الأخبار
منوعات سودانية
مازدا ينفي تقدمه باستقالة من تدريب المنتخب السوداني
مازدا ينفي تقدمه باستقالة من تدريب المنتخب السوداني
مازدا ينفي تقدمه باستقالة من تدريب المنتخب السوداني


08-01-2013 08:13 AM

نفي المدير الفني لمنتخب صقور الجديان السوداني ، محمد عبد الله مازدا بشدة أن يكون قد تقدم بإستقالته من تدريب المنتخب مثلما راج في الأوساط الكروية بالسودان اليوم , وذلك على خلفية الخسارة من المنتخب البوروندي في تصفيات أفريقيا للاعبين المحليين بركلات الترجيح (3-4) يوم الأحد الماضي بمدينة أم درمان.

وأوضح :"لم ألتق بأي شخص مسؤول حتي أتقدم له باستقالة".

وأضاف :"سوف أرفع تقريرا فنيا بشأن المنتخب وسأقدمه لرئيس الإتحاد السوداني لكرة القدم، في أقرب وقت وبعدها الإتحاد هو الذي سيقرر مايراه في مستقبل المنتخب عبر دورته الجديدة".

كووورة


تعليقات 15 | إهداء 0 | زيارات 1182

التعليقات
#735028 [ابومحمد]
5.00/5 (1 صوت)

08-01-2013 10:13 PM
لو استقلت يا مازدا كاس العالم نجيبو كيف حرام عليك تخلينا في ظروف صعبة ذي دي وعشمانين نشيل كاس العالم عام 2050 اصبر علينا شويه انت وعمر البشكير


#734965 [التاج محمد احمد]
0.00/5 (0 صوت)

08-01-2013 07:05 PM
ليه يستقسل خليهو زى الوزراء خالد وكمان لين يكتفى من الهزايم ماركة 3 وبعدين اعتقد انه شغال ببلاش عشان كدا متمسكين بيه


#734826 [Hayam Bakhiet]
5.00/5 (1 صوت)

08-01-2013 03:47 PM
أعتقدبأن مايسمى بالمدرب مازدا ليس عنده جديد لتقديمه للكرة السودانية وأدمن الفشل في مناسبات كثيرة ومتعددة وأصبح ذي الشاويش عمر البشير يحب الأضواء الخداعة والتمسك بقميص عثمان... أرحل أنت والشاويش وستنصلح أحوال الكرة السودانية بشرط أن يكون كل الإداريين واللاعبين من خارج الحدود لأن لاعب الوطن لايوجد وإداري الوطن حرامي ومرتشي ...أنصح الشعب السوداني أن أن يلغي الأندية من دماغة ويشجع رياضة سباق الحمير !!!!


#734795 [sadamhusain]
5.00/5 (1 صوت)

08-01-2013 03:09 PM
اطمئن يا كوتش فان لم تلتق الي اليوم باحد مسؤولي الاتحاد و ما دام الي اليوم لم تكتب تقربر عن الهزيمة الفضيحة ( وعندك نية ) في مقبل الايام تقدمه لهم فاطمئن فالرجال الذين يحاسبونك ماتوا فارتع و اهنأ بمالنا و دمنا و اعصابنا و همنا ... فقط دعني اهمس في اذنك باننا طلقنا الكورة بهلالها و مريخها و تابعيها من فرق الكومبارس طلقنا منتخبا ظللت تقوده من فشل لفشل .. و زمرة السؤ التي تكركع معك كؤوس الهزيمة عندها مقدرة فائقة علي تحويل الهزيمة لنصر و الفضيحة لشرف و الماذدا لكابرس ... عجبي
نعلم - يا كوتش - انك ومن معك تنظرون و لكن لا تبصرون .. تقولون و لا تفعلون .. تاكلون و لا تشبعون ... انكم تشربون و لا تسكرون ... ثم انكم ايها ا لفاشلون تجاهرون بان كل ما راج عن استقالتي و انفكاكي عن رقبتكم هو محض افتراء و اشاعات مغرضة فاننا ما زلنا في طور الاعداد بعد ان تخطينا مرحلة الاحتكاك ... وما كبيركم الذى طالبنا - كما السيسي - بان نعطيه فرصة و نحاسبه بعد ذاك - الم يدر كبيركم ان الفرصة لا تتاح الا للذى فشل من قبل ؟ و بعبارة اخرى يطالبنا - كبيركم - ان لا نشيل معاه الفاتحة الا بعد الدفن ... او نصبر ؟؟؟؟؟ انت طالق


#734785 [سمبا]
0.00/5 (0 صوت)

08-01-2013 02:59 PM
يا جماعة الفيلم ده ما شفناهو قبل كده الحكاية شنو .


#734743 [عماد الغبشاوي]
5.00/5 (1 صوت)

08-01-2013 02:13 PM
ياعمي استمر مدرب للمنتخب ماهو البشير بيحكم فينا 24 سنة جاءت عليك يامازدا فشل السياسة هو فشل لكل شئ


#734742 [عماد الغبشاوي]
0.00/5 (0 صوت)

08-01-2013 02:09 PM
ياعمي استمر مدرب للمنتخب ماهو البشير بيحكم فينا ليهو 24 سنة جاءت عليك يامازدا استمر الي يوم يبعثون


#734619 [عركي]
0.00/5 (0 صوت)

08-01-2013 12:29 PM
نحن ماعندنا ثقافة الاستقالات ابدا لذلك مازدا سوف يستمر مدربا للمنتخب الي يوم القيامة


#734613 [أبو أمجد]
0.00/5 (0 صوت)

08-01-2013 12:20 PM
أستقيل أحسن .... لم يحقق المنتخب السوداني في عهدك أي إنجاز و لن يحقق ذلك مع أي مدرب آخر ... أرحمونا ياخي من الفضايح


#734588 [سايكو]
0.00/5 (0 صوت)

08-01-2013 12:00 PM
مافي كوز بستقيل


#734587 [صادميم]
0.00/5 (0 صوت)

08-01-2013 11:59 AM
يستقيل !!! يستقيل ليه شفتوا ليكم في السودان فاشل استقال يعني البشير و لا عبدالرحيم احسن منو بشنو عايزين تقولوا عليه تولى يوم الزحف كمان


#734583 [ود الجد]
0.00/5 (0 صوت)

08-01-2013 11:57 AM
لا ياخي ما تنفي خليها صحيحة حريقة فيك وفي الجابك


#734576 [الشاكوش]
0.00/5 (0 صوت)

08-01-2013 11:51 AM
نفي المدير الفني لمنتخب صقور الجديان السوداني ، محمد عبد الله مازدا بشدة أن يكون قد تقدم باستقالته .... وكمان نفي بشدة ... ليه يا أخي ما كان تقدمها وتريحنا تنظيراتك التي لا تقدم بل بالتأكيد تؤخر ... وحال المنتخب لا يسر حتي ألد الأعداء ... ارجو صادقاً ان تفكنا عكس الهوا مع المنتخب وتتخارج وبالتأكيد سيكون الحال أفضل


#734573 [صادميم]
0.00/5 (0 صوت)

08-01-2013 11:49 AM
يستقيل !!! يستقيل ليه شفتوا ليكم في السودان فاشل استقال يعني البشير و لا عبدالرحيم احسن منو بشنو عايزين تقولوا عليه تولى يوم الزحف


#734510 [وااحد مغبون]
5.00/5 (1 صوت)

08-01-2013 10:36 AM
ياخ انت ماعندك دم ياخ عدد تعداد السودان 40 مليون نسمة والبكرهوك 80 مليون نسمة - انت عديم الاحساس خالص ياخ شوف ليك اكساس بيعها ولا افتح ليك جزارة بيع لحم ولا امش جاهد مع الكيزان ديل عشان يكتبو ليك شارع باسمك شارع الشهيد ماذدا ولا تايوتا الله يرحم والديك حل عن سمانا غصب هو
دي بلد ليها 50 سنة الحكم فيها لعائلتين ولين حسي ماشة عكس التيار وانت مدرب المنتخب وكل يوم فضايح هي البلد دي ما فيها رجال ولا شنو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة