الأخبار
منوعات سودانية
لاعبو المنتخب السوداني يحمّلون اتحاد الكرة مسؤولية الخروج من تصفيات أمم إفريقيا
لاعبو المنتخب السوداني يحمّلون اتحاد الكرة مسؤولية الخروج من تصفيات أمم إفريقيا
لاعبو المنتخب السوداني يحمّلون اتحاد الكرة مسؤولية الخروج من تصفيات أمم إفريقيا


لم نحصل على وجبات سودانية في الفطور والسحور بقطر
08-02-2013 09:22 AM

عبر عدد من لاعبي المنتخب السوداني لكرة القدم عن حزنهم الشديد للخروج الحزين لصقور الجديان من تصفيات أمم إفريقيا للاعبين المحليين على يد المنتخب البوروندي،وحمّلوا الاتحاد السوداني لكرة القدم مسؤولية خروج المنتخب من التصفيات و استدل عدد من اللاعبين بعدم عزف النشيد الوطني في مباراة المنتخب أمام البوروندي على العشوائية التي يدار بها المنتخب الأول.

وكان المنتخب البوروندي قد أطاح بالمنتخب السوداني من التأهل لنهائيات بطولة أمم أفريقيا للاعبين المحليين التي تنظمها جنوب أفريقيا في يناير عام 2014، بعدما تغلب عليه بنتيجة 4-3 بركلات الترجيح من نقطة الجزاء، في مباراة الإياب التي أقيمت بإستاد المريخ بأم درمان وانتهت نتيجتها في زمنها الرسمي بهدف لكليهما وهي ذات النتيجة التي انتهت عليها مباراة الذهاب ؟

وقال عدد من اللاعبين في تصريحات صحفية نقلتها صحيفة "الدار "السودانية الصادرة صباح الخميس : أن الذين يتهموننا بالتقاعس وعدم المسؤولية ،لا يعلمون المعاناة التي واجهتنا قبل مباراة المنتخب البوروندي بمعسكر قطر الأخير، حيث لم نحصل على وجبات في الفطور والسحور وحتى الفندق الذي كنا نقيم فيه لا توجد به وجبات سودانية حتى أن البعض منا اتجه للذهاب لمعارفهم وأقاربهم وأصدقائهم هناك من أجل الحصول على وجبات سودانية وأحيانا كنا نضطر للذهاب بعيداً عن مكان الفندق حتى نتذوق وجبة سودانية من حر مالنا.

وشن لاعبو صقور الجديان خلال تصريحاتهم الصحفية هجوماً عنيفاً على الاتحاد السوداني والقائمين على إدارة المنتخب مؤكدين بأن أعضاء اتحاد الكرة لم يهتموا بهم ولم يكلفوا أنفسهم بزيارتهم وتهيئتهم نفسياً لهذه المباراة ولم يصرفوا حوافز التعادل أمام بوروندي في لقاء الذهاب ، وأضاف : حتى النثريات التي وعدونا بتسليمنا إياها في نفس يوم المباراة وكالعادة لم يحضر لنا أحد مما كان له الأثر النفسي علينا ونحن مقبلون على مباراة هامة ومصيرية.

وواصل لاعبو المنتخب السوداني هجومهم على الاتحاد السوداني قائلين :أعضاء الاتحاد اهتموا بتثبيت أنفسهم في الانتخابات ولم يعيروا المنتخب أدنى اهتمام وبالتأكيد هذا الخروج المذل لا نتحمله وحدنا بل جاء نتيجة لعوامل أخرى يتحمل الجزء الأكبر منها اتحاد الكرة.

واستنكر اللاعبون عدم عزف النشيد الوطني في مباراة المنتخب أمام بوروندي مشيرين إلي أن كل الدول تعزف النشيد الوطني لمنتخباتها وهذا يدل علي العشوائية وعدم التخطيط اللذين يدار بهما المنتخب.

وأشاروا إلى أن مدرب المنتخب محمد عبد الله مازدا أبعد اللاعبين الذين كانوا جاهزين نفسياً لهذه المباراة من التشكيلة الرئيسية ودفع بلاعبين لم يكونوا جاهزين، لذلك ظهر المنتخب بهذا المظهر المذل والمهين ،وأكد عدد من اللاعبين أنهم سيضطرون للاعتذار عن تلبية نداء الوطن في الفترة المقبلة في ظل الظروف الحالية والطريقة التي يدير بها أعضاء الاتحاد المنتخب الأول لكرة القدم.
كووورة


تعليقات 29 | إهداء 0 | زيارات 5578

التعليقات
#736082 [زول]
0.00/5 (0 صوت)

08-03-2013 03:33 PM
هذا هو العذر الاقبح من الذنب ناس الاهلي والزمالك كانو صايمين في مباراتهم الافريقية الاخيرة واولادنا بعد الفطور بزمن ما قادرين يشوتو ضربة الجزاء ومسكين مازادا الذ اتكل علي حوائط كاريكا ومساوي ومهند المائلة فخذلوه ولن انسي واغفر لكاريكا عن الطريقة التي شات بها ضربة الجزاء والذي يبدو انه كان حالف ان لا يحرز ضربته فكان خجلان ان يضعها في السماء........متي يوم نفرح في السودان ده


#736078 [الجعلي]
0.00/5 (0 صوت)

08-03-2013 03:31 PM
ههههههههههه
والله شر البلية ما يضحك ...وجبات سودانية في فندق ...انتو وهم ولا شنو انتو لو عاوزين وجبات سودانية جايين قطر لي
وانا ما عارف جايين قطر في التوقيت دا لماذا .. انه اسواء جواء في قطر خلال العام .. وانا ما عارف انو المسوولين اختاروا الوقت دا لي في العام حيث درجة الحرارة فوق 45 درجة مع الرطوبة العالية يعني ما في اي طريقة للمنتخب عشان يتمرن .. الا كان جايين ينوموا ساكت في الغرف بالنهار والليل............ مستحيل يتمرنوا بالصباح او العصر او الليل نسبة للرطوبة والحرارة المرتفعة

وجبات سودانية قال !!!!!!!!!!


#736060 [المايسترو]
0.00/5 (0 صوت)

08-03-2013 03:11 PM
اصلاً الكورة السودانية ضياع للزمن واهدار للمال والقائمين علي امرها فاشلين
ومافي حرارة قلب للاعب السوداني فكيف يفوزو


#736027 [سعد]
0.00/5 (0 صوت)

08-03-2013 02:12 PM
كنا نريد ان يدكر اسم لاعب واحد علي الاقل .زز مامهم ... , اللاعبين انهزموا ويريدون شماعة يلقوا عليها فشلهم


#735988 [ود الجد]
0.00/5 (0 صوت)

08-03-2013 01:09 PM
IS THE BIBY OR COMMER(SORRY MAZDA)STILL TRAINING THIS SHIT TEAM
IF I HAD THE AUTHORITY I WILL BEAT EACH MEMBER OF THIS TEAM IN PUBLIC
THEY ARE ALL SHIT PLAYERS


#735944 [دفع الله]
0.00/5 (0 صوت)

08-03-2013 12:19 PM
طيب لو عارفين كدا كنا عملنا ليهم معسكر في خلاوي ام ضوا بان حيث الكسرة والويكة بالكتير ، وكانوا جابو الكاس عديل والفوز بالدستة ’


#735901 [ابونصر]
0.00/5 (0 صوت)

08-03-2013 11:31 AM
وجبات سودانية يامتخلفين شوفوا الاعبين المحترفين ياكلوا شنو يابتاعين الفول والويكة .


#735869 [سوداني البريدو]
0.00/5 (0 صوت)

08-03-2013 10:33 AM
أقسم بالله شر البلية ما يضحك ....دمعت من تعليقات القراء !!

برضو ضحكتونا شوية ... أنا الليلة إلا بفطر بي كسرة ولا بليلة مع إنو مرتي ما بتعرف تعوس !!


#735866 [صوت اللاجئين السودانيين]
0.00/5 (0 صوت)

08-03-2013 10:31 AM
ممكن تذكر اسم لاعب واحد عشان نصدق الخبر يا ناس الدار ،،،


#735867 [Ben]
0.00/5 (0 صوت)

08-03-2013 10:31 AM
Look at these so call players,Sudanese food......hahahahah


#735614 [mada1966]
5.00/5 (1 صوت)

08-02-2013 09:39 PM
انشالله ماتشبعو جنكم اكل
يا ماعندكم وطنيه .والله تستاهلو الجلد


#735612 [كوز كنافه]
0.00/5 (0 صوت)

08-02-2013 09:27 PM
تاكلو الاكلتو حبوبتي


#735589 [ابوالتيمان]
5.00/5 (2 صوت)

08-02-2013 08:12 PM
اتاريكم كملتو جهودكم حايمين بين مطعم الفاتمينات لابو الخير وليالى الخرطوم ومطعم عروس الرمال كايسين اللقمة والفول والتقلية وخليتو المكبوس الفطاير والمشاوى والحلويات فى الفندق غايتو معتصم جعفر بضيع السودان اكتر واكتر


#735547 [سودانى منفرج الأسارير]
5.00/5 (1 صوت)

08-02-2013 06:05 PM
والله شر البلية ما يضحك .. هوّ داسمو كلام يا ناس.. آل ايه آل فطور وسحور سودانى .. يا خيبتكو !! الله يخزيكم ويخزى اتحادكم اللى ما تحسس رغباتكم الرمضانيه و تقاعس عن توفير ما تشتهى انفسكم.. يا شماتة "ابللا" ظاظا فيكو يا معتصم يا قعفر .. فضيحه بجلاجل .. هزيمه .. و كمان كلام عن ألأكل!!
يا جماعه قلنالكم فضوها سيره وخلوها "رياضه جماهيريه اسلاميه جعفريه مازداويه"


#735534 [حادب]
4.75/5 (4 صوت)

08-02-2013 05:40 PM
كلام اللاعبين يرفع الضغط والسكري ويهيج المصران وبجيب طمام ما عادي .. معقول الوطن بساوي عندهم عصيدة وسلطة روب ورقاق في السحور .. لو انا مسؤول بقيم فيهم الحد لأنهم سرقوا الكثير من وقتنا وجهدنا واعصابنا ..


ردود على حادب
United States [xman] 08-03-2013 05:29 AM
يا جماعة انتو قايلنهم عساكر ولا شنو اللعيبة ديل مش بحسوا برضو وعندهم اسر بتحتاج مصاريف؟ !
بعدين اذا بتتكلموا عن الوطنية الجالية السودانية كان دورها شنو ماذا قدمت الجالية للمنتخب.


#735521 [ahmed elimam]
0.00/5 (0 صوت)

08-02-2013 05:03 PM
انشاء الله تاكلو السم انتو يا لاعبين المنخبط المتخبط اللاوطني قال ما اكلنا فضائح حتي في الاكل في زول في الدنيا دي بيشتكلي مثل شكواكم دي يا زفت هو تقول كمان صائمين من القال انتو كنتو صائمين يا ديل شوف ليكم شخص تاني قولو ليهو الكلام ده


#735518 [عباس]
4.75/5 (3 صوت)

08-02-2013 04:55 PM
طيب بتتطفحوا في الويكه كم سنه عملتوا شنو ؟حريقه فيكم وفي اتحادكم وفي كيزانكم.


#735492 [عادل السيد عوض]
5.00/5 (1 صوت)

08-02-2013 04:04 PM
حيث لم نحصل على وجبات في الفطور والسحور وحتى الفندق الذي كنا نقيم فيه لا توجد به وجبات سودانية حتى أن البعض منا اتجه للذهاب لمعارفهم وأقاربهم وأصدقائهم هناك من أجل الحصول على وجبات سودانية وأحيانا كنا نضطر للذهاب بعيداً عن مكان الفندق حتى نتذوق وجبة سودانية من حر مالنا.

تاكلوا السم يافشله.


#735481 [كركاب]
0.00/5 (0 صوت)

08-02-2013 03:45 PM
كويس حصل الضرب مع بعضهم البعض
لا الفريق ولا الاتحاد ناجح
وعايزين تكونوا جادين فى كلاكم وعدم تمثيل المنتخب مستقبلاً


#735471 [بندق]
0.00/5 (0 صوت)

08-02-2013 03:29 PM
ياخ تاكلو السم بالله دي حجتكن اختشو جاتكن داهيه


#735438 [Wadalfa7al]
5.00/5 (4 صوت)

08-02-2013 02:31 PM
أم فتفت....تقلية..كسرة بالويكة ..قراصة بالدمعة ..كول ...مرس..تركين وملوحة..اقاشي ..هممممممممممم والله دا اكل سيكسي...اتمني انو الفريق البرازيلي يلتفت لمثل تلك الأكلات إذا كان يرغب في نيل كأس العالم..
قال وجبات سودانية قال..جاءتكم داهية في اليعرفوكم!!!


#735413 [johny]
0.00/5 (0 صوت)

08-02-2013 01:49 PM
Sudanese food !!!! i couldn't beleave ,bad team


#735409 [مصطفى بحر]
5.00/5 (1 صوت)

08-02-2013 01:42 PM
واللة المضحك قال بعض اللاعبين سيعتزرون عن تلبية نداء فى الفترة القادمة لانهم لم يجدوا الاهتمام من الاتحاد
ماذا قدمتم للوطن حتى تعتزرون ايها الفشلة المتقاعسين عن ضربية الوطن انتم مفروض تنزع نكم الجنسية السودانية لانكم لا تشبهون السودان ولا الشعب السودانى
اما ماذا نحن نحتاج الى ثورة مثل ثورة ثلاثين حتى نتخلص منه لانه ليس له دم وهو سبب انتكاسات الكورة السودانية هذائم من فرق متواضة وخروج مزل مرة من الاحباش ومرة من رواندا ومامعروف المر القادمة من مين اماالاتحاد همة الاول شراء الاصوات من ااتحادات المحليه حتى يبقى على سدة الكرة السودانية ليس هنالك برامج وخطط لتطور الكورة السودانية اللة يفكنا منكم جميعا


#735397 [احمد الركابي]
5.00/5 (1 صوت)

08-02-2013 01:25 PM
لمن كنت بتاكلوا وجبات سودانية غلبتو فريق؟؟ حجج ميتة, والله لو اكلوكم ميسي ورونالدو ولاعبى برشلونة شوطتكم ما حتفوت ضلكم


#735345 [DAFURI]
3.75/5 (3 صوت)

08-02-2013 11:22 AM
ما فاهم .. لو معتمدين علي الوجبات السودانية ناس عصيدة وقراصة وويكة علشان تساعدكم علي التأهل واطاتكم أصبحت .. دائماً نبحث عن شماعات لتعليق فشلنا عليها رياضيا أو سياسيا أو حتي اجتماعيا


#735344 [رشاشه]
5.00/5 (2 صوت)

08-02-2013 11:22 AM
وجبات سودانية عليكم الله شوفوا ذي ديل والله فعلاً مرمي الله مابترفع انت عايز عصيدة وفول وحلومر وبليلة ياخ في الفندق في الف صنف انت لاعب دولي لازم تتعود تأكل اكل صحي ده عزر المعسكر ده لو كان في سنجه او دنقلا ممكن تقول الأكل ماعجبنا لكن تجئ تتحدث عن الأكل في قطر انتم قائلين نفسكم قاعدين في او نازلين في لكوندة كردفان او لوكوندة مروي ام العنقريب الليلة بريال بمخدة وملاية ومرتبة بخمسطاشر قرش ياحليل كانت أيام وكانت كورة لكن جاء لعيبة من بذور الإنقاذ لا كورة ولا وطنية والله انا اللعيبة ديل عايزين الف سنة حتي يعرفون الوطنية أما عن الاتحاد العام انتم لو عندكم وطنية الله لو بقليل من مجهوداتكم لعملتم شئ أما عن ماذدا المدرب ده منتهي ومعه الف سنة سوف نعك ونلك ونعجن كدي وقدر الكورة ألفي معه بتروح


#735340 [موسي صالح]
5.00/5 (2 صوت)

08-02-2013 11:14 AM
يعني سبب الهزيمه هو الوجبات السودانيه طيب انتو في السودان بتتغلبو مع توفر اي شي ما عليكم ياشباب البلد كلهاا ضايعه بس اتوقفت عليكم ما في رول فيكم حاول يقول انو ما عندو وطنيه لانو في ساحل العاجج اللاعب يلبي نداء وطنو حتي كوكان مريض ولو اتهزمو فسيون السجن مصيرهم اما البزازيل فنصف دخلها من ما يجلبه لاعبيها
عزركم اقبح من الذنب


#735320 [واحد من الناس]
5.00/5 (4 صوت)

08-02-2013 10:33 AM
وجبات سودانية عليك الله انتو م دايرين دق بعدين صقور شنو والله انتو مفروض يسموكم سواسيو ي فضايح


#735305 [ahmed]
0.00/5 (0 صوت)

08-02-2013 09:50 AM
هههههههههههههههههههههههههه طبعا ما الكسر وام رقيقه كانت حاتخليكم تغلبوهم 10



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة