الأخبار
أخبار إقليمية
نقابة اطباء السودان تعرب عن قلقها بشان انتشار امراض السرطان.
نقابة اطباء السودان تعرب عن قلقها بشان انتشار امراض السرطان.



07-07-2013 08:45 PM
اعربت نقابة اطباء السودان عن قلقها الشديد تجاه انتشار امراض السرطان في جميع مناطق السودان وخاصة في ولايتي الجزيرة والشمالية بسبب الاسمدة والتقاوي التي تحمل مواد مسرطنة؛ فيما وصف خبير في مجال المياه الوضع الصحي في الخرطوم بالكارثي نتيجة لتلوث مياه الشرب.

جاء ذلك بعد ان اتهم جهاز المراجع القومي بولاية الخرطوم الهيئة العامة للمياه باستخدام مواد ضارة ومسرطنة تشمل البلمر الصلب؛ البودرة والكلور بجانب توريدها مواد غير مطابقة للمواصفات والمقاييس؛ وفقا لما ورد في صحيفة سودان تريبيون.

وقال رئيس نقابة اطباء السودان؛ الدكتور احمد الشيخ في تصريح لسودان راديو سيرفس يوم الاحد من الخرطوم ان المواد المسرطنة انتشر في السودان بطريقة مريعة مما ادى الي انتشار امراض الكلي وسرطان الرحم وامراض الدم وسط المواطنين."المواد المسرطنة للأسف انتشرت انتشار مريع في جميع انحاء الوطن، بدأت في ولاية الجزيرة، الاسمدة وجدوه تحتوي علي مواد مسببة للانقسام الخلوي الغير المرتب ،ولكن السلطات عندما يتحدث الناس اليهم يفتكرونها دعاية دعاية سياسية، واخيراً وجدوها فعلاً مواد مسرطنة"

ومن جانبه قال الخبير في مجال المياه؛ المهندس احمد المصطفي؛ لسودان راديو سيرفس يوم الاحد من الخرطوم ان المواطن في الخرطوم يعيش في وضع كارثي نتيجة لتلوث المياه بصورة كبيرة. واوضح أن المياه الجوفية يمر بالسيفونات ملوثة ، وهذا كان يتطلب تغيير وضع كل الابار في المنطقة السكنية ويتم فيها تحليل دوري".

وقال تقرير جهاز ديوان المراجع القومي أن مادتي البلمر الصلب والبودرة تحتوي على مواد ضارة وسامة ومسرطنة تشمل الحديد، الزنك، النحاس، الرصاص، الكروم، والمانجنيز، وأكد أن غاز الكلور سام وقاتل عند تسربه، حيث حذر من عجز المخزون من مواد التنقية والذي يؤدي إلى توزيع مياه منخفضة التنقية تسبب في انتشار الأمراض المعدية والوبائية.

وانتقد المراجع العام هيئة مياه الخرطوم لعدم امتلاكها مخازن مجهزة للحفاظ على المواد المستخدمة في تنقية المياه.

سودان راديو سيرفس


تعليقات 8 | إهداء 0 | زيارات 4338

التعليقات
#716476 [المهاجر]
0.00/5 (0 صوت)

07-08-2013 08:22 AM
وزارة المياه فالحه في جمع الاموال ونهب المواطن المسكين والدوله مشغوله بالسياسه والنهب المنظم
وكمان سمعنا ان فاتورة المياة تدفع مع فاتورة الكهرباء يعني دفع مقدم والناس تشرب مياه مسرطنه ياناس الحكومه ماتتقوا الله في الشعب السوداني الفضل دا عايزين تبيدوا حسبنا الله ونعم الوكيل نسال الله رب العرش العظيم وببركة رمضان العلى الابواب هذا ان ينزل على حكومة السودان اشد عذاب وعقاب في الدنيا والاخره (كلكم راعى وكلكم مسئول عن رعيته)


#716465 [sara]
0.00/5 (0 صوت)

07-08-2013 08:11 AM
" ان المواطن في الخرطوم يعيش في وضع كارثي نتيجة لتلوث المياه بصورة كبيرة. واوضح أن المياه الجوفية يمر بالسيفونات ملوثة ، وهذا كان يتطلب تغيير وضع كل الابار في المنطقة السكنية ويتم فيها تحليل دوري"."

يا جماعة الكلام دا صحيح و خطير جدا" ..كل البيوت وفي عموم السودان في مرحلة البناء بتحفر بئر لعمل السايفون و البئر دا لازم يجيب الموية ..فكرتو الموية دي جاية من وين؟ جاية من المياه الجوفية او النيل مباشرة..ومياه الشرب بتجي من وين ؟ اما ابار او من النيل مباشرة ...يعني في الحالتين اختلطت بمخلفات السايفونات ...ودا تلوث خطيييير ..
يعني لو كان بقروش البترول الجات دي ناس القشير عملو لينا بنية تحتية محترمة على الاقل صرف صحي ماكان اخير !!!

حسبنا الله و نعم الوكيل و والله ما مسامحنكم في اي تعريفة اخدتوها من حق المواطن بدون وجه حق و انشالله حسابكم في الدنيا قبل الاخرة ..


#716366 [ABOALKALAM]
0.00/5 (0 صوت)

07-08-2013 01:01 AM
لابد من اتهام السؤول عن هذه الجريمة النكراء من اتهامه بجريمة ضد الأنسانية

وجريمة قتل جماعي وين الحكواتية بتوعين حماية المستهلك ناس شلقامى

والسراج ولماذا لايرفعوا قضية في المحاكم السودانية وقضية اخري في المحكمة الأفريقية

والدولية واداة الجريمة موجودة وشوية موية من الماسورة تكفي دليل الأدانة


#716358 [AburishA]
0.00/5 (0 صوت)

07-08-2013 12:33 AM
والله لو كدا دي ابادة جماعية عديييل كده ؟؟
ناس لاهاي وين !!!!


#716350 [المكجناتي]
0.00/5 (0 صوت)

07-08-2013 12:21 AM
تستاحلوا, الكوارث دي كلها من الحكومة دي. سقطوها وريحونا منها...


#716312 [الموجوع]
0.00/5 (0 صوت)

07-07-2013 11:15 PM
حسبي الله ونعم الوكيل عليك يا المتعافي انشاء ماتشوف عافية وتموت مكشر وايدك ماتبشر لانك سبب كل التقاوي والاسمدة الفاسدة وليكم يوم يا الكيزان الموت مابعيد ذي مامات الزبير ومجزوب وابراهيم بتموتو وبتعرفعو الله حق نسوه واحصاه الله مافي شي بتنسي عند الله كلو موجود وفي انتظاركم ابشرو يوم تشهد عليهم ايديهم وارجلهم والسنتهم بما كانو يكسبون


#716266 [جركان فاضى]
0.00/5 (0 صوت)

07-07-2013 10:14 PM
من ارض المحنة ومن قلب الجزيرة ...يا مسافر اخير لك تبعد من الامراض الخطيرة
قول لى يا حبيبى شن اعمل معاك ....والا اسيبة مدنى واجى انجو حداك
زمان كان بالاشارة بترد سلامك....والان السرطان كمان ودر كلامك


#716227 [عصمتووف]
3.00/5 (2 صوت)

07-07-2013 09:10 PM
ودعنا اكل الدجاج والمياة الغازية والمعلبات والخضروات والفواكه كسره ب ويكة ولا نعيمية اصبحت الوجبات المكررة يومية كل يوم معانا ولا ننسي الملك فواد سيد المائدة الصباحية والمسائية حصلت كمان الموية نعمل شنو ونجيب الطاقة من وين نشتغل كهرباء ولا نركب بطارية 60ولا شنو يا ناس رايكم شنو افيدونا


ردود على عصمتووف
United States [الجقر] 07-07-2013 10:50 PM
تحيه للرجل الظريف ..
الرأى نبيع باقى العناقريب ونرحل من البلد دى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة