الأخبار
أخبار إقليمية
صحيفة أخرى تزعم إنها تحصلت على ملامح التعديل الوزاري الوشيك ومفاجآته
صحيفة أخرى تزعم إنها تحصلت على ملامح التعديل الوزاري الوشيك ومفاجآته
صحيفة أخرى تزعم إنها تحصلت على ملامح التعديل الوزاري الوشيك ومفاجآته


07-21-2013 09:43 AM
على ذمة صحيفة الوطن

الخرطوم

أكدت متابعات «الوطن» اكتمال الملامح الأساسية للتعديل الوزاري المرتقب الذي بات إعلانه وشيكاً، فبينما لم يحدث تغيير في مؤسسة الرئاسة بالابقاء على النائب الأول ونائب رئيس الجمهورية، ومساعديه ووزير رئاسة الجمهورية فإن وجوهاً تقليدية صار في شبه المؤكد خروجها من الوزارة في مقدمتها: وزير الدفاع الفريق أول عبدالرحيم محمد حسين، ووزير المالية علي محمود، ووزير الزراعة د. عبدالحليم المتعافي، ووزير الداخلية إبراهيم محمود حامد الذي يحل مكانه وزير الخارجية علي كرتي ويخلف الأخير في وزارة الخارجية البروفسير إبراهيم غندور.
ويدخل الوزارة وجهاً شاباً هو أمين الإعلام بالمؤتمر الوطني ياسر يوسف وزيراً للثقافة والإعلام التي سيتم تبادلها مع الحزب الاتحادي المسجل بوزارة أخرى من القطاع الخدمي.
وفي ذات الوقت فإن مجموعة أخرى من الوزراء يثبت في مكانها لحسن أدائها تشمل وزير النفط الدكتور عوض الجاز، ووزير المعادن كمال عبداللطيف، ووزير الكهرباء والسدود أسامة عبدالله ووزير الصناعة عبدالوهاب عثمان، ووزيرة الرعاية والضمان الاجتماعي مشاعر الدولب.

الوطن


تعليقات 31 | إهداء 0 | زيارات 18393

التعليقات
#727069 [ابـــوعــــمـــر]
0.00/5 (0 صوت)

07-22-2013 11:58 AM
حا يمشوا سااااااي كدة من غير ما يحاسبو .. ولا دي لعبة منهم عشان يأكلو من الباطن ويخلو ناس تانيين في وش المدفع


#726897 [Artukaatand]
0.00/5 (0 صوت)

07-22-2013 07:50 AM
العلة فى المنهج الذى يحكم وليست أشخاص


#726833 [المر]
0.00/5 (0 صوت)

07-22-2013 02:30 AM
يا سن الفيل يعنى الكرور تلتلنا اقوليك اسأل بابا


#726827 [AburishA]
0.00/5 (0 صوت)

07-22-2013 02:13 AM
معنى كده الرئيس قاعد ؟؟؟!!!!


#726817 [ممتاز]
1.00/5 (1 صوت)

07-22-2013 01:47 AM
خلي اللمبي يا بشه تاني متين نضحك في الزمن الاغبر ده . بصراحة اللمبي لما اتكلم تنتابني موجة من الضحك الهستيري بعد ما يمشي عاوزين تسدو نيتنا بي ابو العفين والحاج ساطور ..


#726778 [اللمبى ابورياله]
0.00/5 (0 صوت)

07-22-2013 12:43 AM
alimbe we want alimbe!!!1at least we have some fun every now and then !!!1


#726757 [عصمتووف]
0.00/5 (0 صوت)

07-22-2013 12:06 AM
فإن مجموعة أخرى من الوزراء يثبت في مكانها لحسن أدائها

المجموعة الاولي والمذكورة والمنتظره اقول ليهم تف وطظ واللهم اني كنت صائم وببركة رمضان الشهر الكريم وبيد الخالق الجبار الرؤف تعتضخ ملكهم


#726713 [بت ملوك النيل]
0.00/5 (0 صوت)

07-21-2013 10:17 PM
يا جماعه ما تقوموا نفسكم ساكت

قلنا ليكم للمره الالف من الهرب الى الهندى واااااااااااااحد


#726618 [Adam Ibrahim]
5.00/5 (2 صوت)

07-21-2013 06:01 PM
واللمبى ماشى وين؟.. ايوااا امكن يثبتوه سواق الرئيس بمخصصات وزير..


#726597 [Salah Gosh]
0.00/5 (0 صوت)

07-21-2013 05:29 PM
اذا اعفي سعادة الفريق اول ركن مهندس عبدالرحيم محمد حسين من وزارة الدفاع،فقد دنت ساعة رحيل نظام المؤتمر الوطني...السيد وزير الدفاع وعلي الرغم من بعض الهنات هنا وهناك،فهو من الوزراء القلائل المشهود لهم بالكفاء المهنية والنزاهة وعفة اللسان واليد....غيور علي وطنه متفان في واجبه،محبوب لدي جميع العسكريين ضباطا وضباط صف وجنود،لذلك لا استبعد ان تتاثر المؤسسة العسكرية بففده،اذا ما صدقت توقعات الاقالة.


ردود على Salah Gosh
United States [nasr] 07-22-2013 02:08 AM
لأ استبعد ياصلاح قوش

United States [ahmed] 07-21-2013 09:45 PM
ياعزيزي انا كنت في وسط صفوف الجيش لمدة عام كامل وعلي حسب ما اسمع الفريق لايحظي باي شعبية وسط الجيش الكل يتمني رحيله وانظر لما حدث في فترته ضربات اسرائلية كثيرة هجوم الجبهة الثورية علي بعض المدن وهو مجرد فني الجيش يحتاج الي وزير اغبش جالا في العمليات وله خبرة علي ارض الحروب ودبلوماسية عالية

United States [سايكو] 07-21-2013 09:00 PM
انت اهبل و لا شنو ؟؟؟؟؟؟
ابو رياله سايله محبوب في الجيش ؟؟؟؟؟

United States [كاك] 07-21-2013 07:21 PM
لايمكن اعقاء عبد الرحيم لان والدة المشير فالت للبشير انا ماعافي منك اذا شلت عبد الرحيم في حادثة جامعة الرباط


#726472 [مندهش]
5.00/5 (3 صوت)

07-21-2013 03:08 PM
وزير المالية ده انجح وزير انا رايته راحل دغري لابيلف ولابيدور قال لينا قروش مافي مافي أمل إصلاح راجعو للكسرة كلامه صاح وحدد العيوب ورغم انه حرامي وعالج ابنه بقروشنا ومتزوج أربعة حريم بقروشنا وعنده قصور بأحواض سباحة لكنه حرامي واضح وحرامي بس ما عندي فكرة هل هو حرامي صالح ام حرامي ضار وده فرق لانه الحرامي الصالح من يسرق ويترك القروش ويستثمرها داخل السودان علي الأقل تشغل كم نفر أما الحرامي الضار فهذا البشغل قروشه في ماليزيا ودبي وياريت يبقي حرامي صالح وأدعو الله ان يحمينا وإياكم من الاثنين
أما عن التغير في حد زاته لعبة زمن لانه لآياتي إلا بكل كوز أما الأربعين مليون طالما هم مش كيزان طظ فيهم


#726462 [abo fatema]
5.00/5 (2 صوت)

07-21-2013 03:04 PM
نسألك ياأرحم الراحمين ببركة هذا الشهر الكريم أن تنزعهم جميعاً وتؤمر علينا من يصلح أمرنا يا رب يا رب يا كريم ألطف بالسودانيين.....


#726443 [المتجهجه بسبب الانفصال]
5.00/5 (1 صوت)

07-21-2013 02:48 PM
رحم الله السودان وشعب السودان //


#726354 [أبو أحمد]
0.00/5 (0 صوت)

07-21-2013 01:27 PM
تغيير اللمبى ( مابصدقكم ده حبيبى الروح بالروح ) أنتو دايرين الرئيس يغير اللمبى ياخى ده بعدكم ده الفرده المابستغنى عنها الرئيس ده رفدوا ليهو أفضل الكفاءات العسكرية الفضلت عشان زعلوا اللمبى ... ياخى ده وزير تحفة عديل كده وبالعالم لامثيل له .. طيب السودان يكون مميز كيف لو غيرو اللبمى ... لمبوزه ( دة بالمناسبة أسم الدلع للمبى ) قاعد .. جالس .. باقى


#726336 [معاويـــــــــــــــــــــــــــــــة]
5.00/5 (1 صوت)

07-21-2013 01:09 PM
نطالب ببقاء اللمبى ابورياله وزيرا للدفاع والا فان الطوفان سياخذ مجراهو


#726332 [اسد]
0.00/5 (0 صوت)

07-21-2013 01:07 PM
ليت التغيير طال المفاهيم وابقى على الاشخاص . ليس لدينا عدا مع زيد او عبيد نحن نريد تجديدا في الفكر والمعاملات . الوضع جامد لدرجة البلاهة . انقذونا من هذه الحالة .


#726280 [elffatih]
5.00/5 (1 صوت)

07-21-2013 12:13 PM
برضوا لعبه كراسى لأن التقير لم يشمل قمه الهرم الهرِم


الشعب يريد اسقاط النظام


#726270 [أبو النور]
0.00/5 (0 صوت)

07-21-2013 12:07 PM
يا ها ذاتها الكرتلة


ردود على أبو النور
United States [MAHMOUDJADEED] 07-21-2013 11:22 PM
الله يا ابو ايمن الحلاوي بالله انت من زمن حلويات ريا ودايماً على بالي أنا من نفس الزمن الجميل وكنا بنعمل الكرتلة في نفس الحلويات دي مرات حاجات تانية شئ حمار وشئ عجلة , وهاك المصيبة دي مرّة عملنا الكرتلة في زول عديل كدة اسمو اسحق صاحبنا وبدون علمه طبعاً والزول الفاز قلنا ليهو تمشي تسوق الزول ده خلاص بقا حقك ترعى بيهو الغنم تطحن بيهو الطحين تحش بيهو القش المهم الكرتلة على الزول ده . زولنا ما كضب مشى لي اسحق وقال ليهو يا خي الناس ديل بيقولوا كدة أنت رأيك شنو ؟!!. والباقي تموا براكم عسان ما أطوّل عليكم .

[ابوايمن الحلاوى] 07-21-2013 01:20 PM
اذكر ايام الصبا والشقاوه والفهلوه ومعى ابن خالتى كنا بنعمل الكرتله فى صندوق حلاوه كرميلا او صندوق شوكلاته اسمها ريا او دايما على بالى؛ المهم كنا بنعرف الكرتله بتقع فى شنو؟؟ يعنى عندنا مسله (ابره) طويله والخلفيه كرتون مقوى وعليها لاصقه ورق فيها الرسومات وفى الدايره تكمن الصوره الفايزه؛؛ والمهم كنا نضع الكرتله فى الرمله الحاره يعنى ندفنها وبعد ساعتين نطلعها وندخل الابره بين الورقه والكرتونه الخلفيه وشويه شويه لغاية مانعرفها نقوم بعمل صمغ بسيط ونضع اسم واحد من الفريق التانى ومواعيد الفتح صاحبنا لازم نعرف انه فى الخلاء او السوق وساعة الافتتاح اكون فى بيت فيو لمة نسوان مشاط او الدكان؛ ماعلينا افتح شويه شويه الطياره لا القطيه لا الفانوس دقيقه ياخى ما تخرب الورقه الليله الطاقيه والله الطاقيه وتتعالى الصرخات الطاقيه باسم منو منو منو؟؟؟ حاجه سعديه وين الحاجه دى؟؟؟ فى الفريق القدامى ولا حد بمشى ليها او اكلمها!!! لعبه كبيره وملعونه ومضمونه وما حصل واحد كسب مننا صندوق حلاوه؛؛؛ وحاميها حراميها والحكومه دى نفس الكرتله بتاعتنا مافى واحد بكسب ؛؛ بس كنا بنغير الاسماء والله اسامحنا فى جهلنا الكان ممزوج بالعفويه والبراءه ورمضان كريم ......


#726252 [.]
0.00/5 (0 صوت)

07-21-2013 11:49 AM
هييييييييييييييييييييييييييع


#726246 [الكرتلة]
1.00/5 (1 صوت)

07-21-2013 11:43 AM
الاسدين ديل على عثمان و البشير و الكديس نافع و شايف لى ساطور فى اخر الكرتلة كمان فار ده اكيد ربيع عبدالعاطى


#726242 [الجمبلق]
1.00/5 (1 صوت)

07-21-2013 11:42 AM
بلاء يخمهم كلهم يريح السودان منهم فى هذا الشهر الكريم ناس افقرونا حتى الثمالة ولسع قاعديين لينا زى الهم على القلب . انه اسؤء نظام مر وسيمر على السودان.


#726236 [..............................]
1.00/5 (1 صوت)

07-21-2013 11:38 AM
و وزير الصحه؟؟؟


#726234 [ود الحبيب]
0.00/5 (0 صوت)

07-21-2013 11:35 AM
أووووووووووووووف قرف جد يعني شنو


#726233 [كتاحة امريكا]
0.00/5 (0 صوت)

07-21-2013 11:33 AM
نعم للانتكاس والانحناء


#726228 [ابوجلاجل]
0.00/5 (0 صوت)

07-21-2013 11:28 AM
تبادل ادوار ولعبة كراسي.


#726205 [ابراهيم ودرزوق المغاربة]
0.00/5 (0 صوت)

07-21-2013 10:53 AM
اهم شي غيرو المبي وزير الدفاع ووزير المالية يمكن وزير المالية يفتح تصدير السيارات المستعملة واقدر اصدر لي عربية تنفعنا قبل السعودية ما اجيبو قرار بطرد السودانين


ردود على ابراهيم ودرزوق المغاربة
United States [دابى الليل] 07-21-2013 01:45 PM
كل زول فى همه يا رب انشاء الله يقفلوا حتى استيراد العربات الجديدة ياخى الناس ما لاقية حق الاكل والشراب والعلاج والتعليم وانتوا مرطبيين فى السعودية والله ما فى زول بيساعد هولاء .......فى البقاء غيركم يا مغتربين


#726198 [mustafa]
0.00/5 (0 صوت)

07-21-2013 10:50 AM
بيادق شطرنج قديم يعلوها العلك والوسخ
تحرك متى ما يتطلب اللعب
يحرسها الجنود ولا ينكش الملك ابدا ولا الوزير


#726180 [ودالجزيره]
0.00/5 (0 صوت)

07-21-2013 10:30 AM
ياسلام رجعتونا لزمن الطفوله ...اخر مره اشوف فيها كرتله كان قبل اربعين عام ..وكانت النمره بتعريفه او قرش ...وعلى مااعتقد ان هناك جائزه مسبقه يحددها صاحب الكرتله ...اها يازول الكرتله واقعه فى شنو ..الاجابه كانت صندوق حلاوة ...كفر ابو بوز ..عجله رالى .واشياء من هذا القبيل ..تشكيلة الكرتله احلى من التشكيل الوزارى ..؟؟


ردود على ودالجزيره
European Union [سن ألفيل] 07-21-2013 02:33 PM
يا بابا الكرتلة دي معنها شنو


#726167 [ابوكلام]
0.00/5 (0 صوت)

07-21-2013 10:10 AM
الله يستر فبعد اقلة او خروج وزير الداع بالنظر عبدالرحيم محمد حسين اخشي ان يكون القادم بعده وزير دفاع باللمس او الذوق وقد يبجعلنا وزيرنا الجديد نتحسر علي فراقك يا لمــــبـــي


#726164 [KUDU]
0.00/5 (0 صوت)

07-21-2013 10:01 AM
نطالب ببقاء عبدالرحيم محمد حسين بمنصبه وإلا الطوفان!!!! ولا بد من بقاء المتعافي على وزارة الزراعة لتلبية طموحات المزارعين في التمنية بعد ما شهد من نجاحات في مشروع الجزيرة وادخال زراعة القطن المحور وراثيا....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة