الأخبار
أخبار إقليمية
كرسني : " لولا توجيه قوش لنا وهو في المعتقل بضبط النفس، لتمردت المنطقة على المركز".
كرسني : " لولا توجيه قوش لنا وهو في المعتقل بضبط النفس، لتمردت المنطقة على المركز".
كرسني :


قوش : الاستقرار والتنمية لا يمكن ان يتحققا الا في ظل حوار مع الحركات المسلحة والأحزاب السياسية المعارضة
07-20-2013 07:27 AM
الخرطوم- طارق عثمان


عاد الجدل الى الخرطوم بعد إطلاق سراح مدير جهاز الأمن والاستخبارات الوطني السابق الفريق أول صلاح عبد الله قوش إثر كشفه ان عملية الإفراج عنه تمت بوساطة قيادات الدولة، ما يؤكد أن العملية نتجت عن ضغوطات خارجية. ولم يتوان قوش في الوعيد بكشف ملفات عديدة، متهما مجموعات في السلطة بالسعي إلى إفشاء الخلافات بينه و الرئيس عمر البشير على خلفية اتهامه بالتخطيط لمحاولة انقلابية.

ودخل قوش في صراع علني مع مساعد الرئيس السوداني نافع علي نافع وشن هجوماً عليه من خلال الإذاعة السودانية، حيث اتهمه بالتدبير لسجنه ووصف اتهامه بمحاولة الانقلاب على السلطة بانه «مسرحية سيئة الإخراج ومثيرة للضحك وتدعو للبكاء». وقال انها «مؤامرة تستهدفه بدافع الغيرة والحسد»، كما اتهم «الإنقاذ»، قائلا: «لا شك ان إخواننا تقمصهم شيطان الفتنة وسعوا بالنميمة الى الحكام».

ملفات قوش

من جانبه، يقول رئيس اللجنة العليا لاستقبال مدير جهاز الأمن والاستخبارات الوطني السابق، الذي عاد إلى معقله، محمد الأمين كرسني انه «لولا وعي مواطني الدائرة 5 القومية لشهدت المنطقة تمردا شرساً، ولولا توجيه قوش لنا وهو في المعتقل بضبط النفس، لتمردت المنطقة على المركز».

ويري مراقبون ان الفريق قوش استطاع ابان توليه رئاسة جهاز الأمن والاستخبارات الوطني السابق ان يبني قاعدة علاقات إقليمية ودولية كبيرة من خلال إدارته لملفات خطيرة ارتبطت بأحداث دولية وإقليمية مثل الحرب التي شنتها الولايات المتحدة على الإرهاب، وما قدمه من تعاون كان رصيدا له لبناء علاقات صلبة مع واشنطن. كما ان مساهمته في إدارة أزمة التفجيرات الإرهابية لسفارتي الولايات المتحدة في تنزانيا وكينيا، تشير إلى تمدد علاقاته القوية مع عدد من النافذين في بعض الدول العربية والكثير من الدول الأفريقية.

مقترحات إصلاحية

ويؤكد قوش انه يحمل رؤية إصلاحية لحلحلة الأزمة السودانية قدمها لمؤسسات حزبه المؤتمر الوطني الحاكم خلال الفترة التي سبقت اعتقاله، «غير ان تلك المقترحات ظلت في طي الأدراج داخل مكاتب الحزب»، على حسب قوله، حيث يرى ان أساس الأزمة السودانية «يتمثل في الاستقرار والتنمية، ولا يمكن ان يتحقق ذلك الا في ظل حوار شامل منفتح وشفاف مع الحركات المسلحة والأحزاب السياسية المعارضة». مفتاح الحل

يعتبر مدير جهاز الأمن والاستخبارات الوطني السابق الفريق اول صلاح عبد الله قوش ان الأمين العام للحركة الشعبية- قطاع الشمال ياسر عرمان هو مفتاح عقدة التوتر بين دولتي السودان، على اعتبار انه ما يزال الاكثر تأثيرا على قيادات الحركة الشعبية في الجنوب.

البيان


تعليقات 40 | إهداء 0 | زيارات 12018

التعليقات
#726149 [مواطن بالنظر]
0.00/5 (0 صوت)

07-21-2013 09:21 AM
البلد تتقدم كيف اذا كان مسئوليها بهذا القدر الكبير من الزبالة...ال لا لدنيا قد عملنا


#726121 [ركابي]
0.00/5 (0 صوت)

07-21-2013 06:07 AM
لا حول ولا قوة الا بالله العلي العظيم ...الانقاذ الظاهر جات عشان تطلق فينا شياطين الجهوية والعنصرية ..........
افديك بالروح ياموطني(عثمان حسين) بلادى سهول بلادى حقول بلادى الجنه للشافوها أو للبره بيها سمع بلاد ناسا تكرم الضيف حتى الطير يجيها جعان ومن أطراف تكيها شبع (اسماعيل حسن
) والله نحن مع الطيور المابتعرف ليها خرطه ولا فى ايدها جواز سفر (مصطفي سيد احمد) باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم (حميد)
الدراسات الافريقية والجامعة الاهلية(انجازات بروف محمدعمر بشير) ...السفير الكويتي اتأخر عن مواعيدو قام لغي ليهو المقابلة(وزير الخارجية احمد خير)

ديل الشايقية البنعرفهم لكن مين صلاح قوش والكرسي وله الكرسني ده؟؟؟؟؟


#726014 [hgahdrn]
0.00/5 (0 صوت)

07-20-2013 11:57 PM
كذاب تمرد شنو يا كرسنى


#725997 [حامدين]
0.00/5 (0 صوت)

07-20-2013 11:20 PM
يا بيكو ياخى انت راجل عاقل كما عهدناك فى تعليقاتك الماضية التوتسى الهوتو اذا مالية عينك نحنا العكس تماما اها ريك شنو


#725964 [abou donia]
5.00/5 (1 صوت)

07-20-2013 09:46 PM
هو البلد عِدمت رجال إلا هاؤلاء وأؤلئك ؟ هاتو بست الزين وست الشاي وست الدار وست البنات ليحكمونا نحن قلة الرجال وصعاليك السياسة والرياضة . كفانا مهزلة بس المشكلة سياستنا الحالية وراها تلكم السيدات وهن الائي بقصصن كل صباح مذكرات اليوم لبعولتهن لينفذوها علي رقابنا ورقاب الجابونا


#725956 [musa]
0.00/5 (0 صوت)

07-20-2013 08:55 PM
لوعندكم وروية زول زى دا مابصل الخرطوم يا مرتزقة زول حرامى وزل قاتل اعوذ باللة ~ مالكم كيف تحكمون ~مالكم كيف تعقلون صدق اللة العظيم ياوجعى على السودان ناس رمم ناس متخلفة ناس انانية ناس حرامية هولاء هم الذين يحكمون السودان الان اللة يرحم الشريف


#725948 [انصاري]
5.00/5 (2 صوت)

07-20-2013 08:10 PM
في سبيل قصرنا في سبيل نهبنا، ما لآخره قد عملنا نحن للدنيا فداء، الهنبتا عزتا والسرقة شيمتنا، فأنظروا كيف كنا وإنتقلنا كحلم صرنا فوق فوف وإتلمعناو نحن للدرهم فداء أو تسيل كل الدماء... نوري تنوري...


#725947 [حامدين]
5.00/5 (1 صوت)

07-20-2013 08:07 PM
يادارة الراكوبة الموقرين بعد احترامى العيق


والله انا لا احب الجهوية والنصرية البغيصة التى حاربها ديننا الحنيف وهى كما تعلمون هى يسودها بها هذا الشرزمة الجاثمة على صدورنا والتى سوف تسبب شتاتنا ان لم نتداركها سويا ونضع الوطن اولا فى حدقات العيون وكما قالها العبادى سابقا يكفى النيل ابوناالجنس سودانى كذالك اسماعبل حسن وا اسفاى لو ماكنت سودانى ولكنى انبرى لامراض النفوس فاقدى الحس الوطنى الذين يلوكون النصرية بحقد اتجاه فئة معينة او قبيلة حيث اراكم تحبوا ردنا لهؤلاء الناقصين الحاقدين ليس الا ما دمتم تسمحوا يدلقوا امراضهم ودنيتهم التى تولد احقادهم سمحوا لنا كذالك الرد


#725943 [الجن الارقط]
1.00/5 (1 صوت)

07-20-2013 07:56 PM
و الله جنس ابتزاز يا الكرسنى ما كلكم اونطجية يا مؤتمرجية.


#725917 [حامدين]
5.00/5 (1 صوت)

07-20-2013 07:01 PM
المدعو المثقف جدا انت مسخف جدا كدى الطنبور الواجعك لمن مدخن بيك دا خلى الشايقية اهل عسكرية من امد ولاترجع للتاريخ ولاشى اهسى بلدك السجموها دى شوف نسيةالمنتسبين فى القوات النظامية افراد وضباط تلقاهم ناس الطنبور ديل ذااااااتم شحما ولحما وزى ما بعزفوا الطنبور بعزفوا بالبندقية نحنا حريمنا امثال فخر الوطن مهيرة ..ابكوا بس


#725895 [Mohammed Ahmed Mustafa]
0.00/5 (0 صوت)

07-20-2013 06:34 PM
They all know who Yasir Arman is but they deny that sometimes. Our leaders can solve Sudan problems and we can be in the top the world. What is not there in Sudan. We are rich. What we need is transparency. All Sudanese people should sit down and forget the past and begin from now onwards. Please think of that


#725871 [حامدين]
5.00/5 (1 صوت)

07-20-2013 05:59 PM
يا نعانجى ال21 ضابط واعدموهم رمضان وقبايل العيد ديل ارنقوط ولا ابتاش استفر الله اللهم ان صائم يظهر انك من الذين يشعرون بالدونية والله انت كيسك فاااااااضى امشى قراء التاريخ كويس بعدين تعال علق وقول ليك انزل لمستواك وانا كاره المابتلحقوا جدعوا والقمة دائما مستهدفه




واخوى ود الاسكافى السواى ماااااااا حداث وقول ليك بس طير اصل السماء حتى القمر دليهو وكت نتلاقى كل زول بعرف اليهو







.


#725839 [المتجهج]
1.00/5 (1 صوت)

07-20-2013 05:20 PM
الله في


#725818 [المثقف جدا]
4.25/5 (5 صوت)

07-20-2013 04:37 PM
.


ردود على المثقف جدا
[ود بارا] 07-20-2013 06:52 PM
ورينا عنوانك واسمك الكامل واحلق شيشتك وخليك جاهز ..عشان نوريك نحن منو ..يا باطل ...

United States [Loae] 07-20-2013 06:51 PM
دعوها فانها منتنه ايها "المثقف"

United States [عصام دبلوك] 07-20-2013 06:16 PM
وحالتك مثقف جدا سبحان الله !!يامعتوه امشي اقرأ التاريخ كويس يعدين تعال اتكلم واعرف مهيرة كان دورها شنو ياجاهل ولا احكي لينا سبب عقدتك من الشايقية شنو وفرق ياوهم مامعنى انو قوش شايقي كل الشايقية معاة وفي من سجنهم واعدمهم قوش من الشايقية وحتى لو ماشايقي يكفي انو سودانى حتى نستنكر تعذيبه ولن يشفع لقوش شايقيته وعلي السادة ادارة الراكوبة عدم نشر مثل هذا التعليقات الجارحة التى تسيء لاي قبيلة ومحاربة اى نهج يفرق او يدعو لقبلية نريد للراكوبة ان تكون راكوبة يستظل تحتها كل السودانيين وليست منبرا للشتم والسب الرخيص كمثل هذا التعليق وصاحبه المعتوه


#725811 [مدحت عروة]
5.00/5 (3 صوت)

07-20-2013 04:18 PM
وكذلك بنى قصرا منيفا وله ارصدة متلتلة فى البنوك !!!!!!
انتو يا ناس السودان قايلين ناس الحركة الاسلاموية التافهة الحقيرة جو عشان ينقذوا السودان هؤلاء المشاطات ديل جو عشان ينقذوا نفسهم فقط وقالها كمال عمر قبل كده !!!!!!!!
والله السيسى ارجل راجل فى الوطن العربى وبعد كده حماس وكيزان مصر ياكلوا نيم!!!!!!


#725786 [ود الباشا]
0.00/5 (0 صوت)

07-20-2013 03:56 PM
انت المدعو بعانخى 21 ضابض ديل ولاقوا الموت بثبات الرجلا ديل كان لبنانين امشى اقراء التاريخ واعرف كويس بعدين تعال علق انت نظنك من الذين يشعورن بالدونيه قطع شك اخيرا انزل لمستواك وانا كارة واقول ليك المابتلحقوا جدعوا ودايما القمة مستهدفة








اخوى ود الاسكافى السواى ماااااا حداث واقول ليك بس طير اصل السماء حتى القمر دليهو وكت نتلاقى كل زول بعرف اليهو


#725783 [Adam Ibrahim]
0.00/5 (0 صوت)

07-20-2013 03:52 PM
كلام قوش فى آخر المقال فيه قدر كبير من الحكمة.. الاستقرار والتنمية تتطلب الحوار الشامل والشفاف مع المعارضة سلمية ومسلحة.. وصفه لياسر عرمان بانه مفتاح الحل لعقدة التوتر بين شطرى البلد وفعلاً فى آخر ايامه بمستشارية الامن بدأ بفتح قنوات حوار مع قطاع الشمال وبعض الاحزاب.. يعنى مقترحاته الاصلاحية دى برضو كان بتودى البلد خطوة لقدام.. الراجل برضو طلع افهم من ناس كتار فى حكومة الهم والغم..


#725757 [ودالشريف]
0.00/5 (0 صوت)

07-20-2013 03:30 PM
كل ما يعنينى ماقاله المدعو الكرسنى بانه المنطقة كانت ستتمرد على المركز اذا لم يطلق سراح قوش هذا الرجل كاذب والدائرة 5 لاتهتم لامر قوش لانه سجن وعذب الكثير من ابناء الدائرة واقول لهذا الكرسنى انت واهم وسيدك قوش واهم وقوش وصمة عار في جبين ابناء مروى الاصالة مروى المرءة مروى الشموخ مروى الكرامة اما انت وقوشك فحتما الى مزابل التاريخ وهى مكان الخونة والجبناء والفاسدين


#725747 [kalifa ahmed]
5.00/5 (1 صوت)

07-20-2013 03:17 PM
(( «لولا وعي مواطني الدائرة 5 القومية لشهدت المنطقة تمردا شرساً، ولولا توجيه قوش لنا وهو في المعتقل بضبط النفس، لتمردت المنطقة على المركز».))..... من هم أبناء المنطقة اللذين س يتمردوا وعشان شنو ياك**مك !!! عشان ندافع قصر قوش ال في الخرطوم ولا عشان نحمي ملايين الدولارات المنتفخ في بنوك دبي!!!! استحي ياود الكرنسي بامنافق ولا تضيع سمعت أهلك وأسرتك بمثل هذه التصريحات التافة الخائبة والتي لا أساس لها ...نحن أبناء المنطقة ونعرف ما يدور فيها حلة حلة!!!!


#725724 [الصليحابي]
5.00/5 (3 صوت)

07-20-2013 02:55 PM
أولا نهنئ الشعب المصري على إنقاذ مصر وسحب البساط من تحت أقدام تجار الدين الكذابين المنافقين ، لكن مهما كانت سوءات إخوان مصر وموبقاتهم فلن يستطيعوا منافسة إخوان الشياطين في السودان ، وإليك القليل جداً من إنجازاتهم الفاشلة التي يفتخرون بها :
1- قتلهم أكثر من مليون نفس من إخواننا الجنوبيين في حرب كاذبة سموها جهادية
2- تشريد أكثر من 3 مليون مواطن جنوبي وجعلوهم يهيمون في كل بقاع السودان وخارجه
4- التفريط في وحدة أرض السودان وتقسيمها لدولتين حفاظا على كراسيهمومصالخهم الشخصية .
5-إزهاق أكثر من 300 ألف نفس مسلمة من مواطني دارفور وإشعال حرب قبلية أحرقت الحرث والنسل والشجر والحجر . وتهجير تشريد أكثر من 3 مليون أسرة وحصرهم في معسكرات حرب .
6- قتل آلاف وآلاف من مواطني جنوب كردفان والنيل الأزرق وأصبح معظمهم لاجئين داخل السودان ودولة جنوب السودان
7- إعدام 28 من ظباط القوات المسلحة الكبار، وأكثر من 150 جنديا برتب مختلفة في نهار رمضان بتهمة الإنقلاب على الشرعية الخاصة بهم
8- قتل بلا هوادة لمواطني كجبار وبورتسودان ونيالا
9- تجييش جميع الشعب السوداني لمقاتلة بعضهم البعض باسم الحفاظ على وحدة الوطن وحماية الشريعة والمكتسبات كذبا وافتراءً
10- نهب وسرقة خيرات الوطن - تدميرالخدمة المدنية والعسكرية والشرطية والقضاء . وتدمير وبيع أصول مشروع الجزيرة والرهد، والسكة حديد ، والنقل البحري ، والنقل النهري ، والفنادق الحكومية والمستشفيات ، والميادين والساحات العامة والخطوط الجوية السودانيةو..............)
11- اثقلوا كاهل المواطن بالضرائب والجبايات التي ما أنزل الله بها من سلطان ، كذبا وبهتانا( ضريبة الدفاع والشرطة والفضائية والشهيد والتعليم ودعم القوات المشلحة و.............)
12- نشروا ورسخوا ثقافة القبلية والعنصرية والجهوية والقتل والاغتصاب والتعذيب بأدوات القرون الوسطى وبالتالي دمروا نفسية المواطن السوداني وأصبح جسدا بلا روح
13- أدخلوا مفردات ما كنا نعرفها ولا آباؤنا منذ أن أوجد الله السودان ( عرس الشهبد ، الجنجويد ، أبو طيرة ، مال مجنب ، فقه السترة في إدارة الدولة ، نظامي ، بيوت أشباح ، اغتصاب ، لحس الكوع ، شذاذ آفاق و............ )
الأخوة الأعزاء الكرام أرجو تكملة إنجازات المؤتمر اللاوطني الفاشلة في جميع مناحي الحياة

خــاتمـــة:
أحد الظرفاء المصريين من شباب ثورة الإنقاذ المصرية يقول لزميله السوداني ( حكومتكم ليها 24 سنة تنقذ فيكم ولسة إنتو صابرين عليها ، لكن نحن أنقذنا مصر في ليلة واحدة )


#725708 [صلاح عباس]
0.00/5 (0 صوت)

07-20-2013 02:40 PM
من اين له بهذا القصر في بلاد ينهش لحمها الفقر !!!!!!!
في يوم حساب امام الخالق وسوف تسال انت ومن معك المتكئبن علي فقه الضرورة


#725707 [ود كبوش]
0.00/5 (0 صوت)

07-20-2013 02:39 PM
ود قنيب محمد الامين كرسني ليس من عرب نوري


#725703 [سعد البركلي]
0.00/5 (0 صوت)

07-20-2013 02:36 PM
شوف الوضع في السودان معقد كيف
شوف قوش بيعض اليد الي ساعدته

كان يبكي في السجن وعندما عفا البشير عنه تنكر وتفرعن
هؤلاء هم اهلنا الشايقيه --- يتمسكنوا حتي يتمكنوا
تخلخلوا في عظم الدوله فوصلنا لهدا الانهيار المريع

لماذا لم تتمرد المنطقه عندما قتلت الانقاذ ابنائنا في انقلاب رمضان المعروف
يمكن عشان الغالبيه ما من الشايقيه
شوف الوضع معفن كيف
الله يوديكم في داهيه يا انقاذ يا مؤتمر يا لا وطني يا حراميه


#725647 [ود الاسكافي]
0.00/5 (0 صوت)

07-20-2013 01:40 PM
الكرسني قائد مليشيا كريمي التي اسسها قوش يستعرض .الجماعة ديل شبعوا واليشبع يقول بعععأأأع.اطلعوا بره طالعونا عشان تتحتوا حت يا باشبوزق....


ردود على ود الاسكافي
[ود بارا] 07-20-2013 06:50 PM
يا سلام عليك يالاسد النتر ...طيب ما تقوم وتخلصنا من الحكومة وتكسب اجر فى رمضان ده يا يونس ود الدكيم ؟؟؟
قوم شوف ليك جزمة اضربا ورنيش.... بلا يخمك ...

United States [ود اب زهانة] 07-20-2013 06:24 PM
صحي انت اسكافي ابن اسكافي بدليل اللي كتبته ده من رف الجزم وانت من عشان يطالعوك ابقي راجل وقوا عشان نردمك صاح هذا زمانك يامهازل


#725642 [الكنزي]
5.00/5 (1 صوت)

07-20-2013 01:38 PM
بالمنطق سكان المنطقة اصحاب الدائرة 5 كان الاجدر ان يتمردوا علي قتل ابنائهم سنة 90 مش علي حبس قوش قال كرسني بلا عرب نوري بلا عفن )

----------------------------------------------------------------- و

و الله انا زاتي قلت كدة ...... لانو الجرس و الاحقاد و الخبث و اللؤم الموجود في الشخص الاسمو قوش دا من النادر ان يتوجد في انسان الشمال (ناس الطين و الاصل من القبائل النوبوعربية كان دناقلة او شايقية او جعليين او محس .... )


#725638 [جركان فاضى]
0.00/5 (0 صوت)

07-20-2013 01:34 PM
لما اشتد العذاب بقوش فى السجن بكى عديل واتجرس...فقام البشير باطلاق سراح الجرسة...وعندما اطلق صراحه خرج باكيا ايضا...قال كانت الدائرة تتمرد على المركز....من اجل ماذا ؟ من اجل راجل جرسة وبكاى


ردود على جركان فاضى
[كاك] 07-20-2013 03:50 PM
قوش بكي واجرس في السجن لكن نخنانجرس ونحنا بره والواحد لمان شيوف ليه بتع امن حتي عسسكري ساكت يوم فكيك مفروض نخجل من نفسنا ونسكت ساكت


#725637 [ابوسآبق]
0.00/5 (0 صوت)

07-20-2013 01:34 PM
«لولا وعي مواطني الدائرة 5 القومية لشهدت المنطقة تمردا شرساً»

السوآي مو حدآث .


#725600 [شوكة الحوت]
5.00/5 (1 صوت)

07-20-2013 01:05 PM
هذا الرجل الضلالي شبّه نفسه بسيدنا يوسف، عليه السلام، وخصومه - أمثال نافع الطيرة - بإخوة يوسف!!! طيب، لو افترضنا جدلاً بأنك يوسف، فمن هو عزيز مصر، ومن هي إمرأة العزيز، يا معفن!!


ردود على شوكة الحوت
United States [ديموقراطية] 07-20-2013 10:06 PM
هههههههه هاي حلوة


#725583 [semba]
0.00/5 (0 صوت)

07-20-2013 12:38 PM
الى ماذا ترمى ايها القوش الم يكفى ملايين اليتامى والمشردين شمالا وجنوبا وشرقا وغربا .


#725580 [الـســيــف الــبــتــار]
5.00/5 (1 صوت)

07-20-2013 12:34 PM
اين كنت عندما قامت الشرطة بمحاصرة التظاهرةالسلميه التى تحمل رسالة الى الوالى مطالبة بالافراجعن بوش بتاعكم و اكلوا ضرب وذله و اهانه وتفرقوا و كأن شيئا لم يكن ؟
ولعلمك امريكا لديها خطوط حمراء وخصوصا اى عميل قدم معلومات قيمه ومهمه ساهمت فى حفظ الامن القومى الامريكى والمواطن الامريكى يساوى جماعه من الرجرجه و الدهماء ؟
لو كان هذا المغفل النافع قوش رجل المخابرات الامريكيه الذى يمتلك شفرات سريه لاى عمل نفذ فى افؤيقيا او الوطن العربى لم يستطع النظام الوثنى باعتقاله و يقبع فى المعتقل سبعة اشهر و سبعة عشر يوما ؟
لكان الامريكان مارسوا ضغوط دوليه و امميه من أجل صراحه وعلى اسوا الفروض تأليب الراى العام ضد النظام و حقوق الانسان و هذا يسبب ارباكا للنظام مما يعجل باطلاق صراحه ؟
هذا القوش ن النوع الرخيص وما عنده كرامه و يعمل لمصلحته فقط من أجل المال و السلطه و الصعود الى القمه على مرارات الوطن و المواطن وبرضوا تقول مسلم ؟
لقد قدم معلومه الى السى اى ايه وبعدها اصبح خاوى الوفاض و منتهى الصلاحيه ؟
عليه شوفوا ليه شغله تتناسب و مواهبه العجيبه و الغريبه و هى التشفى الاغتصاب و الاذلال و الاهانه و استخدم القوارير الفارغه و دورات المياه القذرة مما يؤكد ان من تربى على القذارة لن يتنضف منها مهما بلغ من الرفعه و العلم و لكن من حيث اتيت تعود و عليك عود القذافى ان شاء الله .....


#725571 [كلحية]
5.00/5 (1 صوت)

07-20-2013 12:19 PM
لاحظ ماساة الإنقاذ كيف أنا كرست رذيلة الجهوية ! أبناء منطقة " نورى " يهددون المركز، ليس لأنه فاسدا ومتسلطا بل لأنه سجن إبن منطقتهم قوش ! تصور يضعون قوش فوق الوطن ! ويرفعون سقف القرية" نورى " فوق سقف الوطن الأم !هل ياترى هذا هو شعب السودان الذى صنع ثورة أكتوبر المجيدة1964 ؟ أم ياتري هؤلاء هم من إنتفض فى أبريل 1985 ؟فعلا نحن نختلف عن الشعب المصري ، حيث هناك الدولة عمرها 7 الف سنة، ولاتوجد القبيلية، هكذا إنتصر المصريون مرتين ، مرة فى إسقاط حسنى مبارك والثانية فى إسقاط مرسى ، كل ذلك خلال عامين فقط .بينما نحن تحت سلطة الإنقاذ الفاسدة والباطشة25 عاما حسوما ! ، ومانزال نرقص ونغنى فى ساحات (أغانى وأغانى) و (نجوم الغد) ،أو نفترش القرفصاء أمام ستات الشاى طول النهار وعرضه ، لاسيما وإن كانت ست الشاى صغيرة فى السن ولديها مهارة تسويقية حيث توزع بسماتها هنا وهناك ، بينما" الثوار السذج " يتحدقون حولهافى إعجاب، يظن كل منهم إنها تخصه وحده بهذه البسمات " السوقية " !!


ردود على كلحية
United States [علي حسن سلوكه] 07-20-2013 11:10 PM
نوري دي جابت (حميّد) ... وجابت السفاّح قوش وهذا الكرسني و جماعتو ؟؟؟
سبحان الله !!!!!!
دي نوري الغنى ليها (كابلي) ولاّ واحدة تانيه ؟؟


#725546 [mojaf]
3.00/5 (2 صوت)

07-20-2013 11:48 AM
لولا وعي مواطني الدائرة 5 القومية لشهدت المنطقة تمردا شرساً، ولولا توجيه قوش لنا وهو في المعتقل بضبط النفس، لتمردت المنطقة على المركز».

وهل كان المركز سيقصفهم بالأنتونوف؟
هل كان سيصفهم بقطاع الطريق والمرتزقة والخونة؟
هل كان سيعين لهم جنجويد من قبائل الشكرية، لقتلهم واغتصابهم؟
هل كان سيجلب قبائل الرشايدة ويحلهم مكانهم في الأرض ويملكهم بساتين الفاكهة؟


ردود على mojaf
United States [الشقي] 07-20-2013 11:04 PM
طبعاً ، لا .


#725521 [Addy]
5.00/5 (3 صوت)

07-20-2013 11:13 AM
ما الهدف من الفقرة الأخيرة التي يدعي فيه هذا الجلاد عديم الضمير ما للأخ المناضل ياسر عرمان من تأثير على قيادات الحركة الشعبية بجمهورية جنوب السودان ؟؟ هل الهدف دق أسفين من الخلاف على العلاقات الطيبة بين المناضل الجسور وإخوة النضال في الجنوب أم ماذا ؟؟ إنك واهم في هذا .. والشعب السوداني في شطريه هو في الحقيقة شعب واحد وكنت المخلب الذي إغتال تلك الوحدة .. قبحك الله على قبحك وغبائك ..


#725516 [د.حميد قنيب]
4.82/5 (7 صوت)

07-20-2013 11:07 AM
بالمنطق سكان المنطقة اصحاب الدائرة 5 كان الاجدر ان يتمردوا علي قتل ابنائهم سنة 90 مش علي حبس قوش قال كرسني بلا عرب نوري بلا عفن


ردود على د.حميد قنيب
United States [بعانخي] 07-20-2013 12:35 PM
سمعتو قبل كده شايقي اتمرد..ههههههههههه


#725511 [lwlawa]
4.63/5 (5 صوت)

07-20-2013 11:02 AM
الواحد لامن يكضب يخلي الكضبة شوية كده معقوله و(مبلوعة)..؟؟..حتى لا تجرح الصيام ونحن في رمضان .؟؟


#725498 [بت ملوك النيل]
4.93/5 (7 صوت)

07-20-2013 10:39 AM
«لولا وعي مواطني الدائرة 5 القومية لشهدت المنطقة تمردا شرساً، ولولا توجيه قوش لنا وهو في المعتقل بضبط النفس، لتمردت المنطقة على المركز».

انت و من معك لا تستطيعون ان تتمردوا على عاهره

انت و من معك أجبن من يمشى على قدمين فى أرض السودان

ألم تقم الوساطات و الجرسه و لم تقعد

ألم تسمع قوشك بعظمة لسانو قال سيعمل فى صفوف المؤتمر

ألم تسمع بالاسترحامات القالها الصوارمى

و الله انا ارجل منكم بي عمركم

يا وصمة عار فى جبين كل السودانين


#725471 [osama dai elnaiem]
0.00/5 (0 صوت)

07-20-2013 09:15 AM
علي الرئيس البشير بعد ان استجاب لقبيلة واهل قوش واطلق سراحة ان يعيد النظر في صرف نظره سابقا عن والدة مجدي ويعيد الاعتبار لها باعتراف بان مقتل مجدي والاخ الجنوبي الاخر وجرجس كلها اخطاء في حق الشعب وعليه ان يدفع ديات ذلك النفر من الضحايا ويعيد الاعتبار لتشفعات اسرهم بمثل الاحتفاء الذي قابل به اهل قوش-- هو ذاك الاسلام الذي نعرفه حيث ان الاصل ليس القصاص وانما الاصل هو العفوطلبا للاجر عند الله وفي البلاد التي تحكم بالاسلام حقا ياخذ الحاكم علي نفسه التواصل بين اهل القتيل واهل القاتل لتحقيق قبول الدية وفي حالة القبول بالدية وتعذر اهل القاتل عن دفعها يقوم الحاكم بسدادها عنهم---- نتوقع من شيوخنا الكاروري وعصام البشير وغيرهم ان يناصحوا البشير لاعادة النظر في التعامل مع والدة مجدي واهل الاخرين وذلك من علي المنابر عليهم ان يصدعوا بالحق.


ردود على osama dai elnaiem
[addy] 07-20-2013 01:50 PM
شوف التعالي والعنصرية .. يعني عرفت أسماء القبط المصريين إلا ما عرفت الجنوبي إبن البلد !! قبحكم الله على عنصريتكم ..

[عباس ايرهيم] 07-20-2013 12:12 PM
لماذا التفرقة العنصؤرية.. ذكرت اسم المرحوم مجدي وجرجس لكن الثالث أشرت اليهبكلمة الجنوبي الاخر.. لماذا الجنوبي يشار اليه بعرقه والبقية باسمائهم


#725465 [عنيد]
0.00/5 (0 صوت)

07-20-2013 08:34 AM
جنابو ماقصر باع السودان اقصد عمل علاقات واسعة جدا خاصة مع CIA في 1999 فتح مكتب لهم وسمح لهم بتفتيش كل المرافق الحكومية خاصة العسكرية وقد تم - دة كلو عشان البشكير


#725464 [بيكو]
5.00/5 (1 صوت)

07-20-2013 08:33 AM
«لولا وعي مواطني الدائرة 5 القومية لشهدت المنطقة تمردا شرساً».


خلاص يا قبائل التوتسي والهوتو !!


#725455 [البذئ]
5.00/5 (2 صوت)

07-20-2013 07:53 AM
ياسر عرمان هو مفتاح عقدة التوتر بين دولتي السودان، ؟؟؟؟؟؟


شنو يعنى الكلام ده تصفية يعنى؟؟؟ما فهمنا حاجة يا قوش؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة