الأخبار
أخبار إقليمية
السوداني يماني محمد أحمد : لازمت الشيخ تميم منذ الطفولة.. وهذا (...) ما دار بيننا في زيارته للخرطوم قبل سنوات!
السوداني يماني محمد أحمد : لازمت الشيخ تميم منذ الطفولة.. وهذا (...) ما دار بيننا في زيارته للخرطوم قبل سنوات!
  السوداني يماني محمد أحمد : لازمت الشيخ تميم منذ الطفولة.. وهذا (...) ما دار بيننا في زيارته للخرطوم قبل سنوات!


خرق أمير قطر الجديد من أجله البرتوكولات
06-30-2013 07:26 AM
قذافي عبد المطلب
أوردت صحف الخرطوم في نهايات العام 2011م خبراً عن خرق ولي العهد حينها - أمير دولة قطر الآن- الشيخ تميم بن حمد البرتكول الرسمي أثناء مراسم وضع حجر الأساس لمشاريع استثمارية قطرية بالخرطوم بحري، ليعانق مواطناً سودانياً كان يقف وسط الجمهور. وقالت الصحف وقتها إن من دفع أمير دولة قطر الشاب لتجاوز المحاذير الأمنية وكسر البرتكول بتلك الطريقة العفوية غير المعهودة، لم يكن إلا أحد أساتذته السابقين. ويبدو أن وصف الرجل بأنه أحد أساتذة الأمير كان مجرد اجتهاد خاطئ من الصحف التي نشرت الخبر، وهذا ما يؤكده الرجل الذي يجلس أمامي الآن، وهو ذات السوداني الذي دفع الأمير للخروج من المسار البرتكولي المحكم، من أجل مصافحته، ومن ثم تجاذب معه أطراف الحديث بود وشوق بائنيْن لاحظهما كل من كان حاضراً لذاك المشهد الذي أربك رجال المراسم والتأمين.
يماني (سوداني):
الرجل هو يماني محمد أحمد، تعود أصوله إلى قرية بمحلية دلقو بالولاية الشمالية، هاجر إلى الخليج في وقت مبكر من عمره، واستقر بالتحديد في دولة الكويت الشقيقة، وعندما اجتاحت عراق صدام حسين الكويت، عاد يماني إلى السودان، وبقي فيه لفترة قصيرة، ثم عاد إلى دولة قطر بعقد عمل وضعه وسط الأسرة الحاكمة، مشرفاً على المنزل. وسرعان ما اكتسب ثقة الجميع بإخلاصه وأمانته، ونشأت بينه وبين الأمير تميم وأشقائه علاقة قوية، ويصف يماني تلك العلاقة ويقول: (بكل صراحة عشت وسطهم كأحد أفراد الأسرة، لم أشعر يوماً بأنني غريب أو أجير، من حسن تعامل الشيخ حمد والشيخة أم جاسم والشيخ تميم وكل أفراد العائلة).
انتظار زيارة:
يماني علم بزيارة سمو الشيخ تميم إلى الخرطوم قبل موعدها بكثير، وكان عازماً على الأقل على رؤيته من بعيد، فذهب مبكراً إلى موقع الاحتفال، وبالتحديد موقع مدرسة حلة حمد، وانضم إلى مجموعة من مسؤولي التعليم والمعلمين الذين كانوا ينتظرون قدوم الوفد الرسمي، الذي سيضع حجر أساس المدرسة. ويقول بعد فترة الانقطاع الطويلة: (كنت أسيراً لمشاعر وأحاسيس متناقضة في لحظات الانتظار تلك، والتي أيضاً كنت أسأل فيها نفسي عما إذا كان الأمير سيعرفني بعد أن تعاظم مسؤولياته ومرور كل هذه السنوات، لكن وصول الوفد أعادني إلى الواقع، كان الشيخ يسير وسط عدد من الدستوريين السودانيين، وخلفه عدد كبير من أصدقائه الذين أعرفهم جيداً منذ أن كنت معهم بالدوحة ولاحقاً في لندن). ويضيف يماني: (عندما وجدت الشيخ الأمير قريباً مني ناديته بشكل لا إرادي وبصوت خافت، ولدهشتي أصبحت يتلفت وهو يقول: (يماني)، حتى قبل أن يراني، ثم جاءني وأمسك بيدي، وتحادثنا بالرغم من الانزعاج الذي أبداه رجال التأمين والمراسم، ومن ثم عاد وواصل برنامجه وهو يقول لمرافقيه (يا شباب خدوا رقم هاتف يماني).
التنس وركوب الخيل:
علاقة يماني بالشيخ تبدو علاقة خاصة وعامرة بالود كما أسلفنا، فمنذ وقت مبكر فرّغت الأسرة الحاكمة يماني ليكون ملازماً للشيخ في مراحل الدراسة المبكرة بالدوحة، وأقام معه في لندن التي غادر إليها ملتحقاً بالكلية الحربية، وقربه من الشيخ جعله يعرف عنه الكثير. وعندما طلبنا منه الحديث عن الأمير الشاب، قال يماني بعد فترة صمت وتأمل: (في طفولته كان الشيخ تميم مهتماً برياضتي التنس وركوب الخيل، وكان جلُّ نشاطه منصبَّاً في المنشطين، وهو شخص رياضي بكل ما تحمل هذه الكلمة من معنى، فبنيته بنية رياضية قوية، ويتمتع بإرادة لا تلين وصبور وصاحب شخصية تجمع بين اللطف والقوة).
صفات قيادية:
ويواصل يماني في السرد عن ذكرياته مع الشيخ تميم ويقول: (في بدايات شبابه أظهر الشيخ قدرات قيادية وطرأت تحولات كبيرة على شخصيته، وربما تلك القدرات هي التي دفعت سمو الأمير الشيخ حمد لأن يختاره خليفة له، ويعدّه للحكم بإشراكه وإطلاعه على أموره، فأصبح يهتم بالأمور السياسة ويتابعها متابعة دقيقة، كما أنه كان كثير القراءة والمطالعة، خاصة في الفترة التي كنا مقيمين فيها بلندن، حيث كان يعكف على قراءة كتب مكتوبة بلغات مختلفة. لكن مع كل هذه التحولات، ظل الشيخ وفياً لمنشطي ركوب الخيل والتنس).
رفقاء الدرب:
ومن السمات اللافتة في شخصيته الوفاء، والدليل على ذلك أنه لا زال يحتفظ بمجموعة الشباب الذين كانوا حوله منذ أن كنت ملازماً له، وهم للحقيقة شباب صفوة في كل شيء، لا أستطيع وصفهم إلا بـ(الممتازين)، والشيخ أيضاً متواضع وحساس، لا يحب التكلف حتى أنه لا يحب في اللحظات الخاصة أن تقرن اسمه بصفة أو لقب، كان يحب أن يدعى فقط بـ(تميم)، وهو أيضاً يحب الوضوح وأكثر ما يثير غضبه هو الكذب والنفاق.
قائد حقيقي:
ورداً على سؤال عن رؤيته لمستقبل دولة قطر في ظل قيادة الشيخ تميم يقول يماني: (أنا لا أدعي أنني محلل سياسي، لكن أعتقد أن الشيخ تميم مؤهل لقيادة كل الأمة العربية، بل وحتى الإسلامية، ناهيك عن قطر. ولا أقول هذا الكلام انطلاقاً من علاقتي الخاصة به وتقديري له، بل من واقع معرفتي اللصيقة بشخصيته، فمن ناحية التأهيل الأكاديمي، هو شخص مؤهل، ومن حيث الكاريزما هو شخص محبوب ويتمتع بكل الصفات التي يجب توفرها في القائد من حكمة وقوة وحزم ورجاحة عقل وعدل ووضوح رؤيا. لهذا أنا أعتقد أن الشعب القطري موعود بمستقبل زاهر، وأعتقد أن الشيخ تميم سيواصل في طريق النهضة الذي سلكه والده الشيخ حمد الذي جعل من قطر دولة قوية تتمتع بثقل دولي وإقليمي كبير).
يحب السودان:
(يماني) تحدث لـ(فلاشات) كذلك عن وضعية العلاقة بين قطر والسودان في ظل حكم الشيخ تميم، وقال: (من المعروف أن أمير قطر السابق الشيخ حمد، كان يولي السودان اهتماماً خاصاً، والبعض يتخوف أن يفقد السودان ذاك الاهتمام بترجل الشيخ حمد، ومنذ أن راج خبر تنازله عن الحكم لابنه وجه لي الكثيرون هذا السؤال بصيغة أو بأخرى، لكن الحقيقة التي أود أن يعلمها الجميع، هو أن حب الشيخ تميم للسودان والسودانيين، لا يقل عن حب والده لهم، وأستطيع أن أقول بكل تأكيد إن اهتمام قطر بالسودان إن لم يزد عما كان عليه، فإنه لن ينقص في ظل قيادة الشيخ تميم للدولة الشقيقة).
العودة للدوحة:
هل تريد العودة إلى قطر بعد أن أصبح الشيخ تميم أميراً لها؟ كان هذا آخر سؤال وجهناه ليماني الذي أخذ نفساً طويلة ثم رد قائلا: (كنت أفكر في العودة حتى قبل أن يصبح الشيخ أميراً لقطر، فأنا عشت في تلك البلاد أجمل أيام عمري، وسط أسرة كريمة وفاضلة، عاملتني أفضل معاملة، وكنت أتوقع العودة إلى الدوحة بعد أن التقيت بسمو الأمير في الخرطوم، وسجل مرافقوه رقم هاتفي بتوجيهات منه، لكن ذلك لم يحدث، لأن الأخ محمد منصور الخيارين، الذي اتصل بي لاحقاً بعد انتهاء الزيارة، توفي في حادث حركة، ونسأل الله الرحمة والمغفرة، فانقطع التواصل). ويختم يماني حديثة بأنه يتمنى العودة إلى الدوحة، وقضاء كل ما تبقى من العمر قريباً من سمو الأمير.

السوداني


تعليقات 23 | إهداء 0 | زيارات 40877

التعليقات
#710210 [نداااااااااااااء]
5.00/5 (1 صوت)

06-30-2013 09:41 PM
يا اخوة يا سودانيين.. دة كلامكم في بعض ؟؟؟؟ طيب خلينا شنو لي اباليس الانقاذ؟؟؟ وكمان دة كلام تقولوا يوم 30 يونيو بعد ما بقينا في برنامج ال 100 يوم؟؟؟؟

اولا عندي شك في انو الناس العنضريين ديل مواطنين عاديين ما جداد الكتروني.. لكن ما عندي اثبات طيب اليحصل شنو .. رجاء من الاخوة الرطانة او غيرهم عدم الرد على اي استفزاز موجه باسم قبيلة.. ويا ريت لو ادارة الراكوبة تحظر التعليقات البتفرق بين الناس .. بدل ما نبقى صوت واحد من اجل سودان معافى..
والله مافي مصري مثلا يصدق انودي تعليقات شعب يشتكي من حكم ظالم لمدة 24 عام طيب الشعب اليعمل كدة متين يقبل على الحكم الظالم دة .. بالمنطق المستفيد من البذاءات العنصرية هو النظام العنصري .. اذا كان نحن مواطنين بنعمل كدة فابشر بطول سلامة يا نظام الانقاذ.. عرفتو المستفيد من الكلام والكلام المضاد حفنا دة ؟؟؟؟؟؟؟؟؟؟؟؟؟؟؟؟؟؟؟؟؟؟؟


#710176 [كوكاب]
0.00/5 (0 صوت)

06-30-2013 08:23 PM
كل الذين ردو على تعليقي لم يفهمو قصدي تيس قالو احلبو ولكن لشء في نفس يعقوب تركو الجزء الاساسي وركزو على الاخر .ما عنيت وما قصدت هو اي امة واي اسلام يقوده هذا الولد؟ ثانيا انا راسي ما بترفع بحلة او كمشة او مفراكة انا راسي بترفع بطورية ومنجل وكدنكة وكوريك .ثالثا انا احسده في ماذا ؟ والذين وجهو اساءات عنصرية اقول لهم انا سوداني انا افريقي اتحدث العربية كما اتحدث الانجليزية ولغتي الاساسية ولا اريد ذكر القبيلة او التباهي بها لانها منتنة واخيرا فعلا رفعتو راسنا فوق لانه وزير الدفاع بالنظر سيحسم الصواريخ والطائرات الاسرائيلية باحدث الاجهزة التي ابتكرها وتحياتي لكل من اتفق او اختلف معي او اساء الي .


ردود على كوكاب
[هههههههههيه] 07-01-2013 10:19 AM
يا المسمي نفسك تمساح.. يابخت الامير سلمان بيكم.. بعدين خت تكتبها هكذا وليس هكذا خد ودا هدفكم في الدنيا

European Union [التمساح الشرس] 06-30-2013 11:47 PM
صدقنى انت منطقتك معروفة وعندك عقدة ولازم تعالج نفسك.. وبعدين لو المحس والله ما يستقبلوك فى اى بلد يا بليد .. وتعرف اغلب امراء السعودية بستمعوا للاغانى السودانية وفى بعضهم بفهم الرطانة؟؟تعرف يا تيس الامير سليمان بحترم السودانيين عشان عيون المحس؟؟امشى خد سفتك ونوم

United States [أبو الشهييق] 06-30-2013 09:09 PM
كلامك ما كان بنفس الطريقة دي ونحنا سودانيين بعيدا القبيلة والجنس وبنفخر بسودانيتنا وبانسانا السوداني اينما حل او ارتحل او امنتهن اي مهنة شريفه وحلال وسال لها عرقه وما عندنا خيار وفقوس في الناس لان المتعلم والجاهل الاتنين بشكلو هذا الشعب وهذا النسيج الواسع ومشكل من كل الوان الطيف التي قد تجدها في البيت الواحد وكذلك نفخر بالكدنكة والمنجل والطورية والملود والكجامة والجنكابة والتربالي والمزارع وبتاع الاورنيش والدكتور والمهندس والبتكلم عربي وانجليزي والرطاني .
لولا المشقة لساد الناس كلهم***الجود يفقر والاقدام قتال
على فكرة بعض الكلام الذي يرد في اللقاءات يكون من مجري هذا الحوار لانه ياخذ الفكرة العامة ويبني عليها سياقة الحوار .


#710105 [Honza]
0.00/5 (0 صوت)

06-30-2013 06:07 PM
قريت معظم التعليقات وللاسف معظمها خالي من الموضوعية ومليان جهوية ، كافة اطياف الشعب السوداني موجوده في الخليج واشتغلت في معظم المهن ، ابني وزير الدفاع اشتغلو في قطر ، واحد في الشرطة والتاني عند وزير الخارجية السابق ،وماقالو نحنا عيال وزير ، والاتنين اولاد "حسب ونسب" ومعروفين ، المرحوم ابوحريرة اشتغل في قطر في منصب رفيع جدا لكن مش منصب وزير ، المرحوم الطيب صالح اشتغل هناك وماقال والله انا كاتب كبير ومعروف ، ومن الاسامي المعروفة الوصلت لمنصب كبير المرحوم الفاتح عووضه ، كان المستشار القانوني ل الشيخ خليفة جد الشيخ تميم والقائمة تطول ، الجالية السودانية في قطر اشتغلت في اغلب المناصب والوظائف ، الشيخ حمد لغاية اليوم بسال دائما عن مدرس محمد السوداني في كل مناسبة تجمعه مع السودانين


#710072 [nagatabuzaid]
5.00/5 (1 صوت)

06-30-2013 05:16 PM
التحية للاخ الكريم يمانى ان كان طباخا او سائقا والبتكلموا عن الحلة والكمشة الطبخ فن وفن راق ودونكم اسامة السيد ومنال وغيرها الاخوة النوبيين امهر وويجيدون كل ما يفعلون ما فيها عيب ثم ان كثير منهم لهم ابناء فى اعلى المناصب والسودانى النوبى مهذب ويكسب الجميع
صحيح هناك السىء لكن فى كل القبائل مالكم تهاجمون شخص نظيف نزيه محبوب تمنى ان يحقق امنيته ان يرجع الى قطر ان لم يكن مسنا حتى وان كان زيارات باقامة تسمح له بالدخول متى ما اراد
اما من تحدثوا عن الرطانة الرطانة ديل هم السودانيين الاصليين وهاكثر عنصرية حتى بين بعضهم فبطلوا عبط وسيبونا من قحطان وقصى وبعنخى نحن سودانيون ابينا ام رضينا وكما ذكر احد المعلقين ايهما افضل ان يعمل طباخا ويربى ابنائه ام يرسلهم الكويت تبع وزارة القوادة ؟ ؟


#710071 [مصطفى بحر]
5.00/5 (1 صوت)

06-30-2013 05:16 PM
الحمد للة على كل حال ولا حول وقوة الا باللة يا ناس اتقوا اللة واتركوا هذة الدعاوى العنصرية ان اللة سبحانة تعالى قال فى محكم تنزيلة (لقدكرمنا بنى ادم وحملناة فى البر والبحر الى نهاية الاية )يا اخوانى ان اللة كرم كل بنى ادم بمختلف الديانات والاعراق والقبائل وحتى الكافر يشملة هذا التكريم فلماذا نتداول بمثل هذة الدعاوى العنصرية التى نهى عنها الاسلام وقال فيها الرسول صلى علية وسلم دعوها انها نتنه اتمنى ان نرتقى بالنقاش المفيد بدلا من هذا التعصب السافر وهذة العنصرية البغيضة التى لاتذيدنا الا ضعف ووهن ان الفيس بوك نعمة تواصل من اللة فبجب ان نشكر اللة على هذة النعمة بالاستخدام المفيد وليس العنصرية والسب والتقليل من مكانة الاخر
جزاكم اللة خيرا يا اخوانى وبارك فيكم


ردود على مصطفى بحر
[NB] 06-30-2013 08:53 PM
وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً (70)الاسرِّاء


#710040 [خالد]
5.00/5 (2 صوت)

06-30-2013 04:34 PM
يا جماعة شنو التعليقات بتاعة المصريين دي ؟؟!! اهانات وشتائم والفاظ وعنجهية فارغة !! الزول ده الامير زاتو سلم عليهو و سأل منو انتو في راس شنو ؟؟!!


#709995 [سودانى وبس]
5.00/5 (1 صوت)

06-30-2013 03:36 PM
احمد الله ان خلقنى فى ملة السودانيين بكل تفرعاتها واطيافها ,, سودانى وكفى ,,, سودانى افريقى لامست جيناته بعض عروبة !!! والفخر والاعزاز لكل آبائي واعمامى من شاكلة يمانى وامثاله الذين بسببهم ارفع راسى عاليا بين الملل


#709955 [Sabir]
5.00/5 (1 صوت)

06-30-2013 02:51 PM
الحمدلله رب العالمين, هذه ليست المرة الآولي,بل عدة روايات يملأني خلالها الفخر, عن السودانيين بالخليج, والسيد( يمانى... واحد من أولئك الآشراف الذين سطرو بقيمهم ومبادئهم وتربيتهم كتبآ من خلق نادر, لم تطله قذارة الزمان... دعونا إخوتى المعلقين من الإسهاب في القبلية وأخواتها, ونلتفت إلي المستقبل, وننشئ أبناؤنا نشئة سودانية خالصة, بعيدة عن التعصب والمهاترة.


#709932 [خالد]
5.00/5 (2 صوت)

06-30-2013 02:31 PM
الاخ سوداني اصلي يا اخي انتا حاقد حقد غير طبيعي الله يشفيك
(الرطانة ديل معقدنك كدة لية......)


#709905 [naji]
0.00/5 (0 صوت)

06-30-2013 02:02 PM
هكذا نحن دائماً ننشغل بالقضاياالإنصرافية، والنظرة الدونية لبعضنا البعض،إتقوا الله ياجماعة.


#709901 [رطانى من الشرق]
5.00/5 (2 صوت)

06-30-2013 01:59 PM
أنا لا أتكلم عن العمل او غيره مما يخص السيد يمانى أنما السؤال هنا حتى تكون الكتوف متلاحقة هل يقبل عربي اصيل سعودى او أماراتى أوقطرى أو كويتى هل يقبل بأن يعمل فى منزل البشير او اى اسرة سودانية فأذا عرفت الاجابة كلم العبيد المتصلبتين بالعباس


ردود على رطانى من الشرق
United States [كاك] 06-30-2013 04:34 PM
ايه المقارنة العبيطة دى كبف قطري ولا سعودي يشتغل عند البشير ديل كل سبل الحياة متوفرة انت يا حبيبي لو عند فلا وعند بدل عربية ثلاثة ودخل لايقل عن 70 مليون في الشهر ومزوج بدل وحدة 2 وتصيف كل سنة في بلد حتمشي تشتغل حتي مدير في قطر

European Union [أسامة الكردي] 06-30-2013 03:50 PM
إذا دعت الحاجة سو ف يقبلون العمل في المنازل لانه عمل شريف ، ما العيب في ذلك يا رطاني


#709841 [سوداني اصلي اصلي اصلي ومليان عزة والعزة لله]
5.00/5 (2 صوت)

06-30-2013 12:52 PM
المدعو/orootod- العالم الرطانة دي موهومة وهم.. كل ما رأس الوسط يصلهم يدخلوا ليك فيها عرب وقحطان وقرف.. كيف يقولوا نحنا عرب وانتوا بتشتغلوا في البيوت تنظفوا وتكنسوا وعايشين عيشتكم بتاعت العطالة دي. الواحد راتبو 1200 وياكل ويشرب ويربي عيالوا من التكية.

بعدين نحنا عرب غصبنا عنك وغصبنا عن بنو قحطان وليين نعمتك لا سائلين في البناء ولا في البناول الطين عرفت كيف يا جنا.


قال لو لا بتاعين الحلل والكمش لاعتبارنا الخليج حبش وصومال ونيجيريين.. بالله شوف اللي ما عارف مقامو ومقداره دا.. الحبش والنيجيرين اللي بتضرب بيهم المثل دا ماخذين جائزة نوبل في الاقتصاد والطب وغيره انت ماخذ جائزة نوبل في شنووووو غير كمشتك وحلتك.


شوفوا دايرين تطبخوا دايرين تشتغلوا في القصور دايرين تخمدوا تحرقوا تغرقوا بس ما تعملو لينا فيها شعب الله المختار..

نحنا قاعدين في الخليج دا وعارفين البير وغطاءها

بعدين انت زعلانينين ليه ما ياها شغلانيتكم وياها صنعتكم معروفين بيها في مصر ويعني الشيوخ والأمراء ديل شافوك وين شافوكم في هوليوووود..

كانوا بمشوا مصر القريبة دي وشفاكم بتعملوا في البنسيونات وفي الطبخ والأعمال الهامشية دي .. يعني تفتكروا انهم جابوووكم لأنكم اكثر وسامة من اللبنانيين أو السورييين أم من شهاداتكم الجامعية العلمية والاكاديمية.. ياعالم ما تختشوا وتقعدوا في الواطة وتاكلوا رزكم دا وتقشوا خشمكم.. قرفتووووووووووووووووووووووووووووووووووووونا بتعاليكم وفرقكم.. بعدين السرحة وشغل الغنم والبهائم مهن احترفها الأنبياء وهي مهنة تعطي صاحبها اليقين والصبر والجلد والقوة والمنعة والشدة وصاحبها لا يمتاز بكبر البطن ولا بتكدس الشحوم في مؤخرته


ردود على سوداني اصلي اصلي اصلي ومليان عزة والعزة لله
United States [ramaz] 07-04-2013 12:54 AM
انت مررررررررررريض

[السكوت] 07-02-2013 12:55 AM
أولا, انت شخص حاقد و مريض يا سوداني فالصو, اصلا الوزل البتيجح زيك كدا بكون فاشل وحياتو فاشلة وبتعكس فشلك في تعليقاتك و السيد يماني إنسان مهنتة( شريفة) ما أظنك سمعت بكلمة شريفة فبل كدا وما أظنك سمعت انو الطباخين السودانيين في بيوت الأمراء محترمين وكل الناس بتحترمهم اضف الى ذلك عندهم عمارات وعقارات في السودان يعني من أغنياء السودان وانت جنبهم ولا شي. مسكين وما عندك إلا حق النت عشان تنشر وسخك وحق الصابونة عشان تغسل بيها مؤخرتك الوسخانة.
ثانيا, بدل ما تكتب سوداني اصلي كان تكتب عربي اصلي عشان تكمل العروبة وكان تدخل ليك موقع عربي يليق بك لكن طبعا لا تجرؤ لأن العرب الأصليين حينظرو ليك بشفقة.
ثالثا,أطلب حق اللجوء لدولة عربية.

[نوبى رطانى] 07-01-2013 10:23 PM
.

United States [فرح بيتة] 07-01-2013 02:05 AM
يا شباب انتوا تضيعوا وقتكم فى الرد على من لا يستاهل اولا الراجل اعتقد انو ما سمع مهنة اسمها شيف وما عارف الطباخة تدرس . والراجل ما معترف او ما شاعر احترام الخليجيين للسودانيين عشان خاطر ديل الثقة التى هزت اخيرا فى الخليج تجاه السودانيين بدأت بعد دخول مثل ديل . وكمان الراجل يقول انا سودانى اصلى ويقول عربى اظنوا يا اخوان الراجل ما حاسى بنفسه بيقول فى شنوا وما عارف معنى سودانى شنو الظاهر هو فاكر انوا الاسم جاء كدا SUDANI قبل ان يسمى بالعربى . يا اخوانا حاولوا علموه بان الاسلام دخل عن طريق الشمال والعلم دخل عن طريق الشمال . علموه ان كل بيت من بيت اليقول عنهم طباخين فيه ما لا يقل عن اثنين اطباء او مهندسين او مهن هو وامثاله يحلموا بيها .

[Abdu] 07-01-2013 12:29 AM
مبروك عليك عروبتك يا أصلى نحن نوبة وبنفتخر بالاثر الانسانى الحميداللى تركوه النوبة فى السعودية ودول الخليج عن طريق العمل الشريف بالطبخ و الكنس واعجب من اساءتك له واعتباره عيبا بينما السرقة عندك رجالة صحى عربى بس ما تقول من بنى هاشم عشان ما تسئ لسيد الرسل .... بعدين السودان بلد النوبة والما عاجبو يقطع البحر ويشرب منو يا عنصرى

[سوداني حر] 06-30-2013 11:24 PM
والله لا ادري ماذا اقول ( قال سوداني اصلي قال ) علي ما يبدو لي لديك عقدة ذاتية ومركب نقص مزمن وحقد دفين نسأل الله لك الشفاء
اولا كلمة رطانة ورطانة بفتح الفاء احب ان ازيدك معلومةلأن الرطانة هي الكلام الغير مفهوم وبدل رطانة نبدلها لك بكلمةلغة نعم انها اللغة النوبية ام لغات الارض وانت الذي تتبجح بالغة العربية انك كل يوم وبدون ان تشعر تنطق بمفردات نوبية وغصبا عنك لانك لاتسطيع ان تاتي بما تنطقه بالنوبية لا تسطيع ان تاتي بها بالعربيةوهذا هو التأثير والمدالنوبي فيك رضيت ام ابيت وما العيب في من يتكلم بالنوبية او باي لغة اخري الحري بك ان توقره لانه لديه لغته الام بجانب العربية ولغات اخري وانت ماذا لديك وبالمناسبة لما يتكلم اي ملة بلغته لاتعيروه اهتماما واما لما يتكلم النوبي تطفو عقدتكم وتشعرون بمركب نقصكم واما قولك قحطاني اكثر من القحاطين نريد منك ما يثبت ذلك وليس بالحكي الذي لا يجدي او اقول لك روح للقحطانيين وقل لهم انني قحطاني وابن عمكم وتري ماذا يكون ردة فعلهم تجاهك
واما فيما يخص الكنس والنظافة انت ترد نفسك بنفسك والنظيف في داخله وفي عقابه يكون نظيفافي كل مناحي حياته وفي جميع تعاملاته واما الطباخة فهي فن وليس هنالك ما يعيب واي امة رقيها ومدنيتها تقاس بفنها في صناعةما يأكلها وبفنون اخري موجودة في النوبين رغم انفك وهي ليست مهنة هامشية كما ادعيت وطباخين رغم انفك ومن مهنة الطباخة علموا اجيال ارتادوا مناصب عليافي جميع المجالات في الطب والهندسة والفلك في السودان وخارج السودان وبمناسبة التعليم يا مستعرب ارجع لتاريخ السودان ستجد كل المعلمين الذي علموا اباءكم اللغة العربية التي تستعرض لنا بهاكانوا نوبيون علموا كل ارجاء السودان
فيما يخص السرحة والرعي انا لا اريد ان اتهكم كما فعلت انت فهي بالطبع كما قلت مهنة انبياء وهي تعلم الصبر والجلد والرفق بالحيوان والانسان ومن حكم الله تعالي ان جعل كل الانبياء رعاة رفقا بأغنامهم وبتابعيهم ويبدو انك راعي بدون هذه الامور فرفقا بنا
والسلااااااااااااام

[سوداني حر] 06-30-2013 10:59 PM
والله لا ادري ماذا اقول ( قال سوداني اصلي قال ) علي ما يبدو لي لديك عقدة ذاتية ومركب نقص مزمن وحقد دفين نسأل الله لك الشفاء
اولا كلمة رطانة ورطانة احب اضيفك لمعلوماتك لأن كلمة الرطانة هي الكلام الغير مفهوم وبدل رطانة نبدلها لك بلغة نعم انها اللغة النوبية ام لغات الارض وانت الذي تتبجح بالعربية انك كل يوم وبدون ان تشعر تنطق بمفردات نوبية وغصبا عنك لانك لاتسطيع ان تاتي بما تنطقه بالنوبية لا تسطيع ان تاتي بها بالعربيةوهذا هو التأثير النوبي فيك رضيت ام ابيت واما قولك قحطاني اكثر من القحاطين نريد منك ما يثبت ذلك وليس بالحكي الذي لا يجدي او اقول لك روح للقحطانيين وقل لهم انني قحطاني وابن عمكم وتري ماذا يكون ردة فعلهم تجاهك
واما فيما يخص الكنس والنظافة انت ترد نفسك بنفسك والنظيف في داخله وفي عقابه يكون نظيفافي جميع تعاملاته واما الطباخة فهي فن وليس هنالك ما يعيب واي امة رقيها ومدنيتهاتقاس بفنها في ما يأكلها وبفنون اخري موجودة في النوبين رغم انفك وهي ليست مهنة هامشية كما ادعيت وطباخين رغم انفك ومن مهنة الطباخة علموا اجيال ارتادوا مناصب عليافي جميع المجالات في الطب والهندسة والفلك في السودان وخارج السودان وبمناسبة التعليم يا مستعرب ارجع لتاريخ السودان ستجد كل المعلمين الذي علموا اباءكم اللغة العربية كانوا نوبيون علموا كل ارجاء السودان والا كيف تعربتم يا ناس قريعتي راحت
فيما يخص السرحة والرعي انا لا اريد ان اتهكم كما فعلت فهي بالطبع كما قلت مهنة انبياء وهي تعلم الصبر والجلد والرفق بالحيوان والانسان ومن حكم الله ان جعل كل الانبياء رعاة رفقا بتابعيهم ويبدوا انك راعي بدون هذه الامور فرفقا بنا
والسلااااااااااااام

United States [عنتر ابن شداد] 06-30-2013 08:11 PM
يا سودانى اصلى ولا كورى هههههه ياخ عذبت الناس دى بى تعليقك دا

European Union [مواطن حر] 06-30-2013 07:39 PM
يازول بتنبح فوق شنو ؟ .. أديني تلاتة اسامي لجدودك وتلاتة اسامي لحبوباتك .. وأنا أسرد ليك تاريخك بالكامل .. والحذر ..الحذر .... ماتطلعوا ؟؟؟؟؟؟؟؟؟؟؟؟؟؟؟؟؟؟؟

[سوداني اصلي اصلي اصلي ومليان عزة والعزة لله] 06-30-2013 06:13 PM
المعلقين الرطانة التحت ديل. هههههههههة ضحكتونا بكلامكم اللي انتم شايفنو زيي (كبسة الرز دا)

بنصلح الحلل وبنصين الكمش وبنقش وبنضفق وبنغسل انا عُصمااااااااااااان انا عصمااااااااان،،

اليوم ها (نستهما) نستحمى بكرة الإيد (العيد)

ياعالم ما تقوموا تلفوا ياعالم أنت جهلكم وغباكم دا حا تعيشوا فيه لمتين متين حا تخرجوا من القوقعة بتاعتكم دي قوموا برا خليج برا قرف معاكم.

عروبتنا ما محتاجة يثبت أو ينفيها لنا شخص ما عندو علاقة بالعروبة ولا بانسابها.. شخص اللغة العربية والكلام العربي اكتسبه اكتساب بالاحتكاك والتطلع لحياة كريمة اللغة العربية واللهجة العربية فتحت له مدارك الفهم ومدارك عقله البسيط. احمدوا سيدكم على اللي انتم فيها دا ان كنتم في الخليج ولا في مالطا.

يعني انا ممكن نثبت مع بعض التزواج اللي حصل بين مملكة اكسوم الحبشية ومملكة نبته. يعني انت ما شايف الدماء الحبشية والملامح متشابهة تماما من نوبة الشمال،،

الهمبته ادب في السودان.. قلع وشجاعة وفراسة..انت الكلام دا ما ليك فيه نصيب.. بعدين احسن تنضف بيرات في بلدك ولا تنضفها في مصر القريبة دي.. .. بعد يا الللي مسمي نفسه شطة حارة انا مقطع يا ود المقطعة انا عندي اصل في السماء مرق وفي الواطة عرق.. عقاب يسد عين الشمش وبعدين شطتك الحارة الظاهر عليك داير واحد يكبها ليك في عيووونك الزيي بتاعت الورل دا.. هوي يا جنون (جنّون) جمع جنا والجنا ارعو بقيدكم وما تعملوا لينا في شواطين ومخلوقين من نار نحنا قلنا قبل كدا عارفين البير وغطاءها وعارفين كل شيء في الخليج دا.. ما تخلونا ندق الصفائح ونطلع الفضائح. بااااااااااااااااااااااااااي يا عصمانات

اخيرا المدعو (كاك) عرفت انك جدادة وبتكاكي السعودية اللي انت جئتها ذكرنا سابقا جئتها لما شافك الامراء في مصر عندما يذهبوا للسياحة فوجدوك عقابك بتشغل هذه المهن التي يتأفف منها المصريين النوبة"بالمناسبة نوبة مصر ديل عندهم عزة نفس قوية جدا" وانت لما مشيت تتطلع الجنسية سالوك بالعربي ولا سألوك بالمحسي... بعدين مصر شنو الحكمتها لحدي الشام.. انت شايف الحجر والحجرين للي بعرضوهم في قناة الشروق دي انت فاكرها ممكن تحكم ليها دولة زيي مصر والشام وكمان مائة عام.. انتو يا ناس غبيانين العربي ما بتعرفوها اوكي كمان تاريخ الناس وتاريخكم برضو ما بتعرفوها... يا شيخ حضارة مصر وحضارة الشام تفتكر ممكن تكون حكمتها انت وبرطانتك دي. ما تظلم الناس يا المدعو(كاك كاك) اقول ليك حاجة بيض اول وبعدين نشوف. اقسم بالله العظيم تعليقك دا انا من اول سطوره ولم اكمله.. لانه كعادة الرطانة نحنا ونحنا ونحنا ونحنا. وبتاع وحضارة يا خي قوم حضارة شنو.. حضارتكم دي لو مؤثرة كان كل السودان الان برطن برطانتكم دي لو كان فيها فائدة ولا فيها صلاح ياخي فكوووووونا من من هلاويسكم ومرضكم وقرفكم دا..

تاني باااااااااااااااااااااااي يا عصمانات... نلتقي بعض الفاصل انا في انتظار الجديد بسرعة لا تبخلوا

United States [كاك] 06-30-2013 05:13 PM
انت سوداني اصلي كيف قبيلتك شنو عشان تكون اصلي نحنا النوبىة ما عرب ولا نتشرف نكون عرب يا استاذ انا لمات طلعت الجنسية سألوني جنسك قلت محسي قالوا لي ارطن رطنت ادوني الجنسية اما انت لمان طلبت الجنيس قال لولك جيب شهود وتقول اسوداني اصلي نحنا لمان مشينا مصر او السعودية انت حفيان ترعي العنم ولباسك مشرط. العلمك السعودية منو0 90 % السودانيين الفي السعودية اقاماتهم تحصلوا عليها من ابناء الشمالية اسال نفسك انت في السعودية لقيت اقامتك دي من مين يا ناكر الجميل اما من نحاحة التعليم امشي اسأل الانجليز الكانوا حاكمين السودان نحن ىالنوبة الحكمنا من مصر حتي الشام 100عام نحنا النوبة عجز عبدالله بن ابي السرح يغزو السودان وعمل معانا معاهدة .لينا الشرف الاسلام دخل من عند النوبة. انت مابتعرف تاريخ السودان اسال اهل الدبيبة وتوتا وبري والعيلفون وكوستي وشمبات يوروك تاريخ المحس

استطاع الفريق السويسري للتنقيب عن الآثار في منطقة كرمة بالسودان تجسيم معالم أولى التجمعات السكنية في إفريقيا من خلال نموذج تم إنجازه في سويسرا وسيتم نقله قريبا ليُعرض بشكل دائم في متحف كرمة.


النموذج عبارة عن مجسم لأولى التجمعات السكنية التي تم اكتشافها في منطقة الديفوفة الشرقية والتي يعود تاريخها لحوالي 3000 ألاف عام قبل الميلاد، والثاني لمدينة كرمة التي كانت عاصمة للمملكة النوبية في المنطقة.


تم في متحف نوشاتيل بسويسرا في 17 يونيو تدشين نموذجين لتجمعات سكنية تقدم لنا الكثير من المعلومات عن حضارة ما قبل كرمة في شمال السودان. النموذج الأول يعرض أولى التجمعات السكنية أما الثاني فيخص مدينة كرمة عاصمة مملكة كرمة.
المنطقة من حوض نهر النيل التي تعرف بالنوبة والواقعة في الحدود الحالية للسودان وأجزاء من مصر كانت موطن ثلاث ممالك كوشية حكمت في الماضي، الأولى بعاصمتها كرمة (2400-1500ق.م.)، وتلك التي تمركزت حول نبتة (1000-300ق.م.)، واخرها مروي القديمة (بجراوية حاليا) (300 ق.م. - 300م).
إن الحقيقة التي تجهلها الشعوب وربما شعب وادي النيل نفسه هو أن ملوك النوبة في شمال السودان حكموا المصريين لعدة قرون وأن الحضارة النوبية هي أول حضارة قامت على وجه الأرض وأعرق حضارة شهدها التاريخ. في مدينة كرمة حاضرة النيل وعاصمة أول مملكة في العالم كما أكد عالم الآثار السويسري المعروف في القارة الأوربية شارلي بونيه هذه الحقيقة أمام أعين كاميرا التلفزيون السويسري الذي نقل جزء كبير من بقايا الحضارة السودانية وكان ذلك في يونيو2005. حيث تحدث شارلي بونية عن حضارة ومدينة كرمة وبدأ علية كثير الفخر والإعزاز بهذه الحضارة التي أصبح هو جزء منها حيث مكث في السودان أربعين عاماً حيث بدأت رحلة شارلي بونيه عندما قدم إلى مصر بعد أن درس علم الآثار في سويسرا ولكن من خلال بحوثه في مصر وجد أن هناك حلقة غائبة في تاريخ الحضارة الفرعونية وأن هناك مرحلة مهمة من مراحل تلك الحضارة مفقودة، ذهب إلى شمال السودان وبدأ يبحث عن أصل الحضارة الفرعونية التي ملئت الدنيا وبعد سنوات طويلة من الصبر و العمل المتواصل توصل شارلي بونيه إلى الحقيقة الغائبة وهي أن أصل الحضارة الفرعونية في السودان وأن فراعنة السودان هم الذين حكموا مصر حتى بلاد فلسطين. تحدث شارلي بونيه عن تلك الحضارة التي مر عليها أكثر من 300 ألف سنة و أكد أن الحضارة الفرعونية في مصر أتت بعد الحضارة النوبية في السودان وأن ملوك النوبة (الفراعنة السود) هم الذين نشروا تلك الحضارة من خلال حكمهم لمصر والذي امتد حتى فلسطين واستمر لقرابة الـ 2500 عام ولكن عندما استجمعت مصر قواها وعافيتها في زمن الفرعون نارمر Narmer وهو أول من أسس أسرة الفراعنة التي حكمت مصر بدأ الفراعنة يفكرون في اجتياح ملوك النوبة في السودان وبعد قرون من الزمان حكم مصر الفرعون بساميتك Psammétique وسيطر على منطقة النوبة ودخل مدينة كرمة ودمر حضارة الفراعنة السود وهدم القلاع والمعابد وتماثيل الفراعنة السود وكان ذلك في عام 664 قبل الميلاد وقام شارلي بونية بعرض تلفزيوني في بثت سويسري باللغة الفرنسية لتلك التماثيل التي دمرها المصريون والقلاع والمباني الشاهقة التي كانت أعلى مباني في المنطقة بل وعلى مستوى العالم أنذاك , وكان ارتفاعها حوالي 20 متر مما يؤكد على أن حضارة كرمة كانت أول حضارة في العالم وكانت تسمى تلك المباني العالية في لغة النوبة ب( deffufa).

European Union [شطة خارة] 06-30-2013 02:48 PM
انت فعلا راجل مقطع وما عندك اصل وهل تعلم ان اغلب الشيوخ والامراء يثقون فى السودانيين من اجل هؤلاء؟؟ ولانك تيس وجاى من زريبة ما بتفهم اشياء زى دى وانت حسع لو كلب الوزير قال تعال كنت حتركض زى الكلب الجربان

[ابن السودان] 06-30-2013 02:46 PM
قال تعالى (ادعوهم لابائهم)
هل التزم المستعربون بهذة الاية ام نسبو انفسهم زورا لغيرهم
النوبيين ناجحيين في كل المهن لكن الاهم من كدة ما عندهم عقدة نقص و ما اتنكرو لي نسبهم الحقيقي انتو بقيتو زي الغراب الي طلع من السرب و عايز يدخل في سرب الحمام و لمن الحمام طردو بسبب شكلو الغريب اخذتهو العزة بالاثم و رجع للغربان و قاليهم انا حمامة

United States [الغضنفر] 06-30-2013 02:12 PM
ما هذا الجهل المطبق على قفاك يا رجل؟؟؟

دا رجل بسيط طلع يحسن وضعو ... ما متعلم حيعمل شنو؟
أبوك خريج أكسفورد يعني؟

و بعدين كلنا من أقصى البلاد لأقصاها سودانيييييييين !!!

شكلك إنسان معقد من يومك.... و الكواريك دي ما حتغير فيك حاجة برضو
انهق زي ما داير ... بلا يخمك

United States [orootod] 06-30-2013 02:03 PM
لو انت عربي اكتر من القحاطين وغصبنا عن بنو قحطان . دي حاجة تانية ياريت تشرحها ليناو تنورنا
بعدين السرحة وشغل الغنم والبهائم مهن احترفها الأنبياء لأنها قبل 1400 سنة ما كان في حاجة غيرها في البادية .احسن الواحد يكون راتبو 1200 وياكل ويشرب ويربي عيالوا من التكية بالحلال مش بياكل مال الناس (يسرق غنمهم وهمباتي وينظف بيرات)

United States [osman] 06-30-2013 01:35 PM
وانت في الخليج شغال. شنو؟؟؟؟؟ عالم ذررررره وللا دكتووووور ؟؟؟؟ ماكلكم مؤجرررين كان طباخيين وللا رعاه وللا غيروووا فبطل الاساءه لاهل الشمال او غيرررهم


#709823 [dr.shampool]
0.00/5 (0 صوت)

06-30-2013 12:34 PM
الاخ يماني يكفيه فخرأ أنه سوداني ويحمل شهاده الاخلاص والامانه التي قل من ينالها بشرف في هذا الزمان.....


#709780 [موسى محمد]
3.50/5 (3 صوت)

06-30-2013 11:49 AM
العرب قوم أوفياء وهم مهذبون بالفطرة، والسوداني عندهم كنز لا يقيم بثمن، فهو يعرف لسانهم ومطيع في خدمتهم وكتوم لأسرارهم وليس له أدنى تطلع لما في أيديهم إلا ما جادوا له به، كما أن السودانيين بعيدين عن الخساسة والتآمر وهي الخصال التي يمتاز بها المصريين بجدارة، لذلك تجد حكام الخليج يكرهون المصرين ويحبذون أن يخدمهم السودانيي.


#709758 [ابوعبد الله]
2.00/5 (3 صوت)

06-30-2013 11:33 AM
خلي عزتك تربو على حاجتك ولاتتصل عليهم الا اذا طلبوك


ردود على ابوعبد الله
[أبوبسملة] 06-30-2013 10:22 PM
لايفضص الله فاك ابوعبد الله وانا والله اعجبنى الوفاء من الشيخ تميم ويمانى أكيد على قدر الوفاء وقدر الثقة التى تمتع بها حتى جعلوه ملازما لابنهم فى حله وترحاله وبالجد نحن فخورون به حفظه الله بس شكلو طيب شديد وصراحة خرب كلامو الجميل وختمه بقوله اتمنى ان اقضى بقية حياتى بقرب الشيخ تميم !!! بالغت يايمانى للدرجة دى ؟؟؟؟ !!!!!!


#709752 [اهل الحق المسلوب]
5.00/5 (2 صوت)

06-30-2013 11:28 AM
في ناس بالجد ما عندها اخلاق الراجل بيخدم بضراعو ورجل حر وهاذ عمل شريف اتقو الله فيما تقولون


#709744 [ادم]
3.97/5 (7 صوت)

06-30-2013 11:14 AM
ازا كنت بتعرف الامير كويس المقعدك مع الناس الطير ديل شنو


ردود على ادم
United States [متابع] 07-01-2013 05:02 AM
هههههههههههههه اعجبني


#709726 [ابو خالد الدمام]
5.00/5 (1 صوت)

06-30-2013 10:56 AM
ردا على كوكاب الحاقد الحاسد اسألك لو والدك راح قطر الشيخ تميم كان حيشغله شنو؟ يمكن رئيس وزراء او وزير لا خليها مستشار في الديوان الاميري دي وظيفة مناسبة جدا


#709658 [جملون]
4.75/5 (12 صوت)

06-30-2013 09:34 AM
جزاك الله خير يا يمانى انت وامثالك من الذين عملوا مع الشيوخ والامراء فى دول الخليج العربى انتم من ترك بصمه الامانه والاخلاص فى العمل ومهما كان نوع العمل طباخ ولا جرسون ولا حارس فهو بدون شك عمل شريفز ونحن المقيمين فى دول الخليج فى الوقت الحالى ما زلنا نقطف مما زرعتموه انتم لك الحب والتقدير يا يمانى


#709628 [كوكاب]
3.00/5 (2 صوت)

06-30-2013 08:27 AM
انت كنت شغال معاهم خدام ولا طباخ ؟قال الشيخ تميم مؤهل لقيادة الامة الاسلامية والعربية فعلا فهم شخص قضى كل عمره متلصق في الحلل والكمش ولم يخرج من المطبخ وشكلك حنيت للحلل تاني .


ردود على كوكاب
[نوبى رطانى] 07-01-2013 10:32 PM
يا كوكاب شكلك واحد عب وعندك عقده الدونيه الله يشفيك يا عب قول امين

[أبوبسملة] 06-30-2013 11:16 PM
هههههههههه ياجماعة والله بالغتو عدييل كدة ياجماعة كركاب دا ماقال شى غلط أبدا فقط الرجل استغرب واستنكر كلام يمانى عن ان تميم جدير بقيادة الامة العربية والاسلامية ومن حفه ان يستنكر ماشاء فكلنا كذلك ليس قدحا فى تميم ولكن منهج الاخوان ورعاتهم ومن والاهم غير جديرين بذلك والجدير بالذكر ان كركاب لم ينتقص هذه الحرفة بتاتا البتة وانا متأكد لو انه علم بانه يعمل سائق لقال له انت اصلا مافاضى من المواقف والاسواق حتى تعرف السياسة والتحليل والتقييم باختصار انا فهمى من كلام كركاب أن يمانى عائش بمعزل عن السياسة . ويارب تتحقق أحلام يمانى ويقضى بقية عمره بالقرب من الشيخ تميم !!!

European Union [التمساح] 06-30-2013 06:42 PM
اقص ايدى انت لو ما زول مفعن وحاقد ومفطمنك بالعنصرية وبعدين ديل اسيادك مهما كان واحلف ليك.. انت امثالك المحس بنضفوا بيهم الجزم يا واطى يا ابن واطى ,, وبالله انت عايز تبقى زى يمانى؟؟ والله لو عسلوك بموية الزمن 30 سنة ما تتنضف واكيد انت من ذوى الانوف الل..........

European Union [مواطن حر] 06-30-2013 06:09 PM
تعرف ياكوكاب ... يبدوا أنك جاي من وسط وضيع جدا .. يعني تنشئة بيوت مش ولابد تربية ألزقاق ... الكشه جات

United States [سامي] 06-30-2013 01:11 PM
يا كوكاب انا اعرف الاخ يماني احق المعرفة هو كان شغال في قطر مع اسره الشيخ حمد بن جاسم ال ثاني وكان شغال سواق يا كوكان لكن الناس الزمان فاتو الخليخ كانو اشرف وانبل ناس وبعدين شغل الطباخ ولا الخدام ده شغل ما عيب يا مفرتي والله انت شكلك حاقد ومن اصحاب النفوس الضعيفة

United States [أبونديبو] 06-30-2013 12:49 PM
الد علي كوكاب
المدعو كوكاب سقيم رأي وكل مداخلاته في الراكوبة تتصف بعدم الموضوعية والاتزان وعندو غيرة شديدة
وموغل في العنصرية كما يبدو من مداخلاته ولم يخرج أبداً من قفص (انحنا ..انتو....)وكمان معاه واحد من الفاشلين (المدعو عطوي) سيق وأن قلنا لك ان الذين عملوا طباخين وسفرجيه علموا أبناءهم ومن
علرق جبينهم وخرج من أصلابهم علماء نقشوا اسمائهم في ذاكرة التاريخ بأحرف من نور ولم يتنكروا
ابداً لأهلهم ولم تؤثرفيهم الماديات (هل رجعت حلتكم ؟؟؟؟ هل أكرمت كبار السن في دياركم؟؟؟؟؟
ماذا تعرف عن مسقط رأسك؟؟؟؟؟ارجو ان نسمع منك الأجابة علي الاسئلة وبكل أمانة ومن غير زعل...

European Union [عابر سبيل] 06-30-2013 12:36 PM
وانت كوكاب دي شنو,, شكلك غسال عربات و حقدت على الراجل,, يا حاقد

[أبو الشهييق] 06-30-2013 12:35 PM
ياسلاااااااااام يا كوكاب أحييك وأهنيك على هذا النقد الهادف والبناء وتلك الشفافيه التي أحوج ما نكون لها في هذه المرحلة من حياتنا ... بالجد أنت شخص عبقري وواضح وشفاف واستطعت بكلماتك القليلة هذه تعكس لنا صورة السوداني الذي يمثل الوجه الاسود له ولبلده وحجم الخزي والعار الذي يجلبه لنا بتلك الاعمال الجالبة للعار ... أحييك يا سفروق زمانو ..
ياخي قوم بالله انت واحد من الذين في نفوسهم مرض وواحد من المحسوبين على السودان .. وبقولوا الحكومة خاربة البلد ومضيعة خيراتو لكن امثالك هم سبب مضيعة البلد لانكم عالة وعبء واشخاص بدون فعالية وتلقاك هسه واحد عاطل لابس كباية وعامل سستم وعامل ميكي ... ويكفي يماني فخراً أنه كان يعمل عملا شريفا واتسم بالاخلاق والامانة وحتى لو كان كما قلت عنه بتاع كمش وحلل فتلك الكمش والحلل جعلت الامير يكسر البرتكول ويخرق العادة ويعانق هذا الرجل لمكانته التي احتلاها بكمشته ودا شي ما حتفهمو لانو الزيك دا نظرو ما بفوت حدود كرعينو يا أهطل ...
آخر حاجه ... يماني بي كمشتو قدر اخلي الامير اكسر كل الاعراف ... ورينا جكتك يا عبقرينو عملت شنو ؟

[ابن السودان] 06-30-2013 12:23 PM
و فيها شنو يا مستعرب انو يشتغل طباخ مش احسن من ما يودي بناتو للكويت زي ما كان عايز الديوث الي اسمو الطيب مصطفى ( تموت الحرة ولا تأكل بثديها )

[ود الشرق] 06-30-2013 12:06 PM
ههههههههههههههههههههههههها وهيييييييييييييييييييييييي يا كوكاب كملت دموعنا من الحلل اقصد من الضحك.

ولا يهمك التعليقات ديل كلها بتاعت الجماعة الوصلتهم راس الكمشة اقصد راس السوط


ههههههههههههههههههههههههههههههههههها الله يجازيك يا كوكابا

[كاره الكيزان محب السودان] 06-30-2013 11:43 AM
قل خيرا أو أصمت

[كنداب حربة] 06-30-2013 10:53 AM
ياخ انت ماتخليك زول جارح ماهو فهم خدام وطباخ واستحقار المهن الاصلاً ناسة تعبانة دى المغتسة حجرنا وطالما هو زول شغال بضراعو انت المسخرة العليك شنو ؟ خليك زول موضوعى ولا نقطنا بسكاتك .

United States [orootod] 06-30-2013 10:31 AM
قضى عمره طباخ و في الحلل بس سمعته وامانته هي مكنت امثالك يقدروا يرفعوا راسهم و يقولو نحن سودانين . لو ما امثال الراجل البسيط ده ما كنت حتعرف تصف نفسك انت شنوه للناس ( لو انت ود عرب صافي بتقدر تمشي للقحاطين و العرب في الخليج اسيادك تقوليهم انا ود عمكم ولا بتخاف يقولو ليك امشي يا عبد ويوم ما يكرموك يجدعوك في الخلا تحرس غنمهم و لا تنظف البيارات لمن تتطور ولو انت من حته تانية كانت حتكون سمعتك بتاع سحر و شعوذة )لو ما امثاله الراجل ده كنت حتكون زي الحبش والصومال ونيجيريا ( مع كامل احترامي ليهم )لكن بفضل امثاله بتقدر تقول انا سوداني بعدين بإستحياء شديد تقولوا نحن عرب . بالله شوف ليك حاجة تانية تفش فيها غلك في النهاية يكون طباخ في قصر افضل من انه يظف ليه بيارة ولا تكتب ليك حجاب تأذي بيه جارك ولا اخوك

United States [سامي] 06-30-2013 10:21 AM
لاتضحك على الناس ياكوكاب انت عاوز الناس كلهم موظفين هذا تسخير الله للناس بعضهم البعض وقد تصبح يوما من الايام خدام او ماسك كمشة في ايدك ولو في بيتك. ليس عيب ان تكون طباخ ولاخدام او راعي .العيب هو ان تسرق زي الجماعة البيسرقوا ديل أو تمد يدك لتسأل احد.أغلبنا خدامين لاننا شغالين بالماهية . احذر يالكوكاب من الضحك على اي انسان لكي لاتتجرع بنفس الكأس .التحية لكل السودانيين مهما كانت مهنهم بمافيهم بتاعين عفونة الزمان الذين خدموا الناس ردحا من الزمان ولااعتقد انك تعرف عمال عفونة.

عليك نفسك فتش عن معايبها وخلي من عثرات الناس للناس
لسانك لاتذكر به عورة امرئ فكلك عورات وللناس السن
وعينك وان ابدت عليك مساوئا فدعهاو قل ياعين للناس اعينُ

United States [بريش منصور] 06-30-2013 10:18 AM
لا نملك إلا أن نبارك للأخ يمانى، وقد قرأت المقال كاملا ومن خلاله تملكنى شعور غريب بعزة السودان والسودانى والأخلاق الرفيعة التى يمتلكها هذا الشعب، والشئ الأكيد أن الأخ يمانى يمتاز بكل الصفات الأصيلة الجميلة وأمثال هؤلاء لايمكن نسيانهم، والأمير يحمل مشاعر خاصة وزكريات رائعة مع هذا السودانى الأصيل ولذلك خرق الامير البرتكول وتعامل بعفوية وانسانية وهذا يدل بكل وضوح على أصالة الأخ يمانى وتواضع وأصالة الأمير، أما ماكتبته يا من تسمى نفسك (كواكب)فهو يدل على نفس مريضة، وقلب ملئ بالسواد نسأل الله السلامة، ولم أجد فى تعليقك أى شيئ يستفيد منه القارئ سوى أنك أفصحت عما بداخلك من أوساخ وأدران، وأرجو ألا تكون سودانيا، نعم أرجو ألا تكون سودانيا لأن أخلاق أهل السودان تربو عن ذلك،وأنت مسئول امام الله سبحانه وتعالى عما تخطه يداك وأنا لا أعلم من تكون ومن أى جنس فإن كنت رجلا فهذه ليست أخلاق الرجال وإن كنت إمرأة فالنساء تتبرأ مما كتبته يا ..........

[الحقيقة] 06-30-2013 10:11 AM
العمل ليس عيبا مرمطونا أم طباخا فالكل يؤدي دوره والمجتمعات الراقية تمجد الوظائف التى ترونها وضيعة وهل تعلم أن مدير عام فندق هيلتون في شيكاغو سوداني بدأ حياته في وظيفة pass boy بفندق هيلتون الخرطوم واكتسب خبرات ودورات ودراسات الى أن وصل لهذه الدرجة وهو اليوم يحمل درجة الماجستير في ادارة الفنادق ويتحدث أربعة لغات فهل نعيبه على بداية طبيعة عمله ، يجب أن نحترم كل انسان بقيمة ما يساهم بها في المجتمع من طباخ الى جزار الى طبيب والمهم أن يطور الانسان خبراته وافادة الآخرين بها ...

United States [ابو مرافئ] 06-30-2013 10:10 AM
الأخ كوكاب هل ترى الحقيقة التي قالها الرجل الغلبان تزييف وكذب هل انت تعلم نوياه وما العيب في الكمش والحلل انه عمل شريف لا عيب فيه احسن من التسول والشحادة اتقي الله فيما تقول سوف تحاسب على كل كلمة قلتها يا مريض

[Mohd] 06-30-2013 09:40 AM
يا كوكاب الحلل والكمش عملوا لك سمعة في الخليج ولولا اصحاب الكمش والحلل ما كان الخليجيين ديل جوا وادوك زكاتهم وبنوا لك المدارس وحطوا من قدرك ومن كرامتك واصبحوا اسيادك واسياد رئيسك وقواديه كل يوم والثاني جايين من قطر وراجعين من قطر

والحلل والكمش دي اكل حلال واكيد يماني ربى اولاده بالحلال ما صدر الاناث الحيوانية وآخرتها الاناث البشرية

ما سرق ما اختلس ما دمر له بلد وخلى الناس تدعي عليه

يا كوكاب

United States [ابوريتاج] 06-30-2013 09:08 AM
هو خدام ولا طباخ انت دخلك ايه يا حاقد

[مومو] 06-30-2013 08:53 AM
يا راجل اتقي الله انت انسان مدجج بالحقد من اين اتيت بالحلل والكمش هل تعرف يماني ؟؟ (وما يلفظ من قول الا لديه رقيب عتيد)


#709625 [المتجهجه بسبب الانفصال]
5.00/5 (4 صوت)

06-30-2013 08:03 AM
شكرا يا يماني فقد مثلتنا خير تمثيل ،،،، قال الانقاذ عايزة تعمل دبلوماسية شعبية !! هذه صفات لا تؤصل ولا تستأصل دي تربية الوالدين منذ مهد الطفولة ،،،، قال ديمقراطية شعبية ،،، ناس الانقاذ عندما فشلوا في منهج التربية التنظيمي يحاولون سرقة جهود أباء وأمهات السودانيين في تربية أبناءهم وينسبوها للتنظيم ومثال ذلك أن الشيخ الكاروري في آخر لقاء معه قال لقد انتج المشروع الحضاري مظاهر ايجابية منها كثرة المصلين في المساجد وافطار الصائمين في الشارع بجانب الطرق ،،، افطار الصائمين في الشارع من ما قمنا شفناه ومارسناه فلا تحاولوا ان تنسبوا مجهوات الاخرين اليكم وهذه هي مشكلتكم ،،،


#709624 [فقرئ و بنوم بدري]
4.54/5 (9 صوت)

06-30-2013 08:00 AM
عليك الله سوقني معاك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة