الأخبار
أخبار إقليمية
حزب البشير : الخرطوم آمنة ويجب التبليغ عن أي تحركات مريبة داخل الأحياء
حزب البشير : الخرطوم آمنة ويجب التبليغ عن أي تحركات مريبة داخل الأحياء



المخذلين والطابور الخامس يمدون المتمردين بالمعلومات
07-19-2013 09:54 AM
الخرطوم: بكري:

وجه المؤتمر الوطني انتقادات حادة للحركات المتمردة ووصف مساعيها لتقويض الأمن والاستقرار بالبائسة مشيراً إلى أنها درجت على الهجوم على المواطنين وترويع الآمنين في عدد من المناطق بكردفان، وطالب الوطني المواطنين بأخذ الحيطة والحذر والتبليغ عن أي تحركات مريبة من أي مجموعات داخل الأحياء وخارج الخرطوم، وقال إن المخذلين والطابور الخامس يمدون المتمردين بالمعلومات من أجل استهداف المدن للكسب والإثارة الوقتية.

وأكدت د.انتصار أبوناجمة أمينة المرأة بالمؤتمر الوطني في تصريح - أن دعوة رئيس لجنة التعبئة والاستنفار بالبرلمان للمواطنين للإبلاغ عن أي تحركات مريبة من أي مجموعات تأتي في إطار التوعية وأخذ الحيطة والحذر في ظل الاستهداف من قبل المتمردين،لكنها أشارت إلى ثقتهم في تأمين الأجهزة الأمنية بالخرطوم وكافة المدن بالبلاد. وشددت انتصار على ضرورة التبليغ عن أي تحركات وإن كانت صغيرة للأجهزة الأمنية.

اخر لحظة


تعليقات 15 | إهداء 0 | زيارات 2613

التعليقات
#725475 [الصوت]
0.00/5 (0 صوت)

07-20-2013 09:22 AM
زمان في الابيض في بار اسمه بار ابو ناجمه يا ربي دا يكون ابوها ؟؟؟؟؟؟؟؟؟


#725387 [شطة خدرا خدار]
0.00/5 (0 صوت)

07-20-2013 02:26 AM
يا سبحان الله هي بالله الزولة دي آخيرا طلعت كوزة د. إنتصار أبوناجمة أنا بعرفها و هي أستاذة علم النفس بجامعة الخرطوم بس ما كنت قايلها كوزة عفنة أتاريها راضعة الخسة و الدناءة من أساتذتها بروفيسور الزبير بشير طه و الدكتور كبشور كوكو و هم أساتذة في جامعة الخرطوم في نفس القسم سبحان الله العلي العظيم


#725380 [عاصم]
0.00/5 (0 صوت)

07-20-2013 02:00 AM
نبلغ ليه نحنا قاعدين نسرق معاكم والله عجيبه نحرسكم عشان تسرقونا ماقلتوا الخرطوم آمنه مش كده د.الخضر يلا اكلوا ناركم واقيفوا واركزوا ما تهربوا لا بنبلغ و لا حاجه داهية تاخدكم وتريحنا منكم زبالة


#725327 [zangazanga]
0.00/5 (0 صوت)

07-20-2013 12:05 AM
نحن لو كنا نبلغ على واحد عايز يقتلكم نكون خلايا نايمة كيف دى يوم المنى إنشاء الله يطلعو زيتكم وإنتو نايمين كما أخذتوها ونحن نيام نبلغ قالو أديتونا شنو معاكم مال بترول وأكلتوه براكم شيلو شيلتكم خلونا نايمين وتعالو مرحب بيكم يا حركات قشة ماتعتر ليكم قشوهم من الخرطوم نرتاح من بلاويهم بلا مؤتمر وطنى بلا وسخ
أخخخخخخخخخخخخخ


#725225 [متفلت]
0.00/5 (0 صوت)

07-19-2013 08:16 PM
انا ملاحظ الايام دي في حلتنا تحركات مريبة لاطفال يافعين بالكاكي داخل مدرسة يكون دا درس عصر عن الوطنية


#725161 [maaz]
0.00/5 (0 صوت)

07-19-2013 05:25 PM
انتو اسرقو ونومو ونحنا نحرسكم ماشاء الله
الله لا يجيب باقيكم


#725154 [تفتيحة لمن فضيحة]
1.00/5 (1 صوت)

07-19-2013 05:14 PM
بلاغ... أنا ملاحظ اليومين تحركات مامفهومة لبعض الجماعات في منطقة كافوري وشكلهم كدا (شذاذ آفاق) أعملوا حسابكم... بالذمة مش معلومة خطيرة؟ يلا أدونا حقنا..


#725134 [القادم احلي]
0.00/5 (0 صوت)

07-19-2013 04:40 PM
نحنا شغالين نجند للجبهه الثورية وحمدآ لله الصفوف أمتلأت وأنشاءالله نأتيكم برجال يحبون الموت كما تحبون الحياة وأنتظروا الشعب يحرسكم ياحرامية يامجرمي العالم


#725094 [جارسيفو]
0.00/5 (0 صوت)

07-19-2013 03:17 PM
السودان ده خلاص بقى الخرطوم بس ولا قصدكم حماية ارواحكم المنافقيين الفاسدين


#725089 [جارسيفو]
0.00/5 (0 صوت)

07-19-2013 03:15 PM
الخرطوم الان بها ثلاث كتائب من جيش التحرير وقال الخرطوم امنة


#725042 [Petro]
0.00/5 (0 صوت)

07-19-2013 02:00 PM
الشعب يراقب ليكم بدون مرتب !! ادوهم نفس قروش ناس جهاز الأمن ( ما كلوا مراقبة )


#725024 [خال البنيات]
1.00/5 (1 صوت)

07-19-2013 01:29 PM
لكنها أشارت إلى ثقتهم في تأمين الأجهزة الأمنية بالخرطوم وكافة المدن بالبلاد. وشددت انتصار على ضرورة التبليغ عن أي تحركات وإن كانت صغيرة للأجهزة الأمنية.
نان انتي يا بت ابو ناجمه وكت واثقه في تامين الاجهزه الامنيه مالك متلتله المواطنين ؟ اقعدي كضبي علي روحك لاكين ما تحاولي تكضبي علينا لاننا عارفين و انتو عارفين انكم قريبات دي ماشين الكوشه


#724928 [أبو أمين]
0.00/5 (0 صوت)

07-19-2013 10:59 AM
بالله دا كلام تطالبوا المواطنين بالمراقبة وجهاز الأمن شغل شنوا بس إيقاف إصدار الصحف وملاحقة الشرفاء وحمايت امبراطورية أخون البشير و وداد المالية .وتاكدوا أن الشعب لو شافكم في النار بذيدكم حطب


#724900 [سايكو]
5.00/5 (1 صوت)

07-19-2013 10:23 AM
انتوا الا بتطمنوا في روحكم ساي يا انتصار ، الخرطوم ما امنه و لاحاجه و قريب انشأء الله بجوكم بس انتوا اثبتوا و ابقوا رجأل و ما دام الحكايه جهاد و البموت منكم بخش الجنه يبقي خلاص يا بني كوز لما اسود الجبهه الثوريه يدخلوا الخرطوم حاربوهم و احنا ها هنا قاعدين ، لكن ممكن نحرس ليكم نسوانكم و قروشكم و عماراتكم و كده نكون ما قصرنا ابدا معاكم يا انتصار .
كسره : انتصار ابو ناجمه دي جأبوها من وين كمان ؟؟؟؟؟؟


ردود على سايكو
United States [nagatabuzaid] 07-19-2013 01:38 PM
كسرتك انما هى كسرة انا ذااااتى كنت بسال دى طلعوها من وين ياما فى الجراب يا حاوى

والملاحظ ان المخلوات الكوزية عندهم اسماء ما سمعنا بيها ابو ناجمة وعلى وزنها ياربى

دى اسماء حقيقية ولا قاطعنها من راسهم ولا ناس الانتكاس بجمعوا الاسر ذات الاسماء النادرة ؟ هى

هى ذااااااتا حكومة نادرة فى بت ام روحها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة