الأخبار
أخبار إقليمية
قرار قضائي بإبطال تخصيص جزيرة مقرسم لرجل أعمال سعودي.
قرار قضائي بإبطال تخصيص جزيرة مقرسم لرجل أعمال سعودي.



06-27-2013 02:30 PM
بورتسودان : محمود ودأحمد:

أصدرت المحكمة الادارية العليا في الخرطوم قرارا قضى بابطال تخصيص جزيرة مقرسم بولاية البحر الاحمر لرجل أعمال سعودي الجنسية يدعى أحمد الحصيني، وتسليم الموقع للمواطن دياب ابراهيم دياب ،وارسلت المحكمة نسخة من القرار الى معتمد محلية جبيت المعادن بولاية البحر الاحمر والشرطة نسخة من القرار.
وكان رجل الاعمال السعودي أحمد عبدالله الحصيني يعتزم إنشاء العديد من الأبراج والفنادق والمنتجعات ومراكز التسوق وميناء ومطار دولي ومنطقة مارينا، وتبلغ تكاليف المشروع الاجمالية 11 مليار دولار في مساحة 300كلم .
وابلغ هاشم فضل، المحامي الذي تولى القضية، الصحفيين ببورتسودان امس، ان موكله دياب ابراهيم دياب استأجر جزيرة مقرسم بحسب عقد مبرم مع الادارة العامة للحياة البرية منذ العام 2005 وحتى العام 2015 ،وقال ان موكله فوجئ بقرار المجلس الاعلى للاستثمار بايلولة الجزيرة لصالح رجل الاعمال السعودي ،واضاف ان المحكمة ارسلت القرار الى معتمد جبيت المعادن والشرطة، موضحا ان موكله حصل على الحكم بعد سلسلة من المناشدات والطلبات التي رفعت الى رئاسة الجمهورية ووزارة العدل ووزارة السياحة، لكنه اضطر الى اللجوء الى المحكمة الادارية العليا التي حكمت لصالح موكله، وقال ان وكيل أعمال رجل الاعمال السعودي سيتسلم معداته الخاصة.

الصحافة


تعليقات 18 | إهداء 0 | زيارات 7586

التعليقات
#708898 [Jedo]
1.00/5 (1 صوت)

06-29-2013 11:22 AM
مبروك للسودان اولا ولاخونا دياب الحكم التاريخي
رغم انو ملابسات الموضوع ده انا لا اعرف عنها الكثير واتصور انو ملف فيهو بلاوي لكن عايز اعلق تعليق اتمنى يكون عندو صدى مستقبلا
اولا بالمناسبة فيكم زول سمع برجل الاعمال السعودي ده؟؟ انا ماسمعت بيه وعموما هو ليس اغنى من الوليد بن طلال اها الاستثمارات القالوها دي تعادل نصف ثروة الوليد يعني الوليد زاتو ماممكن يجي يردم نص ثروتو في حته زي دي مامعروف تنجح ولا لا عشان يجي زعيط ويقولو ناس الحكومة ده هو الح يستثمر 11 مليار معقوله بس؟
ثانيا فكرة المشروع زاتا انا في رأيي فاشله جدا صحيح هي خلعه في السودان لكن هي نسخه مكررة من دول كتيرة ومنتجعات مشابهة ولو قامت وجاها زائر ما من السهوله يجي يزورا تاني لانو مافيها جديد لذلك دعوني اتقدم بالاقتراح التالي
لاهالي المنطقه ولاخونا دياب ومن يأتي بعده وللحكومات الجايه الموضوع ده والجزيرة دي حولوها لديزني لاند البحر حيجوكم عوائل الخليج وافريقيا واسيا والح يجي السنه دي الاطفال ح يجبروهو يجي السنه الجاية وهكذا والزارا بطفلو لو جاهو طفل تاني تاني ح يجيبو ولاحظو نسبة المواليد في المنطقه دي قدر شنو، وامريكا المشي ليها بقى قاسي لديزني لاند الاصليه ودي ح تكون اقرب اضافه لانها ح تكون ارخص يعني ممكن العوائل تمشي خميس وجمعه او جمعه وسبت نهايه الاسبوع وطبعا الزمن الفيهو الجو كويس في النطقه دي بكون سيئ في معظم العالم بالذات اجازات الكريسماس وراس السنه التلج بكون منشف الدنيا ده كلو ح يكب عندكم فسيبكم من التقليد واعملو شئ مختلف وادرسو كويس مش تحاكو سااااااي
على فكرة الوليد بن طلال عندو اسهم كبيرة في ديزني وممكن يساعدكم في الحكايه دي لكن طبعا بعد الحكومه دي تغور لانهم سرقوهو عدييييييل كده


#708305 [[email protected]]
1.00/5 (1 صوت)

06-28-2013 12:31 PM
طيب بعد انتهاء مده الايجار والباقي 3سنوات الجزيره لمين


#708088 [barodi]
1.00/5 (1 صوت)

06-28-2013 01:02 AM
ان الارض لله يورثها لمن يشاء. قال رسول الله صلي الله عليه وسلم من اغتصب شبرا من الارض طوقه الله يوم القيبامه بسبعه ارضين .


#708029 [abusafarouq]
3.00/5 (2 صوت)

06-27-2013 10:24 PM
الحمدلله العدالة نفذ . علما هذه الجزيرة فيه لقط عندما دخل المستثمر السعودى على الخط مضايقا المستثمر السودانى هو مؤجر وتعود ملكيته لحكومة السودان بعد 2015 لكن مع السعودى الى الابد مستعملا كل أمكانياته لشراء تلك الجزيرة من أخوة الرئيس منهم عبد الله البشير المتأمر الكبير فى بيع هذه الجزيرة فى البحر الاحمر لكن الحمدلله حكمت العدالة لصالح السودانى والحمدلله رب العالمين نجت جزيرة كاملة من فك أخوة الرئيس الذين باعو كل السودان نسمع الجزيرة لكننا لن نعرف مساحتها الا اليوم 300 كيلو مربع أستغفلونا أخوة البشير وحاولو بيعه للسعودى لامن شاف لامن درى الله أكبر ولله الحمد بس القاضى لازم يعمل حسابو من أخوان البشير الحرامية ديل أكلو بلد بكاملو مايأكلو جزيرة ..


#707996 [اوهاج محمد]
5.00/5 (1 صوت)

06-27-2013 08:34 PM
هل كان امر المستثمر واضح ؟! سيستثمر كل المليارت في منطقة اطماع دوليه واقليميه؟! اخشي ان يكون عميلا غربيا او اسرائيليا!!! يجب الحذر والتريث.


#707981 [الهلالي]
5.00/5 (1 صوت)

06-27-2013 07:51 PM
اشجع قرار سمعته في عهد الانقاذ... القاضي سجل موقفا مشرفا حتى ولو لم تتركه ناس الانقاذ... يكفيه فخرا ان رفع ما تبقى من اسم عاليا وخفاقا...


#707965 [yasir abdelwahab]
5.00/5 (1 صوت)

06-27-2013 07:27 PM
واين كرامة رئيس الجمهورية -ده لو عندو كرامه- سافر وافتتح الجزيرة وسلمها لرجل الاعمال السعودي واخوه ومصطفي الاطرش المعجزة الحقير معاهم...

هذا زمانك ..


#707943 [الحقيقة مرة زي الدواء]
5.00/5 (2 صوت)

06-27-2013 06:43 PM
يا عالم افهموا الانقاذ!!
طبعا الجماعة استلموا عملتهم من رجل الاعمل والكلام دا مرة عليه كم سنة كدا والحالة الاقتصادية فيها ضيق- الشياطين ربما اوعزوا للقاضي ليحكم للسوداني - وبهذا الاسلوب يستطيع الشواطين ابنزاز رجل الاعمال - واذا دفع ليهم شوية - يقوموا يخلوا الراجل يستأنف ثم القضية تمشي لقاضي معين بالامر ثم يحكم القاضي لرجل الاعمال - طبعا دا تحليلي لكن الناس ديل في المكر غلبوا الشيطان حتى انه يقال - على ذمة الراوى - ان ابليس سحب كثير من الشياطين من السودان بحجة ان ناس المؤتمر الوطني يقومون بالعمل المطلوب واكثر من المطلوب وقالوا الشياطين المسحوبين ارسلوهم الى تونس ومصر وليبيا واليمن وسوريا وهذا هو السبب الرئيسي للثورات العربية


ردود على الحقيقة مرة زي الدواء
[ali murtey] 06-27-2013 10:58 PM
الجزيرة تحتوى على محزون ضخم من البترول والغاز الطبيعى بهذا الاستثمار الاجنبى تطمس ثروات البلد المستثمر مدعوم من السعودية لهذا المشروع وبدعم من البشير وعصابتة من اجل العمولة ومصطفى عثمان يسعى لكسر فرار المحكمة وسترون ذالك


#707873 [بدرالسماء]
4.00/5 (1 صوت)

06-27-2013 04:36 PM
المحكمة دي جنّت ولأّ شنو ؟ !!!!


#707866 [كاك]
0.00/5 (0 صوت)

06-27-2013 04:28 PM
السوداني ده غبي اذا استمر هؤلاء الانقاذيون حتي 2015 حيركلونك في مؤخرتك كان الافيد لك ان تتصل برجل الاعمال السعودي وتطلب خلو رجل ويادار ما دخل شر


ردود على كاك
European Union [mohammad] 06-27-2013 10:22 PM
لا أستبعد رسم هذا السيناريو قبل الإتصال على المستثمر السعودى..وذلك بسبب إنتهاء مدة الإيجار مع ناس الحياة البرية....وبالمناسبة هل زاول دياب أى نشاط إستثمارى فى الجزيره؟؟؟إذا كانت الإجابة لا فهذا هو دياب الذى أعرفه لو لم ينتهز هذه الفرصة لجنّ.

[الفاتح مقبول] 06-27-2013 05:50 PM
اعرف رجل الاعمال هذا منذ
العام 1983 م وهو يعرف
تماما ما يفعل..وشاطر
وكان وكيل اجب فى السودان
وهذا الحكم المفاجئ من قضاء
السودان سيكون ورقة ضغط
اساسية ..ثم من يدريك انه
لم يتصل بالسعودى ..
اهم ما فى الموضوع ان الاتجاه
السياسى للاخ دياب خارج
منظومة المؤتمر الوطنى..
كما لا استبعد ان يكون الحكم
القضائى قد صدر بايعاز
السماسرة الذين بدأوا
هذا الشغل حتى تستمر
حرب الاستنزاف للمستثمر الغبى
مع تحياتى


#707856 [كودا]
5.00/5 (2 صوت)

06-27-2013 04:11 PM
الشي الطبيعي ان يحكم لصالح صاحب المليارات كانت تكون كارثة للقضاء السوداني غير النزيه لو تم الحكم لصالح الاجنبي ضد المواطن الذي يدعو للحفاظ علي التنوع البيئي .. مبروك


#707835 [Ivory]
4.00/5 (1 صوت)

06-27-2013 03:38 PM
والناس القبضوا العمولات من رجل الاعمال السعودي حيرجعوها معقول ؟
سيتدخلون ويتصلوا بالمواطن ويتنازل عن الجزيرة مقابل ملايين يكون لهم فيها نصيب أيضاً
ووزير الاستثمار قال انه ازال كل المعوقات يعني الجزيرة دي ابسط شئ مؤجره يقوموا يبيعوها قبل انتهاء فترة الإيجار بثلاثة سنوات ؟*


#707815 [fadeil]
3.00/5 (2 صوت)

06-27-2013 03:23 PM
دى والله سرقه وقوة عين يا حكام النظام ، حتس حقوق الناس دايرين تقلعوها عينك يا تاجر ولا لسه الجيوب ما اتملت ،، خافوا ربكم والأوليات دائما للمواطن صاحب الحق والحق يعلو ولا يعلي عليه .


#707807 [سليمان اونور]
0.00/5 (0 صوت)

06-27-2013 03:15 PM
يبدو هذا الحكم اقرب للخيال الجماعة اخذوا العمولة يعملوا شنو الان - اهني المحامي الجسور هاشم فضل والاخ دياب واود التواصل لامدم بمزيد من المعلومات


#707800 [د. ياسر الشريف]
0.00/5 (0 صوت)

06-27-2013 03:01 PM
شكرا للراكوبة.. هذا رابط سابق:
http://www.alrakoba.net/videos-action-show-id-918.htm

شريحة الفيديو

http://www.youtube.com/watch?v=UR8iPY26jVs



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة