الأخبار
أخبار إقليمية
خطوات لانشاء اول محطة للطاقة النووية بالبلاد
خطوات لانشاء اول محطة للطاقة النووية بالبلاد
خطوات لانشاء اول محطة للطاقة النووية بالبلاد


07-03-2013 07:37 AM
كتب مركز حزب البشير الصحفي
الخرطوم: smc

أعلن وزير العلوم والاتصالات الدكتور عيسي بشري عن فراغ السودان بالتنسيق مع الوكالة الدولية للطاقة الذرية من اعداد القانون النووى ونظام المسئولية المدنية والضمانات تمهيدا لعرضه لاجازته من قبل الاجهزة المعنية للدولة، مشيراً إلى جهود الحكومة لانفاذ استراتيجيتها القومية للطاقة النووية والخطوات التي أتخذت لاختيار موقع مناسب لانشاء اول محطة للطاقة النووية بالبلاد .
وشدد وزير العلوم لدى مخاطبته المؤتمر الوزارى للطاقة النووية للقرن 21 بروسيا على ان مستقبل الطاقة النووية يتوقف على اعتماد معايير عالية للسلامة والامان والشفافية، مؤكدا حرص السودان على الاستفادة من هذه الطاقة وفقا لهذه الاشتراطات والمعايير لتحقيق التنمية والرفاهية للشعب .
وتطرق الوزير فى خطابه للتطور المؤسسي الذى يعمل السودان على تنفيذ خطواته فى اطار انفاذ استراتجيته النووية لجهود انشاء الجهاز الرقابي المستقل للاستخدامات السلمية للطاقة الذرية مشيرا الى ان مهمته تتمثل فى فصل الوظيفة الرقابية عن الهيئة السودانية للطاقة الذرية .


تعليقات 8 | إهداء 0 | زيارات 2144

التعليقات
#712717 [radona]
1.00/5 (1 صوت)

07-03-2013 06:26 PM
اسمعوا عاد دي مفاعلات نووية مالعب
يعني بعدين ما بنفع الانفجار وقع بسبب مكنة لحام ولا مولانا كان بيصلي العشاء وترك الرادار ولا الطيارات جات طافية انوارها او ما شابه من تبريرات الفشل التي اعتدنا عليها ..
الشعب لا يريد هذه المحطة النووية .. خلونا مع كهربتنا بتاعت الموية دي تقطع وتجي وتحرق اجهزتنا واحيانا احد العاملين يعلق هدومة على المفتاح وتقطع الكهرباء ولامن يجي يلبسها يكتشف بان هدومة قفلت المفتاح وقطعت الكهرباء من حي كامل لعدة ساعات او نصف يوم .. كل ده مقدور عليهو ..
لكن دايرين تعملوا نووي انتو عندكم علماء للنووي وبعدين كان اتحرق المفاعل النووي داير خبرة ومقدرة اقتصادية لاطفاؤه .. مش زي حكاية الطيارة بدون طيار التي دشنت بالخطابة والاشعار والرقص والرتبي والهتاف والفول المدمس مع التمر ولامن طارت الطيارة وقعت في حمام لمنزل بالحارة 17 ولم تحدث من لطف الله خسائر .. خلونا في الطيارة بدون طيار دي بلاش من النووي ده .. انسوا الموضوع كده الشعب مرفه وغي غاية الرفاهية وشبعان ومامرضان ولا فقران وبياكل تلاته وجبات ودولابه مليان قمصان وككفاه نزرع مما ناكل ونلبس مما نصنع ..


#712712 [ركابي]
1.00/5 (1 صوت)

07-03-2013 06:15 PM
هوووووووووي ماناقصين هزار طاقة نووية شنو!!!اذا كان سد مروي التعبان ماعرفتوا تبنوهوا زي الناس وعدمتونا السارحة والمروحة في بناهو عايزين تعملوا محطة نووية كمان...لو بتهتموا فعلا بالتقانة ابنوا محطات طاقة رياح وطاقة شمسية وطاقة حرارة باطن الارض


#712627 [الشايل المنقة]
1.00/5 (1 صوت)

07-03-2013 04:22 PM
...طيب الموقع المقترح وين؟..اصلا ما بيطلع من ج ن الازرق او ج النوبة او دارفور,ما كملتونا بالجبخانة دايرين تتمونا بالاشعاع؟..ننتظر ونشوف بكرة..والله يكدب المنكورة..!!


#712441 [شكوتي لله]
1.00/5 (1 صوت)

07-03-2013 12:53 PM
صــــور مقلوبه


#712269 [نزار عبدالله]
5.00/5 (1 صوت)

07-03-2013 10:21 AM
روح اتنيل جاءتكو البلاوي ال ايه طاقة نووية


ردود على نزار عبدالله
United States [قلبي على وطني] 07-03-2013 02:04 PM
أحييك أخي السوداني المعتز بهويته ... والعتب عليك أخي معتز فيما اخترته من لهجةان كنت سوداني وحتى لو كنت عايش في مصر لا نرضى نحن السودانيين غير لهجتناوهويتنا.. بحبك يا وطني رغما عن كل المحن . والسلام من اول وآخر.

United States [سوداني معتز بهويتي السودانية] 07-03-2013 11:50 AM
سوف أترك التعليق عن الموضوع الاساسي وسوف أعلق عليك الاخ نزار إن كنت سوداني وأحسب ذلك من الاسم
شنو يعني معلق باللهجة المصرية عايز تفهمنا شنو يعني والله اكثر مايولمني التلصق باللهجات الاخري لانه ياخي مابتشبهنا ولابنفتخر بيها وكمان مصرية ؟؟ ياخي خلي عندك هوية وطنية وسيب الانبطاح والتلصق ومالها لهجتنا السودانية سهلة وسمحة ومفهومة ولعلمك أقرب اللهجات للعربية لانه في أمريكا تدرس اللغة العربية لغير الناطقين بها باللهجة السودانية ولك أن تفخر بذلك ومامضيع السودان والله الا أمثالك لانه أول مايطلع لدولة عربية بتزوب كل ملامحة السودانية - وأن كنت مصريا جاتك ألف بلية وخليك في بلدك بلا وسخ بلا رقاصات .


#712257 [ابو طارق]
0.00/5 (0 صوت)

07-03-2013 10:12 AM
قبل المشروع النووى خلى ابو رياله يتلحلح ويروح للروس ويجيب صورايح اس 300 لانه سوف يقتل فى مهده من قبل اسرائيل لانكم فى البؤره القاتمه ويسوا ليكم مثل ايران وانتم لقمه سهلة البلع كما راينا فى بوسودان واليرموك وبالتالى اهدار اموال الشعب المغلوب على امره.....نصيحه غاليه


#712126 [بيكانتو]
3.00/5 (2 صوت)

07-03-2013 08:00 AM
مافى ارخص و اضمن وانقاء من الطاقة المائية وفشلنا فى مشروع الالفيه واكبر مشروع وو ...وو ... وو و كفايه النفايات الموجوده اصلا ، ياريت تستثمروا فى الطاقة الشمسية و شمسنا ماشاء الله عليهاو الحمدلله 13 شهر فى السنة وخاصة بتاعت يوم الجمعة


ردود على بيكانتو
European Union [قلبي على وطني] 07-03-2013 02:09 PM
والله ضحكتني بشمس يوم الجمعة دي ... ههههههها الظاهر عليها تذكير بيوم القيامةخاصة عندنا.


#712121 [مواطن سوداني]
5.00/5 (2 صوت)

07-03-2013 07:41 AM
الصوره ابداااااااع

ماسورة كبيرة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة