الأخبار
منوعات سودانية
نجوم X رمضان: الفنانة ريماز ميرغنى «صــورة أقـرب إلى الحقيقة»
نجوم X رمضان: الفنانة ريماز ميرغنى «صــورة أقـرب إلى الحقيقة»
نجوم X رمضان: الفنانة ريماز ميرغنى «صــورة أقـرب إلى الحقيقة»
ريماز ميرغنى


07-18-2013 08:52 AM

حوار: وليد كمال: بعيدا عن الاضواء والنجومية وقريبا من الحياة العادية لكل مبدع ملامحه التي لا يعرفها الجمهور، عبر هذه المساحة نعيد تسليط الضوء على جوانب من شخصية فنانة تمضى بخطى واثقة فى دنيا الفن وما بين إطلالتها الاولى فى برنامج نجوم الغد ومشاركتها فى بعض النسخ السابقة من أغاني وأغاني والذي تغيب عنه هذا العام تظل ريماز ميرغنى واحدة من الأصوات النسائية التي تتمتع بكاريزما فنية تستحق الانتباه ..

رمضان موسم الطاعات
عن ذكرياتها مع رمضان تقول ريماز لازلت اذكر تفاصيل تجربتى الاولى فى الصيام كان عمرى يومها 15 سنة وصمت اليوم حتى النهاية ويومي في رمضان للعبادة واحرص على صلاة الصبح وترتيل القرآن الكريم واحب طبق العصيدة وملاح الروب والنعيمية وسلطة الروب على مائدتى الرمضانية
أم درمان ملاعب الطفولة و طيف الذكريات
محطة الطفولة كانت هى مدخلنا الى عقل وقلب ريماز التى تقول وهى تلاحق طيف الماضى فى اعماق ذاكرتها «أحب مكان عندى بالدنيا هو موطنى السودان ولكل انسان علاقة وجدانية حميمة بمكان ما واجمل تلك الاماكن على الاطلاق تلك التى ترتبط بالميلاد وملاعب الطفولة ومقاعد الدراسة، وكل تلك الاشياء تعنى عندى امدرمان مدينتى وحى الثورة الحارة السابعة الذي عشت فيه طفولتي وقد كانت اطلالتى الاولى على الدنيا فى السادس من ابريل 1987 واسرتى الصغيرة تتكون من والدي وامى وشقيقين اكبر منى « أسامة ومحمد » وشقيقتي الأصغر «رزان».
كل بنت بوالديها معجبة
يرتسم على وجهها كثير من الفرح وهى تجيب على سؤال عن اهم شخص في حياتها «أبى ميرغنى الجاك وامى الحبيبة مواهب سعد» والتي تمثل عندي الام المثالية التي تغمرنا بفيض حنانها وعطفها ورعايتها وهى إنسانة عملية وموظفة مكافحة أرنو إليها دائما بإعجاب وحب ومثل كل بنت أتمنى إن أكون عند حسن ظن والدي وأسرتي.
فن إدارة الوقت والالتزام بالزمن
وتكشف ريماز عن علاقتها بالزمن بالقول «الوقت كالسيف وادارة الوقت نقطة مهمة لدى كل شخص ناجح عدم الالتزام بالزمن والمواعيد يؤدى الى فشل كل الاهداف والطموحات ولاينطبق علي مثل «مواعيد سودانيين» ملتزمة جدا بالوقت واحب ان يكون الآخرون حولى مثلى.
برج الحمل ورقم الحظ 4
هل تؤمن ريماز بالصدفة والابراج والحظ؟
ـ تفكر برهة قبل ان تقول «انا من مواليد برج الحمل ولكن ذلك لايعنى قناعتى بالتنجيم، الصدفة لعبت دوراً فى حياتى، اختيارى للمشاركة فى برنامج أغانى وأغانى كان صدفة جميلة واتفاءل بالرقم 4 الذى ارتبط بحدوث الكثير من الاشياء المهمة فى حياتى.
اللون والأزياء والميك أب
اختيار الأزياء فن كيف تتعامل معه؟
ـ تجيب: «أحب اللون الأخضر وفلسفتي في اختيار ازيائى تقوم على ارتداء ما يناسبني ملابس محتشمة، تستهوينى فساتين السهرة والكجوال العادى في البيت واهتم بالاكسسوارات و الميك اب والنيو لوك مهم بالنسبة لي كفنانة.
نقطة ضعف وعيوب
تكشف عن نقطة ضعفها بالقول «الكمال لله» ولكل واحد منا عيوبه نقطة ضعفى ان دموعي تنهمر بسرعة عند الغضب وابرز عيوبي العصبية والعناد فى حالة الغضب افرح عندما أحقق نجاحا واحزن للغاية بفقد الأحبة والأعزاء وأخاف دائما من الفشل وحكمتي «من اشتغل بالناس مات هماً».
هوايات وأغنيات وأسفار وأحلام
تختزل ريماز هوايتها في مشاهدة المسلسلات التركية على شاشة ام بى سى 4 والاستماع إلى رائعة الراحل خليل اسماعيل الامانى العذبة واحب قصائد الشاعر سيف الدين الدسوقي وقصيدة عندي كلمة أحب أقولها واشجع فريق الهلال وتحب الإسفار وتحلم بتحقيق النجاح فى مجال تخصصها المختبرات الطبية.


تعليقات 4 | إهداء 0 | زيارات 11914

التعليقات
#724566 [حامدين]
1.00/5 (1 صوت)

07-18-2013 05:28 PM
انتوا الواحد فيكم لا برحم ولا يخلى الرحمة تنزل .الناقد زى الحاقد والمادح فيكم زى المكسر اصلو ما بعجبكم شئى والبعجب تختوا فى الواطه .حكمة والله وحكاية


#724555 [عمر]
0.00/5 (0 صوت)

07-18-2013 05:13 PM
والله البنية جميلة ورقيقة وانا حبي اغانيها وياريت تقبل بي زواج على سنة الله ورسوله


#724062 [أبو النور الفاضل حسن]
2.00/5 (5 صوت)

07-18-2013 09:57 AM
في غاية الجمال والعذوبة، أسأل الله أن يهديها ويرزها رجلا صالحا يقودها إلى بر الأمان ودار السلام


#724055 [سايكو]
3.00/5 (3 صوت)

07-18-2013 09:48 AM
اول مره صامت و عمرها 15 !!!!!!
يعني بالفهم دا تلقاها لهسا تكون ما قادره تصوم الشهر كله ، ياخي الناس بتعلموا الصيام قبل ما يبلغوا يعني من 7 سنه لي 12 سنه و الواحد لما يصل ال 15 بكون بلغ و بكون بصوم ليه كم سنه ، بعدين رماز دي ما فنانه زأتو اغأني ما عندها اصلا و ما بتستحق يعملوا معاها حوار صحفي و قومه و قعده ، دي لو ما الثقيل الاسموا السر قدور بصر عليها ما كان في زول عرفا


ردود على سايكو
[محمود ابو المروة] 07-19-2013 01:07 AM
مصري بحكي لي مصري نكتة حكاها ليهو سوداني عجبت المصري الحكوها ليهو شديد قعد يضحك قاليهو متاكد حكاها ليك سوداني
قال ليهو ايو
قال ليهو اولاد الكلب جاعو
ههههههههههههههههههههه
والله تعليقات ناس الراكوبة دي تفطس الواحد بالضحك
شكل الجوع ولد ابداعنا زي المصريين

United States [ابو السيد] 07-19-2013 12:37 AM
رماز رجوك ما تشتقلى بكلام الناس الحاقدين ديل ومثل هؤلا البشر ربنا جعلهم يحطمو البداع والمبدعين الزيك ولذلك لازم تتمسكى بحكمتك (من اشتقل بالناس مات هما )

United States [كلام يا حسن دكام] 07-18-2013 06:16 PM
ياخي الزول دا ما حصل يوم علق تعليق بتاع زول عند صفاء ونقاء مع نفسه.. من القال ليك ما بتستحق يعملوا معاهو حوار.. يعني البستحق يعملوا معاهو حوار منو؟؟!!! انت؟؟؟؟!! ياخي ما تقوم تلف قرفنتنا والدنيا رمضان.. واللهم اني صائم

United States [جردل الآبري] 07-18-2013 05:06 PM
وإنت هسه لو فتشناك بنلقاك إتعديت الخمسين وجااااالدو ..

[مبالغة] 07-18-2013 03:25 PM
يا سايكو خلى بت الناس فى حالها.السر قدور الشين.

United States [الشاكوش] 07-18-2013 12:53 PM
وللناس فيما يعشقون مذاهب ......يا أخي اتقي الله كونها تصوم وعمرها 15 هل هي القضية لتنبري للكتابة عنها بصراحة أشك في انك صايم لان الصيام يهذب النفس البشرية وما كتبته بعيد عن التهذيب وحسن الحوار والرأي والرأي الآخر ... ثم تقول (بعدين رماز دي ما فنانه زأتو اغأني ما عندها اصلا و ما بتستحق يعملوا معاها حوار صحفي و قومه و قعده ، دي لو ما الثقيل الاسموا السر قدور بصر عليها ما كان في زول عرفا )يا أخي ألم تجد إلا هذه الفنانة.. القنوات مليانة وكلها بالكريمات وألوان التياب الملونة زي أغنية الفنان عبد العزيز المبارك ( أحمر أخضر أصفر زي شفق المغارب )
بالمناسبة ... والله العظيم لا أعرف هذه الفنانة ولكن كلماتك بصراحة مؤلمة وجارحة وغير مقبولة .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة