الأخبار
أخبار إقليمية
حزب الترابي : البشير صب جام غضبه على قيادات من حزبه بعد إعادته من أجواء السعودية..لاسبيل لتفاهمات مع حزب البشير.
حزب الترابي : البشير صب جام غضبه على قيادات من حزبه بعد إعادته من أجواء السعودية..لاسبيل لتفاهمات مع حزب البشير.
حزب الترابي : البشير صب جام غضبه على قيادات من حزبه بعد إعادته من أجواء السعودية..لاسبيل لتفاهمات مع حزب البشير.


08-10-2013 02:09 AM
خالد آدم إسحق

في معائدة لاعضاء حزب المؤتمر الشعبي وقيادات الحزب والسفراء والدبلوماسين وقيادات الاحزاب السياسية المعارضة بمنزل الامين العام للحزب د.حسن الترابي .ثاني أيام عيدالفطر المبارك،ونسبة للشكوك والشبهات التي تحوم حول مشاركة الشعبي للسلطة مجددا خاصة بعد اللقاءات التي جمعت د.الترابي والبشير،وماتناقلتة وسائل الإعلام بإقتراب ولوج د/علي الحاج محمد للقصر الجمهوري نائبا أول لرئيس الجمهورية متبوعا بالتصريح الذي نقل من الترابي حول شخصية البشير ووصفه له بالمتدين، وان البشير لم يكن سببا في أختلافات الإسلاميين ،تدافع كثير من المهتمين بالشأن السياسي ووكالات الأنباء الأجنبية والمحلية متمثلة في قناة الشروق الفضائية التي قامت بنقل الحدث وتصريحات مسئولي الحزب والله أعلم إن يتم بث التصريح أم سيقتطع ما يزعج النظام؟

بحضور قيادات من حزب الأمة عبدالمحمود أبو وشباب من منظمات المجتمع المدني والصحفيين إبتدر الامين السياسي للمؤتمر الشعبي الحديث والذي تمحور في 3 بنود ومرتكزات إختارها بعناية للأسباب التالية؟

‏1/إنزعاج عضوية الحزب من تصريحات الامين العام حول وصف الرئيس بالتدين
‏2/موضوع مشاركة علي الحاج للسلطة ،زيارات البشير وعلي عثمان لمنزل الترابي وإن كان قادة الحزب يبررون ان هذا الأمر لايخرج عن الأطارالإجتماعي الإ أنه خلق عدم ترحيب من عضوية الحزب لتخوفهم من قرارات امين الحزب حول مشاركتة السلطة مع المؤتمر الوطني مستصحبين تصريحاً لة يوصف حزبه بالفوقي حيث تواجدت قيادات إتحادية وولائية بينما يعاني حزبه ضعفا من ناحية القواعد؟

‏ لذا جاء حديث الأمين السياسي للحزب الأستاذ كمال عمرعبدالسلام مطمئنا أعضاء حزبه والشارع السوداني ولعل ماجاء في خطابه من نقاط كانت بالغة الأهمية للإفصاح عن رؤية الحزب حول دعوة الرئيس بإيجاد حلول لكافة المشاكل التي تواجة البلاد وايجاد صيغ توافقية تستوعب كافة الاحزاب المعارضة ،جاء خطاب كمال عمر كالآتي:

‏1/إجتماعات الهئية القيادية للحزب قررت وبالإجماع في المضي قدما تجاه إسقاط النظام وهو قرار غير قابل للمساومة ولن يحيد الحزب عنة،وما أشيع من أخبار لم تخرج من دسائس الأجهزة الأمنية لكي تحدث إنشقاقا في حزبه وتحالفاته مع احزاب قوي الإجماع الوطني.

‏2/مانقل عن الترابي بوصف البشير بالمتدين،جزم كمال عمر ان الترابي لايمكن لة أن يذكر هذا اللفظ قط،طالما أن الرئيس بنفسة صرح بأن القتلي الذين قضوا في حرب دارفور10000شخص؟ بينما تشير التقديرات ان الضحايا تجاوز 500000 شخص ،خلاف ضحايا حروب جبال النوبة والنيل الأزرق وخلافه؟

‏3/وحول ما تردد من أنباء تفيد بمشاركة علي الحاج طمأن كمال أنصار حزبه والقوي السياسية أنه علي تواصل دوما مع علي الحاج وقد أكد له بعد أن راجت أخبار مشاركته انه لو يود مشاركة الإنقاذ لما ظل لأكثرمن 13عاما متغربا في المانيا؟وبالرغم من تأكيد الاستاذ كمال عمر وقناعته التي لاتتزحزح حول شخص علي الحاج إلا أنة أراد أن يطمئن الجميع بأن لا مشاركة تجمع علي الحاج مجددا مع الإنقاذ؟

‏4/تناول كمال عمر خطة ال100 يوم التي تبنتها أحزاب المعارضة المنضوية تحت تحالف قوي الإجماع الوطني ،وطالب عضويته بالأستعداد للإستحقاق الأخير،المتمثل في الخروج الي الشارع والانتفاضة والإعتصام حتي إسقاط النظام؟

‏5/تناول كمال عمر حادثة إرجاع طائرة رئيس الجمهورية وعدم السماح لها بعبور المجال الجوي للمملكة العربية السعودية. وأشار الاستاذ الي ان رئيس الجمهورية صب جام غضبه علي قياداته التي وبدون وعي منها أو خطوات مقصوده تهدف لإحراجة ،مماجعلهم يتبرأون من أخطاءهم،وحاولوا إيجاد مايبرر فعلتهم لكن باءت محاولاتهم بالفشل؟

‏6/إستهجن كمال خطوة رئيس الجمهورية بالسفر الي طهران لتنصيب رئيس جديد بينما البلاد موبوءة بكوارث السيول والفيضانات؟

‏-من خلال ماتناولة الشعبي في صبيحة أمس تصبح صفحة مشاركة الشعبي للمؤتمر الوطني للسلطة قد طويت الي مالا رجعة، ان لاسبيل من تقاهمات مع الوطني الإ من خلال حكومة قومية تتشارك فيها كافة الأحزاب لتضع دستورا يلبي تطلعات الشعب السوداني .والأ فلينتظر المؤتمرالوطني ثورة شعبية تقتلعة إقتلاعا؟


تعليقات 26 | إهداء 0 | زيارات 23389

التعليقات
#741529 [وقاص]
0.00/5 (0 صوت)

08-11-2013 07:17 PM
مره تانية يا الترابي عايز تجي تركب الموجه وتعذبنا بس المشكله بتاعتك المره دي بتجاهد الناس عرفت مكنتك ماتخجل من نفسك ولا حتى تخاف من ربك والله الشعب السوداني ده الماسكوا منك المؤتمر الوطني ده اول ثورة تقوم وتنجح ان شاء الله المشنقة بتاعك جاهزه .اياكم تقولوا ليا اقسائي لانو الراجل ده خلاص فى الشيخوخهعشان مايخرب لينا الثوره اليكم الله وكل سنة وانتم طيبين


#741512 [كلام]
0.00/5 (0 صوت)

08-11-2013 06:54 PM
عرفنا الترابي وعرفنا على الحاج.. من هو كمال هذا؟؟!! الكمال لله


#741429 [ود دنقلا]
1.00/5 (1 صوت)

08-11-2013 04:13 PM
الثورة الحقيقية القادمة يجب أن خالية تماما من نجس المؤتمر الشعبى الذى كان جزء من اداة البطش والظلم والفساد..الثورة التى سيفجرها شرفاء السودان لا يمكن ان تسمح لهؤلاء يركوب الموجة مجددا..القصاص القصاص القصاص من الترابى وأزلامه هم من ضمن متطلبات الطوفان القادم


#741380 [عوض والعوض علي الله]
0.00/5 (0 صوت)

08-11-2013 02:57 PM
تجونا انتو تأأأأأأأأأأأأأأأأأأني يناس الشعبي يعني زي مابقولوا المصريين نقوم من حفرة نقع في دحدير
بلا يخم المؤتمريين الوطني والشعبي ويخم الشعب السوداني إن لم يجعلكم عبرة وفي مزبلة التاريخ


#741347 [المشتهي الكمونية]
3.50/5 (2 صوت)

08-11-2013 02:14 PM
بالله دا رئيس نرجا منه خير
شوف كيف جضومو وتلاليشو وراسو الكبير وفاضي ، مظهره يدل على الغباء والعبط والبلادة والعوارة وهو يجسد بجدارة كل الأسماء التي تطلق عليه - الحمار ، التور أبجاعورة ، الورل ، النعجة ، الكبش ، التنبل وشنو تاني يا قراء الراكوبة
هذا المخلوق ما هو إلا نكبة ومصيبة وإبتلاء من الخالق عز وجل ، نسأل الله أن يورده مورد الهلاك ويريحنا من عبطه وعوارتو


ردود على المشتهي الكمونية
United States [قلاجى] 08-11-2013 11:16 PM
مواصله٠٠ تور الانقاذ الهائج,عمر بنقو,الاكتع(مسلسل طريد العداله)

[أبو جسار] 08-11-2013 06:56 PM
ما يجعلنى مستغربا فى هذا الـ كل ما زكرت !؟
كونه الآن ؟
فى شبر موية غرقان !!! وما زلنا نسمعه يجعر .....


#741331 [العوض نميري]
0.00/5 (0 صوت)

08-11-2013 01:51 PM
لا بد من حوار واسع المدى ناصع الشفافية ! ولتكن هذه هي الفرصة الأخيرة لكي يلتئم شمل الوطن فالكلام الذي صرف خلال الفترة من 1989 والى الآن لو كان حوارا جادا لقفذ السودان الى ذرى المجد لما يحتويه من كفاءات كاملة الدسم ولكن حظ النفس دائما يحول بين ذلك فلا بد من التجرد لكي تلتئم جروح الوطن الذي ما جنى عليه الا أبناؤه فهل يتعظ الجميع ويتواضعوا على أن الوطن يحتاج لهم جميعا :

تأبى الرماح اذا اجتمعن تكسرا واذا افترقن تكسرت آحادا

الله أعلم بالصواب وهذا مجرد اجتهاد.


#741194 [abu nour]
5.00/5 (1 صوت)

08-11-2013 10:17 AM
يا ناس الراكوبة انتو السودان دى ما ول غير الناس المكررة دى ولى متين ححنعيش مشردين كدة انا لى ١٥ سنة من السودان مع العلم ان عمرى٣٧سنة دى ازمة بتواجة ايل باكملو انا عارف دى ماموضوعكم لكن شوفوا لينا حل


#741171 [abu nour]
5.00/5 (1 صوت)

08-11-2013 09:25 AM
يا جاعة مافى زول مختلف فى فساد الحكومة لكن المشكلة ما بقت فى فسا د الحكومة بس امشكلة طالة المواطن السووداني بفضل اسموم التى ابتدعها الو طنى وشعبى قبيل مجهم للسلطة الناس الزول الحرامى ولا المرتشى ما بسمحو لية ادفع فى كشف البكى ولا العرس هس الناس عارف انك حرامى ومرتشى بقولو ماشاء اللة الصورة دى لو ما اتغيرة عمر السودان ما ابقى بلد


#741072 [ودالعقاب]
0.00/5 (0 صوت)

08-11-2013 12:28 AM
نسأل الله ان يجمع بينهم على خير وذلك مصلحة السودان .


ردود على ودالعقاب
United States [ديموقراطية] 08-11-2013 03:30 PM
ربنا يجمعهم في السجن ومن ثم في جهنم


#741068 [sudai]
0.00/5 (0 صوت)

08-11-2013 12:18 AM
الناس تغرف مويه ولا تطلع الشارع و الله م عارفين يعملوا شنو
بعدين المشطله في البلد م مشكلة جزب او جبه سياسيه المشكله مشكله انسان قام علي الطمع و اتربي عليهو ,احنا الؤاخرنا شنو غير الاحزاب و عدم توالف الاراي ,,,,, بعدين مع احترامي الشديد متين كان الترابي محضر خير و لا الشعبي ولا الامه وغيرها من الاحزاب زات قرار ..افتكر قييل فتره و في ميدان الجنزير الاحزاب خزلت الشعب . حقو الناس توعي و تكون كتله واحده وتنظر لمستقبل البلد وتخلي الكمع و الجشع


#741007 [سوداني والسلام]
5.00/5 (1 صوت)

08-10-2013 09:35 PM
الواحد بتمنى دأيمأ ولدو بس يكون احسن منو علشان كده الصاشدق والميرغني اولادم بقو مستشارين للبشكير والترابي طمعان هو زأتو الله يقلعكم كلكم انتو قايلين الدنيأ دي انتو مخلدين فيها ...


#740932 [ردود على كليحة]
5.00/5 (1 صوت)

08-10-2013 06:19 PM
(ودالباشا) وافرض قول ناؤا بانفسهم حتى شيعت الانقاذ اها يعنى شنو كلامك دا خلاص كفروا عن سيئاتهم وتنسى اخطاؤهم وصافي لبن دا ذاتو المخلى السياسة فى السودان لها وجوه لا تتغير ورغم انها شاخت الا انه تكرر نفسها نصف قرن من الزمان وهذا التفكير يا كليحة هو الخلى الحرامية يتمادوا حتى بعد الانقاذ الاجناس


ردود على ردود على كليحة
European Union [كلحية] 08-10-2013 10:26 PM
الأخ ود الباشا: كل عام وأنت بخير . أنا ما قصدت على الإطلاق " عفا الله عما سلف " ! كما فهمت أنت . إن جرائم القتل والتعذيب والبطش وبيوت الأشباح ونهب المال العام وإمتلاك القصور والبيوت والمزارع والشركات والأموال المحفوظة فى بنوك الخارج نعرف أماكنها، وتشريد الناس تحت طائلة الصالح العام ، تظل قائمة ولا تسقط بالتقادم حتى يقتص منهم شعب السودان عند ساعة الحساب . إطمئن يا أخى نحن جزء من رصد كل فساد الإنقاذ ومتابعته فى الداخل والخارج . فقط أسال الله أن يمد فى أيامنا حتى نرى ونعيش تجربة سقوط الإنقاذ المدوي .


#740882 [ود الاسكافي]
5.00/5 (1 صوت)

08-10-2013 04:06 PM
الكل في انتظار الخروج للشارع والاعتصامات ..الكل في انتظار صفارة البداية..اقوي ان شاء الله من ميدان التحرير ومن تمرد ولا تقل عن رابعة العدوية والنهضة..اقرنوا القول بالعمل يا اهل السودان..


#740873 [ودالبلد]
5.00/5 (3 صوت)

08-10-2013 03:48 PM
نحن حياتنا كلها نقعد نقضيها مع الكيزان الزبالة ديل ؟؟ الشعب السوداني خلاص قرر واتخذ قراره : لا كيزان ، لا جبهة من وثني وشعبي بعد اليوم ،، كلهم للمحاكمة من ما اقترفوا من جرائم تجاه الوطن والمواطن وعلى رأسهم البشير ، وكفى .


#740838 [كلحية]
4.00/5 (1 صوت)

08-10-2013 02:25 PM
لو أراد المؤتمر الشعبى أن يعود الى مزبلة التاريخ ثانية ، أن يشترك فى حكومة الإنقاذ وهى تلفظ أنفاسها . لو كانوا حريصين على أن يكونوا جزءاً من المكونات السياسية بعد الإنقاذ، فهذه فرصة تاريخية ليكفروا عن إخطاءهم المأساوية فى قيام الإنقاذ وما جلبته على السودان وأهله من مآسى ودمار يعرفونها أكثر من غيرهم ، أن ينأوا بأنفسهم عن دعم الإنقاذ فى هذه المرحلة التى يجري فيها الإعداد لمراسم تشييعها ثم دفنها .


#740819 [تينا]
4.75/5 (5 صوت)

08-10-2013 01:52 PM
يا كمال عمر كرهتنا كل شويه طالع لينا بيكلام وعاملين لينا فيها انكم ما دايرين ناس الوطنى وووو وانتو زاتكم حلاتكم شنو وفرقكم منهم شنو والاحنا فيهو دا سببو منو انتو الاثنين دا يطقو بيهو دا اختونا بس


#740809 [مواراباتي]
5.00/5 (5 صوت)

08-10-2013 01:30 PM
كل شيي في السياسة جائز...وما تنخدعوا بالشعارات البراقة...الشعبي والوطني ..احمد وحاج احمد....وكلهم ضاقوا طعم السلطة (بالضمة) اما المباديء فكلها شعارات زائفة...وعن باقي الأحزاب العلمانية والاسلامية(يساريين-طائفيين-سلفيين) فهم جميعا انتهازيون فاسدون دمويون واذا ما مصدقني انظروا لمواقفهم المؤيدة او السلبية تجاه الانقلاب الكارثي في مصر على ارادة شعبية جاءت بقواعد لعبة متفق عليها....زائدا ذلك مواقفهم الانتهازية المخزيةعبر التاريخ (حل الحزب الشيوعي -اغتيال محمود محمد طه- حرب الجنوب..الخ) وعبر الحكم والسلطة اللى اخذوا حظهم منها جميعا وباءوا بالفشل بعد ما خربوا البلاد وشردوا العباد...بأختصار يا جماعة الخير لازم نشوف لينا طريق جديد يسلكه فقط من لم يتلوث بهذه اللوثة المسماة احزاب الاجماع الوطني او المؤتمر الوطني (الاتحاد الاشتركي نمبر تو) او كل من فتح الله علية بالبصيرة واراه الحق حقا وتاب من تبعية وغواية غزيةويريد الخير لبلاده بطرد هذه الآفة الحزبية البائسة من مستقبل السودان الذي سيقوم على العدل والحرية وكرامة الانسان وتداول السلطة والشفافية وحكم القانون واعلاء قيم العلم والبحت وحرية العقيدة والضمير والتفكير واستغلال الموارد والمساواة والمشاركة والوحدة الطوعية بين ارجاء الوطن ورعاية التنوع الثقافي والعرقي والديني ورعاية علاقات دولية ترسخ السيادة الوطنية وتضمن مصالح الشعوب والدول وتعاونا في قضايا التنمية والتكنلوجيا... وصياغة دستور يؤكد هذه المعاني. وانا شخصيا تائب من حزبي (احمد وحاج احمد) وكفارتي للشعب السوداني انني لم اسرق ولم اقتل ولم انهب ولم اتولى منصبا غير انني ايدت هذ المسخ الشائه اللي اسمه الانقاذ يوما من الايام واكيد في زيي كتيرين....


#740769 [عادل الامين]
5.00/5 (4 صوت)

08-10-2013 11:53 AM
اعادة التدوير مستمرة


#740729 [فتفت]
2.00/5 (1 صوت)

08-10-2013 10:42 AM
دي فكرة جيدة على حسب رأي الشخصى بأن يكون علي الحاج أو اترابي شخصيا نائبا للرئيس ولماذ التعصب ازائد يا د.عمرولو استمر الحال بهذا الحال والله نصير اسوأ من الصومال لذلك لابد من ترك الماضي الاليم جانباونخطط للجاي


ردود على فتفت
United States [المتعافي بياع الكرتة] 08-10-2013 05:19 PM
أم فتفت دي ظاهر عليها بايتة

European Union [Sando] 08-10-2013 12:31 PM
صحيح فتفت الله يجيب ليك عقلك

European Union [خالد حسن] 08-10-2013 11:34 AM
هو البلد دي انتو وارثنها عشان تتبادلوا فينا من وطني لي شعبي؟
الله يحرقهم الاتنين بلا مشروع اسلاموي بلابطيخ
بعد الانقاذ باذن الله شيخكم ده بنحرقه في الساحه الخضرا ومعاه المخنثين اتباعه
ديمقراطيه وعلمانيه وان طال السفر
لا للاحزاب الدينيه
لالحكم العسكر الفاشلين


#740712 [صارم بتار]
5.00/5 (5 صوت)

08-10-2013 09:43 AM
وهل ينتظر (الوثني) غير ثورة تقتلعه اقتلاعا؟؟!!!!!!!!


#740704 [fato]
5.00/5 (5 صوت)

08-10-2013 09:25 AM
لا أثق في الترابي وأنصاره كما لاأثق في المهدي ﻷنهم كل يوم لهم رأي.أري أن لا يركن الشعب للتصريحات المتضاربة وتبديل المواقف من حين لاخر من هذين الحزبين ﻷنهم أس بلاء السودان.الثورة لابد من أن يقوم بها الجوعي والمرضي ومشردي الحروب والسيول والمنكوبين في معاشهم ولنترك دعاة التنظير والتخذيل.النظام الان يلفظ أنفاسه اﻷخيرة ولابد للشعب التحرك للأجهاز عليه.


#740691 [د.حميد قنيب]
5.00/5 (4 صوت)

08-10-2013 08:02 AM
ياناس الراكوبة ما فى داعي للكلام الكثير الناس ديل راجعين لبعض واذكان عند النظام ادني فكرة في توسيع المشاركة فالشعبى اولى والمثل يقول جحا اولى بلحم ثوره عشان كده لاتستغربوا لودخل على الحاج وكمال عمر ده اتحداكم لو ما لقيتوه اول وزير ديل يحبون المال والسلطة حبا جما


#740688 [السودانى]
5.00/5 (7 صوت)

08-10-2013 07:55 AM
الترابى هو من سرق الدمقرطيه من السودان ثم شارك فى حكم البلادقرابة العشره سنوات ومعه حزبه الفاشل لكن الزمن لايرحم الترابى وهذه الحكومه هى من زرع الترابى وهذا الرجل لا يرجى منه خير هو وحزبه المنشق المؤتمر اكان وطنى او شعبى


ردود على السودانى
United States [abu nour] 08-11-2013 09:28 AM
انت الغالطك نو


#740685 [الجعلي الفالصو]
5.00/5 (7 صوت)

08-10-2013 07:38 AM
كلكم زمرة واحدة لا خلاق لكم وﻻ ذمة تربيتم على الكذب والخداع عبر اتحادات الطﻻب الماسونية وهي عقليتكم التي أدرتم بها البلاد عندما كنتم على قلب رجل واحد وتديرون بها الخصام عندما اختلفتم وتفرقتم أيدي سبأ فلا خير رأيناه منكم وأنتم في الحكم وﻻ خير نرجو وأنتم في المعارضة


#740655 [ehsan salih]
4.75/5 (5 صوت)

08-10-2013 05:09 AM
هل يتذكر الناس هذه الأغنية أو الغلوتية من زمن الطفولة
ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا ممن سرقوا أنا سرقوا هذا سرقوا هذا سرقوا.
إلى أن يصيبنا التعب فنذهب بيوتنا فى المغارب و نغرق فى النوم من التعب ما أشبه ألعاب الأطفال بما يفعله الحكام.اليوم.


#740644 [ود الباشا]
5.00/5 (6 صوت)

08-10-2013 04:08 AM
انتوا ماكنتوا احد زمور هذا النظام بل انتوا مهندسى الانقلاب بعد المفاصلة وشاتوكم من السلطة بقيتوا معارضة وكأنكم لم تكونوا شركاء وقتذاك كلكم قلوبكم للسلطة ولاخير فيكم بالذات انتم ابناء هذا الترابى وكما قلت انت الاقتلاع لكم جميعا


ردود على ود الباشا
United States [خالدآدم اسحق] 08-10-2013 06:40 PM
ومن قال لك يا ود الباشا انني إبن الترابي،ولو كنت إبنة لذكرت أسمة مقرونا مع إسمي وإن كنت ماتقصدة للأنتماء السياسي فالقرآن يوضح ان تدعو الناس بآباءهم،ما أتناولة من حقائق بائنة ولم أتحيز او اتخندق الي الشعبي حتي تحكم بالأنتماء لة،الامانة تقتضي تناول الاحداث كما هي ولو كانت علي نفسك،شكرا لكل من إطلع وشارك بالتعليق،



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة