الأخبار
منوعات سودانية
«تاجر» يكشف للمحكمة تفاصيل استيلاء «2» من بناته على مبلغ «10.000»ج
«تاجر» يكشف للمحكمة تفاصيل استيلاء «2» من بناته على مبلغ «10.000»ج



07-16-2013 08:40 AM
الخرطوم: مسرة شبيلي:

كشف «تاجر» أمام محكمة جنايات حي النصر أمس عن تفاصيل تعرضه للسرقة والاستيلاء على مبلغ «10.000»ج من قبل اثنين من «بناته».

وقال الشاكي إنه فقد المبلغ الذي كان يخبئه داخل «دولاب» بالمنزل، وتفاجأ يوم الحادث بسرقة الأموال.. وأشار الى أنه قام بسؤال بناته وانكرتا معرفتهما بالسرقة، إلا أن واحدة منهن اعترفت بأن شقيقتيها قمن بالسرقة، وذلك بعد أن هددها والدها، وزاد الشاكي في اقواله أنها الابنة الوحيدة التي تعلم بموضوع المبلغ، وأنها أقرت له بانها قد ارشدت المتهمتين على مكان الأموال وانهن منحنها مبلغ «200»ج كرشوة حتى لا تفضح أمرهن. وبعد أن علم والدهن بذلك توجه الى قسم الشرطة ودون في مواجهة ابنتيه بلاغاً تحت طائلة المادة «174» من القانون الجنائي السرقة وتم القبض عليهما وبعد اكتمال التحريات احيل ملف الدعوة للمحكمة للفصل فيه.


اخر لحظة


تعليقات 15 | إهداء 0 | زيارات 3926

التعليقات
#723331 [ود الامير]
0.00/5 (0 صوت)

07-17-2013 06:07 AM
هسع في داعي لكشف الحال ونشر الغسيل الوسخ دا!! والله يا حليلنا نحن يا ناس!!


#723311 [تينا]
0.00/5 (0 صوت)

07-17-2013 04:57 AM
صادق اخوى زول من كمبو كدبس والله والله على ما اقول شهيد اهلنا النوبه عندنا ليهم معزه خاصه عاشرناهم وتربوا معنا والان لما يجو الخرطوم اول حاجه بجونا اسلموا علينا . وبمناسبة رشاد زكرتنى عمنا ودالحسن الله يرحمو ويغفر ليهو ويجعلو من اصحاب اليمين عرفناهو فى السعوديه وهو من رشاد وغير متزوج وكان ساكن فى غرفه فوق شقة عزابه اصحاب اخى والله هذا العم كنت احبه من جوه قلبى وكان يزورنا دائما واخى كان يحبه ويهتم به الى ان توفاه الله ودفن فى السعوديه وحزنا لفراقه شديد نسال الله لك الجنه عمنا ود الحسن . هم فعلا ناس عفيفين وامينين الله اديهم العافيه


#722960 [تينا]
1.00/5 (1 صوت)

07-16-2013 05:09 PM
حتى لو كان بخيل ما مبرر ليبناتو انهن يسرقنو معناها فى خلل فى تربيتن وكمان الاب مافى داعى يشتكيهن فى المحكمه دى ما فضيحه ليهم عدييييييييييل . يا اخوانا المحيرنى زمان اصلا الناس ما بتعرف درب المحاكم وبشوفوها عيبه عديل لكن الان اصبح عادى ايى واحد تحصل ليهو اقل حاجه المحكمه عدل


ردود على تينا
European Union [زول من كمبو كديس] 07-17-2013 02:30 AM
اشيقر كان قاضى فى الجهات الشرقية من جبال النوبة،قاضى محكمة جديدة في مناطق تسكنه قبائل تلودى و رشاد،بعد سته اشهر نقل المحكمة لابو جبيهة لانو المحكمه ما كان عندها شغل تعملوا،مافى جرائك مافى سرقة،و قال (منو العمل المحكمة فى البلد الكلها انبياء دى)- تأكيدا لكلامك يا تينا و فرق الماضى من الحاضر،و بالمناسبة اهل المناطق المذكورة دى معروفين اصلا بالعفة و الامانة..
تحياتى تينا

United States [ديموقراطية] 07-16-2013 10:43 PM
عن المشروع الحضاري (حدث ولا حرج)


#722917 [موسى محمد]
5.00/5 (2 صوت)

07-16-2013 04:05 PM
يا عيب الشوم تفتح بلاغ في بناتك يا ناقص عشان يتبهدلن قام الغاشي والماشي،،، أحسن تلم الموضوع وتحسن تربية بناتك


#722914 [zangazanga]
0.00/5 (0 صوت)

07-16-2013 03:59 PM
المال ده حلال عليهن لأن الاب بخيل ما يمرق حاجة ليهن وجاى عيد من أين لهن حق العيد والملابس الاب البخيل يدس دس فى القروش ومن شكلو حريص على القروش أكتر من بناتو لكان حل معاهن ودى طالما عرف المشكلة حل الود كان أحسن من فضحهن وجرجرتهن أمام الشرطة والمحاكم عشان 10 الف جنيه يعنى البنات قلعن حقهن والزول لو بخيل يتاخذ منه بهذه الطريقة لأنو جلده ناشف مايرحم بناتو ..


#722804 [عثمان ماهل]
0.00/5 (0 صوت)

07-16-2013 02:10 PM
شوف التخلف تاجر كبير وفلوس في الدولاب ده ما سمع بالصراف الآلي0


#722773 [ابوزول]
0.00/5 (0 صوت)

07-16-2013 01:29 PM
اخر زمن


#722737 [أبو عكــاز]
5.00/5 (2 صوت)

07-16-2013 01:07 PM
1- أب يعيش مع بناته فى بيت واحد ( عادى )
2- لديه مبلغ مخفى فى الدولاب لا تعلمه إلا إحداهن ( عادى )
3- تسرق بنتين مال الأب المخفى و تمنحان الثالثة رشوة ( غير عادى )
4- يفتح الأب بلاغ جزائى و يستكمل الإجراءات حتى المحاكمة ( غير عادى )

التحليل :-
1- الأب بخيل ( راجح )
2- الأب أساء التربية ( راجح )
3- الرابطة الأسرية ضعيفة ( راجح )
4- الأم متوفاة أو مطلقة ( راجح )


ردود على أبو عكــاز
United States [omer] 07-16-2013 02:49 PM
معلم ومنك نتعلم لكن فى السودان ادى الحلق للماعندوا ادان


#722645 [محمد غزالى]
0.00/5 (0 صوت)

07-16-2013 11:42 AM
أنت مقصر فى حقهن لذا قمن بهذه السرقة فلو كنت فعلا مهدت لهن وسعيت فى راحتهن أجزم بأنهن للن يأتين بهذه العملية ويقينى إنهن فعلن ذلك من أجل أن يشعرنك بأنك أهملت أبسط متطلبات الحياة الخاصة بالبنات ، أرجو ان تصفح عنهن وتعتذر لهن عما بدر منك بإتهامك لهن بسبب تقصيرك وفى النهاية هن بناتك فبدلا من ان تبحث لهن السعادة فأنت تجلب لهن إشانة السمعة وبهذه الطريقة لايقرب أحد لهن بغرض الزواج منهن ، أرفع هذه التهمة ولاتنسى فضائل الشهر الكريم وتمنى لهن السعادة والزواج حتى تكون أبا صالحا وإمتثالا لقول الحبيب (ص) من عال ثلاثة بنات وأدبهن وزوجهن دخل الجنة .


#722642 [ابو محمد]
0.00/5 (0 صوت)

07-16-2013 11:39 AM
والله الععظيم بقت فى حاجات غريبه بتحصل فى السودان لاكن ارجع واقول اساس التربيه فى الاول غلط الهم احفظ ابنائنا يارب العالمين واجعلهم بارين لنا وربنيا يقدرنا عى التربيه الاسلامية


ردود على ابو محمد
United States [ديموقراطية] 07-16-2013 10:45 PM
عن المشروع الحضاري (حدث ولا حرج)


#722623 [sabie]
0.00/5 (0 صوت)

07-16-2013 11:24 AM
قد يكون البنات ديل مع بناتو = قد يكون اسمياً بناتو لكن فعلياً مع بناتو والله اعلم ما فى بت حلال كده بعمل العمل زى دى


#722595 [كتاحة امريكا]
5.00/5 (1 صوت)

07-16-2013 10:58 AM
ديل بنات الانقاذ يا شيخ الانقاذ


#722571 [ديامي قديم]
0.00/5 (0 صوت)

07-16-2013 10:08 AM
أكبر مصيبة أن يكون الحرامي من أقرب الناس إليك .. ربما يكون هذا التاجر قد أخطأ في تربية البنات ديل وكان جاري وراء لم المال فقط.


#722558 [فرقتنا]
0.00/5 (0 صوت)

07-16-2013 09:49 AM
اب فاااااااشل واستاهل ومعفن جدا ديل بناتك وانت تاجر علي مين وبتهبب ايه


#722542 [بيكانتو]
4.00/5 (1 صوت)

07-16-2013 08:49 AM
ديل بنات بالتبنى ولا شنو يشتكى عليهم فى المحكمة ، وقت ما قدرت تحكمهم انت ابوهم ، لكن الظاهر وقتك كلوا كان فى السوق و جوار الخزنة - الجاتك فى مالك سامحتك ، شد حيلك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة