الأخبار
منوعات سودانية
معايدات السودانيين في مواقع التواصل الاجتماعي
معايدات السودانيين في مواقع التواصل الاجتماعي



يطحنهم الغلاء من كل جنب
08-10-2013 11:09 AM

الخرطوم: أحمد يونس
ليت «المتنبي» كان حاضرا هنا في الخرطوم صبيحة أول أيام عيد الفطر، ليعيد كتابة قصيدته «عيد بأي حال عدت يا عيد» من جديد. فالسخرية المريرة التي تحملها القصيدة لا تعد شيئا ذا بال إذا قيست بحال السودانيين في عيد هذا العام.

يطحنهم الغلاء الطاحن من كل جنب، وتهشم السيول والفيضانات البيوت، فحتى أطفال الأحياء الثرية يحسهم الناظر أقل فرحا من أعياد سابقة، أما أطفال الأحياء الفقيرة وتلك التي ضربها السيل، فحدث عن سعادتهم «بكل حرج».

بيد أن الفقر والحزن ليس وحده هو سيد الموقف، إذ أطل من الركام والخرائب «أمل»، شباب في عمر الورد ونشاط النحل، أحالوا العيد وأواخر الشهر الفضيل، لعمل طوعي من نوع جديد، واجهوا به الفشل الرسمي في مواجهة كارثة الأمطار الغزيرة والسيول التي اجتاحت أنحاء واسعة من البلاد، إنهم شباب «مبادرة نفير»، الذين تداعوا طوعا وأنجزوا عملا كبيرا في وقت وجيز، فكانوا نوارة العيد وفرحته التي أطلت بعد أن غابت شمس الأمل.

يحس المرء بمرارة عيد هذا العام لو نظر في وجوه أطفال «بلا منازل»، مثلما يحسها حين يتجول في مواقع التواصل الاجتماعي، التي شابت معايدات السودانيين لبعضهم فيها كثير من المرارة، وتحولت مواقع التواصل الاجتماعي «فيس بوك، و«تويتر»، منتديات السودانيين إلى أماكن يبث فيها الناس شكاواهم دون خوف من رقيب أو حسيب.

فصحافية السروال الشهيرة لبنى أحمد حسين أطلت من منفاها في كندا معايدة بقولها: «عيد مبارك للناس المتأثرين بالسيول والأمطار ربنا يجبر بخاطركم»..! فيما كتبت فايقة يس في صفحتها «العيد الجا للناس ما جانا»، وهي إعادة إنتاج لأغنية للمغني الأشهر محمد الأمين، تقول: «العيد الجاب الناس لينا ما جابك».

بينما بدا عضو المكتب التنفيذي لاتحاد الكتاب السودانيين راشد مصطفى بخيت، أكثر تشاؤما حين اكتفى بكتابة الحديث المنسوب للحسن البصري «كل عام ترذلون»، مجسدا بهذه الكلمات الثلاث قمة «السوداوية» التي تحيط بالناس هنا في الخرطوم.

أما الكاتب والناشط السياسي عبد الله رزق فاستعار أحد أدعية العيد السودانية، يقولون لبعضهم «الله يخدر ـ يخضر ـ ضراعك»، كناية عن توسيع الكسب، استعار الدعاء وأعاد إنتاجه ليخص الكاتبين: «ربنا يخدر كي بورداتكم»..! شباب «نفير»، والنفير تقليد طوعي في الريف السوداني يقوم على مساعدة أصحاب الحاجات بالعمل في مزارعهم، أو المشاركة في تشييد دورهم أو غيرها، وهي تقليد لربما سبق به السودانيون المنظمات الطوعية ومنظمات العمل المدني. وفور وقوع كارثة السيول والفيضانات التي وقعت الأسبوع الأخير من الشهر المبارك، تنادى شباب من مختلف الشرائح الاجتماعية والتخصصات المهنية والأعمار، ونظموا أنفسهم بسرعة قياسية في مبادرة أطلقوا عليها «نفير» مستهلين تراث النجدة السوداني، وكان أن قاموا بما فشلت الدولة بكل مؤسساتها، جمعوا الكساء والدواء والرواء للضحايا، لم يشغلهم عن ذلك صيام أو عيد.

ويعد كثيرون ولادة «مبادرة نفير»، ميلادا لأمل كاد السودانيون يفقدونه من سوء الحال الذي يعيشون.

ويجسد «جكسا لرصد الانتهاكات» هذا العجز الرسمي بنقله عن مساعد رئيس الجمهورية نافع علي نافع، ووالي الخرطوم عبد الرحمن الخضر دعوتهم لتخصيص «ساعة دعاء بعض صلاة العيد»، وبسخرية مريرة يصفها بـ«بلغ السيل الزبى».

لكن رغم مرارة الإحباط، فإن التغريدات التي «تأمل» الكثير من شباب نفير، تحيل الفضاء الإسفيري لبوابة قد يتسلل منها ضوء من نفق المعاناة، يقول فاروق فريد: «صحي القومة ليك يا بلد.. شباب نفير أنتم عيد هذا العام».

وبقالب مملوء بالأمل ينقل عارف الصاوي عن التشكيلي أيمن حسين قوله وهو يصف لأحدهم موقع «مبادرة نفير»: «لما توصل حي العمارات شارع 37 تلقى شباب زي النمل والنحل والورد، حتعرف المكان، تلقى ناس زيك كدا وبشبهوك خش عليهم طوالي».

ليت الفيضان كان وحده، فقد سبقه بوقت طويل إلى مكامن السعادة عند الناس «غول الغلاء»، فحول الأسواق إلى نيران تحرق كل شيء: «الجيوب الفارغة، المدخرات، وزينة النساء». ولخص حال السوق والناس رئيس حزب الأمة الصادق المهدي في خطبة العيد قال: «صارت المعيشة نار الله الموقدة، ولأسعار زادت

الشرق الاوسط



تعليقات 8 | إهداء 0 | زيارات 2432


التعليقات
#741414 United States [مطر الخير]
0.00/5 (0 صوت)

08-11-2013 02:41 PM
معليش ما بقدر ارد في نفس المكان الفات!!لكين
يا ود ابو زهانة تم تكذيب روايتك البتقول الحكومة طلبت من شباب نفير انو يسجلو منظمتهم (انتهي)



ابو المكارم انا لا من شباب الانقاذ ولا غيرو انا اسة بكتب بصفتي طالب ثانوي ولو النت موجود في الصومال ما اظن زي السودان قصدي الحكومة الانتو شمتانين فيها ياهو في زمنا انتو خشيتو النعم اسة انتو اي حاجة دايرين تستغلوها عشان تسقطو الحكومة ولا حاجة ما نافعة معاكم كان سلاح كان غلاء اسعار كان رفع الدعم عن المحروقات واسة يا ساتر المطر دايرين تهددو بيهو الحكومة غغغغغة


#741288 [radona]
0.00/5 (0 صوت)

08-11-2013 11:38 AM
بكل صدق وامانة
الحزن الصامت والبؤس الكالح كان يكسو وجوه الناس في العيد فقط انهم يشكون من الغلاء الطاحن وعدم مقدرة الكثيرين شراء ملابس جديدة لاطفالهم وكدلك خبيز العيد
على ايتها حال كان هدا حال السواد الاعظم من الناس


#741270 United States [المظلوم السوداني]
0.00/5 (0 صوت)

08-11-2013 11:20 AM
شكراً شباب نفير و الله يكتر من أمثالكم ..


#741094 United States [ود الامير]
5.00/5 (1 صوت)

08-11-2013 12:19 AM
هؤلاء الشباب اثيتوا عمليا انهم الاصلح لقيادة هذه الامة وبرهنو بأنهم ضميرها الصاحي يحسون باوجاعها ويتفانون في الذود عنها، وهذه بشرى سارة لمن تملكهم اليأس في غد افضل بأن هذا الشباب هو صاحب الحق الشرعي في قيادة هذه الامة، ونقول لكهنة السياسة واصنامها من جيل الثلاثينات والاربعينات سعيكم مشكور لكن آن الاوان ان تتقاعدوا وتتركو الامور لمن هو اقدر واكفأ ،


#741026 United States [مطر الخير]
5.00/5 (1 صوت)

08-10-2013 09:25 PM
يا ود ابو زهانة انا من شباب نفير وبي نفسي بساعد الناس وعندنا صفحاتنا في الفيسبوك والناس متفاعلين معانا حتي يوم العيد الكثير من ائمة المساجد حدثوا الناس مننا واعطوهم ارقام تلفوناتنا...الخ



اما السياسية فانا اكرهها بي سبب المعارضة واقول لو البشير برضو كان نزل للناس ديل وساعدهم وعمل اي حاجة ما كان بترضو عنو وبتشتمو وبتقولو نفاق سياسي وكدا



الدليلكل المعارضة مثلا شمتانة في الرئيس عمر البشير لانو بجامل شعبو في الافراح والاحزان ففي موت الفنانين والسياسين وغيؤهم نجده حضور حتي لمن توفي زعيم الحزب الشيوعي!!!
وفي الافراح يرقص ويعرض كانه واحد من العامة وليس رئيس ودي حاجة كويسة ودليل علبي امو اجتماعي بس اولاد البلد دي عاقين علي البلد

الكل رافع السلاح والكل مادي لسانو مترين



بالمناسبة طوالي لمن كان بتجينا مطرة الكهرباء كان بتقطع ههههههه هييع عمر البشير جاب ليكم الكهرباء وسد مروي والنت كمان لو ما كان جاب ليكم الكهرباء ما كان كل زي وجع يدينو في النت ويشمت في الحكومة وعندو الموبايل والموبايلين وبقول الشعب جعان


ردود على مطر الخير
[ديموقراطية] 08-11-2013 05:17 PM
كذاب كبير يا بو الامن ) وليس ابو الخير

United States [أوكامبو] 08-11-2013 04:01 PM
و الله الكهرباءو النت ما من أفضال عمر البشير و لا تبرع لينا بيها من ورثة المرحوم الباشا أبوه، الكهرباء دى حقت الشعب و بيدفع حقها مقدما قبل أن يستهلكها بغض النظر عن و جودها أو عدمها كمان ماتنسى إنو الناس إشتروا عدادات الدفع المقدم و فى نفس الوقت بيدفعوا عليها إيجار شهرى و دى مخالفة شرعية و إسمها أكل أموال الناس بالباطل دا لو كنتوا بتعرفوا الشريعة مش بس بتقشروا بيها مثل أى ثوب جميل و لا سيارة فارهة و النت برضو بندفع حقو و شركات الإتصالات مستفيدة منو و بتتسسابق فى تقديم العروض و الحكومة خزنتها مليانة من ضرائب شركات الإتصالات فبالله ما تمنوا على الشعب لأن كل شى فى البلد هو حق الشعب و خيره و المفروض البشير و حكومتة يكون خدممخلصين للشعب أولا حتى يرفعهم الشعب لمصاف السادة و يعترف بجمائلهم.

و سد مروى أيضا تم تشيده بالدين و اللى حيدفعوا الشعب و أبناء هذا الشعب فى المستقبل من قوته طبعا غير العمولات و السرقات و التى كانت الهدف الرئيسى من وراء تشيده لأن ناس الإنقاذ مستحيل يعملوا شى للبلد أو لوجه الله قبل ما يضمنوا الفائدة حقتهم و لو كنت لا تعرف فهى مصيبة و لو كنت تعرف فالمصيبة أعظم.

United States [ابوالمكارم] 08-11-2013 08:05 AM
ارجو ان تفهم انو النت فى الصومال موجود ودا ما العصر الحجرى وهنت البتطبل لى البشيىر ما بتشبه النفير البنعرفو قول انا من شباب الانقاذ...


#741020 United States [أوكامبو]
5.00/5 (1 صوت)

08-10-2013 09:06 PM
الصادق أولاده شركاء فى المنكر المتمثل بهذا النظام


#740824 [اسف يا سودان]
5.00/5 (1 صوت)

08-10-2013 01:03 PM
كلام كلو جميل بس الصادق الدخلو شنووو


#740805 United States [مطر الخير]
1.00/5 (1 صوت)

08-10-2013 12:14 PM
التحية لشباب نفير لانهم يساعدون الناس ولا يدخلون السياسة فيها اما بقية القرب الشمتانة في الحكومة امركم مضحك هههههه ما فضل الا تقولو للناس اخرجو لاسقاط النظام تبا لكم تتاجرون بمعاناة الناس
اما البقولو الاسواق غالية لكين الناس مالية الاسواق وبيشترو وما هاماها


ردود على مطر الخير
[ود ابو زهانة] 08-10-2013 07:46 PM
حكومتك حكومة الجن دى هددت شباب نفير بانهم ما مسجلين كمنظمة ولا يحق لهم العمل الانسانى الا بعد ان يسجلوا كمنظمة وفق قوانينهم .. انت قايل الناس نايمة ولا مسهية زيك .طالع الصحف ووسائل الاعلام لتعرف هذا. الانتهازيون مثلك هم من يزيفون الحقائق .. هؤلاء شباب هزتهم الفاجعة فهبوا لمساعدة اهلهم بينما رئيسكم ترك المنكوبين فى معاناتهم للسفر لتهنئة رئيس الشيعة الايرانية . انت من يحاول تسييس الامور وتتاجر بما ليس لك بينما شباب نفير هزتهم الفاجعة التى حلت بأهلهم وشتان مابين الموقفين .. حقيقة الاختشوا ماتوا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
10.00/10 (1 صوت)

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش





الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة