الأخبار
أخبار إقليمية
عاد مضطرا الى الخرطوم..منع البشير من عبور أجواء السعودية في طريقه الى ايران
عاد مضطرا الى الخرطوم..منع البشير من عبور أجواء السعودية في طريقه الى ايران
عاد مضطرا الى الخرطوم..منع البشير من عبور أجواء السعودية في طريقه الى ايران


08-04-2013 04:01 PM
عاد الرئيس عمر البشير مضطراً إلى عاصمة بلاده الخرطوم بعد أن رفضت السلطات السعودية مرور طائرته عبر المجال الجوي السعودي وصولاً إلى إيران لتهنئة الرئيس الجديد حسن روحاني.

وكان البشير غادر الشهر الماضي نيجيريا على عجل بعد اقل من 24 ساعة بعد ذهابه اليها لحضور مؤتمر خاص بالايدز بحضور عدد من الرؤساء الافارقة ، وأثار استقباله في نيجيريا غضب منظمات ونشطاء حقوق الانسان الذين طالبوا المحكمة العليا باعتقاله بناء على مذكرة الاعتقال التي اصدرتها المحكمة الجنائية الدولية بحقه.

وقالت منظمة التحالف النيجيري لدعم المحكمة الجنائية الدولية إن عدم اعتقال البشير يعطي اشارات خاطئة حول امكانية الافلات من العقاب في قارة أفريقيا ، وتسرب الخبر الى الوفد المرافق للرئيس فغادر نيجيريا على وجه السرعة قبل ان يلقي خطاب السودان تاركاً المؤتمر والرؤساء خلفه .


ــــــــــــــــــــــــــ

الخرطوم 4/8/2013م (سونا)

توجه المشير عمر حسن احمد البشير رئيس الجمهورية الى جمهورية ايران صباح اليوم الاحد فى زيارة رسمية تستغرق يومين وكان فى وداعه بالمطار الاستاذ على عثمان محمد طه النائب الاول لرئيس الجمهورية وعدد من الوزراء بجانب السفير الايرانى بالخرطوم.


تعليقات 165 | إهداء 0 | زيارات 43549

صفحة 1 من 3123>
التعليقات
#747904 [ماجد سمساعة]
3.00/5 (2 صوت)

08-20-2013 01:04 AM
الحمد لله لم تحصل فتنة بين السودان والسعودية .


#741585 [مجاهد عثمان]
2.00/5 (3 صوت)

08-11-2013 09:20 PM
السلام عليكم ورحمة الله
البشير فضحنا شدييييد
وانا مغتاذ منو شديييييد هو وعبدالرحيم
بس يا جماعه نحنا لم نشتم زول بتجيهو حسنات نحنا نكتفي بالرد بدون شماته. وخلوهم لي ربنا يجازيهم


ردود على مجاهد عثمان
[ود الشلال] 08-12-2013 03:03 AM
تفتكر دا ممكن تجية حسنات ؟ كلامك دا صحيح لما يكون المشتوم (زول) ؟؟؟!.


#738650 [العوض نميري]
1.66/5 (6 صوت)

08-06-2013 01:59 PM
في مثل هذه المواقف لابد أن تنمحي الشماتة مهما بلغت درجات الاختلاف والمعارضة ولابد من محاسبة منسقي هذه الرحلة للحرج الذي حدث لرئيس الجمهورية ومحاسبتهم على القصور وعدم التنسيق المسبق مع السلطات السعودية.


ردود على العوض نميري
United States [شمتان] 08-12-2013 02:57 AM
ياتو مواقف ؟ لابد من محاسبة البشير اولا على عجزة عن ادارة البلد وتشبطة بالسلطه بالقوة , بعدين تعال حاسب المساكين ديل.


#738224 [Omega]
2.04/5 (13 صوت)

08-06-2013 01:25 AM
حقائق حصرية فقط في السودان :
- رغم تظاهر الحكومة بمحاربة المخدرات ، ولكن يبدو أنهم يتعاطون أفضل أنواع البانجو والدليل تصريحاتهم مثل : "الطيارة جات بالليل وطافية الأنوار أها نعمل شنو؟" ، "لو ناس اسرائيل كان نزلوا لينا في البر ، كان قطعناهم بالسواطير!" ، "أمريكا ورسيا قد دنا عذابهما !!" .. تصريحات أضحكت "اللنبي" شخصيا ونالت فائق اعجابه !!
- وسيلة الترفية في دولة كاااااملة هي "شارع النيل" وطبعا تحت اشراف الشرطة لكي يتم منع الترفية!! وأصبح شارع النيل عبارة عن فايس بوك تتعرف فيه علي ناس جديدة وتشاهد مشاركات الجميع وتجد فيه أي صديق قديم فقدته منذ زمن ، وقريبا فتح خدمة "اضغط لايك" !!
- السودان هو الدولة الوحيدة التي يفضل شعبها الوقوع في قبضة اللصوص والعصابات أفضل من الوقوع في قبضة الشرطة ، ونؤمن بمبدأ حل مشاكلك بنفسك عوضا عن البوليس فالشكوي لغير الله مذلة ، رؤية رجل الشرطة أصبحت مثل رؤية عزرائيل – حتي رجل المرور أصبح كابوس مرعب !!
- الدولة الوحيدة التي تجد فيها أتفه القوم أغناهم ، وعلية القوم أفقرهم ، وفي خلال عام واحد ممكن أن يتغير حال شخص دخل محيط الحكومة تغييرا فلكيا لم يحققه بيل جيتس من قبل ! والظريف أن نفس هذا الشخص سيلقي لك خطبة طويلة عن الكفاح وتحقيق الذات والاعتماد علي النفس والمعاناة والصعوبات التي واجهته في مسيرة كفاحه الطويلة لتحقيق حلمه و و و و .. ونسألك الصبر يارب ..
- الدولة الوحيدة التي تملك خطوط طيران تعتبر وسيلة فعالة في الاستشهاد ، وموظفي هذا الناقل الجوي يتعاملوا معك باستفزاز واستهتار بعد ذلك ؟ ولكن لهم كل الحق في ذلك ، هل نيل الشهادة ساهل؟ انهم يمنون عليك بفضل ونعمة فأصبر عليهم .. التحية للفاتح جبرة الذي ظل يسأل "أخبار ملف خط هيثرو المفقود شنوووو؟" ، لك التحية وأطال الله في عمرك لتحتفل باليوبيل الفضي – الذهبي – الماسي لهذا السؤال !!
- الدولة الوحيدة التي تحترم نجوم الكرة والفن أكثر من احترامها للمفكرين والمثقفين والعلماء ، في حين أن كلتا النجوم في السودان (الكرة-الفن) أثبتت الدراسات الطبية الحديثة أن خطرهم أقوي من خطر التدخين والمخدرات وسبب رئيسي في الجلطات والشلل وفقدان الذاكرة وأحيانا الجنون !
- الدولة الوحيدة التي تملك اعلام يحث المواطن علي مشاهدة قنوات العالم كله حتي قناة اليمن وارتريا ولكن لايفتح قنوات بلدة منعا للاحراج والأمراض ، أيضا الاعلام الوحيد الذي يقدم دعاياته واعلاناته بلهجة غير لهجة بلده !! دعايات مصرية وشامية وقريبا دعايات باللغة الأوزباكستانية ؟
- الدولة الوحيدة التي تصدر اللحوم وتتبرع بها ، وفي نفس اللحظة سعر الخروف في السودان يمكن أن يعادل سعر سامسونج جالاكسي ، ونترقب قريبا فتوي من علماء السودان بجواز التضحية بموبايل عوضا عن خروف وذلك في ظل الفتاوي الحديثة هذه الأيام التي تدل علي تفشي خطر المخدرات علي رؤوس الشيوخ في زمن المهازل ..
- وأخيرا السودان هي الدولة الوحيدة التي يمكنها من تعقبي للقبض علي فور انتهائي من كتابة هذا المقال وحتي قبل أن يجف الخبر ، ولكن لحسن الحظ أنا خارج السودان حاليا ، ولكن بعد رجوعي السودان الا كان أطير !! وكل عام وأنتم بخير ههههههههه


#737856 [محمد حسين]
3.82/5 (9 صوت)

08-05-2013 03:28 PM
اليوم اليس فى البلد رجل رشيد اين الجيش السودانى لحسم هذا العبث اين الصناديد اهل البأس رجال الحارة اين هم هل اصبح رجلات الجيش السودانى من المخنثين إن كانوا يخافون من مواجهة هذا الارعن فليتركوا الجيش عليهم بلبس الطرح رحم الله بلدا مات الرجال فيها لاينفع اليوم سوى الحسم كفانا رقيص وهبالة ان المعارك الوهم والانتصارت الكذب لم تع تجدى نريد الحسم الخطاب لرجالات الجيش


#737798 [إبراهيم جعفر]
3.31/5 (9 صوت)

08-05-2013 02:32 PM
يا ياسر طيب الأسماء أنت أظنك غاشيك الإعلام المنفوخ الكاذب وتصريحات الناكر الرسمي باسم القوات المسلحة السودانية بتاع البشير الرقاص ده. ولا أقول لك سوى امشي أقرا الواقع السوداني وخارطة المعارضة السودانية بي عين شديدة وفاحصة عشان تعرف موقع الحركة البتستهين بيها دي وين منها. أظنك ما مصدق أنو الناس دي جاية الخرطوم تاني؟ لك ما تشاء. لكني بقول ليك حاتشوفوا بي عينكم يا كيزان إنو "ألمي حار ولا لعب قعونج" مش في شندي ولا خور بانقا بتاع تيس بانقا الخراي الهطلة بتاعكم ده لكن في "خرتومكم" الغرقان بي المطرة دا ذاتو، عيانًاً بياناً. وبعدين كلمة "مرتزقة" بتاعتك دي شنو في حق ناس حركة العدل والمساواة والسودانية؟ أمشي أقرا واتنور ياخي وصلح قاموسك السياسي وبعد داك شوف الحركة دي في ادبياتا وعضويتا عشان تعرف "المرتزق" الحقيقي من كدح الشعوب السودانية دا هو مين: هم، ناس العدل والمساواة وجميع رفاقنا في الجبهة الثورية السودانية، ولا نظامك ده بتاع الهطلة المجرم الاممي بتاعك ده؟


#737764 [Saloomi]
2.85/5 (9 صوت)

08-05-2013 01:52 PM
شرب من نفس الكاس الله قادر عمال يحتقروا الناس ربع قرن ببذئ القول والفعل خلاص الباب فتح عليهم والجايات أكثر


#737633 [الكردفاني العدييييييييييييل]
3.41/5 (10 صوت)

08-05-2013 11:56 AM
يحب ان يرقص....هناك كمان............ بإحتفال تنصيب رئيسهم!!!!!!!!!

( رقصوه بالقصر...... يا جدعان.......) ليوه فترة طويلة ما رقص ............

مبروك الخيبة .... والخذلان......

كويس ..... المرة دي ... . جات .... سليمة.... المرة الجاية.... تاني ما بتشيف النور.... الشلاقة ....في شنو..... ما تهبط..... وتقعد.... ساكت احسن ليك............


الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................
الا ان الارجاس ...... واولهم الرقاص ............لا محالة الى زوال...................


#737499 [Dmw]
3.06/5 (11 صوت)

08-05-2013 08:54 AM
الشعب السودانى أجبن شعب فى الآرض كآفة. ثورا ايها الجبنا، إن العلم فى إنتظاركم كي يمدوكم بما تحتاجون للخلاص من هذا الغبي


#737481 [المدير]
3.72/5 (11 صوت)

08-05-2013 08:13 AM
يا كلب يا حقير تركت بلدك و اهلك غرقانين في الموية و الطين و ماشي على ايران علشان تحميك من المحكمة الدولية, يا جاهل يا ابو جهل .كنت مفرض تكون عرفت و قريت من زمان فى المدارس انه ايران دى هية العدو الاول والاخير للسعودية فى الدنيل دى . انحن دلوقت عندنا 24 سنة برة السودان يا كلب ياحقير يا وسخ بسببك انت يا كريه. و كنا من زمان مستنين اللحظة دي (سنة ياولد)طيب ما تثبت عشان تاخدو كلو) و ياما حتاخد وجبتك كاملة تف عليك يا كلب الانجليز يا نجس. ,واالله العظيم و يا ما حنشوف فيكى يادنيا العجايب اليومين دولة.وياللا امشى كمان و اعلن الجهاد ضد السعودية و قول الحج حرام و امنع السودانيين من الحج يا خسيس.


#737472 [عقرب جنابو]
2.75/5 (8 صوت)

08-05-2013 07:34 AM
باب الريده وانسد


#737468 [لقينا الغربه افضل]
3.07/5 (7 صوت)

08-05-2013 07:19 AM
الله كريم


#737445 [المتفائلة جدا]
2.32/5 (10 صوت)

08-05-2013 05:30 AM
قيل فى المثل أول الغيث قطر ..وإنشاء الله السفرة الجاية كلبوشى لى لاهاى هو وشلة الأنس بتاعته يا رب..


#737441 [اب برندي]
3.15/5 (13 صوت)

08-05-2013 05:24 AM
عندما يكون الرئيس سارق للحكم .
عندما يكون الرئيس غير مبالي لشعبة
عندما يكون الرئيس سارق ولص
عندما يكون الرئيس غبي
عندما يكون الرئيس مجرم حرب
عندما يكون الرئيس يحكم برد الفعل

وعندما وعندما وعندما وعندما

انا سمعت لما يكون في دولة ما كارثة الرئيس المحترم بقطع الزيارة اذا كان الرئيس خارج البلاد ويعود الي بلاده ويكون وسط عذابات الناس.

اما رئيس دولة في بلادة كارثة ويقوم يجري دولة اخرة الا الحمار البشير .

من ناحية اخرة نحنا الشعب السوداني نستأهل يحكمنا مثل هذا الغبي لأننا شغب غبي .


#737433 [atif kamal]
3.07/5 (10 صوت)

08-05-2013 05:04 AM
الكيل طفح!
عاطف كمال
************
من الطُّرُقات
للمطاعم والمُستَشفيات

فى بَلدنا إتأمَّلو البيئات

إتشَبَّعوا إهانات
وإتجَرَّعو العَبَرات

أتُراها بيئات بَشَر
أم حَيَوانات؟

قارنوها بأقذر الحَمّامات
فى دُوَل"الكُفر" بالذّات

حاله تفَرِّح الشُمّات!

تانى إتشَبَّعوا إهانات
وإتجَرَّعو العَبَرات
*****************
هذه أبرز عناوين
مشروعهم الحضارى

أيها الإخوه والأخوات

الذى له من أهَمَّ
السِّمات:
"النّظافه من الإيمان"
والأعمال الصّالِحات

التى إكتنَزوا لها
رسوم النِّفايات
وجبايات
بِكُل مُسَمَّيات

ومابدِّلونا نظافه
لاأعمال صالِحات

بَل فَقر,تَعذيب وإهانات
مَحسوبِيَّات, سَرِقات
وجبال من القاذورات

وحقيقه حَقَّقوا
بعض الإنجازات;
سدود, طُرُق,
كَبارى وجامعات

لكن طلَعَت كُلَّها
مِنَح وسَلَفِيّات
شِبعوا مِنَّها
عُمُولات وإختِلاسات
بَينَما حَطَّموا
أنجَح المشروعات

وبى تَدَخُّلات وإسائات
سَبَّبوا لينا مع مُعظَم
الدُّوَل عَدائات

نَتيجتها علينا إعتدائات
من جميع الإتِّجاهات
دون أدنى مُقاومات
فَقَط مَزيد من الخَطرَفات
والتهديدات الفارغات

ولو بِتصدِّقوا ياحَضرات:
على المواطنين
"جِهاد وغَزوات",

حروب,كُروب, وَيلات
نزوح, لجوء, هِجرات
وملايين من الأموات

طَبَّقوا فينا
أسوَأ الإحتِمالات
فى جميع المَجالات

ياخ دى حكومة
صالحين وصالحات
أم عِصابة
نهب مُسَلّح ومُصَلّح
وإغتيالات؟
*****************
وزيادَه للمُنَغِّصّات,
رئيسا ووزرائُو,
هَؤلاء النَّكِرات,

بِكُل بَجاحات
مطقِّمين قيافات
وحايمين بالطائِرات

كَعرايا لابسين
صِدِيرِيّات,

يبَعزِقوا
عَقاب القِريشات
فى أفشل الدُّوَل وأتفه
المُؤتَمرات
*****************
وأصحاب مُعظَم
المَطاعم والمَحَلّات,
جَشعهم وقَذارَتهم
للحَد فايتات
للسَّما فايحات

المُشكِلَه هنا
ماإمكاانيّات,
بَل سُوء نِيّات
وضَمائر مُنتَهيَه
صَلاحِيّات
*****************
عاطف كمال


#737431 [أحمد أبزغولي]
3.36/5 (12 صوت)

08-05-2013 05:00 AM
والله هذا القمي الأرعن لم يبقي علي ذرة من كبريا وشمم لهذه الأُمة إلا وأهدرها في كل أقواله وأفعاله الخسِية0 أقسم بالله العظيم لقد صرنا في ديار الغُربى نخجل من الجهر بسودانيتنا، وصرنا ندعي أننا من كينيا وأثيوبيا تارة ومن تشاد تارة أخرى0
أسألك بالله، إن كنت تأمن به جل جلاله. أيها الأحمق أن ترحل طواعاً عنا، عل الله بذلك يغفر لك ما أرتكبته يداك الداميتين في حق هذه الأمة. وأن تكفينا شر قتالك لإبعادك، حتي لا نزيد من المحن والخسران الذي أصطليت به هذه الأُمة لعشرون عاماً ونيف0


#737428 [ابو كريم]
2.25/5 (13 صوت)

08-05-2013 04:46 AM
اعتقد ان هذة الحادثة ضربة قوية بمكان ومذلة ومهينة مابعدها ذلة لحكومة المؤتمر الوطني ورئيسها البشير
والموضوع سيصبح مادة دسمة للصحافة لمدة سنة قادمة وتبعاتها ستظهر وتتواتر سريعا في الايام القادمة .. دي حمرة عين بس ولسة الجاي احلى
اعز الله المملكة ملك وشعبا


#737426 [الغريب عن بلدوا]
3.82/5 (9 صوت)

08-05-2013 04:43 AM
تستاهل يابشة العيب ما غيك العيب فى الشعب المخليك رئيس 25سنة


#737425 [المستعرب الخلوى]
3.63/5 (9 صوت)

08-05-2013 04:42 AM
الناس فى شنو والحسانية فى شنو ..
ابناء شعبه يغرقون جراء المطار والسيول والرئيس ماشى يهنىء رئيس إيران الجديد ..
بئس الرئيس وبئس المستشارين من حوله ..
هل رئيس إيران من الأهمية بمكان لأن يترك التعابة والغلابة يصارعون السيول ويذهب لتهنئته ..
صحيح الإختشوا ماتو ..ولكن عليه أن يعلم أن الله يمهل ولا يهمل ..وكلو أول ليهو آخر ..ولكم فى الهالك الذليل سىء الذكر معمر القذافى عبرة يا اولى الأبصار ..


#737424 [اوكامبو]
3.72/5 (8 صوت)

08-05-2013 04:41 AM
هسة ح يبلعوا الإهانة دى و كأن شىء لم يكن..والمتحدث بإسم رئاسة الجمهورية قال بشكل ضمنى أن ما حدث جاء بسبب التوتر فى العلاقات السعودية الإيرانية و البشير لم يكن مقصودا بهذا التصرف ..يظهر أنكم بتضحكوا على أنفسكم.. خيبة الله تغشاكم


#737412 [alwadah]
3.07/5 (10 صوت)

08-05-2013 04:15 AM
طوال رمضان لم اكتب تعليقا واحدا خوفا من تجريح الصيام . ولكن مثل هذا الخبر بقدر ما يزعجك من سوء التصرف فيه . من اصحاب السوء نفسه . بقدر ما يفرحك ناتج سوءه . حسنا فعلت المملكة العربية السعودية . مع اخيب رجال افريقيا . مناصري نظام سب اصحاب النبي وآل البيت . عبيد السلطة الفاشله . ومتشبثي كراسي الهلاك . وكله بلا طائل طالما ان هولاء الشيعة هم مخادعيكم ومضلنكم . بانهم مناصروكم ولو كان كل العالم ضدكم . . عفوا . . أنتم لا تخدعون الا انفسكم . فمتي ساندت ايران مثلا الفلسطينيين لنصرتهم علي اليهود . بل هل تستطيع حتي حماية نفسها اذا استهدفت كسابقتها العراق والتي نبهت الغرب ان العقلية العربيه سازجه لدرجة الهلاك . افيقوا يا هولاء يرحمكم الله . ارحمونا من ضرب يرموك ومينا . وانغذونا من سيل وفيضان خريفنا . تحتفل والبلد غرقانا . مع سبب بلاوينا واذانا .


#737395 [سوداني زعلان]
3.15/5 (11 صوت)

08-05-2013 03:36 AM
دي زي واحد ياجر عربية من أمو عشان يمشي لي عرس مرة أبوة
صحيح الاختشو ماتو . يعني شاقي دارهم و راكب طيارتم و ماشي لي عدوهم
أحمد اللة انو ما ودوك لاهاي
تفو عليك لطخت سمعتنا مع ملوك السعودية الكرام


ردود على سوداني زعلان
[ابوعلي] 08-05-2013 05:27 AM
ههههههههههههه والله ياسوداني زعلان انت احلي زول


#737388 [m.d.a]
2.97/5 (11 صوت)

08-05-2013 03:21 AM
والله أنا لو من السعوديين كان رجعتو بالباخره


#737379 [خالد حسن]
2.69/5 (8 صوت)

08-05-2013 02:57 AM
البشيكير بقي ذي الذبابه الجربانه مافي زول دايره تلوث اجواءه
والذبابه ثقيله ودمها تقيل مابتنتحر
يلا امشي بالصين لايران عشان ناس كازخستان يخلوك تشخ
بلا يخمك وانشاءالله الطياره تتحرق بيكم ونخلص من خلقتك


#737376 [ابو نور]
3.72/5 (17 صوت)

08-05-2013 02:49 AM
بسم الله والسلام على رسول الله والله هى حكمة ربانية من الله سبحانه تعالى الذى حدث هذا. بلد وشعب منكوب يالكوارث والسيول وبلد منهارة وناس كلهم فقراء انهارت بيوتهم وهم في العراء ايها البشير وانت وعصابتك في القصور وللاسف الشديد همك ان تسافر الى ملالى ايران وشعبك منكوب اين تذهب من الله ايها الظالم والحمد لله جعل لك حكومة المملكة وشعبها سببا في منعك من السفر بمشئية الله .حكومة المملكة التى عالجتك من قبل حكومة الملكة التى تحتضن اليوم 2 مليون سودانى بكل احترام يقيمون يشاركون الشعب السعودى في فرحهم وكرههم ويعيلون ملايين من اهلهم واقاربهم فى السودان وانا لا اكسر تلج انما هى الحقيقةوانت تريد ان تطعن السعودية في ظهرهاكما فعلت من قبل ولكن السعوديون يعملون باصولهم ومشكوريين حكومة وبارك الله فيك ايها الملك عبدالله وولى العهد الشجاع الاميرسلمان لشعوركم بمحنة ومصيبة الشعب السودانى وغالبية هذا الشعب الصابر لا ينسى لكم جميل صنيعكم هذا المنكوب اصلا ثم اتت عليه الامطار والسيول اخيرا لله درك وطنى الحبيب


#737373 [adil a omer]
2.19/5 (7 صوت)

08-05-2013 02:46 AM
الفار مهما طار مصيرو فى القفص


#737363 [;كاره البشير]
3.16/5 (11 صوت)

08-05-2013 02:36 AM
ضربت عليك الزلة والمسكنة ايها الهوان فمن يهن مثلك يسهل الهوان عليه يامهزلة التاريخ السوداني يابشكير الحمامات القذرة ..الاتستحي ايها المتملق المنافق لقد انكشف الزيف وبدى وجهك القبيح سافرا عن النفاق ياصاحب الوجهين تارة مع ايران وتارة مع السعودية وكان مرجعيتك هي الغاية تبرر الوسيلة ولكن غباءك المطلق يجعلك دائما في مؤخرة رؤساء العالم فلاهيبة لك ولامكانة اجتماعية والعالم باسره ينظر اليك على انك مجرد مهرج يدور حول نفسه في السيرك ايها البلياتشو..


#737362 [الـســيــف الــبــتــار]
3.15/5 (9 صوت)

08-05-2013 02:33 AM
للاسف يا رئيس السودان المكلوم المحزون المازوم المغتصب أن تقدم استقالتك فورا و تتخلى عن السلطه لن هم اقدر و اكفأ و اجدر بقيادة هذا الشعب النبيل الاصيل ومشهود له بلم الشمل وفض النزاعات بين رؤساء و ملوك الدول العربيه و الافريقيه ولنا فى مبادرة الزعيم الخالد ابدا و رفيق دربه المحجوب عليهم الرحمه و المغفرة فى جمع المغفور له الملك فيصل عليه الرحمه الزعيم جال عبدالناصر فى لقاء تاريخى فى الخرطوم بعد قطيعه دامت سنوات ؟
وخرج مؤتمر القمة العربى بالات الثلاث التى هزت اركان الكيان الصهيونى و دول الاستكبار وعلى راسها امريكا ؟
تأتى اليوم رئيسا على ظهر دبابه تعتلى سدة الحكم عنوة و تتحكم فى خيرات البلد و مواردها و تذل المواطن و تهدر كرامته و تعرضه للسخريه بين الامم ايها الجاهل الجهول الفاقد للشرعيه منذ أن وطات قدماك القصر ؟
يا للعار دولة السودان اصبح رئيسها مطارد و منبوذ فى القبل الاربعه ولم تكتفى بهروبك من نيجريا مبكرا ولكن الجهل مصيبه ايها الراعى الما واعى ؟
لقد ضاقت عليك الدنيا و لن تتجرأ فى مغادرة الخرطوم الى غرب السودان وليس دول الجوار ؟
افيق لنفسه و سلم تسلم و اترك القيادة لاهلها لانها ما بتشبهك و لا تمتلك المقومات الاساسيه لادارة دكان ناهيك عن دولة بحجم السودان و شعب يتابع احداث الساعه و يتجول فى بلاد العالم متصفحا الصحف قبل العالم الاسفيرى ؟
انها وكسه و نكسه لشعب و وطن مغتصب ؟


#737359 [عبد الموجود]
2.69/5 (9 صوت)

08-05-2013 02:31 AM
وقد علق محللون وباحثون بالشائن السودانى بان البشير سيبلعها زما يقول ام بقم ,,,لانه محتاج الى دعم واموال السعوديه ,,, وان السعوديه سوف تظل تدعمه ..


#737358 [العكليت]
3.07/5 (8 صوت)

08-05-2013 02:24 AM
طيب ما كان طويل العمر يكمل جميلو ويعكش الراجل في الاجواء السعوديه ويسلمو للجماعه في لاهي


#737353 [الساكت]
3.13/5 (9 صوت)

08-05-2013 02:12 AM
تستاهل ياالبشير!! عشان تاني تخلي اعتكافك وجاري ماشي لإيران، خلي إيران دي تنفعك...


#737343 [علي ابالي]
3.06/5 (9 صوت)

08-05-2013 01:57 AM
يا رب يمسكو عشان نرتاح من الراجل الذي اكل اموال الشعب المسكين


#737342 [abdelrahim]
2.69/5 (9 صوت)

08-05-2013 01:56 AM
هل هنالك بهدلة للسودان والسودانيين اكثر من كده ....لقد هنت ياسودان اليوم علينا
وزارة الخارجيه يمكنها الاتصال بالسلطات السعودية لطلب السماح للطائرة بالمرور لكن يظهر
انو الراس الدبلوماسى مشغول ببيع و شراء الاراضى ....الاحتمال الثانى هو ان رئيسنا اصبح يسافر بالدس والسبب معروف
الا يدرك اركان النظام حساسية علاقة دول الخليج مع ايران?
هل يستطيع الراس الدبلوماسى التشدق بالقول ان علاقات السودان الخارجية احسن من اى وقت مضى
صحيح الاختشو ماتو


#737341 [الهندى عوض الكريم]
3.60/5 (11 صوت)

08-05-2013 01:55 AM
ولايهمك ياابوجاعورة يابوكرش ورجلين مكعوجة زى عربية الباسطة زمان
اعتكف واستمع لاغنية عثمان حسين البتقول " حرمونى ليه والله بحبو"
ولا غنية جنة الاطفال زمان البتقول:
" حرمونى ليه ليه
الهندى عوض الكريم مؤلف كتاب الاغانى


#737335 [الدود]
3.70/5 (10 صوت)

08-05-2013 01:46 AM
اشعلت السعودية عودة الثقاب المشار اليه في مقال مولانا سيف الدولة حمدنا الله واطلقت رصاصة الرحمة على الميت سريريا نظام الانقاذ ورئيسه المجرم البشير


#737326 [saifeldin]
1.94/5 (14 صوت)

08-05-2013 01:32 AM
حوالى (28) شخصاً لقوا مصرعهم جراء حوادث غرق وانهيار منازل وصواعق كهربائية نتاج السيول والأمطار بمحليات شرق النيل والخرطوم وكرري وأمبدة بولاية الخرطوم ، فيما أكد مجلس الدفاع المدنى وفاة (10) اشخاص بولاية نهر النيل ....عدم مسئولية وعدم إهتمام بالرعية وألأمبالة لو كان في مسئولية كان أولي زيارة المنكوبين من زيارة إيران ونشكر السعودية دروس وعبر كثيرة وانت ولا علي بالك ألحق علينا شايلنك علي كفوف الراحة


#737324 [ودالغرب]
3.32/5 (10 صوت)

08-05-2013 01:27 AM
والله اذا كان الغراب دليل قوم لا وصل الغراب ولا هم وصلو التحية للسلطات السعودية


#737311 [ambdi]
2.32/5 (7 صوت)

08-05-2013 01:18 AM
الزاد اذا ما كفى اهل البيت حرام على الجيران


#737308 [عصمتووف]
1.94/5 (11 صوت)

08-05-2013 01:15 AM
من اجل ان يغيظ السعوديين والخلجيين مستعد البشير لاخصاء نفسة


ردود على عصمتووف
United States [صراع الهوية] 08-05-2013 03:12 AM
عصمتووف يابروف، تسلم يارجل ويسلم قلمك الرصين، لك التحية والتجلة والتقدير.


#737291 [صائد الرخم]
2.85/5 (8 صوت)

08-05-2013 01:02 AM
السعوديون قوم ذوي أخلاق هسع لو دي دولة تانية أكانوا انتظروهم وهم راجعين في المغيرب وكان الدباس وقع في الشرك.


ردود على صائد الرخم
United States [قاتل الله من قسم البلاد] 08-05-2013 10:19 AM
ها ها ها ها ها ها ها ها ها هههههههههههههههههههههههههههههههههههههههها


#737286 [Wahid]
3.69/5 (8 صوت)

08-05-2013 12:57 AM
Al bashir should sit in his place and be polite and not to try to behave like a head of state because it takes a lot more to be one, on behalf of the marginalized Sudanese people up and down the country we would like to thank The Kingdom Of Saudi Arabia and it is royal highness the King, well done and happy eid


#737282 [ود كرف]
2.88/5 (9 صوت)

08-05-2013 12:56 AM
حكومة الدهماء Ochlocracy


#737271 [الفريق اول عبد الرحيم محمد حسين المعروف بأبو ريالة]
3.08/5 (15 صوت)

08-05-2013 12:49 AM
دقيقة ابزق ..
الواطة كانت رمضان والنهار حار والطيارة خشت الهواء السعودي وناس البرج منكن قالوا سمبرية لأنه دي ايام هجرة السمبر إلى جنوب افريقيا قادمة من تركيا
انحنا جهزنا 2 طيارة ابابيل لحماية الطيارة لكن البشير اتصل علي وقال لي مافي مشكلة انا هسه وصلت كافوري وكان انت فاطر تعال الليلا اتغدى معاي ..


ردود على الفريق اول عبد الرحيم محمد حسين المعروف بأبو ريالة
United States [الكلس ود البلد] 08-10-2013 03:33 PM
برافو على هذا السيناريو الحقيقى !!! بصراحة الكلام دا بشبهم !!لكن شر البلية كما يقولون !!!

European Union [سعيد محمد عدنان - لندن] 08-05-2013 12:35 PM
ياالفريق أول عبدالرحيم المعروف بأبو ريالة
أتحفتنا والله وصورت الجماعة صاح .. وده المطلوب، مش شر البلاء ما يضحك؟ أو زي ماقالوه المصريون: جاعوا أولاد الكلب. والله جُعنا وبارينا الحيط بالخجلة، بس على الطلاق ما أولاد كلب (بقينا في حلايف طلاق الله يحمينا من الريالة)


#737270 [ابن الملك]
3.72/5 (8 صوت)

08-05-2013 12:49 AM
والله اتفه رئيس في العلم بطاردوه من دوله لدوله دشنو الاهانه دي


#737266 [radna]
3.07/5 (7 صوت)

08-05-2013 12:44 AM
اسد افريقيا
هدا الرجل يتمتع بشجاعه نادرة
ارجو ان يقوم بجولة اروبية تشمل هولندا


ردود على radna
European Union [كركاب مطر بلا سحاب] 08-05-2013 05:26 AM
كدى كان راجل اليعملها ؟؟

United States [ALI] 08-05-2013 04:54 AM
الأسد يمشي هولندا بلد الكتاينة! معليش لو كان لبوة

United States [alkarory] 08-05-2013 02:25 AM
لبوة شنو .....دا كدييييييييسة

United States [التويجري] 08-05-2013 01:23 AM
لبوة افريقيا


#737263 [ابو محمد]
3.41/5 (10 صوت)

08-05-2013 12:43 AM
كلما حزبني امر من مظالم هذه الجماعة الفاسدة والمفسدة فزعت الى قصيدتي "حديث النيل" استمد منها الامل ان تشرق شمس العزة على وطني السودان من جديد وليس ذلك على الله بعزيز ناصر المظلوم الحي القيوم سامع دعاء الظلومين واهات المكروبين وانين المحرومين ولا يظلم ربلك احدا
حديث النيل
يا نيل هل مرت عليـك حــوادث
قد كنت عنـها غافـــلا وجهــولا؟
مـا عهـدت مـذ خبـرتــك قابضـا
كفيك عـن وطــن الجمال فتـــيلا
وطن بــه بـدت المحاسـن جهـرة
بآيــات حســـن تنزلـــت تنــزيلا
كـل حسـن يدهشك حسن صـنوه
ولـن تلــقى لــه أو لـذاك بديـــلا
كـم تـأوه عنـــد شطــــك مدنـف
ولكــم آسيــت شاكيــا وعليــــلا
كنـت فـي دجـر الليالــي مؤانسا
لمن جـاء يشكـو وحشة وخليـلا
أما زلت في الصهد واحة ظامئ
أما زلت في سدف الدجى قنديلا
رويـت جدبـا بالنـدى فتمايلـــت
أفنانـــه ثمــلا ذللـــــت تذليـــلا
بكـل صـوب مـن نداك شواهـد
هــي للجمـال تمـــثلا ودليــــلا
سقـي بنوك مـن سلافـك نخـوة
وعـزة نفـس مـا لهــن مثــــيلا
غفـوت من طول المسير هنيهة
ام العشريـن كان وقعهـن ثقـيلا
فهـل بـك مــرت جحافل غـادر
أمسى عزيزهـا مدبـرا وذليــلا
إن مسنا ضـيم تدافعــنا صوبـه
أخـو المذلـة لا يعيــش طويـلا
الحق أن تحـيا الحيــاة بعــــزة
وألا تمشـي بيــن الأنــام قتـيلا
مـن أيــن أتــى هؤلاء تســاؤلٌ
أفـلا أجبـت سؤالنــا يــا نيـلا؟
حملناك بيــن الحنـايـا حقيــقـة
وهمسـات شعـر رتلت ترتيـلا
شمال يستنطـق التاريـخ رملـه
وباسقـات بـه كم رفـدن خليـلا
هل بكيت علـى جنوبنـا حسرة
وذرفت دمعـا مثخــنا وعويـلا
لما يمسك الشعـر عني حسانـه
وما غصت يوما بالعباب طويلا
وغربنا أبدى به الحسـن رسمه
به المكارم قــد عشقـــن حلولا

وشرقنا أيـات حسـنه أشرقــت
بها المحاســن بكــرة وأصــيلا
والجزيرة مــن نــداك فريـــدة
قد توشحت تيجان السنا إكليلا
مبسوطة الكفـين سائغة الجنى
نشوى تزين بالجميل جميـــلا
إن عتبـتُ فلا أخـلك زاجـــرا
وهل على وله المحـب سبيـلا؟
وهل رأيـت من بنيك على المدى
يجـر علـى أرض الكـرام ذلـيلا؟
يا نيل هــل مــرت عليك عمائـم
فأنكرت منـها التكبـير والتهليلا؟
هل أجيـبك ام تجبــني كأنــــــنا
أخذنا مـن جـلل المصاب ذهـولا
مــن أولاء؟ أهـم بنــوك حقيـقة؟
ام شابهـوا الأصل فأتقنوا التمثيلا
أمـا خبـرت فــي بنــيك سماحــة
وطهر نفــوس لا تحسـن التأويلا
مـا يجيــش علــى اللسـان سجيـة
ولا تعــرف الغدرات والتبديـــلا
أبنــاؤك در نضــــيد وجوهـــــر
صغارهـــم وشبابهـــم وكهـــولا
ما ينفع الناس يبقى الدهر خالـدا
ما ضـر ليـس له لعمري مقيــلا
يذهـــب الزبـــد جفــاء لعلــــــة
كيـف استباح شواطـئا وسهـولا؟
فاصفــر منـه بعـد ينعــه قضـبه
وافســد منـــــا أنفســـا وعقــــولا
فاقــد الشــئ لا يعطــــيه وإنمـــا
ينضـح الإنـــاء بمــا بـــه مجبولا
فان كـان ما فيــه طيـــب أذاعــه
إن خبــث بــات بأســره مكبــولا
يجهــد إخفــــاء القبيــح بإصـــبع
ويحسب الطـل مـن عمـاه سيـولا
يـرى انه الرأس فـي كـل موطـن
رجرجة مـا عـداه بـل وذيـــــولا
من ظن أن العلم أضحى برهــنه
لــم يــدر منـــه خوافـيا وفصـولا
نــور الحـــق لا يواريـه باطــــل
مهمـا تدثــر فـي الخداع طويــلا
يا نـيل لا تاســى سيقبـل جمعنا
ليدك مـن حصـن البغـــاة فلولا
لتهوي صروحا بنـوها بريــبـة
اخــذوا هنــاك وقتـلــوا تقتيــلا
كـم سقــوا بلـــد الكرام مذلـــة
بكـــيزان ســوء ملـؤهن غـلولا
لـم يرحموا منا صغيرا لضعفـه
ولا شيخا من مـر السنين نحيلا
اشـاعوا فينـا كـل خـبث ومنكـر
وفتـنا ما اسطاعوا لهــن سبيـلا
مقصدهـم تحطــيم كــل مورث
مــن المكـارم تالــــدا وجميـــلا
فــرق تســد اريقــوا كل دمائهم
فبتــنا بــين مشــرد وقتيــــــــلا
سرطـان شـــر احــاط بـــاذرع
من الازلام والتدليس والتضليلا
كـل جميـل فـي الحيـاة احــــاله
قبحا ومسخـا مشـوها مشــــلولا
يحلفــون على المــراء بجـــرأة
بل يبتدرون التحريــم والتحليلا
هل تناهى اليك وقــع حوافــــــر
سئمن مـن نصـب الخنوع طويلا
اما سمعت صهيلها عبــر المـدي
يزلزل من جمع الطغـاة قبيـــــلا
ما ألفـن سوى الجحاجيح صـحبة
وما خبرن سوى العصي نــزولا
رايــات ايمــان ترفـرف فوقـــها
المرســلات لا جورا ولا تبديـــلا
بالحـــق نطلقـــــــها ؟ الله اكبــــر
لا اله الا الله تصديـقا وتفعيــــــلا
هدت قلاع الخـوف ليس يعيقنـــا
من الاراذل ترهيـــب وتهويــــلا
وتبلج الحق كالشمـس مســــفرا
تلجلج الباطـل راجفـــا مخـــذولا
ما النصر الا احتـــساب لساعــة
تنبـت فيهــا مـن الطغــاة ذيــولا
ويعود للســـــودان سابق عهــده
بعزم رجال ما بدلـــوا تبدـــــيلا
بعـدا لقـوم يقتلــــون مكارمـــــا
ويدعون ذاك لجاجـــة تاصيــلا


#737262 [سمير السر خليل]
3.94/5 (8 صوت)

08-05-2013 12:43 AM
غايتو ربنا إبنلانانا بي رئيس بليد جنس بلادة ! والله دي الحمار بعرفها


#737245 [ودالبلد]
2.72/5 (19 صوت)

08-05-2013 12:28 AM
معقولة بس ؟؟؟ تكلفة إستئجار طائرة البشير لإيران 271ألف دولار...... الشعب الغرقان ده ما أولى ؟؟ ولا المرضى المستلقون على (بلاط) المستشفى ؟؟؟ أم أطفال بلادي الذين لا يجدون ( حق الفطور) ؟؟؟؟ الكيزان ديل أكبر مصيبة حلت بالبلاد والعباد


#737241 [اب ركب]
3.07/5 (14 صوت)

08-05-2013 12:23 AM
معقوله داير تطير فوق بيت الله تمر فوق الكعبة والمدينة المنورة وتمشي تتبرك في حسن روحاني الشيعي الله يسل روحك .


#737240 [Suliman]
3.34/5 (11 صوت)

08-05-2013 12:22 AM
والله أرواح ناس دارفور يعمل لك زحزحة فى الدنيا والآخرة كلام اخر


#737235 [تفاحة]
2.19/5 (9 صوت)

08-05-2013 12:16 AM
اشمتوا كويس بجي يطلع غيظوا فيكم وبكره فرض ضريبة بدل سفر رئاسي حول السعودية.


ردود على تفاحة
European Union [المر] 08-05-2013 06:40 PM
انت بتستبعد ؟ انتظر أسد علي وفي الحروب نعامة


#737229 [الراكوبابي]
3.60/5 (6 صوت)

08-05-2013 12:11 AM
خلاص حا يعيَدوا مع ايران


#737227 [mohd]
2.79/5 (14 صوت)

08-05-2013 12:11 AM
عجبني وسر بالي


البشير لو الحمار لو بيفهم مفروض يعتبر من زوال مرسي في مصر وينظر ماذا فعلت السعودية ودول الخليج

البشير سكتت عنه السعودية كثيرا وغضت الطرف عن استقباله للسفن العسكرية واخرتها عمل قاعدة جوية

البشير لو يعتبر ولو يفهم ينظر لمصلحة شعبه السعودية تحتضن اكثر من 2 مليون سوداني يعملون فيها ماذا لو طردتهم غدا وارسلتهم له ؟ ماذا سيقدم لهم؟ بل ماذا قدم للشعب الموجود في السودان غير الماسي والذل وسرقة موارده ونشر الفساد والمحسوبية والقبلية

السعوديين حكماء ويعلمون انه لا تزر وازرة وزر اخرى ويهفمون هذا النظام الفاشي اكثر من غيرهم ويعرفون الشعب السوداني انه مغلوب على امره ومظلوم ولا يؤاخذونه بجريرة اهبله وحماره البشير

ولم تستغل المعارضة هذا الامر لاكتساب ود دول الخليج والسعودية والعمل على ازاحة هذا النظام الذي طعن السعودية غدرا في خاصرتها بعلاقاته المشبوهة مع ايران ونشره للتشيع في السودان

واللبيب يفهم


#737225 [بجاوي]
3.16/5 (8 صوت)

08-05-2013 12:09 AM
غايتو زول ماعنده ده زي البشير ده مافي مرة ساكينه في نجيريا واسي مانعين طيارته تمر فوق السعودية ياجماعة ده رئيس شنو.


#737220 [ارون]
3.41/5 (9 صوت)

08-05-2013 12:07 AM
شكرا للسعوديه ، اشك ان العبيط دا حيحس ولا يشعر هو والهبل المعاه


#737214 [محمد حسن أحمد]
2.72/5 (16 صوت)

08-05-2013 12:03 AM
ألف الف الف مليون شكر للسلطات السعودية على هذا الوقف النبيل أنه لموقف يستحق الإشادة بمنعها لهذا الكلب الخنزير عديم الكرامة بائع أرضه وعرضه من عبور اجوائها ونتمنى أن يكون هذا هو موقف السعودية دائما وأبداً حيال هذا المنافق الكذب حتى زيارة الحرمين لأنه سوف يدنسهما بغسوقه وفجوره ونفاقه أو حتى إذا إشتد عليه ألم ومعاناة السرطان فلاتسمح له بدخول أراضيها طلبا للعلاج فهذا سافل واطي لئيم لا يستحق التعامل معه بشئ من الإنسانية والشفقة لأنه لايعرف قيمة ومعنى تلك الكلمات فمن باع وطنه وعرضه وخان شعبه وأهله لا يتوانى في خيانة الامة العربية والإسلامية بكاملها وبيعها للشيعة الإيرانيين


#737206 [اب مقص]
2.41/5 (9 صوت)

08-04-2013 11:58 PM
يا جماعة الله.. ناس المحكمة ديل بقبلو ببديل..عشان أريحكم من مهازل ابشلاليف دا.. قبلان ابقى بديل ..اصلو ما خلى لينا ورقة توت واحدة نستر بيها عورة رئيس مكابر وبلد كاملة اصبحت مرهونة..
.الله لا تاجرك..ككو بئس..


#737205 [أب زرد]
2.32/5 (8 صوت)

08-04-2013 11:58 PM
بصراحة مستوى الرئيس السودانى لا يرتقى لخفير مزرعة ياخى الله يحرق أبو المؤتمر على أبو أهلو ويرجع للسودان هويته ..
بعدين اسلام شنو البيتكلموا عنو الجبهجية ديل أسوأ من الشيعة ديل علمانيين وما عندهن أى نخوة وطن وللا دين بلا لملمة الفلوس ... تصرف عادى من حكومة السعودية ومقبول ومبارك...


#737200 [المتغرب الأبدي]
2.25/5 (9 صوت)

08-04-2013 11:53 PM
في كوارث طبيعية زي يقطع رؤساء الدول التي تحترم شعوبها برامجهم الرئاسية وزياراتهم ويعودوا إلى بلادهم للوقوف إلى جانب شعوبهم ولكن في بلادنا يحصل العكس .. الرئيس ومعه عدد من الوزراء يتركون الناس يواجهون الكوارث ليذهبوا إلى ايران لمشاركتهم احتفال تنصيب رئيس !!!

من هم الرؤساء الذين ذهبوا اليوم إلى ايران ؟؟
رئيس كازخستان - رئيس أفغانستان - رئيس تركمانستان - باكستان - أرمينيا - طاجيكستان - توغو - سريلانكا -
فلماذا يذهب البشير ؟؟
والغريب ان الطائرة مستأجرة !!!!


ردود على المتغرب الأبدي
European Union [المر] 08-05-2013 06:48 PM
ما اثار حفيظة السعوديين ان البشير لم يعلن عن وجوده بالطائرة في الوقت الذي كانت معلوماتهم الاستخباراتية تعلم كل شئ ’ الطبيعي ان تحط الطائرة رحالها في هولاندا لزوم جمع زهور التوليب
شكرا السسعوديه

[abusafarouq] 08-05-2013 12:32 AM
البشير أجر طائرة سعودية للتمويه كى لايكن مراقب من قبل الجنائية الدولية ولاتشك بتلك الطائرة المؤجرة بداخله البشير فلذلك السعودية منعت تلك الطائرة حفاظا لسمعتها والبشير خان الامان بالخبث والمكر وخائف أن يكون رحلته كرحلته للصين أصيب بمتاعب والسؤال لماذا لم يستخدم البشير طائرته الرئاسية الخاصة لمثل هذه الرحلات لو كان يكن للسعودية خيرا؟


#737199 [ود شيكان]
3.41/5 (9 صوت)

08-04-2013 11:52 PM
بسيطه ما يمشي بخط هثرو ياخد الاذن من الفاتح جبرا بس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة