الأخبار
منوعات سودانية
ثلاثة أبناء يسيئون إلى والدهم ويضربونه بـ (تربيزة)



اعترض على سفر إبنته للقاهرة وحدها
07-27-2013 08:02 AM
أوقعت محكمة جنايات جنوب الخرطوم عقوبة الجلد (30) جلدة، على ثلاثة أشقاء (فتاتين وشاب)، وبرأت شقيقتهم الرابعة من تهمة الإخلال بالأمن.
وكانت الشرطة قد تلقت بلاغاً من الشاكية تفيد فيه بوقوع مشاجرة بين ثلاثة أشقاء (فتاتين وشاب) ووالدهم، داخل المنزل، فخفت الشرطة إلى المكان وأوقفتهم جميعاً، وسجلت ضدهم بلاغاً بالإزعاج العام. وفي التحري اتضح أن واحدة من البنات أساءت إلى والدها وقالت له: (أنت راجل فاشل) وقامت الأخرى بضربه بـ (تربيزة)، لأنه اعترض على سفر إحداهن للقاهرة وحدها. وتبين للشرطة أن سبب الخلاف مشكلة بين الفتيات وزوجة شقيقهن.
وبعد التحري تم تحويل البلاغ للمحكمة التي فصلت فيه.

المجهر


تعليقات 17 | إهداء 0 | زيارات 7070

التعليقات
#731791 [تينا]
5.00/5 (1 صوت)

07-28-2013 03:03 PM
اكرر شكرى وتقديرى اختى الفاضله ((( نجاة ابو زيد ))) وكل القلتيهو صحيح بس بسال ربى يدينى الصبر وقوة الاحتمال لمثل هؤلاء البشر كما لا انكر ابدا الراكوبه وجدت فيها اخوه بحق محترمين ايما احترام وتربيه نظيفه الله يديهم العافيه . واشكرك جدا جدا ((( عمنا البهمنا ))) الله يديك العافيه ويخليك لينا وتنورنا دائما للصحيح واقول لكما رمضان كريم . تحياتى


#731542 [عبثي]
0.00/5 (0 صوت)

07-28-2013 11:34 AM
بنات قليلات اللدب ..


#731528 [الغضنفر]
0.00/5 (0 صوت)

07-28-2013 11:25 AM
أصلاً الصياغة ركيكة و ما مفهمومة.
بس حيرتني حكاية ( الإخلال بالأمن ) دي. يعني أفراد عائلة حصلت بينهم مشكلة تخل بأمن الدولة و إلا شنو؟
أرجو من الصحف التي تهتم بنشر الحوادث أن تعمل على تدريب صحفييها المكلفين بهذه المهمة جيداً حتى يتمكن القارئ من فهم مضمون الخبر.


#731393 [ديامي قديم]
5.00/5 (1 صوت)

07-28-2013 07:50 AM
البنات ديل ما عندهن أدب وثم ثانياً البت دي ما شة القاهرة لشنو طالما أبوها رافض سفرها لوحدها؟ بس أوع الشريف يكون في زيارة للقاهرة.. ما هو دائما ًمبسوط مننا


#731379 [سماسم طيبة]
5.00/5 (1 صوت)

07-28-2013 06:37 AM
هذه نتيجة حتمية لسقوط القيم في دولة المشروع اللاحضاري والله زمان عمرنا ما سمعنا بتصرفات زي دي الله يجازي اللي كان السبب


#731318 [تينا]
3.50/5 (2 صوت)

07-28-2013 01:20 AM
اختى الفاضله ((( نجاة ابو زيد ))) اشكرك جدا على تعقيبك هو لا يعرفنى وظن فينى ظن السوء فعلا الله حسبى ونعم الوكيل . اما اخوى ((( ود امدرمان )))) اقول ليك انا لو كنت مشيت بالحاجتين الانت ذكرتهم ما كنت بزعل وبرد عليه لانى عملت كدا لكن لانى بت عيله ومش ايى كلام ولما مشيت مصر ما مشيتا مسميه اسمى علمانيه ومدعيه انى لاجئه سياسيه ومتسوله اعانات الامم المتحده مثل ((( علمانى ))) انا يا سيدى ما مشيتا مره ولا مرتين كتييييييييييير وكنت عايشه فيها فتره لكن مع اهلى وبيحق اهلى وعزوتى وبيكرامتى وساكنه فى ارقى وافخم احياءها مش زى ما قال لى علمانى اظنك كنتى ساكنه فى شبرا ولا قعر الشواربى ولا روض الفرج دى حوارى للمابعرفوا مصر وقال لى تكونى مع السودانيات ديل الحايمات فى الحتات دى وشارع الشواربى يعنى بالواضح انتى ساقطه من السودانيات البمشو مصر للحوامه وما شابهها وقال لى انتى فاكره نفسك فى بيت مشاط ولا ايه اقول ليهو لا يا سيد انا ما مشاطه ولا عاطله زيك فى قعادى فى مصر مع اهلى وعزوتى عملت دراسات عليا وبيحق اهلى ما اعانات وصحيح الما بعرفك بجهلك والغريبه تصدقوا وقاحتو دى كلها ياريت لو كنت غلطانه عليهو ابدا غلط على المدعو ((( ريبيل ))) وحتى هو شتمنى وقال لى عفنكم دا كلو عشان وجهة نظرى فى تعليق ما عجبو ورديت عليهو وكنت زعلانه جدا لا نى مابغلط على احد لكن الحقاره ما بستحملا البغلط على بوريهو النجوم عز الضهر فاذا بى اجد كل هذه الشتائم الوقحه من المدعو ((( علمانى ))) يعنى الولد بدافع ل((( ريبيل ))) تخيلوا وانا اسفه اتكلمت عن نفسى لكن رد لى كلامك يا ود امدرمان وانا زاتى من امدرمان واسفه للاطاله كان لابد منها عشان تفهموا الملابسات طال ما اهتميتوا بى تعليقى وشاكره ومقدره ليكم جداواخيرا اكرر افوض امرى الى الله وحسبى الله ونعم الوكيل. ارجوكم النشر يا ناس الراكوبه مع خالص شكرى وتقديرى


ردود على تينا
United States [nagatabuzaid] 07-28-2013 10:05 AM
( ما يلفظ من قول الا لديه رقيب عتيد )

يا تينا ولا يهمك راكوبتنا لامة كل النوعيات فيهم من وزعت لهم الاجهزة ممن يتبعونهم

ومنهم من يلقط بهنا وهنا يلم ليه جنيه ولا اثين ويدخل اقرب محل انترنت ويقعد يلغلغ

وهو اجهل من ابا جهل ومنهم من يجلس امام جهاز الشركة او مكان العمل خلسة وهاك يا ورجغة

وهؤلاء من نوعية من هاجموك . هناك بعض المحترمين جدا وان اختلفوا معك فى وجهة النظر

والانتماءويعلق باحترام ويمكن تبادل الردود ووجهات النظر والبعض يريدك غصبا عنك اخنق فطس

تتبعيه وان وان اختلفت معه الويل والثبور واقل صفة انت مندسة ودى حمى خفيفة من تناول

الاعرض ومن يشتم بمثل اساليبهم اكيد هو لا عرض له ولا حمية ولا وليات ومعظمهم يعملون body gard للحايمات بمصر يعنى ثمن الصعود والسجارة من هؤلاء الحايمات واحساسهم بالشعور بالنقص

والدونية يدفعهم لهذا السلوك العدوانى الشرس القذر بقذف المحصنات وانت وانا وغيرنا

يعرف نوعية هذه المستويات من اسلوبهم وامثالهم لا يحلمون ولا يلتقون بامثالك لا فى مصر ولا

فى السودان وهذه النوعية فلا تردى عليهم وهم وصمة عار على من يدعون انهم ينتمون لهم

واكيد اولئك ان عرفوهم باسمهم الاصلى سيطردونهم بلا تردد ان مكانهم افعل ذلك ولا يهمك

علقى وعبرى عن وجهة نظرك واكيد سيكون هناك من يخالفها ومن يوافقها من يخافك ويرد عليك

باسلوب مهذب تحاورى معه والنوعية الاخرى ارميها ( اجدعيها وراك )

United States [عمكم البهمكم] 07-28-2013 09:35 AM
الله يحفظك يابنتي... باين عليك بنت أصول


#731257 [omer]
0.00/5 (0 صوت)

07-27-2013 11:20 PM
0


#731068 [الشرانى]
3.50/5 (2 صوت)

07-27-2013 05:22 PM
بكونوا اولاد حرام. واستغفر الله العظيم


#731062 [كركاب]
0.00/5 (0 صوت)

07-27-2013 05:14 PM
يبعون الناس الوهم
كلام خارم بارم
شنو؟؟؟؟ الشكلة كانت مدورة مع مراة الاخ والبنات ،الدخل الاب شنو؟؟
وكيف ابن يقيف مع اخواتة ضد ابوة...
دا كلام


#731046 [hajabbakar]
0.00/5 (0 صوت)

07-27-2013 04:56 PM
زمن ردئ


#731004 [تينا]
0.00/5 (0 صوت)

07-27-2013 03:36 PM
اطلع يا المدعو ((( علمانى ))) وادينا رايك فى قصة البنت المسافره القاهره لوحدها باقى انت متخصص فى مجال السودانيات القلت حايمات فى القاهره كما وصفتنى بهن افوض امرى الى الله وحسبنا الله ونعم الوكيل


ردود على تينا
United States [nagatabuzaid] 07-27-2013 06:38 PM
اهلكتىه يا تينا وادبتيه بادبك مع الله ( حسبنا الله ونعم الوكيل ) سيف الله وضربة قاضية


( افوض امرى الى الله ) ما خليتى شىء وان شاء الله هو حسبك ونعم الوكيل

[ودامدرمان] 07-27-2013 05:31 PM
والله يا تينا كان مشيتي لوحدك او بدون رضاء والديك يبقي علماني ماخاتي عليك


#730957 [الكناني]
0.00/5 (0 صوت)

07-27-2013 02:18 PM
كل هذا انت مسئول عنه يا عمر البشير يوم الموقف العظيم ، تحاسب علي سؤ الادب وضيق الاخلاق لانك جوعت وشردت وتمكنت .. حسبنا الله ونعم الوكيل


#730903 [nagatabuzaid]
0.00/5 (0 صوت)

07-27-2013 01:27 PM
عقوق الوالدين من اكبر المصايب حتى وان كان برفع الصوت عليه لكن نرجع للاب كيف كانت


تربيتك لاولادك فالبنت المتربية صاااح لا يمكن يخطر فى بالها ان تسافر للمسيد القيربة وحدها


سؤال اخر كيف كانت معاملتك مع والديك ؟؟ تذكر وارجع لعمق الذاكرة تجد نفسك والله اعلم رفعت

عليه تربيزة ربوا اولاكم وبروا والديكم الله يهدينا ويهديكم


ردود على nagatabuzaid
United States [؟؟؟؟؟؟؟؟؟؟؟] 07-27-2013 02:26 PM
كلام منطقي جدي.. فعلا كما ذكرت يا نجاة ابوزيد.. فعلا عليه مراجعة نفسه.. عندما قرأت قول البنت لابوها[أنت راجل فاشل] اقشعر بدني.. بنت مسافرة للقاهرة وحدها والاخ موافق على سفرها.


#730826 [عمنا الحاج ود عجبنا]
0.00/5 (0 صوت)

07-27-2013 12:09 PM
نسأل الله السلامة والعافية ولاحول ولا قوة الا بالله. اللهم جنبنا الفتن ماظهر منها وما بطن.


#730794 [فركتو]
0.00/5 (0 صوت)

07-27-2013 11:14 AM
انتم يا ناس المجهر دايرين تبقو زى ناس الدار تتبعون عورات الناس


#730770 [مالم]
0.00/5 (0 صوت)

07-27-2013 10:43 AM
قصة متناقضة


#730720 [رحومة]
0.00/5 (0 صوت)

07-27-2013 09:13 AM
نسأل الله السلامة ماذا اصاب الامة؟ ألا يعلم هؤلاء أن عقوق الوالدسن من الكبائر.


ردود على رحومة
[الضيف] 07-27-2013 10:41 AM
هم يعلمون ذلك يارحومة ولكن ما تصوره المسلسلات من وقائع ومفاهيهم تجعلهم يرون الصواب خطا والخطأ صواب .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة