الأخبار
أخبار إقليمية
مصطفى السني يسفر عن أمكانياته الفنية الضخمة في الحلقة الثالثة من أغاني وأغاني
مصطفى السني يسفر عن أمكانياته الفنية الضخمة في الحلقة الثالثة من أغاني وأغاني
مصطفى السني يسفر عن أمكانياته الفنية الضخمة في الحلقة الثالثة من أغاني وأغاني


وثقت الحلقة لابداعات أمير شعر الغناء السوداني "سيد عبدالعزيز"
07-12-2013 10:21 PM
أسفر الفنان مصطفى السني في الحلقة الثالثة من برنامج أغاني وأغاني عن امكانيات صوتية ضخمة، وأشعل الحماس وسط فناني البرنامج الذين تفاعلوا مع أدائه الكبير .. فالفنان تجلى في أداء أغنية "أنة المجروح".. التي كتبها شاعر الحقيبة، أمير شعر الغناء السوداني "سيد عبدالعزيز" الذي خلد أسمه من خلال أعمال شامخة .. "قائد الأسطول"، "أقيس محاسنك بمن"، "حور الجنان"، "الفي دلاله"، و"أنة المجروح".
تابعوا الحلقة الثالثة في راكوبة الأغاني السودانية بالضغط هنا



تعليقات 18 | إهداء 0 | زيارات 8834

التعليقات
#720671 [بشرى الفدال]
0.00/5 (0 صوت)

07-13-2013 07:17 PM
بصراحة الاستاذ السر قدور فنان في اختيار الاغاني الجميلة و الفنانين المجيدين في ادائهم


#720505 [Rio]
0.00/5 (0 صوت)

07-13-2013 03:26 PM
ياجماعة الزول ده مبدع


#720484 [mutabi3]
0.00/5 (0 صوت)

07-13-2013 03:06 PM
حقيقة نسخة هذا العام من برنامج الرجل الموسوعة في الغناء السوداني الاستاذ الشاعر السر قدوروبالعامية بدت بداية رهيبة وهي توثق لاساطين الشعر الغنائي السوداني وذلك بزاحة الغبار عن الكثير من الاغاني الجميلو والفنانين الذين لا أظن ان الأجيال الجديدة تعرفهم. البرنامج بحق منصة اطلاق للفنانين الشباب لإبراز مواهبهم الصوتية وادائهم مهم يغنون تلك الأغاني الخالدة. عظمة الاغاني هذه انها اصبحت كلاسيك الغناء السوداني ولا يبدأ أي فنان جديد دون ان يختبر أداؤه مؤديا هذه الأغاني الرائعة.البرنامج توثيق حقيقي ويجب الا يكون فقط في رمضان بل في كل الشهور.

لناقدي البرنامج أقول الريموت تحت تصرفكم وانصرفو لمل تحبون وانركونا مع اغاني وأغاني ولا ضرر ولا ضرار!!


#720336 [القومي]
0.00/5 (0 صوت)

07-13-2013 12:28 PM
عليكم الله معتز صباحي ده فنان؟؟؟!!


ردود على القومي
[ابوايمن] 07-13-2013 02:45 PM
والله سمعتو امس لا علاقه له بالفن


#720308 [ابوايمن]
0.00/5 (0 صوت)

07-13-2013 12:05 PM
الاستاذ السر قدور يملك ذاكره ماشاء الله استطاع من خلالها توثيق كبير للشعر والغناء السودانى وبرنامجه احياء لحقبه لما يسمى بالزمن الجميل ولكن ما نراه من حشد لهولاء الشباب لبرنامج وقته يضيع فى بث الاعلانات نتمنى ان يقلص عدد المشاركين الى ثلاثه فا طمه ومصطفى السنى وفهيمه فامكانياتهم الصوتيه كافيه وتطريبهم عالى يفى بالغرض من البرنامج.


#720262 [عبد الله الأحمر]
5.00/5 (2 صوت)

07-13-2013 10:44 AM
الفنان الشاب مصطفى السنى... له إمكانيات ضخمة و فخمة و كنت أتمنى أن تخصص له الحلقات كاملة.. و أنا من المعجبين فعلا و استمتع بأغانيه الخاصة و العامة.. الفنان مصطفى تلقى فيه الروح الغنائية..


#720171 [jon]
0.00/5 (0 صوت)

07-13-2013 04:26 AM
اكرر ان نجمه الحلقات هي فاطمه ولا ننكر ان مصطفي السني مبدع


#720161 [karim]
1.00/5 (1 صوت)

07-13-2013 03:25 AM
انه المجروح يا الروح حياتك روح
الحب فيك يا جميل معنى الجمال مشروح
الحب لهيب في الجوف زي الزناد مقدوح
منه الجبابرة تلين لي صوت بلابل الروح
وتصاحبوا النسمات تفضل معاه تروح
ومن نغمة الاشواق ومحاسن الممدوح
وانشد فؤادي الضال بين الرياض مذبوح
وارى الهلال في ظلال تلك الخميلة يلوح
ساحر رقيق نعسان انسان وديع وجموح
سحر العيون بجمال لي سواه ما ممنوح
حورية في السودان بحبي ليك ابوح
ياعنب جناين النيل أتمنى منه صبوح
انا بهدي ليك الحب حب من فؤاد مجروح
حب الشحيح للمال حب الجبان للروح
من الوله للقاك دمي العزير مسفوح
ناقم على الايام مع انو طبعي صفوح
انا والخيال في جدال وانت في نداك بتموح
كلما النسيم يغشاك زي الحديقة تفوح
الناس تحب رؤياك بالخاطر المشروح
يامن تسر رؤياك تفرح تنسى النوح
تكسو النهار بجمال خديك جمال ووضوح
منه الغزال تقيف في موقف المفضوح
انا لو ضمنت رضاك اكون سعيد ممنوح
يا ملفت الانظار يا بسمة المفروح
ان كان تميس بنميـس وان كان تموح بنموح
عدل الطبيعة جعل جور الحبيب مسموح


#720155 [الحقيقة مرة]
1.00/5 (1 صوت)

07-13-2013 03:11 AM
تقليد في تقليد السياسة تقليد الفكر تقليد الكلام تقليد الفن ذاتو تقليد الكورة تقليد اسماء المواليد والمحلات تقليد المناسبات تقليد الشكل والهيئة ذاتا تقليد الديكورات تقليد السودانيين تجمدوا ثقافيا في عهد الطفيلية واعداء الحياة توقفنا عن الابداع والابتكار وبقينا عايشين على اجترار رصيد ثقافي استنفد قيمو الغذائية للروح وبقى عبارة عن علف معنوي حقو نبدا ناكل الفول بالملعقة بس عشان نكون ابتكرنا شي جديد


#720142 [xman]
0.00/5 (0 صوت)

07-13-2013 02:46 AM
يا جماعة انتو الغنايين بياكلو الكلام مالم يعني الواحد الا يركز عشان يفهم الناس دي بتقول في شنو !!!!


#720139 [شاويش]
0.00/5 (0 صوت)

07-13-2013 02:41 AM
مصطفى السني يملك خامة صوتية متفردة وله اداءمميز وخاصة حينما يؤدي لاغنيات ابوداؤوود.تفاجا الكثير من الناس بظهوره لاول مرة في هذا البرنامج نسبةلاقامتة الطويلة بالدول الاوربية.معتزصباحي كان اداءه على النقيض تماما وذلك يرجع الى عدم الحقظ الجيد وكذلك لتعامله السئ مع المايكرفون..مصطفى السني وفاطمة هم اضافةحقيقية الى البرنامج وهذاعلى حسب وجهة نظري المتواضعة..


#720118 [AburishA]
0.00/5 (0 صوت)

07-13-2013 01:59 AM
استمعت للمطرب مصطفى السني في السعودية في بداية التسعينات بالعود وتوقعت له مستقبل باهر، صوت قوي وطروب ووضوح تام في مخارج الكلمات ،أداءوامكانيات صوتيه عاليه، موفق في اختيار الاغاني، كما أبدع في اورباايضا، أما على المستوى الشخصي فهو رجل محترم ومهذب جدا، نتمنى له التوفيق.


#720058 [عصمتووف]
1.00/5 (1 صوت)

07-12-2013 11:16 PM
كان تخصص له هذه الحلقة فقط بدلا عن مخالط كتاكيت الفن عليهم الانصات والاستماع مع احترامي لهم


#720050 [استغفرك ياربي واتوب إليك]
4.72/5 (6 صوت)

07-12-2013 11:06 PM
شغب غنائي وشعب طرب.. لا يشبهكم إلا الاحباش في الطرب المفروض تنقلوا هذا البرنامج من الاستديو إلى الاستاد. غنا في رمضان.

الغريب ان القنوات الفضائية العربية في رمضان بتقل برامجها بتاعت الرقص والغناء والعري مراعاة لشهر الكريم.

غنى شنو زاتو واغاني واغاني شنو وطرب شنو والمغني ليها شنو!!!! رطل السكر بكم!!!!؟؟؟؟

برا امكانيات ضخمة بلا امكانيات متواضعة.. رمضان كل قنوات السودان غنى وطرب وفي واحدة اسمها من ام اكرم ولا ام امجد ماعارف في قناة بتاعت الكورة قلبت قنا وحنان بلوبو وما عارف مين. اي قناة تفتحها عشان تقول تشوف ليك مادة جميلة كدا ومريحة بعد الافطار تلقى السكسفون والايقاع في السماء وفي رمضان. وعازفين الواحد عامل ليك شعرو زيي بوب مارلي كاننا في دولة جامايكا

ياعالم ياعالم الاغاني بقت متوفرة في كل مكان وفي كل حتة وفي كل زقاق.. بلا اغاني اغاني والغريب ان كل سنة وجوه جديدة الشعب كله داير يبقى مغني وبتاع طرب. اظن دا حالة بتاعت قرف وحالة نفسية اصابت الشعب في الصميم العالم. ما ظاهرة صحية بل دي بلوة وعوجة كبيرة المراة دي دايرة تبقى فنانة والراجل داير يبقى فنان.


ردود على استغفرك ياربي واتوب إليك
[مواطن] 07-13-2013 06:58 AM
والله انك اشفيت غليلي

هذا الشعب اصبح لايجيد شيئاً غير الجعجعة والرقيص وفي رمضان والعياذ بالله

وتعقيباُ لكلامك قلت القنوات الفضائية بتخفف الاغاني في رمضان

الاصح القنوات الاعلانية الفضائية بتخفف الاغاني

لأنو التلفزيون القومي بتاع الدول العربية ما بجيب اغاني وسفاهة وقلة ادب في رمضان

وهل تتوقع انه الحاصل في السودان ده من شنو

ماياهو من جنس الغنا في رمضان وأأكد ليك 85 من العشب السوداني متابع البرنامج السفيه ده

يعني الشعب راضي بالفساد الحاصل ده

والله أصبح حال البهائم أحسن من حالنا

United States [واحد] 07-13-2013 02:22 AM
حين اتتنا الانقاذ بمشروعها الحضاري منعت الغناء وحاربت المغنيين واستهدفتهم = عثمان حسين شكي ان حفيده قال له ان الغناء قالو غير محترم = ولما فشل مشروعهم حاولوا التقرب للشعب بالسماح بكل ما ممنعوه وللاسف هم جمدوا مسيرة الفن = كما فعلوا مع الكوره والتعليم وكل شئ = ما تراه هو رد فعل , وازعم ان الانفلات الاخلاقي والتفلتات هي نتاج لمشروعهم المخالف لطبيعة الانسان .

[عصمتووف] 07-13-2013 12:26 AM
لو ما عاجبك شوف ليك بلد واحد جابرك لو كانت مدائح اكيد تتمايل طربا حتي الثمالة عندك الريموت شوف القنوات الدينية وهو بالله البلد دي غير الغناء و كباية موية ساقطة ودردمة سفة ودفن الاحزان في حضن الزوجة ده لو استطعت في شنو بالمناسبة الدولة تعرف من فنونها وليس فتواتها عندك مصر عرفت من طة حسين والشعراوي وكشك وام كلثوم وعبدالحليم ويسرا والهام شاهين ومني زكي وناس الاسلامبولي والظواهري عرفت بالارهاب زي هنا الترايي والبشير وباقي العواليق السودان عرف بالمجاعة والدماء عرفت الفرق بين التطرف والتظرف ناس ظراف وناس اجلاف قال رمضان الترفية واجب وافكارك المظلمة وارائك احنفظ بها لنفسك ما ناقصين كدر


#720046 [حسن ابو مهند الكجنكي]
3.50/5 (2 صوت)

07-12-2013 10:58 PM
بقدر حبي وعشقي لبرنامج اغاني واغاني الذي يقدمه العملاق السر قدور عملت خط رجعه من هذا البرنامج وذلك لسوء اداء الفنان معتز صباحي في رائعة الشاعر سيد عبد العزيز وما هذا الهراء وما هذا الاداء يا معتز صباحي عرفناك شامخا عملاقا ولكن في الحلقة الثالثة من البرنامج للاسف الشديد كان الاداء ضعيفا لا يليق بك ، وقد كان منظرك وانت تنظر للعازفين كأنك تعاتبهم كذلك نظرتك للفنانين الذين كانو بجوارك وكانما تقول لهم عندي الم في الحنجرة ، وإذا كنت تعبان لم تشارك في هذا البرنامج ، والعكس بالنسبة للاستاذ/ مصفى السني فكان اداؤه رائعا وشامخا ، وعلى الاخ الاستاذ/ السر قدور الا يغامر في برنامجه العملاق بمثل هؤلاء الفنانين ، اداء باهت ، اداء ضعيف ارجو ان يتحسن المستوى قليلا والناس بتمشى لقدام وما بترجع لوراء ، والعترة بتصلح المشى .


#720043 [أبو خالد]
2.00/5 (1 صوت)

07-12-2013 10:56 PM
فعلا اجاد وظهر اكثر ثباتا من اليوم الاول



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة