الأخبار
أخبار إقليمية
الصوارمي : إشتباك بين دوريتين سودانية وجنوب سودانية بمنطقة هجليج
الصوارمي : إشتباك بين دوريتين سودانية وجنوب سودانية بمنطقة هجليج
الصوارمي : إشتباك بين دوريتين سودانية وجنوب سودانية بمنطقة هجليج


فر أفراد الدورية الجنوب سودانية إلى داخل حدودهم
08-06-2013 03:47 AM
(سونا)صرح العقيد الصوارمي خالد سعد الناطق الرسمي باسم القوات المسلحة لوكالة السودان للأنباء أنه وفي تمام الساعة الثالثة من بعد ظهر امس الإثنين الخامس من أغسطس 2013م تسللت دورية من دولة جنوب السودان إلى داخل حدودنا بموقع التشوين على بعد عدة كيلومترات داخل أراضينا بمنطقة هجليج .
واضاف الصوارمي أن دورية تتبع للقوات المسلحة تصدت لهذه الدورية واشتبكت معها مما أدى لاستشهاد أحد أفرادنا وجرح اثنين فيما فر أفراد الدورية الجنوب سودانية إلى داخل حدودهم .
وقال إنه تم احتواء الموقف من قبل قيادة الطرفين والأحوال الآن مستقرة .


تعليقات 15 | إهداء 0 | زيارات 11067

التعليقات
#739145 [ضبانة الصباح]
0.00/5 (0 صوت)

08-07-2013 04:39 AM
"وقال إنه تم احتواء الموقف من قبل قيادة الطرفين والأحوال الآن مستقرة" .
يا جبناء يا خونة المات حتطلعو ليهو دية و لا نحتسبه شهيد في سبيل الله ؟؟
ياااخي الناس في الجاهلية بدفعو ديات القتلي
الله يرحم رجال الجيش زمان يقوليك الضابط دا مااالي قاشو


#739068 [sanmka]
0.00/5 (0 صوت)

08-07-2013 12:46 AM
يا ربي لو الإنقاذ دي سقطت ما برجع لينا جنوبنا تاي،،،، قادر علي كل شئ


#738914 [وداباشا]
0.00/5 (0 صوت)

08-06-2013 08:27 PM
الدوية دى يعنى ضربتكم وقتلت وجرحت افردكم واخيرا رجعت لقواعدها سااااااالمة هنا يكمن ضعفكم وبالتالى ضعف حراسة الحدود والمناطق الاستراتجيةوهذ دليل كافى ان البلد ليس لديها جيش قوى قادر على حماية الوطن رحم الله الجيش السودانى والوطن السائب للطامعين والقادم انكأ وامر اذا ظل حالكم هكذا يا قادة الصوارمى


#738843 [صالة المغادرة]
4.00/5 (3 صوت)

08-06-2013 05:51 PM
الطفل المعجزة مصطفى عثمان اسماعيل قبل يومين قال لينا فى كسلا الجيش السودانى يعتبر من افضل الجيوش على مستوى القارة الافريقية يحرق دمكم ويكتر همكم ياعديمى الحياء انت جيت كسلا عايز تعمل استنفار وتقول جيشك افضل جيش طيب الحصل فى ام روابة وهجليج وابوكرشولا ده كان رقصة كمبلا


#738753 [صابر]
5.00/5 (1 صوت)

08-06-2013 03:39 PM
طيب يا الصحاف في داعي للبيان دا طالما تم احتواء الموقف من قبل البلدين
بعدين الجماعة الفرو ودخلو حدودهم ديل قتلوا وجرحوا وعادوا سالمين
شوق ليك شي تاني يا "علج"


#738686 [كنى]
0.00/5 (0 صوت)

08-06-2013 02:47 PM
مسكين المات


ردود على كنى
[علي تكنة] 08-06-2013 05:20 PM
والله مسكين يا اخي السوداني اكثر الشعوب موتا بدون اسباب


#738635 [أبوذر الغفاري]
5.00/5 (1 صوت)

08-06-2013 01:40 PM
واضاف الصوارمي أن دورية تتبع للقوات المسلحة تصدت لهذه الدورية واشتبكت معها مما أدى لاستشهاد أحد أفرادنا وجرح اثنين فيما فر أفراد الدورية الجنوب سودانية إلى داخل حدودهم .
واضح كذب الصوارمي في هذه الفقرة:45
كيف دورية تهاجم الحدود وتقتل وتجرح وفي الآخر تقوم بالفرار


#738628 [hesham]
0.00/5 (0 صوت)

08-06-2013 01:30 PM
واللة عيب وحقير من يعلق لاننا صرنا بسبب هذا المثلث القذر اضحوكة ومهزلة عرمان عقار الحلو


#738526 [sami]
5.00/5 (5 صوت)

08-06-2013 12:11 PM
تعرف ياصريمة العجل.لما تقول استشهد واجد وجرح واحد انحن طواى بضرب فى 15 لانه لا يمكن ان تقول حقيقة يعنى ماتوا 15 وليس استشهدوا لان الشهادة لا يعلمها الا الله.. ممكن تقول نحتسبه شهيدا عند الله.. بعدين ممكن لما مات اكون شايل بضاعة عشان ابعيها فى الجنوب ..ممكن ناهب فلوس ممكن مات سكران ممكن حاجات كتيرة..بعدين هم اصلا مش بحاربوا من اجل الوطن ..بحاربوا لحماية اسيادهم فى كافورى والمنشية لا اعتقد هنالك شهادة


#738429 [ابو الافكار]
2.00/5 (1 صوت)

08-06-2013 10:47 AM
اتنمي من الله ان تكون الحادثة قضاء وقدر وامتحان


#738422 [Sudani]
4.50/5 (2 صوت)

08-06-2013 10:35 AM
استوقفتني جملة "استشهاد احد افرادها" وكأن الرجل الذي استشهد مجرد رقم في دفتر حسابات الانقاذ المليء بمثل هكذا مظالم يبكي لها الصخر. فيا صوارمي فانه في عيون اهل ذلك المغفور له باذن الله, فكانما ماتت الدنيا كلها. فقل خيرا مما قلت او أسكت


#738421 [زاهراحمد]
4.25/5 (3 صوت)

08-06-2013 10:33 AM
الصوارمى انا اشفق علىك وانت تك\ب صباح مسا واعلم انك تعانى وتشعر بالخزى


#738399 [lwlawa]
4.75/5 (5 صوت)

08-06-2013 10:00 AM
آآآآآآآآآآآآها الكضاب داير يصرف الناس عن الكوارث والمهازل النازلة في السودان اليومين ديل ويعيد اسطوانة هجليج وما ادراك ما هجليج..؟؟..الا تخشى مصير محمود الكذاب ..؟؟


#738393 [موسى عثمان]
5.00/5 (4 صوت)

08-06-2013 09:53 AM
عليكم الله هل عندكم جيش لماذا لم تهاجموا اماكن جبهة الثورة

بس تقولوا قمنا بصد المتمردين يوم واحد عاوز اسمع هاجمتم

المتمردين


#738387 [salah]
4.50/5 (3 صوت)

08-06-2013 09:44 AM
والمات ده مات فطيس طبعا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة