الأخبار
أخبار إقليمية
« هيومن رايتس » تطالب نيجيريا باعتقال البشير
« هيومن رايتس » تطالب نيجيريا باعتقال البشير
 « هيومن رايتس » تطالب نيجيريا باعتقال البشير


07-14-2013 06:41 AM
أبوجا- أ.ف.ب

طالبت منظمة «هيومن رايتس ووتش» أمس نيجيريا بتوقيف الرئيس السوداني عمر البشير في حال قام بالزيارة لحضور قمة بشأن الصحة، تعقد الأسبوع المقبل، وطالبت بتوقيفه في حال قام بالزيارة.

وقالت مساعدة مدير برنامج القضاء الدولي في «هيومن رايتس ووتش» ايليز كيبلر إن الزيارة المزمعة «تعتبر اختباراً فعلياً لالتزام نيجيريا بالمحكمة الجنائية الدولية». وأضافت: «إن عدداً من الدول وجد طريقة لحل هذه المشكلة، ونيجيريا يجب أن تقوم بالمثل». وتابعت: «إذا قام البشير بالزيارة فإن نيجيريا يجب أن تعتقل الفار من وجه المحكمة الجنائية الدولية».

وأكدت الخرطوم أن البشير تلقى دعوة لزيارة العاصمة النيجيرية التي تستضيف قمة للاتحاد الإفريقي حول مرض الإيدز غداً (الاثنين). وقال الناطق باسم وزارة الخارجية السودانية أبوبكر الصديق: «هناك دعوة لزيارة أبوجا»، وأضاف: «الزيارة ستتم قريباً»، من دون القول ما إذا كان البشير يعتزم حضور قمة الاتحاد الإفريقي. ولم يتسن الاتصال بمسؤولين نيجيريين للتعليق على الدعوة أو احتمال مجيء البشير.

ونيجيريا عضو في المحكمة الجنائية الدولية التي وجهت اتهامات إلى البشير بارتكاب جرائم حرب وإبادة وجرائم ضد الإنسانية بسبب النزاع في دارفور. ومنذ ان وجهت المحكمة التي يوجد مقرها في لاهاي الاتهامات إلى البشير في 2009 أصبحت زياراته أو مشاريع زياراته إلى الدول الأعضاء في المحكمة تثير جدلا.


تعليقات 23 | إهداء 0 | زيارات 11853

التعليقات
#721742 [سوداني علي وطنو]
0.00/5 (0 صوت)

07-15-2013 02:59 AM
انا عاوز وزير الدفاع ونافع وعلي والمتعافي المحتال الكبير الضيع مشروع الجزيره وتاني عاوز ديل واسأل الله تقع بيهم طياره وتحرقم يارب


ردود على سوداني علي وطنو
United States [ابوريتاج] 07-15-2013 08:57 AM
من خشمك لباب السما


#721731 [مقهور]
0.00/5 (0 صوت)

07-15-2013 02:31 AM
عليكم بالدعاء في هذه الايام المباركة


#721690 [بت ملوك النيل]
0.00/5 (0 صوت)

07-15-2013 01:28 AM
هنا بتظهر الرجاله

الليله يوم رجال


#721685 [سعاد خيرى]
5.00/5 (1 صوت)

07-15-2013 01:16 AM
اللهم يا رب العالمين يا ارحم الراحمين يا ذو الجلال والاكرام يا حي ياقيوم تحي وتميت وأنت على كل شئ قدير أسألك ببركة هذا الشهر الكريم وفي هذه الساعة من النهار أن تنزع الملك بقوتك وجبروتك من عمر البشير وأن تولي فينا من يخافك ويخاف ظلمنا وقهرنا ويصلح حالنا وحال بلادنا وصل اللهم على سيدنا محمد وعلى اله وصحبه اجمعين امين


#721663 [abusafarouq]
0.00/5 (0 صوت)

07-15-2013 12:49 AM
الامين العام كيف يخطب والبشير يجلس مقعد السودان وأكيد يكون ممنوع من الكلام فى المجلس ويحاول كمان يجلس جوار رئساء مهمين فى أفريقيا بلاوى رئيس زندية ومطلوب دولى والسفر أكيد عن طريق تشاد والكمرون رربما تكون أستدراج للبشير لأمساكو فى الجو . السؤال لماذا أصرار البشبير حضور أجتماعات وهو مطلوب دولى مفروض يكون رجل كيس ويرسل نائبو مثلا من الواضح على عثمان طمعان فى خلافة البشير على الحكم هو لابد دائما داخل السودان ولايركب طيارة واحدة مع الرئيس فى كل رحلاتو .


#721660 [التويجري]
0.00/5 (0 صوت)

07-15-2013 12:47 AM
ياجماعة يكون شريف مادغري عجبو رقيص البشير.ولا الحكاية شنو!!!!!


#721624 [نصرالله]
0.00/5 (0 صوت)

07-15-2013 12:06 AM
من المعروف ان امريكا لديها خطة لتقسيم السودان لدويلات وقد بدات بالجنوب -- ورات امريكا ان نظام المؤتمر الوطني هو خير معين لها على ذلك وتريد الاحتفاظ به لتحقيق اهدافها -لذلك لا تدعم المعارضة ولا الحركات المسلحة-- لكن تبقيها حيه كشوكة حوت وفزاعة للنظام حتى ياتي الوقت المناسب --ولا تضغط على الدول الافريقية للقبض على البشير او مقاطعته. اما الدول الافريقية واتحادها فاني اخشي ان تكون هى الاخري ضالعة في المؤامرة لتفتيت السودان القطر الغني بالموارد والقدرات غير المستقلة ذو التوجه الذي لا يريح كثير من الدول الافريقية خاصة الجيران منها التي توجد بها اعداد كبيرة تشاطر السودان في العقيدة --- لذلك ترخي هذه الدول الحبل لنظام المؤتمر الوطني ولقائده البشير رغم كل الماسي التي كبدها للشعب السودان لتتم الطبخة في نار هادئة وبنفس طويل.


ردود على نصرالله
United States [اللهم اصلح حال السودان] 07-15-2013 06:27 AM
الله يعطيك العافية 1000000000000000 صح كلامك واقعي وصحيح فعلا هذه الحكومة خير من يساعد امريكا في اهدافها , جون قرنق كان خطر لذلك لم يستمر كثيرا 20 يوم فقط


#721554 [خالد حسن]
0.00/5 (0 صوت)

07-14-2013 08:51 PM
هذا الجبان الرعديد لن يذهب فهو احبن من جعجعته الفارغه


#721541 [امجد النور]
5.00/5 (1 صوت)

07-14-2013 08:17 PM
الى متى سيظل السودان محكوم بعصابة زعيمها مطلوب للعدالة الدولية


#721508 [nagatabuzaid]
0.00/5 (0 صوت)

07-14-2013 07:04 PM
عندى حل اقترحه بدلا من الدخول فى مشاكل وادخال الدولة المضيفة فى حرج وناس القصر والخال

فى قلق حتى يعود الحبيب المنتظر على المستوى الشخصى ساكون مشاركة فى القلق لانى مادايرالو

المحكمة الدولية دايرة محكمة سودانية الاقتراح هو ان تمثل السودان فى هذا المؤتمر بالذات

السيدة الاولى نمرة اثنين واقول ليكم بجد ليه؟ لانها تمثلنا دائما فى مثل هذه المؤتمرات وبترسم

شعار محاربة الايدز فى ايدها بالحنة ( يا حلاتو) اظنكم تذكرون جيدا مؤتمرا القمة المتتابعان فى

الخرطوم العربى والافريقى والاحتفاء بحنة زوجات الرؤساء وما تبعه من تصدير الحننانات السودانيات

وهى فاهمة موضوع الامراض دى جيد بحكم مشاركتها فى هذه المؤتمرات ومشاركة منظمتها الرئاسية

فى المجال الصحى واكيد الوفد يصاحبه كوم من المترجمين والمترجمات شى من الخارجية وشى من القصر

كده يكون الموضوع اتحلى بالراااااااحة ورئيسنا يقعد معانا وكان قدر الله نحاكموا براااانا


#721408 [دارفوري]
5.00/5 (2 صوت)

07-14-2013 04:21 PM
لا اله الا انت سحانك اني كنت من الظالمين لا يغفر الذنوب الا انت اللهم يا كاشف الهم والغم ان ترحمنا برحمتك يا ارحم الراحمين ربنا ظلمنا انفسنا فان لم تغفر لناوترحمنا لنكوننا من الخاسرين اللهم ببركة القران الظيم والشهر الكريم ان تقبض علي المجرم البشير اللهم انت اعدل العادلين وتضرعنا لك ان تنصصف كل المظلومين في دارفور وفي كردفان وفي النيل الازرق وفي كجبار وفي امري ناس السكة حديد وسودانير وناس مشروعي الجزيرة والمناقل وناس كنانة والرهد وناس الصالح العام في الخدمة المدنية والعسكرية وناس الصحة والتعليم وناس الشرق اجمعين اللهم امييييييييييييييييييين و اخر دعونا ان الحمد لله رب العالمينز


#721244 [KALAS.]
0.00/5 (0 صوت)

07-14-2013 01:46 PM
يا اخوانا البنت الحليوة ام وجها باسم دى شايلة اللافتة ( مطلوب ) ابوجاغورة ده البنية دى لو شافتو عديل كده بتدخل فيها خلعة يمكن تعمل ليها سكتة قلبية .


#721204 [مقهور]
5.00/5 (5 صوت)

07-14-2013 01:16 PM
اللهم يا رب العالمين يا ارحم الراحمين يا ذو الجلال والاكرام يا حي ياقيوم تحي وتميت وأنت على كل شئ قدير أسألك ببركة هذا الشهر الكريم وفي هذه الساعة من النهار أن تنزع الملك بقوتك وجبروتك من عمر البشير وأن تولي فينا من يخافك ويخاف ظلمنا وقهرنا ويصلح حالنا وحال بلادنا وصل اللهم على سيدنا محمد وعلى اله وصحبه اجمعين امين


ردود على مقهور
United States [nagatabuzaid] 07-14-2013 06:33 PM
امين يا رب العالمين اللهم نسالك ان تزيل هذه الطغمة بما تراه وتقدره

[osama dai elnaiem] 07-14-2013 01:31 PM
اللهم امين يا رب العالمين فلا ملجأ لنا منك الا اليك يا ذا الحول والقوة


#721189 [الجقر]
5.00/5 (1 صوت)

07-14-2013 01:06 PM
الجنرال حبيس عاصمته .. الى متى ؟؟
جرائم الإباده الجماعيه والتطهير العرقي لاتسقط بالتقادم يا (مشير) !!!


#721184 [نادر القلعه]
1.00/5 (1 صوت)

07-14-2013 01:03 PM
(الشريف) مبسوط من (اوكامبو) !!!


#721155 [سيمو]
5.00/5 (1 صوت)

07-14-2013 12:48 PM
للأسف البشير صار مصدر عكننة لكل الدول الأفريقية،، الراجل دة طيارتو جاهزة فى المطار للسفر وتلبية أى دعوة حتى وإن كانت عزومة مراكبية مع إحترامنا لكل المراكبية،،،

وقد وضح أنه ينوى تلبية هذه الدعوة فقد أرسل وزير الخارجية كرتى قبل أسبوع لمقابلة الرئيس النيجيرى والحصول على أمان من القبض فهو يعرف أن المجتمع الدولى سيلاحقه خاصة وأنه فى سفره إلى أبوجا ستتطير طائرته فوق أجواء عدة دول كلها تقريبا أعضاء فى المحكمة الجنائية الدولية،،،

الراجل ما بخجل ولا بستحى فقد قال ذات مرة إنه فخور بنفسه كونه أول رئيس سودانى يسمح بإنفصال الجنوب،،،
يخس،،،


#721154 [جركان فاضى]
4.75/5 (5 صوت)

07-14-2013 12:47 PM
لاتسعى امريكا للقبض على البشير...تريده مجرما ومطاردا دوليا لتبتزه وتبتز السودان معه...فعند امريكا يعاقب الشعب بجريرة الرئيس.....وسوف تبتز امريكا البشير لتقسيم السودان لدويلات...فاما المحكمة الجنائية واما فركشة السودان؟ ورد البشير خلوها تتفركش بس فكو الحبل من رقبتى


ردود على جركان فاضى
United States [Mohammed Ahmed Mustafa] 07-14-2013 07:30 PM
You are right, that is what America is doing now, specially with the Darfurians, Nubians and people of Blue Nile. Do you think that America is not able to stop Khartoum regime from killing people in Sudan!!!??? No, and big NO. ENOUGH Killing the poors

United States [nagatabuzaid] 07-14-2013 06:37 PM
مسمى نفسك جركان فاضى لييييييييييه امل ان كنت مليان كنت حتكتب ايه ؟؟ ما كتبته عين

الحقيقة لك التحية ورمضان مبارك


#721103 [shaban]
0.00/5 (0 صوت)

07-14-2013 12:11 PM
نشر خبر زي دا زاتو ما صاح لأنو المجرم حيعرف وبالتالي ما بمشي نيجيريا .. كان تخلوه يمشي يخمشوه كتامي بعد داك أنشروا لينا خبر القاء القبض على الفار من العدالة الجنائية الدولية .


ردود على shaban
United States [elmubarak] 07-14-2013 04:44 PM
ده يسبت كلام جركان فاضي


#720954 [ود جنوبي]
1.00/5 (1 صوت)

07-14-2013 09:45 AM
ما قولت راجل قوم بزيترة دة ورينا انت رجل دولة


#720933 [ابو محمد]
4.32/5 (6 صوت)

07-14-2013 09:13 AM
ياخي اتلم وكفاية احراج للدول الداعية وكل مرة تتكرر القصة دي اي سوداني يحس بالمهانة مؤتمر للأيدز والملاريا وزير الصحة شغلته شنو ولا عشان وداد ماشة !!‏


#720899 [more]
3.50/5 (3 صوت)

07-14-2013 07:24 AM
من المستحيل لان معظم الرؤساء الأفارقة متؤاطين مع هذا المجرم. .......


#720892 [من المركز]
4.75/5 (5 صوت)

07-14-2013 06:56 AM
نسال الله في هذه الساعة ساعة الإجابة ان يعتقل ويحلنا من هذا الطاغوت وجماعته امييييييين


#720891 [صارم بتار]
4.75/5 (4 صوت)

07-14-2013 06:49 AM
فشل المتأسلمون (جميعاً) :: المهدي والميرغني والترابي والبشير ... في حكم السودان لفترة تجاوزت نصف القرن من الزمان ….حكماً راشداً وعادلاً مدنياً يترفق بمواطنيه وينصفهم في الحقوق والواجبات ..ويحميمهم ولا يكون (ذئباً) يأكل لحمهم ولا (أسداً) عليهم و (نعامة) أمام غيرهم …ولا يجعلهم درجة أولى وثانية وثالثة … ليذرع بينهم (الفتنة) التي انقلبت الآن عليهم ….. ثم ماذا بعد هذا الحصاد المر .. وحصاد العاصفة … وجني الشوك…ثم ماذا بعد؟؟؟؟؟؟ حكم (ابليس) ولا حكم (إدريس)!!!
يا شماليي السودان… في اللحظة التي تظنون فيها أنكم ربما تخلصتم من تبعة الأفريقانية بعد انفصال جنوب السودان، وأنكم على أعتاب دولة عروبية نقية… سوف تأتي الأحداث لتثبت لكم أنكم لا تزالون تخضعون للمعايير الأفريقية للتغيير وليس المعايير العروبية. فالتغيير حتمي وقادم… تلوح نذره في الأفق القريب… وهو اقتلاع النظام الحاكم واقتلاع مؤسسة الدولة معاً.. بأيدي الحركات المسلحة في السودان ..وليس بأيدي الأحزاب الهالكة اللاهثة وراء السلطة والجاه في السودان للحصول عليهما بأقصر الطرق وأرخص التكاليف. وهو ما لن يفلحوا فيه مرة أخرى وللأبد.
قد هذا حدث في تشاد وأفريقيا الوسطى والكونغو الديمقراطية ورواندا وبوروندي وأوغندا وإثيوبيا وإريتريا والصومال، وسيحدث في السودان! نتاج ما زرعتم ..فمن يزرع الشوك لا يجني العنب ..ومن يزرع الريح يحصد العاصفة.


ردود على صارم بتار
United States [بعانخي] 07-14-2013 07:35 PM
يا بتار انا شمالي رطاني وجدي بعانخي ومعارض..وكميه الاثار الوجوده في حوشنا في البلد في تشاد ولا نيجريا الجيت منها امبارحى مافي ..تلقاك قريب علي الحاج المحمولون علي ظهور امهاتكم..لو دا فهم الحركات المسلحه عندنا معاهم فهم..بالمناسبه التشادين بتاعين الحركات المسلحه كلهم كيزاان وهم الثبتوا النظام من عبد العزيز عشر الي احمد حسين ادم وبالمناسبه سبق اعتقالي بواسطه احمد حسين ادم وعشر وواحد عربي جزيره وانا مترصدهم وما ح اخليهم ..كلم الحركات التشاديه ..عليك الله وريني تاريخ وصلك للسودان

United States [nagatabuzaid] 07-14-2013 06:49 PM
يا استاذ الناس بتتكلم عن احراج رئيسنا الذى لازال هو رئيسنا للدول التى يزورها افريقية

كانت ام عربية واحراجنا نحن كمواطنين سودانيين شاء الله سبحانه وتعالى وقدر ان نكون رعيته

فايه هداك الله الجاب شماليين وعرب وحركات مسلحة وافارقة وكل الرصة دى والتغيير حبابو دايرنو

لكن الموضوع مختلف . الشبكة عندكم كيف ؟؟ كل سنة وانت طيب وبارك الله لك ولنا فى رمضان ونساله ان مد فى العمر ان نصوم العام القادم جميعا فى هناء وان يبتر الله هذه المخلوقات

United States [الحقاني] 07-14-2013 11:53 AM
صارم وبتار كلمات عربية وانت من تعليقك تكهر كل ماهو عربي فالرجاء غير اسمك المستعار



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة