحترام من الماركة السودانية العريقة التي تأسس عليها حب اهل الخليج لكم! انني اشك تماما وبالمقاييس والمعطيات السودانية التي يعرفها كل سوداني ان يكون هؤلاء وامثالهم من قبائل سودانية اصلية لأن الحابل اختلط بالنابل وتشوهت قيم ومرتكزات كثيرة اضاعت البلد كله. ونقول هذا لأن لا نحاول ان ندع اهلنا يشاهدون ماذا يحدث بأعيينا ولا نحاول ان نلقي علي اسماعهم افكارنا لنفرض عليهم تصديقها ولكنه الواقع بأسف شديد اعيدوا تربية الأجيال علي الوطنية والغيرة علي الوطن اولا وحب السوداني لأخيه قبل نفسه ثم علموهم تعليما حقيقيا ليمثلوا بلادنا ليس في الخليج فقد امتلأ بالمصريين لابسي البدلات والكرفتات الفخمة والعقول والثقافة العلمية الضئيلة فقد ضج اهل الخليج من ادعاءاتهم في الطب وهم علي فراغ كبير منه الا انهم يجيدون اللباقة المنافقة الرخيصة ولهذا يسيطرون علي مصادر العلاج والأستشفاء والدواء ولكن رغم انحدارنا فنحن في غالبية اجيالنا السابقة اكثر منهم علما وثقافة وتحضرا ولكن لنظهر تفوقنا حتي في امريكا واوربا كما فعل الهنود اللذين تفوقوا حتي عليهم داخل بلادهم اللهم احفظ شعبنا في علمه ودينه واخلاقه


ردود على ودالعوض
[سوداني أصلي وعزيز بعزة السودان] 06-28-2013 05:55 PM
للمدعوة/ نجاة ابو زيد : يعني السعودية دي إلا واحد فيها يشتغل في قصر ويقش وينضف ويطبخ ويغسل العدة ويكون مطيع ومؤدب ويقبل الاهانة ويظهر للناس الادب حتى لو على حساب راحته النفسية. يعني اللي يعمل غير كدا يكون من بني يعرب وسلالة الاندلس.. الله يقرفك بقرفكم ووسخاتكم دي قسمتوا السودان لواحد مطيع واحد متمرد في الخليج. واحد يقبل بالأهانة وواحد برفضها الأول يسمى عندهم مطيع والثاني يسمى عندهم متمرد وشايف نفسه.. دا كلوا نتيجة لقذراتكم ووساختكم وعفنكم يا عفن

طيب انت لو عندك زرة بتاعت كبرياء وكرامة المفروض تطلبي من الله صباح ومساء أنه يجعلك من ابناء يعرب ويثرب والاندلس.. لانهم ناس عزيزين نفس لانو بعيشوا بأنفة داخل وخارج السودان وما برضوا الحقارة والدهنسة وما بقبلوا الاستفزاز ولا بيعشوا في القصور ولا في القبور ولا في ولا غيره... فهمتي يا نجاة بت ابوزيد يا ر ط ا ن ي ة

بعدين يا كاتب التعليق العوض. ياخي ما تحكم من اول شيء شفته وما فهمته انا بعرف بعض الزبائن بستفزوا وبيحاولوا ينقصوا من قدر الشخصوص وبالذات لما يكون من السودان. وبالذات من اللي حملة الجنسية السعودية المستعوديين من ابناء اليمن وغيره يعملوا ليك فيها ولا سبع بقرش.. (الواحد لما جاء السعودية جاء لابس ليهو ملاية في صلبو) بعرفهم كويس عالم ما تجي إلا بالجزمة.. انا احي هؤلاء الصيادلة لانو مما ممكن زول يتعامل معاك بجلافة إلا تكون جلف وجيعان وابن جيعان زيي الجماعة اللي ذكرتهم ليك ديل. وانت يا العوض من ياتو من ناس نجاة ابوزيد ولا من ناس العباس

[nagatabuzaid] 06-27-2013 10:17 PM
يكونوا ديل صيادلة الانقاذ من بنى يعرب ابناء العباس سلالة الاندلس تربية نافع لكن حاشا لله ان يكونوا كما وصفتهم ابحث عنهم ستجد كلامى صح


#707922 [hamdan]
0.00/5 (0 صوت)

06-27-2013 06:07 PM
ماجستيرولا دكتوراة ما ياهو كلو صيدلي. قمة الجهل !!!!!!!!!!!!!!!!!!!!!!!!!!!!!!!!!!!!!!


#707902 [زعتر على]
0.00/5 (0 صوت)

06-27-2013 05:35 PM
انصح الجميع اقل راتب هو 9000 راتب اساسى مع البدلات الاخرى (بدل سكن+تامين طبى + بدل مهنة+بدل ترحيل)،السعودية مستوى المعيشة مرتفع جدا، لايوجد صيادلة حققين فى السعودية،يعنى باختصار دول جنوب اسيا خاربين الموضوع ( الهند،الفلبين)، ولذلك وزارة الصحة السعودية اكتشفت ان السودانين هم فقط الصيادلة الانسب لشغل تلك المهنة، مثل وزارة النقل السعودية اكتشفت ان انسب جالية لشغل مهنة المساحة هم السودانيين فقط ، نكرر مرةاخرى مستوى المعيشة فى السعودية مرتفع اقل راتب 9000 ريال اساسسسسسى.الهم انى بلغت فاشهد.


#707878 [جر مريسة]
5.00/5 (1 صوت)

06-27-2013 05:00 PM
كلامهم صاح ، شنو يعنى ماجستير و لا دكتوراة ، م يا هو بشبش بشهادة ثانوية 40% شغال رئيس. ما يا هو ابو رياله عنده دبلوم 3 سنوات من معهد الكليات التكنولوجية و شغال وزير دفاع ، ما ياهو والطيب مصطفى عنده دبلوم سنتين من معهد المواصلات السلكية و اللاسكية و شغال كبير الثقافة و المثقفين و كان مدير التلفزيون. ما ياهو جر مرسية من فصول محو الامية ( مش امية لورى) وشغال ناقد و معلق. هى بس بقت على الصيادلة.


ردود على جر مريسة
[nagatabuzaid] 06-27-2013 10:30 PM
يا عمر محمد الزول ده كلامه سخرية حسب ما فهمته بفهمى الصغيرون الضعيف انه ناس مكتب العمل لايفهمون ولا يفرقون بين الشهادة السودانية مرور ولا الماجستير ولا الدكتوراة ما تقوم نفسك وتزعل ومن كلامه هو فاهم كويس وقاصد من يقصدهم

كسرة مستلفة من جبرة : بنت اختى عندها ضرس ملتهب وبعض المشاكل الحنكية الطبيب من بين العلاجات كتب ليها مضمضة فى الصيدلية صرفوا ليها بدل المضمضة اكسجين من النوع الذى تستعمله الحروم للحنة وكادت ان تلحق السمحين ولكن ربنا كتب ليها عمر جديد والصيدلى كانت بنت والصيدلية عارفنها والطبيب المعالج اصر على الشكوى مع احترامى الشديد جدا للصيادلة من الجنسين ولكن هذا حدث حقيقة

United States [عمر محمد] 06-27-2013 06:30 PM
اخي الماجستير في علوم الصيدله لاينال الا ببذل الجهد والمال هولاء الاخوه لم ينالوها هبة من احد ارجوك ابعد السياسه من حكمك علي الموضوع...عمر محمد صيدلي سوداني


#707828 [ابومازن]
4.00/5 (1 صوت)

06-27-2013 03:31 PM
الممرضه المصريه في السعوديه تتعاقد ب5500 ريال سعودى فكيف بالله صيدلى عنده ماجستبر سبحان الله


ردود على ابومازن
United States [ممغتربة] 06-27-2013 05:36 PM
يا ابو مازن والله بالغت عديييل كدة ..اهم ديل الممرضات المصريات شغالات ب2000 ريال والله !!!!!


#707808 [Ivory]
5.00/5 (4 صوت)

06-27-2013 03:16 PM
الموضوع عرض وطلب ولما شافوا عدد المتقدمين بالآلاف قالوا احسن تخفض الراتب لانهم حيقبلوا باي راتب خاصة بعد مقارنة المرتبات بالسودان والعطالة التي تتسبب فيها حكومتنا للخريجين وحملة الدرجات العلمية


#707802 [مغبون ومليان وجع]
0.00/5 (0 صوت)

06-27-2013 03:04 PM
السلام عليكم .... اولا اعتقد ان راتب في حدود الاربعة راح يحل مشكلة طبيب صيدلي حتي ولو كان مسؤل عن نفسه فقط ناهيك عن التبعات الاسرية ... اقل اجارات تتراوح ما بين الف الي 1500 ريال سعودي ... والانفاق الشهري المعيشي للفرد ليس اقل من الف ريال ، هذا اذا لم نحسب تكاليف شخصية اخري مثل الانترنت والاشياء الخاصة .... يعني حوالي 2500 راح تروح شمار في مرقة شهريا ، طبعا لو عندك اسرة مسؤل عنها بالكاد راح توفر مابين الف الي الف وخمسمئة ريال ... وفي هذه الحالة المجاسفة في السودان افضل .... مع العلم ان الراتب الاساسي للسستر الهندية او الفلبينية هو 4000 الف ومع البدلات تصبح اقل سستر دراسة دبلوم تمريض ثلاث سنوات حوالي 5500 وكلما ازدادت خبرتها كلما تقدم راتبها... المشكلة في السعودية ماف صيادلة حقيقين غالبهم دبلوم صيدلة ثلاث سنوات ومن معاهد خاصة .. وفي كل المراكز الصحية السستر هي مسؤلية الصيدلية ، اما في المستشفيات الكبيرة تجدواحد او اتنين صيادلة حقيقين والباقي اجرك علي الله ...واضح انو السعوديين انتهوا لخطورة هذه المسألة لان اخطأ صرف الادوية اصبحت لا تحصي ولا تعد ... عادي تكتب لمريض مضاد ممكن يعطوه ادوية ضعط او سكر ... عليه ننصح الزملاء التمسك بموقفهم وفرض خيارهم ...طبعا نفس المشكلة دي في المعامل .. واتوقع ان يتوجهوا للسودان لتعين خريجي مختبرات حقيقين..... لكم حبي


#707798 [ود الدلنج]
3.75/5 (3 صوت)

06-27-2013 03:00 PM
لا تتوقع شيء من سفارتنا في أي مكان أن تقف في صفك أو تحل للمغترب مشكلة مهما كانت بسيطة . سفاراتنا وقنصلياتنا هي نقاط جبايات وبس . حتى فورمات الخدمة المصورة تتسلمها بعد دفع مبلغ معين . مع أن كل المؤسسات من بنوك وغيره في الخارج توفر خدمة تصوير المستندات مجاناً بعضها يخصص عامل للقيام بهذا العمل والبعض الآخر يجعلك تقوم بتصوير مستنداتك بنفسك بدون أي مقابل . نحن مشكلتنا في حكومتنا . حكومة ليس لديها أي هدف سوى نهب المواطن السوداني أينما كان وبأي طريقة . حكومة ابتكرت طرق لأهانة ونهب وسلب المواطن السوداني ,,, طرق حيرت الشيطان نفسه , نجد إبليس يقول لصديقه الأبليس . بالله ديل عموها كيف دي نخنا ذاتنا ما فكرنا فيها


ردود على ود الدلنج
[الصوت] 06-28-2013 06:41 AM
بلاش توافق يا نجاة خليها تنور الناس بالرواتب السائدة في البلد والسبب في تباينها ، ديل قاعدين ليهم في تكيّة ياكلوا ويشربوا ويتنعموا ويتكبروا على المعيشينهم وبس ..

[nagatabuzaid] 06-27-2013 10:33 PM
مفروض سفاراتنا السجمانة ما توافق على عقود عمل اسجم منها


#707784 [رحومة]
2.00/5 (1 صوت)

06-27-2013 02:24 PM
آمين يا بت حبوبتها... وكمان معاهم الخال الرئاسي


#707743 [الاشعرى]
5.00/5 (2 صوت)

06-27-2013 01:11 PM
بكرة تلقاهم في السعودية لاتوجد عزة نفس وكرامة مع الفقر
واللة انا شايف الفينريال تخارج معاهم بالنسبة للوضع التافة في السودان
بعدين المتقدمين بالالاف ودايرين 600


#707724 [احمد نافع]
3.00/5 (2 صوت)

06-27-2013 12:43 PM
قال تعالي (وفي السماء رزقكم وما توعدون) صدق الله العظيم


ردود على احمد نافع
United States [سوداني في السعودية] 06-28-2013 07:38 AM
تحية لأحمد نافع أجمل تعليق بالجد الناس محتاجة ترجع ليه. أعني الجانب الايماني والنظر لكل امور الحياة من هذا المنظار.


#707685 [mr.nassir]
0.00/5 (0 صوت)

06-27-2013 12:02 PM
much respect


#707673 [قاتل الله من قسم البلاد]
0.00/5 (0 صوت)

06-27-2013 11:51 AM
الناس الحضرة المعاينات تورينة كم الراتب المعروض من قبل السعوديين وهل هنااك تلاعب من طرف مكتب العمل السوداني, لأني أعلم بحالات تكتيرة تجي الرحمة فيها من برة برواتب كبيرة ويطلع ليك ود حرام يقول للأجانب حرام عليكم السودانيين ما يستاهلو كدة أدوهم ربع الراتب المعروض وهم حا يوفاقو, وللأس ود الحرام البيقطع رحمة الله ده يكون سوداني زيك وزي, الله يعينك يا مواطن.


#707666 [ولد سيدي باشا]
0.00/5 (0 صوت)

06-27-2013 11:48 AM
هذا هو الكلام الصح لا تقبلوا بأي إستهزاء أو إنكار لعلمك ومعروف الماجستير والدكتوراء في أي علم ولم يتحصل الصيدلي هذه الشهادة وإلا قد بذل جهدا علميا كبيرا في سبيل الوصول إلى الرقي في علمه .
ويا إخواني الصيادلة السودانيون لا تقبلوا بعقود غير مجدية مع أي دولة خليجية أو غير خليجية فدول الخليج مثلا عشان يخرج صيدلي واحد بيصرف الملايين .. فمعروف علمكم لدي الجميع .. أنتم الدواء قبل تناول الدواء لأنه لولاك لم أصرف الدواء ولا أصنع الدواء .. وفيكم الخير الكثير للبشر جميعا .. وتراجعكم عن قرار توقيع العقود بالطريقة التي يريدها العميل .. هو الصواب فالسعودية الآن يحتاج إلى آلاف الصيادلة لإكمال مشاريعها الصحية الضخمة ولن يتنازل عنكم ولن يلغي العقود لأنها هي المحتاجة في الدرجة الأولى وليس أنتم يا حمائم السودان .. ومن يدكم يشفى المريض والجريح وووو ألخ .. لكم التحية ولا تنسى ذكر الله دائما والتوفيق من الله والرزق على الله أولا وأخيرا ...


#707656 [ام عبد الواحد]
0.00/5 (0 صوت)

06-27-2013 11:39 AM
ربنا يوفقكم ويسسدد خطوتكم لو كل سودانى قام بما قمتم به داخل وخارج البلاد لحفظ كرامته وعزته ولما هان السودان والسودانيون على اي كائن كان.


#707653 [السنجاوي]
0.00/5 (0 صوت)

06-27-2013 11:34 AM
الله يفرج كربكم وأحي فيكم موقفكم الشجاع هذا رغم حاجة الكثيرين منكم للعمل وظروف السودان الصعبة وقد يكون هناك من بدون عمل
ولذلك أتمنى من البقية الوقوف نفس الوقفة الصلبة وعدم مخالفة إخوانكم بالقبول بهذا العرض الهزيل


#707647 [سودانيه]
0.00/5 (0 صوت)

06-27-2013 11:27 AM
تمام.... ده الكلام الصح
عزيز انت ياوطنى .............


#707642 [غايتو]
4.00/5 (3 صوت)

06-27-2013 11:22 AM
اذا كانت وزارة الصحة - فهذا سلم رواتبها - وبالتالى الخيار خيارك ... أما إذا كانت شركة أو مؤسسة سعودية متعاقدة مع وزارة الصحة أو للقطاع الخاص فهو معدل الرواتب بالقطاع الخاص 2000 /2500/3000 ريال + بدل سكن راتب شهرين أو ثلاث رواتب فى السنة وحسب الاتفاق + العمل الاضافى بمعدل ساعتين يوميا أو سته ساعات أيام الجمع فى حدود 1000/500ريال بالاتفاق أو حسب نظام مكتب العمل الساعة بساعة ونصف + عمولة المبيعات . يعنى ببساطة ممكن يصل استحقلقك الشهرى 5000/6000/7000 ريال حسب موقع الصيدلية ونشاطها .
مكافاة نهاية الخدمة نصف راتب عن كل سنة من السنوات الخمس الاولى وبعدها عن كل سنة راتب كامل .
اجازة شهر وتذكرة .
أعتقد يستحسن أن يتعاقد حديثى التخرج ( سنتين ) لتحسين الاوضاع وزيادة الخبرة .
الايجارات رخيصة فى معظم السعودية ماعدا المدن الكبيرة وخاصة جدة .
قال احتقار ودونية / يا أخى سلم الرواتب هذا لكل الصيادلة الاجانب , وأكيد قديم منذ الثمانينات ولايوجد صيادلة أجانب بوزارة الصحة ويبدو أنهم احتاجوا اليهم ليعملوا فى المناطق الصعبة ..
أرى أن يخرجوا ويجربوا ..... خاصة ماعندنا ليهم وظائف .
الله يرحمك يا سودان ياعظيم .
غايتو ياهو دا السودان .


ردود على غايتو
United States [قلنا الررررررررررررروب] 06-27-2013 05:09 PM
كذابييييييييييييييييين احسن تقبلو باي سعر من المجاعة الموجوده في السودان

[صالح محمود محمد صالح] 06-27-2013 01:53 PM
أؤيد رأيك بشدة كان الله فى عون السودان..

[سامي] 06-27-2013 01:51 PM
كلام رائع من موقع الحدث

[صيدلي] 06-27-2013 01:27 PM
اولاً في العقد مكتوب ان التعاقد مع وزارة الصحه السعوديه وليس شركه خاصه ويوضح العقد ان المرتب الاساسي هو 2500 ريال سعودي وبعد البدلات تصبح3750ريال سعودي وعندما تقول ان يقتنعو بمثل هذا الراتب الضعيف فان السودانيين تاني هيكونو معروفين بهذا الراتب وماهتحصل انو تكون في زياده في الراتب اذا اي شركه خاصه فكرة انها تجيب صيادله سودانيين - فاتجاههم بالرفض كان حلهم السليم والمنطقي


#707624 [ابو السوس]
5.00/5 (2 صوت)

06-27-2013 11:12 AM
نؤيد هذا القرار من حيث المبدأ ولا يجب التفريط والاستهانة بالكرامة التي هي أغلى من المال.
وفقكم الله وسدد خطاكم.


#707612 [كوكاب]
5.00/5 (1 صوت)

06-27-2013 11:08 AM
لكم التحية والاحترام لرفضكم هذ العقد المذل ليس لكم انتم الصيادلة فقط بل لكل الشعب السوداني وارجو ان تكون راس الرمح وقدوة لكل جهة تحاول ان تحط من قدرنا وكرامتنا لاستغلال فقرنا وظروفنا السيئة بهكذا عقود نعم كونو كالصخرة الصماء التي لا تهزها عاصفة والله دمعت عيناي عندما قرات هذا الخبر لانه اكد لي بان الشعب السوداني ما زال بخير ويجب ان نوحد صفوفنا لازالة هذا الكابوس الجاثم على صدورنا ربع قرن من الزمان لنعيش بكرامة وحرية وديمقراطية وعدل ومساواة


#707598 [الصادق أبو روان]
5.00/5 (2 صوت)

06-27-2013 10:59 AM
هؤلاء هم أبناء بلدي لا يرضون الأدنى ورأسهم دائماً مرفوعة رغم المضايقات والظروف الصعبة هؤلاء هم رجال ونساء السودان الذين لا يرضون هذه العقود المهينة لشرف السوداني من الراعي إلى الطبيب ..... نعم لابد من رفض هذا العقد الذي لا يكفل ابسط الحقوق العلمية والمهنية للمتقدمين وما الذي حشر أنف وزارة العمل السودانية في ذلك ومنذ متى كانت لهم أهمية للمواطن السوداني والمتعاقد ونصيحتهم ترجع ليهم ( يعني شنو ماجستير ولا ..... ما كلها صيدلة ) لا ما كلها صيدلة هناك احترام للدرجة العلمية ومعمول بها في كل مكاتب العمل الخارجية عدا السودان ممكن عادي في زمن الكيزان مدير الشركة يكون بكالوريوس عادي وكبير الموظفين يحمل درجة الدكتوراة ويمكن يكون من درسه هذا الدكتور فهذا زمانك يا مهازل فامرحي ...
زمن أغبر


#707591 [واقعى]
4.50/5 (3 صوت)

06-27-2013 10:52 AM
لاتسقني كأسالحياة بذلةٍ.....بل اسقني بالعز كأس الحنظل
اااااااى دا الشغل دا الشغل
نسأل الله ان يرزقكم عملا خيرا منه اللهم امين
والله انه لموقف مشرف


#707584 [هجايم]
5.00/5 (2 صوت)

06-27-2013 10:50 AM
عفيت منكم يا صيادلة امشوا براكم أحسن .. ديل عايزين الشعب كلو يقول نعم وفى اى وضع


#707570 [Ali Hassan Salouka]
0.00/5 (0 صوت)

06-27-2013 10:38 AM
حد يعرف و يوضح كم قيمة هذا العقد عشان نقيم الوصف انو ضعيف و لا حاحة تانية و شكرا


#707550 [ابوطاهر]
5.00/5 (2 صوت)

06-27-2013 10:22 AM
نرجو من الاخوة الصيادلة عدم القبول بهذا العرض الهزيل ..واؤكد لكم باني اعمل صيدلانيا في مستشفي خاص بالمنطقة الشرقية ..الحد الادني للراتب 4750 ريال مع توفير السكن والمواصلات وتقديم وجبات الطعام اثناء الدوام ..ومع هذا لا يقبل الاخوة المصريون حاليا بهذا العرض ويرفضون التقديم لهذا المستشفي ...وهؤلاء من نتهمهم نحن في السودان باشانة سمعة الصيدلي في السعودية ونحملهم وزر انحطاط العقود في السعودية ...فنتمني ان لا نكون نحن الصيادلة السودانيون اليوم السبب في تدهور اوضاع الصيادلة في السعودية والخليج بصفة عامة ..واؤكد لكم سيتراجع هؤلاء القوم عن هذه العروض الهزيلة إن لم يجدوا احدا يقدم لهم ....فرنجو من الصيادلة التكاتف والتآزر والبعد عن النظرة الضيقة والمصلحة الوقتية ...بالرغم من معرفتنا باحوال السودان واوضاع الصيادلة في السودان وما وصلوا اليه من تردي وشظف في العيش الا قاتل الله البشير وزمرته الفاسدة ..الذين اوصلونا الي هذه المرحلة فبتنا نقبل بكل ما هو مهين ومشين ..والسلام عليكم ورحمة الله الا هل بلغت فاشهدوا ..


#707539 [سوداني والسلام]
5.00/5 (1 صوت)

06-27-2013 10:17 AM
المشكلة في حكومتكم قال المثل (البجبرك شنو على المر الا الامر منو ) وراء كل ضيق فرج انشاء الله


#707519 [بدر]
5.00/5 (1 صوت)

06-27-2013 10:03 AM
اتمنا انو الناس تتحد الموضوع مابتعلق بالمرتبات بس الموضوع مساله قيمه بالنسبه للمجال لينا وتغير نظرت الدونيه المرافقانا من القائمين يالامر الانتقلت حتي للمريض البنظر لينا كتجار وحراميه مع العلم انو 80% من الصيدليات مملوكه لناس ماعندهم علاقه بالمجال دا ومايخفه عنكم انو حتي بعد الاعتصام وذياده المرتب120 الي 150 اقل من مرتب حبشي ف فكتريا فياخواني الصيادله لازم نبقه يد واحده عشان نغير نظرت الناس لينا ونرفع من مكانتنا وف الاتحاد قوه.


ردود على بدر
European Union [semo] 06-27-2013 03:01 PM
و مالهم الحبش , انت بتتكلم علي ياتو اساس اساسا اذا كنته بتحتقر الناس وداير باقي الناس يحترموك بي ياتو حق ؟ الله يعينكم و يعينا


#707517 [نزار عبدالله]
4.00/5 (2 صوت)

06-27-2013 10:01 AM
موقف مشرف وكريم واتمني ان لا يوجد من يبيع الباقين في سبيل شوية ريالات رغمي علمي ان الظروف قد تقهر البعض لكن كان الاجمل ان وزارة العمل تعز الناس وتفرض علي السعوديين رواتب مجزية
ان شاء الله ربنا يسهل احوال وامور الجميع


#707514 [سامي]
0.00/5 (0 صوت)

06-27-2013 10:00 AM
هذا الراتب محطة لصيدلي جديد ويمكنه العمل هنا اذا لم يجد اصلا عملا فى السودان لينطلق من جديد هناويجد فرصة اخري بعد انتهاء عقده مع احدي الشركات هنا ويتقاعد ويعود الكرة او يهاجر الى دولة اخري اما حملة الماجستير فهولاء بمثابة اساتذة صيدلة وكل صيدلي يقدر موقفو كما قال العساكر .


#707508 [احمد الطيب]
5.00/5 (1 صوت)

06-27-2013 09:55 AM
لكم التحية والاحترام ابناء بلدي العظماء لا للاهانة بابناء السودان وكفانا مهزلة ايتها الحكومة الفاشلة ؟ والله الشغل في السعودية زي الحمير في السودان ويقولوا 2500 افضل ان يجلسوا في بيوتهم بدلا من الغربة والسفر لا حفاد ابو جهل وابو لهب ؟؟؟؟؟؟؟؟؟؟


#707483 [alrikaby]
5.00/5 (1 صوت)

06-27-2013 09:34 AM
دي تجارة بشر عديل خلاص الحبش والارتريين كملو وقبلو علي السودانيين والله الفين ونص ريال في السعودية ما تأكلك لو رضيت وجيت ها تبقي مهزلة جوة والسودان وبرة السودان.


#707474 [Dakeen]
5.00/5 (1 صوت)

06-27-2013 09:26 AM
احييكم انتم من تستحقون درجة معلم


#707469 [ابوايمن الحلاوى]
5.00/5 (1 صوت)

06-27-2013 09:23 AM
لو كان هنالك جهات تسعى لحماية مواطنينا اينما حلوا لاستمسك هولاء بالوحده ورفض العقود!!! ودول اسيويه تحمى عمالتها وسفاراتهم كالاسد عند عرينه ومهما كانت درجة العامل ولو مستخدم سائق خاص او خادمه فى بيت فانه تحت رعاية سفارة بلاده وليس كفلائهم!!! متابعه واتصالات بينهم والتدخل القوى للسفاره فى حالة وجود خلاف بين الطرفين!!! هذه دول تعرف قيمة مواطنيها وتحافظ عليه اكثر من تمثيلها الدبلوماسى ؛ لانها تدرك بانه ذو قيمه اقتصاديه ويساهم فى اقتصاد بلاده بتحويلاته البسيطه!!!! وكلنا نعرف بان دول اسيويه اقتصادها متين وثابت بسبب مدخرات وتحويلات المغتربين كالفلبيين ووووو!!!! ونحن تمشى البنك عشان تحول عمله بالسعر الرسمى بتاع البنك اقول ليك انا بشترى منك بسعر اعلى وامشى قابل فلان فى ..... !!!! وحتى بعض موظفى جهاز المغتربين يطلبون منك ذلك واقول ليك والله عندنا حاله علاجيه خارج السودان ومحتاج شوية عمله!!!! وعليه ونسبة لتهميش الخريجين وعطالهم وتردىء الحياة وتفشى الانحطاط العام فحتميا الناس عاوزه تتخارج بشتى السبل اولها شعوره بمسئولية العمل وثانيا اثبات نجاحه الدراسى طيلة هذه السنسين وثالثا يوم عمله هو نجاحه ونيله شهاده تكفل له حياة كريمه وعلى الاقل اشوف الحاجه الدرسها ممكن اطبقها فى حياته ولا لا!!!! وصدقونى الناس عاوزه تتخارج ولو؛ شقت البلد تفتيحه وانا مابخسر حاجه انشاء الله اعمل عمره وارجع ويارب اصلح احوال السودانيين اولا وبقية المسلمين بعدنا!!!!!!


#707465 [عماد عثمان - جدة]
3.00/5 (1 صوت)

06-27-2013 09:12 AM
برافو عليكم موقف يستحق الاشادة و من يهن يسهل الهوان عليه.


#707463 [نسرين يس]
0.00/5 (0 صوت)

06-27-2013 09:07 AM
كلام والله كيف يعني شنو ماجستير وشنو دكتوراة


#707462 [الرسام]
5.00/5 (1 صوت)

06-27-2013 09:06 AM
لو انا عندي ماجستر في الصعلقة والعربدة هذا الراتب ما بقبل بيه.برافو يا ناس .


ردود على الرسام
[سامي] 06-27-2013 01:53 PM
يالرسام انت قايلو دا ماجستير زمان ؟


#707426 [فرقتنا]
5.00/5 (1 صوت)

06-27-2013 08:26 AM
ديل سودانيين والله سودانيين اعزكم الله ورفع من قدركم والله ما اجمل ان تجد في السودان من سودانين رضعوا من ثدي هذا الوطن وسيسطر التارخ هذا الموقف الشجاع في زمن هذا الهرا اللا وطني الجاسم فوق صدورنا ولكن اشعرتونا بنبض الحياة يا صيادلة بلادي وادركت الان وبدأت اقتنع بزوال هذا الكابوس ووالله لقد عجزت عن التعبير


#707409 [محمد فريد عوض]
0.00/5 (0 صوت)

06-27-2013 07:35 AM
الله أكبر ولله الحمد والعزه والكرامه للسودانين بعد الله على الارض


#707407 [بت حبوبتها]
5.00/5 (2 صوت)

06-27-2013 07:32 AM
يا ربي زي ما الصيادلة ديل اتفقوا, شعبنا يتفق ويطلع يعتصم في ميدان اب جنزير لحدي ما يزف مجارمة الإنقاذ إلى كوبر ..ويحلو السهر في رمضان مع التلفزيون ببث جلسات المحاكمة العلنية للبشير واخوانه ووداد ونافع وكرتي والمتعافي وووووووو..القائمة طويلة, أديتونا السهر !!


ردود على بت حبوبتها
[nagatabuzaid] 06-27-2013 10:44 PM
امييييييييييين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة