الأخبار
أخبار إقليمية
إنقطاع مستمر في مياه الشرب وتذبذب في التيار الكهربائي بأحياء الخرطوم‎
إنقطاع مستمر في مياه الشرب وتذبذب في التيار الكهربائي بأحياء الخرطوم‎



مواطنو أحياء الصحافات يحتجون في الشوارع
07-13-2013 09:33 AM

الخرطوم : نورالدين عثمان

تشهد العاصمة هذه الأيام إنقطاع مستمر في مياه الشرب ، وإستمر في بعض الأحياء لأكثر من ثلاثة أيام ، حيث خرج بعض مواطنو أحياء الصحافات ليلة أمس للشارع محتجين لأنقطاع المياه عن أحيائهم ، وقال مواطنو الكلاكلات أن المياه في حالة إنقطاع دائم طوال اليوم وهم في حالة سهر في إنتظار المياه ليلاً ، وتفاقمت المشكلة لتشمل كل الأحياء الطرفية في العاصمة الخرطوم ..

ومن صعيد آخر تشهد العاصمة المثلثة عدم إستقرار في التيار الكهربائي ، وقطوعات غير منتظمة ، ولم تصرح الجهات المسؤولة عن أي أسباب لهذا القطوعات ، وسبق أن كرم بعض رؤساء الصحف وزير الكهرباء ، للقفزة التقنية التي شهدها قطاع الكهرباء ، ولكن على الرغم من إدخال تلك التقنية الحديثة ، يلاحظ إستمرار إنقطاع التيار الكهربائي بطريقة غير منتظمة يومياً في معظم أحياء العاصمة .


تعليقات 20 | إهداء 0 | زيارات 6528

التعليقات
#721437 [saif]
3.00/5 (2 صوت)

07-14-2013 04:53 PM
اعملو حاجة انتو لسة نايمين ؟ ماشفتو اولاد مصر مشفتوهم؟ لعنة اللة عليكم هو فى رجا من زول قاعد ت حت الضل من حيطة لى حيطة واختو شغالة؟ ومستنيها تجى تدى حق السعوط وحق السطلة


#720879 [وزول دواس]
1.00/5 (1 صوت)

07-14-2013 05:22 AM
جدنا المك نمر ما حرق التركى وشتت للحبشة ...
وخلى باقى العقب..
الرجال الصامة الرجال ناس الدواس..
الرجال المشى لهم المهدى وجا بهم واستلم راس غردون بس شغل النسوان وجواسيس سلاطين باشا ليومن ده الخساسة ماشة واكل الثور الاسود..
الدركة فى حدود الجنوب ...ناس مديدة حرقتنى ..خليها تحرقكم..الناس قتلوها ابادة جماعية يادوب المية والكهربة الناس فقدت ارواهم والكفر بطالبوه فى دم المسلمين ..والناس فرقوها بجعلى وشاقى وعب؟؟؟؟؟؟ اصحوا من افيون القبلية..


#720821 [غريب]
2.75/5 (3 صوت)

07-14-2013 01:28 AM
أعوذ بالله من الشعب السوداني الشعوب بتقاتل عشان الحرية و الديمقراطية و حقوق الإنسان و الشعب السوداني غالبه يتظاهر ضد من حرموه الأكل و الشراب و بهدلوه في الكهرباء و البنزين شعب جبان تف عليكم


#720655 [مواطن]
3.00/5 (3 صوت)

07-13-2013 06:54 PM
تستاهلو سايقنكم زي الحمير


#720461 [المتجهج]
5.00/5 (1 صوت)

07-13-2013 02:40 PM
,والله يناس الخرطوم بان الكهرباء ما مستقر والمياه ايضاء نحنو في مدينه نيالا ثاني مدينه في السودان من حيث السكان والتجاره جالون البنزين 40 الي 60 في حال تاخر الطوف الكهرباء توزع يوم في يوم مافي ايراداتنا تكفينا من دخل الولايه جنوب دارفور ارجو ان تلتزمو بيوتكم خلو الفوضه والله النعم الانت فيه احمدوالله عليها


#720457 [semba]
5.00/5 (1 صوت)

07-13-2013 02:34 PM
اقول لعصابة الانقاذ ارقدوا قفا لاتتعبوا حالكم قطع للكهرباء والمياه للتدجين وارهاب جماهير العاصمة تعب فى الفاضى فالضرب على الميت حرام والشعب السودانى شبع موت انظر حولك لاتجد فى شوارع الخرطوم غير اولاد الجماعة وشوية اجانب لخدمة الملاك الجدد والسلام على وطن كان اسمو السودان .


#720394 [مقهور]
5.00/5 (2 صوت)

07-13-2013 01:35 PM
لايوجد رجال بالسودان حتى يعملوا مظاهرات ...فالرجال ماتوا أو هربوا...مايوجد بداخل السودان الآن كلهم مؤتمر وطني ومنتفعين ...الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان الشعب جعان لكنه جبان


#720380 [فوردونقوا]
5.00/5 (2 صوت)

07-13-2013 01:22 PM
نحن غايتو في شمال بحري الموية طين موصل من البحر مباشرة (اي والله من البحر مباشرة )والماسورة تفتحوا يجيك طمي البحر واللهم طولك يا روح


#720376 [خالد عمار]
5.00/5 (2 صوت)

07-13-2013 01:19 PM
بكرة يجيبوا ليهم علوق الشدا (الموية) وخلاص يرجعو زرايبهم


#720375 [جارسيفو]
5.00/5 (2 صوت)

07-13-2013 01:16 PM
اشعلوها ثورة ضد المنافقين الفاسدين المتدثرين بثوب الدين القاتليين نهبوا كل خيرات البلد وحولوها ماليزيا وكذلك القصور والسيارات الفارهة يجب ان حكم القبضة عليهم يوم الانتفاضة حتى لا يفر منهم احد وحتى نحاسبهم الحساب العادل ونقتص منهم للشعب السوداني ولشهداء رمضان والي اهلنا في دارفور والنيل الازرق اشعلوها اشعلوها ثورة حتى النصر انهم يلفظون انفاسهم الاخيرة ويستعدون الي الهرب ارجو قفل كل الثغرات وما عايزين مصالحة معهم ولازم نجتسهم من المجتمع ضيعوا السودان فصلوا الجنوب اشعلوا الحروب افقروا الشعوب ضيعوا الاقتصاد ضيعوا اخلاق الناس قضوا علي التعليم والصحة اخرجوا جيل فارغ الزهن جاهل غير مؤهل منحل بالثقافة الغربية لهوا اهل السودان عن القضايا الاساسية بقضايا المهرجانات والغناء الهابط وكذلك مهرجانات الرياضة التي يلعب لعيبتها وهم جوعى
عمارات ضار علي ضار ومزارعه وكذلك عمارات وقصور علي عثمان طه وكذلك قصور البشير واخوانه وابناء عمومتهم وخاله الاهبل ولازم نحصر كل قصور وبيوت من ينتمي الي الانقاذ في العاصمة والاقاليم وتصادر للصالح العام وموعدنا غدا وغدا لناظره قريب


ردود على جارسيفو
United States [دابى الليل] 07-13-2013 05:28 PM
اصبح السودانيين فى السودان ينقسمون الى:
1.الكيزان
2.المنتفعين
3.الشغالين كلاب(الامنجية)
4.الارزقية (امثال الصادق المهدى والدقير والوسيلة وانصار السنة والسلفيين)
5.الاكلات من ثديهم
6.الحرامية والفاسدين
7. الشباب الضائعوالمشغول بالجكس والمخدرات والانترنت وchat rooms
8. الشذاذ جنسيا
9. المطبلاتية
والقائمة تطول لذلك فانت تحلم لان ليس فى السودان رجال لكى يشعلوا الثورة رأيتهم بالامس يتفرجون على المحتجين ويضحكون فيهم بالرغم من انهم يعانون نفس المعاناة


#720369 [isic]
5.00/5 (1 صوت)

07-13-2013 01:10 PM
من لم يستطع الصعود الى قمم الجبال ، فليعيش تحت الكراكير.


#720367 [ali]
5.00/5 (2 صوت)

07-13-2013 01:08 PM
الشعب الجبان في الوطن العربي الحمد الله انا ما سوداني


ردود على ali
United States [سعران] 07-13-2013 06:27 PM
وما زعلته من كلامو ياخالد مالحقيقه دائما بتزعل ولله سودانى ابا عن جد لكن السودانيين اجبن شعوب العالم ويستاهلو البحصل ليهم ويقول ليك المصريين جبناء ونحنا بناكل النار وكان قامت حرب بنهزمهم بالعكاكيز ياخ عليكم الله اصحو من الوهم الانتو فيهو المصريين طيرو رائيسين في سنتين يا شعب يا جبان.

[خالد] 07-13-2013 03:41 PM
الهم اني صائم وكيف تعرف انت جبن السودانيين ، لقد فاتك الكثير لانك لست منهم


#720354 [SESE]
5.00/5 (4 صوت)

07-13-2013 12:49 PM
حالة الشعب السوداني حتاج الى دراسة وتحليل فهو لا يخرج في مظهرات إلا اذا قرصه الجوع او قطعت منه الماء والكهرباء بينما كان هان عليه تقسيم السودان وهو في تلك الاسناء يتكاسل الى وسائل المواصلات واكشاف الفول واسواق اللحوم والخضار كأن الامر لا يعنيه من بعيد ولا من قريب.....

هل عاد هناك فرق بين الانسان والبهائم؟؟


ردود على SESE
[مواطن] 07-14-2013 04:28 AM
,sahar]

ومنو الادى الحق للجنوبيين يصوتو وعلى عثمان الواطي ود الواطي لمن وقع الاتفاقية حقت السلام أقصد حقت الاستسلام هل أخد رأي الشعب عشان يوقع الاستسلام ؟!

United States [sahar] 07-13-2013 07:08 PM
منو الصوت بالنفصال بالنسبة المشهورة ديك والتي فاجأت الناس ؟؟؟؟؟؟؟؟؟؟؟؟؟!!!!!!!!!!! وبعد ده الشعب ببقى بهائم؟؟؟؟!!!!


#720351 [سوداني علي وطنو]
5.00/5 (4 صوت)

07-13-2013 12:44 PM
يناس الانقاذ اخجلو نيلين وعطش والله بابورواحده كتر بلر تسقي الخرطوم كلها والشي التالي وين وزير الكهرباء والبلد قاطعه كهرباء وين كهربه السد ودوها القصور بتاعتم؟؟؟؟؟؟؟


#720314 [نص الكوب الفاضي]
5.00/5 (5 صوت)

07-13-2013 12:10 PM
حكومة ادمنت الفشل بمامتياز وفى كل مناحى الحياة وشعب ادمن الذل والهوان اذا السلعة او الخدمة متوفرة او غير متوفرة فالامر عند الشعب سيان لماذا تتعب الحكومة نفسها وتوفر السلع والخدمات .
شعب يقتات على ماضيه ويؤمن باشياء لم تعد موجودة اساسا فيه اصحبت فى مزبلة التاريخ مثل انه هو الشعب المعلم الذى علم الناس الثورات واذا كان هذا الشعب مؤمنا ايمانا كاملا بهذا فقول على الدنيا السلام ويصف نفسه باشياء ان كانت فيه فانها الان قطعا لم تعد فيه ومازال يتغنى ويتمشدق بها (كيف يكون الحال لو ما كنت سودانى واهل الحارة ما اهلى) (مثالا) والكثير مثل هذا هذا كلام ممل وفارغ ويدعو للسخرية هذا اشياء عفا عليها الزمن وسقطت بالتقادم
شعب ينتظر ثورة بالوكالة يقوم بها الاخرون ليقطف هو ثمارها شعب ادمن الهوان يطلب من حاكم جثم عليه ربع قرن من الزمان ان يعيد ترشيح نفسه مرة اخرى ويهتفون له ويمسحون له هذا هو الشعب المعلم ممكن يكون معلم فى اشياء اخرى غير الثورات
فدولة مثل سوريا قبل الثورة لم تكن فى مديونيتها اى دولار (صفر) ونحن نحمل على اكتافنا (40مليار) ووزير ماليتنا يستلهم التجربة السورية فى زراعة القمح بعد كل هذا التاريخ الزراعى فى السودان مقارنا بين المساحة والانتاج
الم اقل لكم انها حكومة ادمنت الفشل وشعب ادمن الهوان
(من يهن يسهل الهوان عليه)
(لايغير الله بقوم حتي يغيروا مابانفسهم) ............ ودمتم


ردود على نص الكوب الفاضي
[عبدالله ابراهيم] 07-13-2013 01:34 PM
لا فض فوك...

"كتلتها كتل"


#720301 [abdu.fadil]
5.00/5 (3 صوت)

07-13-2013 11:55 AM
دي لعبة سياسية قذرة من الاخوان الشياطين افهموها ياشعب ياميت هو : مزيد من العذاب والمعاناة لالهاءكم عن مواضيعكم الاساسيىةبغض النظر عن الشهر الكريم ، اسألوا ناس كافوري والمنشية والرياض هل الكهربةوالمويه بتقطع عندكم ، بتمني السودان كلو مافيهو مويه وللا كهربه ماعدا هذه الاحياء الثلاثة ، عشان تمشوا للنيل مباشرة تشربوا منو ذي الحيوانات وتأكلو فضلات هذه الاحياء الثلاثة


#720278 [shaban]
5.00/5 (2 صوت)

07-13-2013 11:16 AM
طفرة الأعلام دي صدقتوها خلاص ؟؟؟!!!!!!! أمركم عجيب يا الشعب السوداني!!!! الناس ديل قالوا ليكم الأعلام دا الكتيبة الأولى في الدفاع عن النظام .. المعنى يعني يستمر هذا الأعلام في التغطية الشاملة لعيوب وخبث وفساد النظام وعناصره في أي زمان (السلم والحرب) وأي مكان (كافة المؤسسات المدنية والعسكرية) فالأعلام دا أبعدوا منو خااااالص خااااالص لو جد دايرين الخلااااص من هذا النظام وأسقاطه في أقرب وقت ممكن .. فما نكونوا ناس سطحيين ساكت أي كلام يقولو لينا ناس المؤتمر الوثني ديل في الراديو أو التلفزيون نصدقو أو كمان يكتبو لينا في الجرايد والمجلات ..دي كلها وسائل الكذب والبيان السحري بتاعهم .. مش برضو بيقولوا: (وان في البيان لسحرا) فهم بسخروا كل امكانياتهم المادية والأعلامية في تصوير واخراج الباطل والزيف على أنه الحق والحقيقة .. فيا أيها الشعب السوداني أربعوا على أنفسكم وتأنوا وتبينوا مما تطلعون عليه في أعلام نظام المؤتمر الوثني ولا تنخدعوا له بهذه البساطة والسهولة فانهم فسقة ومنحطين أخلاقيا قال الله تعالى :(يا أيها الذين آمنوا ان جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) فنحن زي مابنناشد الشرفاء من أبناء وبنات الشعب السوداني المنتسبين للقوات المسلحة والقوات النظامية الأخرى بالانضمام لأخوتهم بالجبهة الثورية والعمل معهم بيد واحده لتخليص الشعب السوداني من هذا النظام الخبيث والقذر أيضا نناشد الشرفاء من أبناء وبنات السودان المنتسبين لأجهزة الأعلام(الكتيبة الأولى) التابعة لهذا النظام بأن يلتزموا الحيدة وتحري كلمة الحق والقول بها لأن قول الحق والصدع به أمام امام جائر جهاد يستوجب دخول الجنة بأذن الله تعالى .


#720273 [مستغرب]
5.00/5 (1 صوت)

07-13-2013 11:05 AM
هذه ليست اسباب مقبولة لاسقاط النظام في ناس عاشت معاناة وبلاوي اكتر من كدة


ردود على مستغرب
United States [مستفسر] 07-13-2013 06:57 PM
ليس كما فهمت من تعليقي يا شعبان سامحك الله في هذا الشهر الكريم مافصدته انه هناك اسباب كثيرة ومنطقية لاسقاط هذا النظام اولها ايقاف الحروب وتحقيق اتفاقيات سلام عادل لتحويل جل ميزانية الدولة التي تصرف للحرب الي تنمية وخدمات وغيرها كثير من الاسباب اصلاً في ناس محرومين من الطعام والموية النضيفة باعاقة الحكومة لهم ناهيك عن الكهرباء واذا تغير هذا النظام بفعل قطوعات الكهرباء وعاودت هذه المعضلة في حكومة قامت بعدها هل تصبرون ام تسقطوها بنفس السبب

European Union [shaban] 07-13-2013 01:27 PM
هذا من آكلي كرتة وفتات (بضم الفاء) طعام الطغمة الحاكمة وبالتالي أصبحت نفسه حقيرة .


#720256 [ابوالبشر]
0.00/5 (0 صوت)

07-13-2013 10:18 AM
والله انها اعظم واقوي طريقه لازاله النظام فقط تكون كل احياء العاصمه والاقاليم في وقت واحد ودون تراجع وتزكروا اكتوبر وابريل والربيع العربي 0والنصروالعزه للسودان الواحد لا عربي لا زنجي سودان وبس


ردود على ابوالبشر
United States [محمد حسن] 07-13-2013 12:34 PM
يا أبا البشر ( أكتوبر وأبريل ) دا لما كان الناس قريبين من بعض وكانت تملأهم الغيرة والحماس ولكن اليوم صارت العاصمة المثلثة لحم راس وخاصة الأحياء الطرفية الذكورة وكل واحد ماعندو شغلة بالتاني والله لو تنقطع الموية عندهم شهور مافي حد منهم حيثور..


#720242 [ابواليل]
5.00/5 (1 صوت)

07-13-2013 09:46 AM
سخان في الجوء و سخان في الجيب ....موية ................كهرباء مقطوعة ....الله يفرج علينا قريب انشاء الله


ردود على ابواليل
United States [حلومر] 07-13-2013 12:13 PM
فى السودان العذاب ألوان . فرجك و لطفك يا رب - نحن برضو من عبادك - و رمضان كريم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة