الأخبار
أخبار إقليمية
بعد إعادته من الأجواء السعودية...البشير يطوف جواً بمناطق السيول والأمطار ..قائد الطائرة يعتذر لصعوبة الهبوط - صورة -
بعد إعادته من الأجواء السعودية...البشير يطوف جواً بمناطق السيول والأمطار ..قائد الطائرة يعتذر لصعوبة الهبوط - صورة -
بعد إعادته من الأجواء السعودية...البشير يطوف جواً بمناطق السيول والأمطار ..قائد الطائرة يعتذر لصعوبة الهبوط - صورة -


عبر طائرة مروحية استغرقت ثلاث ساعات،
08-06-2013 03:31 AM
قام الرئيس عمر البشير، يوم الإثنين، يرافقه عدد من المسؤولين بجولة عبر طائرة مروحية استغرقت ثلاث ساعات، طاف خلالها أرجاء ولاية الخرطوم حتى حدودها مع الولايات الأخرى؛ وقف من خلالها على المناطق المتأثرة بالأمطار والسيول.

ووجه البشير بسرعة تفريغ المياه من المناطق المتضررة، وإغاثة المتضررين مع البدء في عمل استراتيجي لتحديد مصادر السيول ومساراتها لعمل معالجات نهائية لها .

وقال والي الخرطوم؛ د. عبد الرحمن الخضر -في تصريحات صحفية عقب انتهاء الجولة- أن وفد رئيس الجمهورية طلب من قائد الطائرة الهبوط بمنطقتي الكرياب ومرابيع الشريف.

واعتذر قائد الطائرة -حسب والي الخرطوم لصعوبة الهبوط- حيث أحدثت السيول أضراراً بليغة بهذه المنطقة، ومناطق سوبا شرق، والشيخ الأمين ورام الله، وعد بابكر، لكنها انحسرت حتى الآن، فيما ألحقت ترعة السليت أضراراً بأحياء البركات، والهدى، والنصر، وأجزاء من الجريف شرق .



شبكة الشروق


تعليقات 44 | إهداء 0 | زيارات 15233

التعليقات
#739134 [الشحات]
3.00/5 (2 صوت)

08-07-2013 03:33 AM
يعني بعد ما طلعوا بالطيارة ووجه الرئيس ، يا النبي الخدر انت كنت عميان من الحاصل والكوارث الواقعه ؟؟؟
السيول دي ما من 5 ايام والناس غرقانه وبتكورك وماتت تحت الأنقاض ؟؟؟

الله في .


#739056 [الصليحابي]
2.97/5 (6 صوت)

08-07-2013 12:35 AM
أثناء نزول الأمطار الغزيرة في الخرطوم ومناطق أخرى من البلاد ، وأثناء تهدم المنازل على رؤؤس الناس واجتياح السيول العنيفة لقرى بكاملها ، وهروب الآلاف إلى الشوارع الرئيسية للاحتماء بها واتخاذها مأوى لأسرهم ، كانت جميع قنوات التليفزيونية السودانية في طرب فاضح وفسوق فاجر أثناء صلاة التراويح ( برنامج أغاني وأغاني ، وبرنامج أمنا حواء ، وذكريات من الفن الجميل ، و..... ) إضافة إلى سفر أمير البلاد لحضور حفل تنصيب الصفوي الإيراني ، ولكن الله غالب على أمره ، فارجعه ذليلا مهانا مكسورا يجرجر خيبته التي تلازمه أينما ذهب . من أين يأتينا الفرج ونحن نعصي الله نهارا جهارا ونكذب ونتحرى الكذب من أعلى قياداتنا . اللهم خذهم أخذ عزيز مقتدر ..


#738962 [ود كبوشية]
3.00/5 (2 صوت)

08-06-2013 10:36 PM
موافقة ومباركة للاكل بعد ماكان فسادواكل فى مليارات المصارف الان باب واسع وكبير فى مجارى ومسارات سيول بالعقل كدة كم ستكلف دراسات ثم لجان ولجان !!! ؟؟؟ دى انشاءاللة بعد 24 سنة اذا كان مصارف ساكت وردميات على الجدران ليها 50 سنة ..دايرين الان دراسة لمسارت السيول ؟؟؟!! قمة الفشل والاحباط .. مطلوب واحد من المسئولين لية نصف عقل يفكر فى مصرف كبير فى كل حى ومربع .. وواحد عندة ضمير مايصدق لاى خطة اسكانية مالم تكن مضمنةببنية تحتية من مصارف وسوارع ومصارف ..ويمنع السكن الافقى .. وبيع الوهم والسراب ..


#738961 [ممغتربة]
3.00/5 (4 صوت)

08-06-2013 10:28 PM
معليييش يابلد حقك علينا ....وبرضو نقف ضد الاثيوبيين في بناء السد عشان خاطر المصرييين ونسيب اهلنا يغرقو وبلدنا تتدمر من عيونهم .... بالمناسبة المصرييين سعداء جدا بارتفاع منسوب النيل واللي وراهم يغرقو يموتو مايهمهم ... ربنا يمهل ولا يهمل اهو انتو في نفق ماعندو نهاية الله يكون في عونكم ...اللهم لا شماتة


#738943 [Rebel]
4.00/5 (1 صوت)

08-06-2013 09:38 PM
* تعبان قدر ده ليه ياخى. ما تخلي الواطه تنشف شويه عشان الطياره، الفسحه ملحوقه.


#738888 [مهاجر]
4.00/5 (3 صوت)

08-06-2013 07:09 PM
كترخيرو الراقص اركان حرب مشى يتفرج فى الغلابه من فوق ومعاهوباقى العصابه الله يهدكم


#738882 [الترابى]
5.00/5 (2 صوت)

08-06-2013 06:57 PM
كتر خير السعوديه الطردتك عشان تشوف الناس الغرقانين , يا من ضرب أمه بحديده الفندك !!!


#738877 [ابو كريم]
4.50/5 (2 صوت)

08-06-2013 06:50 PM
طبعا يركب طائرة ويحوم بي فوق بس عشان خائف من غضب الجماهير والوضع غير آمـــن بالنسبة ليهو والماهو
الحاجة التانية ماداير يوسخ هدومو ويخرمج بالطين


#738874 [عصمتووف]
4.00/5 (2 صوت)

08-06-2013 06:47 PM
وجه البشير بسرعة تفريغ المياه من المناطق المتضررة، وإغاثة المتضررين مع البدء في عمل استراتيجي لتحديد مصادر السيول ومساراتها لعمل معالجات نهائية لها .
بس عاوز تفشي قبينتك اين الإكرامية الرئاسيةفي شهر الخيروالاعمال الطيبة كماتزعمون


#738842 [الابلج]
5.00/5 (4 صوت)

08-06-2013 05:49 PM
خليكم من حفل التتويج بايران وخليكم من الفسحة والفرجة على الغلابة المتاثرين بالسيول والامطار

كدي لاحظتوا الغباء الظاهر في وجوههم والله من شكلهم الغباء مسيطر عليهم


#738800 [أبوالكجص]
5.00/5 (5 صوت)

08-06-2013 04:22 PM
يا ريِّس شعبك المنكوب بالأمطار والسيول بقول ليك:

بعد إيه .. بعد إيييييييييييييييييييييييييييييه
جيت تواسينا ... بعد إيهههههههههههههههههههههههههه
ليييييييييييييييييييييييييييييييييه
جيتاتبكي ... جيتا تشكي
جيتا تبكي حالنا
أم تبكي حالك بعد ما رجعوك
كرشوك.... رجعوك .... ذلوك ..
خلي بالك نحن أصلاً بغيثناالله يا الغشوك .


#738762 [صابر]
5.00/5 (5 صوت)

08-06-2013 03:48 PM
أحسن بدل رحلة طهران الطرشقت دي أخد ليك فسحة مع زبانيتك بالطائرة أصلك اشتقت لركوب الطائرات من زمن طويل مع عملية أوكامبو العجيبة دي. شوف جالسين كيف كلهم كروش ووجوهم ممسحة والشعب غرقان في الطين والأنين
لعنكم الله أينما كنتم وخلصنا منكم بطائرة أو بصاعقة.


ردود على صابر
[ديموقراطية] 08-06-2013 10:43 PM
او ب (ثورة) !


#738755 [ود الفاضل]
5.00/5 (5 صوت)

08-06-2013 03:40 PM
اللغز الذي استعصى معناه على حكماء الكون هو: هذا الشعب السوداني من اكثر شعوب الارض فقدانا للذاكرة بعد كل هذه البهدلة والضياع للوطن من حكم العساكر منذ عبود مرورا بنميري ونهاية المطاف بأجهل خلق الله بالحكم البشير وزمرته كلما يخافه العقلاء وبعد رحيل هؤلاء من سدة الحكم ونأمل ان يكون ذلك عاجلا واذا جاء حكما منتخبا لادارة البلاد وقبل ان يجلس الرئيس المنتخب فى كرسيه يقوم ينط عسكري بليد لايعرف كوعه من بوعه وتاني يقوم هذا الشعب الاغبيش يهلل ليه ويقوم الرئيس الجديد بمهمة الرقيص والعرضة ثم تدخل البلد فى دوامة تغطس حجرها كما فعل هذا الجاهل المتجهجه الاممي . قيل لايلدغ المؤمن جحر مرتين . ولكن السودان للاسف لدغ من ثعبان ثكنات العساكر ثلاثة مرات وكل مرة يموت الشعب كله من سموم اللدغة ولكن اكثر السموم ايلاما وفتكا هو سم الانقاذ .. فهذا العهد لم يسبق له مثيل فى تاريخ السودان , وارجو ان لايتهمني احد بالعنصرية او الجهوية فلعل الله سبحانه جاء بعمر البشير للسودان حتى يمسح من ذاكرة التاريخ السوداني عهد خليفة المهدي التعايشي الذي ظلمه السودنيون ووصفوه بكل قبيح ولم يكتبوا عنه حسنة واحدة . وعايزين مؤرخ غير منحاز يوضح لينا ماارتكبه التعايشي فى السودان حتى تكون المقارنة منصفة بين عهده وزمان الانقاذ ، لان اهل غرب السودان ظلوا يدفعوا ثمن سياسة التعايشي حتى يومنا هذا حيث ظل وسط السودان وشماله يتعاملوا من ابناء الغرب بذاكرة متوجسة دائما فى كل مراكز القرار والقيادة خوفا من تكرار التعايشي فى الحكم ولكن جاء البشير من هذه المنطقة ففعل بالسودان مالم يفعله هتلر باليهود .
فعلى الشعب ان يسأل الله الرحمة للتعايشي وينسى زمانه، ويضع فى الذاكرة البشير وثورة الانقاذ ، فهو نظام لايتكرر حتى قيام الساعة ..... ياعالم ياهو رئيس دولة السودان مسافر بالسرقة وبطائرة مستأجرة وقالوا مأجرها جمال الوالي مين الوالي دا ياضياع سودان المحجوب والازهري ىخر الزمان بقى يتحكم فيه امثال جمال الوالي , اي انحطاط هذا ياقوم ...
ياجماعة نحن خارج السودان للاسف ولكن عايزين لينا بت رجال قلبها حار تقود الثورة لاسقاط العفن حتى يغتسل السودان من هذه الجنابة .


#738701 [موسي صالح]
5.00/5 (5 صوت)

08-06-2013 02:59 PM
يعني راكب مروحيه ولافي عشان تتاكد انو الناس غرقانيين ماكان تتعب نفسك وتلف لغايه حدود الخرطوووووم كان تتطلع بره الشارع بس وتتاكد
بعدين المعالجات شنو يعني حتشفطو المويه وبس يعني المطر ماحتجي تاني ......حتعوضو الناس عن الارواح والممتلكات التي فقدت جراء فشلكم في وضع حل لمشاكل الخريف ...ده كلو كوم وطيرانك في الخرطوم بس كوم تاني ...كده ثبت انك رئيس الخرطوم فقط ..ياخ انت كنت ماشي لايران لحفل تنصيب بس ماقادر تلف الولايات وتشوف تقصير الولاه طبعا هد اذا اعتبرنا انك انت رئس....زيارتك دي للشو فقط وما حتفيد بشئ....بالمناسبه الشعب مامنتظر منك خير ابدا ابدا


#738675 [Asmar]
3.88/5 (4 صوت)

08-06-2013 02:33 PM
عالم ما تشوف شغلها الا بالضغط

و ياريس كلف جهاز الامن بان يعتقل السحب


#738672 [زول ساكت]
5.00/5 (1 صوت)

08-06-2013 02:30 PM
والله يامعلقين الراكوبة ربنا مايشبكم فى زول بالغتو والله كفاية يا أخوانى هههههههههههههههههههه


#738627 [سودانب منفي عن وطنو]
4.50/5 (4 صوت)

08-06-2013 01:28 PM
بالله شـــوفهم قـــاعدين كيـــف تقـــول قـــاعدين عالقهوة ناقصهم بس يجيبــو ليـهم طاولــة ولا ضُمنة يتمو الناقصة .. الكابتن زاتو قعدتو عجيبة قاعد ليه فى طربيزة ولا شنو ماعارف ومتنح زي التقول بتكلم مع مرتو فى الاسكايب ..


#738617 [bent alnil]
5.00/5 (2 صوت)

08-06-2013 01:17 PM
ياريس هي طيارتك ما هبطت في الواطة الناشفة و نضيفة تنزل بيك في السيل بعد ايه و لا راحت عليك الحفلة ... كان ممكن تعتذر بظروف مواطنيك و البلد غرقانه لكن ربنا من لطفه بمحمد احمد المسكين طيارتك رجعوها ربنا وحده بالمصيبة الماشين تجيبوها معاكم من ايران ربنا ستر ولطف


#738616 [SESE]
4.50/5 (2 صوت)

08-06-2013 01:14 PM
الجماعة يستطلعون زمباوي جوا وآخر استرخاية....!!

ما يحمد للسيد الصادق المهدي وحكومته ومنها المرحوم عمر نور الدائم ابان فيضانات عام 1988 كانوا يخوضون مع الناس في الوحل بيت بيت, شارع شارع, حي حي لم يتكبروا ويركبوا الهيلكوبتر....


#738605 [بت الخرطوم]
4.94/5 (7 صوت)

08-06-2013 01:02 PM
كتر حير خادم الحرمين الفضل يرجع ليهو لو ما منع مرور الطائرة لكان الرئيس فى ايران وبعدين الرئيس يفترض اعاين على يمينو اتجاه الشباك موش الغرض من الحلة الفرجة على المنكوبين ولا زعلان من القهمة السعودية الدسم


#738554 [حاطب ليل]
4.50/5 (12 صوت)

08-06-2013 12:30 PM
ياسلاااااااااااام ياخ لو دقّت الدلجه؟ يعلم الله كان يكون أجمل عيد في تاريخ السودان من 25 سنه رغم ضنك العيش.


#738553 [سكر كنانة]
4.87/5 (16 صوت)

08-06-2013 12:30 PM
وبدون ادنى درجة من الاستحياء راكب طيارة عشان تتفقد الغلابى الذين ابتلاهم الله بك وزمرتك الساقطة طيب لو السعودية سمحت ليك كنت هسه بتوقع فى برتكولات السلاح والبمبان عشان تحرق بواقى السيول والفيضانات الله يغطس حجرك ويقطع اترك يا اغبى رئيس منذ عهد قابيل وهابيل يا كذاب يا مجرم الحروب بس ابقى راجل واركز ما تشتت زى يوم دخول قوات خليل امدرمان واعوذ بالله السعودية دائما مرتبطة بفضايحك وطيارتك يوم خليل نزلت فى سكر كنانة والحمد لله وزير دفاعك الارعن ده ما قال لينا دى نظرية الدفاع بالسكر السكرى انشاء الله يقطعكم حتة حتة يعدمكم نفاخ النار يازبالة يا حثالة.


#738521 [Salah Elhassan]
4.00/5 (3 صوت)

08-06-2013 12:09 PM
بعد ايه ؟ بعد ايه جيت تصالحنى ..؟


#738514 [مختار احمد]
4.00/5 (3 صوت)

08-06-2013 12:04 PM
بعد مارجعوك يا فخامة الرئسي داير تشوف المناطق المتأثرة بالسيول والله دا كلام عجيب


#738474 [جارسيفو]
5.00/5 (5 صوت)

08-06-2013 11:38 AM
عليكم الله دي حال تفقد احوال مواطنين انتم ملح ما تنزلوا في الارض طيب الرئيس ما لاقي مطار عشان ينزل فيه وكيف حال سكان هذه المناطق الله في عونهم والرئيس الهمام كان مخلي شعبه في الكارثة دي وماش ينصب روحاني النصيبة تودي حكم الفساد والنفاق في الف داهية وتعرعت السليت دي عملوها عشان مزارع المجرمين ديل من الرئيس الي نافع وخلي المواطن يروح فيها المهم رفاهيتهم ومزارعهم المنافقين الفاسدين


#738473 [ودابزيد]
5.00/5 (4 صوت)

08-06-2013 11:37 AM
جزا الله خيرا السلطات السعوديه لمنعه من العبور .لو ما كدي لا كان طاف ولا كان شاف


#738431 [سوداني والسلام]
5.00/5 (4 صوت)

08-06-2013 10:50 AM
تفقد المناطق المتاثرة بالسيول والفيضانات ترتيبا الاخيرة الاول الناس يمشو ايران لانو العرس ما بنتظر بعدين نجي نشوف ناس قريعتي راحت الحصل عليهم شنو وبعدين كابين الهليكوبتر قايل نفسو سايق جامبو مالا ما بتنزل ولآ خايفين !!!


#738416 [الصادق]
5.00/5 (1 صوت)

08-06-2013 10:19 AM
حقو يكون مع الحدث صوره او خرطه لمعرفة المواقع


#738406 [lwlawa]
4.63/5 (6 صوت)

08-06-2013 10:12 AM
البركة في السعوديين..؟؟.. لو ما رجعوك، التلاتة ساعات دي كنت تكون في طهران..؟؟.. عشان تحصل (الربة)..؟؟..كل همك ومبلغ علمك ..؟؟..
هذا مجرد تعويض للرحلة الملغية والا ما فائدة الطواف ..؟؟.. كان يجب اعلان السودان منطقة كوارث ..؟؟..حتى يساهم العالم في مد يد العون للمتضررين وهو حق مشروع لكل الدول الاعضاء في المجتمع الدولي ولكن مثل حكومة هذا الاهبل لا ترحم لا تخلي رحمة الله تنزل ..؟؟


#738392 [barrqcuda]
5.00/5 (1 صوت)

08-06-2013 09:52 AM
دايماً المسئولين عندنا منتظرين التوجيه من الرئيس ، يعني مافي واحد بتحرك من تلقاء نفسه من خلال مسئوليات وظيفته وسلطاتها وعمل ما يجب عليه عمله ، يبقى السؤال هنا :
- لماذا مليون وزير ووزير دولة ووزير محلية ووزير مقابر وهم لا يقدرون على شيء؟
- أليس الأجدر أن يكون هو الرئيس فقط ويوفر رواتب هؤلاء المأمورين والمتوجهون ، ويختار هو حسب المهام وما يريد إنجازة ؟
- أليس كلهم في حاجة لدورة تدريبية في فن الأناقة ، والأتيكيت ؟

وأخيراً مفروض الشعب السوداني يدفعوا ليه بدل رئيس ووزراء وبدل هم وممرطة.


ردود على barrqcuda
United States [mohd] 08-06-2013 03:52 PM
المسئولين عندك مافاضين من السرقة ودي مسرحية من زمان الرئيس بيمشي الولايات ويقول اتبرعنا للجهة الفلانية والعلانية ويسافر ويجوا الناس للمالية ولغيرها مافي زول بيديهم حاجة رئيس طرطور حتى المسئولين في الوزارات ما محترمنه لدرجة انه واحد من ناس المالية قال لوفد امشي خليي الرئيس يديك انا ما عندي

زول اهبل اراجوز تيس قاعدين يعلبوا به تيوس وغنم الكيزان والجبهة

قال اسد افريقيا

والله كديس افريقيا محترم اكثر منه وعنده كرامه وعنده دم


#738389 [حزين على سودانا]
5.00/5 (2 صوت)

08-06-2013 09:47 AM
الكلام ده موجه لرأس الدولة و لمن ولاهم رب العزه امر العباد:
1 اذكرهم بقول حبيبنا الرسول صلى الله عليه وسلم: ((ألا كلكم راع، وكلكم مسئول عن رعيته، فالأمير الذي على الناس راع، وهو مسئول عن رعيته، والرجل راع على أهل بيته، وهو مسئول عنهم، والمرأة راعية على بيت بعلها وولده، وهي مسئولة عنهم، والعبد راع على مال سيده، وهو مسئول عنه، ألا فكلكم راع مسئول عن رعيته)) متفق عليه. لاحظ اول ما بدأ به الحبيب صلى الله عليه وسلم الأمبير في ترتيب المسئوليات.
2 اذكرهم أيضاً بقول الفاروق عمر بن الخطاب رضي الله عنه : ( لو عثرت بغلة في العراق لسألني الله تعالى عنها: لِمَ لم تمهد لها الطريق يا عمر ).
عن ماذا يتحدث الفاروق ؟
.. عن خوفه من أن " تتعثر ".. فهي لم تتعثر حتى الآن .
ـ هذا شعوره بالمسؤولية تجاه " بغلة ".. فكيف سيكون شعوره تجاه الإنسان .
ـ من أي شيء يخاف عليها ؟.. من الموت ؟! لا. كان يخاف عليها أن " تتعثر " لأنه قصّر في مسؤولياته ولم يمهد لها الطريق . ـ وأين كانت هذه " البغلة " ؟ .. هل كانت على أطراف " المدينة المنورة " ؟ لا . كانت هناك في أقاصي دولته .. في العراق .. ولكنه يظل مسؤولاً عنها .

لله درك يا ابن الخطاب ، في سطر صغير ، تقدّم ألف درس كبير:
كيف يكون التعامل مع الرعية ؟
وما الذي تعنيه المسؤولية ؟



3 واختم كلامي ايضا بقول حبيبنا الرسول صلى الله عليه وسلم:«اللهم من ولي من أمر أمتي شيئاً فشق عليهم فشقق عليه، ومن ولي من أمر أمتي شيئاً فرفق بهم فأرفق به» رواه مسلم.
الا تخافوا من دعوة الرسول صلى الله عليه وسلم!!!!!!!


#738368 [osama]
0.00/5 (0 صوت)

08-06-2013 09:17 AM
https://www.facebook.com/pages/%D8%AB%D9%88%D8%B1%D8%A9-%D8%A7%D9%84%D8%B3%D9%88%D8%AF%D8%A7%D9%86-%D8%A7%D9%84%D8%AB%D8%A7%D9%84%D8%AB%D8%A9/135177646549114


#738358 [الغاضبة]
5.00/5 (1 صوت)

08-06-2013 08:47 AM
كان الاحسن تستحي وما تمشي خالص.... الله يفقع مرارتكم ...


#738353 [واحد]
5.00/5 (1 صوت)

08-06-2013 08:42 AM
عمر البشير جاي يتفقد الناس بالطياره ولابس مدني !!!! لو كان عندو نية النزول كان لبس البوت والعسكري ولبس 5 عشان يخوض في الطين والمعاهو كانو لبسو العراريق ولا شيتآ بخوضو بيه الطين , ديل كلاب وعواليق وما اولاد ناس ديل زباله اولاد زباله


ردود على واحد
[سوداني والسلام] 08-06-2013 12:43 PM
هسه عليك الله دي شكلا طيارة مروحية دي الطيارة الرجعوها السعوديين ديل ما شايفم قاشرين كده ماشين مناسبة في ايران .


#738345 [hmamizo]
4.61/5 (8 صوت)

08-06-2013 08:25 AM
عليكم الله لمان شفتوا المناظر دي مابكيتوا ؟؟ عليكم الله لمان رجعتوا عماراتكم قدرتو تنوموا ؟؟؟ خاف الله ياالبشير خاف الله ؟؟؟


#738337 [ادم]
5.00/5 (1 صوت)

08-06-2013 07:37 AM
الخوف في وجوههم


#738331 [السنجك الحر]
4.25/5 (6 صوت)

08-06-2013 07:19 AM
والله يا ريس الحته دي في استثمار كويس
(لخضر)
كويس اديتهوها ليهم من الاول ليه
(البشير)
والله اول مره نشوفها من فوق لو كنا عارفينها كده ما كنا اديناها ليهم
(الخضر)
خلاص شوقو طريقه طلعوهم منها وكلم عثمان مصطفي و المتعافي ما يعرف لان القروش بتاعت الجزيره لسه ما جابها
(البشير)

(البشير )

بكري دا ساكت مالو؟

(بكري)

والله يا عمر سيجارة السحور لي هسه شغاله

ههههههه(البشير)
الحاجات دي ما تضوقنا ليها و لا الا اضرب لعبدالرحيم يجيب لينا من عندو

(نص الحوار الدائر في المروحيه)


ردود على السنجك الحر
United States [بت حبوبتها] 08-06-2013 08:36 PM
بجد أنت مبدع


#738329 [قائد الطائرة]
4.88/5 (4 صوت)

08-06-2013 07:14 AM
واعتذر قائد الطائرة -حسب والي الخرطوم لصعوبة الهبوط
يا قائد الطائرة كان تنزل بيهم فى البحر و الشعب السودانى يضمن ليك الجنة يعنى كنت حتكون اول شهيد حقيق فى زمن الانقاذ عليك الله يا سواق الطائرة المرة الجاية ترميهم من فوق


#738322 [بت حبوبتها]
5.00/5 (3 صوت)

08-06-2013 06:53 AM
*** منقول ***

ريس البلد وينو
لا بان ولا طله
لا جانا يتفقد
لا زارنا في الحله
لا شاف وقع كم بيت
لا جاب طحين لا زيت
لا كفن الميتين
الماتو جوا السيل
لا جابلو طوريا
ساعدنا شد الحيل
وأصبحنا نص الليل
ما جانا منك زول
ولا طله منك زول
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين
لاك البفرج الهم
ولاك العلينا أمين
ولاك البجير مظلوم
ساعة تدوربو سنين
لا بتنجد المسكين
لاك العلينا حنين
هسه أكان تصويت
أو حتى انتخابات
كان جيتنا تترقص
تقدل مع الخايبات
خاميها مليارات
وراكبها عربيات
وعاديها سفريات
عصابة شلليات
ونحن لينا الله
عادنها بس بكيات
لا علاج ولاتعليم
لا سكنه زي الناس
أحلامنا زي ركشات
وساكانا دوم كشات
لا قروش ولا كاشات
شعبك مرق بلبوص
لا خلقه لا أخلاق
لا عمه لا مركوب
لا لحمة لا طايوق
شعبك مرق ماينص
وحشاهو دوم محروق
صابر وعايش الويل
ما نصو في الغربة
والباقي شالو السيل ,. !!
ريس البلد وينو
لا بان ولا طله
لا جانا يتفقد
لا زارنا في الحله
لا شاف وقع كم بيت
لا جاب طحين لا زيت
لا كفن الميتين
الماتو جوا السيل
لا جابلو طوريا
ساعدنا شد الحيل
وأصبحنا نص الليل
ما جانا منك زول
ولا طله منك زول
فاطر في كافوري
وشعبك فطورو أنين
نايم وتتقلب
وشفع كتار صاحيين
متوسد الموكيت
وشعبك رقد في الطين
لاك البفرج الهم
ولاك العلينا أمين
ولاك البجير مظلوم
ساعة تدوربو سنين
لا بتنجد المسكين
لاك العلينا حنين
هسه أكان تصويت
أو حتى انتخابات
كان جيتنا تترقص
تقدل مع الخايبات
خاميها مليارات
وراكبها عربيات
وعاديها سفريات
عصابة شلليات
ونحن لينا الله
عادنها بس بكيات
لا علاج ولاتعليم
لا سكنه زي الناس
أحلامنا زي ركشات
وساكانا دوم كشات
لا قروش ولا كاشات
شعبك مرق بلبوص
لا خلقه لا أخلاق
لا عمه لا مركوب
لا لحمة لا طايوق
شعبك مرق ماينص
وحشاهو دوم محروق
صابر وعايش الويل
ما نصو في الغربة
والباقي شالو السيل ,. !!


#738315 [الفنجري المعارض العقلاني]
3.00/5 (2 صوت)

08-06-2013 06:33 AM
كل ما اقرأ تعليقات المعارضين في اي موضوع اتذكر قصة جحا وابنه والحمار.....يعني الله يكون في العون


#738312 [خالد حسن]
4.38/5 (4 صوت)

08-06-2013 06:26 AM
يعني هو كان مركب الطياره دي بتجيه اكوله!
طردوه السعودين قال يركب طياره ويعمل فيها مهتم بشئون العباد؟
كان ممكن نصدقك ياكذوب لو جولتك حات قبل سفرك للملالي
وبعدين وجه سيادته وامر سيادته دي بنسمععا 24 سنه والمحصله صفر كبير
يعني القصه كلها ( شو) بعد هجوم المعارضه ليه واتهامه بانه غير مسئول
قوم لف انت والدجال الخضر وكل حومتك الكيزانيه


#738311 [سايكو]
4.50/5 (3 صوت)

08-06-2013 06:22 AM
عيني عليكم بارده قاعدين زي البغأل مصرصرين وشوشكم
بلا وجه سيادته بلا قرف معاكم ، انزلوا للناس و اي واحد فيكم يكرب صلبه و يشيل ليه طوريه و لا بطاطين و لا اغذيه و لا خيم للناس الافترشت الشأرع دي ، لكن انتوا قلوبكم ماتت و عفنت من اكل الحرم و مص الدماء ما بتحسوا و لا عمركم حتحسوا بالام الناس و اوجأعهم .
الله ينتقم منكم و يورينا فيكم يوم .


#738289 [شلخو]
5.00/5 (10 صوت)

08-06-2013 05:00 AM
عليكم الله شوفو جنس التفرشخ والجوطه دي ،،.هسع عليكم الله ده قعاد مسؤلين ياخي ديل قاعدين في مروحيه ولا في سوق الناقه راجين كبدة الابل ،. ان كان الواحد قعاده ومشيه جايط معناهو مخه زاته جايط،


ردود على شلخو
[سوداني بعيييييد] 08-06-2013 01:54 PM
هههههههههههه .. و الله ملاحظة تشكر عليها.

United States [كوكاب] 08-06-2013 10:43 AM
والله انا بقرأ في الموضوع وكنت عايز اكتب نفس التعليق لكنك سبقتني بالله ديل رجال دولة ؟ الواحد ما عندو اتيكيت حتى في الجلوس في مقاعد الطائرات وكذلك في مكاتبهم يا خي الواحد فيهم ماعندو هيبة وشغلهم كله كيري في كيري ديل يا خي متعودين على ركوب الحمير وفجأة كدة الواحد لقى نفسه بيركب طيارة الواحد متشتح التقول عندو كوكة وطالما بيحكوموك ناس زي ديل البلد لازم ترجع لي ورا .


#738280 [فرقتنا]
4.04/5 (7 صوت)

08-06-2013 04:34 AM
ممممم ممممم اعتذر ومن وين اجيب ليك العذر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة