الأخبار
أخبار إقليمية
رابط التوقيع على تذكره التحرير المقترحة من حزب الأمة
رابط التوقيع على تذكره التحرير المقترحة من حزب الأمة
رابط التوقيع على تذكره التحرير المقترحة من حزب الأمة


07-17-2013 09:52 AM
عبد الرحمن المقبول

أكد حزب الأمة القومى بزعامة الصادق المهدى، أن حملة التوقيع على "تذكرة التحرير" الداعية لإسقاط النظام حققت نجاحا كبيرا،
وهنا رابط التوقيع على تذكره التحرير


http://www.ipetitions.com/petition/umma/




تعليقات 23 | إهداء 0 | زيارات 4699

التعليقات
#723951 [عاصم]
0.00/5 (0 صوت)

07-18-2013 02:10 AM
يا الصادق المهدي عامل فيها صقر الرمة وجاي تجمع توقيعات يا اهبل امشي شوف البتابعك منو يا عميل الانقاذ عايز تجمع المعارضين كلهم وتسلمهم للحكومة وتقبض الثمن يا رخيص ما اتفهك يا الصادق المهدي


#723935 [الحقيقة مرة]
0.00/5 (0 صوت)

07-18-2013 01:32 AM
ما حاوقع على اي عريضة بائسة يكتبا اي حزب كان بغرض التكسب السياسي المكشوف الرخيص واستثمار تطلعات السودانيين وامالم في التحرر والكرامة للانفراد بالساحة السياسية كذبا ونفاقا ولشق صف المعارضة وتعطيل الثورة الشعبية وبالذات حزب الصادق المهدي الدعي الفاشل المرجف واولادو صبيان البشير فلتسقط الانقاذ وليسقط من تواطأ معها من الاحزاب المملوكة لزعماء تافهين لا يتحرجون من الاقتيات على فتات مائدة السفاحين وغمس خبزهم في بقايا عرق السودانيين ودموعهم ودمهم


#723836 [الحقيقة]
0.00/5 (0 صوت)

07-17-2013 10:27 PM
خلو التنظير ووقعوا ساكت ما مضيع البلد دي الا انو اي واحد عامل فيها ابوعرام ومنصب نفسو خبير دولي ولا بعجبو العجب ولا الصيام في رجب!!! يا ناس قولوا بسم الله واقعدو في الواطه دي!!!


#723820 [سايكو]
0.00/5 (0 صوت)

07-17-2013 09:33 PM
رد علي ( الضكر ) و ( محمد ) اول حاجه يا اخوان انا ما كوز و لا امنجي و العياذ بالله و انا بعلق هنا لي 3 و لا 4 سنه اول مره اتهم باني جداده و يا ريت تقروا تعليقاتي التانيه ، اما ما يتعلق بالحكايه الهايفه بتاعت الصادق دي فما حتعمل حاجه و لو افترضنا انه وقع 30 مليون حيسلموها لمنو لابورياله و لا لابو العفين ؟؟؟؟؟؟
بعدين عبد الرحمن ولده قاعد في القصر مع راس النظأم بشه و عمكم الصادق زأتو قال ما عايز يسقط النظأم قال عايز ( يغيره ) و بطريقه ( ناعمه ) كمان ! و قبل كده قال لي لبشه ( انت جلدنا و ما بنجر فيك الشوك )
لو منتظرين الراجل دا يسقط النظأم يبقي حتنتظروا كتيبيير
و رمضأن كريم


ردود على سايكو
United States [Adam Ibrahim] 07-18-2013 08:59 PM
والله يا أخوانا سايكو والمعلم انا وقعت على البتاعة دى عشان اثبت لنفسى انى مع التغيير السلمى واسوأ الحالات مع التغيير المسلح..

United States [سايكو] 07-18-2013 04:21 AM
شكرا ليك اخوي (Almo3alim)

United States [Almo3lim] 07-18-2013 01:02 AM
اشهد انه سايكو ما جدادة ...

و اؤيد كلامه ..

و المستنى تغببر أو ثورة عبر (تذكرة تحرير) الصادق فهو واهم ..

هذه آخر (كروت) الصادق ليوصل المؤتمر الوطني لـ( الإنتخابات في 2015م) و أصحو شوية و سيبكم من الغفلة اللي أنتو فيها ..

كلام سايكو صااااااح مليون في المية :

((و عمكم الصادق زأتو قال ما عايز يسقط النظأم قال عايز ( يغيره ) و بطريقه ( ناعمه ) كمان !!

و قبل كده قال لي لبشه ( انت جلدنا و ما بنجر فيك الشوك ) !!!

لو منتظرين الراجل دا يسقط النظام يبقي حتنتظروا كتيييير))) !!!!!!!!!!!


#723745 [lwlawa]
0.00/5 (0 صوت)

07-17-2013 05:29 PM
سنوقع ونبصم بالعشرة ولكن هل يستطيع الصادق ان يتقدمنا للخروج..؟؟


#723740 [ماهر]
0.00/5 (0 صوت)

07-17-2013 05:18 PM
كل التجارب أثبت فشل هذا الشخص في الحكم والمعارضة على السواء، وكل الشواهد أظهرته مخذلاً كبيراً ومتأرجحاً ومهادناً وخادماً للنظام إن من يوقع وينتظر الصادق سيطول انتظاره ، الوضع في السودان يختلف عنه في مصر تماما، لكن الصادق كالعادة لايقرأ التاريخ ولايقرأ الأحداث فنرجسيته الطاغية وحبه للزعامة والرئاسة والأضواء يعميه عن ذلك وأنانيته تعلو على السودان كله.


#723721 [صديق]
0.00/5 (0 صوت)

07-17-2013 04:58 PM
وقعت وادعو جميع الحادبين على خروج الوطن من ظلام الكيزان واستعادة عافيته ان يوقعوا . بالله عليكم انسوا المكايدات السياسية التي لا يستفيد منها الا النظام الفاشل وعليكم بوضع رئيس حزب الامة في موضع تنفيذ ما اقره اجمعوا له التوقيعات فالننظر بعدها هل يقودنا لتنفيذ الاعتصامات والاضرابات ام يفتح نفاج حوار اخر مع الظلمة الفاسدين.


#723694 [ود الابيض]
0.00/5 (0 صوت)

07-17-2013 04:17 PM
دا الكلام الصاح ياناس؟؟
بدل اي حزب يقعد يشتم في التاني وفي النهاية الحكومة تكسب, افضل الشعب كلو يتوحد ضد بني كوز ويخلي الخلافات جانبا.


#723687 [ابو سامي]
0.00/5 (0 صوت)

07-17-2013 04:07 PM
الصادق امل الامة لن يحكمنا غير الصادق....اله اكبر الله اكبر ........نحبك والله يا سيدي لحكمتك ولشجاعتك ولحبك لهذا البلد وانت الوحيد الهمو على البلد دي ..الباقية مجرد لصوص ومرتزقة وسفكة دماء.....الله اكبر ولا نامت اعين الجبناء


اتق الله في نفسك وارحم غيرك ....................
كان فعلا أمل الامة في 1986 وكنا نحبه أكثر من حبك اليوم ولكنه فشل في كل شيء اقدم عليه فشل في حكم البلاد وخلال اقل من 3 سنوات شكل اكثر من 9 حكومات ما قدمت للوطن شيء وأخيرا تآمر مع صهره وسلمها الجبهة الاسلامية تسليم وتسلم وفشل في الجهاد المدني وخرج في تهتدون وفشل في المعارضة المسلحة وشتت التجمع الديمقراطي وبدأ ينافس غرنق والميرغني وعاد في تكسبون ولم يكسب الشعب السوداني من عودته سوى شهداء كجبار و300 ألف قتيل في دارفور وآلاف القتلى في جبال النوبة وألاف القتلى في النيل الازرق وما زالت الطاحونة تدور وهو نفسه من يعمل ساتر لحكومة البشير لتنفيذ جرائمها وأولاده داخل النظام يأتوه مساء كل يوم بالملايين السحت وبرضو تقول لي بحبه تحبك الشكلوتة


#723606 [جركان فاضى]
1.00/5 (1 صوت)

07-17-2013 02:15 PM
نفس طريقة الانصار عندما ارادوا فتح الخرطوم....جمعوا تواقيع وسلموها لغردون باشا فلما رفض مطالبهم دخلوا الخرطوم وقتلوا غردون...ما اشبه الليلة بالبارحة ....وهذا الشبل من ذاك الاسد


#723594 [Abu]
0.00/5 (0 صوت)

07-17-2013 02:00 PM
Your verbiage voices vividly, vanquishing a view of venomous value


#723563 [أبو أحمد]
0.00/5 (0 صوت)

07-17-2013 01:30 PM
مافى شيىء مودينا التوج غير الامام وود الامام وسيدى وود سيدى ( ديل يفلقوا ويداوو) الولد جوه النظام والاب معارض ... السودان محتاج لفكر جديد ودماء جديدة تقوده وتنتشله من هذه الهوة السحيقة والمكبله وشباب يحب هذه البلد بحق وحقيقة ليس له هوى غير هذه البلاد المنكوبة ويعالجوه من هذا السرطان الاخوانى المنتشر والمتمكن بجسد البلاد ...


#723562 [محمد السودانى]
0.00/5 (0 صوت)

07-17-2013 01:29 PM
وقعناأيضا...عسى ولعل نقدر نعمل حاجة تغير الوضع
لا ننتظر كثيرا من الصادق المهدى ولكن أن يدعو الى تغيير النظام بكل الطرق السلمية وبدون معارضة مسلحة او الاستعانة بالخارج فهذه نقطة تحسب له.
نتمنى من الجميع التوقيع والله ولى التوفيق.


#723552 [صارم بتار]
0.00/5 (0 صوت)

07-17-2013 01:19 PM
لا زعامة للقدامى... الصادق المهدي تاني ما بشمها...والترابي بنصفيه وناسو... ومحمد عثمان الميرغني بنديوه السبحة و ا لتبروقة... البلد دي ح نحكمها (نحن) الحركة الشعبية = الجبهة الثورية= وإن غداً لقريب لتشرق شمس السودان الجديد...


#723545 [علي حسن سلوكه]
5.00/5 (1 صوت)

07-17-2013 01:11 PM
وقعنا ..

ولكن عشان نكون منطقيين ، لنفترض جمعنا 30 مليون توقيع (كل الشعب السوداني) ، ده حيغيّر شنو في رأي النظام وتمسكّوا وكنكشتوا ؟؟
من قبل قالها (نافع) للسيد الصادق في حوار تلفزيوني بينهما ، بأن ما يدعو له الصادق لايصلح للسودان (يقصد الكوديسا) لان على
حسب رأي نافع ان ما كان موجوداً بجنوب افريقيا كان استعماراً ، ثم اردف قائلاً بانهم حكومه وطنيه جاءت بـ (انتخابات) فمن اراد
فالينافسهم عبر ( الصناديق) والصادق يدرك ان هذه هو رأي النظام ليوم الدين !!!

فما الداعي لاهدار الوقت وإطاله الطريق ، بل (إطالة عمر نظام نافع) ؟؟؟؟

المنطق كويس .


#723526 [مهدي إسماعيل]
0.00/5 (0 صوت)

07-17-2013 12:52 PM
سوف نوقع ونبصم بالعشرة أصابع والكفين.

ولكن ثُم ماذا بعد؟ إن قال لكم ولناالمدعو/ نافع "بلوها واشربوا مويتها"؟

هل يُمكن نجاح ثورة سلمية بدون سيسي؟


أفيدونا أفادكم الله!.

مهدي


ردود على مهدي إسماعيل
European Union [مصطفى شفا] 07-17-2013 06:48 PM
والله كلامك يا مهدي عين العقل ---- حيسلموها منو ؟؟؟


#723521 [محمد حجازى عبد اللطيف]
0.00/5 (0 صوت)

07-17-2013 12:46 PM
الخطوه مباركه وان لم تحدث التغيير سوف تؤصل لعمل جماهيرى يكون نواة للحراك الشعبى الذى يفتقد القياده الواعيه -- ولقد سبق ونادينا بهذه الفكره بمقال فى هذا الموقع العامر --بعنوان 6 مليون توقيع للتغيير -- والمهم ان نبدأ --- دمتم


ردود على محمد حجازى عبد اللطيف
United States [AburishA] 07-18-2013 03:36 AM
مع التحية أخ حجازي: كلام في الصميم وأول الغيث قطرة! مش توقيع وبس! لو عايزين سَب جاهزين!!!!


#723512 [يوسف]
1.00/5 (1 صوت)

07-17-2013 12:39 PM
الصادق امل الامة لن يحكمنا غير الصادق....اله اكبر الله اكبر ........نحبك والله يا سيدي لحكمتك ولشجاعتك ولحبك لهذا البلد وانت الوحيد الهمو على البلد دي ..الباقية مجرد لصوص ومرتزقة وسفكة دماء.....الله اكبر ولا نامت اعين الجبناء


ردود على يوسف
United States [عاصم] 07-18-2013 02:20 AM
يا يوسف الصادق شنو و اي امة الصادق املها نعم الصادق ممكن يكون سيدك انت وحدك الصادق احد اللذين اجرموا في حق هذا الوطن كل حقب الديمقراطية ضاعت بسببه هو وهو الذي يتعمد اضاعتها .وبعدين منو السفك الدماء في سنة76 اليس الصادق بتاعك اليس الصادق هو من يشارك في لاالانقاذ بابناءه في العلن وهو بنفسه يحاول انقاذ الانقاذ من مصيرها القادم

United States [متوكل محمد احمد] 07-17-2013 05:56 PM
الله لا جاب باقيك والله ما ضيع البلد إلا الزيك ديل يا راجل خاف الله سيدك الله.. انت من النوع البيبوسو الايادي ضيعتو البلد بجهلكم.. حاجه تحرق الفشفاش

United States [ماهر] 07-17-2013 05:11 PM
لانحب أعمى السلطة والزعامة/ إسمه الصادق ويكذب على الشعب ويمارس الخداع والتقلب في المواقف والحربائيةويعطل كل عمل معارض ويعطل كل شئ يقود للتغيير لصالح النظام الذي خلعه عن الحكم ،تأمل


#723443 [سايكو]
4.75/5 (3 صوت)

07-17-2013 11:26 AM
واحد عمره 70 سنه و مدعي القداسه و الانتماء لبيت النبوه و بعد دا من غير خجل عايز يقلد شأب
عمره 25 !!!!!!
و حتي الاسم غريب و ما عنده اي علاقه بالسودان ( تذكره التحرير )
كمساري اصلو


ردود على سايكو
United States [الضكر] 07-17-2013 02:22 PM
انتي ياجداده الدخلك شنو في الموضوع

شوفي ليك ديك يكاكي فيك

هههههههههههه

Hong Kong [محمد] 07-17-2013 12:32 PM
خلاص الحاقدين الامنجية ظهروا.....ههههههههه


#723438 [ابو محمد]
0.00/5 (0 صوت)

07-17-2013 11:23 AM
يجب ترجمة الصفحة للاهمية !!!


#723435 [elgaily eleaiser]
3.00/5 (2 صوت)

07-17-2013 11:21 AM
وقعنا ونامل من الجميع التوقيع لان الصادق المهدي هو الرجل صاحب جماهير وله نظره بعيده ولايحب ان يدخل السودان فى مشاكل اكثر من الفيها ولذلك دعا للعمل السلمي واسقاط النظام بالعمل المدني والثورة حتي النصر .


ردود على elgaily eleaiser
United States [ماهر] 07-17-2013 05:08 PM
الصادق المهدي منو!؟ إنت الظاهر ماقاعد تشوف رأى الناس فيه، وماقاعد تقرأ المكتوب عنه في المنابر، الراجل ده كل أوراقه انكشفت زمان، والماضي ولى خلاص، قول ليهو شوف ليك بلد تانية في كهوف التاريخ


#723423 [عصمتووف]
0.00/5 (0 صوت)

07-17-2013 11:08 AM
موية الصادق تكضب الغطاس


#723397 [التاج محمد احمد]
5.00/5 (1 صوت)

07-17-2013 10:39 AM
مافى منها صفحه مترجمه عشان نفهم المطلوب بالتفصيل


ردود على التاج محمد احمد
United States [لمتين العوده لسودان] 07-17-2013 04:14 PM
الخطوه الاولي تدخل اسمك
Name
والخطوه البعديها البريد الالكتروني
Email
لو عايز تعلق اي تعليق تنزلو هنا
Comments
و لو عايز اسمك يظهر مع الناس الموقعين اضعط علي المربع ده
Show my name in the online signature list



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة