الأخبار
أخبار إقليمية
البشير يبيع بنك النيلين للمغتربين ويأمل في أن يستثمروا أموالهم فى السودان.
البشير يبيع بنك النيلين للمغتربين ويأمل في أن يستثمروا أموالهم فى السودان.
البشير يبيع بنك النيلين للمغتربين ويأمل في أن يستثمروا أموالهم فى السودان.


قال : الأوضاع الاقتصادية تسير نحو الافضل رغم كل ما يقال عن ان الهجرة الخارجية أصبحت كبيرة.
07-15-2013 07:09 AM

"ابوجا 15-7-2013(سونا)" وافق المشير عمر البشير رئيس الجمهورية على بيع بنك النيلين للمغتربين مؤكدا اهتمام الدولة وحرصها على تقديم كل التسهيلات للمغتربين لتوظيف اموالهم داخل البلاد دفعا للاقتصاد الوطنى جاء ذلك لدى لقائه الجالية السودانية مساء امس، فى اطا زيارته الى العاصمة القومية لنيجيريا للمشاركة في أعمال القمة الأفريقية الخاصة بأمراض الإيدز والسل والملا ريا والتي تستمر حتي الثلاثاء القادم.

وأوضح البشير كل الخطوات التى تمت بشان علاقات السودان مع دولة جنوب السودان والوضع الراهن بالبلاد مشيرا الى ان الأوضاع الاقتصادية بالبلاد تسير بصورة نحو الافضل رغم كل ما يقال عن ان الهجرة الخارجية أصبحت كبيرة.

مبينا ان التعدين الاهلى للذهب والهجرة العكسية الواسعة من الدول الإفريقية والاسيوية الى السودان تدلل ان هناك نشاطا اقتصاديا فى طريقة تحسين الأوضاع معربا عن امله ان يهتم المغتربين باستثمار أموالهم فى السودان لدفع عجلة الاقتصاد.

وتحدث البشير حول فرص ومجالات الاستثمار فى البلاد والتحول الكبير فى المفاهيم الاقتصادية للمواطن، لافتا الى ان الاهتمام بالثروة الحيوانية انتقل الى مرحلة دعم الاقتصاد للاعتماد على تربية الصادر والتخلى عن تربية الثروة الحيوانية اجتماعيا .

واضاف البشير ان الدولة تدعم النظرة الاقتصادية لتنمية الثروة الحيوانية بالتركيز على تصدير اللحوم بدلا عن تصدير الماشية الحية ببناء المسالخ الحديثة فى هذا الصدد للاستفادة الكاملة من الحيوانات المذبوحة.

واشار الى ان الدولة بصدد دعم منظمة الدعوة الإسلامية وتطويرها لتقوم بدورها فى تنشيط الدبلوماسية داعيا ابناء الجالية بتكوين وتنظيم روابط لخريجي جامعة أفريقيا العالمية لدعم جهود الخريجين فى تطوير مجتمعاتهم لتكون الفائدة اكبر وتكون هذه الروابط دفعة قوية للعلاقات الشعبية مع السودان وسندا للدبلوماسية الشعبية.

وتحدث ايضا خلال اللقاء السيد على كرتى وزير الخارجية والسيد بحر إدريس ابو قردة وزير الصحة الاتحادي والسيد سفير السودان بابوجا.
من جانبه دعا السيد بحر ادريس ابو قردة وزير الصحة الاتحادي الجالية السودانية الى المساهمة فى تطوير السياحة العلاجية فى السودان وتشجيع النيجيريين والمقيمين فى دولة نيجيريا للسياحة العلاجية فى السودان بعد التطور الكبير الذى شهدته.


تعليقات 41 | إهداء 0 | زيارات 7901

التعليقات
#722707 [alrikaby]
0.00/5 (0 صوت)

07-16-2013 12:37 PM
اني اري شجر كثير يسير يا عمر البشكير...اللهم اني صائم


#722464 [مستر هايد]
0.00/5 (0 صوت)

07-16-2013 01:50 AM
طبعاً النيجريون لم يعطوا البشير الأمان لكن المؤتمر الزفتي اشترى هذا الأمان بالقروش لأن ذممهم بلاستيك ومرتشين وعاملين فيها دهمشية


#722399 [برة الحلقة]
0.00/5 (0 صوت)

07-16-2013 12:02 AM
يا البشير وابو قردة ,كلامكم دا ندوية ما قالتو للشريف , عليكم الله كان ما مشيتوا للشريف وكررتوا ليه كلامكم دا , يمكن بنبسط منكم زي ما انبسط من ندى القلعة !!!انتو في نيجرياوالشيء بالشيء يذكر


ردود على برة الحلقة
[الدنقلاوي] 07-16-2013 03:07 AM
أها ها ها ها هووو...... اللهم إني صائم


#722350 [زول]
0.00/5 (0 صوت)

07-15-2013 10:41 PM
تدقسني انا تدقسني انا ي بش وكمان في رمضان اللهم اني صائما


#722344 [عصمتووف]
0.00/5 (0 صوت)

07-15-2013 10:15 PM
والهجرة العكسية الواسعة من الدول الإفريقية والاسيوية الى السودان تدلل ان هناك نشاطا اقتصاديا فى طريقة تحسين الأوضاع

يقارن السودان بالدول الافريقية والاسيوية الصومال تشاد وبنغلاديش وافغانستان وهم الافقر مننا لو لديك اقتصاد جيد لكنت قارنته بدول الخليج وماليزيا وتركيا لكن دول كالصومال وبنغلاديش والاحباش والجنوب مجبورون العمل هنا بالمهن الهامشية وبطبع السوداني لا يعمل فيها حقل النظافة والبناء والله الوضع الشايفو جيد الا في بيوتكم


#722335 [abdelrahim]
0.00/5 (0 صوت)

07-15-2013 09:32 PM
your excellency

you do not need a named bank for sudanese working abroad ,you need to free the economy and make the price of hard currency in the banks equal to the black market price . `Then after the people get used to this ,the central bank can set the price
It seems that those in power do not want to that because they are the ones who profit from the the current situation

Best rgards


#722308 [omer]
0.00/5 (0 صوت)

07-15-2013 07:21 PM
ارحم يابشبش عارفين الله اداك الحكم لكن فى حاجه اسمها استقاله ارحم امه محمد من السودايين ديل اتشردوا وثاروا وقاتلوا وعارضوا لمن جنوا


#722243 [ود الباشا]
0.00/5 (0 صوت)

07-15-2013 05:32 PM
الواحد بقى يضحك لمن يحزن من هطرقات الجماعة ديل ويحزن حتى يضحك ..اللهم انى صائم


#722216 [أبوالكجص]
0.00/5 (0 صوت)

07-15-2013 04:46 PM
ما عايزين بنك نحن عايزين بقر ومراعي مش نحن أولى من المصريين؟. أها يا البشير ما عندك لينا مزارع للبيع وتكمل جميلك مرة واحدة وتبيع لينا أناتي من بقرك المهجن نختو في المزارع البتبيعا لينا وتكون كدا ساهمت في زيادة الثروة الحيوانية وتوسعة المزارع.


#722173 [ابونور]
0.00/5 (0 صوت)

07-15-2013 03:50 PM
يابشبش يادلاهة انته داير تغش المغتربيين اللى كنت سبب في هجرتهم وكمان دايرتبيع ليهم الترماى بنك النيلين قال بشبش يامغتربيين جماعتكم الهاجروا كلهم جيبتوهم راجعين والباقيين ديل والله بيعشوا في اسرهم واهلهم والله ديل بيعشوا في السواد الاعظم من الشعب السودانى بعد ماغليتوا المعيشة ورفعتوا يدكم عن الصحة والتعليم يعنى انتو برضوا شايلين قروش المغربيين حتى الحرابيش البوفروها المغتربيين دى عاوزيين تاخدوها وبالغش والكذب شوف شغلتك وين يابشبش ياعوير قال بنك النيليين
طيب يابشبش انت ليه ماسقته ندى القلعة معاك عشان تلم حق النقطة من شريف مندكورو الراجل ده بنقط بالدولار وانسى المغتربيين تانى مابتغشوا ليك ولا صحى وداد بابكر مشت معاك ممكن تغير من ندى وبعديين ناس منظمة ديل ماشركاءها .مسكين بشبش


#722143 [نهضاوي سداوي سوداني]
5.00/5 (1 صوت)

07-15-2013 03:16 PM
اهاهاهاه وتاني هاهاهاهاهاهاهاهاهاهاهاهاهاهاهاهاها
الراجل ده عبيط ولابيستعبط
عشرين سنة وماقادر تغير الكذبة


#722138 [جركان فاضى]
0.00/5 (0 صوت)

07-15-2013 03:09 PM
بعد ما كملوا بيع الاراضى والمستشفيات والميادين والمشاريع الزراعية قبلوا على البنوك....انا غايتو عينى على نقطة رسوم وجبايات برة القضارف وفى طريق مدنى....فنرجو من الاخوة الكرام ان يدلونا على اى نقطة رسمية للبيع بس مش وهمية لان النقاط الوهمية اكتر من الرسمية


#722116 [المشتهى الفتريتة]
0.00/5 (0 صوت)

07-15-2013 02:40 PM
اعملوا حسابكم يا ناس نيجيريا عمر البشير عايز يتسدى فيكم الصاع صاعين ,, عايز يبيع ليكم بنك النيلين الماسورة عشان ينتقم من بيعكم ماسورتكم ( وارغو ) لجمال الوالى


#722091 [ابو ابراهيم]
5.00/5 (2 صوت)

07-15-2013 02:07 PM
عينهم دايما تنظر لي جيوب الناس حسبي الله ونعم الوكيل


#722088 [قرفان من الكرة السودانية]
4.88/5 (4 صوت)

07-15-2013 02:02 PM
السياحة العلاجية في السودان !!!!!!!!!!!!!!!!!!!!!!

وشر البلية ما يضحك ..!! الزول وهم ولا شنو ؟؟


#722085 [Abu Rana]
0.00/5 (0 صوت)

07-15-2013 01:55 PM
يبيعوا لينا بنك النيلين زاتوووووووووو ! ما قالوا فلس زمان ..هو لساتو شغال ؟


#722064 [سلومبا]
5.00/5 (4 صوت)

07-15-2013 01:38 PM
المضحك اكتر كلام ابوقرده هذا .. سياحه علاجيه في السودان .. السودانيون يا وزير الغفله باتوا يذهبون للأردن للعلاج من الملاريا ..
والله صحي انت ابوقرده .


#722059 [اسد البرارى]
0.00/5 (0 صوت)

07-15-2013 01:34 PM
البشير فى نجيريا ... اين اوكامبو


#722044 [murad]
0.00/5 (0 صوت)

07-15-2013 01:21 PM
السودان يحكمه التنظيم الدولي للاخوان المسلمين و البشير و ازلام نظامه لاوطنية لهم و لا يؤمنون بالدولة ولائهم للتنظيم الدولي قبل المحلي(واشار الى ان الدولة بصدد دعم منظمة الدعوة الإسلامية وتطويرها لتقوم بدورها فى تنشيط الدبلوماسية) هذه المنظمة المشبوهة و التي تم تسجيل البيان الاول للانقلاب في استديوهاتها و التي يترأسها سوارالدهب بعد مكافأته من نظام الانقاذ و التنظيم الدولي لما قام به من التلاعب بدوائر الخرجين لصالح الجبهة القومية و من ثم التمهيد للانقلاب عام 1989 هذه المنظمة تابعة للتنظيم الدولي للاخوان المسلمين.


#722042 [قرفاااااااااااااااان]
0.00/5 (0 صوت)

07-15-2013 01:18 PM
ياجماعةانا حصل كضبت عليكم!!!


#722026 [اشوف فيكم يوم ياحرامية البلد]
0.00/5 (0 صوت)

07-15-2013 01:02 PM
دي اسمها لحس الكوع لو ماجربتو جرب يا عمر البشير قال مغتربين قال والله تشموها قدحه زي مابيقول المثل الشعبي المرفعين مابيشدوه باللحم
والغريبة انهم بقولو الكضبة وبيصدقوها
شاحد الله وبي بركة رمضان المعظم يارب تجيب للعصابة دي تجار الدين ديل مصيبة لاكانت في الاولين ولا حتكون في الاخرين يعني مصيبة كده ماحصلت امييين يارب


#722024 [الاشعرى]
0.00/5 (0 صوت)

07-15-2013 12:59 PM
بنك النيلين فلس وانهار
مافي ثقة ياحرامية
بعد ان تم بيع الاراضي والميادين والحدائق اصبح لادخل لكم يامجرمين وقلتو دايرين تضربو المغتربين
شوفوها عند الغافل المقفل


#722018 [سيمو]
0.00/5 (0 صوت)

07-15-2013 12:52 PM
(من جانبه دعا السيد بحر ادريس ابو قردة وزير الصحة الاتحادي الجالية السودانية الى المساهمة فى تطوير السياحة العلاجية فى السودان وتشجيع النيجيريين والمقيمين فى دولة نيجيريا للسياحة العلاجية فى السودان بعد التطور الكبير الذى شهدته)!!!!!!!!!

يا أبو قردة بكرة حاتهرب وسترجع الميدان وحاتقول شنو،،، قال بعد التطور الكبير قال،،،


#721999 [الصليحابي]
0.00/5 (0 صوت)

07-15-2013 12:37 PM
اللهم إني صائم


#721997 [المتجهجه بسبب الانفصال]
0.00/5 (0 صوت)

07-15-2013 12:36 PM
ونرجوا بيع جهاز شئون العاملين بالخارج //


#721987 [وليد]
0.00/5 (0 صوت)

07-15-2013 12:29 PM
مبينا ان التعدين الاهلى للذهب والهجرة العكسية الواسعة من الدول الإفريقية والاسيوية الى السودان تدلل ان هناك نشاطا اقتصاديا فى طريقة تحسين الأوضاع معر

ده شنو الفاهم حاجة اشرح لينا


#721966 [shah]
0.00/5 (0 صوت)

07-15-2013 12:15 PM
مسيلمة الكذاب.


#721964 [ابو خباب]
5.00/5 (3 صوت)

07-15-2013 12:13 PM
وزير الصحة يدعو الافارقة للعلاج بالسودان والبشير يتعالج فى السعودية!


#721948 [مردونا]
0.00/5 (0 صوت)

07-15-2013 12:00 PM
خلاص عاوزين ترجعو الى المقتربين المساكين عشان عاوزين العملة عشان تمشو السياحة يا ناس الانغاز دة كان زمان الان المغترب عرف الحقيقة لم يجد منك اى شى امشو العبو بعيد عن المغتربين ديل خط احمر عريض
ممنوع التصوير يعنى ممنوع المغازلة لان عارفين انتما ناوين على ايش


#721939 [ولد سيدي باشا]
0.00/5 (0 صوت)

07-15-2013 11:50 AM
ســـؤالي لوزير الساحة السودانية كم عدد السياح الأجانب القادمين للسودان سنويا للسياحة؟
وهل لوزارة السياحة السودانية برامج سياحية موجودة تقدم لمن أراد القدوم للسودان للسياحة ؟
وهل لدى السودان أماكن معدة ومجهزة تماما لإستقبال أفواج سياحية إن وجد ؟
والسؤال الأخير .. هل هنالك خطط أو إستراتيجية لتطوير السياحة عموما في السودان لتكون مصدرا للدخل القومي .. ؟


#721924 [mustafa]
4.75/5 (3 صوت)

07-15-2013 11:35 AM
كلام الطير فى الباقير كلام لا يودى ولا يجيب
كلام من اجل المناسبة التى جمعوا لها
واضاف ان الدولة بصدد دعم منظمة الدعوة الاسلامية؟عشان تعمل لينا شنو
يا بشوشة تورينا كيف نصلى ونصوم
الله لا كسبك عافية عافية ببركة هذا الشهر الكريم


#721919 [أبوهاني]
0.00/5 (0 صوت)

07-15-2013 11:29 AM
ممكن تعرفونا بالسياحة العلاجية مامعنى هذا الكلام


#721909 [طارق]
0.00/5 (0 صوت)

07-15-2013 11:18 AM
يا بشبش انت قايلنا واقعين من لوري شطه. بين الخطط السكنيه الطاربه البتبيعوها للمغتربين, لمشروع سندس العملته مع الصافي جعفر (الزول ده ما مهندس) ....عاوز تبيع بنك...لااا شكراً....خليهو معاك يا فرده


#721902 [عبد الجبار احمد]
5.00/5 (2 صوت)

07-15-2013 11:08 AM
بنك النيلين دا ماسوووووووووووووووووووورة كبيرة
اعملوا حسابكم يا مغتربين نيجيريا


#721898 [محمد احمد الغلبان]
5.00/5 (3 صوت)

07-15-2013 11:05 AM
حسب علمي أن بنك النيلين قد تم بيع 60% منه عام 2006 لمجموعة مصرف السلام الإماراتية و التي يتبع لها مصرف السلام الحالي بالسودان بثمن بخس لم يتجاوز 80 مليون دولار ،،، فماذا يعني قرار البشير ببيع بنك النيلين للمغتربين؟؟؟ هل يقصد بيع ما تبقي من حصة للحكومة؟؟؟ هلا يتفضل علينا من يملك معلومات دقيقة؟؟؟
مع خالص الشكر


#721872 [ابو عفان]
5.00/5 (2 صوت)

07-15-2013 10:43 AM
بيحلموا يغشوا المغتربين تاني --
من الذي اجبر المغتربين علي الهجرة ؟
ماذا قدمتم للمغتربين عير جباية الضرائب منهم؟
حتي التحويلات بالسوق الموازي ايها الكذابين .
تلقوها عند الغافل .


#721863 [الشحمان مغسة]
4.75/5 (3 صوت)

07-15-2013 10:27 AM
يا بشبش انت رايح ليك الدرب فوق الموية المغترب فقد الثقة من نواحيكم نوهائي كدهو والكلام الإنشائي الملقط كل فردة من بلد ده ما بحل لينا مشكلة بكتبو ليك وانت بس تقرأ ويا ريت لو بتعرف تقرأ صاح ناهيك عن ما بين السطور ... الله يصرفك كما صرف فرعون وهامان وشاوشيسكو وحسني مبارك


ردود على الشحمان مغسة
United States [Abdo] 07-15-2013 03:45 PM
الله يديك العافية و يشحمك راحة بال بدل المغسة ، ليت الكل يفهمها كما فهمتها يا الشحمان


#721853 [سبت دودو]
5.00/5 (3 صوت)

07-15-2013 10:02 AM
طبعا الصوره معبره شديد


#721847 [lwlawa]
5.00/5 (3 صوت)

07-15-2013 09:58 AM
وكما قال احد المحللين فان السياسة الداخلية هي المحرك للسياسة الخارجية وانعكاس لها ..؟؟..ممارسات الحكومة السودانية مكشوفة لكل العالم وهو اهم اسباب احجام المثتثمرين والسوداني المغترب الهارب من جحيم الانقاذ بجلده كيف يتسنى له ارسال امواله الى من لا امان لهم ولا عهد ولا ميثاق (سفهاء)..؟؟..كيف يرسل المغترب امواله الى سفهاء ..؟؟..حتى في الاغتراب يلهبون ظهورهم بجبايات واتاوات ما انزل الله بها من سلطان وتحت التهديد والوعيد، فكيف اذا كانت تلك الاموال تحت رحمتهم ..؟؟..اصلحو ذات بينكم مع كل مكونات هذا البلد ثم ابحثوا عن من يثتثمر عندكم .


#721836 [fadeil]
4.75/5 (3 صوت)

07-15-2013 09:42 AM
هذا الديناصور المسمي البشير ربما يكون قد فقد شيء في عقله .. أما يتعظ المغتربون من مشروع سندس الزراعي والذى بني بأمواله قصرا فخيما للمدعو الصافي جعفر ، فكيف يتكلم هذا المعتوه عن استثمار أموالهم بالسوان وتجربة مشروع سندس ماثله أمامهم ، فمن يريد أن ينتحر أو ينحر فعليه الاقدام لرهن أمواله لهذه الحكومه الفاشله دوما .


#721830 [yasir abdelwahab]
5.00/5 (2 صوت)

07-15-2013 09:25 AM
كلام في كلام يا عوض دكام..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة