الأخبار
أخبار إقليمية
نظام البشير يفتح تحقيقًا..والاتصالات الدبلوماسية مع السعودية مستمرة لمعرفة أسباب إعادة طائرة البشير.
نظام البشير يفتح تحقيقًا..والاتصالات الدبلوماسية مع السعودية مستمرة لمعرفة أسباب إعادة طائرة البشير.
نظام البشير يفتح تحقيقًا..والاتصالات الدبلوماسية مع السعودية مستمرة لمعرفة أسباب إعادة طائرة البشير.


الدبلوماسية السودانية فضلت عدم الإفصاح عما إذا كانت تنوي استدعاء السفير السعودي بالخرطوم أم لا
08-05-2013 04:00 PM

شرعت هيئة الطيران المدني السودانية، في فتح تحقيق بشأن منع السلطات السعودية أمس"الأحد" عبور أجوائها طائرة كانت تقل الرئيس عمر البشير وعدد من الوزراء إلى طهران تلبية لدعوة القيادة الإيرانية لحضور مراسم تنصيب الرئيس الإيراني المنتخب حسن روحاني.

وذكرت صحيفة" السوداني" الصادرة بالخرطوم اليوم الاثنين أن الاتصالات الدبلوماسية مع الجانب السعودي مستمرة لمعرفة أسباب منع الطائرة من عبور الأجواء السعودية.

ونقلت الصحيفة عن مصادر -وصفتها بالمطلعة- إن الطائرة التي كان يستقلها الرئيس البشير في الصيانة، وهي تابعة لشركة سعودية ومجهزة بتجهيزات رئاسية، مشيرة إلى أنة إذا ثبت وجود خطأ إداري من الشركة ستتم مساءلتها قانونيا، لأنها المسئولة بحسب العقد عن أذونات المطار والعبور عبر الأجواء، وكافة الإجراءات الإدارية.

وقالت الصحيفة، إن وزارة الخارجية السودانية فضلت عدم الإفصاح عما إذا كانت تنوي استدعاء السفير السعودي بالخرطوم أم لا ، غير أنها أكدت انتظارها رد المملكة لمعرفة حقيقة الموقف والأسباب الداعية لمنع عبور طائرة الرئاسة رغم علمها المسبق بذلك.

الوفد


تعليقات 37 | إهداء 0 | زيارات 9248

التعليقات
#738547 [SESE]
2.00/5 (1 صوت)

08-06-2013 12:27 PM
خليهم يستدعوا السفير السعودي في الخرطوم لتسيمه مذكره احتجاج على منع البشير من السفر لايران ...هم يستدعون السفير السعودي اما السعودية فستسدعي الزبانية...السعودية بالها طويل وحبال الصير لديها اطول من طويلة ولكن ضربتها والمقابر....


#738395 [محموم جداً]
0.00/5 (0 صوت)

08-06-2013 09:55 AM
إذا دي طريقتكم ياناس الطيران المدني مع الرئيس يوم بترموه في أم هبك الكبيرة


#738381 [السفير السعودى]
4.50/5 (2 صوت)

08-06-2013 09:35 AM
ابقى راجل يا البشير و قوم باستداء السفير و انت يا نافع ابقى راجل سل لسانك على السعودية و الله عصاية القذافى ما تحلكم بس ابقوا رجال ما عايز اسمع منكم بغم كلاب ما يختشوش


#738275 [Zingar]
5.00/5 (2 صوت)

08-06-2013 04:06 AM
يبدوا لى بأن هيئة الطيران المدني السودانية بتعزف فى صفحه مختلتفه من النوته الموسيقيه لأنى ولأول مره أسمع بأن الجهه المؤجره مسئوليتها أذونات المطار والعبور عبر الأجواء.
السؤال ... هل هذا الأذن يخص فقط المجال الجوى والمطارات للمملكه العربيه السعوديه ولا بيشمل كل مطارات واجواء الدول الأخرى.
مسألة الأجواء مسأله سياديه بحته ولا أظن بأن الشركه المؤجره لها الحق بأن تمنح او حتى تفرض على السلطات فى السعوديه بمنح إذن مرور لفلان....وهذا القول ينطبق على تأشيرات الدخول لأن معظم الناس يعتقدون وجود التأشيره فى جوازات سفرهم تعطيهم الحق بدخول تلك الدوله.....ولكن واقع الأمر يقول بأن تأشيرة الدخول ليس قرار نهائى للدخول ولسبب بسيط بين تاريخ منح التأشيره وتاريخ السفر هل كنت إنسان سوى ؟؟؟....عندنا حالة الناشطه اليمنيه توكل خير مثال فيما قلت..فهل معنى ذلك بأن توكل حتفتح تحقيق ضد الجوازات المصريه ..لا أظن إن كانت عاقله.

ولهذا اقول للطيران المدنى والدبلوماسيه السودانيه تهديدكم الفشنك ده بلوهوا واشربوا الجردقه بتاعتوا لأنه حجتكم ضعيفه وحجمكم أضعف بالنسبه لحجم السعوديه لأنكم كدوله سودانيه ومنذ الأستقلال نسيتم ان تلبسوا وتلبسونا معاكم ملابس أكس أكس لارج حتى نبدوا كدوله محترمه وشعب محترم.


#738193 [سعيد عبدالله سعيد شاهين]
5.00/5 (3 صوت)

08-06-2013 12:55 AM
حسب ما ورد فى الخبر والمنسوب لجهة الاختصاص الاولى الاوهى سلطات الطيران المدنى والتى رمت المسؤليه علىى الشركه المنفذه للرحله باعتبار انها الملزمه حسب العقد استخراج اذن العبور
السؤال الجوهرى هو ماهى مسؤلية الطيران المدنى اتجاه التاكد من الحصول على اذن العبور والذى على اساسه يتم تنفيذ الرحله او الغائها ؟
هل اكتفت فقط ادارة الطيران المدنى بصورة العقد المبرم ؟ ولماذا لم تتحصل من الشركه المنفذه للرحله مسبقا على اذن العبور ومن ثم اخطار الجهات الاخرى بالامر بل وايداع الاذن نمرته وتاريخ صدوره للجهات المعنيه للدول الماره عبرها الرحله وصوره لسلطات الطيران المدنى الدوليه كجهة مهنيه تحكيميه اذا حدث الاخلال او الارجاع كما فى هذه الحادثه ؟
لماذا لم تطالب الجهات الامنيه والدبلوماسيه ومراسم القصر بصوره من اذن العبور اساسا؟خاصة وان راعى الغنم يعلم ما فعل الحداد فى العلاقات السعوديه الايرانيه ؟
ومن ناحيه مهنيه بحته كيف يسمح برج المراقبه اصلا بقيام الرحله قبل التاكد من وجود الاذن بالعبور كمستند اساسى من مستندات الرحله خاصة وهذه رحله رئاسيه لا تحتمل مثل اخطاء كهذه ومن المسؤل عن جعل برج المراقبه يتغاضى عن هذا الامر ؟ ورحله كهذه تستدعى وجود قيادات الطيران المدنى قبل الاقلاع للتاكد من سلامة الاجراءات ؟
حقيقه لا اود التحدث عن الامر من نواحيه السياسيه بل المهنيه والاداريه لان ما حدث اعتبره اهانه كبرى يتململ فى قبورهم جهابذة الخدمه المدنيه فى مجال الطيران الذين اجبروا العالم على احترام مهنيتهم العاليه ويكفى فخرا ان بدرج الراحل السر حسن بشير كان يوجد عقد عمل مفتوح له الخيار فى اختيار مقر عمله وامتيازاته ولكنه فضل ان يكون عطائه للسودان ليرسخ للطيران المدنى السودانى مكانته فى عالم الطيران بين الامم وكان يعتبر خبيرا رقما فى مجال الطيران المدنى
المملكه العربيه السعوديه لعبت بهدوء ونفس بارد ومهنيه عاليه لانها تحترم سيادتها واجوائها والاهم القوانين المنظمه لحركة الطيران العالمى
وكانت المحصله هى اشهار افلاس ادارة الدوله بكل مكوناتها من القيام بما يليها من مهام وهى حقيقه موجعه شهادة خيبه دوليه تخصم من رصيد السودان الذى شيده واستفادت منه دول على راسها السعوديه من خبراء قدموا خبراتهم واثروا فى حركة المجتمعات الاخرى وكان نتيجتها تخريج من طبقوا هذه الخبرات من ابناء تلك الدول بمهنيه عاليه على ابناء من علموهم اصول المهنه
المخرج هو اعادة النظر بتجرد ومعالجة اسباب الخلل والدمار الذى لحق بالسودان فى كافة مناحى الحياة
بعيدا عن اذن العبور هناك سؤال مطروح بشده هو
ماهو سبب تاجير الطائره اساسا والذى بموجبه صدقت السلطات السعوديه للشركه السعوديه المالكه ان تنفذ طلب الاستئجار بمعنى هل كان واضحا تماما للسلطات السعوديه المنوط بها منح الاذن بالمغادره لتنفيذ الرحله تماما اهداف الرحله لان هذا سيكشف امور اخرى

حقيقة امر كهذا وضع سيادة الدوله وهيبة كافة اجهزتها وعلى راسها القوات المسلحه باعتبار وضع الرئيس كقائد اعلى للجيش وكل الاجهزه الامنيه الاخرى المنوط بها الدفاع عن السودان فى مجك تاريخى صعب
امر كهذا يؤدى لتنحى رؤساء دول عن مواقعهم تحملا للمسؤليه وقبل كل ذلك فهو تحد مباشر لقدرات الرئيس فى كيفية اعادة الامور لنصابها ومحاسبة كل من ورطه فى امر كهذا وورط سمعة السودان الدوليه لهذا المازق الحرج
ومن حق الشعب السودانى معرفة كل الحقيقه حول هذه الرحله ومن وراء كل هذا الامر
لان هذا وطنه يدافع عن ما يصيبه من اعتداء


#738192 [حاطب ليل]
3.50/5 (3 صوت)

08-06-2013 12:55 AM
كضابين لا حيستدعوا سفير ولا حاجه دايرين يغطوا على خيبتهم وفشلهم. وبعدا كلو يرسلو وزير الإستثمار يشحد الخليجيين عشان يجوا السودان؟؟ ياخ إنت قايل الناس عبيطين زيك؟ أعوذ بالله من شحاد وجاحد.


ردود على حاطب ليل
United States [Gyuoop] 08-06-2013 05:12 AM
لالا ما كضابين ولا حاجه ح ينادوا السفير ويضحّكوا معاهو ،، ما لانهم اساسا متعودين علي كسير التلج :)


#738175 [طارق الباز]
4.50/5 (4 صوت)

08-06-2013 12:29 AM
لمعرفة أسباب إعادة طائرة البشير >>>> دى ما محتاجة لدرس عصر عشان تعرفوا السبب, رئيسكم استعمل طيارة سعودية يسافر بيها لايران الاشد عداء للسعودية, الموقف مستفز جدا يعنى عاوزبن السعودية تدعم سفر البشير لايران بطائرتها وعبر اجوائها؟


#738172 [سودانى منفرج الأسارير]
5.00/5 (1 صوت)

08-06-2013 12:25 AM
على كوووولو حال الموضوع انتهى ... الطياره رجعت والزياره ما تمت وأيا كانت ألأسباب الما "كان الرئيس عايزو يحصل داس مشاعرو وحصل".. ننتظر لنسمع رد المملكه (اذا ردت) عشان ما ننسى لازم نعرف الحقيقه .. ال حقيقه .. طياره "سعوديه" مستأجره ايا كان المنقول عليها .. هل الجهه السودانيه اللى طلبت استئجار الطياره ابلغت الشركه (ست الطياره) انّو طيارتا دى متوجها ايرانّ عدل(بكسر حرفى العين والدال)!!! بس ما يكون ألأفاده للشركه اان الطياره ماشّالا بلدا آخر .. حتى بعد داك يحصل كلام عن اذن العبور ويتعمل تحقيق عن اسباب منع العبور ..شي تانى.. هل فى اى طيارات سعوديه قاعده تمشى ايران؟
وبعدين ليه السفير السودانى فى ايران توارى عن ان يذكر تحديدا اسم الدوله اللى منعت المرور؟
هى الطياره ساعه كامله كانت لافّه ومدوّره فى سماوات اى البلدان.. ورجعت من وين؟ من اوزبكستان .. من نيجيريا ولآ من يوغندا!! ولا يعنى سعادةالسفير قال فى دواخلو ياود " خليك ناقش ودبلوماسى فهلوى كامل الدسم" وقول اى كلام .. هو الكلام بقروش ...
بعدين هو ليه تاجير طياره من اساسو؟ وين الطياره الرئاسبه ..ما تكون كاسره ركبه.. او مدفقه زيت فرامل ولآ قاطعه كتاوت ولا طافيه بوليتين!!!
الدكتور على الحاج من زمان قالا ليكم.. خلوها مستوره دالحين انتو كمان خلوها "تام زينو" ..فضوها سيره احسن ... ما تمشو تبحّتو وتسألو عن اشياء ان تبد لكم تسؤكم .. تجيبو ضقلا يتلولح .. وتبقى الفضيحه الكبرى!!! نصيحه لله ..لا طمعا فى سلطه او فى مخلل .. اهدأوا..


#738150 [الحقيقة مرة]
5.00/5 (8 صوت)

08-05-2013 11:37 PM
المفروض كل مواطن سوداني يشعر بالخزي والعار ويلطش روحو لانو حاكمو واحد رمة زي البشير ويطلع الشارع ما يرجع الا بعد اسقاط نظامو لكن ما حيحصل مجرد نقنقة ومظاهرات افتراضية وكل واحد امشي اتعشى وانوم !


#738131 [fato]
5.00/5 (5 صوت)

08-05-2013 11:07 PM
البيضة قبل الدجاجة أم الدجاجة قبل البيضة.هذا هو الجدل البيزنطي الذي نعيشه الان بخصوص منع مجرم العدالة الدولبة.لنترك هذا الجدل وليستعد كل الشعب للأطاحة بهذه الطغمة المعزولة دوايا والكروهة من كل اﻷنظمة في العالم.والله أي تحرك ضد هذه الطغمة من ناحية الشعب سوف تجد الدعم الدولي،لذا أستعد أيها الشعب فقد حانت لحظة القضاء من هذا الكابوس.


#738125 [نزار مهدي]
5.00/5 (1 صوت)

08-05-2013 10:49 PM
يعنى لو السعودية قالت انو مطلوب للمحكمة الدولية او ابسط من كده انها ماعندها مزاج الراجل ده يعبر عن طريق الاجواء السعودية اها حنعمل ليها شنو ؟ حنفرض عليها الحصار ولا نقاطعها ولا حنضربها بالصواريخ !! حقو الحكومة تعمل رايحة من الموضوع ده


#738115 [البجاوي الوناب]
3.94/5 (6 صوت)

08-05-2013 10:22 PM
يا اهل السودان ..ويا ناس المؤتمر الوطني.ويا الامم المتحدة ويا الجنائية.ننقل اليكم استيائنا التام من لبس الزول دا الصديري...ماذا داعي للكلام الكتير .. فقط الراجل ما يلبس الصديري بطاعتنا..الزول دا غلط علينا كتير وسكتنا..شوفوا ليه بدلة ولا جاكتة ولا كرافتة اذا لم يكتفي بالحلابية والعمة والشال..كلما اشوفوا هو ونافع لابسين صديري يجيني ضغط وحالة بطاعت زعل كدا ما قادر اوصفا..


#738085 [Almo3lim]
4.50/5 (4 صوت)

08-05-2013 08:46 PM
أن الاتصالات الدبلوماسية مع الجانب السعودي مستمرة لمعرفة أسباب منع الطائرة من عبور الأجواء السعودية.
--------------------------
وزارة الخارجية السودانية فضلت عدم الإفصاح عما إذا كانت تنوي استدعاء السفير السعودي بالخرطوم أم لا ، غير أنها أكدت انتظارها رد المملكة لمعرفة حقيقة الموقف والأسباب الداعية لمنع عبور طائرة الرئاسة رغم علمها المسبق بذلك
--------------------------

**البشير رجل متهور و يسلك دروبا تسبب الحرج لمن يقعون تحت إدارته .. و السعودية أحق من أن تتبع سياسيا و دينيا و اقتصاديا و شعبيا لا أيران الشيعية و على الأقل هم أهل فضل عليك شخصيا فقد أصبت بالسرطان و دعوك للحضور و عالجوك في أرقى مستشفياتهم و أنت الذي خطط للإنقلاب في السعودية و تركت كلبك الرائد يونس يسب في الملك فهد صباح مساء و مع ذلك تجاوزوا عن قبحك و سفهك ...

**أتوقع من المسئولين أن يعتبروا ماحدث هو مجرد (مراهقة سياسية) من البشير و محاولة غير موفقة للعب دور في الأحداث السياسية الأقليمية التي تجري الآن ..

** الناس في الجزيرة (غرقت) و بيوتها تهدمت و خايب الرجاء سايق مرتو و ماشين أيران !!!

** قال صلى الله عليه و سلم :

«خيار أئمتكم الذين تحبونهم ويحبونكم، ويصلُّون عليكم وتصلون عليهم. وشرار أئمتكم الذين تبغضونهم ويبغضونكم، وتلعنونهم ويلعنونكم» ...

** و قال صلى الله عليه و سلم :

«من أمَّ قوماً وهم له كارهون، فإن صلاته لا تجاوز ترقوته»..


#738071 [Khalid]
4.50/5 (2 صوت)

08-05-2013 08:14 PM
الهم أنا گلا نسالك رد القضاء ولكن نسالك اللطف فيه


#738065 [ابو مازن]
3.00/5 (2 صوت)

08-05-2013 07:56 PM
السودان ممثلة في حكومتها لم تستطيع ان تقطع علاقتها مع السعودية ولا يستطيع استدعاء السفير السعودي لان دولة ليس لديها مسؤلية هذا المطبلاتي بكرة يطلع ليكم بشئ آخر عشان يمسح الفضيحة الحصلت


#738060 [raji]
5.00/5 (1 صوت)

08-05-2013 07:48 PM
بشه دلوكه افريقيا راكب طياره مأجره لزوم الخوفه و كدا


#738041 [ابو سامي]
5.00/5 (1 صوت)

08-05-2013 07:11 PM
الزول راكب طيارة مؤجرة وحتى الطيارة المؤجرة ومفروض تكون مجهزة للرئيس دي نفسها بدلوها بي واحدة تانية لزوم الدغمسة وفي حلقة مفقودة لماذ التواري خلف الشركة وهي المسئوله مباشرة عن اذن المرور وين وزارة الخارجية وين سفارتنا في السعودية وين علاقاتنا الازلية من الشعب السعودي وويين ووييوينتن ويتنن وينني وني ؟؟؟؟؟؟؟؟؟؟؟؟؟؟؟؟؟؟؟؟


#738038 [توفيق صديق عمر]
3.50/5 (3 صوت)

08-05-2013 07:08 PM
فكونا بالله بلا تحقيق بلا قرف معاكم
منعوهو من العبور وهذه نقطة علي السطر
ولا حا يكون في تحقيق ولا مسالة ولا استدعاء سفير
كلها دي تواصل او مواصلة الهترشات اللا منتهية
يحققو مع منو ديل مع السعودية دي اخر حاجة يفكرو فيها لانها ممكن توريهم بت العفنة


#738035 [إسقاط النظام]
5.00/5 (1 صوت)

08-05-2013 07:03 PM
السبب كان شنو؟؟؟؟ سؤال منطقي وعاقل!!!!
فكرت في عدة أسباب محتملة، ولقيت الراجح عندي ... وصول معلومات مؤكدة لجهاز الأمن والاستخبارات الوطني السوداني أن هناك محاولة إنقلابية جاهزة ستنفذ فور مغادرة البشير للسودان، ولأنه ما في راجل وراهو يمنع الانقلاب عشان كدا قالوا ليهو ارجع وقول السعودية رجعتني.


ردود على إسقاط النظام
United States [Gyuoop] 08-06-2013 05:19 AM
ههههههههه عليك الله استغفر ،، انت من اولاد وين !؟


#738031 [radona]
5.00/5 (1 صوت)

08-05-2013 06:54 PM
ياجماعة ممكن السبب فني وفي صقر في الجو قرب يخش في محرك الطائرة وما تستبعدوا الصقر ده يكون موجه من اسرائيل وبناءا على دلك قامت السلطات السعودية بارجاع الطائرة وخيبت مساعي اسرائيل وقامت بحماية اسد افريقيا


#738020 [أب قرن]
5.00/5 (1 صوت)

08-05-2013 06:39 PM
عالم طير و أغبياء لسه بتحاولوا .. السعودية ديل ما بعرفوا اللعب و الدغمسة و الفوضى صبروا كتير على هذا النظام المتهالك أستحملوا إساءات يونس و شتائمه و مع ذلك ظلت أياديهم بيضاء تجاه السودان و شعب السودان لا لسواد عيون الحكومة و لكن لأنهم يعرفون أصل و من أي معدن هم السودانيين و لكن الناظر للأحوال الإقليمية في العالم العربي يمكنه التنبؤ بما سيحدث غداً أرحمونا يا حكومة الذل و الهوان سلموا الراية .. قطر نظامها تغير و السعودية قالت يكفي و ما أظن في دولة تاني ح تتحمل سغالتك و غلاستك يا منبوذ العالم


#738017 [زكريا ابو يحيى]
5.00/5 (3 صوت)

08-05-2013 06:34 PM
لن يستدعوا السفير السعودي ببساطة لانهم ليس لهم الشجاعة الكافية لفعل مثل ذلك الشيئ


#738004 [نص صديري]
5.00/5 (1 صوت)

08-05-2013 06:22 PM
حبل الكذب قصير...المملكة الاسلامية السعودية لن تداهن او تكذب وستعلن عن الاسباب بكل صدق وصراحة..بس متين ما عارف!!
ياخ ده موش دخل في (..) وزه ..تاني شوفوا كان رقص للفراجه


#738002 [abdullah]
5.00/5 (2 صوت)

08-05-2013 06:18 PM
اولا قرار المملكة صحيح وبعدين هي وين الدبلوماسيه السودانيه اساسا مافي اي دبلوماسيه والموضووع كبير ويبين لاي مدي البلد فوضي وكمان تصل علي مستوي الرئيس مفروض استقاله كل الحكومه لو عندهم دم وكرامه السودان بقت تحت التراب وفشل الحكومه في اغاثة الناس من الكوارث القاعدين ليها شنو ديل حدثين يهدوا حكومات لكن حسبي الله ونعم الوكيل وده يبين انو مافي اي ادارة ولا دوله كلوا خداع يااخي معقوله والله دي فضيحة واقول ليكم ماتنتظروا رد من هيئة الطيران المدني السعودي لانو دى قوانين دولية والحكومة ما عندها اي دخل والفشل من جهاز الرئيس الادراي والامني والاستخبارات ده كان في وبعدين كل الحواليك البطبلوا ليك لازم تعرفوا يعني شنو دوله يعني شنو قوانين دولية يعني شنو مصالح دولية يا عره العرر ياخسي علي دي دولة وخسارة الواحد ينتمي لتلكم دوله حليل ابو الزهور ومبارك زروق والمحجوب وحتي منصور خالد خاتيني كنب الله المستعان اللهم فرج كربنا


#737986 [الكنداكه]
5.00/5 (1 صوت)

08-05-2013 05:53 PM
لا حوله ولا قوة الا بالله العلى العظيم يا ناس نحن فى شنو والحسانيه فى شنو


#737985 [الفنجري]
5.00/5 (2 صوت)

08-05-2013 05:53 PM
بقيتنا ملطشة معاك ماشي بالدس وبلدك في كارثة مؤجر ليك طيارة بالشىء الفلاني من قروشنا الحمد لله رب العالمين تكيدون لنا ويكيد لكم هاكم الابتلااااات دي


#737965 [سمر]
5.00/5 (4 صوت)

08-05-2013 05:15 PM
في ذول بتحقق مع اسيادو


#737961 [Jaqcklin]
4.69/5 (5 صوت)

08-05-2013 05:13 PM
معقول انتو لسع ماعارفين السبب - اما حيوانات .


#737958 [ابوزول]
5.00/5 (4 صوت)

08-05-2013 05:10 PM
وجد الجماعة مخرجهم من الحرج ....خطا اداري من الشركةاالمالكة للطائرة ,....وطبعا السعودىة حتتلزم الصمت ما دام االجماعةرراضيين بالذل والهوان....سيكون ذلك السيناريو الذي يتم اعداده االان ففي الكواليس ووحتصدقني الايام القادمة


#737954 [Naser]
5.00/5 (3 صوت)

08-05-2013 05:01 PM
لأنها المسئولة بحسب العقد عن أذونات المطار والعبور عبر الأجواء، وكافة الإجراءات الإدارية.
حسبنا الله ونعم الوكيل والله الفوضى دي ما بيحصل الا في السودان. شئون الرئاسة هي شئون سيادة الوطن, ليست هنالك دوله في العالم تترك امر سيادتها لشركات همها البيزنس والارباح, لكن يبدوا أن الخوف من و محاولة التخفي من انظار العالم هي ما ادت لإهدار سيادة الوطن لأن كل السودان صارت رهينه للبشير!!!!!!! إذاالامر تحول للقضاء الدولي السؤال لو طلبوا الرئيس للشهاده هل سيذهب بشبش ولا لا.


ردود على Naser
European Union [Jungle] 08-05-2013 06:24 PM
لو طلبوا ان يشهد يمكن يسجل الشهادة ويرسلها لكو=ن دا ككككككله كوم ممكن كان يرجعوا السودان ويسكتوا سااااكت كانه ما حصل شئ


#737951 [ابوزول]
5.00/5 (1 صوت)

08-05-2013 04:55 PM
وجد الجماعة مخرجهم من الحرج ....خطا اداري من الشركةاالمالكة للطائرة ,....وطبعا السعودىة حتتلزم الصمت ما دام االجماعةرراضيين بالذل والهوان....سيكون ذلك السيناريو الذي يتم اعداده االان ففي الكواليس ووحتصدقني الايام القادمة


#737950 [مشوت Machut]
5.00/5 (2 صوت)

08-05-2013 04:55 PM
السبب ممكن لان السعودية ما عايزه ايرانيين يزرعوا اى جهاز تنصت فى طائرتهم المؤجره


#737923 [الله جابو]
5.00/5 (3 صوت)

08-05-2013 04:21 PM
هو طيارة الرئيس السودانية ما بها ولا عاوزين تشيطنوا علي ناس المملكة وما عارفين الشواطين ليس لهم سبيل علي دولة الحرمين ؟ والله لكين ذكاء خارق ولا لزوم التمويه ولا قل عاوزين تحرجوا المملكة وتقولوا لايران اهو نحن جين بطائرة سعودية كمان .


#737914 [real sudan]
5.00/5 (1 صوت)

08-05-2013 04:15 PM
لما تقوم الثورة في السودان
حيجوكم اولاد الحرام يقولوا عاوزين
قولولم غير الضبح ما في ليكم


#737911 [المرقوت]
4.00/5 (5 صوت)

08-05-2013 04:11 PM
يلا يا البشير عايزين نسمع أسطوانتك ال ..دية تحت جزمتي و الحشرة ال...دية و يبلوها يشربوا مويتها و ما يجوا إلا بالعصا و أقفل البلف يا عوض ها ها ها هااااااااااااااااااااي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة