الأخبار
أخبار إقليمية
سودابوست تقدم خدمة الطرود للحجاج للعام 1434
سودابوست تقدم خدمة الطرود للحجاج للعام 1434
سودابوست تقدم خدمة الطرود للحجاج للعام 1434


08-02-2013 10:26 AM
(سونا)
تم امس توقيع مذكرة تفاهم بين الإدارة العامة للحج والعمرة وقع عنها مديرها العام الاستاذ المطيع محمد أحمد السيد والشركة السودانية للخدمات البريدية (سودابوست) ووقع عنها مديرها العام د. مبارك عبده صالح .
وشهد مراسم التوقيع الاستاذ الفاتح تاج السر وزير الارشاد والأوقاف .
وتفيد(سونا) أنه وبموجب المذكرة ستعنى شركة سودابوست بتقديم خدمة طرود الحجاج للعام 1434هـ .
وتهدف الادارة العامة للحج والعمرة من خلال هذه الخدمة أن يتفرغ حجاج بيت الله الحرام للعبادة وأداء النسك بشكل تام وترك مايتعلق بمنقولاتهم وأمتعتهم عبر البريد السوداني من المملكة العربية السعودية والى كل مدن السودان بالتعاون مع البريد السعودي


تعليقات 13 | إهداء 0 | زيارات 5132

التعليقات
#736330 [ابو تركي]
0.00/5 (0 صوت)

08-03-2013 11:40 PM
انا رسلت طرد 2 كرتون قبل رمضان وصل كرتون يوم 20 رمضان والتاني للحين ما وصل في ان وبعد دا اخذوا مني خمسون الف .


#736070 [زول]
0.00/5 (0 صوت)

08-03-2013 03:18 PM
لي وبعض المعارف هنا عدة تجارب مريرة من بلاد الغربة قبل رمضان ارسلت كرتونة بها حاجات رمضان وحتي اليوم 25 رمضان لم تصل بعد رغم انها غادرت وموجودة في مكان ما بالسودان وجزي الله ناس خطوط الطيران الذين ارغمونا علي استعمال البريد بعد ان عملو موضوع ال23 كيلو وكل شنطة اضافية ب 500 درهم او ريالات وبالمناسبة في بلاد الغربة يعتبر خط الخرطوم من اربح الخطوط وياريت لو ناس مجلس الافتاء العلماء والذين افتو ببطلان ثورةمصر ان يصدروا فتوي بان كل من يركب اى خطوط غير السودانية كافر مصيره جهنم وبئس المصير وشوفوا لو ما اشترت سودان طير طيارة كل سنة


#735859 [abuadel]
0.00/5 (0 صوت)

08-03-2013 10:09 AM
اترك الحجاج وشانهم والله لي تجربة مع هذا الشركة الزفت التي الاتستحق حتي ذكر اسمها
والامر من ذلك لما تصل هناك الكرتونة الي الخرطوم من السعودية يقولك عاوزين 50 الف جنية


#735709 [ود نفاش]
4.00/5 (1 صوت)

08-03-2013 12:53 AM
كان البريد قبل شهر من رمضان يستعد الى ارسال الطرود الى السعودية وفى منتصف شهر رمضان كنا نعمل صيوان لاستقبال الطرود الواردة من كسوة العيد
ولكن الانقاذ حطمت البريد لاسباب سياسية فهى كانت احدى اركان النقابات القويه المشهود لها بالثقافة والوعى السياسى ويكفى البوسته انها خرجت عظماء مثل خليل فرح ومصطفى سند وابراهيم الرشيد وشاعر العيون وحافظ عبد الرحمن والشفيع عبد العزيز
ثم جاء هؤلائي الفاشلين وافسدوا ووصلت مشاكلهم الى نائب الرئيس تصوروا
حليل البريد وحليل السكة حديد ومصالح ووزارات تم تفكيكها وتم تعينالفاشلين مدراء
اللهم خلص السودان من البشير ونافع وقوش الثعلب
امييييييييييييييييييييييييييييييييييييييييييييييييييييييييييييييييييييييييين


#735643 [بت الخرطوم]
0.00/5 (0 صوت)

08-02-2013 10:41 PM
الله يكضب الشينة يعنى حتكون فى رسوم اضافية للعشرين مليون تانى ندفع


#735634 [ابومرام]
5.00/5 (1 صوت)

08-02-2013 10:21 PM
والله شركة فاشلة واكثر من فاشلة انا عندي تجربتين معاهم ارسلت طرد قبل شهر رمضان السابق بعشرة ايام من الدمام الي عطبرة وصل في سبعة وثلاثون يوم والغريبة وصلت بوليست الشحن اول شئ الي عطبرة بدون الطرد وارسلت قبل شهر رمضان الحالي طرد الي الدامر فوصل في ثلاثين يوم وايضا وصلت بوبيست الشحن اول شئ وبعدها بكم يوم وصل الطرد والفئران مزقت معظم محتوياته والله على مااقول شهيد شركة فاشلة وعدنما تتحدث مع المسئسوليين عبر الهاتف اذا رد عليك يقول لك اعمل لك شنو انا .شركة فاشلة ومجرد دعاية واعلام وبس ولكن هي بقت على البريد الفشل طال كل شئ في بلادنا والله المستعان


#735600 [المهندس سلمان إسماعيل بخيت على]
3.00/5 (1 صوت)

08-02-2013 08:45 PM
كل سنة كان بيصلنا الحلو مر مع شخص مناولة يد بيد من مطار الخرطوم وخلال 6 الى 8 ساعات يكون الحلومر مبلول فى الجك ، السنة دى ظهرت لينا آفة إسمها سودابوست حرمتنا من تذوق الإفطار بطعم سودانى
الإبن نادر فيصل فى اليوم يسأل مائة مرة عن كرتونة الحلو مر دى وصلت ماوصلت فلا ندرى هل هى إخفاقات سودابوست أم شرارة نادر


#735567 [واحد ورقو ضايع]
5.00/5 (1 صوت)

08-02-2013 06:59 PM
هذه الشركة سودابوست نموذج للفشل وعدم المسؤلئة...شكيتكم لي الله يا ناس سودابوست.قبل 8 ايام ارسلت اوراق هامة من البريد السعودي الممتاز بعد ان اكد لى الموظف السعودى وصولها السودان بعد 4ايام.... وقد كان غادرت الاوراق جده بعد 3ايام وعرفت ذلك من خدمة تقفي الاثر في موقع البريد السعودى ودخلت اوراقي الاراضي السودانية. . ويا ليتها لم تدخل..راجع اخى البريد السوداني فاكدوا له عدم وصول اي اوراق كل يوم اتصل عليهم ما في حاجة. ..الان انا واسرتي قاعدين على اعصابنا. . . لان إستخراج بدل فاقد للاوراق سوف يستغرق 10سنوات في دولة اسمها السودان.كرهتونا وعقدتونا من التعامل مع كل ما هو سودانى. يا جامع يا رقيب.
واحد ورق


#735553 [شهاب]
5.00/5 (1 صوت)

08-02-2013 06:21 PM
شركة تسرق الناس ضحى باخذها رسوم مدفوعة اصلاً عند ارسال الطرد
من اى جهه كانت وتقوم بفتحهافى غير حضور ملاكها


#735545 [تكديس بوست]
0.00/5 (0 صوت)

08-02-2013 05:58 PM
الفكرة جميلة كونها تخفف على الحجاج و المغتربين باللملكة عموما وجربنا خدماتها لكن الطرود مرات بتكون معاهم في المستودع ويقولوا ليك ما وصلت لس في حين انك متابعها بالنت خطوة خطوة من شحنها إلى إستلمها . المفترض تظهر اخر مرحلة للطرد انه تم الاستلام . لكن عندهم رسالة واحده معلقة انه تم الاتصال على العميل وطلب تحديد وقت آخر . وترجع للشخص اللي رسلت ليه يقول ليك إطلاقا ما اتصلوا علي لكن نمشي اشوفهم بالفعل بكون وصل ليه يومين . وادينا فرصة نفتش ونصنف الطرود ونشوفه وين يعني وسط الطرود مكدس ...
ما عارفين كيف ينصفوا البضاعـة حسب المناطق والمكاتب الصغيرة مكاتب التوزيع .

1- من المطار إلى البريد المركزي إدارة سودابوست
2- من المركز إلى الفروع ( ام درمان بحري مدني وهكذا )

وعلشان ما تدخلوا في مغالطات السوائل ممنوعة العطور والزيوت وكدا ، و الاشياء القابلة للتلف والتخمر والتحلل ايضا ممنوعة مثل بعض الفواكه الما بتستحمل التخزين . لانه الطرد اقل حاجة اسبوع من وإلى إذا ما راح وتم الـ 20 يوم .


#735491 [المهندس سلمان إسماعيل بخيت على]
4.00/5 (1 صوت)

08-02-2013 03:57 PM
ياحجاج العاوز يجى راجع بإحرامه يسلم أغراضه لسودابوست فكرتونة حلو مر بالطرد رقم CP000225644SD من سلم لسودابوست يوم 3 يوليو ووصل لجده يوم 22 يوليو وجهته الرياض إن شاء الله لو ربنا منع العوارض يصلنى فى عيد الضحية عشان أحوله من حلو مر الى شربوت آل سودابوست آل دى يرحمها الله فى تربه واحده مع شقيقاتها سودانير وسودانلاين وسودانريلويز وجنوب السودان والحبل على الجرار وربنا يستر على دارفور وجنوب كردفان وجنوب النيل الأزرق
وياناس سودابوست سيبوا حجاج بيت الله يشيلوا شنطهم فى أيديهم وماتعكروا دمهم كفاية التعكير الذى تسببه لهم هيئة الحج


#735482 [المهندس سلمان إسماعيل بخيت على]
5.00/5 (1 صوت)

08-02-2013 03:45 PM
ياحجاج نصحية لله إبتعدوا عن حاجة إسمها سودابوست فسودابوست سارت فى طريق شقيقاتها سودانير سودانلاين سودانريلويز فكل مايسمى بإسم السودان فى هذا العهد الزاهر بمافيها خارطة السودان نفسه المليون ميل مربع إنهدم وإليكم القصة كاملة بالدليل ورقم الشحن لتتابعوه على موقع سودابوست والقصة بحمد الله كانت عبارة عن كرتونة حلومر أرادت أسرتى أن أشم رائحة الحلو مر وأنا فى ديار الغربة فجهزوا كرتونه حلومر لى ولمن معى بالسعودية فكانت المفاجئة أن فاتورة الشحن 700000 جنيه تخيلوا كرتونة حلو مر وزنها لايزيد عن 10 كيلو من الخرطوم للرياض بالسعودية كلفتها 700 ألف جنيه ، الأسرة دفعت المبلغ وتسلمت إيصال الشحن بالرقم CP000225644SD تاريخ الشحن 3 يوليو 2013م يعنى يوم 24 شعبان لأن اسرتى كانت تفتكر أن إسبوع واحد يكفى لإرسال طرد حلومر من الخرطوم للرياض وأنا أكتب لكم هذا التعليق اليوم الجمعة 2 أغسطس 2013م الموافق 25 رمضان يعنى باقى لرمضان 4 الى 5 أيام ولم تصل كرتونة المر مر ولا داعى للحلو مر لأن السودان أصبح لايحمل أى شىء حلو فحياتنا كلها مر فى مر
يوم الأربعاء 31 يوليو 2013م قمت بمراجعة البريد المركزى السعودى بشارع البطحاء قسم الطرود سلمت الإيصال الذى بيدى لموظف البريد وأخل الكود بنفس الطريقة التى أعملها بالبيت عبر المتابعة بالإنترنت فقال لى الطرد وصل لميناء جده يوم 22 يوليو ودخلت الجمرك يعنى من الخرطوم لجده 19 يوم طيب خدمة شنو البتقدمها سودابوست للحجاج مادام كرتونة الحلومر لجدة فى 19 يوم ياحجاج خليكم صاحيين وأوعى واحد فيكم يسلم حاجة حقتك لسودابوست والله للحج بعد الجايي دا ماتصلكم ديل ناس عاوزين يتحصلوا قروش من أى زول دون تقديم أى خدمة ولو كانت 10 كيلو حلومر بـ 700 ألف جنيه
اللهم أرحم المغفور لها سودانير
وأرحم شقيقتها سودانلاين
وأرحم شقيقتها سودانريلويز
وأرحم شقيقتهن الصغرى سودابوست
وأرحمنا معهن إذا صرنا الى ماصار السودان إليه
وبهذه المناسبة أخى الفاتج جبره البارح الريال السعودى ركب فى سرج الدولار وزاد عن 2000 جنيه وبارك الله فى شيخ على حين قال ( والله كان ماجينا كان الدولار وصل 50 جنيه ) يا أخى ماترجعونا للحته الإستلمتونا منها نحن مش عاوزين إنقاذ
بهذه المناسبة وهذه الألام والمآسى التى نعيشها منذ ربع قرن احكى ليكم نكته رباطابيه شويه سخيفه
الرئيس البشير كان عنده نائب جنوبى مشى لأهلى فى ابى حمد وقال ليهم باللهجة الجنوبية إنخاس دا جاء عشان ينخسي الناس ويقصد الإنقاذ دا جاء عشان ينقذ الناس ، الرباطاب قالوا ليهو صدقت نحن نخس زى دا عمرنا ماشفناه العنده نخله واحده وغنماية تأخذوا عليهو عتاوات لحد ما نص أهل البلد شردوا وهجروا الزراعة اللهم لانسألك رد القضاء ولكن نسألك اللطف فيه اللهم أنت من أخرجت مرسى وجماعته من قصر الإتحادية نسألك أن تخرجهم من القصر الجمهورى آمييييييييييييييييييييييييين


ردود على المهندس سلمان إسماعيل بخيت على
United States [Abu] 08-03-2013 02:51 PM
AMEN AMEN AMEN؟؟؟؟؟؟؟؟؟؟؟؟؟؟؟؟؟؟


#735326 [ابراهيم عمر]
5.00/5 (3 صوت)

08-02-2013 10:44 AM
شركة سودابوست شركة غير منظمة وتفرض رسوم خيالية ومكررة على الطرود، المقرات غير منظمة تلقي الكراتين مردومة من مدخل الشركة بصورة عشوائية والموظفين ليست لهم مهام محددة كل واحد شغال بطريقتو ونا من ضحايا الشركة الاحتيالية دي مرة رسلوا لي طرد فيهو كيس لبن 1 كجم وملاعق طبخ خسب وكيسين دقيق 1,5 كجم الكرتونة مقاساتها 60*35*20 دفعوني 350 الف في حين انو قيمة محتوياتها لاتتعدى 100الف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة