الأخبار
أخبار إقليمية
وزارة الداخلية تنذر من كارثة إنسانية بشرق السودان و تستنجد بالأمم المتحدة
وزارة الداخلية تنذر من كارثة إنسانية بشرق السودان و تستنجد بالأمم المتحدة



07-22-2013 07:50 PM

فى خطاب يعُتقد انه تم تسريبه ، كشفت وزارة الداخلية عن تدهور الاوضاع الانسانية في ولايات شرق السودان، و التى تنذر بكارثة بسبب الفجوة الغذائية في ولايات شرق السودان.

و قال وزير الداخلية ابراهيم محمود حامد في خطاب يُعتقد انه بعث به الى مسؤول الامم المتحدة للشؤون الانسانية مكتب الخرطوم على الزعتري، بتاريخ 19 يونيو 2013، "ان شح الامطار و تدهور الاحوال البيئية و النزاعات السابقة التى ادت لنقص فى الغذاء بسبب ارتفاع معدلات سوء التغذية (الحاد و العام)، حسب التقارير الصحية للمؤسسات الوطنية ومنظمة الصحة العالمية" و اضاف الخطاب "وقد ترتب على هذا الوضع آثار سالبة على الاحوال المعيشية بشرق السودان، تنذر بكارثة بسبب الفجوة الغذائية" .

وطلب الوزير من المنسق المقيم ومنسق الشئون الإنسانية للأمم المتحدة فى السودان على حسن الزعتري تقديم المساعدات العاجلة، وذلك بالمساهمة في توفير المساعدات الغذائية لسد النقص، و اوضح ان عملية التنفيذ ستقع على عاتق منظمة الهلال الاحمر السوداني و الشركاء الحكوميين بولايات الشرق. وجاء ايضا فى الخطاب "راينا الكتابة اليكم آملين كريم تفضلكم بالمساهمة بتوفير ما يمكن لسد النقص بما ترونه مناسباً علماً بأن عبء التنفيذ سيقع على كاهل جمعية الهلال الاحمر السوداني والشركاء الحكوميين بالولايات"

وكل محاولاتنا للوصول الى المسؤولين السودانيين وعلى رأسهم المفوض العام للعون الإنساني الدكتور سليمان عبدالرحمن للتحقق من صحة هذا الخطاب وما جاء فيه من معلومات كانت غير موفقة.

سودان راديو سيرفس


تعليقات 14 | إهداء 0 | زيارات 5836

التعليقات
#728036 [محمد عبد الرحمن محمد]
0.00/5 (0 صوت)

07-23-2013 12:46 PM
سألت احد الجالسين في عقد زواج من اين تجدون المبالغ الجديده والتي لاتوجد في بنك السودان تخيل كان رده شنو انهم يأتونها من الداخل (ارتريا)والله علي مااقول شهيد لوعرض بيت للبيع من القضارف الي بورتسودان وهذا البيت لايساوي الا 150مائة وخمسون مليون جنيه يأتي لاجئي ويقولك 300 ثلاثمائة مليون جنيه ياناس اصحوا والحقوا البلد قبل ماتاخذ مجري اخر مامشكلة مياه بورتسودان (من الوالي لان العربات المحمله بالمياه في بورتسودان وتجوب الشوارع تكفي بورتسودان لمدة شهر والمستفيد مين هم اللاجئيين وبمعرفة الحيكومة اتقوا الله


#727887 [على كرار]
5.00/5 (1 صوت)

07-23-2013 10:24 AM
أولا هذا الموضوع ليس من إختصاص زير(وزير) الداخلية, ثانيا ولايات شرق السودان البحر ألأحمر و كسلا و القضارف من أغنى و لايات السودان لو خصص 5% من الدخل الكلى لهذه الولايات الثلاث للتنمية ألإجتماعية و محاربة الفجوة الغذائية لكفت و زادت نسبة ال 5%. المشكلة فى النظام الحاكم و سياساته فى إدارة البلد اقتل و جوع الكلاب و شبع الجيران.


#727813 [بيكانتو]
5.00/5 (1 صوت)

07-23-2013 07:48 AM
الظاهر الموضوع ظهر مباشرة بعد مهرجان السياحة فى كسلا !! - و كورنيش القاش و حديقة وسط البلد و إنارة جبل توتيل - ولا شنو ؟

وين موسى محمد احمد ؟؟؟


#727800 [الهادي]
0.00/5 (0 صوت)

07-23-2013 05:55 AM
وين الخمسة مليار دورلار من الكويت اقله من سنة وين زهبت القروش حرامية


#727734 [AburishA]
5.00/5 (1 صوت)

07-23-2013 02:21 AM
ما تنسانا يالسيد/ وزير الداخلية انحنا ناس أم بدات ودار السلامات والحاج يوسفات والجخيسات والفتحات واحد لحدي عشرة وسوبات الجوع كتلنا !!!


#727716 [Ismael]
5.00/5 (1 صوت)

07-23-2013 01:38 AM
و ليه الهلال الاحمر؟ الامم المتحدة لا تثق في اي جهة حكومية لتكل اليها امر ايصال المساعدات لمستحقيها و عارفاهم كلهم حراميةحرامية و قبل كدا في التمانينات رفضت ان تقوم المفوضية التي انشأها الصادق المهدي بتوزيع المعونة حتى ادى الخلاف الى اغلاق مكتب الاامم المتحدة اليونيوس في الخرطوم و طرد المفوض و خسر الشعبالشعب دعما كان في امس الحاجة اليه. حتى السعودية اصرت على ايصال اموال اغاثة فيضانات 88 بطريقتها و اشرافها..
انتو تشحدوا بس و ما تشترطو و لا تتدخلو


#727645 [مدحت عروة]
0.00/5 (0 صوت)

07-23-2013 12:07 AM
طيب ما يمشوا يعيشوا فى بورتسودان حيث الكباب والسلات والحدائق والكورنيش وهلم جرا؟؟؟؟؟
ولا اقول ليكم حاجة يا ناس الانقاذ انتو ما تجيبوا الجيش ويبيد اى زول ما حركة اسلاموية فى السودان خاصة ناس الهامش اها وبعد داك ناس الحركة الاسلاموية البيفضلوا(وطبعا كل واحد بيكون معاه بطاقة مؤتمر واطى اقصد وطنى) يكون دخل الواحد فيهم السنوى يقارب من دخل المواطن القطرى لو ما احسن منه!!!!!!!!!
بالله مش فكرة كويسة يا ناس المؤتمر الواطى؟؟؟؟؟؟
واصلا الجيش البقى زى المليشبا ده ماعنده شغلة غير عمل الانقلابات والحفاظ عليها وضرب السودانيين اما المحتلين الاجانب بس يشكوهم لى الله او يقترح الاراضى المحتلة تكون مناطق تكامل!!!!!!!
ما اصلا اى سودانى ما مؤتمر واطى يكون خاين وعميل وضد الاسلام وشرع الله وعايز البلد تكون خمارة ودعارة حتى اسالوا نافع على نافع!!!!!!!!!!!!!!


ردود على مدحت عروة
[أأه يا بلد] 07-23-2013 08:07 AM
طيب مين اليشتغل ؟؟؟؟
هم عايزين عبيد يشتغلوا ليهم
رأيكم شنو تقبلوا ولا تتمردوا


#727634 [الصليحابي]
0.00/5 (0 صوت)

07-22-2013 11:52 PM
أين مسؤولية الدولة تجاه المواطن ، وين المليارات النكدسة في ديوان الزكاة .. ننتظر الستاذة سامية لتفسر لنا الوضع


#727621 [Rebel]
0.00/5 (0 صوت)

07-22-2013 11:38 PM
* نتائج باهره و لكنها طبيعيه لجهود وضع "الجماعه" فوق الوطن و المواطن 24 عاما حسوما.


#727599 [الـســيــف الــبــتــار]
0.00/5 (0 صوت)

07-22-2013 11:16 PM
شحات وعينك قويه و تشرط كمان !!!!
عجبى عليك يا وطنى المكلوم المحزون المغتصب سلة غذاء العالم بقينا شايلين قرعتنا ونشحد من العالم .


#727570 [المشتهى السخينه]
0.00/5 (0 صوت)

07-22-2013 10:33 PM
انتهى مشروع الاخوان المسلمين فرع عبيد السودان بتقسيم البلاد وتفشى الفساد وسؤ التغذيه فى الخرطوم والمجاعة فى الولايات وانهيار الجيش ..مات السودان . ولا عزاء للترابى سبب الكوارث ..


#727540 [ركابي]
4.75/5 (5 صوت)

07-22-2013 09:11 PM
طيب الدولة وظيفتها شنو؟؟؟؟؟ خلاص ده اعتراف انو نحنا دول لا تصلح تكون مستقلة واحسن تتوضع تحت الوصاية ما حنقول استعمار لانو الانجليز ما حيرجعوا يورطوا نفسهم ويستعمرونا ههههههه الخراب الانقاذي عايز مشروع مارشال عديييييل كده


#727531 [المتجهجه بسبب الانفصال]
3.00/5 (3 صوت)

07-22-2013 08:44 PM
الحق يقال شرق السودان من أكثر اقاليم السودان معاناة بسبب طبيعته وكان من المفروض أن يوضع برنامج تنموي وقد أكل الجماعة القروش الواردة من قطر في هذا الصدد، ولكن العلة في بعض ابناء شرق السودان المنتمين للمؤتمر اللاوطني ويمثلون حاجز صد بين مطالب جماهير شرق السودان والحكومة،، ويعتبر هذا الخطاب فضيحة كبيرة تكشف زيف النظام وسرقته لأموال الشعب فاين تذهب واردات ميناء بورتسودان وسواكن،، وهذا الحال يؤيد مقترحي في تبني النظام الهندي في حكم السودان فالهند أكثر الدول شبهاً بنا،، حيث تنقسم الى ولايات ولكل ولاية حكومتها الولائية وبرلمانها ورئيسها المنتخب ويصعد من كل ولاية أعضاء للبرلمان حسب الكثافة السكانية والثقل،، ولكل ولاية الحق في التصرف في دخلها حسب الخطط العريضة التي تضعها الحكومة المركزية في دلهي والدخل يقسم بين الولاية والحكومة المركزية وأبناء الولاية هم من يديرون شئونها واذا رغبوا في شحص وجدوه نظيفاً من الولايات الاخرى جاءوا به وفي ذلك فليتنافس لمتنافسون ،،، ولو استمر حال الانقاذ هكذا سيصل الجوع الاقاليم المنتجة،،، فعلى سبيل المثال دارفور وكردفان الغرة ام خيرا جوة وبرة يعصمهما الاقتصاد الريفي الزراعي من المجاعات والازمات الغذائية وهذه هبة من الله سبحانه وتعالى على الحكومة ان تطورها بمدخلات ومعدات الانتاج الحديث بدلا من حياكة المؤامرات التي ستقضي على الاخضر واليابس،، وفي الحقيقة فان حكومة الانقاذ من أغرب الحكومات التي مرت على البشرية منذ أن رست سفينة سيدنا نوح على الجودي واستوت،، فقد حبت الطبيعة أهل الانقاذ مقدرة على أكل القروش فاقت بها كفار قريش الذين كانو يركزون على رحلة الشتاء والصيف وكان أحدهم قبل الاسلام يتوثب جيب أخيه لعل فيه درهما يسقطه في جيبه هو وهكذا كان الصراع المادي الذي انتقل كذلك في سياق توثب البعض لتولي خلافة الدولة الاسلامية فلم تستقم للاسلام مثله الاقتصادية التي أرادها النبي وقتل في سبيلها سيدنا علي من بعده بيد أن السويد والنرويج وسويسرا والدول المتقدمة هي التي تبنت فكرة الاقتصاد الاسلامي من حيث الضمان الاجتماعي والحقوق الاقتصادية وحق الانسان في العلاج النضيف وتوفير حق الرغيف ليتفرغوا للابتكار ولا تشغلنهم هكذا صغائر توفيرها مسألة بدهية ولا تحتاج الى تكبير وتهليل ،،


ردود على المتجهجه بسبب الانفصال
European Union [East] 07-23-2013 02:04 AM
النظام الذي تقترحه جيد بس الحكومة لا يمكن أن توافق على هكذا مشروع، لان ببساطه أبناء الولاية الشمالية حا يفقدوا السبوبه وهذا المقترح يؤدي الي خسارتهم.


#727529 [mohd]
5.00/5 (5 صوت)

07-22-2013 08:37 PM
شحاد وكمان بتحدد عبء التوزيع يقع على الهلال الاحمر والمنظمات الحكومية الحرامية يا حبشي

دا انقاذكم جبتوا الفقر ونشرتوا السل في شرق السودان الله ينشركم في جهنم كلكم يا كلاب ياخنازير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة