الأخبار
أخبار إقليمية
البشير وطه وعبد الرحيم وعدد من الوزراء يقدمون التعازي للترابي في وفاة شقيقه الأصغر
البشير وطه وعبد الرحيم وعدد من الوزراء يقدمون التعازي للترابي في وفاة شقيقه الأصغر
البشير وطه وعبد الرحيم وعدد من الوزراء يقدمون التعازي للترابي في وفاة شقيقه الأصغر


08-01-2013 10:43 AM
قدم الرئيس السوداني عمر البشير ونائبه الأول علي عثمان طه وعدد من الوزراء من بينهم وزير الدفاع الفريق عبد الرحيم محمد حسين وقيادات الحركة الإسلامية التعازي لزعيم حزب المؤتمر الشعبي المعارض حسن الترابي في وفاة شقيقه الأصغر المهندس عبد الحليم الترابي.

وكان البشير قد شارك الأسبوع الماضي في تشييع أحد مؤسسي الحركة الإسلامية السودانية وهو ياسين عمر الإمام، وكذلك أبرز قيادات حزب المؤتمر الشعبي، ووجدت الخطوة ترحيبا من بعض قيادات حزب المؤتمر الشعبي الذي احتفظ بعض قادته بعلاقات اجتماعية مع أركان النظام الحاكم رغم انقسام الإسلاميين في السودان في العام 1999 .

وتعتبر زيارة البشير للترابي مساء الأربعاء أول مقابلة معلنة ومباشرة للرأي العام، وتأتي تلك الخطوة معززة للخطوة الأولي بمشاركته سابقا في تشييع القيادي الإسلامي ياسين عمر الإمام.

ولم يستبعد البعض أن تكون هناك محاولات لتقريب الشقة بين حزبي المؤتمر الشعبي والوطني في ضوء الضغوط التي تمارسها بعض قواعد وقيادات الحزبيين، بخاصة في الولايات لإعادة العلاقة إلى طبيعتها بين الإسلاميين في السودان لمواجهة جملة من التحديات.

والراحل عبد الحليم الترابي أحد قيادات الحركة الإسلامية وناشط إسلامي بين تيار السباب، عمل مهندسا في التصنيع الحربي كما شارك في حرب الجنوب قبل الانفصال ضمن كتائب المجاهدين أكثر من مرة، وظل عضوا في حزب المؤتمر الشعبي الذي يتزعمه شقيقه حسن الترابي.

arabstoday


تعليقات 20 | إهداء 0 | زيارات 16144

التعليقات
#735132 [زول سوداني]
1.00/5 (1 صوت)

08-02-2013 01:35 AM
أها وبعد ما مشو وشالوا الفاتحه مع شيخهم .. ربنا يرحم المرحوم .. نحن نستفيد شنو من الخبر دا ؟؟ ولو اتلموا ولا ما اتلموا كلو بلاء في بلاء داهيه تاخدهم واحد واحد ..

كفانا سذاجة وعاطفة تؤخر ولا تقدم .. هؤلاء القوم دمروا السودان ما خلو لمحمد جنب ينوم عليه لا تعليم لا صحه ولا معيشه والاقتصاد وصل الحضيض .. ما عندهم شي تاني نهبوا البلد ودمروها ونحن ما زلنا نتفرج عليهم وسنظل كذلك إلي أن يظهر سيسي سوداني يكنس كل الوسخ والعفن أما ما يسمى بالمعارضه فهم لا يختلف ن عنهم كثيرا .. اللهم ارحم بني السودان بسيسي ود بلد يخاف الله حقا ..


#735096 [سعاد خيرى]
0.00/5 (0 صوت)

08-02-2013 12:40 AM
هل هم خالدين إلى أبد الآبدين ؟؟؟
في التاريخ ، كل الطغاة كانوا يظنون انفسهم خالدين ابدا ، و لكنهم ذهبوا
الي صفحات التاريخ السوداء ، حتي في التاريخ القريب جدا ، القذافي طاغية
ليبيا ظل حتى آخر ايامه يصرخ و يغتر بنفسه و يصف شعبه بالجرذان ، ثم مات
بنهاية بشعة انه بريق السلطة و القوة ، يعمي القلوب قبل ان يعمي الابصار
سيذهبون رغما عن انفهم ، هذه حتمية كونية


ردود على سعاد خيرى
United States [مواطن] 08-02-2013 04:26 AM
القذافي رحمه الله اشرف من هؤلاء المتاسلمين ومن قتله احد المتاسلمين جواسيس الناتو وعملاء اليهود .. القذافي رحمه الله مناضل جسور والطغاة هم المتاسلمون عبيد المال والطغاة هم الامريكان وان ادعوا الديمقراطية . من وصفهم الراحل القذافي بالجرذان هم هؤلاء المتاسلمين الخونة .


#735080 [ودالباشا]
5.00/5 (1 صوت)

08-02-2013 12:07 AM
تااااانى عايزين يتلموا تااانى يااااا خلف الله




ربنا يرحم التوفى ويغفر له ويرحم موتى المسلمين


#734951 [طاوي ثلاثٍ]
3.00/5 (2 صوت)

08-01-2013 06:47 PM
رحم الله الميت وجميع أموات المسلمين.
هكذا السودانيون عاطفيون لدرجة البلاهة والخبل.
أين المباديء السياسية التي سرعان ما تغيرها مجاملة في بيت بكا أو بيت طهور أو نفاس.
تتعاملون وكأن الشعب السوداني قطيع من الماشية أو السوام.
أيها السودانيون تذكروا هذه المواقف جيَّداً حتى لا تأخذكم بهم رحمةً.
أفيقوا من سباتكم وما ضاع حق وراءه مطالب.


#734948 [isic]
0.00/5 (0 صوت)

08-01-2013 06:42 PM
إن لله ما أخذ وله ما أعطى فليصبروا وليحتسبوا. ربنا يرحمه ويغفر له.


#734929 [توفيق صديق عمر]
5.00/5 (2 صوت)

08-01-2013 06:06 PM
يا اخوانا قولوا انو الناس ديل التام شملهم
ودكوها وشكوها ووزعوها من اول جديد لغاية هنا دا ما السؤال السؤال انو الحا يقع في البايظ منو المرة دي؟

والسؤال الاكثر مرارة وبضوق الحنظل انو ثم ماذا بعد لم شملهم
ما الذي سوف يستفيد منو انا وانت وانتي واحمد ومحمد وحاج احمد
من لم شملهم هذه
كدت ان اقول يلمهم عزرائيل بركة الشهر المعظم
يا عالم ما كفاكم هوان خيبة رجا
57 سنة وانتو لسه بتشربو كدرا وطينا دا لو اتلقا
مرض وجهل وفقر وكميات مهولة من اولاد الحرام الذين بالتاكيد مسئول من انجابم للدنيا اولاد الزوات
واولاد الطبقات المشرومية الذين يستغلون فقر الفقراء من لاذلالهم في شرقهم وعزتهم وكرامتهم لكس عينهم لانهم يعلمون ان هذا هو كل ما تبقي لهم في هذه الفانية
اما الفساد وسرقة مال المسلمين فنترك امره للمراجع العام وقوة ملاحظة اللبيب الذي يفهم بالاشارة عندما يمعن النظر في الفارهات المظللات والبنيان الذي تطاول و و و الخ
وبرضو يجي واحد يقول للناس انو البشير ذهب ليعزي الترابي في اخوه
طيب والشعب السوداني المغلوب علي امره يصفقو ليهم يعني ولا شنو ما يمشي يعزي يااخ
حاجة تقرف بجد


#734928 [ود العقاب]
0.00/5 (0 صوت)

08-01-2013 06:06 PM
انا لله وانا اليه راجعون , نسأل الله ان يتغمده برحمة ويسكنه فسيح جناته .


#734909 [salah40]
5.00/5 (2 صوت)

08-01-2013 05:36 PM
عليك الله الفى الصورة ديل بشر يحكموا و يمثلوا السودان الا فى(زمن الغفلة )؟


#734903 [خالد حسن]
3.00/5 (3 صوت)

08-01-2013 05:25 PM
نسأل الله ان يجازيه علي قدر اعماله وبقدر ماقتل من انفس بريئه في جهادهم المزعوم
وان شارك في مؤامرة اذهب للقصر رئيسا ان يجازيه الله علي ما حل بنا من ظلم الانقاذ وتدمير هذا البلد والشعب
وان يلحقه شقيقه الدجال الاكبر وكل اسلاموي وكوز


#734852 [cour]
5.00/5 (2 صوت)

08-01-2013 04:16 PM
طيب متين يرحل الاخ الاكبر اصلا كارثة على البشرية . اللة يرحمك يامرحوم


#734832 [محسن محجوب]
4.50/5 (4 صوت)

08-01-2013 03:51 PM
أحذروا‎ ‎أمريكا الجريحة المهزومة في مصر وستنتقم بتقديم الدعم و العون لأخوان‏‎ ‎السودان وستعمل على جمع ‏الترابي والبشير حتى يستقوا ويتحدوا مع بعضهم خوفا من تكرار ما حدث لهم في مصر و كذلك دعم وتقوية حزب ‏الغنوشي في تونس وتدعيم أخوان ليبيا لمحاصرة ثوار مصر وإجهاض ثورتهم وإعادة الأخوان‎ ‎فكل شيء متوقع من ‏الثور الأمريكي (البفلو) الجريح وهكذا جاءت ثورة 30 يونيو التي أطاحت بهم ببعض الفائدة لهم بزيادة الدعم ‏الأمريكي الغربي لهم‎ !!!‎


ردود على محسن محجوب
United States [أبوالكجص] 08-01-2013 05:57 PM
هل تعتقد أن امريكا بهذه السذاجة لتقدم على هذه الخطوة.أمريكا دعمت الجماعات الإسلامية الجهادية في أفغانستان لكي يضربوا بهم السوفيت فهادن هؤلاء أمريكا حتى تمكنوا وعندما خرج السوفيت من أفغانستان إنقلبوا على أمريكا شر إنقلاب. لذلك، أرى أن تحليلك تجاهل كثير من السوابق التي تبني عليها أمريكا دائماً خططها واستراتيجياتها.


#734806 [معدن نفيس]
5.00/5 (3 صوت)

08-01-2013 03:25 PM
نسأل الله ان يتغمده بواسع الرحمه وان يرحمنا جميعا اذا ما صرنا الي ماصار اليه .الموت غاية كل حي وكفي بالموت واعظا ونزيرا ....


#734798 [أوكامبو]
1.00/5 (1 صوت)

08-01-2013 03:13 PM
دبلوماسية المآتم و الفواتح ...تبا لك من حكومة و من نظام سياسى !!
ليت الترابى لحق بأخيه الأصغر حتى يريح و يستريح و لله فى خلقه شؤون


#734765 [المتجهجه بسبب الانفصال]
4.00/5 (1 صوت)

08-01-2013 02:34 PM
رحمه الله برحمته الواسعة،، لم يكن ناشطا سياسيا بالقدر المهول الذي ذكره التقرير ،،،


#734745 [مهدى الامين]
4.88/5 (4 صوت)

08-01-2013 02:14 PM
نسال الله الرحمة لفقيدنا عبد الحليم الترابى ببركة هذا الشهر الفضيل وببركة هذه العشر الاواخر من رمضان . فقد كان - حسب معرفتى به - من الصالحين الاخيار .كان حافظا لكتاب الله . وذاكرا لله . وكان عفيف اللسان لا ينطق الا بخير . وانى اعده من انبل من انجبتهم الحركة الاسلامية السودانية و ظل وفيا لها فى كل الظروف . وجاهد تحت لوائها فى كل المواقع بفكره ويده .. وذاق مرارة السجون والمعتقلات فى عهد مايو وفى عهد الانقاذ ومع ذلك ظل يتمتع باطيب العلاقات مع الكثيرين ممن لا يتفق معهم فى الفكر او السياسة ..
اللهم اغفر لفقيدنا ونقه من خطاياه كما ينقى الثوب الابيض من الدنس . اللهم اجعل قبره روضة من رياض الجنة ووسع له فى مرقده . اللهم اجعل مقامه يوم القيامة فى اعلى عليين مع النبيين والصديقين والشهداء والصالحين وحسن اولئك رفيقا .. آمـــين يا رب العالمين


ردود على مهدى الامين
European Union [خالد حسن] 08-01-2013 05:46 PM
الحجاج برضو كان حافظ للقران!
والترابي برضو حافظ للقران هل حفظ القران بعفي من الذنوب البرتكبها الانسان في حق الاخرين!
حاتقول لي القرآن بشفع حا اقول ليك لو كان بشفع في الظلم الذي يرتكب في حق الاخرين لاستثني الرسول الكريم حافظ القران من حديث
المفلس ( اوتدرون من المفلس ... )
انتو دينكم ده جبتو من وين ؟
الواحد يقتل الاطفال والنساء والعزل باسم الجهاد المزعوم ويجو يقول ليك حافظ للقرآن !


#734741 [السوداني]
4.50/5 (4 صوت)

08-01-2013 02:09 PM
اتلم التعيس علي خايب الرجا


#734674 [alhaj alsedique]
5.00/5 (1 صوت)

08-01-2013 01:14 PM
الله ارحمك ويحسن اليك صديقى ودفعتى فى حنتوب الثانوية الرجل الهادى جميل الخلق والاخلاق اللهم اغفر له واحسن اليه وتقبله بقبول حسن انزله مع الصديقين والشهاداء يارب العالمين


#734644 [عصمتووف]
3.91/5 (9 صوت)

08-01-2013 12:50 PM
خليط من المجاملات والتوريث يفيد اصحابه وملاكة وماذا يفيدنا وفاة الترابي ولا البشير ولا الصادق ام المرغني ولا غيرهم من البقية نقد توفي والدي توفي الله يرحمهم ويغفر لهم ومن هو عبدالحليم غير زاهق ارواح بل تسبب في فصل الجنوب بسبب رعونته وبلاهة الترابي ويا الترابي هل اخوك مات فطيس كبقية الفطائيس كما زعمت وماذا يهمنا من لقاء البغال والحمير في مناسبات خاصة بهم اعتقد موضوع هائف كل يوم بموت ناس بالمئات شنو الحصل هل رجعت عقارب الساعة للوراء داهية تاخذكم


#734615 [مدحت عروة]
3.88/5 (6 صوت)

08-01-2013 12:22 PM
اعادة العلاقة بين الاسلامويين عشان يكملوا باقى برنامج ثورة الانقاذ الوطنى فى تفتيت السودان!!!!
هم مش جو عشان يوقفوا الحوار الوطنى والمؤتمر القومى الدستورى عشان يتقذوا السودان من الوحدة والاستقرار السياسى ويخلوا الاجانب يتدخلوا فى الشان الداخلى ويجو بى جنودهم كمان ودول الجوار تقطع من اراضينا ولا يقولوا ليها انت بتسوى فى شنو؟؟؟؟؟؟؟
انتفاضة ابريل لو اتاخرت شوية لحد ما النميرى يرجع من امريكا كان تاريخ السودان اتغير وما كنا ح نبقى كده وكان الحركة الاسلاموية لحقت حبوبتى زى ما بيقولوا!!!!!!!
انتو والد حسن البنا لو نام فى اليوم داك ما كان احسن للاسلام والمسلمين؟؟؟؟؟؟؟
قوموا كده يا الاسلامويين جاكم بلا يخمكم فردا فردا واللهم ارنا عجائب قدرتك فيهم!!!


ردود على مدحت عروة
United States [yasir abdelwahab] 08-01-2013 01:31 PM
خليهم يتلمو علي الأقل يوفرو لينا حق قشة الكبريته التانيه..


#734572 [سودانى]
4.75/5 (3 صوت)

08-01-2013 11:49 AM
ياهو ده الفالح فيه عبدالرحيم محمد حسين (اللمبى ) مرة مره ولدت ماشى اتحمدليها السلامة ومرة ماشى اعقد لفلان وعلان ومرة ماشى اشيل الفاتحة ومرة ود الوزير فلان طهروه ماشى ابارك ليهوا قايتو وقعنا وقعة ( ناجح دلوكة )


ردود على سودانى
United States [الشمس المشرقة] 08-01-2013 04:59 PM
أنت خطير, الخبر دا كله ما لاحظت فيه الا صاحبك, يا أخي ما تخليه يقد قدلت فريق مع مارشال في عزاء.

[واحد تانى] 08-01-2013 04:34 PM
من هو (ناجح دلوكة)...؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة