الأخبار
أخبار إقليمية
الأمة القومى : توجيه الحركة الإسلامية لمنسوبيها بحمل السلاح دعوة للفوضى وخلط للأوراق
الأمة القومى : توجيه الحركة الإسلامية لمنسوبيها بحمل السلاح دعوة للفوضى وخلط للأوراق
الأمة القومى : توجيه الحركة الإسلامية لمنسوبيها بحمل السلاح دعوة للفوضى وخلط للأوراق


07-11-2013 09:12 AM

الخرطوم : عبد الوهاب موسى
انتقد حزب اللأمة القومي توجيه الحركة الاسلامية منسوبيها بحمل السلاح ورأى ان هذا التوجيه دعوة للفوضى وخلط للأوراق. وأكد بأن هذه الدعوة التي اطلقها امينها العام هذا الاسبوع تمثل عطاء من لا يملك الحق لمن لا يستحق.

وقطع الحزب أن الجهة الوحيدة المخول لها حمل السلاح أو التوجيه بحمله هي قيادة الجيش القومي وحدها, ولا تمتلك أي جهة سياسية أخرى هذا الحق . وطالب الحزب الحركة الاسلامية الاعتبار بتجارب الصومال وأفغانستان وغيرها من الدول الفاشلة حين سمح للجماعات المتفلتة بتنصيب نفسها دولة داخل الدولة القومية ،وأدى هذا المنهج في نهاية المطاف إلى تصدع الدولة القومية وانهيارها التام .

وطالب السفير نجيب الخير عبدالوهاب امين العلاقات الخارجية لحزب الأمة القومي جهات الاختصاص تحمل مسؤولياتها الكاملة تجاه ضمان سلامة الوطن والانتباه إلى الخيط الرفيع الذي يفصل بين ماهو مدعاة للفوضى وماهو مدعاة للانضباط القومي والتقيد الكامل بمراعاة الخط الفاصل بين حق الدولة وحق الحزب أو الحركة الحاكمة.

الوطن


تعليقات 8 | إهداء 0 | زيارات 3726

التعليقات
#719619 [nasraldinabbas]
0.00/5 (0 صوت)

07-11-2013 11:17 PM
الله اكبر ورمضان كريم


#719603 [عصمتووف]
0.00/5 (0 صوت)

07-11-2013 10:31 PM
نتقد حزب اللأمة القومي توجيه الحركة الاسلامية منسوبيها بحمل السلاح

غريب والله يادوب حزب الامه يسمع ولا يكتشف ان الاخوان مسلحون من الراس الي اخمص القدمين اصبحت البيوت قلاع المسدس اصغر شئ تجده جوار حلة الملاح


#719480 [انصاري]
0.00/5 (0 صوت)

07-11-2013 05:11 PM
خليكم في توقيعكم.. ونظريات إمامكم الخيالية وإنتظروا..أن يمنحكم الذاهب لقصر غردون رئيساً ما سلبه بالبندقية منكم في ليلة ليلاء... (وقول يا المهدي فوقكم مصممين بالحيل)!!؟


#719463 [مدحت عروة]
0.00/5 (0 صوت)

07-11-2013 04:35 PM
اقعدوا عارضوهم بالتوقيعات والكلام الفارغ ديل ما بينفع معاهم الا لغة العنق والرصاص والسكاكين!!!!
والله بعد ده يا نعيش احرار كرام فى وطننا السودان والا باطن الارض خير من ظاهرها!!!
هو ناس الانقاذ او الحركة الاسلاموية قايلين السودان ده حق ابوهم او امهم ؟؟؟؟؟؟؟؟؟؟؟؟؟؟؟؟؟


#719432 [ود دافور الابيه]
0.00/5 (0 صوت)

07-11-2013 03:58 PM
الجبهه الثوريه يا صارم بتار هي كل الشعب السوداني وما تطول لسانك لو انت جبهجي ليك يوم ولو كنت معفن ما عندك جماهير الاحزاب دي عندها جماهيرها واحسن توحدو الجماهير ولا تفسدوا اسقاط النظام


ردود على ود دافور الابيه
[صارم بتار] 07-11-2013 09:14 PM
الجبهة الثورية هي الحركات المسلحة وليس الأحزاب المشلعة !!!! والجبهجية قالوا لكم "العاوز يغيرنا يشيل سلاح".


#719181 [صارم بتار]
0.00/5 (0 صوت)

07-11-2013 11:58 AM
لا زعامة للقدامى. والصادق المهدي ما بشمها تاني. والترابي بنصفيهو وناسو. والميرغني بنديهو السبحة والتبروقة. البلد دي ح نحكمها نحن ... الحركة الشعبية =الجبهة الثورية= والأيام دول. وان غداً لناظره قريب. ومرحبا بالسودان الجديد والفجر الجديد.


#719088 [المتجهجه بسبب الانفصال]
0.00/5 (0 صوت)

07-11-2013 10:27 AM
اهل الانقاذ قالوها بالواضح البلد دي نحن ما بنسلمها لاي زول وناسنا سلحناهم كلهم وأي زول يحاول ياخد مننا الحكم سوى بالمظاهرات او الاعتصامات او الاحتجاجات او غيرها حا نضربوا بالشرطة واعضاء التنظيم المسلحين ،، والحركات المسلحة حا نضربها بما تبقى من جيش وتجييش القبائل ضدها وضد بعضها ونحن نقعد على تل خرابها ،،، هذه بالواضح سياسة المؤتمر الوطني ،،، العاوز يغيرنا يشيل سلاح،،،


#719052 [سايكو]
5.00/5 (2 صوت)

07-11-2013 09:34 AM
كلام جميل بس الاول خلوا الامام بتاعكم يمنع ولده الساكن معاه من الاشراف علي عمليات تدريب و تسليح المليشيات الاسلامويه دي .
و الاغرب كمان التدريبات و الاحتفالات بتتم في نفس الميدان البتجمع فيه انصار حزب الامه ( لتغيير النظأم ) بس اهم شي يكون ( تغيير ناعم )



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة