الأخبار
أخبار إقليمية
عرمان : حل قضية السودان بالاعتراف بالازمة والتغيير..لا بكشف تنقلات داخلية وتسويات بين اجنحة حزب البشير فهي اكبر من ذلك بكثير.
عرمان : حل قضية السودان بالاعتراف بالازمة والتغيير..لا بكشف تنقلات داخلية وتسويات بين اجنحة حزب البشير فهي اكبر من ذلك بكثير.
عرمان : حل قضية السودان بالاعتراف بالازمة والتغيير..لا بكشف تنقلات داخلية وتسويات بين اجنحة حزب البشير فهي اكبر من ذلك بكثير.


وفد عالي المستوى من الحركة الشعبية يصل اديس ابابا ويلتقى امبيكي ويبحث الحل الشامل.
07-29-2013 09:54 PM

لندن: عمار عوض

وصل العاصمة الاثيوبية اديس ابابا وفد عالي المستوى من الحركة الشعبية بالسودان يضم رئيسها مالك عقار ونائب الرئيس عبدالعزيز الحلو والامين العام ياسر عرمان ويأتي وصولهم متزامنا مع انعقاد اجتماعات مجلس السلم والامن الافريقي الذي جدد للرئيس امبيكي تفويضة في حل القضايا بين دولتي السودان وقضية السودان الداخلية وياتي حضور ومجئ وفد الحركة الشعبية الى اديس ابابا في وقت تصاعدت فيه الاصوات التى تدفع في اتجاه الحل الشامل للازمة السودانية وترك الحلول الجزيئة وفي اتصال مع الامين العام للحركة ياسر عرمان قال اننا حضرنا وبهذا المستوى لمواصلة اجراء اتصالات اجريناها طوال الشهرين الماضيين افريقيا ودوليا لان التجديد للرئيس امبيكى يجب ان يشمل قضية الحل الشامل في السودان وقال " التقينا بالرئيسين امبيكي وعبدالسلام ابوبكر عند وصولنا الى اديس ابابا وسنواصل اجتماعتنا مع مسؤلين في الحكومة الاثيوبية ومجلس السلم والامن الافريقي واطراف فاعلة في المجتمع الدولي ورسالتنا واضحه ان الشعب السوداني قد سئم الحلول الجزيئة وان الحلول الجزيئة اضرت بحاضر ومستقبل السودان " واضاف "ان الخيار السلمي والمتوفر والوحيد هو الحل الشامل الذي يجمع كافة السودانيين في مؤتمر دستوري للاتفاق حول كيف يحكم السودان والدخول في ترتيبات انتقالية جديدة تؤمن الديمقراطية والسلام العادل وهذا افضل خيار مطروح لجميع السودانيين ويوفر الموارد البشرية والمادية ويوفر اكثر من 70% من الميزانية التى تصرف على الحرب للخدمات والتنمية لاسيما الصحة والتعليم".

ولفت عرمان الى ان الازمة الاقتصادية السودانية هي ازمة سياسية بامتياز لاتحل الا بالانتقال من الحرب الى السلام ومن الشمولية للديمقراطية واذا رفض النظام هذا الخيار واستمر في خيار الحرب فاننا سنمضي في برنامجنا الحالي الرامي لاسقاط النظام وعلى الباغى تدور الدوائر .

واوضح عرمان ان وفدهم ناقش مع الرئيس امبيكي القضايا الانسانية والحل السياسي الشامل واكد على استعداد كل من الحركة الشعبية والجبهة الثورية لحل سلمي شامل ولمخاطبة القضية الانسانية وقال " التقينا في الاسبوعين الماضيين مع مسئولي السودان في الخارجية البريطانية ومبعوث الاتحاد الاوربي روزالندا مارسدن واجرينا مؤتمر عبر الوسائط الالكترونية مع مكتب المبعوث الامريكي وشاركت الجبهة الثورية في لقاء جنيف مع مركز الحوار الانساني واستراتجيتنا واضحة سنعمل لاسقاط النظام ليل نهار ولا نرفض الحلول السلمية والشاملة والعادلة التى تؤدي للتغير"

واوضح قائلا " نحن نعلم ان الاشارات الواردة من الخرطوم سلبية وهي تكرر اخطاء الماضي باهظة الثمن حينما رفض السودان دولة المواطنة في اعلان مبادئ الايقاد وركز على حق تقرير المصير في 1994 ورفض الكونفدرالية في ابوجا وقبل بعدها بالانفصال وفي 2011 رفض اتفاق نافع عقار وقبل بقرار مجلس الامن 2046 ان النظام لايشتري السلام بالعملة المحلية واذا خير بين الاستمرار في الحكم والتنازل عن وحدة السودان فانه يختار الحكم " واردف "ونقول له مجددا ان لايراهن على الاوضاع الاقليمية والدولية ونحن لن نترك اهدافنا في بناء دولة مواطنة ديمقراطية بلاتمييز وخلفنا تجربة يوسف كوه مكي وتمرسنا على العمل في الرمال المتحركة امس واليوم وان قضية السودان لايمكن حلها الا بالاعتراف بالازمة المفضية للتغيير ولا تحل بكشف تنقلات داخلية وتسويات بين اجنحة المؤتمر الوطني فهي اكبر من ذلك بكثير"

ولفت عرمان الى انهم اكدوا للرئيس امبيكي استعدادهم لمخاطبة الوضع الانساني عبر اشراك قوات اليونسفا في عمليات تطعيم الاطفال والوصول لوقف عدائيات انساني هذا من ناحية التعامل مع المبادرات الدولية وقال" ستظل استراتيجيتنا ثابته وسنعزز تحالفنا مع الجبهة الثورية وسنسعي في الاتفاق مع الراغبين لوحدة المعارضة ومع الحل السلمي الشامل كخيار مفضل وسنواصل برنامجنا في اسقاط النظام فالنظام اما ان يقبل التغيير او يتم تغيره باستخدام كافة الوسائل والاليات وان النظام شمسه قد غربت لامساومة ولا تراجع في ذلك" .


تعليقات 19 | إهداء 0 | زيارات 8358

التعليقات
#733422 [جك ليمون باااااااااارد]
5.00/5 (1 صوت)

07-30-2013 04:52 PM
كلام صح ياود الخالة , يجب ان يعترف النظام بفشله والاهم ان يعترف بممارسته لجرم عظيم في حق هذا الشعب والوطن لان الاعتراف بالفشل لايعني ان الفاشل مجرم , لكن هؤلا مجرمون وفاشلون .
[email protected]


#733373 [عادل الامين]
5.00/5 (1 صوت)

07-30-2013 03:53 PM
الاخ ياسر عرمان
تحية طيبة
الكلام المعمم يزرع الامل ولكن لا يضع حد لمعاناة الناس في المركز والهامش
تاني مؤتمر وطني دستوري ليه
مش نيفاشا حلت مشكلة كيف يحكم السودان؟ والدستور الانتقالي ايضا
وهل شخصتوا ازمة النظام نفسها في عدم التزاممهم بالمواثيق والعهود نصا وروحا
ولماذا لا تمسكو النظام من حيث اتى مبادرة نافع عقار وتدوه روشتة تفكيك هادئة بقبول قطاع الشمال قوة سياسية في الشمال
والامر لا يحتاج فقط للفرقة التاسعة والعاشرة وحركات دارفور فقط لاسقاط النظام
بل الفرقة 11 فضائية حرة محترمة توفر الاتقاء بوعي الناس وتعريفهم
1- بحضارة السودان المغيبة كملهم جمعي كما هي مصر الان
2- الفكر السوداني المغييب
3- الثقافة والمبدعين المغيبين
4- الفن والابداع

وبالتاكيد بتجي تقرا الكلام ده ما معقول تنشر راي وما ترى التعقيب عليه


#733335 [تينا]
5.00/5 (1 صوت)

07-30-2013 03:18 PM
يااخوى ((( شعبان))) يا خى حرام عليك انتا يا دوبك عاوز تفهم انى بروج ليكلام الناس الدايرين اسقاط النظام انا من اول الايام اعلنتها داويه انى مع اسقاط النظام وحتى قلت عايزاهو يسقط بالطرق السلميه وبانتفاضة الشعب كما اكتوبر وابريل وما بالسلاح لانى بكره منظر الدماء وما عايزه ايى زول فى سودانا دا يموت بالسلاح . انا ما عارفه ليه الغالبيه متشككين فينى مع انو تعليقاتى واضحه الغلط قاعده اقول غلط طوالى والغريبه صدق فى واحد كمان كتب انى حزب امه وواحد كتب انى كوزه شيىء مضحك وبكره العنصريه جدا لاى جهة كانت لكن الا ترى مثل كلام((( صارم بتار )))هذا يضر بكم وانتم تناصرون الجبهه الثوريه لانه دائما يكتب عن طردو اقصاء الجلابه كما يقول وطردهم من السودان بعد مجيىء الجبهه الثوريه . وما تتخيل بزعل كيف عندما اجد واحد كاتب تعليق عنصرى وحتى من فتره كتبت ايى واحد يكتب تعليق عنصرى فى راكوبتنا دى حاتصد ليهو ما عايزين كلام زى دا عايزين نكون كلنا سودانيين وبس . تحياتى


#733211 [صابر]
4.25/5 (3 صوت)

07-30-2013 01:42 PM
كلام في المليان
والما عاجبو يواصل مع الكيزان
وينتظر الطوفان


#733113 [د.حميد قنيب]
4.00/5 (3 صوت)

07-30-2013 12:11 PM
امبيكى ده قاعد يضيع فى زمن الناس ساكت زول ماعندو شغلة وقاعد يتسلى بقضية السودان


#733060 [اسماعيل احمد محمد]
5.00/5 (1 صوت)

07-30-2013 11:29 AM
لا يمكن لنا ان نتوقع الحصول على نتائج مختلفة اذا كنا نكرر افعالنا. فالتغيير ليس شيئ تلقائي يمكن ان نقوم بة من غير وعي او تفكير وانما علينا باجبار انفسنا على تبنية وذلك بتغيير طريقة تفكيرنا وردودنا. فكل ما كنا نقوم بة حتى الان لم ينجح في اسقاط النظام فاما ان نغير اساليبنا او نظل هكذا نعاني كل يوم.


#732940 [saifeldin]
5.00/5 (4 صوت)

07-30-2013 09:04 AM
مع ناس shoot to kill وامسح واكتح وماجيبو لي حئ والبرفع راسو بنهبتو طبعا قالوا كلام فارق كتير دي فقط عينة بسيطة فلذلك ياعرمان وفروا عليكم الجهد والمصاريف انتوا بتنفخوا في قربة مخرومة الناس ديل مافي فيهم رجل رشيد ياعرمان الناس ديل دخلوا موضوع القبلية لتشتيت الناس ومابعرفوا التنوع الثقافي بعمل دولة قوية وحضارية ديل بمسكوا المصحف الشريف وهم أنجاس ديل قتلة النساء والاطفال 3 مليون نازح معسكرات للشيوخ والنساء والاطفال بحرموا الاطفال من التطعيم ماعندهم نخوة ولا رجولة اشباة الرجال تفاوض مين ياعرمان لعلعة الرصاص وبس علشان نجيب حق إمراه من كمبو كديس


#732929 [Abbaker90]
4.75/5 (4 صوت)

07-30-2013 08:07 AM
عرمان راجل وابو الرجال كمان امضى نحو تحقيق السودان الديمقراطى الذى اساسة المواطنة قبل كل شى وماساقة الرجل كلام فى المليان الم ترفض حكومة الخرطوم كل الحلول ورضت بتقرير المصير الذى كانت تعلم مسبقاسيؤدى لتفتت البلاد فهل الافضل الوحدة فى ظل الكونفدرالية ام دولتين متناحريتين فاشلتين وقبل كل ذلك قلبت النظام المنتخب ديمقراطياالذى اتى بالسلام فى مبادرة سلام سودانية


#732912 [ودسنار]
4.00/5 (3 صوت)

07-30-2013 05:58 AM
حل مشكلة السودان بان تبعد انت وعلي عثمان


#732883 [كركاب]
4.63/5 (5 صوت)

07-30-2013 03:39 AM
كلام فى المليان
100% عرمان لقد كنت دائما وابداً مصدر فخر لنا
هكذا رميت بالكورة فى ملعب الكيزان فهل هم مدركون
هل مشاكل البلد لن يحلها الأ هم
ام هم لن تحل مشالكهم الأ بالحكم


#732861 [تينا]
4.50/5 (2 صوت)

07-30-2013 02:18 AM
اشكرك جدا اخوى الفاضل ((( مهدى اسماعيل ))) وكلام ((( صارم بتار )))لا يدعك تتشكك فيه بل تاكد ان المدعو (((صارم بتار))) اكبر عنصرى فى الراكوبه يوميا بكتب مثل هذا الكلام وكان بكتب دولة اقلية الجلابه يوميا ويكيل لهم من السباب ما يشاء واليوم رقى كلمة اقلية الجلابه وصار لها اسم دلع منه وهى العروبه واصبحت السودان الجديد خالى عروبه وخالى دين . هههههه فى اشياء اخرى تنكرون عروبتنا وتقولون اننا جلابه مستعربين والان اصبحنا عرب ؟؟ من الافضل له ان يترك هذه النظره العنصريه ويكون انسان سوى كبقية الناس . تحياتى


ردود على تينا
European Union [shaban] 07-30-2013 09:10 AM
ما شاء الله عليك يا تينا .. بكدا أنت تينا ونص وكمان زيتونا ...دا التواضع والفهم والترويج لكلام الناس الدايرين اسقاط النظام القصدتو ليك وما مهم بعد داك وسيلتك البتؤمني بيها كان السلمية أوالمسلحة طالما الغاية والمبتغى واحد .. ولكننا نرى ونرجح اقتلاع هذا النظام الظالم واسقاطه بالسلاح لأنو نظام قمعي لا يؤمن الا بالسلاح ... (والحديد لا يفل الا بالحديد ).. مش برضوا الفقهاء بيقولوا :(للضرورة أحكام وأن الضرورة تقدر بقدرها)؟؟


#732828 [الروحانى فرج الله شامل]
2.75/5 (3 صوت)

07-30-2013 01:16 AM
الاخ المتناضل / ياسر عرمان
السلام عليكم ورحمة الله
لقد مللنا تكرارك لكلمة قربت ساعة الخلاص وارجو الاعتراف بالفشل والحضور الى وطنك
وتقدم فى جامعة النيلين حاليا ( جامعة القاهرة فرع الخرطوم حين فصلت منها اكاديميا ) تقدم للجلوس
لامتحان خارجى ( external examination) وتكمل دراستك وانا اتعهد لك للحاق بدفعتك واعينك فى الدرجة الثالثة براتب كبير بالمالية


#732813 [من المركز]
5.00/5 (2 صوت)

07-30-2013 12:53 AM
من لا شك فيه ان ما يسمون انفسهم اسلاميين فشلوا. وبما اننا مسلمين استبشرنا خيرا بقدومهم ظنا منا ان الفساد والمحسوبيه سوف تنتهي، لكن للاسف حصل العكس. من الواقع الموجود علي الساحه السياسيه في السودان لا يوجد من اري فيه الخير او يقوم بالتغير المطلوب حتي ترد الحقوق الي اهلها ويعم السلام والعدل ارض الوطن الغالي والخوف كل الخوف ان من يطالبون بالحريه والديموقراطيه اليوم سوف يكونوا ديكتاتورين المستقبل. الا ان يآتي الله بجماعه يوطنوا العدل والحريه في الشعب ليس بالشعارات انما بيان بالعمل. الحل للوضع الحالي هو من غير شك بسط حرية التعبير والتنظيم وفرض الامن العادل علي البلاد والعباد اني اري ان هذا بعيد المنال الان . نسآل الله اللطف في قضائه


#732810 [لا للقبلية في السودان , انا سوداني وقبيلتي سوداني]
5.00/5 (2 صوت)

07-30-2013 12:44 AM
السودان وطن يسع الجميع , اتمني زوال مصلح فلان قال قبيلتي كدا ودا من منطقة كذا الخ..........


#732789 [ثعالب عارف]
4.50/5 (4 صوت)

07-29-2013 11:58 PM
بالجد ينظر اعدا السلام تلك الحديث بالتذمرعليهم لو فقدوا الحروبات فلم يجدون ميزانيات وتلك الاموال تدمر اقتصادالدولة باكمله وانا كجنوبى ليس فيها جمل ولا ناقة لكن من حق الجار ان تدخل فى مشاكل جيرانه لكن السلام حبيب الملاين نرجو من السيد الريئس السودانى ان يقرر بما يحدث فى كل اقاليم السودان المختلفة الان نحن تضررنا من مشاكلكم لكن عندكم دين علينا حين كنا نحارب بيننا هاجر الكثيرين مننا الى الشمال من رغم انتم حكومة الشمال سبب فى نذعاتنا فى ديارنا لكن تحملنا كثير ووجدنا الكويس من بعض الاخوة فى الشمال ومن اخرين حسنات نشكركم على ذلك فواجب علينا ان نراحب باخواننا الذين يهاجرون علينا لكى نكفى الدين ووجودهم هنا معنا ليس هو الحل الحل تبدا منك يا البشير وتنتهى منك لانك انت هو الراس الدولة حاليا وكلام ياسر فى محله الحل شامل هو الحل يقول المثل لو شوك طعنك اخرجه الشوكة فى محال الطعن وليس مكان اخر اقبله الديمقراطية وحل حكومة الحالى وحدده فترة الانتقالية وقبل ذلك وقوف اطلاق النار ووقف الاعدايات قى كل مكان حتى تجدوا الحلول شامل مع الجبهة الثورية لكى لايكون فيها اتهامات بين الدولتين شفتوا صحبك كير ماشى كيف انت مريض بالنفس المرض انشقاقات فى الحذب وكل الزول يريد ان يكون الريئس والبيلد فيها مليون مشكلة حله كل المشاكل وسلمه السلطات لشعب بالدمقراطية لكى نتواصل مع بعض عابر الحدودنا خالى من المشاكل وترسموا الحدود عشان كل زول يعرف حده وين موش تجيب لنا سلاح من اران طيب لو جبنا سلاح من اسرايئل ايموت منو سوف يموت الشعبين بسبب شنو الارض والبترول من فيكم اينقل الارض والبترول معه لما يموت بدل تتركون ناكل الخيرتنا الان خربته لنا راجعوا انفسكم بسبب سلطة يا ياسر تكملون الشعب اتحكموا منوا لما الشعب ينتهى ارجوكم السلام والتعايش وقبول البعض والحرية والعدالة وعدم تميز الناس لكى لا يكون هنالك جنوب اخر الى اللقا


#732779 [MAHMOUDJADEED]
3.00/5 (2 صوت)

07-29-2013 11:35 PM
وركز على حق تقرير المصير في 1994 ورفض الكونفدرالية في ابوجا وقبل بعدها بالانفصال وفي 2011 .

الكونفدرالية لا تكون الا بعد الانفصال فكيف تكون هناك كونفدرالية في دولة موحدة ؟!!. فقط الفدرالية هي التي تطبق في الدولة الموحدة أي قبل الانفصال .. عليه الكلام المقتبس لا يستقيم أبداً .


#732774 [مهدي إسماعيل]
5.00/5 (2 صوت)

07-29-2013 11:28 PM
يا صارم يا بتار

من قال لك أن السودان الجديد خالي عروبة وخالي دين؟؟
هذه عناصر أساسية وأصيلة في تكوين الهوية السودانية المتنوعة كما صحن السلطة (بفتح السين واللام.

هذا كلام يجعلنا نتشكك فيك!!!

مهدي


#732747 [Almo3lim]
5.00/5 (5 صوت)

07-29-2013 10:40 PM
ورسالتنا واضحه ان الشعب السوداني قد سئم (الحلول الجزيئة) وان الحلول الجزيئة اضرت بحاضر ومستقبل السودان ...

ان الخيار السلمي والمتوفر والوحيد هو (الحل الشامل الذي يجمع كافة السودانيين في مؤتمر دستوري) للاتفاق حول كيف يحكم السودان والدخول في ترتيبات انتقالية جديدة تؤمن الديمقراطية والسلام العادل وهذا افضل خيار مطروح لجميع السودانيين ويوفر الموارد البشرية والمادية ويوفر اكثر من 70% من الميزانية التى تصرف على الحرب للخدمات والتنمية لاسيما الصحة والتعليم".

---------------------------------------


يا ليت قومي يعلمون


قدمت لهذا النظام (عشرات المبادرات) التي (تدندن) حول نفس المضمون لكن ظل النظام عنها (عازفا) يجري وراء (أجندة الشيطان) مستسهلا رهن السودان لدوائر خارجية و رهن لأحلام حركة الأخوان العالمية و تدمير البلاد و تبديد مقدراتها و (قتل) السودانيين بعضهم البعض و تمزيق النسيج الإجتماعي و إسقاط البلاد في بؤر العرقية و القبلية و الجهوية (المنتنة) بعد أن (فرط) في جزء عزيز من الوطن ..

نحن لا نستكثر على الوطن شيئا كبر أم صغر و نقول لقيادة الجبهة الثورية(إن جنحوا للسلم فأجنحوا لها) و الحرب ليست إلا وسيلة و رسالة تضع الآخر في (المسار المطلوب) و ليست غاية في حد ذاتها و نعلم تمام العلم بأنه حتى و إن أسقط النظام (عسكريا) فلابد من(مؤتمر دستوري للاتفاق حول كيف يحكم السودان) والدخول في ترتيبات انتقالية جديدة تؤمن الديمقراطية والسلام العادل .. و هو ما جاء في كل المبادرات بما فيها (و ثيقة الفجر الجديد) ..


#732735 [صارم بتار]
5.00/5 (2 صوت)

07-29-2013 10:19 PM
فشل المتأسلمون (جميعاً) المهدي. اللميرغني الترابي. البشير. في حكم السودان لفترة تجاوزت نصف القرن من الزمان ….حكماً راشداً وعادلاً مدنياً يترفق بمواطنيه وينصفهم في الحقوق والواجبات ..ويحميمهم ولا يكون (ذئباً) يأكل لحمهم ولا (أسداً) عليهم و (نعامة) أمام غيرهم …ولا يجعلهم درجة أولى وثانية وثالثة … ليذرع بينهم (الفتنة) التي انقلبت الآن عليهم ….. ثم ماذا بعد هذا الحصاد المر .. وحصاد العاصفة … وجني الشوك…ثم ماذا بعد؟؟؟؟؟؟
لا زعامة للقدامى. المهدي تاني ما بشمها. الترابي بنصفيهو وناسو. الميرغني بنديهو. السبحة والتبروقة. البلد دي ح نحكمها نحن .... الحركة الشعبية =. الجبهة الثورية= وان غداً لقريب ليشرق شمس السودان الجديد خالي عروبة وخالي دين
وحكم (ابليس) ولا حكم (إدريس)!!!


ردود على صارم بتار
European Union [julgam] 07-31-2013 01:26 AM
والعذاب ولا الأحزاب ...جاكم عذاب الله واحد...زى ما الليبيين قالو ابليس ولا إدريس .....فجاهم كبير الأبالسه.

United States [فركتو] 07-30-2013 11:03 PM
يا اخوانا صارم بتار دى كوز داير يفرق شمل الناس وداير يعطى انطباع سئ للجبهة الثورية
ودى افعال الكيزان

European Union [جك ليمون باااااااااارد] 07-30-2013 04:55 PM
انتباه , انتباه ,و,انتباه
ده اسلوب كيزان
ده زول كوز عفن
ولو ما كوز ارعن وبليد وزبالة

United States [ود الابيض] 07-30-2013 01:34 PM
علي الطلاق اما انت كوز او فهمك زيهم؟؟
اي زول عنصري اقصائي زيك مابحكمنا لو نطط
المهدي و الترابي و الميرغني افضل من امثالك بمليون مرة.
انتبهوا ياناس ؟؟؟؟؟؟؟؟؟؟؟؟؟؟؟؟؟؟؟؟؟؟؟
بث التفرقة و العنصرية ومن اساليب الدجاج الالكتروني..

United States [watan2] 07-30-2013 12:47 PM
كلام مشاتر ولا بقدم ولاباخر ومتناقض المزاج وطلعت الناس برة من الموضوع الاساسي بعدين القضية اكبر من كدا اسقاط النظام الله اهديك

United States [واحد من الناس] 07-30-2013 09:50 AM
فشل المتأسلمون (جميعاً) المهدي. اللميرغني الترابي. البشير. في حكم السودان لفترة تجاوزت نصف القرن من الزمان... هؤلاء بشر والبشر يصيبون ويخطئون ولو كانوا حكاماً أو محكومين أما كلامك هذا ..السودان الجديد خالي عروبة وخالي دين وحكم (ابليس) ولا حكم (إدريس)!!
فهو حرب على دين الله الذي أنزل للناس ولا أنصحك لأن دين الله لا يحارب ومن يحاربه قطع شك خاسر ووعد الله ووعده الحق (وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ)

United States [ابو العباس] 07-30-2013 08:06 AM
دا من جبهة الثيران ولا نستغرب عنصريته,, الله يشيلكم من الدنيا

Hong Kong [ودأبوريش] 07-30-2013 04:43 AM
لايوجد سوداني بهذا المفهوم، وانا لا اشك انك أجنبي مدسوس، لتشعل الفتن اكثر مماهي عليه، وإيه يعني قولك (وحكم (ابليس) ولا حكم (إدريس)!!!) وهذا يدلل على أنك إنسان لا ديني، فجميع الأديان تسمي إدريس وليس مقتصر على المسلمين ،وقولك (ليشرق شمس السودان الجديد خالي عروبة وخالي دين) وهذا يوضح حقدك وغبائك في آن واحد،أسئل عز وجل أن يجعل كيدك في نحنرك، ويردك خابا على نفسك الخبيثة،في هذه الأيام المباركة، ويحفظ السودان العظيم منك ومن أمثالك .

European Union [shaban] 07-30-2013 04:08 AM
أمش يا ملعون يا عنصري يا فتان ... السودان الجديد فيه عروبة بل كل الأعراق ومليان بالأديان وهذه دولة جنوب السودان مثال ونموذج حي على ذلك ... تواضعوا لله يرفعكم درجة .

United States [كومرت] 07-30-2013 03:59 AM
انت امنجي مزروع تريد ان تفرق الناس بالعنصريات والجهويات مين القال ليك انو الحركة الشعبية او الجبهة الثورية بتناضل عشان تحكم ومن اي منبر من منابرهم جبت هذا الكلام .هم يناضلون من اجل كيف يحكم السودان وليس من يحكم السودان ولا انت ربنا مااداك حبة غهم يالبليد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة