الأخبار
أخبار إقليمية
في إتصال بمصر..الدبلوماسية السودانية : البشير لم يُرسل لـ"المعزول" مرسى أى رسائل..شاهد صور مظاهرة الاسلاميين الى السفارة المصرية.
في إتصال بمصر..الدبلوماسية السودانية : البشير لم يُرسل لـ"المعزول" مرسى أى رسائل..شاهد صور مظاهرة الاسلاميين الى السفارة المصرية.
في إتصال بمصر..الدبلوماسية السودانية :  البشير لم يُرسل لـ


استدعت القائم بالأعمال المصرى بالخرطوم
07-09-2013 10:57 PM

(سونا) جددت وزارة الخارجية موقف السودان الثابت بأن مايجري في مصر حالياً شان داخلي يخص شعبها ومؤسساتها القومية وقواها السياسية وان السودان يثق في مقدرة مصر على تجاوز الازمة العابرة التي تمر بها حالياً ، ورأب الصدع بين أبناء الشعب الواحد .

وأجرى السيد علي أحمد كرتي وزير الخارجية اتصالاً هاتفياً بنظيره المصري محمد كامل عمرو بخصوص مانشرته صحيفة (أخبار اليوم) المصرية تصريحاً منسوباً لوكيل جهاز المخابرات العامة المصرية السابق اللواء/ ثروت جودة مفاده أنه تحصل على نسخة رسالة مزعومة من السيد رئيس الجمهورية المشير عمر حسن أحمد البشير الى الرئيس المصري المعزول د. محمد مرسي ، بعد قرار عزله .

وقال السفير أبوبكر الصديق محمد الأمين الناطق الرسمي باسم وزارة الخارجية في تصريح (لسونا) إن وزير الخارجية أبلغ نظيره المصري أن هذا الخبر محاولة للإساءة للعلاقات بين البلدين وأن مانشر هو محض إفتراء ويعبر عن محاولة مغرضة للنيل من العلاقات بين البلدين الشقيقين .

واضاف أن وزارة الخارجية استدعت القائم بالأعمال المصري بالخرطوم ونقلت له بأن ماء جاء في الخبر غير صحيح وهو محاولة للإيقاع بين البلدين الشقيقين .
الى ذلك أصدرت وزارة الخارجية تعميماً صحفياً لها اليوم ردا على مانشرته "بوابة اخبار اليوم" المصرية جاء فيه :

نشرت "بوابة أخبار اليوم" المصرية بتاريخ أمس 8/7/2013م تصريحاً منسوباً لوكيل جهاز المخابرات العامة المصرية السابق اللواء/ ثروت جودة مفاده أنه تحصل على نسخة رسالة مزعومة من السيد رئيس الجمهورية المشير عمر حسن أحمد البشير الى الرئيس المصري المعزول د. محمد مرسي ، بعد قرار عزله ، ونشر الموقع الالكتروني مايفترض أنه نص الرسالة المزعومة والتي تضمنت خطوات يٌدعي أن السودان سيقوم بها في مواجهة التطورات الاخيرة في مصر ، بما يتضمن تدخلاً سافراً في الشؤون الداخلية لمصر وإحداث فتنة داخلها .

تود وزارة الخارجية أن تؤكد أن مانشر هو محض إفتراء ونسج من خيال مريض ، ويعبر عن محاولة ساذجة ومغرضة للنيل من العلاقات بين البلدين الشقيقين .
وتجدد الوزارة موقف السودان الثابت أن مايجري في مصر حالياً شان داخلي يخص شعبها ومؤسساتها القومية وقواها السياسية وان السودان يثق في مقدرة مصر على تجاوز الازمة العابرة التي تمر بها حالياً ، ورأب الصدع بين أبناء الشعب الواحد .



وهنا نص الرسالة التي نشرتها بوابة أخبار اليوم : من أمير إمارة السودان الى أمير إمارة مصر.

http://www.alrakoba.net/news-action-show-id-106627.htm
ــــــــــــــــــــــ


هذه مجموعة صور لمظاهرة أمس " محمية بواسطة الشرطة وأجهزة أمن حزب البشير الأمنية " ضمت المظاهرة عشرات من الاسلاميين بالسودن " أنصار السنة ،،منبر الخال الرئاسي ، حزب الترابي ، مجموعة السائحون ، الحركة الاسلامة جناح حزب البشير ، الأخوان المسلمين وحركات إسلامية أخرى ، - المظاهرة إتجهت الى السفارة المصرية بالخرطوم لتقديم مذكرة إحتجاجا على عزل مرسي ورفضت السفارة المصرية بالخرطوم تسلم المذكرة .


image

image

image

image

image

image


الصور مجمعة من الفيس بوك


تعليقات 73 | إهداء 1 | زيارات 19775

صفحة 1 من 212>
التعليقات
#718945 [ود الشيخ]
0.00/5 (0 صوت)

07-11-2013 02:33 AM
{أبراهيم السنوسى}
منبر الخال الرئاسى..
المؤتمر البطنى..
الأخوان الدجالون..
{إتلم التعيس على خايب الرجا}
............................!!!!!!!


#718917 [كردفاني اصلي]
5.00/5 (1 صوت)

07-11-2013 01:30 AM
مالكم ومرسي والاخوان ؟ فأنتم مسخٌ ليس له اي اصل ولا يمكن ان نسمي هؤلاء حركة اسلامية واي حركة اسلامية جميع كوادرها فاسدين ومفسدين في الارض . فاشلين ومكابرين وشايفين انفسكم أحسن ناس بينما ينظر العالم اليكم بعين الاستحقار . ادخلتم السودان في مستنقع آسن تسوده الحروب والقبلية والجهوية
ويمكن بسبب فشلكم انتم تدارك المصريون الامر قبل ان يقوى عود الاخوان ويعملوا على أخونة جميع مؤسسات الدولة كما فعلتم انتم في السودان وسياسة التمكين والتي اعترف بها البشير شخصياً وادت الي انهيار وتدهور الخدمة المدنية
هل كان الاخوان في مصر عندما كانوا في السلطة يسيرون مثل هذه التظاهرات في زمن الازمات التي مر بها السودان كاحتلال هجليج او ضرب مصنع اليرموك عبر اجوائهم ؟ او حتى عندما احتلت ام روابة وابكرشولا ؟
هم اعلامهم يسخر منا ونحن نتصدق عليهم ب5000 الف من الماشية ونحن في حاجة اليها
هذا الشأن يخص اهل مصر ونحن بلادنا كلها ازمات مصطنة حلوها وجزاكم الله خيرا


#718904 [abokaled]
0.00/5 (0 صوت)

07-11-2013 12:59 AM
الحمد لله فاطر السموات والارض
اخوتي في السودان عندنا مثل مشهور ومعروف لجميع السودانييون بقول اللامه عريانه مابكسي خالته اي ان البلده مشاكلها ماليها اول ولا اخر مابقيف مع المصريين ولا حزب والا جنس ولا حتي اهتمام من الاخوة المصريين بقضائيا الشعب الطيب شعب السودان ،،،،
ياجماعة الخير انتم شوفوا القصائيا التي تهمكم ونحن في الشهر الفضيل كم جنية كيلو السكر وكم جنية كيلو اللحمه المفارقات مافي ليها داعي
انتم شعب مقلوب علي امرة من المستحسن انت تخرج المظاهرات من الشعب السوداني اي في الشارع لحل لقضائيا السودان دافور والحمد لله انت شعب اعور اي عديم نظر والشرزمة التي خرجة من منازلها لماذا لا تخرج لدحر الاسعار التي اصابت السلعة السودانية ياخوتي نحن محتاجين لا بسط مقومات الحياة نحن لسع نكد ونجد لتوفير لقمة العيش ماذا اصاب الشباب والاخوة في السودان هذا سزاجة مابعدها سزاجة وخيانة للشعب الذي لا يعلم مدي تاثير هذه المظاهرات الغير شرعية خلينا من شرعية مرسي ولا علان من الناس انتم كم كيس الخبز عندكم يالمتظاهرين انت شعب يزبحة الجوع والفقر لماذا لا نعكس المظاهرات علي بلدنا هم المصريين ديل احسن مننا في شنو وهذه اعمالهم التي يتظاهرون عليها انتم لديكم اضعاف مضاعة من المفترض ان نتظاهر من اجل الشعب الطيب وغلاء المعيشة في ارض بها نيل واراضي شاسعة صالحة للزراعة مثل السودان وخيراته لايعلم لها فرد من الشعب السوداني اين تزهب والي اين تباع مصادركم واين التنمية السودانيية ولماذا ولمتي الاستهزاء بالشعب الطيب حتي من الشعب يوجد من يستهزي باخية السوداني المقلوب علي امرة هذه لسيت مظاهرة بل شرزمة وخارجة عن المالوف ياجماعة الحمد لله شعب عجيب وغريب عشان فاعيلكم دي حقوا كل واحد منكم من المتظاهرين يسجن ويجلد امام مجموعة من السودانييون في الميدان ،،،،،،
اتقوا الله في انفسكم الكلام البجيب الحديث والهرا للشعب الطيب ماتعملوه والافعال التي لا تدرون بعواقبها الرجاء لا تفعلوها ولكم تحياتي فرد من الشعب .....


#718880 [جركان فاضى]
5.00/5 (1 صوت)

07-11-2013 12:27 AM
لم اسمع فى حياتى ان اخوان مصر يناصرون اخوان السودان...بل عبرت زعامات الاخوان فى مصر بان حكم الاسلاميين فى السودان اصبح خصما على الاسلام....يا اسلاميى السودان حتى اسلاميى مصر لايحبونكم...ويعتبرون مناصرتكم لهم تشويها لصورتهم....فالانقاذ وجه قبيح وين ما قبل


#718832 [مجروس ق ش م]
4.00/5 (3 صوت)

07-10-2013 10:58 PM
عليك الله دة شعب يستاهل استقﻻل و دولة .بدل ما تتظاهروا ضد المصرين المحتلين حﻻيب ز شﻻتين .تتظاهروا لمشاكل مصر و احنا مالنا يحكموها الاخوان وﻻ حتي الشبطان الرجيم


#718806 [وليد ذو الفقار]
5.00/5 (1 صوت)

07-10-2013 09:35 PM
والله ناس فارغه وسازجه ومنافقه البلد فيها ملوين قضيه تستوجب الخروج لشارع اخرجو من اجل الفقر والجوع والمرض اخرجو من اجل دارفور والنيل الازرق قبل ما ينفصلو
لكن انا لا استعجب لان الذين يتظاهرون ويرفعون صور المخلوع مرسي هم من القله المنتفعه من نظام الاخوان في السودان والله الذي خلق مثل السيسي في السودان من غير مانعلم ولا نحتسب حيخلق مثله في السودان ويقتلعكم يا تجار الدين


ردود على وليد ذو الفقار
United States [ابويضل] 07-11-2013 12:58 AM
الناس قلبهم ميت ، نسو كلام ايمن نور في تعليقو غلي موقف السودان من سد النهضه الاثيوبي( قال موقف السودان مقرف ) يعني قرف عدييييييل
دايرين نعرف يامتظاهرين ويالباكين علي حكم المرسي الفي زمنو ايمن نور قال الكلام ده، موقف السودان مقرف من سد النهضة ولا مظاهرتكم علي زوال حكم مرسي المقرفه، افتونا يا المتقدمين المظاهرة، الواحد فيكم ما حصل رفع علم السودان هسع رافعين علم مصر.
وبعدين يوميه المظاهرة بكم ؟؟


#718800 [منشار]
5.00/5 (3 صوت)

07-10-2013 09:14 PM
مع احترامي للجميع !!والله الشعب السوداني شعب بسيط وجاهل وحشري وجيعان ،،، اعني اللي في المظاهرة لتأييد مرسي بالذمة مش فضيحة طيب ما كنتوا تحلوا مشاكلكم الداخلية في الاول كان أحسن!!!! مشاكل السودان مما بدات ولحد اليوم لا يوجد مواطن عربي واحد خرج للتظاهر او التنديد ضد النظام او الوقوف مع المواطن .. وما تعرف السوداني محتقر ورخيص واسود الا لما تطلع خارج السودان وتشوف الفرق الشاسع بنفسك!'والواحد منكم جاري في المظاهرة علي لحم بطنوا حق العضه ما عندوا ليش التحشر ده خلو المصريين براهم بعرفو بجيبوا ديمقراطيتهم لأنهم غيروا حكومتين في اقل من سنة والجيش مستقل لحماية امن المواطن و الدولة :::::' وانتوا اليوم 26 سنة ما قادرين تغيروا حتي المؤتمر الوطني الله يكون في عونكم خليكم راضين بالذل والهوان لغاية ما القيامة تقوم.....


ردود على منشار
United States [Jungle] 07-10-2013 10:46 PM
يا منشار انت تقول ان الناس جيعانة وديل المؤتمر البطني بديهم حق الرغيق يا اخوي خليهم يطلعوا والله دي مش فضيحة للشعب السوداني دا خلي ساكت


#718743 [nayra]
0.00/5 (0 صوت)

07-10-2013 06:53 PM
انا عايز الناس دي مالا - الناقصة ليهم شنو / ما نحناالفينا مكفينا
مثل بقول ) الزيت لو ما كفي ناس البيت ما بديهووو للجيران


#718729 [الجبلابي]
0.00/5 (0 صوت)

07-10-2013 06:29 PM
ما اعتقد أنو في السودان سوف يحصل إنقلاب عشان خلاص ما في راجل واحد في الجيش كلهم صاروا أتباع فقط كاكي وبس ( وهنا نرجع لايام زمان ونقول " الكاكي جميل .............. حمير )


#718678 [زكريا أبو يحيى]
5.00/5 (4 صوت)

07-10-2013 04:23 PM
لو حدث لاسلاميي السودان أضعاف ما حدث لاسلاميي مصر لما تكلفت القوي السياسية المصرية عناء الخروج في مظاهرات تندد بما حدث هنا ولكن هي السذاجة ووضع النفس في غير موضعها .وصدق من قال رحم الله إمرئ عرف قدر نفسه .


#718675 [أوكامبو]
5.00/5 (3 صوت)

07-10-2013 04:17 PM
الحمد لله الذى كسر ظهر الأخوان و قطع دابرهم فى مصر و نحن نستقبل رمضان و نسأل الله أن يعيد علينا رمضان و قد تحرر شعبنا من رق أخوان السودان.

مـــــــــــــــــبـــــــــــــروك لــــــمـــــــــــصــــــــــــر


#718673 [SALEM]
0.00/5 (0 صوت)

07-10-2013 04:16 PM
فاقد الشىء لا يعطيه كان على هؤلا المنافقين ان يتجهو نحو البشير قبل 25 عاما اذا كانوا صادقين مع الله و انفسهم لان الشرعية واحدة و مصدرها هو الشعب فى كل من مصر و السودان لكن هذه ازدواجية المعايير عند مايسمون انفسهم زورا بالحركات الاسلامية.

هؤلا مع صناديق الاقتراع عندما يفوزون وحسب اما بعد ذلك فيلجأون الى اساليبهم الارهابية المعروفة للبقاء فى الحكم مدى الدهر بحجة ان الحكم اتاهم من الله و ليس الشعب هو الذى انتخبهم.
ان الخلط المتعمد بين السياسة الدنوية و الدين الذى هو اشمل و اعم قد افسد الاثنين معا،ولنا ان ننظر لحال اسلامى السودان لنرى حالنا و كفى.


#718659 [الكرباج]
5.00/5 (1 صوت)

07-10-2013 03:55 PM
بالغتا لكن يا السنوسي حقكم في الندوق وحق الناس في السوق !!!! من الذي اتي بالبشير ودبر انقلابه ؟؟ كل الاسلاميين اولاد كلب ميكافليين انتهازيين حرامية غير وطنيين تجار دين اللهم العنهم وغطس حجرهم ..


#718652 [الحقيقة]
5.00/5 (1 صوت)

07-10-2013 03:41 PM
بعد كده البشير ما يقدر يمشي مصر طوالي حياخدوه لمحكمة الجنايات باقي بس تشاد واريتريا واثيوبيا باللفة


#718651 [Amin]
5.00/5 (1 صوت)

07-10-2013 03:41 PM
لماذا دائما علاجات الاسلاميين للامور هوجاء

كان من الواضح أن سياسات مرسي قد وجدت عدم قبول متزايد في الشارع المصري
وأن الاحتقان قد بلغ أعلى الدرجات وينذر بتوقف حركة الدولة والانفلات
وأن كل المحاولات والوساطات لحل الأزمة سياسياً قد با'ت بالفشل

على مرسي وجماعته أن يلملموا اطرافهم ويعيدوا حساباتهم وأن لا يخسروا المزيد بالعناد والمواجهة
وأن يراجعوا تجربتهم بموضوعية ..وأن ويضعوا في حسبانهم رغبات الشعوب وليس الأيدولوجية الضيقة
فهكذا هي الديمقراطية

وليعتبروها جولة خسروها .. ولكن ليست نهاية المعركة السياسية


أما ناسنا ديل ... ف خجلتهم يصروها في دلاقينهم


#718635 [abusami]
0.00/5 (0 صوت)

07-10-2013 03:18 PM
اللهم لا شماتة ولكن الحمد للة مرس ذهب في داهية الواحد مبسوط وعايزين واحد من القيادة العامة ولا المقبرة العامة السودانية لنفقبر اخوان الشيطان كلهم الترابي البشير قوش كاروري


#718619 [ابن السودان]
5.00/5 (1 صوت)

07-10-2013 03:00 PM
بسسسسسسسسسسسسسسم الله اسي انتو مالكم من دووووون الناس دي قمتو


#718610 [أبو بطن فاضيه تكركر]
0.00/5 (0 صوت)

07-10-2013 02:51 PM
تتباكون على ضياع الديمقراطية في مصر الاخوانية وتفرحون لضياع الديمقراطية في السودان ..!؟!!

ازدواجية مواقف وتناقض غريب

تناقض يعمل حول في العيون .


#718597 [مقهور]
0.00/5 (0 صوت)

07-10-2013 02:35 PM
رمضان كريم وكل عام وانتم بخير
إقتراح رأيكم شنو نقوم نعمل لينا مظاهرة مضاده لهذه المظاهرة ونقف مع الشعب المصري ضد نظام الأخوان في أي مكان وزمان!!!!!


#718575 [فرح ودتكتوك]
0.00/5 (0 صوت)

07-10-2013 02:07 PM
الشيخ الكارورى وجماعته ، هل أخذوا إذن تصريح خروج فى مظاهرة من السلطات الرسمية ؟ ..
هل من الاسلام ، أن السلطات الرسمية تعطى إذن خروج مظاهرة لمناصرة مرسى فى مصر ، وتمنع إذن تصريح لإقامة ندوة لتجمع الأحزاب السودانية المعارضة ؟ .

والله العظيم لولا مخافة الله ، نفسى أجدع مركوبى فى وجه الكارورى ، وعصام البشير وهما يخطبان من فوق المنبر . دول يناصرون الطغاة بإسم الدين والدين منهم برىء .


ردود على فرح ودتكتوك
United States [فرح ودتكتوك] 07-11-2013 12:03 PM
ابوالكجص وسودانى ، مشكورين على التصحيح .
بس إيه الفرق بين الكارورى والسنوسى ؟ ما كلهم فى تجارة الدين سواء ، وعلى راسهم الشيخ الترابى الذى علمهم السحر .

United States [أبوالكجص] 07-10-2013 04:20 PM
يازول إنت بتهدرب مالك وينو الكاروري في الصور دي؟ الكاروري ما أظن عندو حزب غير المؤتمر الوطني لكن البتقصدو والظاهر في الصور من إخوان النفاق هو إبراهيم السنوسي وليس الكاروري.

United States [سوداني] 07-10-2013 04:19 PM
دا ما الكاروري يا مسكين دا السنوسي البتشبه بي الترابي دائماً الكاروري رجل صاحب فكر وفاهم ما ممكن يدخل نفسو في التمثيليات دي اي حاجة بتجي من الإنقاذ والإسلاميين ديل تمثيل وتدجيل


#718546 [المشتهي الكمونية]
5.00/5 (3 صوت)

07-10-2013 01:32 PM
يعني خلاص نحن مشاكلنا كلها اتحلت وما باقي لينا إلا نعيد مرسي للحكم!!! اللهم اني صائم


ردود على المشتهي الكمونية
[nagatabuzaid] 07-10-2013 04:26 PM
كيف مشاكانا تتحل وهم سببها


#718487 [ابو خنساء]
5.00/5 (1 صوت)

07-10-2013 12:28 PM
واحنا مالنا ياخ . ده شعب بيستاهل تشيل نفس وتختو عشانه ما تصحو يا عالم . حسبي الله ونعم الوكيل


#718481 [قرفاااااااااااااااان]
5.00/5 (2 صوت)

07-10-2013 12:19 PM
قبح الله وجوهكم ...


#718477 [abdo]
0.00/5 (0 صوت)

07-10-2013 12:17 PM
الشعار الفيهو صورة مرسى ده لقيت قبل كم يوم وانا فى شركة ابداع للدعايه شغالين فيهو وقاعد عمك كوز اللهم انى صائم جمب المصمم وبيتفرج على الشغل والاخراج . المهم انو ناس ابداع ديل بيشتغلو للمؤتمر الوطنى ديل كل الاكاذيب والوهم المباع ..يعنى يا المصرين الشغل ده من حكومتنا الرشيده بعد ماتلحسو مرسى باذن الله عليكم الله دايرين منكم تصوتو وتلمو الجيران .


ردود على abdo
[nagatabuzaid] 07-10-2013 04:36 PM
ابداع احتمال يكونوا كيزانواحتمال يكونوا لا مجرداكل عيش ز غايتوا انا كان عندى اى اعمال

شركة او مجال خدمى حاكتب بخط منتهى الابداع مسموح للجميع ما عدا الصهاينة والكيزان


#718467 [د.حميد قنيب]
0.00/5 (0 صوت)

07-10-2013 12:08 PM
رمضان كريم والامه الاسلاميه بخير مايراد بمصر اكبر من ذالك بكثير علي الاهل في مصر بكل الوان الطيف السياسي الجلوس مع بض والانتباه لما يجري لهم وبموضوعيه حتي لايحدث ما لايحمد عقباه نسال الله الامن والامان لنا ولهم


#718454 [صارم بتار]
4.88/5 (6 صوت)

07-10-2013 12:00 PM
الإسلاميين صناعة صهيونية. ::
للعملاق عباس محمود العقاد مقال هام جداً يثبت فيه بالأدلة أن حسن البنا من أسرة مغربية ذات أصول يهودية, واسترسل في بيان أن ترجمة (البنا) إلى الانجليزية هي MASON ماسوني وأن البنا وأبيه وجده كانوا يعملون في تصليح الساعات وهي مهنة اليهود آنذاك .. إلى غير ذلك من الدلائل..

حسن البنا ولد في البحيرة وهي اكبر منطقة يهودية في مصر وفيها ضريح ابو حصيرة الذي يحجون اليه اليوم واغلب اليهود في البحيرة جاؤوا من المغرب واغلبهم تاسلم ومنهم جد اليهودي حسن البنا الذي كان صوفيا كعادة اغلب يهود العالم العربي في افريقيا .
البنا جاء من كلمة بناء وهي اصل الماسونية وهم يقولون عن انفسم البناؤون الاحرار وحسن البنا كان منهم ولفظ بنا جاء من الماسونية وهو وابوه وجده صنعتهم تصليح الساعات حتى قال عنه العقاد ان الحي هذا لايعرف مصري يعمل فيها غير اليهود وكانت مهنة تصليح الساعات من المهن اليهودية فكيف اصبح الساعاتي بناء بقدرة قادر !!!

نذكر ان اليهود العرب يجيدون التجسس وتقمص الشخصيات, والماسونية لاتعمل الا بحماية مشايخ وذقون خونة أو قادة من ذوي الكاريزما لتبييض صورتهم بين عامة المسلمين, فمصطفى كمال أتاتورك هادم الخلافة العثمانية معروف أنه من اليهود الأتراك المتخفين في ثوب الاسلام, وكاد اليهودي كوهين : كامل امين ثابت ان يصبح رئيس وزراء في سورية .. والامثلة على قيام اليهود العرب بالتظاهر بالاسلام يحتاج كتب لتفصيلة وهو منشور واكتب اي جملة بهذا المعنى بالعربية تجد عشرات الصفحات ويهود المغرب خاصة لهم باع طويل في ذلك !

محمد الغزالي عندما طردوه من الاخوان اصدر كتاب : قذائف الحق شرح فيه ماسونية حسن البنا وحسن الهضيبي الذي لم يكن من الاخوان ولكن الماسونية نصبته خلفا لحسن البنا بعد مصطفى السباعي الماسوني الحمصي المعروف وتلميذ حسن البنا الذي عمل بقيادة غلوب باشا الماسوني اليهودي البريطاني..

الماسونية رفعت شعار : حرية عدالة مساواة, واخوان حسن البنا رفعوا نفس الشعار: حرية . عدالة. وبقيت المساواة !!

والآن لننقل عن حسن البنا نفسه من كتاب (حديث الثلاثاء ) الذي جمعه تلاميذه من درسه الذي كان يعقده كل يوم ثلاثاء ليشرح لهم الاسلام من وجهة نظر يهودية كما كان يفعل قديماً كعب الأحبار وعبد الله بن سلام ووهب بن منبه حين كانوا يشرحون التوراة في المسجد :

الشيخ حسن البنا، قبل نحو سبعين سنة، في خطبة له عام 1940وقف وقال مايلي بالنص:

«لعل قائلاً يقول: لماذا كانت اكثر القصص التي عُني بها القرآن هي قصة بني اسرائيل؟ ولماذا اخذت الجزء الاوفى من قسم القصص في القرآن الكريم؟».

يقول الشهيد البنا، «ان لهذا عدة اسباب: السبب الاول: هو كرم عنصر هذا الجنس ! وفيض الروحانية القوية التي تركزت في نفسه !! لان هذا الجنس قد انحدر من اصول كريمة !! لهذا ورث حيوية عجيبة !! وان كان قد اساء الى نفسه والى الناس بتوجيه هذه الحيوية فيما بعد الى ما لا ينفع.. انحدر هذا العنصر من يعقوب بن اسحق بن ابراهيم، فورث الروحانية كابراً عن كابر !!!

الامر الثاني يقول البنا: «ان هذا الجنس يمثل حيوية لم يظفر بها جنس كما ظفروا بها، وكما ان هذه الحيوية كانت مصدر تزكيتهم كانت ايضاً من مصدر غرورهم ونسيانهم المعنى الانساني العام الوارد في قوله تعالى:{ يا أيها الناس انا خلقناكم من ذكر وانثى وجعلناكم شعوبا وقبائل لتعارفوا، ان اكرمكم عند الله اتقاكم } (الحجرات: 13).

اما السبب الثالث، كما يقول مرشد الاخوان في خطبته، «فهو انهم ورثة اقدم كتاب سماوي عرف الناس عنه شيئاً، وهو التوراة، وكانوا الصق الناس بالامة العربية في ذلك الوقت».

«اما السبب الاخير: فهو انهم نشؤوا من البدو ثم تكونوا، ثم اضطهدهم العدو، ثم تحرروا، ثم سادوا، ثم تحولوا، فكانوا مثلاً طيباً لتجلية هذه الادوار، وانت حين تقرأ يا أخي القرآن تجد هذا المعنى واضحاً في كتاب الله تبارك وتعالى».

ولكن اين استقر اليهود ؟! وما علاقتهم بفلسطين؟! ومتى كان ذلك بموجب تحليل الشيخ حسن البنا في حديثه للاخوان؟

يقول البنا: «رسالة سيدنا موسى عليه السلام كانت ((في مصر))، ونريد أن نتناول صلة رسالته بهذه الأمة» أي الأمة المصرية !

ثم يقول: «لقد وُجد الإسرائيليون في مصر، (((وإن كان وطنهم الأصلي فلسطين))) وكان اول من اقرهم يوسف عليه السلام، { اذهبوا بقميصي هذا فألقوه على وجه أبي يأت بصيرا، وائتوني بأهلكم أجمعين.. } إلى قوله تعالى { وقال ادخلوا مصر إن شاء الله آمنين} (يوسف 99-93).

ثم يقول البنا: «وقد (( أقطعهم سيدنا يوسف عليه السلام الجهات الشرقية من ارض مصر))، وكانت لاتزال ارضاً صحراوية، وإنما أقطعهم اياها لأنهم آتون من البدو، ولأنه اراد ألا يمزج بينهم وبين المصريين الذين كانوا في ذلك الوقت على ديانة وثنية، ويعقوب والأسباط من ابناء يعقوب على التوحيد الخالص، فلم يشأ أن يكون هناك مثار للجدل الديني بينهم وبين المصريين».

إشادة الشيخ حسن البنا إذن. باليهود.. جاءت واضحة ! فقد حاول أن يفسر سبب كثرة الأنبياء في بني اسرائيل، واشار بالنص الى «كرم عنصر هذا الجنس»، أي اليهود، و«فيض الرو حانية القوية التي تركزت فيه»! وقال عن الجنس اليهودي إنه «قد انحدر من اصول كريمة، ولهذا ورث حيوية عجيبة»، وأضاف انها «حيوية لم يظفر بها جنس كما ظفروا بها»! وأكد مرشد الإخوان كذلك ان بني اسرائيل «ورثة اقدم كتاب سماوي عرف الناس عنه شيئا وهو التوراة»، وأن اليهود «وطنهم الأصلي فلسطين» !!

هذه الآراء والاجتهادات، أعلنها عام 1940 حسن البنا، بحضور جمع وشهود من الإخوان المسلمين. وقام احد الإخوان بتسجيلها بدقة في كتابه المشار اليه. وقد صرح البنا بكل هذا دون ضغط أو اكراه من الحكومة المصرية ودون اي تدخل من الصهيونية أو الموساد، وقبل أن تبدأ مرحلة السادات ومباحثات السلام ويتم توقيع اتفاقية كامب ديفيد.. بـ34 سنة!!

والآن هل يجرؤ أحد الليبراليين، أو دعاة السلام المتخاذلين، على ان يكيل كل هذا المديح لليهود؟!!

وفي هذه الروابط مزيد من المعلومات :
http://www.soutalmalaien.com/products16.php?id=200

http://www.ahram.org.eg/The-Writers/News/38936.aspx


ردود على صارم بتار
United States [الهلالي] 07-11-2013 12:02 AM
انت لا صارم ولا بتار فانت مجرد امي لا يحسن الكتابة...
وايه الغرابة في مدح اليهود فالله سبحانه وتعالى قال عنهم في محكم تنزيله (يا بني اسرائيل اذكروا نعمتي التي انعمت عليكم واني فضلتكم على العالمين)... ونعم هم من نسل الانبياء ولكنهم انحرفوا عن اليهودية

United States [الكاهلي] 07-10-2013 12:37 PM
لك التحيه ايها القواص


#718414 [عبدوو]
0.00/5 (0 صوت)

07-10-2013 11:25 AM
حكاية غريبة فى دولة عجيبة
1/ السودان فى حروبات والموت بالجملة ونيالا تصرخ ومنبر السلام يدعو عودة الشرعية لمرسى بدلا من الدعوة لعودة النازحين لقراهم وذهاب البشير لاهاى
2/ البلاد تدخل فى جفاف


#718407 [زول نصيحه سااااااااااهي]
0.00/5 (0 صوت)

07-10-2013 11:19 AM
شعب مرض لا يعرف الي يذهب


#718403 [علاء]
0.00/5 (0 صوت)

07-10-2013 11:16 AM
من انتم ايها السجمانين اول مرة اشوف زول جعان واولادو بيبكو فى البيت ويد الاكل لجيرانو


ردود على علاء
[كاره الكيزان محب السودان] 07-10-2013 12:43 PM
يا أخو علاء، فكرك البضبح تور سمين إبتهاجا بفصل الجنوب الحبيب دا جيعان!!!!!!؟؟؟؟؟؟؟؟؟؟؟؟


#718401 [ali alfred]
5.00/5 (2 صوت)

07-10-2013 11:15 AM
هؤلاء الذين يدعون بأنهم مسلمين و الإسلام منهم بريء,لقد شوّه الأخوان وجه السودان البهي,خربوا البلاد وقتلوا العباد,وتشويه الإسلام وبث روح البغض والكراهية بين أبناء الوطن الواحد


#718400 [ايمن احمد]
5.00/5 (2 صوت)

07-10-2013 11:15 AM
السلام اليكم يا اخوانى السودانيين رمضان كريم.
لم يوجد فى الدنيا حكومة اسلامية صالحة ابدا بهذا السبب الحل الوحيد هو حكومة علمانية يحترم كل الاديان وكل الثقافات واهم شئ فى الدنيا هى حرية الشخص لماذا هذا التخلف فى العالم الاسلامى قتل دمار عنصرة فقر امية 65% لماذا هذا لم يحدث فى تركيا لان تركيا دولة اسلامية لكن حكومة علمانية بهذا السبب متقدم جدا من الناحية الاقتصادية والديمقراطية وحقوق الانسان وحرية التعبير


#718397 [سوسو العسولة]
5.00/5 (1 صوت)

07-10-2013 11:13 AM
دي النقابة العامة لمعتوهي السودان و على قول ماما( بوامة السواااااااااااااااد)


#718385 [عطوى]
1.00/5 (1 صوت)

07-10-2013 11:02 AM
تعلمووون رفع المواطن المصرى لاى علم دولة اخرى يعاقب عليها القانون ؟؟؟؟؟

بس الناس الشايليين علم مصر ديل وبنقوولا ديل اولاد حررراااااام مو سودانييين بس غضبى على الناس البتفرججو على ذوول رافع علم دولة اجنبية فى قلب العاصمة دى حقاارة عارفيين دا لو كتلتو القانون ما يثدر يدينك باعتبارة شخص اجنبى او عميل دولة اخرى ..

يا ثوريين حارسين بيهم شنوو اى واحد يرعع علم غير سودانى اضربوو بيد من حديد كفاااااية خنوووع كمان حصلت ..


#718378 [كاره الكيزان في اي زمان ومكان]
5.00/5 (2 صوت)

07-10-2013 10:56 AM
طيب العورة ديل ما يطلعوا ضد البشير لانه انقلب على الشرعية

بلاش هبل وعبط


#718376 [ابو منزر]
0.00/5 (0 صوت)

07-10-2013 10:55 AM
الخطاب المدكور غير صحيح ولكن هو مقدمة لاقناع المجتمع الدولي والشعب المصري بان السودان يساعد الاخوان ويقوم بتهريب السلاح لهم . وهي استعداد اوتهيئة اعلامية لتغطية ما ستقوم به اسرائيل في الفترة القادمة بضربة عسكرية للسودان واتوقع ضرب بور سودان . في العيد ونشوف اخر رقيص البشير حيوصلنا وين .


#718354 [lwlawa]
5.00/5 (2 صوت)

07-10-2013 10:06 AM
هذه احدى مظاهر النفاق والكذب والخداع التي يتميز به حكام السودان واتباعهم الذين شربو من ذلك النفاق.


#718350 [سالم مراد]
4.50/5 (4 صوت)

07-10-2013 10:02 AM
بالله انتوا عندكم موضوع هسه

مصر دي لقيتوا منها شنو عشان تمرقوا في جنس الحر ده

عالم تحير


#718348 [افريقى]
5.00/5 (3 صوت)

07-10-2013 10:00 AM
غلفاء وشايلة موسا تطهر


ردود على افريقى
[شكوكو] 07-10-2013 04:08 PM
ههههههههههههههههههعهعهعهعهعععععههههه


#718335 [ثائر]
0.00/5 (0 صوت)

07-10-2013 09:32 AM
وكمان رافعين علم مصر غير علم السودان!!!هذا يدل على عدم انتمائكم وعدم وطنيتكم وحاجات كتيره ما دايرين نقولها!!!!!! حسبى الله ونعم الوكيل!!!!! نسيتو قصة غزو الكويت وغلطتكم التاريخية!!!!الغبى من لا يتعظ!!!! وتانى ترجعوا لهذه الغلطة ؟؟؟!!!! صفرسياسة خارجية!!!!!


#718332 [مدني الحبيبة]
5.00/5 (2 صوت)

07-10-2013 09:28 AM
دايرين نعرف ، هل تلك الوقفة الاحتجاجية تمت المصادقة عليها من قبل الاجهزه الامنية ، اشان لي قدام يااستاذ السنوسي تعرف تصدق لي تظاهرات خاصة بالمعارضة ، ياجماعة الخير افيقوا من وضع مايسمى بالمؤتمر الشعبي في خانة المعارضة ، هؤلاء تربوا على قمع الاخرين وخلاف الاسلامين خلاف مصالح مرحلي ولكن جوهر عفانتهم وخبسهم متفق عليه


#718305 [البذئ]
5.00/5 (2 صوت)

07-10-2013 08:11 AM
هاهاها هاااااااااااههههههههههههههههههههها ابراهيم السنوسى غلبوا البشير قال يرجع مرسى الصورة الاول لو بدلنا صورة مرسى بصورة البشير تكون المظاهرة ضد البشير(نعم للشرعية لا للديكتاتورية)


#718303 [Deng]
0.00/5 (0 صوت)

07-10-2013 07:43 AM
مالكم ومال مصر الفيلم ما مطيكم


#718288 [ehsan salih]
0.00/5 (0 صوت)

07-10-2013 05:50 AM
غايتو جنس غايتو !!!!!!!!!!!!!!!!!!!!!!!!!!!!!!!!!!!!!!!!!!!


#718284 [أسامة الكردي]
0.00/5 (0 صوت)

07-10-2013 05:13 AM
أهـا يـا الرقـاص الأدلة ثبتت بالصـور .


#718264 [SESE]
4.25/5 (3 صوت)

07-10-2013 03:32 AM
على اليمين قالوا غلفاء وشايلة موسها تطهر !!
كما قالت واحدة " امي غطي كروكي خليني ننبذ بت ام كرو" والله شئ عجيب ! ومال كيف استلم الجماعة ديل السلطة في السودان؟ وهل انقلابهم احسن من انقلاب الجيش المصري؟ والله قالوا الاختشوا ماتوا.....

المهم الشعب المصري يجب ان يحفظ هذه المشاهد في ملفات خاصة عندما تأتي جردة حساب النظام السوداني على وقوفه ضد ارادة الشعب المصري مع المخلوع مرسي كما يجب ألا تصيبنا لوثة عقلية عندما يأتي اليوم الذي نحاسبهم فيه.........


#718259 [المقهورة]
5.00/5 (1 صوت)

07-10-2013 02:58 AM
حسي لو الشعب المقهور أراد الخروج لتأييد عزل
مرسي كانت الحكومي سمحت بذلك؟ كل هذا
التهريج سوف لن يحلكم من عضبة هذا الشعب
الأبي الذي سيكنسكم من الوجود ويطوي صفحتكم
القبيحة وتاريخكم البائس إلى الأبد، ونتنسم عبير
الحرية التي فقدناها طويلاً بإذن شاء الله...


#718257 [ABOALKALAM]
0.00/5 (0 صوت)

07-10-2013 02:52 AM
يااخوانا اسلاميين بتاع الساعة كم عدد المشاركين في المظاهرة

لايتجاوز ال 54 فرد ربعهم افرد امن مسلحين حتي لاينفلت او يتجاوز اي فرد من

المتظاهرين ويتهجم علي السفارة طبعا كل واحد من حقه يقول رايه

لكن لايستاهل ثلاثة اسطر في منبر الراكوبة


ردود على ABOALKALAM
[ashshafo Khallo] 07-10-2013 07:51 AM
اختلف معاک یا ابو الکلام. زی ما قالت المقهوره فی تعلیقا:
((حسي لو الشعب المقهور أراد الخروج لتأييد عزل
مرسي كانت الحكومي سمحت بذلك؟))

السطرین والتلاته مهمه لبیان الخیار والفقوس بتاع الحکومه. جماعتم عایزین یطلعوا یخلوهم ولمان المعارضه عیزه تخرج یدوها البمبان.
دی فرفره مضبوح


#718251 [سايكو]
0.00/5 (0 صوت)

07-10-2013 02:43 AM
صحيح انه ما حدث ليس بثوره انما انقلاب كامل علي رئيس منتخب ' لكن عجبنا و بسطنا
اي حاجه تضأيقكم يا تجأر الدين بتكون مفرحه بالنسبه لينا


ردود على سايكو
European Union [صلاح شرعية] 07-11-2013 05:22 AM
بالغت عاد يا سايكو.. انت معلق مهم حسب فهمي وفي صف الشعب السوداني قاطبة برضو .. والزيك متوقع يكون مع حقوق الشعب المصري برضو اقدر اقول خيبت ظني في تعليقك دة

يا سايكو مرسي مش خالف الشرعية وبس قصقص اجنحتها في سنة واحدة بس من عمر الزمان .. طلعو ضدو 30 او 22 مليون... هل تعلم انو الصوتو للفائز والمهزوم مرسي وشفيق كلهم 25 مليون؟؟؟؟ بعد داك الجيش ادى مهلة وزادها (سبعة وذمتها) اسبوع ويومين ولسة الدكتاتور المنتخب مقوي راسو او بالاحرى المرشد بتاعو ما استوعب الموقف ودة عيب الرئيس الصوري .. دائما في زمن يضيع في مشاورات مع شخصيات في الظل لو كان القرار بيدو او على الاقل مؤسسة الرئاسة كان الموضوع احتمال ما وصل كدة ..
الجيش المصري استجاب للجمهور .. دة هو الظاهر ودة هو الليه اثباتات قوية وواضحة اما الاحتمال بتاع رغبة امريكا في ترك الاخوان والالتفات الي الجيش فلو صحت تكون لفت ارضة اكثر من جاهزة ..


#718241 [ابو علي]
1.00/5 (1 صوت)

07-10-2013 02:07 AM
فضائحكم كترت شديد


#718232 [ابو محمد]
0.00/5 (0 صوت)

07-10-2013 01:40 AM
موضوع نشرالخطاب ‏ موجه للشعب المصري وصدقوني حيصدقه لانه شعب عاطفي ادمان المسلسلات اكل عقله رفم سذاجة احداثها لوتزكرون احداث مباراة الجزائر كانت مصر كلها معبأة تاني يوم ضد السودان والجزائر رقم عدم معقولية التهم الغرض اضافة هالة من البطولة للواء لنفسه ودى من صفاتهم ئ.‏ ثم تشويه سمعت رئسهم السابق والذي اعاد جزء من حلايب ولأكن ارجال الامن الابطال اعادوها كما ادعوقبل يومين .‏ وبس الكراهية للسودان وممكن يعاني من السودانيين الموجودين في مصر ‏..‏ اما ناس بشبش يستاهلو ده نتيجة انبطاحهم للمصريين ومنحهم لمقدرات الشعب من هدايا واراضي لهم وهذا ما وجدوه منهم ‏.‏ ولدعاة وحدة وادي النيل هذا الدرس


#718230 [سواق القطر]
5.00/5 (1 صوت)

07-10-2013 01:38 AM
تنظيم الاخوان تنظيم دولي وله اتباخ في جميع انحاء وجهة نظر الحكومة انه شأن داخلي حسب تصريح الخارجية السودانية اما خروج مظاهرة الاحتجاج هذه تبعا لمبدأ حرية الرأي يعني زيهم زي الشيوعيون


#718224 [خالد حسن]
4.25/5 (3 صوت)

07-10-2013 01:33 AM
يلا ادوهم خمسه الف راس واراضي زراعيه عشان ترضوهم
اصلكم كلاب والكلب مابجي الابالضرب
ولو نفيتو ولامانفيتو الحكومه المصريه مابتتعامل معاكم الابالجزمه ياجزم


#718213 [alkaser]
5.00/5 (1 صوت)

07-10-2013 01:13 AM
مصر الجديدة حتوفع علي عضوية المحكمة الدولية تاني العوير كراعوا انقطعت من مصر ماحدث في كصر هز يشري لنا


#718206 [Zingar]
5.00/5 (1 صوت)

07-10-2013 12:55 AM
كده أقدر أقول مبروك للأنقاذ..ومزيدا من الضفر والعصر لهذا الشعب المتخلف.....وكل من يراهن على هذا الشعب بأن يحدث تغيير خليهوا يجى يتفرج.......وكر عليك يا العلم السودانى يا الما لقيت إلا يغطوا بيك الجنائز.


ردود على Zingar
European Union [خضر عمر ابراهيم] 07-10-2013 03:23 AM
والله يا Zingar صدقت كر علي العلم السوداني ألما لقي زول يحملو يجري بي في المظاهرات،، بس فعلا بقي كفن ،،،مادام شبابنا مشغولين بي الغلاط في كتب البشير. ورسل لي مرسي والسيسي حيعمل ليكن والجيش المصري حيكسر الدنيا وكمان قال واحد من الاخوان أجي السيسي يكسر راسك وراس اسيادك ،،، متناسي ان سيد الجميع هو الوطن،،،عليك الله يا اخوي عايز اكتر من كدة يطلع شنو من شباب التغيير المنتظر والتحول الديمقراطي المنشود ،،،
ديل بس بتاعين مظاهرات كيبوردات في النت وبس وشاكرين في النبذ والشتم والمغالطة في أمور سياسية الواحد تلقاه سمع طرفها بس وكمل الباقي،،،
الغريبة الأغلبية ولاءهم لمصر أكتر من ولاءهم للسودان. بس كدة قوة عين وكية لي الجبهجية التقول السودان حقهم براهم بس،،،
ولسع ما خفي أعظم ،،، والآتي علي مصر أفظع. وبكرة البتفاحصو ديل يقولوا ياريت اللجري ما كان،،،
ما يحدث في مصر هو الفصل الأخير من برنامج ومسرحية الوطن العربي الجديد ،،، بس. لوكو صبر ،، هناك ملفات بدأت صفحاتها تنفتح في المنطقة والمصلحة جهة يعرفها الجميع والهدف السودان ليس ضمن الخريطة فريحونا وريحو أنفسكم ،،الدور لسع ما جاي علي السودان،،،


#718205 [انصاري]
5.00/5 (1 صوت)

07-10-2013 12:52 AM
هذه أوامر التنظيم العالمي للأخوان ، المافيا تناصر بعضها البعض!!


#718195 [عصمتووف]
5.00/5 (1 صوت)

07-10-2013 12:27 AM
اغبياء اراضيكم محتلة بدلا بتسير هذه الشرازم الهزيلة لاحتلال دار الخديوي والمطالبة بها وان تعاملوا كمواطنون بشر لزيارة المحروسة تجرون كالاغنام لسيدها بقيادة العر العره قال شيخ السنوسي انتم مالكم هم شغالين بيكم خنازير الانقاذ تف


#718193 [عصمتووف]
5.00/5 (1 صوت)

07-10-2013 12:24 AM
اغبياء اراضيكم محتلة بدلا بتسير هذه الشرازم الهزيلة لاحتلال دار الخديوي والمطالبة بها وان تعاملوا كمواطنون بشر لزيارة المحروسة تجرون كالاغنام لسيدها


#718191 [Wad -Alrakoba]
4.00/5 (1 صوت)

07-10-2013 12:23 AM
what a shame sudanese people you are raising the Egyptians flag.while Halyeeb and shalateen are occupied.


#718188 [الكوز المرتاح]
0.00/5 (0 صوت)

07-10-2013 12:17 AM
دائما تتصدروا الفارغه ,, يتكروووووووووووووووووووووووووووووووووووووووور


#718187 [khaid mustsfa]
5.00/5 (3 صوت)

07-10-2013 12:16 AM
تمعنوا الصوره رقم خمسه والكروش او الزنقلات الاخوانيه المنتفخه السوداني الممسك بالماكرويفون الابيض وحبيبه المصري الذي يصيح ويصرخ بجواره
وبرضو تقولوا لينا شدوا الاحزمه علي البطون ايها المنافقون



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة