الأخبار
أخبار إقليمية
بعد منع طائرة البشير من عبور السعودية.. المعارضة ترحب بالقرار وتعتبر سفره في هذه الظروف سفاهة وعدم احساس بالمسئولية
بعد منع طائرة البشير من عبور السعودية.. المعارضة ترحب بالقرار وتعتبر سفره في هذه الظروف سفاهة وعدم احساس بالمسئولية
بعد منع طائرة البشير من عبور السعودية.. المعارضة ترحب بالقرار وتعتبر سفره في هذه الظروف سفاهة وعدم احساس بالمسئولية


الطائرة حلقت مدة تقارب ساعة جرت خلالها اتصالات بين الشركة التي تملك الطائرة وسلطات الطيران المدني بجدة
08-04-2013 11:58 PM
قالت رئاسة الجمهورية السودانية إن السلطات السعودية منعت اليوم الأحد طائرة كانت تقل الرئيس السوداني عمر حسن البشير من المرور عبر أجوائها نحو إيران لحضور حفل تنصيب الرئيس الجديد حسن روحاني، في حين عبرت طهران عن أسفها لذلك.

وحسب بيان للسكرتير الصحفي في رئاسة الجمهورية السودانية عماد سيد أحمد فإن البشير كان يستقل طائرة مستأجرة من إحدى شركات الطيران السعودية في طريقه لزيارة إيران وحضور مراسم تنصيب روحاني.

وقال البيان السوداني إن الطائرة عادت اضطراريا إلى الخرطوم بعد أن رفضت السلطات السعودية مرورها عبر أجوائها، وأشار إلى أن قائد الطائرة المستأجرة أوضح لرئاسة الجمهورية أن الرفض تم بالرغم من إبلاغ سلطات الطيران المدني السعودية بوجود الرئيس السوداني على متن الطائرة.

كما أشار إلى أن الطائرة حلقت مدة تقارب ساعة جرت خلالها اتصالات بين الشركة التي تملك الطائرة وسلطات الطيران المدني بجدة بشأن إذن العبور، وأنه تم قطع الاتصال دون التوصل إلى منح الطائرة الإذن مما جعلها تعود أدراجها إلى الخرطوم. ولم تعلق السلطات السعودية على الموضوع.

المعارضة السودانية رحبت بالقرار السعودي

رحب معارضون سودانيون بقرار السعودية منع الرئيس السوداني من العبور إلى أيران. واعتبروا أن سفره يدل على عدم احساس بالمسئولية وسفاهة باعتبار أن آلاف المواطنين السودانيين يعانون هذه الأيام من حوادث السيول والأمطار التي أدت إلى تهدم البيوت وتشرد الأسر، ولم تقدم حكومة البشير أي دعم لهم، وعندما خرجوا يستنكروا تجاهل الحكومة استقبتلهم الشرطة التي تتبع بالكامل لحزب البشير بالعصي والغاز المسيل للدموع.


الجزيرة نت + الراكوبة


تعليقات 126 | إهداء 2 | زيارات 51260

صفحة 1 من 3123>
التعليقات
#747040 [sami]
0.00/5 (0 صوت)

08-19-2013 02:42 AM
عاش الملك ويا البشير خليتنا زنابير ياخ قوم طير تقوم قيامتك يا اغرج والله اعور منك ما شفنا ماشى ايران بلد الشيعة عن طريق السعودية انتو الزول دى ما بيفهم


#745487 [طرنقاش]
0.00/5 (0 صوت)

08-16-2013 05:03 PM
يا مواطن الرئيس عايز ارقص مافي داعي للتعليقات معزوم قديومة


#738885 [بلة]
2.32/5 (7 صوت)

08-06-2013 07:03 PM
بقراءة كل التعليقات تكون القضية واضحة كالشمس في رابعة النهار . السودان في ازمة شاملة والازمة لا يحلها من احدثها ولن تحلها ايران ولا محكمة الجنايات ولا امريكا ولا المجتمع الدولي كله . حل الازمة في يد الشعب الموحد والمتحد والمتلاحم والمنظم بكل قطاعاته المدنية والعسكرية الشبابية والنسائية الحزبية والفئوية والرافضة لنهج المؤتمر الوطني والاخوان المسلمين في الحكم والمتحدة تحت رايات الديموقراطية الراسخةوالوحدة والسلم الوطيد والصمود والعدل والمساواة في التنمية المتوازنة والشاملة والشعب السوداني تجاربه غنية فهيا علي النضال


#738293 [مواطن بالنظر]
3.07/5 (6 صوت)

08-06-2013 05:08 AM
هذا قرار مسئول من سلطات بالفعل هي مسئولة ...اللي بعد السعودية ميييييييين


#738277 [bargo wadai]
3.05/5 (11 صوت)

08-06-2013 04:15 AM
ماشي الحفلة ما جنو رقيص ......!!!!!
حسع بكون زعلان الحفلة فاتتو ........ وحتشوفو بكرة حيعمل طرب لي اتفه الاسباب ويرقص عشان يعوض حفلة طهران


#738269 [johoasd]
3.41/5 (6 صوت)

08-06-2013 03:32 AM
والله بشبش دة!!!!!!!!!!!!!!!!!!11


#738226 [atif kamal]
3.04/5 (8 صوت)

08-06-2013 01:27 AM
الكيل طفح!
عاطف كمال حاج الخضر
***************
من الطُّرُقات
للمطاعم والمُستَشفيات

فى بَلدنا إتأمَّلو البيئات

إتشَبَّعوا إهانات
وإتجَرَّعو العَبَرات

أتُراها بيئات بَشَر
أم حَيَوانات؟

قارنوها بأقذر الحَمّامات
فى دُوَل"الكُفر" بالذّات

حاله تفَرِّح الشُمّات!

تانى إتشَبَّعوا إهانات
وإتجَرَّعو العَبَرات
*****************
هذه أبرز عناوين
مشروعهم الحضارى

أيها الإخوه والأخوات

الذى له من أهَمَّ
السِّمات:
"النّظافه من الإيمان"
والأعمال الصّالِحات

التى إكتنَزوا لها
رسوم النِّفايات
وجبايات
بِكُل مُسَمَّيات

ومابدِّلونا نظافه
لاأعمال صالِحات

بَل فَقر,تَعذيب وإهانات
مَحسوبِيَّات, سَرِقات
وجبال من القاذورات

وحقيقه حَقَّقوا
بعض الإنجازات;
سدود, طُرُق,
كَبارى وجامعات

لكن طلَعَت كُلَّها
مِنَح وسَلَفِيّات
شِبعوا مِنَّها
عُمُولات وإختِلاسات
بَينَما حَطَّموا
أنجَح المشروعات

وبى تَدَخُّلات وإسائات
سَبَّبوا لينا مع مُعظَم
الدُّوَل عَدائات

نَتيجتها علينا إعتدائات
من جميع الإتِّجاهات
دون أدنى مُقاومات
فَقَط مَزيد من الخَطرَفات
والتهديدات الفارغات

ولو بِتصدِّقوا ياحَضرات:
على المواطنين
"جِهاد وغَزوات",

حروب,كُروب, وَيلات
نزوح, لجوء, هِجرات
وملايين من الأموات

طَبَّقوا فينا
أسوَأ الإحتِمالات
فى جميع المَجالات

ياخ دى حكومة
صالحين وصالحات
أم عِصابة
نهب مُسَلّح ومُصَلّح
وإغتيالات؟
*****************
وزيادَه للمُنَغِّصّات,
رئيسا ووزرائُو,
هَؤلاء النَّكِرات,

بِكُل بَجاحات
مطقِّمين قيافات
وحايمين بالطائِرات

كَعرايا لابسين
صِدِيرِيّات,

يبَعزِقوا
عَقاب القِريشات
فى أفشل الدُّوَل وأتفه
المُؤتَمرات
****************
عاطف كمال حاج الخضر

وأصحاب مُعظَم
المَطاعم والمَحَلّات,
جَشعهم وقَذارَتهم
للحَد فايتات
للسَّما فايحات

المُشكِلَه هنا
ماإمكاانيّات,
بَل سُوء نِيّات
وضَمائر مُنتَهيَه
صَلاحِيّات
*****************
عاطف كمال حاج الخضر


#738190 [صارم بتار]
3.25/5 (4 صوت)

08-06-2013 12:53 AM
ما أظلم (نظام الحقير البشير) إنه يجد دائماً مالاً لتعبئة الجيوش وإرسالها إلى الحرب لتقتل الناس (المهمشين)... ويضن بالمال على الناس (الشماليين) لإنقاذهم من (الغرق) الموت.. تباً لعصرك يا عمر ... تباً لعصرك ثم تب.


#738179 [ود الفكي]
2.32/5 (7 صوت)

08-06-2013 12:33 AM
يا مشير عملت شنو في (الحل الشامل) والذي كنت معتكف من أحله بـ (كافوري) ؟؟؟
ام كنت ذاهب لاكمال إعتكافك في ايران ؟؟


#738144 [قاسم حسن]
3.14/5 (8 صوت)

08-05-2013 11:27 PM
من المأكد لن يحكم البشير إلى الأبد و لكن من السيء أنه عرض سمعة الرئاسة السودانية للذل و المهانة . لأول مرة في تأريخ العالم يطلب رئيس للمحكمة الجنائية أثناء فترة رئاسيه و السلطات السعودية تمنع رئيس من عبور أجوائيها مهما كانت مبررات الحكومة السعودية فالرسالة واضحة لمن يعي .ماذا أنت فاعل يا البشير فهمت أم لم تفهم ما هذا الصغار في الذهاب و الإياب من أجل الحكم . إقرأ سيرة أب عاج الأسد ماذا كان وضعه بين العرب و الغرب .


#738143 [Booona]
2.79/5 (6 صوت)

08-05-2013 11:26 PM
يحلنا الحلا بله
يا جماعه ورونا بله دا عمل شنو علشان نرتاح من الكيزان


#738137 [ود العقاب]
3.00/5 (5 صوت)

08-05-2013 11:21 PM
الاسد اذا وقع بتكثر سكاكينو , وكراع البقر جيابة .


#738133 [Tarig]
2.87/5 (9 صوت)

08-05-2013 11:15 PM
الرئيس المصري السابق حسني مبارك لما ضرب الزلزال مصر كان في زيارة للصين قطع الزيارة ورجع عشان يتابع الموقف عن قرب شوفوا الفرق بين الريئسين


#738129 [واحد]
4.25/5 (4 صوت)

08-05-2013 11:00 PM
ان اوان اقالة نافع بواسطة البشير وازالة الكيزان بواسطة الشعب


#738108 [ansary]
2.50/5 (5 صوت)

08-05-2013 10:04 PM
تاااااااااانى ( حفيد المك نمر ) هبر ههههههههههههههههههههههههههه ما قلت جعلتى .....


ردود على ansary
United States [safe.saheb] 08-16-2013 01:54 AM
مهازل اخر زمن شر البليه ماايضحك


#738101 [ود العمدة]
2.25/5 (6 صوت)

08-05-2013 09:37 PM
الامرببساطة هو خطاء موظفين في سكرتارية الريس ومراسم الريس بشبش معينين بالتمكين ..كان لو كان هناك موظفين اكفا اخذ موافقة السلطات السعودية قبل اقلاع طائرة بشبش اها خموا وصروا لمهانة بلد اسمه السودان وان اختلفنا مع بشبش ولكن لا نرضي الذل والمهانة لاي سوداني بغلطة موظفين معينين في مناصبهم للتمكين ّّّّّ


#738097 [مصطفى كونج]
3.83/5 (10 صوت)

08-05-2013 09:16 PM
اتوقع ان تٌعلن السعودية اليوم او غداً عن اعانات ومؤن تخص اخواننا المنكوبين من السيول والامطار .. كضربة صاموتية اخرى لاحراج بشة الخلاقة ..


#738086 [ابن الصحاري]
3.71/5 (7 صوت)

08-05-2013 08:48 PM
كتبنا عنهم أمس وهاجمونا اليوم قبل الافطار بعده بدقائق واساءوا استخدام وسائل الحديثة واشعة الليزر ولا زالوا يتمادوا في اجرامهم ووسخهم الذي يخالف كل القوانين الدولية والانسانية في رمضان الكريم ان هذا النوع من البشر جاء من اقصى الوديان واغدعوه بالنعم والخير واساءوانعم الدار وخير أهل البلد ونحن ندري ذلك لاننا سببقناهم قبل ان ينال احدمنهم الاخضر ويضعه في جيبه ويعمل فيها ابو عمار ونحن نقدر فضل ابوسلطان علينا كثيرا وهذا ما يجعلنا ان لا نطعنهم من وراء الظهر بسبب هؤلاء المجرمين الذين يفعلوا افعالهم دون ان يدروا بهم


#738047 [mustafa]
3.62/5 (11 صوت)

08-05-2013 07:22 PM
والله يا اخوان الرئيس السوداني افشل رئيس في تاريخ السودان وتاريخ العالم كله ازاي الشعب منكوب ومشرد ناس في الشوارع ما لاقية سكن ولا ماكل تقوم تستاجر طائرة عشان تحضر حفل تنصيب رئيس دولة تانية ايه عدم المسؤلية والاحساس ده , الطائرة اللي اجروها دي بي قروش الشعب التعبان الما لاقي يسكن الامطار دمرت بيوتهم حلحل مشاكلهم بعدين فكر في سفر وحضور حفلات والكلامات الفارغة هذه الناس ما بتخاف الله اصلو دي والله فضيحة رؤساء الدول المحترمين لو سافر اي دولة وحصلت اي كارثة بقطع الزيارة فورا ويعود لي وطنو ويشوف مشاكل المواطنين مش بعد ما وقعت الكارثة وانت ما تدي امرها اي اهتمام وتقول ماشي تحضر حفل , اتقي الله ايها الرئيس الراد ليست هنا فحسب بل هناك دار اخرى يقف فيها اي راع اما الله في محاكمة مع رعاياه , حسبنا الله ونعم الوكيل.


ردود على mustafa
[محمد عوض الحسن] 08-05-2013 11:47 PM
والله انا ما يهمنى هوانو البلد محتاجة لرفع مستوى الجنيه لزومو شنو الرئيس يأجر طائرة بمبلغ مايقارب 300 الف دولار عشان تنصيب حسن روحانى ونحن محتاجين للدولارات دية لضخها فى الصرافات لتعمل على تحسن سعر صرف الجنيه البنحلم بتحسنه وتعافيه بين الفينة والاخرى حتى يعود بالنفع لكل اهل السودان


#738044 [bat]
2.29/5 (12 صوت)

08-05-2013 07:20 PM
ما لجرح بميت ايلام


#738018 [radona]
3.65/5 (8 صوت)

08-05-2013 06:35 PM
المعارضة غلطانه
اولا الشرطة جهاز قومي لا يتبع لحزب شانه شان الجيش والقضاء ولا يمكن ان ينتمي احد منسوبيها لاي حزب سواء المؤتمر الوطني او حزب الامة او غيرهما
ثانيا ما قامت به السعودية يعتبر استفزازا للسودان ولدلك فان على الرئيس حظر السعودية ونيجيريا ويستحسن قطع العلاقات معهما للجرم الدي ارتكبوه والاكتفاء بالسفر الى اريتريا واثيوبيا وتشاد خوفا من المؤامرات
ثالثا المعارضة يجب ان تعلم بان البشير هو رئيس السودان ورمز سيادته وسيقوم بجولة اروبية قريبا ان شاء دلك ولن يخاف من شئ


ردود على radona
United States [safe.saheb] 08-16-2013 02:07 AM
اننت مغيب تمام اولا القضاء والشرطه مسيس ويتبع الي االظالمين

United States [مؤيد سعيد] 08-07-2013 04:34 PM
الزيك العارفين حقيقت حجم الفساد الاداري وساكتين ويا ريت لو ساكتين وبتغطو عليهو كمان ان شاء الله بعد دا المطره ما دقتك وما غرفتا حوش بيتكم من المويه

European Union [سن ألفيل] 08-06-2013 12:06 AM
هيهيهيهيهيهيهيهيهيهي

United States [شلخو] 08-05-2013 10:56 PM
انا سمعت انه حيمر علي لاهاي في جولته الجايه.

United States [Zingar] 08-05-2013 10:28 PM
يا ولد يا رادونا باين على ناس بيتكم دفنوا الجنا وخلوا التبيعه.

United States [ديموقراطية] 08-05-2013 08:44 PM
ههههههههاي


#738000 [ود الحــاج]
2.32/5 (10 صوت)

08-05-2013 06:16 PM
والله بلد مافيها وجيع الناس تموت جوعا وتفترش الارض وتلتحف السماء ..وعديمي الانسانية والاحساس ماشين يباركوا للرافضة والشيعة..يا أخي لو في مأسأة في قريتك مابتسافر تخليهم خلي شعبك..حسبي الله ونعم الوكيل فيهم ..وانشاء الله ربنا يقلعم..والى مزبلة التاريخ ياحرامية..والتحية لحكومة خادم الحرمين الطاهرة..التي منعت النجوس من عبور سمائها النقية...


#737996 [في البئر ومتلب فيها فيل]
3.40/5 (15 صوت)

08-05-2013 06:11 PM
السودانين ماعندكم موضوووووووووع البشير ان قعد للسيول والامطار حايعمل شنو انتو اديتو بشبش قيمة اكبر من حجمة وكذلك الجرزان اقصد الكيزان ديل ياناس اجبن خلق اللة لكن الشعب السوداني اصبح كانة في يوم القيامة في مرحلة الحساب والدخول الي المصيرالمحتوم ياعالم ياشباب السودان المشتتين اتحدوا لانتشال السودان من الهاوية ومن تجار الدين واذا لم تتحركوا فتوقعوا اكبر من ذلك ولا داعي للجعجعه الفارغة هذة لاتقدم ولاتؤخر


#737994 [الحقيقة مرة]
4.00/5 (17 صوت)

08-05-2013 06:07 PM
اذا كان رئيسنا وكبيرنا وضكرنا وسيدنا الحاكمنا تابع ضعيف ذليل مهان وجبان..... نحن نكون شنو ؟

cc: الى من يهمه الامر


ردود على الحقيقة مرة
United States [الحقيقة مرة] 08-06-2013 02:18 AM
tabeedabi ومصطفى كونج انتو يعني 25 سنة كنتو متكيفين ويا دوب حرقكم ولا شنو ؟

[tabeedabi] 08-06-2013 12:08 AM
ضكرنا دى كتيره منك شد حيلك يا الحقيقه المره!

European Union [الحقيقة مرة] 08-05-2013 11:09 PM
الحقيقة مرة والبزعل اتفلق

[tabeedabi] 08-05-2013 11:03 PM
يا أخوانا الحقيقه المره دا راجل ولا مره؟! لو كان راجل الله يعوض والديك!

[مصطفى كونج] 08-05-2013 08:57 PM
ضكرك انت براك يا الحقيقة المرة


#737947 [جك ليمون بااااااااااااااااااارد]
4.13/5 (10 صوت)

08-05-2013 04:53 PM
احيييييييييييييييييييييييي من ميتة القلب !!! اوبامافي الكارثة كان وسط شعبوا بخوض في نص الامطار ويتفقد الامريكان دبل البتقولو عليهم ( الطاغية) هسع الطاغية منو ؟ مؤجر ليك طيارة بالاف الدولارات عشان تحتفل مع الشيعة والروافض وبتبن في العشرة الاواخر !!!!!!!!!!!!!!


#737933 [عبودي]
3.16/5 (9 صوت)

08-05-2013 04:31 PM
نقول شنو في غباء الرئيس السوداني المركب عليكم اللة في زول يخلي بيتو الحالوس اللي مهددو السيل من كل الاتجاهات ويقول ماشي ابارك لي ناس روحاني القصر الرئاسي بتاعهم حسبنا الله ونعم الوكيل فيك ياعمر البشير ياراعيينا


#737930 [محسن ابو حراز]
2.85/5 (7 صوت)

08-05-2013 04:27 PM
قرر النجم جورج كلوني التبرع بالعائد المالي الذي حققه من مشاركته في إحدى الحملات الإعلانية الخاصة بأحد أنواع القهوة من أجل المساعدة في تمويل برنامج “القمر الصناعي” الذي ابتكر لمراقبة رئيس السودان عمر البشير المتهم بارتكاب جرائم حرب في لاهاي. وصرح كلوني في بيان تعليقاً على مبادرته قائلاً: ” سأتبرع بكل المال الذي حصلت عليه من تلك الحملة الإعلانية من أجل توفير أقمار صناعية توضع على حدود شمال وجنوب السودان لمراقبة عمر البشير”. وأضاف كلوني في البيان الذي نشرته صحيفة “الجارديان” البريطانية:” نعم سأتجسس عليه، سأراقبه بالكاميرات، مرحباً بك سيد عمر في حياتي، سأعطيك اهتماماً كبيراً مشابهاً بالذي أحظى به حول العالم”. وكان النجم جورج كلوني من الناشطين الذي حاولوا إنهاء حكم عمر البشير في السودان، وابتكر مشروع المراقبة بالأقمار الصناعية لتعقب تحركات الجيش السوداني، ولتحذير المدنيين قبل الهجمات. يذكر أنه تم إلقاء القبض على جورج كلوني في مارس 2012، بعدما شارك في مظاهرة احتجاجية أمام سفارة السودان في واشنطن للتنديد بحكم البشير وبالممارسات الوحشية التي يتعرض لها الشعب السوداني من قتل واغتصاب.-منقول


#737912 [real us]
3.81/5 (10 صوت)

08-05-2013 04:12 PM
all this bla bla and not a single action
Excellent
you are the best people in the world
keep up the good bla bla


#737908 [محسن ابو حراز]
3.72/5 (7 صوت)

08-05-2013 04:09 PM
لو أفترضنا جدلا انو بشبش معاق فكريا المعاه ديل كمان معاقييييييييييييين ؟؟ ماممكن؟؟؟؟؟؟
والله دى حمورى ماعملها


ردود على محسن ابو حراز
European Union [ali alfred] 08-05-2013 06:33 PM
لا احد له كرامة,السودان تدار مؤسساتها بعقلية العصابات.

United States [هاجر حمد] 08-05-2013 05:22 PM
قول حمورابي يا محسن ! حموري مالو كمان ؟ امتع السودان لما كان سودان جد جد هو واخوه الكبير


#737891 [عادل الامين]
2.79/5 (6 صوت)

08-05-2013 03:50 PM
االرئيس حسين رواحاني الماشي ليه البشير ده تابع لايران الجديدة/الاصلاحيين والوجه الديموقراطي الحقيقي لايران وبالتاكيد ما بنفع مع سودان البشير القديم والمعزول ومهدد دوليا وروحاني عايز يفتح صفحة جديدة في المنطقة وبالتاكيد البشير والسودان القديم والعلاقات المريبة مع ايران الجابت لينا الكفوة/الضربة الاسرائيلية دي ما بنفع معاه ويكون حمد الله انو ما قدر يصلو
وحال السودان التايه يذكرني دائما مقطع من قصيدة احمد مطر
ااذا كان لدينا دولة

لفماذا تهزمنا نملة؟؟!!

وان كانت عفطة عنز
فلماذا نسميها دولة؟؟!!
....

ويا حليل السودان وزمن الدبلوماسية الراقيةوالرجال الافذاذ


#737877 [Sarah]
3.66/5 (9 صوت)

08-05-2013 03:39 PM
والله الاحوال وصلت مرحلة بطاله جدا ..
مسيء جدا لنا كسودانيين أن يكون هذا الزول حاكما بامره فوق رقابنا لما يزيد عن 25 سنه ..
ووالله الذي لا اله الا هو, ليس من مذمة لنا أكبر من هذه ..
والله لهو العيب والعار والسقوط الدواي أن نرضي هذا الهوان وأن نرضي دنية كهذه في وطننا ..


#737862 [اكوى دينق]
3.25/5 (7 صوت)

08-05-2013 03:33 PM
ان الرئيس السودانى لايهمه مشاكل التى تواجه مواطنين جراء هطول الامطار و التى ضربت ثلاثة ولايات منها ولاية الخرطوم, نهر النيل و بحر الاحمر ودمرت عديد من منازل و فقدت بعض الارواح مواطنين. على عمر البشير عن تعلم ان الارواح التى فقدت على مسؤلية حكومته. اين شرطة دافع المدانى وغرفة طوارع للانقاذ المواطنين من خطر امطار الذى اسبح يحدد منازل. هل زيارة السيد/ رئيس هى هروب من كوارث والسيول التى ضرب البلد؟ ايهما افضل زيارة لحضور حقلة فى دولة اخر امامواطن المسكين لاحول له ولا قوة. اكيد رئيس يفضل دولة ايران اكثر من المواطنين لان ايران يقدم دعم العسكرى من سلحة لسودان.


#737834 [حاتم]
3.60/5 (9 صوت)

08-05-2013 03:05 PM
يؤجروا طائرة سعودية ليعبروا بها الاجواء السعودية ذاهبين لالد اعداء السعودية وطالبين الاذن من السلطات السعودية ليعبروا ويهنئوا عدوها الاول وصدق الزعم قال بان ( الشيعة أشد خطرا على الاسلام من دولة اسرائيل بل كل السلاح وترسانة النووي التي تصنعها ايرانويفرح ويطرب بها المغفلون من المسلمسن سيتم توجيهها كلها للمسلمين انفسهم وليس لاسرائيل ولن تضرب ايران دولة اسرائيل الى قيام الساعة ولو بحجر صغير نهيك عن النووي لانها ببساطة ليست عدوا لها ومهما حاولت الالة الاعلامية الايرانية والاسرائلية والامريكية عكس الحقائق لكن الحقيقة واضحة وضوح الشمس في رابعة النهار لذا منعت السعودية طائرة عمر البشير من عبور اجوائها ولها الحق في ذلك والله هذه اهانة ما بعدها اهانة لهذا الشعب الذي يقطتع من قوته وما هو في اشد الحاجةاليه من مال لدرء ما يعانية من سيول وكوارث ليسافر به هذا الرجل الفارغ عديم الشغلة ليجامل ملالي ايران وليت فيهم فائدة وليت تاتينا منهم مصلحة او شئ يعين شعبنا على ان يسد رمقه بعد ان قاطعنا العالم اجمع فكل ما ياتينا منهم هو الخراب والدمار وقلة القيمة وليت الحكومة تعلم او تتعلم كيف تدير ملف العلاقات الخارجية ليتها تتعلم قسم بالله والدنيا رمضان لو اتوا برجل من الشارع لادار ملف العلاقات الخارجية بكل حنكة بدلا عن هؤلاء المتفيقهون الذين اساءوا للسودان وشعبه هذا الشعب الذي كان شامة بين البلاد العربية فاضحى وصمة عار ويفر من الكل منه ومن اي علاقة معه كانه كلب اجرب نفرت منا كل الدنيا مسلمها وكافرها وتعلقنا باطراف ثياب ملالي ايران قاتل الله الغباء حين يتصف به من يدير حياة امه بكاملها وفيهم الالاف من اهم ادري وافهم من هؤلاء المتاجرون باسم الدين وليتهم تاجروا به كما ينبغي كل تجارتهم حاسره وبضاعتهم بائرة


#737833 [مثيانق كوال شول]
3.69/5 (5 صوت)

08-05-2013 03:00 PM
بجد رغم كرهتى لرئيس السودانى / عمر البشير بما فعله فى بلدى ابيى , وغموض عيونوا المابخلى يشوف الحقيقه الى انوا مابستحق الحاصل , لكن دى اسباب من صنعك السيد الرئيس , قبل ايام وانتى بتتوصل الى جماهير كردفان وغرب ثم النوبه بصفتآ خاصه بأنك سوف تحسن فى الوضع , لكنى ذكرت انك تريد ابادتهم بآسلحه ايرانيه , وهناك صفقه بينكم بخصوص الاسلحة استعدادآ بآستخدام القوة ابتدآ من شهر اكتوبر القادم واجتياج ابيى للمرة الثالثه ثم استخدامها فى جبال النوبه , وهذة المعلومه قد خرج لبعض الدول العربيه والاجنبيه مما يجعلهم يفكرون فى ازاحتك ويكفى بأنك امير امارة السودان .


#737803 [علي المبارك]
3.16/5 (7 صوت)

08-05-2013 02:36 PM
الله يقلع البشير


#737801 [ودالماحى]
2.32/5 (8 صوت)

08-05-2013 02:36 PM
والله مهزلة البلد في حال لا يعلم به الا الله عز وجل امطار ومنازل مهدمه وشوارع جرفتها السيول وغلاء واساء للعلاقات مع الاشقاء العرب وحال البلد لايعلم بها الا الله عز وجل وحروب بين قبائل دارفور ومشاكل مع الجنوب - وحروب مع متمردين - الى متى هذا الغباء السياسى في التسعينات كانت توجيهات الترابي - لا أمد الله في ايامه- وكانت مهزلة وقفتهم من حرب الكويت - ماهى الفائده التى تعود على بلد الغلاه من علاقات مع ايران اعتقد جازما بان موعد الرحيل قد حل وعليك الرحيل قبل الزحمه


#737796 [عادل]
3.41/5 (7 صوت)

08-05-2013 02:28 PM
انها مهزلةومزلة لابعد مدى ولابعد حدود - زفة الى ايران وبلادنا تشهد كارثة الامطار وانت ياامير المؤمنين لايعنيك الامر -الولايات المتحدة اعلنت التعبئة العامة عند اجتياح الاعاصير اميركا وتفقد باراك اوباما المناطق المنكوبة والغى كافة برامج الدولة - لو عثرت بغلة فى العراق لخشيت ان يسالنى عنها الله يوم القيامة هذا عمر بن الخطاب امير العدل-وانت بلا ضمير وبلا كرامة ت>ل وتهان ولم يحدث لاى رئيس فى السودان ماحدث لان مكانك مذبلة التاريخ مع الطغاة والمطاردين بالعدالة الدولية


#737790 [elfadil]
3.25/5 (6 صوت)

08-05-2013 02:24 PM
شى متوقع فى اى لحظة اولا لعدد اسباب طبعاء الربيع العربى الذى اجتاح بعض الدول العربيةلم ياتى بى تى ثمر الدول مثال مصر ام الدنيااستولو السلامين المكروهين من كل العالم معداءالدول التى تتبع لهم فى الارهاب واول هذة الدول السودان الذى يحمكة السلامين المجرمين السعودية من ضمن الدول التى تضررت من الاسلامين الارهابين التابعين الى بلادن والمجرم الثانى الظواهرى السودان الن يمر بى منعطف خطير ولاخطر هو سكوت الشعب المقهور على امرة الى العصابة الحاكمة اذا كان النظام نفسة محتار من الشعب الجبان كل دول الخليج ضد الانظمة الاسلاميى معداء الدولة المجرمة الكبرى قطر السبب الوحيد ان دولة لازم تجارى الكلاب السلامين حتى عام 2022 عشان تضمن بطولة كاس العالم بدون تهديد من القاعدة والاسلامين امثال مرسى والبشير المجرم شكر السعودية على هذى الهدية التى قدمتيها الى الشعب السودانى مع جزيل الشكر


#737778 [هيثم الخلا]
3.71/5 (9 صوت)

08-05-2013 02:14 PM
هذه نفحة من نفحات المملكة العربية السعودية لأمتها الإسلامية، عاوز يسافر للملالي الشيعة الذين يسبون الصحابة الأجلاء أصحاب رسول الله، وكذلك يسبون ليلا ونهار أمنا عائشة الفاضلة، وفي ليلة سبعة وعشرين رمضان، ما أخيبك وأتعسك، وتدفعوا كمان قيمة أيجار الطائرة باكثر من 270 ألف دولار، يا لسفاهتك، وتترك قومك يعانون من آثار السيول والكوارث الطبيعية، حقا فقد أثبت البشير بما لا يدع مجالا للشك بأن آخر ما يفكر فيه هو مصالحة شعبه وخدمته، (عسى أن تكرهوا شيئا وهو خيرا لكم..) الآية


#737773 [أبو مؤمن]
3.00/5 (12 صوت)

08-05-2013 02:05 PM
.رئيس البلد وينو ؟
ﻻ بان وﻻ طله
ﻻ جانا يتفقد
ﻻ زارنا في الحله
ﻻ شاف وقع كم بيت
... ﻻ جاب طحين ﻻ زيت
ﻻ كفن الميتين
الماتو جوا السيل
ﻻ جابلو طوريا
ساعدنا شد الحيل
وأصبحنا نص الليل
ما جانا منك زول
وﻻ طله منك زول
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين
ﻻك البفرج الهم
وﻻك العلينا أمين
وﻻك البجير مظلوم
ساعة تدوربو سنين
ﻻ بتنجد المسكين
ﻻك العلينا حنين
هسه أكان تصويت
أو حتى انتخابات
كان جيتنا تترقص
تقدل مع الخايبات
خاميها مليارات
وراكبها عربيات
وعاديها سفريات
عصابة شلليات
ونحن لينا الله
عادنها بس بكيات
ﻻ عﻼج وﻻتعليم
ﻻ سكنه زي الناس
أحﻼمنا زي ركشات
وساكانا دوم كشات
ﻻ قروش وﻻ كاشات
شعبك مرق بلبوص
ﻻ خلقه ﻻ أخﻼق
ﻻ عمه ﻻ مركوب
ﻻ لحمة ﻻ طايوق
شعبك مرق ماينص
وحشاهو دوم محروق
صابر وعايش الويل
ما نصو في الغربة
والباقي شالو السيل


ردود على أبو مؤمن
United States [Sri] 08-05-2013 07:30 PM
Fanrastic


#737769 [طارق]
2.38/5 (9 صوت)

08-05-2013 02:01 PM
هذا الرجل مفروض يكون غفير وليس رئيس دولة


#737765 [امير]
3.82/5 (7 صوت)

08-05-2013 01:53 PM
دا رئيس مامسئول


#737731 [ام درماني]
2.79/5 (7 صوت)

08-05-2013 01:22 PM
خلاص واحدة بواحدة الجماعة لمن يجو ماشين تشاد نقوم نرجع ليهم طائرتهم من بورسودان .


#737719 [فرح ودتكتوك]
2.30/5 (10 صوت)

08-05-2013 01:09 PM
المرء حيث يضع نفسه
طيارة مؤجرة ؟ أين الطائرة الرئاسية ؟ .
سمعنا باليخت الرئاسى ن والقصور الرئاسية و
طيارة مؤجرة ؟ وأهلنا حفظة القران فى دارفور مشردين ويتم إطعامعهم وعلاجهم بواسطة المنظمات الدولية .وناس الخرطوم يعانون الأمرين من غلاء الأسعار وآثار الأمطار والسيول .

البشير وضع نفسه فى مكان يستحق فيه الإهانة .


#737698 [جارسيفو]
2.78/5 (11 صوت)

08-05-2013 12:49 PM
لناس في شنو وانتو في شنو الناس غرقانه وجوعانة وبيوتها مهدمة وحالهم بالبلاء والناس الفاسدين المنافقين يتكلمون عن لعبة الكراسي هو الحكومة كلها ما نافعة خلي ولاية الخرطوم لكن دي حال حكومة الفساد والافساد التي دمرت البلد الناس غرقانه وريسها ماشي ايران عشان يسلم بي تلاليشه دي علي روحاني ووداد تتعرف علي زوجة روحاني هذا هو الهدف ونحلها كيف الحل بس سيسي حرام عليك يا ريس الناس غرقانه وظروفها تعبانة وخسائر في الارواح والممتلكات واذا انت كنت رئيس وطني والله لو كان تنصيب روحاني الشيعي في الخرطوم لاعتذرت من الحضور ووطنك يمر بكارثة وظرف طاري والمواطنيين في العراء ما تستحى علي دمك نحلها كيف الحل بس سيسي


ردود على جارسيفو
United States [زهير] 08-06-2013 03:40 AM
المشكلة انو ما عندنا سيسي بس عدنا لمبي


#737695 [محسن ابو حراز]
2.31/5 (11 صوت)

08-05-2013 12:49 PM
والله عيب عليك البلد غرقانة وانت قاعد تتفسح فعلا جعلي صيني تفووووووو عليك


#737687 [الضعيف]
3.69/5 (7 صوت)

08-05-2013 12:41 PM
شغل نضيف يا كلوني.. ايي ده الشغل..


#737682 [الشاذلى]
3.93/5 (7 صوت)

08-05-2013 12:38 PM
والله السعوديين لم تحسنواصنعا بعد لماذا لم تسلموه للجنائيه على طول وتزيلوا الهم والغم من الشعب السودانى المغلوب على أمره.


#737665 [طارق ميرغني]
2.88/5 (7 صوت)

08-05-2013 12:22 PM
تصرف غير مسئول من شخص غير مسئول ايضا


#737662 [ابوكدوس]
3.72/5 (7 صوت)

08-05-2013 12:18 PM
يا جماعة الزول دا فصحنا فصيحة ام جلاجل، بالحلنا منو شنو ؟ بس اهم ما الامر انو العد التنازلي بدأ خلاص، بالله عليك دي مش مهزلة تبقى زي الكلب المسعور يسكوك من بلد الي بلد .هذا الرجل ما عند كرامة ابدا. لكن نحن ما مستعجلين وراك الزمن طويل.


#737647 [سوداني يغلي]
3.25/5 (5 صوت)

08-05-2013 12:06 PM
يا جماعة ده رئيس فاشل وأنتم تعلموا تماما هو صوره رئيس فقط ،العصابة الحاكمة هي التي تقول له امشي يسار يمشي امشي يمين امشي امشي ايران امشي، مافي مشكلة السعودية منعتك تعبر الاجواء (مهزلة والله) العصابة يا البشير الموضوع عادي ومن تحت تحت يضحكو ويتهامزوا، انت من الأول ما بتعرف يا أهبل اذا بيسمحوا لك ام لا ـ انت متخبي والله ايه ـ إما إنك غبي وغبي جدا !!!


#737628 [الله جابو]
1.54/5 (16 صوت)

08-05-2013 11:49 AM
الاخوة في الراكوبة
بعد هذه المهزلة والذلة والاهانة سوف يعمل همانات المشير علي اعادة التوازن للرئيس واثباتا للرائ العام ان البشير يمكن ان يسافر وامتصي الصدمة فسوف يقوم هماناته باخارج مسرحية تريحة وتوغر قلوب المرجفين بان يبرمجوا له زيارة الي قطر او ليبيا او اثيوبيا وقد يهديهم تفكيرهم الذي يشبه تفكير رجال المطافي بان يشيروا له بان يذهب الي الحج هذا العام ويمكن اعلان ذلك من الان لكي يقول للسعودية اه شنو ليكي جاي داخل بلدكم عديل كده مش ماري بالاجواء حتعملوا لي شنو . هذا السيناريو متوقع فانتظروا اني معكم من المنتظرين


#737625 [فارس قبيلتو]
3.82/5 (11 صوت)

08-05-2013 11:45 AM
قالوا :( عريان في صلبوا ولابس ليه صديري وعريان وبكسي الغير) .. ياهو دا المكادي بتاعنا ده رئيس المؤتمر الوثني الذي يتبجح في كل مكان ويتحدي .. قايل نفسو خلاص ابو عرام .. ياايها مكادي : الشعب السوداني غرقان وبيوتو بتتهدم وانت تاجر ليك طائرة سعودية عامل فيها لابد من الاختطاف .. وما قلت راجل ليه تلبد في طيارة سعودية ؟ خلاص الرجالة كملت ؟ ما قلت جعلي بتتكحل بالشطة .. حقو تاني ما تقدل في السودان لانو الجعليات بغنن فيك .. بقولن (عمر البشير الفز) لكن صحي احسن ليك الف نطة ولا بعبوص واحد ..
نحن قلوبنا ما ببين خلل بيناتن
بمشي دوغري بالدرب المشوبو كبارن
راسيات كالجبال مابقهرن عزالن
والبلد المحن لابد يلولي صغارن ..
بعد كده يا ورل افريقيا انتهيت وما عندك وجه تقابل بيه بنات السودان .. لانهن حيضحكن عليك وعلي السويتو ده..


#737623 [تجاني مصطفي]
2.79/5 (13 صوت)

08-05-2013 11:43 AM
إذا حصل أي كارثة في اي بلد الرؤساء الجد لوكانوا في زيارة رسمية ومبرمجة بيقطعوا زيارتهم .. عند نزول اي كارثة ببلدهم .. آسف ياجماعة نحنا بنقصد الرؤساء الجد جد موش اللعب لعب


ردود على تجاني مصطفي
[nagatabuzaid] 08-05-2013 02:36 PM
المكرم تجانى مصفى حياك الله من ذكرتهم

ديل الرؤساء الجد ثم ان السفرة دى تصحبها كورة تسول كبييييييييييرة من نوع لله يا محسنين

تتملى لاخرها شىء باسم السيول والامطار وشىء باسم حاجاااااااات كثيرة ثم تغطى الكورة

بطائرات ابابيل للقضاء على ما تبقى من السودانيين ومعاه وفد من شيعة السودان لتعليمهم


كيفية وفن السب للصحابة رضوان الله عليهم ثم خد بالك سيكون معه وزير الاستثمار والله اعلم لعرض

الاراضى المحروقة بالابابيل الايرانية خالية من الموانع للصديقة الحميمة ايران


#737622 [ashraf]
2.69/5 (8 صوت)

08-05-2013 11:42 AM
الله يقلعو ويقلع يومو المععفن وكمان ماشي ايران ديل ياحمار ايران عندهم تشرك ولا تمشي ايران وداير ليك اذن كمان الله ينعل ام الغباء


#737610 [hassco]
2.80/5 (9 صوت)

08-05-2013 11:31 AM
الناس حالها صعب تلقاها من الغلاء ولا من السيول ولا من الفضائح المسبب لينا ياخى ماتقعد قبلك وكمان مؤجرطيارة والبلد بتغرق حسبى الله ونعم الوكيل


#737607 [المتفائلة جدا]
3.07/5 (10 صوت)

08-05-2013 11:30 AM
إنتوا يا جماعة نسيتوا وداد الكانت عايزة تتسوق للعيد من أسواق طهران ..طارت منهاالسفرة وطارت معاها الفكرة ورجعت بخفى حنين ويا ريت لو السعودية رسلت بشبش بشلة الأنس المعاهو للاهاى و رغم الفيضان كانت ستكون بردا وسلاما على الشعب السودانى وكناعيدنا بدون كيزان..


#737604 [التاج]
4.10/5 (8 صوت)

08-05-2013 11:29 AM
Subject: السيل ريس البلد وينو لا بان ولا طله لا جانا يتفقد لا زارنا في الحله لا شاف وقع كم بيت لا جاب طحين لا زيت لا كفن الميتين الماتو جوا السيل لا جابلو طوريا ساعدنا شد الحيل وأصبحنا نص الليل ما جانا منك زول ولا طله منك زول فاطر في كافوري وشعبك فطورو أنين نايم وتتقلب وشفع كتار صاحيين متوسد الموكيت وشعبك رقد في الطين لاك البفرج الهم ولاك العلينا أمين ولاك البجير مظلوم ساعة تدوربو سنين لا بتنجد المسكين لاك العلينا حنين هسه أكان تصويت أو حتى انتخابات كان جيتنا تترقص تقدل مع الخايبات خاميها مليارات وراكبها عربيات وعاديها سفريات عصابة شلليات ونحن لينا الله عادنها بس بكيات لا علاج ولاتعليم لا سكنه زي الناس أحلامنا زي ركشات وساكانا دوم كشات لا قروش ولا كاشات شعبك مرق بلبوص لا خلقه لا أخلاق لا عمه لا مركوب لا لحمة لا طايوق شعبك مرق ماينص وحشاهو دوم محروق صابر وعايش الويل ما نصو في الغربة والباقي شالو السيل


#737603 [العابرة]
3.07/5 (6 صوت)

08-05-2013 11:29 AM
حليل زمن كان فى حكومة وفى رئيس وهو من اصلو فى رئيس عشان يحس بالمسؤولية


#737602 [فارس عبدالرحمن]
2.29/5 (7 صوت)

08-05-2013 11:27 AM
بالله دا وقت يسافر فيهو رئيس دولة والمصائب تضرب الوطن من كل اتجاه وكما لتنصيب رئيس فارسى شيعى يا اخى اتقى الله فى نفسك وفى امتك فالله سائلك عنهم يوم الحساب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة