الأخبار
أخبار إقليمية
وزارة العمل : سياسة الدولة تشجِّع الهجرة..نحدد هجرة الكفاءات النادرة بشروط زمنية محددة حتى لا تفقد كل الخبرات.
وزارة العمل : سياسة الدولة تشجِّع الهجرة..نحدد هجرة الكفاءات النادرة بشروط زمنية محددة حتى لا تفقد كل الخبرات.
وزارة العمل : سياسة الدولة تشجِّع الهجرة..نحدد هجرة الكفاءات النادرة بشروط زمنية محددة حتى لا تفقد كل الخبرات.


08-03-2013 09:26 AM

قالت وزارة العمل السودانية، إن سياسة الدولة تجاه سوق العمل المحلي والخارجي ترتكز على تشجيع الهجرة وتنظيمها لإتاحة الفرصة للمواطنين لإيجاد عمل خارج البلاد طالما لم يجدوه بالداخل، وأكدت أن التنظيم يعد إجراءً ضرورياً لحفظ حقوق السوداني المهاجر.

وأفادت وزيرة تنمية الموارد البشرية والعمل إشراقة سيد محمود، الإذاعة السودانية يوم الجمعة، أن الدولة في بعض الحالات تحدد هجرة الكفاءات النادرة بشروط زمنية محددة حتى لا تفقد كل الخبرات.

وذكرت إشراقة أن تنظيم الهجرة من السودان أو إليه إجراء ضروري لحفظ حقوق السوداني المهاجر، إضافة إلى حفظ العلاقات مع الدول التي هاجر إليها المواطن السوداني أو التي هاجر منها مواطنوها إلى السودان.

وأشارت إلى أن سياسة الدولة تجاه سوق العمل المحلي والخارجي ترتكز على تشجيع الهجرة وتنظيمها.

وفي السياق، أوضح وزير الدولة بوزارة تنمية الموارد البشرية، أحمد كرمنو، أن الوزارة أصبحت وزارة إيرادية بعد حراك تنظيمي وجهد متصل امتد ثلاثة أشهر حققت فيه هذا الإنجاز المعنوي والمادي.

وأشار لقرار الوزارة الذي تم بموجبه تشكيل لجنة ضمت الإدارات المختصة الثلاث "الاستخدام، والاستقدام والتدريب"، لمراجعة الأداء وتقييم دور الوزارة من خلال وحداتها وإداراتها.

وأغلقت اللجنة حسب كرمنو بعض مكاتب الاستخدام الخارجي التي لا تعمل بضوابط الوزارة ولوائحها وقوانينها، كما تم إغلاق بعض مراكز التدريب التي لا تتقيد بقوانين الوزارة في منح شهادة الدبلوم ومخالفتها كل الأعراف الدراسية.


سونا


تعليقات 10 | إهداء 0 | زيارات 2545

التعليقات
#736210 [ردود الى زنقة زنقة]
0.00/5 (0 صوت)

08-03-2013 06:37 PM
طيب الجماعة ديل فهمهم شنو دمروا البلد كل المشاريع واوسائل النقل الصحة التعليم اى شئ واخيرا بقوا يشجعوا الناس على ترك البلد والطفشان الفهم شنو تنهى بلد وتشرد اهلها يمكن الجماعة ديل باعوا البلد للاسرائليين مابقولوا حدود دولتهم الموعودة من الفرات الى النيل انا قايتو ما يستبعد


#736194 [mohamed]
0.00/5 (0 صوت)

08-03-2013 06:12 PM
ظلمت فينا يا (إشراقة) لم تشرق شمسنا يوما والا ازددنا كآبة واحباط في هذا الوضع المزري بفضل سياسات حكومتكم الفاسدة في كل شئ عطالة ومرض وتكميم الافواه ووووووووووووووووالخ اصبح الصومال افضل من هذه الدولة السودانية ولكن مازال حبل العشم ممدود لابد من الاصلاح لابد من الصمود لابد ان نضع ايدينا مع بعضا من اجل الوطن كفااااااااااااااية


ردود على mohamed
European Union [Jungle] 08-04-2013 08:33 AM
الصومال مش افضل من السودان وبس بل بمليون مرة لسبب بسيط الصومال ظل متوازن ومحافظ لكيانه وامنه لنوعا ما لفترة عشات السنين وبدون حكومة اما السودان فيه هذه الحكومة وشوف الامن والاقتصاد والانفصالات وعليك الله بس السودان لو ترك ساعتين بدون حكومة كيف سيكون الوضع


#736137 [بكره بلدي]
0.00/5 (0 صوت)

08-03-2013 04:38 PM
وبعدين وزارة العمل مالها ومال انها أن الدولة في بعض الحالات تحدد هجرة الكفاءات النادرة بشروط زمنية محددة والقال الدوله تحدد منو برضوا في رزقته دايرين يشيلوا منها قروش والبعدين سياسة البلد دايرة تفضي البلد من الناس عشان تبيع باقي الاراضي المااتباعت


#736112 [كونجو]
0.00/5 (0 صوت)

08-03-2013 04:08 PM
خليناها ليكم يا اشراقة ومعاك مجموعة الصعاليك ديل !!!!!


#736110 [كاك]
5.00/5 (1 صوت)

08-03-2013 04:07 PM
الوزارة أصبحت وزارة إيرادية ///// الانجاز العظيم والوحيد للوزارة رعاكم الله والي مزيد من الايرادات


ردود على كاك
United States [Anya] 08-03-2013 06:59 PM
بالضبط كده فرحانين بروحهم شديد خلاص ... ياخي حاجه تجيب القرحه


#736068 [زنقه زنقه]
0.00/5 (0 صوت)

08-03-2013 03:18 PM
الحقيقة التى يجاولون الهروب منها
هى ان الاقتصاد السودانى قد انهيار
فكل البنيات الاقتصادية المتمثلة فى قطاعاته الانتاجية (دُمرت) تماماً

وكأمثلة فان المشاريع الزراعية التى كانت توفر فرص عمل (لنصف سكان السودان) ...
كمشروع الجزيرة وبقية المشاريع الزراعية الكبرى جميعها .. كمشروع خشم القربة ومشروع الرهد ومشروع طوكر ومشوع الدالى والمزموم وكل المشاريع الزراعية بالولايات الشمالية وغرب السودان .. قد دُمرت

وكذا كل المشاريع الصناعية التى كانت مربوطة بالانتاج الزراعى للمشاريع الزراعية اعلاه (القيمة المضافة) والتى كانت توفر (ملايين) فرص العمل و (ملاين الدولارات) لخزينة الدولة .. ايضاً دًمرت

الصناعة الوطنية بمختلف انتاجها وما توفره من فرص عمل (خيالية) .. والتى كانت توفر كذلك الكثير من احتياجات البلد .. التى اصبحت حالياً تستورد بالعملات الحرة (المعدومة) .. حوربت ودُمرت ..

أيضاً تم تدمير

السكة حديد الناقل (الأرخص ) والذى يوفر ما يزيد من 50% من تكلفة الوقود الذى رجعنا الى استيراده (بالعملة الحرة) وكذلك توفير قيمة قطع الغيار والصيانة للشاحنات التى (فُرضت) على قطاع النقل .. كانت توفر فرص عمل بالالاف ..

ودُمر النقل الجوى (سودانير) والذى كان يدر على الخزينة العامة ملايين الدولارات والعملات الاخرى ..

ودُمر النقل البحرى الذى كان يوفر فرص عمل (خيالية) ويورد ملايين الدولات سنوياً ويوفر الكثير من تكاليف النقل لاحتياجات البلد التى امست تستورد من الخارج حتى الطماطم ..

النقل النهرى .. رائد التجارة بين الشمال والجنوب .. السوق الرئيسى لمنتجات شمال السودان .. كالملح والفول المصرى والذرة والبلح والبهارات والقمح .. ما كان يوفر فرص عمل لعدد مهول من اهل الشمال والجنوب على السودان .. وكذا فى توريد المنتجات الغابية لشمال السودان من افضل انواع الاخشاب فى العالم والمزيد من المنتجات الغابية الجنوبية ..

كذلك دُمرت المنتجات الغابية كالاخشاب والصمغ والفحم ..

والثروة الحيوانية والمنتجات المرتبطة بها كالصناعات الجلدية .. التى باستطاعتها توفير ملايين فرص العمل ان طورت وان تدخل المليارات سنوياً .. لما للصناعات الجلدية من قيمة فى كل العالم ..

هذه (مقتطفات) عن اهم القطاعات التى كانت تمثل عماد الاقتصاد السودانى والتى كانت توفر وتؤمن للمواطنين فرص العمل ولقمة العيش الحلال كلها دمرت وفقد الملايين من المواطنين فرص العمل ..

اما القطاعات الاخرى كالمؤسسات العامة والشركات الحكومية والتى كانت ايضاً تؤمن فرص العمل (النوعية) لعدد كبير من اهل البلد فقد بيعت كلها (رابحة على خاسرة) ..

كلها دمرت
والبلد الان فى حالة انهيار
خصوصاً بعد انفصال الجنوب (ببتروله)

هذا ما يحاولون ويعملون على اخفائه والتبروء منه .. ولكن هيهات


#736049 [عمار بخيت]
5.00/5 (1 صوت)

08-03-2013 02:54 PM
لاول مرة اسمع بدولة بتشجع الهجره اخس عليك وعلي قياداتك في الحزب هو اصلا باقي احد منتطر تشجيعكم


#736044 [مصطفى كونج]
0.00/5 (0 صوت)

08-03-2013 02:41 PM
الخبرات دي تقعد في السودان تسوي شنو .. معقولة الخبرات النادرة تفطر بي بوش وفتة عدس وتدين من دكان الحلة ... الخبرات النادرة دي كان مرضت تتعالج وين ؟
انتي كدي خلينا من الخبرات والهجرة .. اخبار اخوك الشغلتيه مدير مكتبك شنو ؟
تفووووووو عليك يا جاهلة ..


#736038 [MOM]
0.00/5 (0 صوت)

08-03-2013 02:34 PM
تشجيع الهجرة!! مابتخجلو بلد عايشة على ضرايب المغتربين والزكاه
تفوووووووو عليكم


#735850 [AMEER]
5.00/5 (1 صوت)

08-03-2013 09:40 AM
تفووووووووووووووو عليكم يامعفنين هو انتو لسع مافقدتو كل الخبرات
ياجماعة انا واحد بتاع IT كنت عاطل في السودان عاطل مش شغال بي راتب 200جنية ولا بي 1 جنية حتى وكل مااقدم لمكان في اخر لحظة القي نفسي OUT OF AREA
اول ماجيت البلد دي السعودية من شده انو الشغلة دي مااثرت في نفسياتي سالوني بعد مااجتزت المعاينة للعمل في احدى الشركات وبعد المعاينة سالوني الراتب المتوقعو كم قلت ليهم ماعارف انتو بتدفعو كم هههههههههههههههههههههه؟ اتخيلو ادوني راتب كم اساسي 6.000 ريال سعودي من غير البدلات !! عشان تعرفو السودان دا بلد بالجد **** تفوووووووووووووووووووووووو عليك بلد معفنة ماعندك وجيع ماسكنك مجموعة من الاوغاد
والله يحفظك لينا يالملك عبدالله

انا طبعا ياناس حكيت ليكم الحكاية دي عشان تعرفو انو فعلا السودان بلد مشجع للهجرة لانو السياسة الشغالة بيها الحكومة سياسة تشفيش وعن قصد عاوزين يفضو البلد ويقعود فقط الاوغاد الزيهم.


ردود على AMEER
United States [ابو ابرار] 08-03-2013 06:24 PM
الله يهديك علي تفلك للسودان انت نلت المؤهل العلمي من السودان يا سيد واقل شيئ احفظ له حقه بدل ان تتفل عليه والفساد انا معك مستشري لكن اذا بعدت انت وانا دون تضحيات من الذي سيخرج البلد من هذا الوحل ربنا يفرج هم المهمومين من السودانيين وان يكون بلدا امنا ينعم بخيراته وابنائه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة