الأخبار
أخبار إقليمية
بمسدس تهديد استاذ المنصوري بالقتل بعد كشفه للفساد بوزارة التربية والتعليم



07-26-2013 10:01 AM
حركة تغيير السودان: تدين بقوة تهديد استاذ/المنصوري بالقتل بعد كشفه للفساد بوزارة التربية والتعليم


في سابقة غريبه ودخيله علي الشعب السوداني وبالاخص في مجتمع المعلمين السودانيين تعرض الاستاذ/عبدالرحيم احمد المنصوري /امين جهاز النقابات والمهن بحركة تغيير السودان للتهديد بالقتل واخراج مسدس في وجهه من المدعو/خضر الزبير /مدير تعليم ثانوي محلية شرق النيل ورئيس امانة النقابات بالمؤتمر الوطني ،وذلك بعد ان قام الاستاذ المنصوري بكشف الفساد المالي والاداري بالتعليم امام الاعلام والراي العام كما قام هو وزملائه برفع مذكرة لوزير التربية والتعليم وتنفيذ وقفه احتجاجية بهذا الصدد داخل مباني وزارة التربية والتعليم ولاية الخرطوم في الايام السابقة ، تم بعدها ايقافه من العمل واعتقاله من جهاز الامن ، كما تم اعتقال الموقعين علي مذكرة الفساد منهم الاستاذ/ياسر علي.
تمت حادثة اخراج المسدس في وجه المنصوري وتهديده بالقتل يوم الاربعاء 24/7/2013م الساعة الثانية ظهرا داخل مباني وزارة التربية وفي عدد من الشهود،اننا ندين بشدة هذا السلوك الغريب والجبان من قبل المدعوا خضر الزبير وليعلم ان التهديد لايثنينا عن القضية ونحذره و نحمله اي مسئوليه تحدث لاي من اعضائنا او اي معلم يطالب بحقوقه واننا سنرد الصاع صاعين ،ونذكره ان السلطة لن تحميه من اخذ حقنا مهما طال الزمن .




جهاز النقابات والمهن-دائرة المعلمين
25/7/2013م الخميس


تعليقات 8 | إهداء 0 | زيارات 6781

التعليقات
#730695 [معاويـــــــــــــــــــــــــــــــــة]
0.00/5 (0 صوت)

07-27-2013 07:31 AM
ده السبب الوجيه البخلى كل الناس تانى تعرف كيف تحمى نفسها فليعلم اهل الانقاذ انه لن تذر واذرة وذر اخرى وان فجر الحرية اتى لا محالة والله لن نتهاون ولا عفى الله عما سلف ايها الانجاس تفو عليكم دى مهنة التربية وليس مهنة رباطين يا بلطجية تفو عليكم الف مره


#730626 [الكارورى]
0.00/5 (0 صوت)

07-27-2013 01:01 AM
إنتو البشير ما قاعد يسمع الكلام ده ؟؟؟ ولاهو مطنش بس ؟؟؟ أفيدونا ,, فقد بلغ السيل الذبا!!!


#730607 [قرفان من السجم]
5.00/5 (1 صوت)

07-27-2013 12:11 AM
دا مدير مدرسة ولا رباطي ولا جنجويد ..يا اخوانا فهمونا ،تاني الواحد يشيل معاه مسدس ولا شنو ؟
ياناس أبو مرين كتروا لينا من السلاح الله يخليكم ، وافتحوا ليكم فرع في شارع المدارس ..


#730603 [سودانى اطلاقا ما منفرج الأسارير]
0.00/5 (0 صوت)

07-27-2013 12:01 AM
تعليم ايه اللى عاوزاه "ينعدل" يا وزيرة التربيه!! المدعو خضر الزبير دا كيف وصل درجة مدير تعليم ثانوى؟؟ رحم الله الثانوى ورحم الله شرق النيل ورحم الله التعليم ومن كانوا مسؤولين عنه قبل الثلاثين من حزيران 1989 .. اذا المسؤول عن التعليم الثانوى "ابن الزبير - وبرضو الزبير جزء من اسمو؟ !! ومؤتمى وطنى كمان !!" عايز "يلحّق زميلو المنصورى امات طه" ليه مستعجبين اذا تلاميذ ألأساس او الثانوى بيعملوها ؟
السبب شنو يا الست الوزيره؟ جاء فى الخبر ان المجنى عليه وآخرون رفعوا مذكره للسيد الوزير الولائى ( (وكيلك السابق المليونى الحوافز .. اللى برضو محسوب عليك وعلى وزارتك) واتبعوها بوقفه احتجاجيه (اكيد بعدما فشلو فى الحصول على ٌاستجابه او رد فعل على ما احتوته مذكرتهم من الوزير المليونى!! هل تم تحقيق فيما نسب للمعتدى حامل الأسلحه فى ديار يؤمر فيها بتوقف العقوبه البدنيه ضربا بالعصا او حتى بالمساطر على ايدى الطلاب !! ايش حال ألأعتداء بالمسدسات على الزملاء .. وزيرة التربيه الأتحاديه ووكيلها السابق المليونى التحفزه الذاتيه هل عندهم وش يتكلمو بيهو فى اى مجتمع عن الترييه وألأنضباط الخلقى؟ بالمناسبه همّن والوكيل الحالى غير المصدق جلوسو على كرسى عوض ساتى ونصر حاج على وحسن احمد يوسف وماسكاه ام فريحانه يتكشم براهو زى نار القصب لسّا ما استقالو؟ iT IS A SCANDAL.. SOME PEOPLE OUGHT TO LOSE THEIR JOBS FOR IT!!! والله انى لا اصدق ...هل فيكم من يصدق ان يصل الحال بين احد قادة التعليم وزميل له الى هذا المستوى؟؟
يا ناس .. يا ويحكم.. اما فى البلد رجل رشيد.. اما فى البلد رجل عاقل.. اما بين اهل التعليم "رجل" كبير!!! ماذا تم فى ألأمر؟ هل لايزال السيد "ابن الزبير" يذهب الى محلية شرق النيل ويزاول عملا تربويا فيها؟..وهل "يمتشق حسامه" فى حله وترحاله ايها المعتصم بن عبرحيم ؟؟
اها لوح انزال توصيات مؤتمر التعليم بتاع السنه اللى فاتت الى ارض الواقع وصل وين؟ ألآليه اجتمعت
تانى ولا لسّا؟؟؟


#730507 [سيد احمد الشايقي]
5.00/5 (1 صوت)

07-26-2013 07:35 PM
هههههههههههههههههههههههههههههههههههههههها والله يامنصوري وياسر قصتكم مع خضر الزبير ذكرتني بيت الشعر ( زعم الفرزدق ان سيقتل مربعا فابشر بطول سلامة يا مربع) والله دي ذاتا بشاره انو خضر الزبير بقي يعرف يمسك المسدس ونتمني انو كمان بقي يعرف يدرس التاريخ لي صف تاني ثانوي هههههههههههههههههههههههههههههههههههها قال دكتوراة قال عاشت الانقاذ لانقاذ هؤلاء الجهله من الانقراض. وعقبال لي عباس حبيب الله يسوق دبابه والتشاري يسوق الطياره هذا زمانك يا مهازل فامرحي


#730449 [nagatabuzaid]
5.00/5 (1 صوت)

07-26-2013 04:58 PM
يظهر الموضوع كبيييييييييييييييييييييييييير والسرررررررررررررررررقة كبييييييييييييييرة


عليك الله يا المنصورىو يا جهاز النقابات والمهن دائرة المعلمين ما تنسوا كشوفات حوافز العمال


التى تيداء باول سم فيها معتصم عبد الرحيم لما كان وكيل وبعد اصبح وزير وتقييم عربات

الوزارة وبيعها الصورى واعرفوا منو الاشتروها كان ما قاموا محو اثار الجريمة اييييييك انتو

يا دووووووووب بديتوا انتو حتواجهكم قنابل واسلحة ايرانية ان تعمقتوا فى مخالفات وزارة

التربية ولاية الخرطوم

ممكن نستغرب ما حدث فى اى مرحلة تاريخية فى السودان الا فى عهد الانتكاس انها انتكسة كبرى


#730315 [hilal0987]
0.00/5 (0 صوت)

07-26-2013 01:11 PM
يا اخوانا قلنا ليكم الف مره البلد دى مافيها قانون اى واحد ياخذ حقو بايدو .


#730233 [ابو ايمن الحلاوى]
5.00/5 (1 صوت)

07-26-2013 10:29 AM
هنا يكمن حكم قوش واميقو والفيلم COWBOY ونحن فى عهد التتر والمناظر من ولاية تكساس !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة