الأخبار
أخبار إقليمية
الجبهة الثورية السودانية تعلن الاستيلاء علي حامية جبل الدائر ومقتل 27 جندي بالجيش الحكومي واغلاق جميع المدارس بالرهد
الجبهة الثورية السودانية تعلن الاستيلاء علي حامية جبل الدائر ومقتل 27 جندي بالجيش الحكومي واغلاق جميع المدارس بالرهد
الجبهة الثورية السودانية تعلن الاستيلاء علي حامية جبل الدائر ومقتل 27 جندي بالجيش الحكومي واغلاق جميع المدارس بالرهد


الصوارمي يقول تم التصدي لهم وتكبيدهم خسائر
07-24-2013 08:19 PM
اعلنت قوات الجبهة الثورية السودانية ممثلة في قوات حركة العدل والمساواة؛ يوم الاربعاء؛ الاستيلاء علي حامية جبل الدائر بمنطقة السدرة التابعة لمحلية الرهد في ولاية شمال كردفان وتبعد حوالى 20 كيلومتر جنوب الرهد؛ بعد معركة دارت بين الجيش السوداني وقوات حركة العدل والمساواة منذ ليلة الثلاثاء حتي صباح الاربعاء.

وكانت الجبهة الثورية السودانية قد شنت هجمات في ابريل الماضي علي منطقة ابوكرشولا بجنوب كردفان وعدد من المناطق بشمال كردفان؛ وذلك بعد انهيار جولة المفاوضات بين الحكومة والحركة الشعبية لتحرير السودان قطاع الشمال باديس ابابا.

وقال القائد الميداني؛ التجاني الضهيب؛ وهو قائد المتحرك الذي شن الهجوم علي حامية جبل الدائر في تصريح لسودان راديو سيرفس يوم الاربعاء من منطقة زعم انها جبل الدائر؛ ان قواتهم استولت علي عدد 8 عربة لاندكروزر وعدد من الاليات العسكرية؛ فضلا عن قتل حوالي 27 جندي بالقوات المسلحة السودانية؛ واسر اثنين اخرين برتبي رقيب وجندي.

وقال التجاني "قامت قوات حركة العدل والمساواة متمثلة في قوات الجبهة الثورية, صباح يوم الأربعاء الساعة 7 صباحاً, بالهجوم علي حامية جبل الدائر في محلية الرهد بولاية شمال كردفان في تمام الساعة السابعة والنصف , تم ضرب المنطقة واحتواءها تماماً, وتم الاستيلاء على عدد 8 عربة لاندكروزر محملة بالدوشكات, و1 عربة أنتبا, وواحد عربة مان تراك, وعدد 2 ( مدفع بي 10, وعدد 40 صندوق به قاذفات مدفعية للدبابات), وعدد مقدر من ذخائر مدافع (الدوشكا والقرونوف والذخائر الصغيرة), وتم حرق عربة (رينو ) في نفس الموقع وتم تدمير الموقع تماماً وقواتنا مسيطرة على الموقع سيطرة تامة, والآن القوات مسيطرة على منطقة جبل الدائر بالقرب من الرهد, وتم قتل عدد 27 قتيل وتم أسر عدد 2 من الأسرى وهم برتب رقيب وجندي".

ومن جانبه قال مواطن من مدينة الرهد فضل حجب اسمه لأسباب امنية في لقاء مع سودان راديو سيرفس يوم الاربعاء؛ ان السلطات اوقفت الباصات السفرية بين الرهد والخرطوم واغلقت جميع المدارس تحسبا لأي هجوم قد تشنه قوات الجبهة علي المدينة.

واضاف المواطن قائلا "المعلومات العامة التي لدينا تفيد بان منطقة السدرة قد سقطت, بعد معركة ثقيلة من الساعة 11 إلى الرابعة صباحاً بين الجيش وقوات الجبهة الثورية، وجدوا أن عدد هؤلاء الجماعة أكبر من الجيش، طبعاً نحن لم نرهم بأعيننا ولكن سمعنا من مصادرنا في سدرة، ولكن طبعاً لا نستطيع تأكيد مثل هذه الأقوال، لأن الحكومة نفسها تعّتم على الأشياء، وهذه واحدة من الأسباب التي جعلت السودان يصل الي هذه الحالة، ولكن الشيء المعلوم أن الباصات بين الرهد والخرطوم قد توقفت، وكذلك المدارس أٌجلت وعموماً هذا شيء في غاية البساطة، ولكن بكل أمانة الأمر أخطر من ذلك".

ومن جانبه اصدر العقيد الصوارمي خالد سعد الناطق الرسمي باسم القوات المسلحة بيان يوم الاربعاء بيان قال فيه أن قوات الجبهة الثورية قامت صباح يوم الاربعاء بهجوم غادر على قرية السدرة بولاية شمال كردفان بغرض سلب ونهب أموال المواطنين علي حد قوله، وقد دارت معركة في المنطقة تصدت فيها القوات المسلحة للمتمردين وكبدتهم خسائر كبيرة في الأرواح والمعدات وأجبرتهم على الفرار.

وقال الصوارمي في البيان "نؤكد أن كل منطقة السدرة تنعم بالأمن والاستقرار، وأن المنطقة بأكملها تحت السيطرة الكاملة للقوات المسلحة. مؤكدا مقتل خمسة من القوات المسلحة جراء هذا الهجوم.

سودان راديو سيرفس


تعليقات 33 | إهداء 0 | زيارات 25917

التعليقات
#730158 [adil a omer]
0.00/5 (0 صوت)

07-26-2013 05:35 AM
وين السائحون والسائحات .. والمنظرون والمنظرات

ما تخافوا والله بكره حماده والقروب يتفوهم ليكم تف


#730157 [adil a omer]
0.00/5 (0 صوت)

07-26-2013 05:31 AM
وين السائحون والسائحات

ما تخافوا والله بكره حماده والقروب يتفوهم ليكم تف


#730112 [حامدين]
0.00/5 (0 صوت)

07-26-2013 03:04 AM
لا حوله ولا قوة الا بالله سودانيين ايناء وطن واحد يقتلوا فى بعض ما ذنب الضحايا من الجانبين وما ذنب اطفالهم وما ذنب اسرهم لمتين هذا القتال اللعين اوعك ينط لى واحد يتفلسف يقول من اراد الحرية يكتوى بنارها وتقعدوا تجعجعوا خلف الكى بورت ومرتاحين واسركم فى مأمن والمساكين يقاتلوا ويموتوا ويركوا خلفهم المآسى والالم سبب هذه الحرب اللعينة فانها تاخر ولاتقدم وحسبنا الله ونعم الوكيل


#729958 [abusafarouq]
5.00/5 (5 صوت)

07-25-2013 08:52 PM
لجماعة الجبهة الثورية أثناء هجومكم دائما أتركو فرقة للهروب عشان الماداير يقاتل يطلع يهرب سليم لأن كثير من جنود الحكومة مجبورين للقتال ويريدون الفرار من أول طلقة هؤلاء يجب أن تتركوهم يهربو كمان خسائر الموتى مايكون كتير لأنكم جميعا أهلنا برضو وأهم شيىء ركزو خلو تكتيكاتكم تكون محكم كى لايهربو بالغنائم بالأخص ألة حربهم من معدات القتال ووسائل نقلهم الجرار.
النصر لعبد العزيز الحلو ورفاقه والخزى والعار للصوارمى خالد وجماتو بتعاعين المؤتمر البطنى ..


#729936 [omer]
4.47/5 (6 صوت)

07-25-2013 07:26 PM
يا جماعه الجبهه الثوريه ويا قياده الجيش السودانى كل الناس الماتت دى لو لقت عقد عمل فى دبىما كانوا اتورطوا وانت عارفيين كده ما فى واحد عنده قضيه الحكومه ما حكومه اسلاميين بل لصوص عربات ومنازل ونساء وانت عارفيين كده وناس الثوريه كان دايرين علمانيه فى وانتوا عارفيين الاسياد موجوديين وخلافهم ولو دايريين الاسلام دى حاجه تانيه المهم الحل
1 تكوين كتيبه واحده تكون فى الخرطوم وبس تتدرب على السلاح والقنص وتبدا تصفى رؤؤس الثعابيين من الموتمر وخلافه ودى ساهله جدا وارخص وانفع ضربه
والنتيجه حترحموا الشعب من القتل والتشريد وخلافه

يلا ابدووا


#729905 [Mohammed Ahmed Mustafa]
0.00/5 (0 صوت)

07-25-2013 06:25 PM
As usual lying. It is becoming a habit


#729897 [بيبي]
5.00/5 (1 صوت)

07-25-2013 06:00 PM
نحن السودانين مشهورين بالكرم والجود لكن ما مشهورين بالكذب والنفاق الحاجات دي جبتوها من وين لا حقنا ولا حق اجدادنا الله يوريكم في دنياتكم دي والله ظيخارجنا منكم ومن عمايلكم


#729837 [su]
0.00/5 (0 صوت)

07-25-2013 03:59 PM
مادخلوا مكان الاقتلوا المواطنين ونهبوا وسلبوا ,
انكشف امرهم


#729743 [mohammed]
4.50/5 (2 صوت)

07-25-2013 02:21 PM
نهر النيل
عاشق السودان
**************


لايوجد دليل لم نرى ايئ دليل ورونا ادلة بالصورة والصوت لكي ندعمكم اكثر
وعموما قلوبنا دائما معكم لكن الادلة ضرورية جدا لكي نخرس الصوارمي ويكون
الدليل حافزا لدعم الشعب لكم.
رمضان مبارك وكل عام وانتم بخير


ردود على mohammed
United States [مجدون] 07-25-2013 06:34 PM
نصدقك كيف يا محمد ؟
الحكومة هربت .. دا متعفقين عليه
اصلا ما في جيش سوداني ..لكن رجعت وما حصل إحتلال دا نصدقك ولا نصدق المقال كيف عاوزين دليل

[راجل نصيحة] 07-25-2013 03:01 PM
يا أخوى أنا من سدرة جوة الناس ديل جو احتلوا سدرة لمدة 5 ساعات .. دمروا الحامية ونهبوا الغنائم العسكرية والتموينية وانسحبوا ما في زول سألهم .. حامية سدرة كانت صغيرة مش كبيرة جزء من الجيش فر إلى الرهد شمالا وجزء تجاه أبو كرشولا جنوباً .. أهلنا جزء منهم هرب تجاه غرب جبل الدائرة .. وجزء خرج تجاه الشرق الرهد والسميح .. ناس الحركة أخذوا منهم كل هواتفهم وموبايلاتهم .. وقروشهم .. وحتى الناس ما قادرين يحصلوا المدينة نايمين أمس في الخلا .. وصحيح الجيش جاء راجع للمعسكر بتاع سدرة الآن الأوضاع آمنة بجبل الدائر ..
اللهم أجبر كسر أهلنا


#729687 [تائه]
5.00/5 (1 صوت)

07-25-2013 01:09 PM
حرمة رمضان يا مؤتمر وطني يا جبهة ثورية


#729656 [ودسنار]
5.00/5 (3 صوت)

07-25-2013 12:49 PM
يا ناس الدنيا رمضــــــــــــان والراجل الاسمو الصوارمي دا مصر يكذب لا حوله ولا قوة إلا بالله


#729618 [Ahmed]
4.75/5 (3 صوت)

07-25-2013 12:09 PM
25 ضحية اخرى من ابناء السودان الابرياء، المشكلة انه العساكر دايما من المناطق المهمشة، و لانهم عساكر ما بقدروا يخالفوا الاوامر، الافضل لو تمت توعية للجنود عشان يتمردوا من امرة ضباط المؤتمر الوطني و الامنجية، عندها ستكون دماء الهامش قد حقنت جد جد، مسئولية الحركة الثورية ان تكثف العمل التوعوي و الدعائي وسط جنود القوات المسلحة ممن ينحدرون من المناطق المهمشة و إلا فإن قوات الحركة الثورية ستقتل جنود مهمشين في الاساس و مغلوبين على امرهم

ما لا افهمه إلى الآن لماذا لا تستهدف الحركة الثورية قيادات الكيزان في الخرطوم لحسم هذا الصراع اللعين، و الله الكيزان ديل تصلوا واحد جنب بيته تلقوا الباقين من القيادات قاموا صوف، زي علي عثمان و نافع في موت قرنق و دخول خليل امدرمان كانوا خارجوا نفسهم و اسبوع زوول شافهم في تلفزيون مافي

الله يكون في عون السودان


#729599 [Krkasa]
5.00/5 (1 صوت)

07-25-2013 11:48 AM
مبروك والى الامام


#729598 [صابر]
4.00/5 (1 صوت)

07-25-2013 11:47 AM
يا الصحاف، اقصد الصوارمي، ما فضل ليك إلا تستخدم كلمة "العلوج" العزيزة على وزير الإعلام العراقي الأسبق محمد سعيد الصحاف، الله يذكره بالخير.
له الحق أبو العفين يقول الجيش ما قادر يسيطر على الأوضاع. إذهب إلى أبي العفين وخليهو يجيب أولاده وأولاد الكيزان الذي يعربدون في المصائف بالشورتات لمواجهة هؤلاء "العلوج".


#729565 [,ود امدرمان]
5.00/5 (2 صوت)

07-25-2013 11:16 AM
فعلا يا الركابي أملنا الوحيد للخلاص معقود على الجبهة الثورية أما السيدين الديناصورين (الصادق و الميرغني)فلن يكون لهما مكان في الخارطة السياسية و علي جماهيرهم البحث عن قيادة جديدة خارج العائلتين ليكون فعلا سودان جديد.


#729558 [اللحوي]
5.00/5 (1 صوت)

07-25-2013 11:09 AM
نـحـنـا عـايـزيـن كـل الـقـوة مع الـشـعـب خـرطـوم جــــــــــــــوة


#729557 [فركتو]
4.75/5 (3 صوت)

07-25-2013 11:07 AM
مبروك لقوات الجبهة الثورية الشرفاء وهم يخودون معارك الكرامة من اجل سودان يسع الجميع
الخطة ب التى اعلن عنها القائد مناوى قد بدءت وهى خطة جيدة جدا جدا لانها تنقل الحرب المحصورة فقط فى دارفور وجبال النوبة الى مناطق اخري قريبة من المركز حتى يتجهجه المؤتمر الوثنى ولا يستطيع سدها من اى جهة
الحرب استمرت في دارفور 10 سنوات والحكومة لم تستطغ تقديم اى تنازلات لحل القضية الدارفورية ويبدو انها مستمتعة بالحرب والقتل والنهب والاقتصاب والنزوح الذى يعانى منه شعب دارفور لذلك ان الخطة ب هى قمة الذكاء من قادة الجبهة الثورية


ردود على فركتو
United States [samisuh] 07-25-2013 06:54 PM
يخودون
دارفور


#729550 [شوكة الحوت]
3.00/5 (2 صوت)

07-25-2013 11:01 AM
أذا نطق الصوارمي فكذبوه، فإن القول عكس ما نطق الصوارمي، أبو العفين رقم 2


#729510 [sinnari]
0.00/5 (0 صوت)

07-25-2013 09:53 AM
ده القدرت عليه يا Kala ؟؟؟ قصدك التحيه لمليشيات المؤتمر الوطني.
بقترح عليك تمشي تجاهد لنيل الشهاده و تشوف بعينك أحسن.


#729410 [سمرسنق]
0.00/5 (0 صوت)

07-25-2013 02:53 AM
قعلوالعمليات قي الشرق


#729404 [معاويـــــــــــــــــــــــــــــــــة]
5.00/5 (1 صوت)

07-25-2013 02:42 AM
الصرمه خالد سعد اخجل غليك الله نحنا فى القرن ال 21 والعالم الان مكشوف كانك فى قطيه
بطل الاكا ذيب وكلم ابوريالة والرقاص بتوعنك ديل بالموقف الرسمى لقوات المؤتمر الوثنى
بتاعكم ده وتعرف انكم فى ورطه والدواس جايكم ليع ارجل بس تفو عليك وعلى الترابى الرباكم


#729358 [الحقيقة مرة]
4.49/5 (9 صوت)

07-25-2013 01:10 AM
مؤكدا مقتل خمسة من القوات المسلحة
_____

البشير ضبح 300 الف في دارفور واعترف ب10 الف بس يعني 3% من العدد الاصلي الصوارمي فطسو 27 في جبل الداير اعترف ب5 فقط يعني 18.5% من العدد الاصلي بما يؤكد انو الكذب في النظام لا يخضع لمعادلات ثابتة وانما جربندية كل واحد بنجر من راسو ساي والصوارمي لانو واجهة اعلامية مضطر يخفض سقف الاكاذيب عشان تبقى مبلوعة على الاقل


#729356 [مستغرب شديد]
5.00/5 (5 صوت)

07-25-2013 01:00 AM
يا ما تخجل انحنا شوفنا الجيش
الجارين من هناك ودخلو الرهد
قدمنا ليهم الموية وقالو لينا انو
الناس ديل مابتداوسو


#729345 [ود العقاب]
3.00/5 (2 صوت)

07-25-2013 12:42 AM
نسأل الله ان يسلم بلدنا وبلاد المسلمين من كل شر ان يحقن دماءهم .


#729318 [كسلاوي]
5.00/5 (4 صوت)

07-25-2013 12:09 AM
ههههههههههههههههههههههههههههههههههههههههههههه !!! يا صوارمي تعرف على الكذب عشان كدا انت معزووووووووووووووووووووووووووووووور !!
ان شاء الله سيحالفنا النصر !!


#729312 [kala]
4.00/5 (6 صوت)

07-25-2013 12:01 AM
كضب في كضب والتحية للقوات المسلحة


ردود على kala
European Union [ali alfred] 07-25-2013 11:47 AM
Kalaاختشي على دمك.هؤلاءالطغاة يجب أن يدفعوا ثمن طغيانهم,ومن يقول غير ذالك فهو عميل او خائف او جبان.

United States [فركتو] 07-25-2013 11:14 AM
هل يوجد قوات مسلحة طبعا لا لا كلهم مليشيات ومرتزقة القوات المسلحةالحقيقية هى قوات الجبهة الثورية المناضلة

United States [sinnari] 07-25-2013 09:50 AM
ده القدرت عليه يا Kala ؟؟؟ قصدك التحيه لمليشيات المؤتمر الوطني.
بقترح عليك تمشي تجاهد لنيل الشهاده و تشوف بعينك أحسن.


#729302 [الهويرة ام شوك]
5.00/5 (1 صوت)

07-24-2013 11:39 PM
كذااااااااااااااااااااااااااااااااااااااااب يا صوارمي الله يصرّمك بالشوك ، ويرميك في الهويرة ام شوك


#729288 [مطر الرشاش]
5.00/5 (1 صوت)

07-24-2013 11:13 PM
ما عارفين نصصدق ونكذب منو ... حكي بدون ما يؤيده


ردود على مطر الرشاش
European Union [أبو احمد] 07-25-2013 07:49 AM
صدقوا الصارمة لانه أصلا كان أمام جامع وطوالى رتبه لانه. بيعرف. يحكى كويس


#729285 [warrag ali]
5.00/5 (4 صوت)

07-24-2013 11:09 PM
يا عقيد صوارمي مفروض يكون اسمك الناطق الكذاب لانو كلامك كله كذب في كذب والدنيا رمضان اتق الله


#729275 [ضبعو]
5.00/5 (1 صوت)

07-24-2013 10:33 PM
الحمدلله هذأ شهر بركة خير لكم الشكر يا ابطال علي التضحيات الخرطوم انشأالله وازالت السوس الذي نخر في عظم السودان البلد العظيم لكم جزيل الشكر


#729266 [صالة المغادرة]
4.94/5 (8 صوت)

07-24-2013 10:20 PM
هذا الصرمة المشهور بالاكاذيب لااحد يصدق كلمة تخرج من فمه القذر والامر المؤكد ان جبل الدائر تحت سيطرة قوات الجبهة الثورية وبعد الدفاع بالنظر باقى ليكم الهجوم بالجرى فبالامس القريب جرى الرقاص من نيجيريا ولايزال عفشه بمنزل السفير بابوجا وعقبال الهروب الجماعى لكن وين الجحر اتملا موية هاك مرسى ده ينصر دينك يا الفريق السيسى.


ردود على صالة المغادرة
United States [نادر القلعه] 07-25-2013 07:58 AM
قالوا (الشريف) ما مبسوط منو .


#729263 [الكردفاني]
5.00/5 (1 صوت)

07-24-2013 10:15 PM
أعوذ بالله من النفاق والمنافقين,


#729251 [ركابي]
5.00/5 (7 صوت)

07-24-2013 09:45 PM
الأمل الوحيد للخلاص معقود علي رجال الجبهة الثورية .........


ردود على ركابي
United States [زنقه زنقه] 07-25-2013 10:59 AM
بعد مشيئة الله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة