الأخبار
منوعات سودانية
ضوابط مرورية جديدة للبصات السفرية
ضوابط مرورية جديدة للبصات السفرية
ضوابط مرورية جديدة للبصات السفرية


07-29-2013 09:26 AM

كشفت الإدارة العامة للمرور عن ضوابط جديدة لسائقي البصات السفرية خلال عطلة العيد، للتأكد من جاهزيتهم للقيادة. وأكد مدير الإدارة، الفريق تاج الدين وديدى إسحاق، اكتمال الترتيبات لتفويج المركبات من ولاية الخرطوم إلى بقية الولايات.

وقال إن 80% من الحوادث المرورية تقع نتيجة للسرعة الزائدة والتخطي الخاطئ لبعض السائقين، موضحاً أن الاشتراطات المرورية الجديدة تتمثل في التشدد في استحقاقات الرخصة لسائقي البصات السفرية بين الولايات، والتي تعرف بالرخصة العامة (أ) والتي يتم بموجبها السماح لسائقي البصات السفرية بالقيادة بعد اجتيازهم لاختبارات اللياقة البدنية والطبية المقررة والتي تهدف إلى تحقيق السلامة المرورية لكل مستخدمي الطريق خاصة بطرق المرور السريع، بجانب العمل على مراجعة النواحي التشغيلية لتلك البصات والتي تشمل الإطارات وجودتها.

وأكد مدير الإدارة العامة للمرور، خلال اجتماع له مع الغرفة القومية لسائقي البصات السفرية بحضور مدير دائرة المرور السريع اللواء خالد بن الوليد الصادق، اكتمال كافة الترتيبات لإنطلاقة مشروع تفويج المركبات لهذا العام من ولاية الخرطوم إلى ولايات السودان المختلفة .

من جهته، أكد رئيس الغرفة القومية للبصات السفرية، أحمد على عوض الله، استعداد الغرفة لإنجاح مشروع تفويج المركبات لهذا العام بعد التأهيل والتحديث الذي شهدته شركات النقل. وأشاد بالتنسيق القائم بين الغرفة وإدارة المرور تحقيقاً للسلامة المرورية.


شبكة الشروق


تعليقات 6 | إهداء 0 | زيارات 4742

التعليقات
#733112 [ود الجد]
0.00/5 (0 صوت)

07-30-2013 12:11 PM
السؤال المحيرني
اين تذهب فلوس رسوم المرور السريع التي تجبي علي طول الشارع من بورت سودان الي مدني وغيرها
اما كان حقن دماء المواطنين بها افضل لو تم انشاء مسارين ثلاثة لكل اتجاه من شارع المرور السريع (حلوة السريع دي ) بعدين آمل ان تمنع القطرات منعا باتا لانها تزيد عن الحد المسموح به لطول المركبة وتجعل تجاوزها صعبا في هذه الطرق الزراعية (اقصد السريعة )
عايزين نعرف الآتي
- كم من الفلوس تمت جبايتها منذ مجيء الكيزان
- اين صرفت
- هل هناك باقي فيها
- افتونا يا اهل الدين وهي لله هي لله


#732715 [سوداني]
0.00/5 (0 صوت)

07-29-2013 09:08 PM
اتقو الله يانس المرور الشوارع في الخرطوم اتجاهين والشوارع السفريه اتجاه واحد وضيق الحل مافي تفويج ولا الرخصه ا ولا ب اعملو الشوارع اتجاهين مثلا شارع مدني اي محليه تكون عليها جزء من الشارع زي ما قال ريس نمير اكلو اشتغلو اتقو الله يا ناس الحكومه وناس المرور ولا فالحين في الاصالات.................


#732443 [تمساح الدميرة]
0.00/5 (0 صوت)

07-29-2013 02:17 PM
دى الفالحين فيها ياناس المرور والله كرهتونا السفر بالبصات من الخرطوم عطبره في خمسه ساعات ماشين وين الله يرجعك يالقطار


ردود على تمساح الدميرة
European Union [أبوفاطمة] 07-29-2013 03:16 PM
اخوي ياتمساح

ده ما عنده علاقة بالانقاذ .. ده حياة الانسان السوداني مرهون بيد سواق متخلف اناني جاهل ممكن في لحظة يعدم 50 روح لانه سواق تاني حقر بيه وقام بيه سداري وقام البص بتاعة فات البص بتاعي

ارجو ان نتعود على ان نحترم السرعة والبص يمشي في 7 ساعات باستخدام القواعد السليمة علشان صحتك غالية علينا . هنا في اميركا الناس ملتزمة جدا بالسرعة وربط الحزام . امل ان نحزون حزوهم ونعمل منهم غدوة

تحياتي


#732362 [سوداني علي وطنو]
5.00/5 (1 صوت)

07-29-2013 01:00 PM
مفروض يكون في كشف طبي مباشر يتم من خلاله الكشف علي السايق قبل المقادره لنو اقلب السائقين تلقاهو مصطول من البنقو واشياء اخري!!!!!!!!!!


ردود على سوداني علي وطنو
[سودانى طافش] 07-29-2013 05:54 PM
الكلمة الوحيدة الصاح الكتبتها هى ( البنقو ) ..!


#732360 [مختار احمد]
5.00/5 (2 صوت)

07-29-2013 12:59 PM
كل سنة وانتو طيب وربنا يبعد شر القدر وتصلوا سالمين


#732353 [كدنكة]
5.00/5 (2 صوت)

07-29-2013 12:52 PM
القصة ما قصة رخصة أ و رخصة ي صلحو الشوراع

و أحقنو دماء الأبرياء قروش الجبايات دي بتودوها وين

ربنا ينتقم منكم و ياخدكم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة