الأخبار
أخبار إقليمية
د. مصطفى عثمان اسماعيل : الأولوية لإستثمارات المغتربين الصغيرة والمتوسطة
د. مصطفى عثمان اسماعيل : الأولوية لإستثمارات المغتربين الصغيرة والمتوسطة
د. مصطفى عثمان اسماعيل : الأولوية لإستثمارات المغتربين الصغيرة والمتوسطة


07-23-2013 09:11 AM
الخرطوم (smc)

أوضح د. مصطفى عثمان إسماعيل وزير الاستثمار لدى لقائه بالمجلس الأعلى للجاليات بدول المهجر أن تحويل بنك النيلين إلى شركة مساهمة تم بالتنسيق مع بنك السودان ولجنة خصخصة القطاع الخاص لتقنين عمل المغتربين، مؤكداً حرص الجهاز على كافة المشاكل والمعوقات التي تعترض الاستثمارات الوطنية والأجنبية بالبلاد.
ودعا إلى ضرورة اعطاء الأولوية للمشروعات الصغيرة والمتوسطة للمغتربين معدداً الدور الذي يطلع به المغتربين بالترويج بالاستثمار في السودان وجذب المستثمرين.
وقال إن مسؤولية الاستثمارات في السودان مسؤولية تكاملية بين الجهاز والجاليات، موضحاً أن الاستثمار يحتاج إلى بيئة جاذبة وسياسات اقتصادية فاعلة تتجاوز البروقراطية وتلبي طموحات المستثمرين.


تعليقات 24 | إهداء 0 | زيارات 3621

التعليقات
#728644 [الكضاب الاممى]
5.00/5 (4 صوت)

07-24-2013 06:31 AM
انا 24 سنة حصل كضبت عليكم كااااااااك (السر قدور)

يا مصطفى شفون ياخى احترم ذاكرتنا و لو مرة ياخى معقولة دى انتو ممكن تغشوا المساكين الفى السودان عن الانجازات و الكلام الوهم بتاعكم ده لكن القرش عند المغتربين ذى الضنا واحد.... يا مصطفى انتو عايزين قروش المغتربيين لشنو؟؟؟ و ين مليارات البترول؟ هل لمان كان فى بترول ساعدت السودانيين فى الداخل؟ لماذا هرب المستثمرين الاجانب و السودانيين؟؟ حتى المستثمرين الكيزان بيقوا يستثمروا فى اثيوبيا (لانو فى قوانين فى اثيوبيا) تعرف يا مصطفى كلامك ده كلام زووول نصاااااااااااااااب عديل كده....ياخى قنابيرنا كترت و حان قطافها و انت لصاحبه قوم لف يا مصطفى شوف ليك عقد عمل


#728570 [Salah Gosh]
0.00/5 (0 صوت)

07-24-2013 01:41 AM
فكرة عبقرية جدا ايها الوزير الهمام،والكرة الان في ملعب الاخوة المغتربين للمساهمة في نهوض الوطن،من خلال مدخراتهم التي نحسبها معتبرة ستساعد كثيرا في قيام الكثير من المشاريع الاستثمارية،التي ستعود بالفائدة علي الوطن و المواطن وقبل ذلك الاخوة المغتربين المستثمرين.... وللاوطان في دم كل حر يد سلفت ودين مستحق.


#728563 [Rebel]
5.00/5 (4 صوت)

07-24-2013 01:23 AM
* خلاص قنعتو من مليارات الوليد بن طلال و مليارات قطر و المليارات القال وزير الماليه ما حيورى مصدرها من وين؟ بقيتو على استثمارات المغتربين الصغيره؟ يعنى يا دلاهه بقيتو على 4-5 الف دولار و كده؟ يخس عليكم يا سفله.


#728520 [علي دينار]
5.00/5 (1 صوت)

07-24-2013 12:06 AM
الشهادة العفاء من الجيش بي كم؟ يا صبابي العيش


#728335 [مصطفى كونج]
5.00/5 (3 صوت)

07-23-2013 05:26 PM
الدلاهة العوير هو البستثمر في بنك النيلين .... اوع يا مغتربين من الغشة دي .. بلهفوا قريشاتكم


#728320 [حامدين]
5.00/5 (2 صوت)

07-23-2013 04:51 PM
والله انت ما اطرش فى ازفة انت تفتيحة لمن بى هيناك





اسمعوا نصيحة عمكم ابو كلام والتفيحة بتاع ارفة مابتخسوا ابدا وانا اضم صوتى ليهم واحذركم حذاركم والا سوف تحصدوا الندم


#728312 [zoul]
5.00/5 (5 صوت)

07-23-2013 04:40 PM
الراجل دة بلف وبدور عايز شنو يستثمر بي شنو ؟
اوع تقول قريشاتنا ؟؟؟!
يسمك !
الحس كوعك؟
تشمها قدحة !
شوف شغلها غيرها
تحويل مابنحول بي بنوك الحكومة ؟
سوق اسود بس ودا زاتو للناس المجبورين يرسلو
السودان دا قنعنا منو خليناهو ليكم نشوف اخرتكم شنو ؟؟


#728301 [محمد الجمال]
5.00/5 (4 صوت)

07-23-2013 04:31 PM
الأولوية فى السرقة يا هؤلاءوأسألوا ناس الصافى جعفر ومشروع سندس


#728280 [عبد الله]
5.00/5 (2 صوت)

07-23-2013 03:45 PM
قانو استثمارهم كان يفضل الأجنبي على السوداني لمجرد كونه أجنبي. ولما لقوا الناس مندهشين من هذا القانون العجيب عدلوه.


#728278 [Karoum]
5.00/5 (3 صوت)

07-23-2013 03:44 PM
To all brothers Be careful ,,, Save your money in UAE Egypt Any where avoid Sudan, Is the deadly trap .


#728170 [جركان فاضى]
4.88/5 (6 صوت)

07-23-2013 01:40 PM
هذا دليل على فشل الملتقى الاقتصادى مع المستثمرين السعوديين...وبعد الفشل قال نقبل على وجهة تانية...المغتربين...والحقيقة؟المغتربين تحولوا الى مهاجرين ...وكجنوا بلدا فيها زى خلقتك يا سمسار


#728168 [فرح ودتكتوك]
5.00/5 (3 صوت)

07-23-2013 01:36 PM
أوضح د. مصطفى عثمان إسماعيل وزير الاستثمار لدى لقائه بالمجلس الأعلى للجاليات بدول المهجر .

مجلس أعلى للجاليات يا نصاب


#728148 [انصاري]
5.00/5 (2 صوت)

07-23-2013 01:23 PM
بيع الترماي يابيه!!


#728141 [حسكنيت]
5.00/5 (2 صوت)

07-23-2013 01:19 PM
دو دينارى ، جر.. إجرك الكلب


#728129 [ABOALKALAM]
5.00/5 (5 صوت)

07-23-2013 01:11 PM
احذر ابنائي المغتربين اوعكم من الكلام الضليل وعندكم تجربة العكران جعفر

المسمي الصافي جعفر ومشروع سندس الزراعي والذي خرب بيوت ناس كتير وجعل

اغنياء مغتربين فقراء بعد ان ضرب منهم اربعين الف دولار فيما فوق

يااولادي خافو علي قريشاتمك فهي مستقبل اولادكم وماتحطوها في هكذا وهميات

اين شهادات شهامة الذي حذرتكم منها انا قبل زمن الحكومة الأن دايرة

تفلزع منها وزول عنده عقل في الخرطوم داير يشتريها مافي

ياابنائي امولاكم ضمان لكم حطوها في الأمارات في مصر في اي جتي ستجدوها

ولكن في السودان لن تجدوها وكل المؤشرات تدل علي اننا قادمون الي ارض اللادولة

الحذر الحذر الحذر


#728091 [المتفائلة جدا]
5.00/5 (3 صوت)

07-23-2013 12:29 PM
عاين الجضوم ديل... ما كفاكم كل اللهفتوهوا من المستثمرين الأجانب ؟؟ قبلتوا على المغتربين التعبانين وشقيانين دايرين تلهفوا شقى عمرهم ..وده منو المتخلف البسمع كلامكم ويجى يستثمر عندكم يا دجالين يا ما عندكم ذمة ..؟؟ روح العب بعيد يا وله.


ردود على المتفائلة جدا
European Union [المتفائلة جدا] 07-23-2013 11:01 PM
ياريت يا جركان فاضى لو الواحد بفكر فى نفسه وأسرته كنت من زمان أخذت أهلى كلهم إلى بلاد الحاضر والمستقبل ..لكننى مهمومة بالوطن الغالى ..وكانت حبوبتى رحمها الله بتقول لينا دائما عبارتها الشهيرة ...وطنى ولا ملى بطنى...فمهما هاجرنا وحملنا جوازات دول أخرى بيظل السودان الحبيب فى وجداننا وفى حدقات عيوننا أينما رحنا وجينا..وده Image نشأنابه وتكون فى دواخلنا منذ طفولتنا الباكرة التى عشناها بين ربوعه لما كان السودان بلد..وذكرباتنا فيه؟؟ وثقافتنا وأهلنا وناسنا دى جذور مغروسة فى أعماقنا من الصعب إقتلاعها بهذه السهولة.. وكاذب من قال من الممكن أن تقتلع من دواخلنا أو نتخلى عنها ..وبلاد الآخرين لن تكون لنا وطن..ندعو الله العلى القدير ببركة هذا الشهر الفضيل أن يزيح هذا الكابوس الإسمو الإنقاذ.. وبإذن الله إنه إلى زوال قريبا جدا وبعدها ننعم وينعم جميع السودانيين بوطن جميل يتساوى فيه الكل ويعيشوا مثل باقى بلاد الله فى بلد يكون فيه أمن ورخاء وحرية..

United States [جركان فاضى] 07-23-2013 02:42 PM
يا متفائلة يا عزيزتى تحولى من مغتربة الى مهاجرة وريحى بالك...الناس ديل نفسهم طويل...والاثار الاقتصادية السيئة تخطت الجيل الحالى والبعدو ودخلت فى البعد البعدو...خلى ابنائك يعيشوا فى بلد فيها حاضر ومستقبل...بالمناسبة كرار التهامى يحمل جواز كندى وهو مهاجر وبعد ما يمص دم الشعب يذهب لكندا ففيها الماضى والحاضر والمستقبل


#728062 [بنى حلفا]
5.00/5 (2 صوت)

07-23-2013 12:04 PM
لجنة خصخصة القطاع الخاص ... حيرتونا


#727983 [الصليحابي]
5.00/5 (5 صوت)

07-23-2013 11:00 AM
كضــابين ، لا نثق فيكم ، ليكم 24 سنة بتكضبو علينا ، قال: الألولوية لاستثمارات المغتربين .. عشان تلهفوها وتلحطوها وتلحسوها


#727974 [Abdo]
4.75/5 (4 صوت)

07-23-2013 10:54 AM
يبدو ان كل الحيطان إستعصت عليه طبيبنا فرجع للحيطة القصيرة ، و البقرة الحلوب و لكن هيهات فقد جف ضرعها، بالمناسبة هل من رابط بين الخارجية و الإستثمار و طب الأسنان ،،


#727954 [Mohd]
4.97/5 (8 صوت)

07-23-2013 10:40 AM
فشلت في جريك يا مصطفى استهبال وفشلت في حشد المستثمرين العرب الكشفوا نومتكم وحراميتكم وسلبكم ونهبكم


وثاني العرجاء رجعت لمراحها ؟

رجعتوا للمغترب الكان مسكين ومدقسنوا ؟

دي تلقوها عند الغافل ثاني

المغترب دا لو بتفرشوا له البلد ورد لما يجيها ولو بتشيلوه في سرير مفروش بالحرير على الاكتاف ومكيف كمان لحدي بيته ما داير منكم شي ولا برسل دولار واحد عن طريق بنوككم ولصوص التمكين المعينين فيها

المغترب الان بعد 24 سرقة ونهب وتدمير وبيع التفت له يا القلت السودانيين شحاتين لوما الانقاذ

الحمد لله ربنا كشفك وصرت انت شحات السودان الاول وشحات الحكومة الاول بل شحات افريقيا الاول

كل يوم جاري من بلد لبلد مرة تلحس في جزمة الوليد بن طلال ومرات تمسح في جزم الخليجيين الاخرين

وخرجت خالي الوفاض ورجعت ثاني للمغترب


اكسب زمنك يا لص وشوف لك شغلة غير الشحدة دي

مغترب داير من بلدكم دي حاجة مافي
يا حرامية يا مدمرين دمر الله عظامكم ببركة هذا الشهر الكريم

اللهم امين


ردود على Mohd
United States [sasa] 07-23-2013 04:37 PM
اللهم آميييييين

اللهم آميييييين

اللهم آميييييين ......... الى مالانهاية


#727940 [osama]
5.00/5 (6 صوت)

07-23-2013 10:25 AM
انا اعطيك مثالا حيا لدكتور النساء والولادة هذا احتمال لعله يفهمه لان راسه كابس. يادكتور مصطفي عثمان اذا كانت المراة عاهره فكيف تستجلب رجالها او ذبائنها اولا سوف تقوم بترتيب منزلها وتجيه نفسها من حمام ودخان وبخور وووو وتهية الجو للرجال لكي يقضون زمنا ممتعا. فانت من المفترض تهيئ مناخ الاستثمار باجتثاث الفساد وثم تشجيع الحركة الاقتصادية المحلية (GDP) Gross domestic productالانتاج المحلي من زراعه والصناعات التحويلية نسيج ووو, ثم رجال الاعمال الاجنبية سوف تسمع بك سمعا ويجوك من غير تمشي وتتبكش ليهم . لدينا ملايين من رجال الاعمال السودانية داخل وخارج الوطن لديهم اموالهم عايزين ياتوا بها لكن يخافون منكم لا توجد بيئة مشجعة. الاستثمار ليس بالاقوال وانما تبسط الامن اولا وسياسة رشيدة وعادله وشفافية لا تقاس بتظير وقوانين تحمي المستثمر وتوفير البنية التحتية من كوادر بشرية طاقة الي اخر . والتعامل بالتساوي لكل البشر اين كان سوداني او كيني ولا خليجي التتعامل بالمؤسسات لست الافراد. معزره بس كنت ذهجان من هذا الطفل المابالغ الرشد.


ردود على osama
United States [julgam] 07-23-2013 05:24 PM
بس تصحيح بسيط يا اسامه. ،،،، مصطفى الدنتول ده كان طبيب للطرف الاعلى من الجسم وليس طبيب نسائيه ،،،،اى طبيب اسنان لم يفتح الله عليه بفتح خشم بقره من قبل او خلع ضرس مسوس حتى ولو كان مسوس من (شرب الشاى بالجكه) او كما قال فى شتيمته الشهيره للشعب السودانى اذ قال :الشعب السودانى كانوا شحاتين. ،،،كانوا بشربوا الشاى بالجكه ،،،،،


#727934 [مردونا]
5.00/5 (3 صوت)

07-23-2013 10:21 AM
الفكرة جميلة ومن حسب تجربتى وانى كنت خارج السودان ورجعت لكى اعمل مشروع ورجعت متالما
وخسرت كل شى والسبب الرئسى يا حضرت الوزير الجلاب الفاكنهم فى الشارع بدون دستور ومراجعة
من ضرايب وكهرباء وماء وبلدية ومحلية وحق العتب وانت بتكون فى بداية مشروعك ولسة ما فتحت المحل هل يا حضرت الوزير دة اسلوب يخلى المستثمر السودانى يجرجع السودان المطلوب 1- اعفاء اى سودانى مقيم خارج ارض الوضن يعمل مشروع صغير او متوسط مدة خمسة سنة حتى يكون مشروعة ويقف حتى لا يهرب وصدقونى دة المخرج الوحيد ومن تجربة . ويوجد مليون سودانى فشل مثل محلات تجارية- سيارت- مصانع صغيرة- وكا لات تجارية


ولكم خالص تحياتى


#727923 [أطرش في الزفه]
4.88/5 (6 صوت)

07-23-2013 10:08 AM
الجماعة بعد ما عدموها نفاخ النار جوة البلد عايزين يقبلوا عليكم. حزارى ثم حزارى أن تبلعوا الطعم. بلد معدل التضخم فيها 55 بالمائة مين اﻷهبل اللي يدخل فلوسه فيها. يعني من اللحظة التحول فيها رياﻻتك لجنيه سوداني تبدأ قيمتها في التآكل لتفقد نصف قيمتها بعد عام. لم أرى في حياتي في أي سوق مالي في العالم استثمار يحقق 50 بالمائه في العام وهذا هو معدل العائد المطلوب كي يحافظ استثمارك على أصل المبلغ المستثمر أذا صدقت كﻻم الناس دول. امس اعلنت شركة زين الكويتيه ان سبب التراجع الحاد في أرباحها هو انخفاض قيمة الجنيه السوداني وانها سوف تلجأ لﻻستثمار في العقارات ففي السودان عوضا عن تحويل أرباحها مما يعني أن أسعار العقار في السودان مرشحة لقفزة هائلة لذا ننصح اﻷخوة المغتربين بتوخي الحذر أذا كان وﻻ بد من الشراء، ويمكنهم عوضا عن ذلك استثمار مدخراتهم في سوق اﻷسهم السعودي في الصناديق اﻻستثمارية المتخصصة خاصة أن السوق السعودي مرشح لطفرة كبيرة عقب انضمامه لمؤشر مورغان ستانلي لﻷسواق الناشئه. طبعا أهم حاجه أن يفهم المستثمر أن سوق اﻷسهم يتطلب طول النفس لدورة اقتصادية كاملة أو أكثر ومن المتعارف عليه في صناعة المال أن أكبر عائد يمكن تحقيقه يأتي من اﻷسهم تليها السندات وأن العقار يأتي في ذيل القائمة. ﻻ تبلعوا الطعم. بعدين الراجل اﻹسمه مصطفى عثمان ده من شكله كده مش ظاهر عليه حرامي.


#727920 [KUDU]
0.00/5 (0 صوت)

07-23-2013 10:06 AM
كلام وخلاص



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2016 www.alrakoba.net - All rights reserved

صحيفة الراكوبة