الأخبار
أخبار إقليمية
عصام الترابي : كنت نائماً بالطابق الثالث وبجواري المسدس ومحفظتي التي سرقها اللص،
عصام الترابي : كنت نائماً بالطابق الثالث وبجواري المسدس ومحفظتي التي سرقها اللص،
عصام الترابي : كنت نائماً بالطابق الثالث وبجواري المسدس ومحفظتي التي سرقها اللص،
عصام الترابي مع كلاب الصيد


لص محترف يسطو على منزل د."الترابي" بالمنشية و المهندس "مادبو"
07-07-2013 08:16 AM
الخرطوم - أحمد دقش

سطا لص محترف على منزل المهندس "إبراهيم مادبو" بمنطقة المنشية بالخرطوم، وقام بسرقة هواتف نقالة (موبايلات) بعد أن قام بتهديد العاملة الأجنبية بالمنزل، وتوجه ذات اللص إلى منزل الأمين العام للمؤتمر الشعبي الدكتور "حسن الترابي" وسرق مقتنيات نجله "عصام".
وقال "عصام الترابي" - إنه كان نائماً بالطابق الثالث وبجواره مسدسه الشخصي ومحفظته التي سرقها اللص، مبيناً أنه لم يغلق المدخل الداخلي للمبنى ليتفاجأ بحدوث السرقة، وأضاف: (قام اللص بترك شرائح الهواتف التي سرقها من منزل "مادبو" في منزلنا وغادر)، فيما تبلغ قيمة المسروقات التي أخذها اللص، الخاصة بعصام الترابي حوالي (16) ألف جنيه.

المجهر


تعليقات 65 | إهداء 0 | زيارات 25124

صفحة 1 من 212>
التعليقات
#717199 [كلمة حق]
0.00/5 (0 صوت)

07-08-2013 10:43 PM
اولا دي فبركة اعلامية من الحزب عشان يظهر لينا الترابي انه مواطن عادي كادح بتسرق ويمشي في الاسواق مثله مثل اي مواطن غلبان يعني لا عنده حرس شخصي ولا اي شي يعني تلميع لصورة الشيخ وبعدين عيب تقولوا للزول البياخد حقو بايدو حرامي .. طيب لو مصطلح حرامي ممكن يتقال علي المسكين الاخد حاجة بسيطة من حسابة الموجود في بيت الترابي يبقي ناس الترابي والبشير واخوانه والوزراء ديل حنطلق عليهم مصطلح شنو افيدونا افادكم الله.


#717141 [محمد]
0.00/5 (0 صوت)

07-08-2013 08:52 PM
انا افتكر انو الراجل خذ جزء من حقه وهذا قليل من كثير
انت عندك 16 مليون في تلك الليلة ما بال الشيخ الكبير عنده كم ياريت لو كان هبشو هبشه خفيفة يكون طلع ليه بحاجة كويسة ..

الشي الغريب بتقولوا انو الترابي شيخ وداعية اسلامي كيف يكون نائم يعني لا قيام لليل .. الظاهر صاحبكم بصلي الصبح الساعة 7 صباحاً


#716632 [احمد عوض]
0.00/5 (0 صوت)

07-08-2013 11:23 AM
معقوله يا عصام الترابي في فلاتي بيخاف ، وانت طبعا فلاتي من جهة الاب متلصق في البدريه الدهمشيه ، والله عيب


#716393 [نص صديري]
0.00/5 (0 صوت)

07-08-2013 04:21 AM
(قام اللص بترك شرائح الهواتف التي سرقها من منزل "مادبو" في منزلنا وغادر)!!
متأكد


#716390 [adil a omer]
0.00/5 (0 صوت)

07-08-2013 04:01 AM
16 مليون فى المحفظه وهو نايم !!

اصلو ابوهو معارض نسيبو ونسيبو معارض ولدو المستشار واخت المستشار معارضه اخوها ضابط الامن وكلهم معارضين عديلهم المصلح


#716384 [adil a omer]
0.00/5 (0 صوت)

07-08-2013 03:37 AM
من شابه اباه ما ظلم

الكلاب دى للسبق ولا شنو !! والمسدس ده اداك ليهو اللمبى تلعب بيهو


#716290 [Al-Shaygi]
5.00/5 (2 صوت)

07-07-2013 11:52 PM
16 مليون جنيه دي في المحفظة وهو نايم؟
طيب وهو صاحي الخزنة فيها كم والبنك كم وووووو كم؟


ردود على Al-Shaygi
[adil a omer] 07-08-2013 03:55 AM
اصلو ابوهو معارض نسيبو ونسيبو معارض ولدو المستشار واخت المستشار معارضه اخوها ضابط الامن وكلهم معارضين عديلهم المصلح


#716288 [عصمتووف]
0.00/5 (0 صوت)

07-07-2013 11:50 PM
.


#716219 [المهندس سلمان إسماعيل بخيت على]
5.00/5 (2 صوت)

07-07-2013 09:50 PM
لمن لايعرف هذه ليست كلاب جعانه ولكنها كلاب صيد هذه هى مواصفاتها للجرى ورى الأرانب والغزلان الولد مترف وبرجوازى وياعصام أنت صحيح كنت نائم لمان سرقت


#716201 [عصمتووف]
0.00/5 (0 صوت)

07-07-2013 09:19 PM
بس ده علي الحاج صاحب ابوك ماهو عارف مداخل ومخارج البيت زي جوع بطنة تجازي يا علوبة تخون الملح والملاح وتخون شيخك امانة ما اتلومته لكن المحيرني علاقته بمادبو دخل البلد وخرج كيف اااام شنو اممممم الا اتصل بالمفتش كرنبوا و استعين باللواء بتاع المباحث داك اسمو شنو يا ربي وبقي مدير المرور عابدين منو والله اسم ابوه طار حد مذكر يذكرني


#716159 [هادي سلمان]
4.94/5 (7 صوت)

07-07-2013 08:06 PM
صورة عائلية


ردود على هادي سلمان
United States [AburishA] 07-08-2013 02:48 AM
زي ما قالت نجاة بالعت وبالغت تكعيب !!!
يا ود سلمان قالوا في واحد طاشي شبكة، قام اتصور بين حمارين ورسل الصورة لاهله في البلد
وكتب ليهم في خلف الصورة قال ليهم:
الـ في النص دا أنا !!!

United States [nagatabuzaid] 07-08-2013 12:46 AM
بالغت


#716155 [زاهر]
0.00/5 (0 صوت)

07-07-2013 08:01 PM
السرقه وعرفناها الكلاب الجيعانه الزي قش الكبريت الفي الصوره ديل الدخلهم شنو في الموضوع


ردود على زاهر
United States [العوض] 07-07-2013 10:27 PM
الكلاب الجيعانه دي يازاهر غاليه جدا وهي كلاب صيد وفي الصيد ماتصيد الا الغزلان واكلها كبدة ابل او ضان من اجود انواع اللحوم يعني كلاب عصام بتاكل احسن من مما ياكله ربع سكان السكان لو قلت نصفه اكون بالغت في حق الشعب الذي يصدر اللحوم لغيره واهله لايجدون مايسد الرمق لابارك الله فى الكيزان وجعل اموال شعبنا نارا فى بطونهم وتكوي بها جباههم يوم القيامة وسوف يسالون عن كل قرش اكلوه من غير حق وليك التحية اخوي زاهر اخيك العوض ود ابو العوض ود بت العوض

United States [جركان فاضى] 07-07-2013 10:08 PM
عمك الترابى مابفضل شئ فى الاكل يدوه الكلاب


#716144 [تينا]
4.99/5 (9 صوت)

07-07-2013 07:30 PM
اريتو الحرامى كان سرق لينا ابوك وريحنا منو


ردود على تينا
United States [سودانى قرفان] 07-07-2013 11:16 PM
رد ظريييييييييييييييييييييف ججججججججججججججدا

European Union [ماجد النور] 07-07-2013 09:00 PM
ود يبيعوا كيف...في حد ح يشتري

[ahmed] 07-07-2013 08:41 PM
ههههههههههههههههههههههههههه ياريت والله -


#716131 [هبوب الليل]
5.00/5 (2 صوت)

07-07-2013 07:05 PM
للاسف الشديد ذنب عصام أنه ابن الترابي وهو ذنب ليس لديه دخل فيه

شئ من الموضوعية يا اخوة عصام دا لايمارس السياسة وليس لديه دخل بها وهو سوداني ويحب ان يكون مثله ومثل اي سوداني ويسعي لذلك بقوة لكن كل الناس مصرة علي ان يكون ابن الترابي وبس تفتكروا عايزين عصام دا يهجر اباه ويسئ اليه .يكون ما سوداني لو فعل كدا!!!!


ردود على هبوب الليل
United States [وحيد] 07-08-2013 12:05 PM
يا حبيبنا انت شخص طيب مالاتعرفة عن عصام الترابى يا سيدى كان فى عز مجدة لماكان الشيخ ماسك البلد يعنى لعب بينا لعب تعرف اى تاجر كان بدفع جزية لى عصام عشان المصالح انا بتكلم عن تجار كبار ... عارف فى شرق النيل كان لدية ملايين من الابقار والمواشى انا شفت بعينى وجود حرس يمتلك موبيلات ثريا وعربات لاند كروزر للمواشى هذة ............. ياصاحبى خلها على الله لعب بفلوس الشعب لمن وصل مرحلة الترف البزخ فى البطانة وعامل لى فيها حاتم الطائى ياخى انسى بس ..المهم ياخوى هذا شى من شتى ................؟

[فرقتنا] 07-08-2013 05:55 AM
هوي يا كسار التلج انت الكان بعمل في الفضايح اياخم حكم التوالي وابوه علي الكرسي وشي ختف بنات وصعلقة دا نسيتوهو وهبر ولغف ولا ابوهو خمان مليونير انت جديد ولا شنو

United States [nagatabuzaid] 07-08-2013 12:49 AM
والاطلق الرصاص على المرحوم محمد طه محمد احمد منو؟؟؟؟؟؟ اثناء ما كان يتوضاء


الابالسة ولدوا ابالسة سيبنا منهم


#716109 [جركان فاضى]
5.00/5 (1 صوت)

07-07-2013 06:24 PM
ما يكون اللص دا مؤتمر شعبى


#716062 [Boshab]
5.00/5 (4 صوت)

07-07-2013 05:07 PM
الابن النائم عصام,
قد يكون قد سرقك ابوك لانه اكبر حرامى,
و من اين لك الطابق الثالث؟ هل هو
من عرق جبينك؟ حرامية بتنشٍل فى بعض
ايه دَخلنا نحنَ؟


#716053 [ركس]
4.75/5 (5 صوت)

07-07-2013 04:49 PM
ان شاء الله الحرامي ما فقد حاجة


#716045 [كاهل ابوعرب]
4.00/5 (3 صوت)

07-07-2013 04:36 PM
طيب يا اخوي الحرامي ما تمشي على عمك بش بش داك يمين بالله ما بتطلع ساكت لو سرقت شئ المناظر بتكفي


#716031 [ابو احمد]
5.00/5 (2 صوت)

07-07-2013 04:17 PM
ههههههههههههه وعامل فيها فارس وبتاع فروسية ولا دي فراسه إعلام ساكت مش دا مسدسك المره ضربت بيه محمد طه طلقتين وماصادتو واللة واحد قال لي عصام الترابى دا يوم فتحوا ليه ابواب بنك من البنوك وملا اتنين ذيد واي قروش ومشي بيهم اتجاة سودري وجبره الشيخ وحمرة الوز والمزروب واشتري ابل كردفان كلها ودا راس المال ومن ديك وع ع ع ع ع ع ع ع ع ع يك


#716010 [عصمتووف]
0.00/5 (0 صوت)

07-07-2013 03:55 PM
الطابق ال3اث عندكم كم دور ياربي برج يا تري وبعدين المال ماله ومالي ومالي غيري عليك الله يا عم الحرامي تلب للغراب الثاني حاج ساطور شوف لينا دولابة فية كم سروال اصلوا المعلومة العندي ج الخرطوم ام فكو ميييييطي وعافي ليك حقي


#715986 [الاصلي]
5.00/5 (2 صوت)

07-07-2013 03:26 PM
قام الجنجويد نهارا جهارا وعلي عينك يا تاجر بسرقة المنارل بحى المطار بنيالا بواسطة العربات المحملة بالدوشكا واستولوا علي كل مايمكن حمله وتمحمله ابالعربات الرباعية الدفع بعد تهديد وترويع ساكني هذه المنازل وحي المطار لايبعد سوي مئات الأمتار من رئاسة الشرطة بنيالا ومكتب الأمن الوطني . يعني شنو حرامي يسرق الترابي وعصام حريقة تحرقكم كلكم .............


#715973 [باسطة]
4.50/5 (4 صوت)

07-07-2013 03:12 PM
سرقوني الليلة جو دخلو القصر فتشو

عجبوني الليلة جو دخلو القصر نبشو


#715967 [كركاب]
5.00/5 (2 صوت)

07-07-2013 03:02 PM
16 بس وين ايام شيكات المقاصة الربوية !!!!!
لما كان الواحد يكون عندة شيك من جهة حكومية
ويلف السبع دوخات عشان يصرف شيكة والجواب ليس هنالك رصيد
ولكن فى النهاية يجهية الفرج المال تلتو ولا كلتو
ويدخلوا الوسطاء ويشرون عليه بالذهاب الى السيد/عصام الترابى
حيث يأخذ عمولة 25% من قيمه الشيك
هذة رواية شخص مقاول مغبون
كله زائل باذن الله


#715933 [ابوالهول]
3.00/5 (4 صوت)

07-07-2013 02:23 PM
اهديك هذا المثل باللغة العبرية التي لا تعرف غيرها " نيف قناف نيش قناف "=وتعني باللغة العربية الحالية " سارق السارق ليس بسارق"....اهـ


#715902 [محمد حسن أحمد]
5.00/5 (5 صوت)

07-07-2013 01:47 PM
مسدسك أظنه ذي خنجر صاحبنا اللابسو في ضراعو وخاتيه لليوم الأسود


ردود على محمد حسن أحمد
European Union [ابوعلي] 07-07-2013 07:12 PM
هههههههه سبقتني يا عمك

United States [Kamal] 07-07-2013 03:34 PM
كلامك زين, لكن ما بفهمو أى زول.....ههههههههههه

United States [اه لو اه تفيد مجروح] 07-07-2013 03:21 PM
ههههههههههههههههههههههههههههههههه ه ه هههههههههههههههههههههههههههههههههههههههههههه
والله بالغت في دي يا ابوحميد


#715886 [زول حر]
5.00/5 (1 صوت)

07-07-2013 01:28 PM
سرقة السارق ما اديك ياها الا الخالق


#715879 [محمد الحسن]
5.00/5 (1 صوت)

07-07-2013 01:23 PM
سرقة السارق يديك ليها الخالق


#715874 [weaka]
5.00/5 (1 صوت)

07-07-2013 01:18 PM
دا مالص دا شفت الشفتنا الواحدة دي


#715863 [هاله]
5.00/5 (2 صوت)

07-07-2013 01:09 PM
طيب انت نومك تقيل والمدام برضه نومها تقيل ولا زعلانة مشت بيت اهلها.


#715861 [سوداني]
5.00/5 (2 صوت)

07-07-2013 01:08 PM
شكلك ياعصام ضربت كم كاس قبل النوم.


#715857 [محمد لوبيا]
5.00/5 (1 صوت)

07-07-2013 01:05 PM
هذاحرامي دئر يستقدم العضلات بكون ولايستبعد انه مرسال


#715838 [nasr]
5.00/5 (3 صوت)

07-07-2013 12:46 PM
16 مليون فقط !!! من حق الشعب بسيطة جداً ... برااافو على الشجاع الذي اخذ حق من حقوقه من اللصوص ..


ردود على nasr
[nasr] 07-08-2013 12:20 AM
ياشارون اكييد ود الترابي ابن نصاب بس هو الله أعلم لا اعرف عنه شيء ولكن ابن الحرامي ممكن يكون حرامي ولا شنو

United States [شارون] 07-07-2013 02:12 PM
عصام الترابي مالص .


#715830 [الضعيف]
0.00/5 (0 صوت)

07-07-2013 12:39 PM
ما بي نفس الطريقة عمل ابوك الانقلاب المشؤؤم..

فالحرامي سردب بالقروش فريحا وانت تضج في نوم عميقا

والتسوي كريت.. تلقا في جلدا


#715806 [أبوذر الغفاري]
5.00/5 (1 صوت)

07-07-2013 12:20 PM
ياجماعة الترابي دا ما عاملين ليهو دفاع بالنظر ؟
لأنو نفس الفلم
بعد صلاة العشا والأنوار طافية . . . !!!
والله دا حرامي أشفت من لونق جون سيلفر في كتاب Treasure Island - جزيرة الكنز


#715804 [بخاتى]
5.00/5 (1 صوت)

07-07-2013 12:18 PM
عجبنى ليهو ياخى والله دا راجل ود رجال عفيت منك برضو كان تمشى على نافع وبشة


#715770 [شلنكو]
0.00/5 (0 صوت)

07-07-2013 11:32 AM
الكلاب دى بتاعت صيد ما بتاعت حراسة


#715758 [غايتو]
1.00/5 (1 صوت)

07-07-2013 11:23 AM
نعم كلاب صيد / الا أنها هزيلة ومريضة كحال كثير من شعبنا بكل أسف - أكيد انهم يعاملوننا بمقولة جوع شعبك يتبعك .
أما الحرامى فمن قاطنى هذه المنازل العامرة وإلا لعرفته الكلاب و فضحته .


#715749 [bingo]
4.00/5 (1 صوت)

07-07-2013 11:13 AM
ده روبين هوود عديل وياريت لو ينضف كافوري برضو ويوزعه للمساكين


#715747 [صحراوي]
5.00/5 (3 صوت)

07-07-2013 11:11 AM
الغريبة الكلاب دي ما نبحت في اللص مالها ؟!!!!!!!


ردود على صحراوي
[العوض] 07-07-2013 12:44 PM
انت صحراوي المفروض تكون عارف انو الكلاب دي متخصصة فقط للصيد ودائما كلاب الصيد ياعمك تلقي خصرها صغير ودا البخليها سريعة جدا والكلاب حقت الحراسة تلقي رؤسها اكبر شوية وخصرها عادي زي الكلاب العادية واي سؤال اخوك العوض جاهز ...انتهي كلامي وليك كل ودي واحترامي


#715742 [محمد]
0.00/5 (0 صوت)

07-07-2013 11:07 AM
طالما ان هنالك لصوص وتماسيح كبيره وغبن اجتماعي سوف تستمر السرقة حلدي ما تكونوا علي الحديده


#715736 [ع ع]
4.94/5 (6 صوت)

07-07-2013 11:00 AM
إنت متأكد كنت نايم لمن اللص سرق حاجاتك ؟؟!!؟؟


ردود على ع ع
[mansour] 07-07-2013 12:24 PM
حرفنه عمل نايم ديل يغشو ابليس

European Union [سمير عبد الرحمن] 07-07-2013 11:24 AM
دي جرأة وأنا مبسوط من اللص ده شديييييييييييييد

إنشاء الله بكرة يمشي على البشير يوم يكون بايت مع وداد


لكن يا ع ع عصام ود الترابي ده أكيييييد كان نايم لأنه بالجد ضكراااان وفارس

والعدالة بتقول ما ناخدو بجريرة أبوه .


#715728 [موسى عثمان]
0.00/5 (0 صوت)

07-07-2013 10:54 AM
يا جماعة ده ما لص بس أخذ قروشه من اللص الأصلي وبعدين
هذا الشخص نظيف ايوة والله ما يأكل حق الناس لو كان لص كان أخذ المسدس


#715723 [مدثر]
5.00/5 (1 صوت)

07-07-2013 10:52 AM
عقبال للمتعافي والشريف بدر ( سارقي مشروع الجزيرة )


#715706 [منعم غرباوي]
1.00/5 (1 صوت)

07-07-2013 10:40 AM
الناس في شنو وعصام في شنو ...... بالله عليك كل تلك العنفوان والشباب ينتهي بك المقام بان تهتم بالكلاب ورياضة الكلاب ؟؟؟؟؟؟؟؟؟؟؟ابن المفكر والاسلامي الذي ملأ الدنيا ضجيجا وترك من وراءه المجرمون والقتلة بعد ان دربهم علي ذلك ..... واختفي لاجل ابعاد الغرابة من السطلة الي الابد واعادة انتاج الانقاذ من اجل ذلك .... لتقديمه للعالم علي مبدأ ذلك النظرية التي اتي بها الي الحكم انتم الي القصر وانا الي السجن ..... بذات النظرية قال لهم انا الي البيت وانتم في القصر .......


#715704 [أأه يا بلد]
5.00/5 (2 صوت)

07-07-2013 10:40 AM
هذا لتعرفوا طيبة هذا الشعب السودانى
يعنى ممكن يعدمكم نفاخ النار وتكونون تاريخا
أخخخخخخخخخ لو يفهم جميع المتفهلوين السياسين
طيبة الشعب الذى يغدرون به


#715688 [fato]
5.00/5 (3 صوت)

07-07-2013 10:23 AM
يعني أيه يا عصام الترابي يسرقك لص محتاج يأكل أهله أو أولاده ما أنت زمن العز واللز كان كل سكر مصانع السودان كان كل أنتاجها يخرج خصيصا لعصام الترابي من غير منافسة من أي تاجر فأحتكرت السوق وتبيع بمزاجك بأي سعر وسلاحك معك والبودي قارد المسلحين فى حمايتك فعست فسادا فحتي أختطاف بنات الأسر لم تسلم منك.أهنئ هذا الشريف أبن الأشراف الذي أخذ جزئ يسير من حقوق الشعب التي عليك والحساب ولد حين تتم الطامة علي النظام الذي أتي به والدك وشاركت فيه بأفعالك المشينة وذاكرة ااشعب لاتنسي.


#715670 [أسامة]
5.00/5 (2 صوت)

07-07-2013 10:06 AM
دا ما لص دا مواطن شجاع استرد حقه بضراعه ، أرجو منه ان يسترد حق المظلومين بسرقة البشير من القصر وتسليمه إلى لاهاي


#715661 [نايل]
5.00/5 (2 صوت)

07-07-2013 09:54 AM
ويعنى الكلاب دي اعلان للحرامي القادم مال حرام في حرام


ردود على نايل
[مجاهد] 07-07-2013 11:29 AM
دي كلاب صيد تقبض ارانب ماليها علاقة بالحرامي تسك الارنب زي السفروق ماشايف بطنها كيف علامة استفهام ....


#715656 [kamba]
5.00/5 (1 صوت)

07-07-2013 09:49 AM
دي نفس الطريقة الجات بيها الطائرات الضربت بورتسودان واليرموك. فالحكاية جاتت وممكن تتوقعوا المرة الجاية الضربة في القصر الجمهوري أو سرقة بيت البشير وعبدالرحيم.


#715647 [Shah]
5.00/5 (2 صوت)

07-07-2013 09:42 AM
حلال عليهو ... شريف وسرق من لص.


ردود على Shah
[ahmed] 07-07-2013 08:44 PM
هههههههههه فعلا
قيمة المسروقاااااااات(حسب تعبيرهم) هي 16 الف ج

واصبلا هي ما مسروقات - طيب اخصموها من قروشنا النهبتوها انت وابوك خالك-


#715644 [زول نصيحه سااااااااااهي]
5.00/5 (9 صوت)

07-07-2013 09:38 AM
نان عرضة وصقرية ساااااكت


ردود على زول نصيحه سااااااااااهي
United States [Rio] 07-08-2013 01:13 PM
ههههههههههههههههههههههههههههههههههههههههههههههههههههههههههههههههاااااي

[خالد] 07-07-2013 12:57 PM
ههههههههههههههاااااخخخخخخخخخخخخخخخخخخ ككككككككككككككك


#715641 [ارسن لوبان]
5.00/5 (2 صوت)

07-07-2013 09:36 AM
كان يطخك انت وابوك ويريحنا منكم يالصوص ياحرامية

ارسن لوبين للناس المافكو الخط


#715638 [معاويـــــــــــــــــــــــــــــــة]
5.00/5 (4 صوت)

07-07-2013 09:30 AM
لص يسرق من لصوص


ردود على معاويـــــــــــــــــــــــــــــــة
United States [سمير] 07-07-2013 10:37 AM
بل قل لص صغير يسرق من لصوص كبار


#715634 [المتجهجه بسبب الانفصال]
5.00/5 (1 صوت)

07-07-2013 09:29 AM
إن شاء الله المكالمات تكون خفيفة،،،


#715635 [samdan]
5.00/5 (7 صوت)

07-07-2013 09:29 AM
ليتنا نجد لصا محترفا يسرق لنا وطننا السودان من اللص عمر البشير ويسلمنا له خلاص لقد هرمنا


#715632 [المتجهجه بسبب الانفصال]
5.00/5 (1 صوت)

07-07-2013 09:27 AM
إنشاء الله المكالمات في الهواتف تكون خفيفة،،،،


#715629 [البذئ]
5.00/5 (7 صوت)

07-07-2013 09:23 AM
عليكم الله المحترف منو اللص و لا الترابى الترابى سرق الديمقراطية و اللص سرق الموبايل؟؟؟


#715623 [البيان الواضح]
4.63/5 (7 صوت)

07-07-2013 09:20 AM
الترابي سرق السودان كله ، يعني شنو لو سرقه مواطن مفلس على الأقل يسترد بعض حقوق الشعب السوداني


#715619 [زولة]
5.00/5 (4 صوت)

07-07-2013 09:17 AM
معقولة بس , هو أنتو بتنسرقو ؟ أنتو بتسرقو بس


#715618 [محمد خليل]
4.75/5 (7 صوت)

07-07-2013 09:14 AM
16 ألف جنيه معناها 16 مليون بالقديم، طيب يا مفتري حد ينوم و فى محفظته 16 مليون بجانبه؟ يعني دي مصاريف جيب ساكت بالنسبة لكم و لا تساوي شئ بالنسبة للاموال التي نهبتوها عندما كان أبوك الكل فى الكل، و معروف انو أبوك لما كان الآمر الناهي كنت أنت أخطبوط و معك عدد كبير من البلطجية المسلحين لزوم الحراسة و ترهيب من يحاول الوقوف فى طريق نهبكم غير المشروع و كنت بلطجي درجة أولى معتمدا على نفوذ والدك.
و فى زمن أبوك تم أخذ أولاد المساكين قسرا الي ميادين المعارك فى الجنوب و لكن أنت من يطولك فى ذلك الزمن، و عندما سألوا والدك لماذا لا يذهب ولدك الى الجهاد شبه موقفك بموقف ابن نوح عليه السلام الذي رفض أن يؤمن مع أبيه مبررا تخاذلك عن الذهاب الى المعارك مع المجاهدين فى ذلك الوقت.
طيب اذا كنت غرقان فى النوم لدرجة ان يأخذ الحرامي محفظتك، معناها كان ممكن جدا يشيل مسدك برضو، طيب ايه فائدة مسدس يغرق صاحبه في النوم بالشكل دا و لا يشعر بالحرامي؟
ما أبعدك أنت و أبيك عن ما تدعوه من مبادئ اسلامية و قيم انسانية.


ردود على محمد خليل
United States [ديموقراطية] 07-07-2013 03:41 PM
والله يا ود خليل انا شغال وانا طالب اكتر من سبعة سنين وشغال بعد اتخرجت اكتر من عشرة سنين والله السطاشر دي ما حصل امتلكتها ولا حتي نصها زاتو خلي اشيلها في محفظتي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة