الأخبار
منوعات سودانية
البرير يتحدى : سنذهب للفيفا وما فارقة معانا إذا جمّد الفيفا نشاط السودان
البرير يتحدى : سنذهب للفيفا وما فارقة معانا إذا جمّد الفيفا نشاط السودان
البرير يتحدى : سنذهب للفيفا وما فارقة معانا إذا جمّد الفيفا نشاط السودان


يطالب الهلال بمبلغ 14 مليار ونصف
07-22-2013 11:06 PM
علّق الأمين البرير رئيس مجلس ادارة نادي الهلال المحلول على قرار محكمة الاسئتنافات التي أيّدت قرار المفوضية اليوم بعدم شرعية مجلس الهلال وقال البرير في حديثه لاذاعة الشباب والرياضة إنهم اتجهوا للفيفا للمطالبة برد حقوقهم وقال إنهم أوفدوا مندوباً للوزان وآخر لزيورخ من أجل قضيتهم العادلة وتحدث البرير عن المستحقات المالية التي كشفها من قبل والتي قال من خلالها إنه يطالب الهلال بمبلغ 14 ملياراً ونصف قال إنه سيسلّم الشيكات للجنة التسيير واذا لم يلتزموا بدفع المبلغ المطلوب فسيكون لنا اجراء ضدهم، وسئُل البرير عن المستجدات التي تحدث بذهابهم للفيفا الذي يمكن أن يجمّد نشاط السودان الكروي رد البرير: نحن لدينا قضيتنا فقط ونطالب بحلها وليس لنا دخل بأي شئ آخر واذا كان الناس خايفين من الفيفا ما كان في داعي لهذا الأمر من الأساس بحل المجلس الشرعي.

كوره سودانية


تعليقات 21 | إهداء 0 | زيارات 6102

التعليقات
#728063 [معروف]
0.00/5 (0 صوت)

07-23-2013 01:05 PM
تف


#727859 [sadamhusain]
1.00/5 (1 صوت)

07-23-2013 09:43 AM
زمان ... لما كنا صغار و نجئ العصرية نلعب الكورة كان معانا في الحلة شافع شين و لميض و كيشة علاقتو بالكورة زي علاقة البرير بالادارة .. لكن المشكلة الكورة كانت حقتو ... يعني كسر رقبة الا يلعب او يشيل كورتو .. وكنا مضطرين نلعبو ( وما فارقة معانا يشووت جاي و الا جاي ) فنحن قضيتنا واضحة ... و دار الزمن دورتو و بقي الشافع الشين اللميض الكيشة المالك لكورة بتتفخها عند العجلاتي صاحب الفريق كلو وبقت الحلة كلها تحت رحمتو فاستغلظ واستأسد و استأثر بالرئاسة و لم حوالينو من حلتنا و الحلة الجنبنا كمية من المتسلقين المطبلاتية فانتفخ و تورم و اتحزم واتلزم ويا دنيا ما فيك غيرى ... و لما الناس فاقت و زهجت من خرمجتو وشتارتو ورزالتو ... شلحوووهو وقالو ليهو حل عن سمانا وشيل كورتك وورينا عرض اكتافك .... صاحبنا حرقتو ليك الانكشاحة دى فكشر عن انيابه وارغي و ازبد ( هناك من اكد انه سب الدين والعياذ بالله ) وحلف طلاق انو تاني ما في زول يلعب كورة في الحلة دي ...
تراجعنا كلنا ... لانو ببساطة اتذكرنا انو معرسنا نحن .... وما دام جابت ليها طلاق و خراب بيوت تطير الكورة .... و اللجنة ... والمفوضية ... والوزارة .... ويا زول الحمد لله اولادي في الزريبة و غنمي في المدرسة ....


#727838 [MHMD NOUR]
0.00/5 (0 صوت)

07-23-2013 09:16 AM
من حق البرير ان يطالب بحقه طالما الوزير قام اعتباطا بحل مجلس انفق على النادى 14 مليار وبدلا من ان يقوم بتكريمهم لدعمهم للرياضة قام بحلهم , اى سياسة هذة ؟ الوزير هو سبب الازمة واذا اتت اى عقوبة من الفيفا ضد السودان الوزير هو المسؤل ولذلك يجب ان يعاقب الوزير بالاقالة اذا حدث ذلك والا على الدنيا السلام . هذا الوزير كان من المفترض ان يحل المشكلة وخاصة ان مجلس الهلال قد صعد الاخ همشرى ليكون المجلس شرعى ولكن المفوضية طعنت فى عدم اهليته نظرا لانه غير مقيم فى الخرطوم وهذا ان دل على شئ انما يدل على استهداف واضح من المفوضية لمجلس الهلال وانا لا ادرى لماذا لم يفطن الوزبر لهذه النقطة والا هو طرف فى المؤامرة . الوزير الناجح يحل ولا يعقد ويكون دائما موقفه ايجابى لا سلبى والا ما فى داعى لتدخله


#727826 [جحا]
0.00/5 (0 صوت)

07-23-2013 08:23 AM
استفدت المليارات من الهلال واكثر من الهلال فى اعمالك التجارية ويكفى فقط بكاؤك على المنصب انت تاجر وعارف مصلحتك والهلال اخر اهتماماتك


#727798 [musa]
0.00/5 (0 صوت)

07-23-2013 05:39 AM
بلد وسخ فى وسخ مافيها حاجة واحدة ماشة صاح قبل فترة كانت الحاجة الوحيدة الكانت تمام الاتصالات الشركات طمت وبقت تحمل الكبانيات او الابرا ج اكتر مما يجب طمع من الشركات ولا رقابة و لايحزنون والوزىر يشخر0 معليش خارج الموضوع بس حاجة تزعل بداية كانت جيدة للغاية لكن جينا خربناه حاجةغريبة


#727789 [المخبازه جاااات]
0.00/5 (0 صوت)

07-23-2013 04:43 AM
قريب الخمستاشر مليار صرفتها ف نادي كوره !!!والبلد فيها ناس ما لاقيه تاكل وناس تفتش لي ثمن الدواء ولا تجد انت المال قاليلو حقك بل هو امانه سيسالك منهاا الله يوم القيامه مالك فيما انفقته حاتقول اديتو الهلال!! عشان كده فريقك ده عمرو ما يتقدم بالاموال التي يستحقها الفقراء والمساكين بلا يخمكماتو وكورتم


#727765 [صلاح الدين]
3.00/5 (1 صوت)

07-23-2013 03:13 AM
فى بلد يموت الاطفال جوعا ومرضا ينفق على نادى لم ياتى بشى من الخارج 14مليار اماان لهذا العبث ان يوقف وان تصرف هذه الاموال فى بناء مستشفى للاطفال


#727751 [كركاب]
0.00/5 (0 صوت)

07-23-2013 02:49 AM
طيب صلاح ادريس خلى 31 مليار
وين اليوم ذهب مع الريح


#727737 [رشاشه]
5.00/5 (1 صوت)

07-23-2013 02:28 AM
ياود البرير انت كل مالك وشغلك مستغل فيه اسم الهلال وأي عملية مالية بتجد الدعم والتسهيلات ليس لأنك ود البرير بل لانه رئيس الهلال والقروش دي اعتبرها أرباح لنادي ومابترجع ليك بالقانون لأنك دفعتها بارادتك ولم تكن مجبور وانسي المبلغ ده حتخسر مثله وتخسر الهلال استوعض الله وكراع البقر جيابا بكرة بترجع للهلال لاتقطع شعرة معاوية مع الهلال لانه أي إجراء ضد الهلال من الفيفا انت تتحمل تبعاته وانت عارف أعدائك منتظرين أي هفوة منك وانت الهلال له عليك افضال لاتحصي واعتبرها رد


#727730 [DR SAMI ALI]
5.00/5 (1 صوت)

07-23-2013 02:16 AM
الله يشفيك ياالامين البرير افشل اولاد محمد احمد البرير...نتمني عودة الارباب لكي يعود الهلال كما عرفناه لقد دمر الامين الهلال


#727718 [سودانى اطلاقا ما منفرج الأسارير]
5.00/5 (1 صوت)

07-23-2013 01:41 AM
شوفو يا جماعة طريقة التفكير .." يا نحن او الطوفان"..نحن لينا قضيتنا بس.. ما لينا دخل باى جاجه تانيه!! اذا الفيفا حتجمّد نشاط السودان الكروى هل حتكون فى انديه يتكالبو الناس على رئاستها بهذه الصوره!!! اى حقوق تطلبون ردها عبر الفيفا .. هل هى ماليه .. معنويه..انتهازيه .. فنطازيه.. من وين اكتسبها هؤلاء المطالبون بيها وجارين وراها وحتزيدم شنو او حتنقص منهم شنو اذا اصلها ما فارقه معاهم .. الفيفا ليه فى خوف منها كدا .. حتاخد ايه من منو؟ وليه؟


#727706 [زول نصيحه]
5.00/5 (1 صوت)

07-23-2013 01:26 AM
والله انت ما تستاهل تكون مشجع للهلال مش رئيس كمان


#727697 [الحاوي النقراوي]
5.00/5 (1 صوت)

07-23-2013 01:17 AM
اها خموا وصرو ... كان في داعي من الأول لدخول المال الغذر للساحات الرياضية !!! بكرة الوسخ التاني ح يقول أنا بنيت المريخ وعايز قروشي هسع نااااو ..


#727695 [الفاتح مقبول]
4.00/5 (2 صوت)

07-23-2013 01:15 AM
وقال البرير :
إنه يطالب الهلال بمبلغ 14 ملياراً ونصف
وإنه سيسلّم الشيكات للجنة التسيير
واذا لم يلتزموا بدفع المبلغ المطلوب
فسيكون لنا اجراء ضدهم..

وقبل التعليق فان القمة لغة هى:
القِمّةُ من كل شيءٍ : أَعلاه .
والقِمّةُ القامَةُ .
والقِمّةُ البدنُ .
يقال .أَلقى عليه قِمَّته .
ويقال : جاءَ القومُ القِمَّةَ : جميعًا .
والجمع : قِمَمٌ .
المعجم:المعجم الوسيط

والله دى مصيبة ..الهلال المسمى
النادى القمة يطلع نادى متسول
بعد هذا الفشل والذى لا يسلم منه
صنوه التقليدى (المريخ)
فى اعتقادى آن اوان خصخصة الاندية
وتحويلها الى شركات مساهمة عامة ..


#727690 [مندكورو]
5.00/5 (1 صوت)

07-23-2013 01:13 AM
بالصدفة حضرت أمس برنامجا في إحدي القنوات الرياضية إستضاف عددا من الصحفيين الرياضيين تحدثوا عن النقد الرياضي وشارك (البرير) في البرنامج هاتفيا وقد صدمت لفهم الرجل للعمل الرياضي وطريقة حديثه السوقية وتحسرت علي مصير رياضة كرة القدم في السودان.


#727664 [خالد]
5.00/5 (1 صوت)

07-23-2013 12:31 AM
لا خلاص يا..... كورتكم دي أخير تشلتوها في السودان قبلكم وبلاش فضايح قال كوره قال


#727657 [الرشيد عكاشه]
5.00/5 (1 صوت)

07-23-2013 12:23 AM
انت مافارقه معاك لكن السودان كدوله فارقه معاهو الله يردكم يادكتور شداد وطه البشير وفطاحله الاداريين فى الاتحاد والانديه السودانيه وده الودانا فى داهيه نتغلب من اضعف الفرق فى افريقيا

وديتونا فى داهيه


#727654 [مازيمبى الشرس]
5.00/5 (1 صوت)

07-23-2013 12:21 AM
يا حلاوتك يا برة


#727640 [warrag ali]
4.75/5 (3 صوت)

07-23-2013 12:01 AM
اذا كان عندك ديون علي الهلال بهذا الحجم تكون انت رئيس فاشل وجئت لتدمر الهلال لان الصرف علي اي مؤسسه يكون عبر الميزانيه السنويه مش صرف خارم بارم علي الهوي ساكت وحتي بدون انجازات واخر انجاز هلالي هو خروجه من دور ال32 في دوري الابطالما ايضا الرئيس الذي سبقك ادعي علي الهلال مبالغ طائله هل دفعتها له علي كل حال المؤسسيه مطلوبه لكل اداره مش لعب عيال


ردود على warrag ali
United States [مازيمبى الشرس] 07-23-2013 12:47 PM
ههههههههههههههههههههههههههههههه حلوة والله منك قال عبر الميزانية السنوية قال ؟؟؟؟؟
ياخى دولتنا بطولها وعرضها ما عندها ميزانية خارم بارم على قولك عاوز الهلال يشذ عن قاعدة الوطن المذبوح


#727611 [المجبور على الغربة]
0.00/5 (0 صوت)

07-22-2013 11:26 PM
فعلا لا يمكن ان يكون البرير احرص من الحكومة والوزير من الخوف من عقوبات الفيفا واذا اصلا الحكاية جابت ليها عقوبات يبقى المسؤول الوزير وليس البرير


#727602 [hala]
0.00/5 (0 صوت)

07-22-2013 11:19 PM
كلامك صاااااااح . اوعه تخلي حقك الشرعي , خلي يجمدوا النشاط اصلو هم مانافعين لا كورة لا اخلاق ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة