الأخبار
منوعات سودانية
إنقطاع التيار الكهربائي يلغي مباراة الهلال السوداني والاكسبريس الأوغندي بنهائي دورة وادي النيل
إنقطاع التيار الكهربائي يلغي مباراة الهلال السوداني والاكسبريس الأوغندي بنهائي دورة وادي النيل
إنقطاع التيار الكهربائي يلغي مباراة الهلال السوداني والاكسبريس الأوغندي بنهائي دورة وادي النيل


كابتن الهلال يتسلم كأس البطولة رغم الغاء المباراة النهائية
07-28-2013 09:12 AM

تسبب إنقطاع التيار الكهربائي بملعب إستاد الخرطوم في إلغاء مباراة الهلال السوداني والإكسبريس الأوغندي في ختام دورة النيل الكبرى مساء السبت ،وذلك بعد مرور ربع ساعة من المباراة التي كان الهلال حينها متقدماً بهدف أحرزه محمد عبد الرحمن في الدقيقة ال12.

وتم تسليم الهلال الميداليات الذهبية وكأس البطولة ، بعد أن اعتمدت اللجنة المنظمة نتيجة المباراة التي لم تكتمل بسب انقطاع التيار الكهربائي،واحتل الخرطوم الوطني منظم البطولة المركز الثاني بفارق الأهداف عن الهلال وحل ثالثا الاكسبريس الأوغندي فيما احتل البن الأثيوبي المركز الرابع.

كوورة



تعليقات 13 | إهداء 0 | زيارات 5022

التعليقات
#732285 [ميرغني النقي]
0.00/5 (0 صوت)

07-29-2013 11:51 AM
انتو الناس ديل سكارى في رمضان وألا شنو


#731942 [المخبازه جاااات]
0.00/5 (0 صوت)

07-28-2013 09:52 PM
ههههههههه والله غايتو يا هلالاب الا تشيلوا الكاسات بالطريقه دي (مكيده دبرت بليل) لكن عدييييل كده ما بتقدروا عليها وما مستواكم ..معقوله حصيله ميه سنه بطوله وادي النيل الكبرى!!!ياللبراااااعه هههههههههههههههههه


#731868 [saif]
0.00/5 (0 صوت)

07-28-2013 05:46 PM
فرح
الغلابة


#731806 [خالد]
5.00/5 (1 صوت)

07-28-2013 04:23 PM
هذا لا يحدث إلا في سودان الكيزان


#731789 [ود كوبر]
0.00/5 (0 صوت)

07-28-2013 04:03 PM
يا جماعة خلو الرشاشات يفرحوا شوية أصلو عمرهم ما فازوا بأى بطولة خارجية، وكانوا راجين شداد يفوز كى يدغمس ليهم واحدة كدة لكن برضو شيئ خير من لا شيئ ةالبركة فى إنقطاع الكهرباء،،

بالله شوفهم فرحانين كيف، وتلقى جماهيرهم خرجت تحتفل الفن الفن هلال الفن،، سجمكم


#731722 [ابوصالح]
0.00/5 (0 صوت)

07-28-2013 03:01 PM
مبروك للوصيف البطولة التالتة بدون مباراة نهائية هذه هدايا لناس مالاقين فرح قالوا احسن يفرحوهم بكاس ملح وفي نفس الوقت الغيت بطولة الرديف المعلنة والتي وصلت المباراة النهائية ولأن طرفها المريخ وسوف يحرزها بنسبة 99% تم الغاؤها ولو اهدوها للنسور نحن في المريخ نبارك للنسور وسبب الألغاء انو الهلال خرج من الأدوار الأولية وحرام المريخ يشيل كاس اول دورى للرديف وبعدين ناس الهلال يزعلو والله مهازل في بلد المهازل


#731717 [سودانى منفرج الأسارير]
0.00/5 (0 صوت)

07-28-2013 02:56 PM
(1)انه مسرح اللامعقول.. يا جماعه الحكايه حلم ولآ علم!! والله لولا الصورة المضحكه على مقدم الكاس على من يتسلمه والمحزنه المبكيه على حال السودان داخليا وعلى سمعته خارجيا لما صدقنا النبأ الفاجع ألاليم
(2)هل يعقل ان يصل السودان الى هذا الدرك من الهرجله وألأنفلات ان تقام دوره رياضيه تدعى للمشاركة فيها فرق من خارج البلاد ويتم الغاء الدوره قبل اكتمالها كدوره بحجة ان اتحاد كرة القدم مشغول بالأنتخابات وما استطاع ان يضع برنامجا لما تبقى من منافسات الدوره فى مراحله النهائيه!!! .. (3)ينقطع التيار الكهربائى ساعة اقامة احدى المباراة قيل انها المباراة النهائيه (ولا يكون هناك اى تحسب لذلك) ..
(4)ألأعجب انه تم اعتماد نتيجة البمباراة التى لم تستمر اكثر من ربع ساعه !!!! وتم تسليم كأس بطولة الدوره اللى لم تكتمل فى الضلمّه !!! دا سمعتو بيه؟؟ موش بالله فضيحه بجلاجل يا منظمى الدوره!!! بالله لو سئل منظمو هذا "العبث الكارثى": ماذا كانت مشاعرهم عندما رجعوا الى اهليهم بعد نجاح دورتهم!!!
كانو بيقولو شنو لبعضهم البعض !!This is A BIG SCANDAL >> Some People ought to lose their jobs for it!! ولا مو هيك..
(5) ما كان فى مسؤوولين مدعووييييين للمباراة النهائيه؟؟ولا حتى وزير ألأستثمار ولا رئيس القلعه الحمرا الرئيس ألأكثر شعيية بين الرؤساء... طبعا الرئيس الهلالى ألأزرق "ملاكم الحكام" على غرار "ملاعب ألأسنّه" لازمة كان حاضر الهرجله الكرويه غير المسبوقه فى تاريخ التنظيم الرياضى زيها وزى لكمه حكم المباراة (الضيف)اللى كان يشارك فيها فريقو!!! ما كووولللو هرجله فى هرجله .. ما تقولو ياهو دا السودان!!
(6)السودان ابدا ما كان كدا!!! رحمة الله عليه فى الفردوس ألأعلى ...رحم الله ااتحاد كرة القدم السودانى اللى كان ..فى اعلى علييين...وانّا لله وانّ اليه لااحعون


#731700 [الريفى]
0.00/5 (0 صوت)

07-28-2013 02:45 PM
وفرحانين بيهو تراهم مساكين الهلال


#731576 [مازسيمبى الشرسي]
5.00/5 (1 صوت)

07-28-2013 01:04 PM
هه
هههه
هههههه
ههههههههههههههه
ههههههههه
اضحك الله لنا سنا
اضحك الله لنا سنا
مهزلة والله


#731465 [ELSHAFYA A.ALI]
5.00/5 (2 صوت)

07-28-2013 11:29 AM
بطولة شنو دي؟؟
أول مره نسمع كاس بطوله يعطى والمباراه لم تكتمل..


#731462 [عوض الامين]
5.00/5 (2 صوت)

07-28-2013 11:27 AM
هسى دى بسموها بطوله ده لعب عيال ساكت


#731452 [سيزر]
5.00/5 (2 صوت)

07-28-2013 11:18 AM
كاس اوانطه..يا ناس الخرطوم اللا وطني كان تسموها دوره ترضيه الهلال وبلاش لعب علي عقولنا


#731402 [kahraba]
5.00/5 (4 صوت)

07-28-2013 09:38 AM
إنتخابات وكرفتااااات وتكتلات ,, وناس إتحدت مع ناس تانين وواحدين قاموا جارييين ,,, والقانون وماعارف شنو ,,, ومنظم البطولة ,, وشداد وجعفر ,, والفدرالية ,, وفكى بربط الكور وبحلحل الكواديك بتاعة أخوانو الفكيين التانيين !!! وكهربا تقطع قبل ما مباراة الكاس تنتهى !!!!!!!!!!! وامن يتبنى فريق ,, وفريق يشترى لعيبة من برة ,, وجماهير بتشجع بى عوارة ,, وبتحرق العمم !!!وكهربا تقطع قبل ما مباراة الكاس تنتهى !!!!!!!!!!!وسد مروى وسد كجبار وسد مختار وسد ست الدار ,,,وكهربا تقطع قبل ما مباراة الكاس تنتهى !!!!!!!!!!!ولن يشهد هذا الصيف أى قطوعاتن او برمجتن ,,وكهربا تقطع قبل ما مباراة الكاس تنتهى !!!!!!!!!!!واغانى واغانى ,, وياملك , وبنات حوا ,, وزمن الغنا ,, وغنا الغنا ,, وكهربا تقطع قبل ما مباراة الكاس تنتهى !!!!!!!!!!!وابكرشولا واب جلمبو واب طاقية وقوات الصاقعة وأم صيقعون ,,وكهربا تقطع قبل ما مباراة الكاس تنتهى !!!!!!!!!!! والكبير يكتشف حل عبقرى وخارطة طريق لحل مشكلة دارفور ونايبه ينبهر ويفغر فاهو من الدهشة ,,وكهربا تقطع قبل ما مباراة الكاس تنتهى !!!!!!!!!!!أقفل البلف يا عوض ,, عوض ,, عوض ,, عوض .......كهربة الموبايل دى كملت ولا شنو ؟؟؟؟؟؟؟؟؟


ردود على kahraba
United States [yasir abdelwahab] 07-28-2013 12:15 PM
يا اخي نسيت تكريم عثمان ميرغني وابو العزائم لي اسامه سدود عديل بشبش..بتاع الكهرباء..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة