الأخبار
أخبار إقليمية
نداء اغاثة عاجل للسادة : الامين العام للامم المتحدة ،، رئيس الاتحاد الافريقي،، السادة الملوك والامراء والرؤساء والمنظمات
نداء اغاثة عاجل للسادة : الامين العام للامم المتحدة ،، رئيس الاتحاد الافريقي،، السادة الملوك والامراء والرؤساء والمنظمات
نداء اغاثة عاجل للسادة : الامين العام للامم المتحدة ،، رئيس الاتحاد الافريقي،، السادة الملوك والامراء والرؤساء والمنظمات


08-12-2013 12:02 PM


الامين العام لجامعة الدول العربية
رئيس الاتحاد الافريقي
السادة الملوك والامراء والرؤساء
المنظمات العامله في مجالات الاغاثة وحقوق الانسان
تحية طيبة
وبعد
لايخفى عليكم سؤ الاحوال والتردي المريع الذي حدث في مدن وقرى مختلفه من السودان ومع ذلك ترفض الحكومة السودانيه اعلان السودان منطقة كوارث, اخفاء لماء وجهها المراق سلفا وعدم استعدادها لتحمل أي تبعات كما درجت ان تفعل ذلك في كل أوقات الكوارث بل وظلت تتلاعب بالالفاظ , وقد أكد ذلك السيد والي الخرطوم في لقاء تلفزيوني أجراه معه الاستاذ الطاهر حسن التوم عندما قال (أنهم لن يعلنوا أن هناك كارثة مالم يموت نصف المتضررين وأن مايحدث مجرد أزمة
هذه هي نوعيات حكام السودان. لذلك.)
اننا نناشد الامين العام بسرعة التدخل وذلك بموجب قانون حق التدخل الانساني, لان السلطة لن تعلن عن أن هناك كارثة بل وحتى اعلامها ظل يخفف من وقع مايجري رغم بؤس الاوضاع.
كما نطالبكم بضرورة الضغط على حكومة السودان لتمليك المعلومات للرأي العام العالمي حتى تتمكن المنظمات العاملة في مجالات الغوث من ايصال معوناتها الى المتضررين بطرقها الخاصة , وعن طريق بعض الخيرين من أبناء الشعب السوداني والذين تدافعوا لاغاثة شعبهم. ولايخفى عليكم أن الحكومة ستحاول وضع يدها على كل الاغاثة اذا مرت عن طريقها وسيتم توزيعها على المحاسيب وأعوان النظام وسيرجع عائد ذلك الى جيوب المسئولين الحكوميين.
ان الصور والاخبار التي تصل من داخل السودان وعبر مواقع التواصل الاجتماعي تدمي القلوب , ويكفي أن الالاف الان في العراء لامسكن ولاغطاء ولا أكل ولادواء.
والانفه التي تتعامل بها الحكومة وكأنها أكبر من استلام الغوث , كان عليها أن تتذكر أن أمريكا أكبر دولة في العالم, وعندما تعرضت للكوارث قبلت وعن طيب خاطر كل الاعانات التي قدمت لها شاكرة وممتنه, كذلك فعلت اليابان لعدة مرات فأين نحن من أمريكا واليابان.
لكم أن تتخيلوا أن ينهار منزل أسرة واحدة مكونة من عشرة أشخاص ويموتوا جميعهم كما حدث في ضاحية أمبدة في أمدرمان. وهناك المئات ممن ماتوا نتيجة بالصعقات الكهربائية.
أو غرقوا نتيجة اندفاع السيول.
والذي لايخفى عليكم هو ماسيحدث عقب جفاف هذه المياه الملوثة بمياه الصرف الصحي وتوالد الناموس والامراض الفتاكة مثل الملاريات والدوسنتاريات والاسهالات التي بدأت ومنذ الان تتفشى في أوساط المتأثرين.
وكما تعلمون دولة فقيرة كالسودان تخصص حكومته أكثر من 70% من موارد الدولة للاجهزة الامنيه فان المتضررين يحتاجون وبشكل عاجل للادوية المنقذة للحياة وأدوية الحميات والاسهالات ويحتاجون للخيام كمأوى مؤقت ( وغالبا ما سيقضي المتأثرون سنوات حتى يستطيعوا اعمار مافقدوه) كذلك يحتاجون وبشكل عاجل للطعام والشراب ومولدات الكهرباء وللملابس, ولماكينات سحب المياه .
ويحتاج المتطوعون الى جرعات وقائيه للتطعيم.
تعلمون ونعلم طوق العزله المضروب حول عنق حكومة(المؤتمر الوطني) داخليا وخارجيا لكننا نناشدكم بسرعة التدخل وانقاذ حياة ملايين السودانيين الذين يفترشون في بعض الشوارع المرتفعه قليلا عن بحيرات المياه التي تحيطهم من كل جانب وحتى الان فان الاحصائيات التقديرية تقول أن 42 ألف أسرة في العاصمة السودانيه وحولها جاءهم العيد وهم في العراء اضافة الى الاف أخرى في مدن وقرى خارج العاصمة لم تتوفر احصائيات دقيقة عن أعدادهم. وهناك الشباب الوطنى لبى النداء من خلال حملة (النفير) لكنهم يعملون في ظروف قاسية وبامكانيات شحيحة . وغالبا ماتتدخل الحكومة وتعطل نشاطهم في أي لحظة كما حدث من قبل ولعدة مرات. .
هذه نماذج بسيطة لمايجري لذلك نناشدكم بسرعة التحرك العاجل لانقاذ ابناء الشعب السوداني المتضررين من هذه الكوارث لان الامر لايحتمل واعداد الموتى في تزايد يومي
وشكرا .
عبدالوهاب همت
صحفي سوداني
[email protected]


تعليقات 34 | إهداء 1 | زيارات 14625

التعليقات
#743326 [علي سليمان البرجو]
0.00/5 (0 صوت)

08-13-2013 10:10 PM
كيف تتحدثون عن إعلان كارثة ومطلوب العدالة الدولية ذاهب لأداء ولاء الطاعة لولاية الفقيه ولكن مائة وخمسون ألف عائلة كافية لازالة الطغيان بتطويقهم القصر ويا والي السجم ربنا يأخذ حق المساكين من جوركم


#743146 [tata]
3.50/5 (2 صوت)

08-13-2013 04:40 PM
اين شباب الموئمر الوطنى.......................
اين شباب حزب الامه...............................
اين شباب اتحاد الديقراطى...............
اين خريج روضه دار الحنان..................
اين الجيش.......سلاح المهندسين.................وينكم...
اين الحسيب النسيب ........يستجم فى الفاهرة....
اين الملايين................................... فى مالبزبا
احبائى.....اجيبونى...رحمكم الله


#743144 [عمر]
4.00/5 (2 صوت)

08-13-2013 04:33 PM
لموا من كل واحد من الكيزان وزوجاتهم عربه واحده فقط وانوا تغنوا وابدوا بعمر ونافع وعلى وما تحتاجوا اغاثه يا شعب يا جبان فضحتونا


#743003 [تينا]
0.00/5 (0 صوت)

08-13-2013 02:01 PM
كر على الفى الصوره ديل اظنهم ياهم الجابوهم فى التلفزيون قالوا طلعنا اهلنا بالبانيو بتاع الحمام فعلا الخاله دى قاعده فى بانيو ولازينها بالبانيو الحمد لله الذى لا يحمد على مكروه سواه ولاحول ولا قوة الا بالله


#742955 [ابومازن]
5.00/5 (1 صوت)

08-13-2013 01:21 PM
البشير تبرع لأثيوبيا ب 2 مليون دولار لدعم دعارة وسياحة أثيوبيا ... ثم تببرع ببناء مستشفى فاخر لجيبوتي بينما يعاني مرضى السودان في الشوارع بسبب هدم وخصخصة المستشفيات ثم تبرع لمصر ب 5000 بقرة بينما يعاني السودانيين من غلاء اللحم و اللبن الذي لا يدوقونه إلا في العيد ...


#742917 [بشرى]
5.00/5 (1 صوت)

08-13-2013 12:56 PM
انشاء الله يا عبد الوهاب ربنا يكتبها ليك فى ميزان حسناتك.عشان خاطر الناس المساكين ديل.حقيقة مشاهد تدمى القلوب.


#742897 [ابوسعد]
0.00/5 (0 صوت)

08-13-2013 12:39 PM
المأساة كبيرة واسبابها عديدة جزء منها من صنع المواطن والاخر من تقصير الحكومة سواء بسبب الفساد الضارب بأطنابه او بسبب سوء الادارة ولا تسلم معارضة الشوم من قسط وافر من المسؤلية بسبب استنزافها لمارد الدولة بحرب العصابات مما جعل 70% من الميزانية تقع في يد التمساح عبد الرحيم ويفشل في استئصال التمرد وينجح في بناء شركاته وادارة استثماراته المهم الان يجب ان تتضافر الجهود للخروج من الكارثة ثم نجلس للحساب فالحساب ولد اما الاعلام السوداني فحسابه اعظم لانه لاهث وراء المسؤلين فلان قام وفلان قعد والله المستعان















5























5


#742885 [سوداني]
0.00/5 (0 صوت)

08-13-2013 12:32 PM
حسبتا الله ونعم الوكيل فيكم


#742789 [اسد]
0.00/5 (0 صوت)

08-13-2013 11:46 AM
يا ناس ما في الحكومة- حتى المشكلة الحاصلة والواقعة الآن سببها الحكومة وموظفيها . يا ناس لو كانت هذه الحكومة رشيدة ما خططت الاراضي في مجاري السيول وباعتها الى مواطنيها . ولو كانت رشيدة ما غمضت عينها عن الهجرة العظيمة من الريف . هذه الحكومة تقتات من ستات الشاى ومخالفات المرور فكيف بها مساعدة المنكوبين _ مالكم كيف تحكمون . انصرفوا الى ذاتكم حلوا مشاكلكم.


#742788 [الفجري داك]
5.00/5 (1 صوت)

08-13-2013 11:46 AM
أذا كان الشعب تقتلة السيول والفيضانات ،فلابد أن يجاهد بثورة يقتلة الرصاص ،ويشهد له السودان
شهيداً قهر الظلم ومات ،وأبداً ماهنت ياسوداننا يوما علينا .
التحدي واجب وهؤلا الى مزبلة التاريخ ومن ناصرهم .الثورة ثورة شعب والشعب هو الذي يحدد خروجه من
هذة المذله وألآهانه .


#742707 [Mohd]
0.00/5 (0 صوت)

08-13-2013 11:05 AM
الرجاء من السودانيين

في جميع انحاء العالم

القيام بنسخ روابط الفيديو والاخبار عن هذه الكارثة وارسالها الى رجال الاعمال والمنظمات الاغاثية والذين يعملون في الامم المتحدة وكشف زيف ونفاق هذا النظام وتوضيح الصورة الحقيقية وحجم المأساة في البلد وكذلك مخاطبة الاثرياء ورجال المال والاعمال في مواقع التواصل الاجتماعي


#742664 [محسن ابو حراز]
4.00/5 (1 صوت)

08-13-2013 10:32 AM
زى ما عبدالله التعايشي ضحي بالسودانيين في مجاعة 1036 وفي كررى فالتاريخ يعيد نفسه


ردود على محسن ابو حراز
United States [انا سوداني] 08-13-2013 02:18 PM
قوم لف


#742610 [عوض والعوض علي الله]
5.00/5 (3 صوت)

08-13-2013 09:59 AM
اذا كان الناس بتستنجد بالدفاع المدني في الساعات الاولي للغرق بقول للناس امشوا المحلية ناس المحلية بقولوا ده ما شغلنا ده شغل الدفاع المدني امشوا ليه تنصل من المسؤليات يبداء من القطاعات الحكومية الي راس الدولة البقول نحن تشمل من البشير للجندي الذي يحمل البندقية
وين انتو يابشير وين جنودك في كل القطاعات من انقاذ الشعب السوداني الم ترفع شعار الانقاذ ايها البشير اسم لحركتكم الانقلابية المشئومة اين الانقاذ الذي بشرتمونا به اين نخوتكم السودانية
يكثر الكلام ايها البشير ولكنه سوف ياخذه الريح لان اضان الحامل طرشه اشحد ربي يجيكم طوفان لايخلي بشير ولاترابي ولا قيادي فيكم ولا اصغر صعاليكم


#742600 [ساهر]
1.00/5 (2 صوت)

08-13-2013 09:47 AM
سبحان الله. إذا أبتلى قوماً شغلهم بالجدل وكره إليهم العمل. ماذا يريد الأستاذ عبد الوهاب همت؟ إذا طلبت الحكومة والغوث فهي في نظر الإعلام المعارض (شحاذة) وتريق كرامة الشعب السوداني على (شوية) أمطار!! أما إذا (تلزمت وتحزمت) الحكومة وقررت أن تقوم بمعالجة الأمر بنفسها كما تفعل الدول المحترمة فهي مقصرة ومهملة ومتقاعسة. أنه لعمري جدل عقيم أبتلى به الله الشعب السوداني، فأصبحوا يتجادولون ولا يعملون.


ردود على ساهر
United States [عوض والعوض علي الله] 08-13-2013 03:56 PM
شويت امطار في عينك الناس ماتت والناس غرقت والناس اتنيلت بستين نيله وانت تقولي شوية امطار انت لابتحس ولابتشوف ولابتسمع
سؤال ليك واتمني انك تجيبني عليه ياشوية مطره ممكن توقولي ماهي الحلول او المعالجات القامت بيها الحكومة او من يمثلهم من محليات ولا دفاع مدني ولا حتي علي مستوي الولاية غير الوعود الكاذبة والتنصل من المسوليات كلام والي الخرطوم مع الرئيس في الطائرة الهلكوبتر بعد فضيحة السعودية وعد بان ميزانية الولاية سوف تسخر للمتاثرين بالسيول والامطار وتكون الولاية في حالة طواري
ياشوية مطره الناس بيوتا اصبحت في خبر كان ومأؤأهم اصبح الطريق العام لهم وعيالهم
ومازالو منتظريين منكم الحلول ماذا قدمتم لهم
احد المتاثرين يقول وهو صادق بيتهم اصبح علي الارض واهله مالاقين اكل وقال لاهله ماشي اشيل الابواب والشبابيك ابيعه عشان اجيب ليكم اكل وانت تقولي شوية امطار
ياشوية مطره الناس مرقت روحة بالهدوم العليها وانت نائم في النعيم وتقول شوية امطار هذه الحالة لانتمناها علي مسلم ولكن نسأل الله ان يكون عند احساس وتحس بالناس الغلابة وتعبانة والاحساس بالغير من الرحمة ياشوية مطرة والرحمة من الانسانية ان كنت تفهم معناها
وسرالي تاني ليك شوفك نفسك وين من شعر شاعرنا المرحوم اسماعيل حسن
اهلي يبدو الغير علي زاتم يقسموا اللقمة بيناتم
يدو الزاد حتى ان كان مصيرم جوع ديل اهلي
البقيف في الدارة وسط الدارة واتنبر كل الدنيا ديل اهلي
عرب ممزوجة بي دم الزنوج الحارة ديل قبيلتي
لمن ادور افصل ديل فصلي اصحاب روحي والاحساس
وسافر في بحار شوقم زمان عقلي اقول بعضي الاقيهم تسربو في مسارب الروح
يقو كلي محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
وانت خليك مركز في البيت القبل الاخير وقيم نفسك
فتك بعافية

[الكاهلي] 08-13-2013 01:32 PM
والله انك انت البتاع دجل وفارغة وخبث ..
اتق الله وقل كلمة حق

United States [السنجاوي] 08-13-2013 12:14 PM
وهل قدمت الحكومة أبسط المعينات للمنكوبين من إيواء وغذاء ودواء؟
هل واست هؤلاء ولو بكلمة طيبة؟
وهل عملت على فتح المصارف وشفط المياه أم تركتها لأشعة الشمس لكي تتبخر؟؟!!
حكومتك هذه في وادي والاحترام في وادي

European Union [ali taha] 08-13-2013 11:23 AM
يا ساهر احترم عقولنا


#742567 [محمد]
5.00/5 (4 صوت)

08-13-2013 09:27 AM
تبت يداكم حكام الانقاذ الفاسدين البلد غرقت وادمرت وانتو اقعدوا فراجه التحية لشبابنا البواسل في منظمة نفير ونفير نفير نحو التطهير


#742540 [ود العقاب]
1.00/5 (2 صوت)

08-13-2013 08:47 AM
الاغاثة المدد اطلوبها من الله عز وجل وليس من الكفار والملحدين يجب ان يكون ايمانيكم بالله اقوى من ذلك , كاتب هذا المقال يريد لاهل السودان الفتنة يعني كلمة حق يريد منها باطل .


ردود على ود العقاب
United States [العوض والعوض علي الله] 08-13-2013 06:30 PM
انت مش ود العقاب انت ولادة السجم والرماد

European Union [ali taha] 08-13-2013 11:31 AM
بالله لسه في عقليات القرون الوسطي ده ده كافر وده ملحد
ولنفترض كلامك صح ... باخي الكاتب معنون رسالتو ل
الامين العام لجامعة الدول العربية
رئيس الاتحاد الافريقي
السادة الملوك والامراء والرؤساء
المنظمات العامله في مجالات الاغاثة وحقوق الانسان

باخي اعد اعد

United States [Ali saleh] 08-13-2013 10:35 AM
والله إنك تستحق إسمك هذا "ود العقاب".

أي كفار وأي ملحدين تتحدث عنهم ؟ وهل من الإيمان عدم طلب الغوث؟

إنك بقولك تعاقب كل أهل السودان على ذنب لم يقترفوه إلا مرغمين وهو الصبر عليكم أيها المتآمرون.


#742509 [amal]
5.00/5 (2 صوت)

08-13-2013 07:40 AM
الكارثة الحاضرة سيول والكارثة القادمة الكوليرا
لان الكارثة هي سنين من المشاريع المضروبة في الصرف وفي الاراضي وفي الخدمات
سنين من الفساد والظلم والمحسوبية
ونصيحتي ليكم قدموا المساعدات للبتقدروا تقدموليهم المساعدات والمبتقدروا تقدمو ليهو مساعدات
قولول ليهو عندنا مشروع تاني اسمه ,
ادوني مكان ناشف !!!
والاماكن الناشفة في السودان كتيرة ابتدائا من برج الفاتح وابراج شركات الاتصالات وقاعة الصداقة والمتحف ودار المؤتمر الوطني و المجلس الوطني , ادوهم اول شي المكان الناشف عشان الناس ما تاكل وتشرب وفي المكان البتاكل وتشرب فيهو تبول وتقضي حاجته , يعني عشان اخوي الفي الصورة ده خايف على حاجاته الحارسة ده اولاده تجيهم كوليرا ويموتو لانو ما لقو حته ناشفة
وبعداك ياناس النفير انتو ما بتقصرو جيبو ليهم الاكل في محلاتهم الجديدة الناشفة
وااكد ليكم السنه الجاية قبل الخريف الحكومة حتوفر الظروف الحتخلي الناس ديل ما يجيوهم ويضايقوهم في محلاتهم الناشفة الما بتطقها المطرة ؟؟؟؟


#742502 [mustafa]
5.00/5 (1 صوت)

08-13-2013 07:12 AM
والله يا شباب المواطن السوداني مافي ارجل منو والله طلق ارجل من الحكومة واحرص منها على سلامة وحياتة المواطنين, الناس قاد تجازف بي حياتها وتشتغبل شغل الدفاع المدني عشان تنقذ ارواح الناس والحكومة بقت ما عندها دور وده افضل حل لان المواطن لو انتظر الحكومة الناس كلها حتموت في السيول دي والحكومة ولا هاميها شئ بس فالحين في الحفلات والرقيص وتنصيب رؤساء , الله يساعد المواطن السوداني ويجزيه خير الجزاء على ما يقوم به من تطوع لحماية اهله ووطنه.


#742399 [sudani]
4.50/5 (4 صوت)

08-13-2013 12:42 AM
السلام عليكم. اعلن عن تبرعى بمبلغ زهيد جدا فقط 100 دولارامريكى وارجو من اهل البر والاحسان ان يمدوا يد العون من اجل شعبنا من اجل اهلنا الذين تشردوا وتهدمت منازلهم.


#742367 [بت حبوبتها]
5.00/5 (1 صوت)

08-12-2013 11:43 PM
أحسنت


#742303 [سودانى مغترب]
5.00/5 (1 صوت)

08-12-2013 10:06 PM
لا حول ولا قوة الا بالله العظيم اللهم فرج عن الشعب السودانى وازيل عنه هذه الحكومة التى لاتعرف شيئا غير القتل والتنكيل بالمواطنين اميييييييييييييييييييييييين


#742228 [lwlawa]
4.88/5 (5 صوت)

08-12-2013 07:31 PM
نعم يجب تجاوز هذه الحكومة المارقة القاصرة غير المسؤلة ومخاطبة المجتمع الدولي مباشرة فهذه الكارثة لا تتحمل الانتظار..؟؟


#742075 [ابوزول]
5.00/5 (5 صوت)

08-12-2013 03:17 PM
ونرجع ونقول لو كانت هنالك قناة ففضائية للمعارضة للبثت ما يعانيه المواطن واطلع عليه كل العالم فدور االاعلام ككدور الكفاح لمسلح ضد الانظمة الديكتاتورية ...والموضوع ليس صعب ووغيرممكلف ولا يمكن للحكومة التحكم ففيه حيث يتم البث ععبر االاقمار االصناعية من خارج السودان.
انني اري اان تكون تلك هي الخطوة الاولي للاسقاط االنظام ...ومكن ان يتبرع ممعظم السودانين في الداخل والخارج لقيام هذه القناه .,.هذه هي الطريقة الوحىدة لايصال صوتنا لللعالم ,...انسوا الاعلام االحكومي الماجور


#742035 [كوكاب]
5.00/5 (4 صوت)

08-12-2013 02:33 PM
كل المناطق المتاثرة بالسيول والامطار يسكنها المهمشين والفقراء من الشعب السوداني والحكومة حتى الان لن ولم تحرك ساكنا ويالامس استضيف في قناة الجزيرة شخص مسئؤل بعد عرض الناس وهم في وضع بائس وعبرو عن معاناتهم الا انه انكر كلام المضررين بشكل فاضح ومقزز وان كلامهم غير صحيح وان الوضع لم يصل الى مرحلة الكارثة تخيل هذه الوقاحة وعدم الاحساس . الحكومة تريد ان يموت هؤلاء المساكين غرقا وبالاوبئة كما قتلت اهلهم بالانتنوف في دارفور والنيل الازرق وجبال النوبة وهذه تعتبر جريمة ضد الانسانية اضافة الى جرائمها السابقة ضد الشعب السوداني ونناشد المتضررين ومعهم باقي الشعب السوداني بان يتحركو لاسقاط هذا النظام الاجرامي وان تموتو شهداء برصاص النظام اكرم واشرف لكم الف مرة من الموت غرقا في المياه الملوثة او من الكليرا او من الجوع والمرض معا ومنظر حبوبتنا هذه التي على متن السفينة تايتانك هذه الم تحرك فيكم جزوة النضال والثورة من اجل الكرامة ؟


#742033 [ابو خباب]
5.00/5 (6 صوت)

08-12-2013 02:29 PM
لو البشير يضمن انو منظمة سند الخيرية حاتستلم المساعدات حايعلن السودان
منطقة كوارث غير كده ماتحلموا


#741991 [سودانى]
5.00/5 (4 صوت)

08-12-2013 01:37 PM
يموت الشعب السودانى بالسيول والفيضانات وفضائية الِروق والنيل الازرق بالامس تبث الاغانى وبرامج العيد متناسية ان الذين يعانون هم من ابناء الشعب السودانى الاصيل وهذا يوضح اعلامنا الذى يغرد فى وادى والازمات فى وادى نسال الله ان يجعله خريف خير وبركة ويجنب البلاد والعباد من السيول والفيضانات .


ردود على سودانى
European Union [ابو عزة] 08-13-2013 03:54 PM
مافي شك انو كل القنوات لم تتعامل مع الكارثة على الوجه الكان منتظروكأن الحاصل دة في بلد تاني ، أما قناة النيل الأزرق فهي تمثل العصابة الحاكمة خير تمثيل من حيث التجاهل التام لمعاناة أفراد هذا البلد المنكوب واستمرارها ببث البراج الغنائية ولللقاءات المملة مع بعض الضيوف واسرهم بصورة مستفزة لمشاعر كل السودانيين ،،الهي يارب يجيكم سيل يدمركم ويدمر قناتكم ويريح البلد من نفاقكم ولوكان مات واحد من المحسوبين علينا فنانين ديل كان عرفتو الله واحد واعلنتو الحداد، أما زي الحجة الفي الصورة دي والزيها من عامة الشعب أمرهم مابيهمكم ،، الهي النيل الأزرق المسمين عليهو قناتكم يفيض ويغرقكم كللكم من ساسكم لي راسكم،،


#741989 [ظلال النخيل/فريد محمد مختار]
5.00/5 (6 صوت)

08-12-2013 01:34 PM
الأخ الاستاذ عبدالوهاب همت -نشكرك على هذا النداء الانساني الذي كان يجب ان يصدر من حكومة الانقاذ بيد أنها لا تشعر بوجود الانسان السوداني الا في حالة تهديد كراسي حكمهاأو تآكل سلطتها على الارض عندها تسير قوافل الدعم باللواري الى مناطق العمليات ليستحوذ عليها كلاب الدفاع الشعبي وذئاب الامن.. دون الجيش
أما ما يتعلق باغاثة المنكوبين جراء السيول والامطار فهذه الكارثة هي نتيجة حتمية لأفاعيل الانقاذ وفسادها فلا ترجو منها خير. فهي غارقة في الفساد والنفاق وان كان الامر يتعلق بالمصريين أو حماس لفتحت الانقاذ صناديق خزائنها المسروقة من الشعب وتبرعت به لمصر العربية أو حماس الاخوانية كما تبرع (الريس ) للمنتخب المصري ب400000 ألف دولار وللشعب المصري ب 30000رأس من الماشية ولحماس بميزانية مفتوحة قوامها ملايين الدولارات.
أما المواطن الغلبان حاج احمد السوداني والحاجة فاطمة.... طظ فيهم....

وما زال بعض أفراد الشعب السوداني يهللون ويكبرون للانقاذ وهو يعاني الامرين الجوع والعراء ويكابد الغلاء والفساد ....


ردود على ظلال النخيل/فريد محمد مختار
United States [جمعة الكتاحة] 08-12-2013 02:28 PM
والتبرع لحزب العدالة والحرية ومرشد عام الاخوان المسلمين في مصر وكبار قادة الاخوان كالبلتاجي والكتاتني وغيرهم بمبلغ وقدره 2 مليون دولار عن المستشارية الثقافية في سفارة جمهورية السودان في القاهرة مصدر موجود وموثوق ومسجل في اوراق السفارة السوداية شوف عيني البياكلها الدود وما خفي كان اعظم يا اخ ديل ناس ديل


#741987 [البدرى]
5.00/5 (8 صوت)

08-12-2013 01:30 PM
السلام عليكم ورحمة الله وبركاته ,,,
شاهدت اللقاء الذى تم بقناة النيل الازرق واستمعت للكلام الغير مقنع والمؤسف من والى الخرطوم الذى لايعرف الخرطوم ومعتمد شرق النيل الذى لايعرف تاريخ قرى وأحياء شرق النيل والذى ذكر فى ذلك اللقاء ردا على الصحفى المحترم حسن بأن مرابيع الشريف عمرها لم يتجاوز العشرين سنة وأنا أقول له أمشى وأسأل عن تاريخ مرابيع الشريف ومن هو الشريف الذى تم تسمية المرابيع بأسمه . المرابيع ياسادة ياكرام أسسها الشريف يوسف الهندى الذى توفى فى العام 1942م وبعد ذلك صاحب العقل يحدد كم يكون عمر مرابيع الشريف أما بالنسبة لحديث الوالى عن هى كارثة أم أزمة أكبر كارثة أن يكون هو والى الخرطوم ونسأل الله أن يفرج عن الأهل بالخرطوم وخاصة بشرق النيل وأن يكفيهم الشرور .
البدرى حامد الامين
المدينة المنورة


#741980 [انصاري]
4.88/5 (6 صوت)

08-12-2013 01:21 PM
كامل إنحيازنا لصوتك الأستاذ همت


#741976 [الخفسو]
5.00/5 (3 صوت)

08-12-2013 01:15 PM
نرجو من الله أن يلطف بالشعب السوداني ، وتكون أمطار خير وبركة ، وما ننسا الحصل بعد كارثة السيول و الأمطار 88 ، يمكن التاريخ يعيد نفسه ، عسى أن تكرهوا شيئا وهو خير لكم


#741975 [SESE]
5.00/5 (3 صوت)

08-12-2013 01:14 PM
لأن النظام يعلم ان ما صنع من كارثة للسودان لهي اكبر بكثير من كارثة السيول والامطار وان كانت السيول والامطار قد اغرقت فللغرق بقية الكارثة التي صنعها النظام فلم تبق ولم تذر حتى انها افقدت النظام نفسه توازنه العقلي والنفسي فاصبح لا يدري ماذا يقول وماذا لا يقول في احلك الظروف التي تلم بالبلد انه نظام مأزوم مريض نفسيا......!!

بلد يديره نظام بهذه العقلية لا بد ان يقع في الكوارث والمصائب والمشاكل لذا فلا غرابة اذ نحن من مشكلة الى مشكلة خلال الربع القرن الذي سيطر فيه نظام الانقاذ على السودان حتى صار السودان نفسه مشكلة للعالم كله فمرة ارهاب صادر من السودان ومرة نداء استغاثة صادر من السودان ومرة قتال عبثي في السودان مزعج العالم......

نظام بتلك العقلية يجب على العالم مساعدة نفسه اولا بمساعدتها في قلعه بكل الوسائل الممكنة وغير الممكنة حتى يرتاح العالم من الشاكل التي بات يصدرها له النظام السوداني ولم يسلم منها الجار القريب ودول العالم اجمع.....

نريد اقتلاع النظام المجرم الذي دمر بلادنا واهلك من شعبنا 5 ملايين في حروبه العبثية لأننا ببساطة نريد العيش كباقي الشعوب الاخرى وبسلام دائم مع جيراننا كانوا عربا او افارقة إننا نريد فقل صفحة الحروب الاهلية العبثية التي اكلت الاخضر واليابس كما نريد مساعدتنا في درء الكوارث لطبيعية التي وقعت لبلدنا وسكت عليها النظام وهي بصراحة اخف بكثير من كوارث النظام التي إلحقها ببلدنا وسكت عليها العالم..........

نريد من العالم ان ينتهز الفرصة ويكفر عن سئاته تجاهنا لأننا جزء من المنظومة البشرية ولسنا من عالم آخر كما صورنا النظام.......


#741931 [khalid Alnubawi]
0.00/5 (0 صوت)

08-12-2013 12:34 PM
what your are saying is intirely true brother but.one thing you should have included thoe dying in the refugee camps like Darfur/Nuba moutains /blue nile as wellas eastern sudan if you are to be agood hearted brother


#741928 [القادم احلي]
5.00/5 (2 صوت)

08-12-2013 12:31 PM
نعم أملنا في كل الشعوب عرب وعجم أصحاب الضمير الحي لنجدة أخوانهم في جميع ربوع السودان جراء كوارث السيول والامطار بعد فقد الامل في الحكومة الفاشلة إداريآ الظالم أهلها الباطش أمنها الكفرة أئمتها التيس رئيسها ونناشد أصحاب النخوة والمتبرعين بأن يتأكدو من أن مساهماتهم تذهب مباشرة الي المتضررين حتي لا تبتلعها تماسيح الحكومة فأنهم يأكلون أموال اليتامي ولذلك توخو الحذر من المغضوب عليهم قاتلي الشعب


#741918 [حلفاوي]
5.00/5 (6 صوت)

08-12-2013 12:19 PM
نضم صوتنا الى صوتك اخونا همت . ونامل ان تشرف الدول والمنظمات والهيئات المانحة على تقديم العون والدعم للمتضررين مباشرة ....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة