الأخبار
منوعات سودانية
قرار وشيك بإزالة منتزه المقرن العائلي للأطفال
قرار وشيك بإزالة منتزه المقرن العائلي للأطفال
قرار وشيك بإزالة منتزه المقرن العائلي للأطفال


07-31-2013 08:38 AM
الخرطوم

اتفقت ولاية الخرطوم ومنظمة الشهيد على إزالة مباني منتزه المقرن العائلي المطل على تلاقي نهري النيل الأزرق والأبيض وترحيل كل الآليات والألعاب لتهيئتها كحديقة مفتوحة للمواطنين .
ويأتي المشروع في إطار شراكة لتطوير المنتزه، وأكدت منظمة الشهيد فى إجتماع برئاسة د."عبد الرحمن الخضر" والي الخرطوم أنها ستقوم بترحيل كل آليات الألعاب وتزيل المباني القائمة بالمنتزه حتى يكون المنتزه جاهزاً لحديقة مفتوحة يستطيع كل مواطن أن يطلع منها على منطقة اقتران النهرين اللذين يشكلان نهر النيل فى المرحلة الأولى، وتكون جاهزة للاستفادة منها فى مشروع استثماري يؤمن تطوير المنطقة ذات السمات الجمالية العالية، واتفق الجانبان على استمرار التشاور حول السبل الكفيلة بتحديث المنطقة.

المجهر


تعليقات 17 | إهداء 0 | زيارات 6620

التعليقات
#734440 [yousrialhori]
0.00/5 (0 صوت)

08-01-2013 05:00 AM
قرار سليم مية المية بس ان شاء الله تصدق النية وما يكون فيها تجاوزات اومصالح شخصية بنتمني نشوف الخرطوم متطورة اكثر زي عواصم العالم بالجد منطقة لو استثمرت بتعود علي الوطن بالكتير ان شاء الله


#734338 [nagatabuzaid]
0.00/5 (0 صوت)

08-01-2013 12:18 AM
بالله قاعدين تنظروا ساكت وغالبكم الاعتصام فى ارض المنتزه؟ كنت اتمنى الحكومة المصرية توقع

على اتفاقية الطريق البرى علشان ننادى تمرد المصرية توريكم الثورة التمام اوعكم تشتموا لى المصريين ولا تقولوا لى اولاد بمبة يا اولاد خضرة حرقتوا روحنا

اسال الله يا الخضر وحكومة السجم تتلفتوا تلقوا الحلو جوة يمسك كل واحد من اضانة ويغطس راسه فى مقرن النيلين

وفعلا يا ود معنى منتزه المقرن ذكرى وارث لكن ديل ما بفهموا الا حشر القروش فى الجيوب


#734307 [ابو العينيين]
5.00/5 (2 صوت)

07-31-2013 11:12 PM
انا بقترح للوالي ان هناك موقع ممتاز ومطل علي النيل ويسيل لعاب المستثمرينا الا وهو موقع البرلمان وهولاء هم عباره عن صفاقين يعني كورس لماذا لاتحولهم لبيت الحليفة يجتمعوا ويصفقوا فيه وتستفيد من موقع ارض البرلمان عليك الله ما فكره جهنميه لقيتني كيف


ردود على ابو العينيين
United States [nagatabuzaid] 07-31-2013 11:43 PM
والله يا ابو العينين شوف ليك محل تانى غير بيت الخليفة لانه معلم تاريخى ايه رايك نوديهم


مستشفى التيجانى الماحى او مستشفى الارسالية بس نضمن شوقى بدرى ما يعمل معانا مشكلة يقول


لوثتوا منطقة ذكرياتى ومرتع شبابى المنطقة دى كلها ملكية خاصة لشوقى بدرى طيب نطيرهم وين

يا ابو العينين احسن نخليهم فى محلهم يقوموا ناس نستثمرون يسووه فندق ولا مصيبة وممكن

يستثمروا فى النواب ذاتهم وياجروهم كمصبلاتية وناس صفقة


#734200 [زول]
5.00/5 (1 صوت)

07-31-2013 05:05 PM
ولاية الخرطوم دى فهمناها. الشئ الما قادر افهمه ما هو علاقة منظمة الشهيد بمنتزه العاب بتاع اطفال؟
الله قادر كل يوم نسمع عجايب


ردود على زول
United States [ابو قمبور] 08-01-2013 05:31 AM
هو فى أطفال فى السودان , الشايفهم ديل شهداء ماشافو حاجه زيكم أيام الزمن الجميل , زمن عز منتزه مقرن النيل !

[nagatabuzaid] 08-01-2013 12:00 AM
اصلا ياسيدى فى زمن نميرى الله يرحموا لما انت كنت صغير او ما ولدوك يمكن كان فى

انقلاب شيوعى ضد نميرى يطلق عليه انقلاب هاشم العطا كان انقلاب دموى رهيب ومر الضباط

الانقلبوا على نميرى على المعتقلين العزل بقصر الضيافة ورشوهم بالرصاص فاستشهد

الكثيرين منهم الشهيد اورتشى ونجا منهم من لم تكتب نهايته على ايديهم فقرر التميرى

انشاء منتزه المقرن العائلى ودخله لصالح اسر الشهداء لاعانتهم على الحياة واستمر الحال

الزمن داك الشهيد ما كانوا بعرسوا ارملته


الى ان جاء الانتكاسيون و تم غسل عقول الشباب فكونوا المليشيات بمختلف مسمياتها ومات

طمعا فى حور الجنة وكانت ضحكة الترابى المشهورة عليهم ( جنة ايه وحور عين ايه ) اها جات

منظمة الشهيد واستولت على المنتزه الذى يرجع لمايو اصلا الان قامت اتفقت مع الخضر واكيد البلعة مناصفة بينهم


#734181 [غايتو]
5.00/5 (1 صوت)

07-31-2013 04:42 PM
غايتو / منظمة الشهيد باعت حتى الأرض شرق المدرعات ولمستثمر أجنبى ربما أخد الجنسية الآن!!!! والآن يبيع فيها بأسعار خيالية كان أولى بها البناءو الاستثمار لابناء الشهداء.
والمنتزه أكيد تم الشروع فى بيعه !!!!!!!!
قال - حديقة مفتوحة للمواطنين - ايه دا الاهتمام دا ياراجل !!!!!


ردود على غايتو
United States [ابو العينيين] 07-31-2013 10:21 PM
ايو باعتا الارض شرق المدرعات حتي سموها القدس والارض 300 متر ب 500 مليون


#733958 [الخريج السوداني المهمش]
2.00/5 (1 صوت)

07-31-2013 12:23 PM
دا كلو ما كفاكم إلا المنتزه دا حرام حرام


ردود على الخريج السوداني المهمش
[nagatabuzaid] 08-01-2013 12:02 AM
حرام حرام دى بعرفوها المسلمين وليس المتاسلمين انتوا اقعدوا لى كده حرام حرام حرام


#733905 [المتغرب الأبـدي]
5.00/5 (5 صوت)

07-31-2013 11:32 AM
إذا كانت المساحة الكلية للمنتزه 15 ألف متر مربع مثلاً فأتوقع أن تكون الحديقة المفتوحة المقترحة على مساحة 3 ألف متر مربع فقط وسيتم التصرف في المساحة المتبقية لأصحاب الحظوة من منظمة الشهيد وولاية الخرطوم ..
والأيام ستثبت لكم صدق ما أقول ..


#733901 [حاج أحمد]
0.00/5 (0 صوت)

07-31-2013 11:27 AM
الموضوع : أنه تم اتفاق بين منظمة الشهيد ومستثمرين سعودين على أن تقام على أرض المنتزه أسواق وفندق .. وتم توقيع مذكرات تفاهم في هذا الصدد ممهورة بتوقيع المرحوم عثمان محمد سعيد ووزير الدفاع عبد الرحيم وانقطعت المفاوضات بسبب وفاة المرحوم عثمان .. ووفقاً لمذكرة التفاهم سيقوم المستثمرون السعوديون بتحمل تكلفة بناء منتزه جديد في أرض تحددها الولاية .


#733897 [سودانى]
2.00/5 (1 صوت)

07-31-2013 11:25 AM
الناس ديل غير البيع ماعندهم اى شغلة اكون لقوا ليهوا زبون( مستثمر اجنبى) وكل واحد الهط ليه كم مليار واعمل نايم


#733894 [sudani]
0.00/5 (0 صوت)

07-31-2013 11:22 AM
خلاص باعوه واستلموا قروشوا وراحت ساي ما باقي الا تبيعوا الهواء للناس بعدادات دفع مقدم(المشروع الحضاري) اقصد مسلسل المشروع الدماري(اللهم ولي علينا خيارنا ولا تولي علينا شرارنا) آمين يارب العالمين اجي رمضان الجاي ونلقاكم مافيشييييييييييييييين.


#733878 [كوز كنافه]
3.50/5 (2 صوت)

07-31-2013 11:05 AM
قلبي ماكلني وما مرتاح لهذا التصرف شاعر الشغلة فيها لعبة كبيرة حتي تبقي المنطقة جرداء وفاضية وبعد ذالك يدخل الحرامية للبيع او الشراكة والله يستر ويكضب الشينه


#733861 [محجوب عبد المنعم حسن معني]
0.00/5 (0 صوت)

07-31-2013 10:47 AM
حسة نحنا نصدق منو فيكم


الأحد، فبراير 17، 2013 | 4:11 م
سودان سفاري

قال معتمد الخرطوم اللواء (م) عمر نمرفى تصريح صحفى إن المحلية إتفقت مع شركة جاينا جان سو التي تتبع للقطاع الحكومي بدولة الصين على إجراء دراسة لإنفاذ مشروع برج المشاهدة في ملتقى النيلين بمنتزه المقرن العائلي بالتنسيق مع منظمة الشهيد ووزارة التخطيط العمراني والبنى التحتية.
كما تم الإتفاق على بحث تخصيص قطعة أرض لتنفيذ مشروع (المدينة الصينية) بالخرطوم التي تعمل على تسويق المنتجات الصينية بعد إكتمال تجهيز الدراسة من قبل الشركة المختصة وإجازتها من الوزارة المختصة.

يشار إلى إن شركة (جاينا جان سو) الصينية تعتبر من الشركات الحكومية الكبيرة التي نفذت أعمال ضخمة بالسودان منها كبرى حنتوب وإبراج الشرطة والقصر الجمهوري الجديد.

خلو لينا المنتزه ده على الاقل بذكرنا بطفولتنا


ردود على محجوب عبد المنعم حسن معني
United States [ابو العينيين] 07-31-2013 10:26 PM
يذكرك بطفولتك اصبر عليهم شويه لو مامسحوا اسم السودان من ذاكرتك

United States [l.hvu lav]] 07-31-2013 05:04 PM
مع حكومة البشير مش ممكن تغمض عينيك
يبيعوا المنتزه لشركة صينية وفي نفس الوقت لمستثمرين سعوديين، ومرة يكون البايع حكومة الولاية ومرة يكون منظمة الشهيد ... عادي جداً .... وبعدين هات يا محاكم ... المستثمر يرفع قضايا ... وحكومة الولاية ترفع قضايا ... ومنظمة الشهيد ترفع قضايا .... وعيش يا حمار ... المشتر معروف ... ولكن البايع مين؟ الله أعلم .... أما القريشات انبلعن زمان من قبل ناس جاغوم بن بلاع الكبير .... ما قلت ليك ..... مع المؤتمر الوطني مش ممكن تغمض عينيك


#733849 [سايكو]
3.13/5 (5 صوت)

07-31-2013 10:33 AM
طيب فهمنا حكايه انه تكون حديقه مفتوحه للمواطنين لكن كيف كمان عايزين تستفيدوا منها في مشروع استثماري ؟
المنتزه دا مشروع استثماري و لا خلوه ؟؟؟؟؟؟؟
تلقا الحراميه عايزين يبيعوا الارض لمستثمر اجنبي و لا تمساح محلي و يلقفوا المليارات ، اصلوا اي حاجه يدخل فيها منظمه الشهيد و لا منظمه سند بتاعت وداد يبقي اكيد الحكايه فيها لقف .


ردود على سايكو
[nagatabuzaid] 08-01-2013 12:08 AM
يكونوا باعوها لعدة جهات وبلعوا القروش وهسع مزرورين

United States [الحاوي النقرابي] 07-31-2013 12:30 PM
يا سايكو الحرامية ديل قصدهم يقنطروا ارض المنتزة لأي لاعب ( محلي أو محترف أجنبي ) للشوت الضفاري طبعاً الحرامية هدفهم ومنى عينهم المابملاها إلا التراب ( السمسرة ) وما بهمهم المشروع من اساسو ومدى اهميتو للدولة شنو ياخ ديل جراد صحراوي ولقو جنينة اسيادا مسافرين 00

United States [ابو ابراهيم] 07-31-2013 10:57 AM
صدقت يا اخي مصيرها زي حديقة الحيوانات والمستشفيات والوزارات التي بيعت وخط هيثرو علي قولة اخونا جبرا


#733825 [ابوجمانة]
3.50/5 (2 صوت)

07-31-2013 10:12 AM
الا منتزة المقرن ياسادة اسالكم باللة ان تتركوة


#733814 [المتجهجه بسبب الانفصال]
5.00/5 (1 صوت)

07-31-2013 09:59 AM
هل شاعر الاغنية التي تقول ((سجل لي عربتك سجل لي دهب امك سجل لي سجل لي)) مؤتمر وطني


#733783 [د.عبداللطيف محمد سعيد]
1.50/5 (4 صوت)

07-31-2013 09:01 AM
هذا قرار صائب


ردود على د.عبداللطيف محمد سعيد
[صلاح محجوب] 07-31-2013 02:28 PM
شنو الصائب؟؟ البيع ولا عدم البيع (حديقة الحيوان الفندق الكبير الغابة واتلكثير كلهم يخلونا نخت إيدنا على قلبنا) لكن نحذر من هنا كله حيرجع والليشتري على مسئوليته!!!

United States [الخريج السوداني المهمش] 07-31-2013 12:25 PM
كلامك صاح


#733782 [من المركز]
2.75/5 (4 صوت)

07-31-2013 08:59 AM
مافي شك فيها ضربه كبيره وطبعا كلهم من الطغمه الحاكمه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة