الأخبار
أخبار إقليمية
«820» ألف شخص وقعوا على ميثاق المهدي لتغيير النظام
«820» ألف شخص وقعوا على ميثاق المهدي لتغيير النظام
«820» ألف شخص وقعوا على ميثاق المهدي لتغيير النظام


07-14-2013 01:48 PM

الخرطوم: حمد الطاهر : كشف حزب الامة القومي عن نجاح كبير لحملة التوقيع على تذكرة التحرير الداعية لاسقاط النظام ، مبينا بان عدد الموقعين فاق الـ820 ألف شخص من داخل وخارج السودان ،كان نصيب ولاية الخرطوم منها 320 ألفاً و300 ألف من دول المهجر السعودية والإمارات ومصر وبريطانيا والولايات المتحدة الامريكية.
وأكد القيادي بحزب الامة القومي أيوب محمد عباس لـ» الصحافة « ، ان خطوة حزبه لتغيير النظام عبر جمع توقيعات حققت نجاحاً منقطع النظير ووصل عدد الموقعين عليها من جميع قطاعات المجتمع من داخل وخارج السودان الي 820 ألف شخص ، حسب احصاءات ورصد اللجان المتخصصة .
واكد عباس ان ولاية الخرطوم بلغ عدد الموقعين فيها علي التذكرة 320 ألف شخص فيما بلغ عدد الموقعين من دول المهجر السعودية والامارات ومصر وبريطانيا والولايات المتحدة الامريكية 300 ألف شخص ماتبقي من الموقعين جاء من نصيب ولايات السودان المختلفة .
ووصف عباس الاقبال علي التوقيع بـ» الكبير «. وقال ان الولات تسلمت غالبية الاستمارات واكملت كافة الاستعدادات للتوقيع علي تذكرة التحرير.
وشدد عباس علي ان الخطوة ليست حصرية علي عضوية حزب الامة القومي ولكنها مفتوحة لكل القوى السياسية وقطاعات المجتمع المختلفة للتوقيع عليها.

الصحافة


تعليقات 27 | إهداء 0 | زيارات 3984

التعليقات
#721932 [ود الجد]
0.00/5 (0 صوت)

07-15-2013 11:43 AM
من اعطاك ايها السيد الصادق المهدي حق الوصاية علي اهل السودان واتمني ان اجد الاجابة منكم شخصيا علي صفحات هذه الراكوبة


#721755 [السم الهارى]
0.00/5 (0 صوت)

07-15-2013 03:26 AM
الصادق: جمعنا 10مليون توقيع وفى 10 مليون تانية منتظرين الاستمارات
البشير : لمن تكمل التوقيعات 20مليون بسلمك الحكومة مافى داعى تطلعوا المياديين.
الصادق: خلاص انا بستلمها سنة وبعينك وزير دفاع زى السيسى وبعد ما اكمل السنة تقوم انت تعمل خارطة طريق وترجع ناس على عثمان وقطبى وابعفين وهلم جرا
البشير: انت عبقرى يا الصادق اول مرة اعرف انك مفكر
الصادق: انا العبقرية ورثتها من جدى المهدى والفكر من التعايشى حتى اصبحت اعظم مفكر انجبو السودان
*********************************************

حلـــــــــــــــم فى حلـــــــــــــــــــــــــم
خليهو ياعديلـــــــــة النومـــة دى بتريحوا شــوية


#721734 [innocent drakola]
0.00/5 (0 صوت)

07-15-2013 02:39 AM
khartoum only 300000 still long time!!!may be after 2years they will become one million !!!1


#721706 [Student]
0.00/5 (0 صوت)

07-15-2013 01:43 AM
الصادق المهدي يا منافق يا كذاب 20,000 بس لو نزلوا الشوارع بيشيلوا الإنقاذ!!!! 820,000 طيب راجي شنو بعد كده علشان تسقطوا الحكومة!!!! ما الباقي نص مات في الجنوب أيام الحرب و نص هيموت جوع و أمراض و تجنيد إجباري ......... عليك الله توقيعاتك دي بلها و أشرب مويتا ...... إللهي بي بركة الشهر الكريم ده ربنا ياخدكم إنتا و الإنقاذ و الترابي و الميرغني في كشة واحده يا رب . و خالك كمان يكون في الكشة دي و السائحون ولا السايحين ديل و قوش و كل عصابة علي بابا


ردود على Student
United States [nagatabuzaid] 07-15-2013 06:31 PM
رمضان كريم( خالك ) دى راجعة لمنو ؟ خال منو فيهم ؟؟ ونقول اميييييييييييين


#721686 [سايق الفيات]
0.00/5 (0 صوت)

07-15-2013 01:17 AM
طريقه التواقيع هذه تصلح لحكومه أتت عبر الصناديق وهذا ما حدث في مصر ، جمعت (تمرد) 22 مليون توقيع
ثم خرجوا بهؤلاء مباشرة للشارع ، وتم اسقاط (مرسي) الذي تمسّك بشرعيه الصندوق الذي أتى به والاصوات التي
حصل عليها .. دي كانت الفكره بتاعه (تمرد) انو احضرنا لك يا مرسي تواقيع اضعاف من صوتوا لك .
وجه المقارنه شنو في حالتنا دي ؟؟؟
لا النظام لدينا جاء بانتخابات ولا صناديق لدينا ولا اصوات هناك ولا ديمقراطيه .. لا مقارنه البتّه .
ولنفترض تّم جمع 20 مليون صوت .. ماذا سيفعل بهم الإمام ؟؟ يقدمهم للنظام ، عشان يعمل بيهم شنو ؟؟
خاصه وان السيد الصادق يقول انه بعد جمع التواقيع هناك 3 مراحل (تعبئه ثم تصعيد ثم اعتصامات) وجميعها اساليب فطيره
يعني ما حيطلع بالموقعين للشارع مباشره كما فعلت (تمرد) ؟؟؟
لا يمكن ان تقنع نظاماً كـ (الانقاذ) بتواقيع ، والإمام يدرك جيداً ان هناك شباب في سجون النظام منذ تحرك يونيو العام الفائت ؟؟؟؟؟


ردود على سايق الفيات
United States [nagatabuzaid] 07-15-2013 06:28 PM
وجه المقارنة تلك (تمرد ) وهذه (تقلدون) ولن تنجحون ولن تفلحون يا اهل تهتدون

كما قال المعلق ابو خالد ان التوقيعات ستسلم لجهاز الامن عن طريق بشرى الامنجى

ده ان كان فعلا فى ناس وقعت ( جماعة توقعون ) والى الامن تسلمون وهم لكم منتظرون

وسوف ترون كيف بكم يحتفلون .


#721678 [أبو خالد]
5.00/5 (2 صوت)

07-15-2013 01:03 AM
ههههههههه بعد تنتهى التوقيعات يشيلا يوديها جهاز الامن عن طريق ولدو البشرى واى زول وقع يشيل شيلتو .......انتو ياناس مامصدقين انو الزول دا شغال مع الموتمر الوطنى ؟؟؟ بي طريقتكم


#721674 [انصاري]
5.00/5 (1 صوت)

07-15-2013 12:59 AM
ومن ثم!!؟


ردود على انصاري
[ابو العينيين] 07-15-2013 09:56 AM
ترفع لبشري ومنها الي مستشار الرئس عبدالرحمن


#721561 [مصباح]
0.00/5 (0 صوت)

07-14-2013 09:07 PM
حتى العدد القلتوه دا او اللي حتقولوه الناس تصدقكم كيف؟ يمكن توقيعات وهمية من الأساس، او يمكن وقعتو باسم ناس هم ماوقعوا اصلا


#721549 [yasir abdelwahab]
4.88/5 (5 صوت)

07-14-2013 08:34 PM
لنفرض يا ريئس الوزراء المنشول جهارا نهارا انك جمعت 20 مليون توقيع اها حتعمل بيهم شنو...حتديهم ولدك عبد الرحمن يديهم البشير... وولدك بشري يشيل نسخة لناس الامن...اؤكد لك حتي اولادك حيرموهم في اقرب برميل زبالة- ان وجدوا برميلا فارغا زيك في محافظة الخرطوم كلها- وافرض ودهم...يقوم البشير يقول ليك الله انا ما كنت عارف انو الناس دي ما دايرانا..يلا تعال يا الحبيب استلم....ها ها..حلم الجيعان فسيخ..


#721533 [nagatabuzaid]
5.00/5 (1 صوت)

07-14-2013 07:55 PM
يا الصادق المهدى الزم سجادتك وكثر من الاستغفار والزم لسانك الا فى الضرورة وبحكمة

لا بالفتنة هنا يحترمك الجميع انت جعلت من نفسك ملطشة من البعرفك والما بعرفك من يردون

عليك الان فى سن احفادك اما من رشيد من ابنائك يحد من هذه الاقوال والافعال الخطرة عليك ؟؟

ان ما تقوم به وما تفعله ليست له خطورة على احد سواك فارحم نفسك ومن تبقى لك من احباب


ردود على nagatabuzaid
European Union [انصاري] 07-15-2013 03:36 PM
كلام عقل يا بت ابويد، نعم يلزم "فروته" ويداوم علي قراءة راتبه المختوم بحزب القرآن، ويواصل صلاته الإجتماعية، ويعتزل السياسة، ليحفظ وقاره وإحترامه.


#721518 [فني لاسلكي بدرجة صحفي ومفكر وخال رئاسي كمان]
5.00/5 (3 صوت)

07-14-2013 07:32 PM
اول ما يظهر خبر عن الصادق المهدي سرعان ما يسرع الجداد الالكتروني للمكاكاة واخراج فضلاته النتنة،، مهما كانت التحفظات على المهدي فهو الاخطر على النظام والاهم للمعارضة ولذلك يسرع الكيزان لتبخيسه والاساءة اليه،،نختلف مع الصادق ولكن اختلافنا مع الكيزان واذيالهم هو الاختلاف المرحلي الحتمي،، وحدوا صفوف المعارضة حتى لا تذهب ريحكم وغيظوا الكيزان بعدم تعرضكم للمهدي ﻷنه يقتلهم حقدا ﻷنهم لا يستطيعون وصفه بالكافر او العميل


ردود على فني لاسلكي بدرجة صحفي ومفكر وخال رئاسي كمان
United States [ماهر] 07-15-2013 03:28 AM
الجداد !! هو الجداد عنده مشكلة مع حليفهم وحبيبهم الصادق اصلاً ؟إنت نسيت ولده بشرى؟ ولاّ ده علشان جداد من نسل إمام الخيبة!واضح إنك إنت من أتباع الصادق الذين يتبعونه كالظل ويمدحونه بالباطل ويرون كل أخطائه وخطاياه وسقطاته حِكم مقدسة، والله ما آخر السودان وما أقعد الناس عن الثورة وماأضعف المعارضة وما أطال عمر النظام إلاّ إمام التدليس الثرثار وصهره الأفعى الترابي والميرغني وغيرهم من الديناصورات العواجيز والصادق الآ ن أسوأهم .

European Union [ولكن] 07-14-2013 09:27 PM
البيعمل فيهو المهدي دة بيوحد ؟؟؟ في رايو السودان الجديد هو علمانية ضد الدين وافريقانية ضد العروبة .. رايك انت شنو في دي


#721517 [ماهر]
0.00/5 (0 صوت)

07-14-2013 07:29 PM
ياإمام التيه والصلال ! لقد بلغت من الكبر عتياولازلت في ضلالك القديم!؟إلى متى هذا الهذيان وهذه الخطرفات والمراوغات والتقلب الحربائي وعدم الثبات على موقف،الله يريح الوطن منك لتشرق عليه شمس عهد جديد.


#721512 [ماهر]
0.00/5 (0 صوت)

07-14-2013 07:14 PM
بعض الأميين وقّعوا كيف؟ هل بالبصمة أم أن هنالك من وقّع بالنيابة عنهم !!؟

وبعدين في الأساس تواقيع علشان يعملوا شنو!؟هل كان الصادق مسؤولا وجادا مرة واحدة في مناهضة النظامأو في موقف آخر!!؟أم إنه ظل يعارض المعارضين ويخدم النظام دائما !!؟وهل النظام يرضى بغير البقاء في السلطة؟ وهل النظام ممكن أن يستمع لأى رأى مخالف ويعطيه أى فرصة!!؟
الصادق يحاول الضحك على الناس بمثل تلك السذاجات والخطرفات ولكنه يضحك أولاً وأخيراً على نفسه .


#721501 [alwadah]
5.00/5 (1 صوت)

07-14-2013 06:51 PM
حزب الامه + الموتمر الوطني + الاتحادي الاصل . وكل احزاب الفكه بما فيها الشعبي . يجب ان تصبح الهدف الرئيس للازاحه من علي الساحه السياسيه . هذا اذا اردنا كشعب ان نحيا في كنف وطن موحد ومتقدم .


#721462 [الريفى]
0.00/5 (0 صوت)

07-14-2013 05:41 PM
فى حكومة بتمشى بالتوقيعات الراجل ده هلمان صحوهمن النوم يا جماعة


#721443 [امير]
5.00/5 (1 صوت)

07-14-2013 05:05 PM
320 الف بغيروا النظام حتي لو بسنه ناعمه


#721425 [اسد البرارى]
5.00/5 (1 صوت)

07-14-2013 04:32 PM
يا سودانى همتك توقيعك امانه فى زمتك

سوف تملا الارض عدلا بعدمامليت جورا وفسادا فى عهد البشير واعوانه


#721404 [الحقيقة مرة]
5.00/5 (2 صوت)

07-14-2013 04:19 PM
820 الف
_____

لو الكلام دا صحي ولو دي طبعا مدرسة فدي حاجة كويسة لانو عرفنا عدد الحمير في البلد لا يقل عن 820 الف حمار وكلهم ما شاء الله بعرفو اوقعو


ردود على الحقيقة مرة
[nagatabuzaid] 07-14-2013 07:34 PM
اكثر تعليق ضحكنى وصح الصح وحقيقة امر من الحنظل لكن الحمد لله عدد المخلوقات دى شوية ما كمل

مليون كانوا سموها التوقيعات المليونية وجننونا بيها جن


#721380 [علي احمد جارالنبي المحامي والمستشار القانوني]
5.00/5 (2 صوت)

07-14-2013 03:52 PM
.
المهدي وياااااااااا للأسف ، يقوم بعملية اقل ما توصف به بانها صوره من صور مضيعة الوقت في ضرر بين بالآخرين ، وهو الذي ظل ولم يزل يغرد خارج السرب ، وكافة مواقفه عبر تاريخ العمل النضالي والكفاح ضد الديكتاتورية ، كانت مواقف مشتته للجهود المبذولة من اجل التعجيل بلحظة الخلاص الوطني من ربقة حكم الفرد والاستبداد الذي جثم على الوطن لما يقارب ربع قرن من الزمان، ظل المهدي خلالها يخرج ولا يدخل الا من خلال منافذ تثير الكثير من الريبة والشك في صدقية مواقفه من نظام الانقاذ .
اعتقد ان المهدي يسرح به خياله بعيداً ، ولا يستبعد ان يكون بعض من سدنة الانقاذ قد زينوا له امكانية فتح مسارات لمشروع معارضته منفرداً واظهاره بمظهر صانع الحدث القادم ليتوج بذعيم الأمة فيما بعد ، وهو يتصور ان خيوط اللعبة السياسية ستكون بيديه ساعتئذ فيحقق طموحاته المتمثلة في ذلك الفردوس المفقود ، وبالمقابل يؤمن لمن سلبوه ذلك الفردس سلامتهم وفتح مسارات آمنه لهم لكي يخرجوا منها آمنين ........ ونظام الانقاذ ظل ولم يزل يبحث عن شخص على شاكلة الصادق المهدي يحكم ولا يحاكمهم عما فعلوه ابان فترة حكمهم .ولكن ضعف الطالب والمطلوب ...


#721373 [ELSHAFYA A.ALI]
0.00/5 (0 صوت)

07-14-2013 03:43 PM
توقيعات شنو؟؟
وما هى مصداقية مثل هذه التوقيعات؟؟
من الذي يراقبها ويتأكد من صحتها؟؟
خلونا من اللعب على عقولنا


ردود على ELSHAFYA A.ALI
United States [nagatabuzaid] 07-14-2013 07:44 PM
يا كوكو نحن الجداد الالكترونى قاعدين ننط ليه فى حلقومه لما يخرمج لكن كمان ان ذكر


الحقيقة لا نكابر ولا نغالط ماعارفه المعلق من الجداد ولا لا ؟؟ لكن كلامه حقيقة مفروض كلنا

نطرح هذه النساؤلات وان طرحها احدنا ونختلف معه وهى حقيقة علينا ان لا نستنكرها

United States [كوكو] 07-14-2013 05:07 PM
الجداد الالكتروني خلاص ظهر


#721327 [السم الهارى]
5.00/5 (2 صوت)

07-14-2013 02:58 PM
عندما يكتمل التوقيع وتنتهى مدته حسب المدة المتفق عليها بين المهدى والبشير فسوف يتم الاعلان من قبل المهدى من خلال بيان يطلق عليه (بيان رقم 1 من حزب الامة اكبر حزب فى السودان) بأن عدد التوقيعات قليلة ولا تعطى الشرعية لازاحة الحكومة وبالمقابل يعتبر ذلك قبول ضمنى من الشعب(الذى يمثله حزب الامة) على قبول حكومة المؤتمر البطنى..... وهكذا تستمر مخططات المهدى من اجل دعم الحكومة بتثبيط الهمم......
عشت يا طوق نجاة الظالمين واللصوص
اول مرة نسمع فيها بجلكين يعمل غواصة فى اخر عمره وباقى ليه من الموت اقل من تلاته ايام(هذه ال3 ايام كناية عن قرب الاجل الذى لايعلمه الا الله تعالى ولكن له علامات يراها المؤمن ويعرف انها انذار اخير)


#721296 [سودانى منفرج الأسارير]
0.00/5 (0 صوت)

07-14-2013 02:29 PM
وبعدييين !!! الخطوه التانيه متييين .. اللى حيقوم بيها مييييين .. وألأستمارات دى حتمشى بعد كدا
ويييين؟ ...ناس المؤتمر الوطنى والحكومه موافقيييين؟ بس اللى وقّعو الى امد طويل سيظلوا مستنظريييين!!
كم العدد المطلوب لزوم بدء التعبئه؟ ليه ما يتم اختصار الطريق وألأنطلاق الى التصعيد او الى ألأعتصام مباشرة .. المواضيع اللى زى دى ما عايزه نار هادئه!! Striko the IRON Athnaa ma Howa HOT!>> اذا
برد او همد "قومتو" فيها صعوبه وتحرّج.. ولكم فى ابناء بمبه اسوة بينة...


ردود على سودانى منفرج الأسارير
United States [كوكو] 07-14-2013 05:08 PM
كوز


#721293 [ابو العازة]
4.00/5 (2 صوت)

07-14-2013 02:26 PM
عليكم الله ده ما استفتاء ؟ يعني الامام احسن ليه يحتفظ بكرامتو ويسكت مع الساكتين ....بلا تخريف وكلام فاضي ما بجيب حتي مريسة أم زين...والأفضل يخلي نفسو مع حزب الجرتق ويحافظ علي باقي موية الوش الأصلها كملت من زمان ...تهتدو، ...تهتدون قال !!!!!!


#721275 [بيكو]
0.00/5 (0 صوت)

07-14-2013 02:14 PM
ده راجل غير محترم


#721268 [الكلس]
5.00/5 (1 صوت)

07-14-2013 02:04 PM
حزب الامة جناح الصادق المهدي هم جزء من المؤتمر الوطني ههههههههههههههههه!!!!!!!!!!!!!! وانتهى الكلام


#721258 [غلبان]
5.00/5 (1 صوت)

07-14-2013 01:55 PM
يا جماعة نحن نوقع كيف ؟؟ فى طريقة الكترونية ؟


#721257 [لقمان]
5.00/5 (1 صوت)

07-14-2013 01:54 PM
لما تصلوا 20 مليون بعدين نتكلم


ردود على لقمان
[كاكا] 07-14-2013 05:32 PM
20.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة